|
وردة ... وذبلت معاه .. ساعدوني
السلام عليكم
عور قلبي حيل توقبعي .. لان امي توفت الله يغفر لها ويرحمها برحمته .. تغيرت كثير أنا الحمد لله صرت احافظ علي صلاتي .. والسبب في ذلك وفاة امي جعلها الله في ميزان حسناتها مشكلتي .. مع زوجي اللي من جد أحبه .. وحبي له لسببين الأول لان امي كانت مرره تحبه .. ولاني اعيب علي اي مرأة عدم حبها لزوجها .. أ ينتزع مني هذا الحب انتزاااع .. اولا يستغبيني .. مثلا هو مش شايل من المصاريف شي الا الاكل والباقي من الحكومه .. ومع هذا اذا بغت اغراض حلا رفض يبي يحدني علي نفسي ( موظفه ) وبكل رحاابة صدر عاادي عندي بس الغريب انه يبي يااكل معنااا ملابس اطفالي الحلوه والغاليه مني انا ... واذا شافها عليهم يقول كنت اظنها هديه لاحد .. وهو كان يقاوس لهم الجزم ( بالعافيه عليهم لانهم اعيالي ) اللي قهرني انه صاامت علي طول اتكلم معاه بكل المجالات بس ما لقيت له مجال وحتي وان انا مليت بس انا اللي اتكلم 7 سنين السهر هو يسهرررررر ماله حزه معينه مره 3 الفجر مره 5 وربي ما اساله وين كنت ولا مع منو ولا ليش لانه لو يبي يكذب بيكذب .. بس يافشلتي من اللي يسهر ويااهم .. احس انهم يحسبون اني مقصره والله ادهر له حتي وانا تعباانه واقوم بكل واجبااته ومبتسمه .. واحسبه والله حسيبه صالح وانا محسنه الظن فيه وبالله اللي قهرني هالمره وزهقني .. سافرنا ومو انا اللي طالبته من راسه .. يعني مستعد نفسيا وماديااا وكلش تخيلووو ولا كلمه ولا بسمه ولااااا شي ... ليه كنت مررره جوعانه اشوف الناس كلهم كباب ..من الجوع .. كلم صاحب المطعم وقال له كذا وكذا طبعا الطلب لي بروحي وقال يلااا حاسبي ... وووع طبعا انسدت نفسي .. بس كليت:22: .. وعاتبته بكلمه بسيطه بدون نقااش .. لاني وربي ادور الستر وكلها 14 ريال ما تسوي بس حزه بخاطري واذا بنروح مكان يقول تري مافيه ومافيه ومااافيه .... يالله بس نبيك محرم ما تسوي علينا ( في خاطري هالكلاام ) اسمحوا لي .. انا مو مقصره معاه .. ومهتمه بنفسي .. وهو يقول انا اهم شي عندي حريتي .. واشوفه تمادي بالحريه .. بس شسوي .. هو رجال وانا مره مغلووبه علي امري .. وهو رجل صااامت وكل شي منه بالشحته حتي الرومانسيه .. ادري انه يحبني .. بس اذا صار صامت ... وع طول بري .. لا يبيني ادق عليه اذا طلع بحجه ربعه عندة وفشله تدقين علي .. اذا سالته في السنه مره عن احد من الناس يعرفه سوا مره ولا رجال يجاوب بنزاااره .. ما عمري نقلت عنه سالفه ليش حرص مدري حتي مسجات مايبي .. مره عطاني بلوك ليش .. عشان دزيت له مسج عتب .. ما افقده اذا غاب لانه ما عودنا يتفقدنا .. واذا دخل وربي اتخرع ما ادري الا فوق راسي ... فديت اخواني .. تحس لهم صوت لي دخلوا قالوا اي شي .. تفرح مع دخلتهم .. الدين نفسه امر بالاستأذن قلت له سو اي شي قبل تدخل يمكن اكون مدخله اصبعي بخشمي:26: ولا كاني قلت شي المهم انا بديت صار لي اسبوع بالحل ومرتااحه مدري صح ولا صرت ماااا اكلمه ابد ابد الا بهاك وجيب وغداك وعشاك .. جاده جدا حتي بالنظره .. ما صار يهمني ما ارد علي تلفونه الا اذا كنت ابيه انا .. اذا هو بالبيت اروح استانس بغرفتي .. اخلي له قطااوته وتلفزيونه وكل شي .. ناويه اعتزله لين يفكر بنفسه ولا شسوي معاااه مليته ومليت كل شي معاه |
رد : وردة ... وذبلت معاه .. ساعدوني
السلام عليكم ورحمة الله تعالى وبركاته
والله أني قاعد اضحك على طريقتج بالكلام ، الجوع كافر الله ياخذة هههههههه والله يا اختي مادري شقولج ، بصراحة عداج العيب ، ومايجوز والله اللي يسوية ، انتي موظفة فلوسج لك وماله دخل فيهم إلا إذا انتي من طيب خاطر حبيتي تصرفين ، والمفروض ان يكون هو مسؤول على النفقات كلها سواء كانت مصاريف اولاد او طلعات وخلافة من الامور اللي يحتاجها البيت. وبعدين انا ماني فاهم شنو سالفة لا ادقين علي لما اكون عند ارجال ، والله مو بس هو كل الرجال كذا ، بس انا ماني هاضم الموضوع هذا أبداً ، وشفيها لا اتصلت علي زوجتي وكلمتني وشفت اشعندها ماعندها حتى لو قدام الرجال ؟؟؟ ياشين الاعراف الباطلة. والله انا من رأيي الشخصي أشوف أنج عاملية مثل مايعاملج ، ولا تفتحين معاه اي موضوع مرتبط بالمادة ، وإذا زهق من معاملتج وحسيتي انه براسة مخانق ريحي بالك بينك وبين نفسك عشانها بتكون فرصة تعاتبينة فيها بكل ذكاء وتعلمينة فيها اخطائة!! بس بدبلوماسية وذكاء ومن غير تجريح!! لأن فيه أرجال الله يهديهم يعتبرون عتب المرأة طولة السان او عدم إحترام ، ف خليكي ذكية. ونسني أسلوبج والله العظيم ، الله يسعدك يارب. |
رد : وردة ... وذبلت معاه .. ساعدوني
اهلا اخي .. شكرا علي ردك..
أنا أصرف من طيب خاااطر .. لمنو بخلي الفلوس للورثه مثلا .. وبالمناسبه هو يطلب من اخذ قرض علي واعطيه الفوس .. ويستغبيني .. يقول بعد كم سنه ممكن يصير راتبي 20 واقدر افك نفسي .. وانا اعرف ان راتبه الان 20 ولكن ( معصي) .. سويت نفسي مو سااامعه |
رد : وردة ... وذبلت معاه .. ساعدوني
الله يعينك,تصرفاته أبد مو صوب السنع
معقول أختي 7 سنوات و هذا حالكم أم أنه أمر مستجد؟ و ما برأيك سبب التغيير؟ هل أنت موظفة من أول ما تزوجتوا ,,أم توظفت من كم سنة و كيف كان يعاملك قبلها هل تستطيعين أخذ أجازة بدون راتب لشهر لتعرفي كيف ردة فعله و عذر كيف هو معك من ناحية عاطفية كان الله بعونك |
رد : وردة ... وذبلت معاه .. ساعدوني
اعزائي ليش ما تشاركوني بحل مشكلتي ...
