|
تغير خطيبي لي
السلام عليكم ورحمة الله وبركاته كيفكم اخواني اخواتي الله يوفقكم وييسر اموركم يارب فيه هنا مواضيع كثيره انو الخطيب يبي اهتمام من خطيبته ويبي حب واللي متضايق من طلبات خطيبته وامووور كثيره انا موضوعي مدري كيف صاير فيه كم موضوع كتبته وتدرون اني كنت مخطوبه كم سنه وتملكت وراح اتم السنه واحنا مخطوبين وخطيبي كان بالخطبه مايقصر بالسؤال عني وبداية الملكة طاير فيني صحيح فيه امور بهذلتنا بس الحمدالله عدت طبعا تملكنا وخطيبي تعب وانا كتبت انو اكتشف انو فيه دوالي وهيك وعدت هالايام وثم يقول قلبه والحين اكتشف انو فيه جرثومه واذا نام جته توتر وماينام واللي نرفزني قول من يوم تملكنا وانا تجيني الامراض واللي قهر يحط كل شي فوق راسي ولا يعترف بخطاه وصار مهملني بقوووه اذا سويت نفس مايسوي ينجن ويسوي لي سالفه المهم يقول انا مومرتاح وماراح ارتاح وشكلي بموت وانا كذا وبنتهي ومن هالحكي كله بالله هذا حكي واحد متملك وربي اذا كلمني يكلمني بدون نفس ولا يبيني ابعد واذا قالي انا تعبان شوفي لي حل وكذا قلت له حبيبي روح سو تحليل شامل خلنا نطمن عليك ولا ينفذ هذا كله انا ابيه يرجع مثل قبل بتقولون طنشيه خطيبي ماينفع معاه كذا ابدا احس انه مويمي مرررررررره تغير اي شي اسويه له مايشوفه بس يظلمني ويهاوش ويعاتب هذي شغلته وربي مدري وش اللي قالب حاله يمكن قرب الزواج وتوتر بس انا والله مو مثقله عليه بشي وزواج الحريم انا قايمه فيه كله واصلا لا شقق راح يدور ولا حجز سفر ولا سوى شي من هذا كله طول وقته من بعد العشا مع اخوياه يرجع 3 ويكلمني ونتم ساكتين صرت اتحاشي كل شي بالله في ايش مشغول ترى زواجي باقي عليه شهرين وهو ولا سوى شي من الامور الاساسية ودي يخليني اتكلم عن حياتنا عن امورنا ودي احس اني جد زوجته ودي احس انه مبسوط بزواجنا ومهتم لا تقولون مغصوب علي لان هو اللي اختارني وخطبني وهو طالب لانه كان يبيني وضحيت وهو ضحي بالاخير كل شي تغير وربي احس اني صرت نفسيه تخيلوا صرت عصبيه ومررره نحفت لدرجة ارمي جوالي والله اني ماضغطت عليه شي وربي اني مااضغطت بداية الملكة كل شخص يجيب هدية لخطيبته جوال شريحه سالني اذا ابي جوال ولا لا وحده في مكاني وش بترد قلت له رقمي ماراح اغيره وجوالي زين من شاور ماعطي يعني وجوالي موزين وويقول اختاري الجهاز اللي تبينه وارسليه لي اجيبه لك انا يوم جبت له ماشاورته ع طول رحت وعطيته اللي يبيه والله اني مااضغط عليه بشي اي شي منه لو انه شي عادي احطه شي واو واقوله ماتقصر حبيبي ومن هالحكي انا مااهتميت بالهدايه بس ابين لكم اني مااضغطت عليه بشي وزواج الرجال اهلي كانوا بيسونه بس هو يبي يحطه قريب يم بيتهم وهيك والله حالتي زفت مو متحمله هالشي ولا متحمله اساليبه شنو اسوي معاه ودي اعرف شنو اللي مغيره اذا قلت له كذا يقول انتي السبب في ايش انا السبب هو يبي اذا غلط علي ماازعل يعني اطنش مشاعري والله العظيم مره قال لي انو جاب لي شبكه وهيك بمعني انه من علي فيها بعدها اخذت موقف وقلت له حبيبي مو بس انت اللي تقدم شبكه لخطيبتك كل شخص يقدم اخوي قدم لخطيبته واختي زوجها قدم لها وكل الناس تقوم فيها وهو عارفني اني البس الاطقم من قبل مااخذه وعارف طبيعتي وربي تصرفاته غريبه غريبه |