من جد انا متأزمه .. هل العيب فيني .. اني ما اساله عن شي .. يعني لاااازم اصير حنه .. وينك ووين كنت وليش ووووو ولاااا اطنشه زوود لاني من اليوم مطنشته عاااادي عندة .. ما يبي يسالني عشان ما اقول له ولااا شي لانه عارف انه طول هالفتره غلطاااان |
رد : وردة ... وذبلت معاه .. ساعدوني
هذا زمن كرامة الرجال ماتت بسبب الماااال
ينظر لمال الزوجة انه من حقه ويحب يحلبها وكأنها بقرة حلوب شوفي اختي الي عندك عندي سنين شايل يده عن مصروفات عياله وانا ويعتبر ذالك حق ويقول اول زمن بداية الاسلام ماكانت الزوجة موظفة كان طلع له احكاام ولكن الحل مؤ قتا ذكريه بالله وبحقوقك واذا رفض اصرفي واحتسبي ذالك عند الله |
رد : وردة ... وذبلت معاه .. ساعدوني
اقتباس:
اهلا بك وأقدر وجوودك انا موظفه من ثلاث سنوات ومن تزوجنه وهذا طبعه ... وهذااا طبعي فيما عدا الماده لان كان اغلب مشاكلنا عليها بس سبحان الله من ربي لما توظفت حتي هو انفتحت بوجهه بس مااا نهبته مع انه يقول لي انتي عدوتي بالماده ... وانا والله اني اعامله باللي يرضي الله لكن انا مااهمني ابد المااده .. انا ابي اغير طبعه |
رد : وردة ... وذبلت معاه .. ساعدوني
اقتباس:
الله لا يحرمنا الاجر .. هالفلوس ربي عطانياها تسعدنا ونسعد اللي حوالينا .. انا ما يهمني انا ابي احد يحس فيني ابي احد يمتعني .. ابي احد يجيني بسالفه شكل .. واسلوب شكل .. يسولف ويا الاطفال وما يسولف وياي ... ليش .. وانا اسلوبي مو شين .. ولاني دقيقه .. صااير بااايخ ... يبيني اسافر معاه ذهاب واياب ... وذهاب واياااب يقول شرايك .. طبعا مجارات له لانه الحمد لله سولف قلت اوك قال بس علي حسابج .. قلت اوك .. بصرااحه الحين وانا قاعده اسولف معاكم ... حسيت شكثر هو مادي |
رد : وردة ... وذبلت معاه .. ساعدوني
اختي الفاضلة مثل هذه العقلية التي يتعامل بها زوجك مبنية على الحرص الزائد تجعل منه شخصا يتصرف وفق مصلحته فقط :::::حقيقة اضحكتني عبارة الاخت الفاضلة جوهرة العطاء عن زوجها الذي يقول ان المرأة في الاسلام لم تكن موظفة والا كان لها احكام فعلا شر البلية مايضحك فعندما يصل بك حد تبرير اخطائك الى تخطي خطوط حمراء نزل بها دستور حياتك فهذه مصيبة فالقرآن لاتوجد فيه اية تجبر المراة على النفقة فكيف يفصل احكامه على مقياسه هل هو ارضاء لرغباته دون اكتراث بحجم خطئه ::::اعود لقضية الاخت الفاضلة مثل هذا الزوج يجب ان تجدي الطرق التي تجبره على الانفاق ومنها كما قالت احد الاخوات اخذ اجازة بدون مرتب فالنفقة حق من حقوقك عليه يجب عليه ان يؤديه كاملا شاء ام ابى
|
رد : وردة ... وذبلت معاه .. ساعدوني
أختي رعاك الله... ما ذكرتيه سابقا في موضوعك لايمكن من خلاله إعطاء حلول لك.... أنت تحدثتي عن معاناتك.... وعن سلبياته.... وهو غير مستعد لتغييرها.... وأنت غير قادرة على المواجهة وتحاولي تمشي الأمور.. يعني معقولة سبع سنوات لم تجدي له مفتاح واحد للدخول لقلبه .... معقوله مافيه ولا القليل من الصفات الجيدة.... أنا متأكد أن هناك طرق للتأثير على زوجك... لكن أنت لم تقدري على إيجادها... أسلوب الهرب وتفادي المشاكل لن يجدي... يعني بماذا يعاقبك اكثر... الهجران... هو أصلا لا يدخل للمنزل إلى بإقتراب الفجر... المصروف كله عليكي... ماذا أكثر من هذا.... حاولي أعطائنا مفاتيح للدخول إلى شخصية زوجك... لنستطيع إعطائك بعض الأفكار للتصرف معه... أنا متأكد أنها موجودة.. |
رد : وردة ... وذبلت معاه .. ساعدوني
اقتباس:
|
رد : وردة ... وذبلت معاه .. ساعدوني
اخي الفاضل مارد الجنوب
انا لا تمثل لي مشكل المادة .. وليست هي مشكلتي .. لاني انا اعطي من نفس راضيه .. وفي لحظات لو لا اريد لااا يوجد شي يجبرني .. انا كرهت صمته |
رد : وردة ... وذبلت معاه .. ساعدوني
عزيزتي ورد و ذبل
مشاركتي و استفساري |
رد : وردة ... وذبلت معاه .. ساعدوني
اختي ورد..دام انج تعطين بنفس راضيه ليش الزعل
في بعض الأزواج مايحبون يصرفون الغالي..ويشوفن هالشي تبذير خصوصا ملابس الماركه سالفة أكلج اللي دفعتيه..هذي ضريبة الوظيفة بس الحمدلله والشكر..دام ربي منعم علينا..مانحتاج فلوسهم الله الغني يعطينا من فضله الشي الحلو انج مازلتي تحبينه..وأكيد محبتج له مو من فراغ...صح لابد وله ايجابيات كثيرهـ..تخليج ماتلتــفتين للأشياء الصغيرهـ الله يديم عليكم المحبـــة..ويسعدكمـ |
رد : وردة ... وذبلت معاه .. ساعدوني
انا رجل اهبل ....فصبرك علي ......
احب دائما ان افكر بطريقه مختلف ..........لقراءة المواضيع .............. ذكرتي ...........عبارات غريبه في سردك للمشكله ...!!! قلتي ....اذا جا ماله حس ......وقارنتيه باخوانك ................ وهذا دليل على انك متاثر بعائلتك وتقارنين تصرفاته بتصرفاتهم ...ولو سالتك عنهم لمدحتيهم فانتي فخوره بهم وتستصغرين زوجك امامهم!!! يمكن صح تحليلي !!! قلتي عباره غريبه اخرى في الاخير اتركه هو وقطاوته ........!!!!! تقصدين اولادك واولاده؟؟؟!!!!!!!!!!!!!!!!!!!!!!!!!!!!!!!!! ان صدق تحليلي الفني ...الاهبل ههههه فانتي اغنى منه ماديا ....وانتي تتعالين عليه .........واكثرتي من وصف نفسك بالراضيه عندما تصرفين المال وكانك بعباره اخرى تصفينه بالبخل .......................!!!!! ذكرتي قصة 14 ريال والملابس ووووووو ركزتي على سلبياته من وجهت نظرك اضن زوجك ضحيه لافكارك النسائيه ................انتي تريدين الاستغناء والاستقلال المادي بالوظيفه .....ولا تريدين مشاركته ........ اسف جد ....لكن رايي كرجل اهبل ........................انكي انانيه .......وصورتي زوجكي بشكل سلبي لتثبتي انكي على حق .................... اتنتي تعملين من 3 سنوات ..........اذا قضيتي 4 سنوات بدون عمل واجزم ان اتفاقكما قبل الوظيف كان افضل من اتفاقكما بعد الوظيفه .........!!!! لا ادري لكني اضن ان ...الحل عندكي .....................حبي زوجك وتركي ......اهللك قدمي زوجك على الوظيفه ستفوزين به ..............................لكن تخلصي من وصفه بالبخل .........:29: |
رد : وردة ... وذبلت معاه .. ساعدوني
اقتباس:
أتقصدين أنه كان مقتر عليك قبل الوظيفة بحيث لا يحضر لك الكماليات و يحاسبك على اللقمة و كيف كنت تتصرفين؟ ما رأيك بأخذ أجازة بدون مرتب لتري ردة فعله و تقطعي الشك باليقين هل أصل المشكلة بخله المادي أو أنه رأى أن الوظيفة تغنيك و كفاية و كيف تواصله العاطفي و تلطفه معك ,,هل هو بخيل في ذلك أيضا |
رد : وردة ... وذبلت معاه .. ساعدوني
ماذا يقصد بقول عدوتي بالمادة؟
|
رد : وردة ... وذبلت معاه .. ساعدوني
اقتباس:
|
رد : وردة ... وذبلت معاه .. ساعدوني
اقتباس:
|
رد : وردة ... وذبلت معاه .. ساعدوني
اقتباس:
انا ادري انه يحبني ويحب سوالفي .. بس خلاص مليت بس ارسال بدون استقبال .. مزعج عنده قناعه ما ادري من وين جايه انه لو سولف لي عن احد اصدقاءه ... عطووول بحبه:11: .. والله زوجي مو شبابي ولا وسيم .. خشن .. رجل .. وانا والله لي عيون وتشوف بس ما عمري قلت له الا يازينك ما عمري دققت عليه بسالفه .. بس الحديث معه ما فيه اخذ وعطا .. اذا سولف تحسه يشرب ماي ما يسوبف مدري ليه .. معاي بس .. حاولت اقربه واسولف له عن خصوصياتي مع اهلي ( طيبه مو شينه ) .. مستمع مشغوووف .. بس ماغير شي يعني قربته بعدته هو هو .. انا صار عندي مشكله اذا قالت وحدة زوجي قال لي ... سيده تطير عيوني .. واقول الله يهنيها انا ما يقول لي اخيرا صديقاتي ربي يهديهم وويرفع عنهم ولا يبلانا يااارب يكلمون شباب .. وشالسوالف الزينه .. يسولف عن يومياته .. شرى فول ... كلا بصل ... المهم يسولف يعني كل الرياجيل باختلاف مواضعهم يسولفون عن اي شي .. انا اخاف زوجي يسولف لاحد لان مافيه احد ما يسولف .. ولو ما كانت مرأة ... وكانت رجل من ربعه ليش مو اناااا وبس حتي فلوسه .. واذا عالفلوس لو ما ابي اصرف ريال ماصرفت .. بس انا ابي ابين له ترى ما تسوي عندي |