رد : تغير خطيبي لي
وينكم 8 مشاهدات ولا رد منكم ع اقل دعوه تريح قلبي وتريحني انا اخاف اتزوج وافرح وفالاخير ارجع بيت اهلي انا مااشك بحبه لي بس ليه تغير وشنو الاسباب وربي اني بهم كبير ودي بصراحه اصارحه بخصوص اني اكل حبوب منع حمل بس اخاف يتضايق وكذا وانتم عارفين وضعه الصحي كيف صاير وربي الوحده مبسوطه انها تملكت واخذت انسان يخاف ربه انا العكس وربي مهمومه وحزينه وربي ارحم امي لما تسالني وش فيك اخ بس |
رد : تغير خطيبي لي
|
رد : تغير خطيبي لي
آلحآل من بعضه متغير علي بعد
بس آكتشفت آلسبب طول مدة آلملكة آلسبب صدقيني |
رد : تغير خطيبي لي
اقتباس:
وآذآ قآل آبي آطفآل بآلسيآسة آقنعيه بس لازم تتفآهمون على آدق آلتفآصيل من آيآم آلملكة |
رد : تغير خطيبي لي
خليه يجررب الرقيييه ويحافظ ع أذكاره وانتي بعد
والله يفرج همك ويفرح قلبك |
رد : تغير خطيبي لي
مشكورين للي ردوا
والله ييسر أمورنا يارب جد وربي محد راضي بحاله الحمدالله ع كل حال |
رد : تغير خطيبي لي
الله يفرج همك ويؤلف بين قلوبكم
حبيبتي الزمي الدعاء وستفرج |
رد : تغير خطيبي لي
أمين ياحي ياقيوم
ربي يفرج لي همي يارب مشكورين للي ردوا |
رد : تغير خطيبي لي
خليه يروح يرقي نفسه جايز تكون عين أو شي من هالقبيل لاني فهمت من كلامك انه تغير ومرض من بعد الملكه ..
واذا كان فيه هالكلام فاعذريه ترا اللي يسويه خارج عن ارادته |
رد : تغير خطيبي لي
اقتباس:
والله ان حالتي زفت اهلي يعرفون شكثر هو يحبني ويبيني وعارفين انه رجال ويخاف ربه وانا والله عاذرته بس اهملني اهملني ماتعودت منه كذا ماتعودت هالشي يوم كامل والله انا اللي ارسله حبيبي طمني عليك دقيت ولا رد وبالاخير ارسل مسج انه طلع ولا اعتذر ولا شي تكفون اساعدوني بتقولين طنشيه مااقدر لان اذا طنشته بقلب كل شي علي وبيقول انتي ماوقفتي معي وربي صار مايشوف اللي اسويه له في كلام حلو للزوج ودي ارسله له كيف التعامل وهيك بس مني ماراح يتقبله كيف ارسله له كيف اعلمه ان اللي يسويه كذا يتعبني ذبحني التفكير والهواجيس شنو اللي غيره علي انا اعرفه ما يدور لاشقه ولااهتم بالسفر ولاسوى هالشي كله كيف مشغول جاوبوني طول وقته مع اخوياه ولا بالكوفي ويقول حالتي زفت تعبانه متضايق هالكلام يتعبني لو ادري انه راح يرتاح في بعدي بعدت عنه اذا امراضه كلها بتشفي كيف ابتزوج كيف ابلبس الفستان وانا اخاف ويجيني شعور غريب تكفون ساعدوني وربي اني بهم ابي مسج حلو ارسله له |
رد : تغير خطيبي لي
رَيحي بّالك حبيبّتي ماتسوٰى علَيك تنغّمين