رد : وردة ... وذبلت معاه .. ساعدوني
اقتباس:
الحمدلله ... عدوتي بالمال قصده .. اني بحاول افقره عشان ما يفكر يتزوج .. او مدري ايش ,, ما يدري ان اللي كاتبه الله كاتبه.. وانا مقتنعه بكذا اصلا رديت عليه وقلت ليش ماشفت الا امي ساندت ابوي وبنته .. الحمدلله ما عندي قدوة سيئه اقتبس منها .. سكت |
رد : وردة ... وذبلت معاه .. ساعدوني
لا تتركيها أختي
فقط أجازة بدون راتب لفترة ما ...... يبدو أن زوجك يريد أن يجمع مبلغا للزواج عليك |
رد : وردة ... وذبلت معاه .. ساعدوني
ما اتوقع ... او عالاقل حاليا لا
|
رد : وردة ... وذبلت معاه .. ساعدوني
:* |
رد : وردة ... وذبلت معاه .. ساعدوني
فعلا لن أصرف اي ريال .. الا علي .. انا وحدي .. لابيته .. ولا اطفالي
|
رد : وردة ... وذبلت معاه .. ساعدوني
الله يهدي زوجك اختي ويحنن قلبه عليك يارب
وبالنسبه انه مايتكلم معاك عادي زوجي كذا يسمع اكثر صرت اسكت وما اتكلم الا احيانا اختي اغلب الرجال مايتكلموا كثير |
رد : وردة ... وذبلت معاه .. ساعدوني
اقتباس:
:* |
رد : وردة ... وذبلت معاه .. ساعدوني
اقتباس:
وانا موظفة وتقاعدت ولكن لم يتغير ويعتمد علي في النفقة ولايدفع حتى في الاعياد رغم قوة راتبه ولايشكر اني اساعدة ولايزال ينظر حتى لراتب التقاعد |
رد : وردة ... وذبلت معاه .. ساعدوني
الراي امانه ..............فسمعي ....مني
في ردك الاخير قلتي ما في نفسك زوجك غير وسيم ...ولا كشخه ؟؟؟؟!!1 المشكله فيكي اقسم بالله العظيم اني صادق ..............حتى لو اغضبكي ردي المشكله زوجك بماله وجماله ووضعه ...ماهو مالي عينك ......ابدا ....... :29::29::29::29::29::29::29::29: هذا وضع افتراضي غلط انتي حكمتي على حياتك بالفشل ..................لانكي قبل وبعد وثناء هذه الحياه الزوجيه ترفضين زوجك ... عبرتي .....اكثر من مره ...بكلمة مللللليييييتتتتت ............. اختي الكريمه ............لن تحل مشكلتك لان مبداكي غلط تقبلي زوجك كما هو ..................ورضي به ...وحبيه وسيكون لكي احلى......من اي صوره خياليه .....لشخص ناجح في تجارته او وسيم او كشخه ... كلامي .......قاسي .................................لكن الصدق منجاااه :d |
رد : وردة ... وذبلت معاه .. ساعدوني
اقتباس:
وكل ما عليه .. هو يقدم لنا بفضل الله وحمده مجانا .. ما عدا المأكل .. أنا لا احسده .. ولا اتمني الا له الخير وعلي فكره حتي الكماليات والاواني والاطياب والعود .. مني انا .. ما راح يشتريها ابد .. انا اعرفه بس اذا شريتها وصارت بالبيت يبحث عنها ويكشخ فيها .. ما ادري ليش |
رد : وردة ... وذبلت معاه .. ساعدوني
اقتباس:
حقيقه .. الحمد لله انا فخوره باهلي .. ومو والله ( تميلح ) ولكن ابي واخوتي حنونين ويزودوني ما ينقصوني ابد دعني اقل لك موقف انكسرت شاشه جوالي .. ولم يكن هناك وقت عند زوجي ليصلحها فسافر .. ذهبت لاهلي واعطيت اخي الجوال وصلح الشاشه ب 500 ريال دون ان ياخذ ريال وهذا احرجني .. عندما قلت الموقف لزوجي اثناء محادثتي له هاتفيا .. قلت والله فشله من اخوي .. قال الله واكبر انحرق قلبك علي اخوك .. تعوضينه بعدين ووتهقين لو انا مصلحه كان خذيت منك ... ( طبعا بما انها مكالمه تلفونيه وهو بعيد قلت لا ) والحقيقه انه قبل كم شهر انكسر ايبود بنتي وصلحه وقال ادفعي 200 ريال لانك مسؤوله .. الا عسي يومي قبل يوم اخواني بسنين وليالي .. وارد واقول انا ماني عارفه هو بخل ولا ايش .. المهم شخصيا هو افضل مني ماديا بكثييييير لكن المبارك الله في الاربع السنين اللتي لم اكن فيها موظفه .. والله كنت اعاني .. مالي الا مصروفي .. واخذه بالحيله بمعني الكلمه:22: |
رد : وردة ... وذبلت معاه .. ساعدوني
اقتباس:
شكرا .. شكرا .. شكرا لصراحتك الحمد لله اني تزوجة زوجي هذا .. فانا احترمه .. واحبه .. ياناس اذا انا عند اهلي ولا ببيتي .. ما يكلف خاطره يقول شخباركم .. انسان ما تطلع منه الكلمه الحلوه الا بالاسئله .. انا ادري انه يحبني .. احساسي .. بس شنو .. هل اثقل عليه .. ثقل بايخ لدرجه التطنيش .. ان ارضي بحالي معناته اعيش مع نفسي .. بروحي .. وهذا اللي صاير .. وانا اسمع كل اللي حولي .. تقول والله زوجي قالي .. مره صار مع ابو فلان .. ضحك ابو فلااان ... انا ما اتذكر ولا شي .. عذرا ( ابو الهول ) بعد السبع سنين .. دائما اللوحه صااامته .. ونبقيها دااائمه لجمالها .. ان كان زوجي لوحه صامته .. ولا فيها جمال .. ( توهقنا ) وحقيقه تو اتأكد منها ( من زان خلقه ... زانت أخلااقه ) ولكني ابقي احبه ... لاحظ كررت هالكلمه اكثر من كلمه مليت |
رد : وردة ... وذبلت معاه .. ساعدوني
اقتباس:
شكواش مجرد فضفضه من ورى الشاشه ولا تلاقيكي .......مثل القطوه لحضر ابو الهول .........هههههههههههههههههه على فكر انا كرجل ...........والله العظيم اني اتصرف نفس التصرفات التي قلتيها ........... والله لو يصرف اخوها الي يصرف ....وشو اعوضه .....ما يصير وبعدين اخواتي والله اني اصرف عليهن وعيالهن بلالاف وقسم بالله ما نتظر ريال منها او من زوجها يبنت لا تصرين بخيله وتعيرين غيرس ..................ترى الرجاجيل نفوسهم وسسسيعه لا يتوقفون عند هذه الصغائر والله ماذكر اني اتصلت عليها عند اهلها اقول اشلونش .....فاضي ...ههههه ماهي في خلقتي اربع وعشرين ساعه ........................... اعقلي .............. لكن الصدق .....ان شكله ماهو عجبس وحاسه نفس مزيونه وتستحقين افضل منه ........................... نصيحة رجل ....بكل صدق .................اقتلي هذه الفكره .....فبل ان تقتل حياتك ......... |
رد : وردة ... وذبلت معاه .. ساعدوني
اقتباس:
1- لن أصرف ريالا الا فيما يخص نفسي وواجباتي ... غيرها سأدعي ما يدعيه 2- سأكون بشوووشه في بيتي .. مع الناس .. مع اطفالي .. الا هو ... سأحسسه بشعول الزماله ..دون ميانه او تدلل عله يبحث عن رضاي 3- ساطلب كل ما نحتاجه بدون تضيق .. 4- سأعيش جوي لوجدي .. ليقتله الفضول ويحاول ان يشاركني 5- سادعوا ربي ان يلين قلبه علي واطفالي وبس .. وراح اقول لكم اذا ضبطت الخطه ولا لا ولكن اعجبتني فعلا كلمة اخي مارد الجنوب .. ان بذل الغالي ( المال ) سيسترخص مشاعره ( ويبذلها ) .. شكرا للجميع ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,, |