مُومشكلتكَ إذا زوجكَ مٌو فآهم نفسَه اللي بينكَم بس مكالمات مّاعشتي معاه عشانَ تَعرفيِن وش اللِي مضايقّه ومخْليه للًأسف يحَط الحَره فِيك فِيه حلقّه مفقُوده بَحيآته تخفى عليك هي اللي حَطته بها الحٰاله وإذا كان يفرغ فِيك اشمئزازه مِن نَفسه هذا يِدل على قُربك منّه وحبَه لِك لًآكن لاتخلينَه يتمآدى عشان مايستهيّن فيك إزعلي اقّلبي الطاوله عليّه تمسكَني سَوي اللي ينآسبك بس لآيتخذها عآده يفش خلقَه فيّك حاولي تَفهمين شخصيته وعلى أساسها افهمّي لما يكلمك بها الحاله هل مًطلوب منك تواسِينه او تمدحيّنه وتسمعينه من الحَكي الأيجابي أو تتخذين أي اسلوب بَالظبط شوفي تقسيم طارق الحَبيب للشخصيات وبعد بوصٰلة الشخصيه شي جميييل لاتغفٰلينه ولاترخصّين نفسك عنده مهما كآن ولاتبينين له إنك متعلقّه فِيه أو مآتعيشيَن بَدوٌنه عشَان يحرص عليكَ ويخْاف يفّقدك بدال مّايظلمّك ويمن عليك وبالنسبه لموَقف الشٰبكه يمكْن فَهمتيه غلط جّايز مَاكَان يبَي يمّن قد مآيبَي منَك مدح وأطراء ... حبيبتي انتي لازم تتثقفين قبل الزواج وتَفهميّن سيكُولوجية الرَجل اقري كتَاب الرجاَال من المريخ النسَاء مِن الزهَره والكُتب اللي من هالنَوعيه مَره مٌفيده أتمنالك التوفيق والسعآده |
رد : تغير خطيبي لي
هو قالها بطريقه استفزازيه
انا ابيه هو يتثقف يتعلم كيف يعامل الزوجه عندي كلام جميل ودي ارسله بس هو يتحسس ولا يستمع ويحط هالحكي خرابيط وحاط نفسه كامل وماقصر علي بشي انا ماابي غير أشياء بسيطه مابي ماديات بس ربي يعين |
رد : تغير خطيبي لي
إن الله لا يغير ما بقوم حتى يغيروا ما بأنفسهم
مّاعندكَ عصا سِحريه تغيرينَه تغيرّي انتي عشّان يتغَير اترْكي العواطف والتحسر وفكري بَعقلانيَه ليّش وكيف الوَضع اللي عَايشته مّاراح يقدم ولايأخر وربَي يسخرَه لكّ |
رد : تغير خطيبي لي
طيب كيف انا اتغير يعني اهمله واطنشه
حسسني هو الوحيد اللي تزوج وربي تعبت منه جئته وقلت هالفتره انت مضغوط وانا مضغوطه راح نكون بعيدين عن بعض لان طلب هالشهرين اكون ميته بدون إحساس ومشاعر مقصر ويتكلم كيف اتغير وهو مايتغير |
رد : تغير خطيبي لي
غيري أسلوبك معه ببساطه .. ولاتتعاملين معه على عمآك اغهمي نفسيته حللي شخصيته اقري ن سيكولوجية الرجل
إنتي يآ مجنونه قآعده تدورين على حل سحري .. هالحل مو موجود .. بالرويه وشوية ذكاء كل شي بينحل .. أنا بسئلك وش ردة فعلك لما يشتكي !! ولما يتهمك ويقولك إنتي السبب ؟ بأيش تردين ؟ وكيف اسلوبك معه هل انتي مبينتله وش قد تحبينه ومغدقته مشآعر !! وبالنسبه لسؤالك كيف اتغير وهو مْآيتغير ! اذا تغيرتي يآحَبيبتي هو بيتغير .. بإنتظارك |
رد : تغير خطيبي لي
اقتباس:
احيان اقوله انو حبيبي انت مافيك شي بس اللي تمر فيه هو اللي ضاغطك ومن هالحكي ابين له انو مو انا السبب بس ابين له شنو اللي جد ضاغطه انا حاولت اتقرب اكثر وصرت اتغاضي وامشي لعقليته بس عيبه عصبيته ومايعرف يتفاهم والله اذا عصب اسكت وارسل كل شي مضايقني بمسج بس هو يحب نتجادل صوت وانا كم مره اقوله هالشي مو حلو بس هو يتوقعني ابي الفكه منه |
| الساعة الآن 12:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©