رد : وردة ... وذبلت معاه .. ساعدوني
|
رد : وردة ... وذبلت معاه .. ساعدوني
اقتباس:
قرارك الاخير حلو و إضافه: فلوسك لا تصرفينها كلها،،، لا حبيبتي أول واهم شيء على قولة الاجانب ادفع لنفسك اولا، بما معناه خلي قرش ابيض لليوم الاسود. يعني تسيفي لشراء منزل، دراسه ابنائك الجامعية، الحالات الطارئة..:30: وكان الله غفورا رحيما |
رد : وردة ... وذبلت معاه .. ساعدوني
اقتباس:
مشكوره حبيبتي .. واوك ما راح اغيب ... راح اطل عليكم كل ما حانت لي الفرصه مع ان زوجي لا يحب ان ادخل منتديات ( تخص العلاقات الزوجيه ) بس بدخل بالسر ...:d |
رد : وردة ... وذبلت معاه .. ساعدوني
اقتباس:
|
رد : وردة ... وذبلت معاه .. ساعدوني
السلااااام عليكم
كما اشركتكم همي ... علي ان اشكرككم فرحتي طبعا زوجي الغالي .. صار لي زعلانه منه اكثر من 10 ايام ... ومو معبر .. ولكن حصل مدخل للمناقشه .. فبدأت بنقااااشه .. وقلت كل اللي بخاطري .. بس يااااربيه عليه تطنيش يقهرررر الزبده .. قال يا بنت الحلال كم لنا متزوجين .. هذا هو طبعي ما تغير .. ما اسولف .. وطبعا انا قلت له مواقف كثير معوره قلبي منه .. بس ولا شي مادي ذكرته .. ليش لاني لو بذكر شي مادي .. خلاص بيفقد اعصابه وبيكرهني .. وثانيا انا خلاص مو ناويه امد ريال .. فلو ناقشته .. كأني فطنته علي التصرف اللي بسويه بعدين .. المهم .. قال لي بكل برووووووود .. شوفي انا لو ما احبك ما كان جبت لك هالهديه واحنا مسافرين .. طبعا انصدمة .. وفرحت .. وما فرحت .. برووود .. بس جزاه الله خير.. وقال كل زعلي منك ليش سويتي كذاا ( شي خاص ) .. بس شوفوا كاااااتم اكثر من عشر ايام .. ادري تبون تعرفون شالهديه .. محفظه فلوس من هيرمز ..( اللي بجمع فيها فلوسي :d ) وسلاااام :17: |
يالعمر اللي راح خساااااااااااااارة
السلام عليكم ورحمة الله وبركاته
تكفون وجهوني .. أنا من جد مالي أحد بعد الله غيركم .. بقول لكم السالفة .. وانتوا لو تكونون ضدي عادي بس ابي احد يوجهني .. لانه عندي استعداد اخسر بيتي ولا اعيش هالاكئاب انا متزوجه وعندي 3 أبناء .. من سبع سنوات .. احس من بدأت الاجازة بدأت مشكلتي .. وقد طرحتها هنا http://www.66n.com/forums/showthread.php?t=237570 بعد ما ردينا وبعد ما صلحتوا الموضوع طحت علي مسجات من صديق له يرتب فيها موعد مع مجموعه من بنات وزوجي طرف فيها صارت لحظتها مشكله كبيره وكنت بشيل قشي لاهلي .. بس انه فهمني انها مسجات من زوجه الرجل ترسل من جهاز زوجها لزوجي بالغلط .. صدقت أو ابي اصدق مدري .. بس عدت ولكن لو فرضنا ان زوجي فعلا خلوووق جدا وعساه يكون كذلك الا ما يكون للموضوع اثر صح..؟ يعني صارت لحد الان ضربتين في راسي .. من شهر جا زوجي الغالي .. وقال يا ورد انا بعطيك كل شهر 4000 ريال منها ( ركزوا معاي ) 1500 ماكلة بيت .. ولو طلبتي ريال يكون سلف اخذة الشهر الجاي و800 راتب شغاله و250 استقدام شغاله بعد سنتين لو حابة بعد سنتين 6000 و500 سفر لو حابه تجمعين بعد سنتين تكون 12 الف و950 اغراض لاطفالي مننها حليبهم وحفايضهم وما الي ذلك تبين ماعون ولا اثاث منها لبن خبز منها .. وابي اكوون مرتااح .. ولا راح ازود ريال تبين مطعم تمشية منها طبعا .. 1500 ما كفت الماكله مع اننا كنا اغلب هالشهر عند اهلي ولا فيه ضيف ولا غيره .. أطفالي مدارس وعيد ولا كفت .. حاولت اسلم ع راتب الشغاله وتقديم القادمه وحقت السفر مع انه مااا فيه بس كذا بطااوعه طبعا اي زياده انا زدتها من عندي للماكله ولاطفالي .. برايكم هل استمر باخذ المصرووف .. ولا لا .. اخاف اقول لا تدبس في راسي تقديم الشغاله لانه بيقول ما عندي .. تتوقعون ما كفت لانه كان عندنا مناسبتين ( مدارس وعيد ) مع العلم ان الماكله ما كان فيها لا لحم ولا دجاج ولا خرابيط يعني اساسيات بس مدري انااااااااااااااااااااا ما ادري .. بس ضاايقة نجي للاهم .. حسيت ان هذي هي الضربه الثالثه اللي جتني ..لانه حزم وياي بالصرف يعني صار معامله رئيس ومرؤوس صرت امد له العشره ريال عشان يجيب زبادي .. مع انها من فلوسه وحلاله بس مدري احس خلااص الود اللي بيننا رااح اللي فيني بعد .. انا من عام جدي ودي اسافر .. لاني مريت بظروف الله العالم فيها وانا ماشالله علي شايله عمري لو سافرت بس ابي خوي .. وابيه معاي لاني كنت احبه المهم كل الناس كلهم اللي اعرفهم واللي ما كانوا يصلون للرياض راحوا اوربا .. معليش يمكن عقلي هنا صغير .. بس انا بحاااجه السفر .. والسفر له 7 فوائد .. ولا قدر بسبب ظروف مقنعه بس جد انا لو كانت الظروف مقنعه انا ما قنعت نفسي ..للاسف غير انه يقول لا تدقين علي .. لا تقولين ايش اخبارك بالتلفون ولا احبك ولا بطيخ ... يوووووه ... احس جد حتي وانا جنبه .. والله لو خاطري اضمه تعجز نفسي .. احس انة دفن الشعوور اللي فيني ... وخلاص مااات ... وربي مات الشعووووووووووور صرت انسى تعرفون شنو انسى ... انسى ادق عليه او اكلمه .. ما يفز قلبي لي دخل البيت .. ما تلفتفت له عيني ... ما اشتهي احط روج عشانه .. يوعدني باشياء .. وادري انه صادق .. بس ما عاد فيني لا صبر .. ولا نفس انا احس باكتئااااااااااااااااااب .. قلت ابي اجرب الشهر الداخل امسك المصروف .. بس ان عجزت خلاااص ماراح امسكه .. ولاني قايله حط او سوى كيفه بيته وعياله .. كلهم بوجهه .. بس والله احس عمري فني وراااااااح كثير اتمني اني ما تزوجت .. يمكن الحين تفكيري افضل بالاختيار .. ماراح اخذ واحد عنده ظرووف .. وطموحات تتحقق ولا لا يمكن اغلب الرجال ما يعجبه تفكيري .. بس جد يالحياه اللي ما عليها حسوووفه .. نشقي ونشقي .. وبالاخر نموت وياليت سوينا ولا حطينا ... انا اكره الحياة بس ابي اكون بروحي .. حتي اهلي مدري احس عفتهم ... افكر اقطعهم .. احس خلاص امي توفت .. منو بينصحني او يواسيني او يقول لي هذا صح ولا غلط وهو صاادق .. ما لقيت احد صادق ما لقيت احد يفكر فيني .. يااليت القبر جد ضمني وياها .. ياااااااااااااااااااليت .. قولوا لي شسوي .. ودي اروح لاهلي بروحي .. ارووق .. بس اطفالي .. واهلي ماراح يخلوني .. مدري بس من جد تعبااااااااااااااااانه علي فكره هو يقول انا عطيتك المصرف عشان تاكلين تبن تكرمون .. بس الحقيقه اني انا قبلت فيه عشان هو اللي يسكت .. ولا انا مو نايبني غير الهم صح انا ولا الأهم |
| الساعة الآن 05:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©