|
يبيني ادور لنا شقه
السلام عليكم ورحمة الله وبركاته
انا حابه أخذ رايكم خطيبي خذي رأيي بالسكن قال وين تبين تسكنين بالسويدي ولا بمخرج 9 عند اهلك انا طبعا قلت اللي يريحك عادي المهم هو فكر انو جامعتي قريبه يم بيتنا ودوامه قريب وعارف انو يمكن احتاج اهلي باي وقت خاصه خطيبي يداوم خارج دوام واحيانا يروح مسائي فاهاي احسن وفي نفس الوقت سواق اهلي واختي بنفس الجامعه يعني ليرتاح من هم المواصلات واهله راح ينقلون عندنا بس مدري متي المهم طلب مني أدور شقق انا ماعندي احد يروح يدور له وأهلي والله ماراح يقصرون بس مشغولين وانا حاولت اجيب له أرقام شقق الحين هو قهرني بامكانه يروح ويدور هو احيان طول اليوم نايم انا مو فاضيه وأهلي مو فاضين اللي عرفته عطيته غيره لا وربي اني بهم مفروض بجي ويدور بس شاسوي فيه |
رد : يبيني ادور لنا شقه
لا تسوي شي
واذا ما دورتي ايش يصير؟ ما تتزوجو مثلا؟.. ولا تسكنو في الشارع ؟ اكيد مو معتمد عليك اعتماد كامل بس يبغى يشاركك ويبغاك تحسي انك تساعدي قولي له اوو عجزت مم مما لقيت وبس.. وبعدين هذا شغل الرجال لا تعوديه تشيليه من عليه ممكن تساعدي بس انك تشيلي هم وشعرك يبيض . لا. |
رد : يبيني ادور لنا شقه
يمكن يقصد ..اسالي صاحباتك ..او قريباتك الي جمبكم بمخرج تسعه ..
الي ساكنين بشقق .. او اذا اخوانك ساكنين بشقق ..استفسري اذا فيه امكانيه .. اما لو يبيك تروحين تعرببنين االشقه ..وبالطريق تنقيق الاثاث .. وتحجزين القاعه .. قوليله طال عمرك ..ماودك اروح للعياف اخذ لك بشت ..؟؟؟؟؟؟ |
رد : يبيني ادور لنا شقه
اولا انا ماادري عن شي مافيه الا اختي ساكنه بشقه واخوي مو موجود بالرياض
هو قال عطيني انا عطيته اللي اعرف بس انا عرفت انه هو يبي اهلي يدورون لان امه قالت هالشي له قالت خل انسباك يدورون لك حوليهم يمكن يبي يسكن بعماير الوالد بس كلها فل وحده توها جالسه تنبني عن مااعتقد يفكر كذا لأني اعرفه هو لو يبي كان راح دور انا اعرفه اكثر يرجع من الدوام ينام ويصحي 11ولا 10 ع حسب وان صحي بدري راح وجلس بالكوفي انا وأهلي مسالمين ومايهمنا شي ابداً بس مو اني اخلي إخواني يدورون انا اللي علي عطيته رأيي وعطيته الاحيا الكويسه والمناسبه وسعرها معقول غيره مااعرف |
رد : يبيني ادور لنا شقه
حبيبتي فرصة وجتك لعندك نحنا بنتمنى نختار سكنا بنفسنا اختاريه بنفسك وبالمواصفات الي تحبيها
|
رد : يبيني ادور لنا شقه
يابنتي
الرجال هذا و عيلته، لو تزوجتيه بتجيك كل الامراض و بيقصر عمرك متأكدة انك استخرتي ؟ و اذا بتكملي معاه، لازم من دحين تكوني قوية و تتحملي نتيجة قرارك اللي نابع من قلبك مو عقلك |
رد : يبيني ادور لنا شقه
شلون يقولك دوري شقة ؟؟
أطلبي الطلاق بصراحة وضعة ماينطاق تحملتيه بما فيه الكفاية !! وخلاص جا الوقت اللي تفكري فيه بنفسك صحيح أصحاب العقول في راحة الله يهدينا وياك وكل مسلم !! |
رد : يبيني ادور لنا شقه
اقتباس:
لا تسوي شي ... أعطيه الأرقام اللي حصلتيها وقول له هذا اللي قدرنا عليه والموضوع يحتاج أنك انت الحين تتصرف وتجي تشوف بنفسك . اذا شفتيه اعترض ومو عاجبه الوضع ومعتبر انه هذا من واجباتك فمعناها انه انسان اتكالي وكسول ولازم تعيدي نظر وتستخيري وتشوفي اذا انتِ تقدري تتحمليه لأنه بالمستقبل بيمشي بكل أموركم الحياتية بنفس الطريقة لكن ما تتخذي قرار قبل ما تتاكدي من وجهة نظره .. يمكن هو يبغاك بس تعطيه فكره وناوي فعلا يجي ويشوف بنفسه ... أو فكر انها سهلة عليك وما عندكم مشكلة بالموضوع . |
رد : يبيني ادور لنا شقه
والله كل شقق نفس ماهي ونفس المساحه
اهم شي هو يختار ويشوف وتكون امنه انا وراي امور اهم منها انا بقوله روح استغل يوم الجمعه وروح دور بشوف شنو رده انا عادي الموضوع بس هو انا اهلي مشغولين ولا لو فاضين كان |
رد : يبيني ادور لنا شقه
اقتباس:
:d:d:d ما اشوف فيها مشكله طلب منك البحث عن بيت انتي بعد بتسكنيه ليه تضايقتي ؟! اذا ما استشارك زعلتي واذا استشارك وطلب مساعدتك برضوا تزعلي !! |
رد : يبيني ادور لنا شقه
خطيبك مو حاط الزواج براسه
يبغى يعيش ايام حب و بس، بدون مسؤولية و لازواج و لا بيت و لاشي الدليل انه طوال فترة الخطوبة و هو ماشي تمام لكن من يوم صارت الملكة و انحط هو امام الامر الواقع بدأت المشاكل و الاتكالية تظهر اكثر تبغي تستمري معاه، لا تخففي عنه و لا تعوديه عالكسل خلييييه يتحرك و خليك أبرد منه و خلي أبوك يتفاهم معه بترتيبات الزواج و نورة و سيدة الموقف نصحوك باخر موضوع لكن ما سمعتي لهم بالتوفيق |
رد : يبيني ادور لنا شقه
اقتباس:
اختي مجنونه ( بصراحه اترددت اكتب اسمك ) راجعي نفسك مو هذا الرجال اللي يقول لحرمه دوري على شقه ,, المعلوم انه هذا شغل رجال مو شغل حريم لو انتي مقتنعه فيه تغاضي وقولي له عندي اشغال كثيره ,, دور انت |
رد : يبيني ادور لنا شقه
اختي ..خطيبك يدري ان ابوك عنده عماير ..؟؟؟؟؟؟؟
اذا عرف السبب بطل العجب .. وامه تلمح له ..ماتبي الخساير لولدها .. |
رد : يبيني ادور لنا شقه
انا والله لو اهلي فاضين عادي كان خليتهم يدورون بس اهلي مشغولين مو فاضين
وانا قلت له روح دور وعطيته الحي اللي قريب يم اهلي خطيبي صحيح انو يبي يريحني ويبي ياخذ رأيي بكل شي ويبي يسوي اللي انا ابيه بس هالشي يضايق ويتعب انا احب انه يسوي اللي عليه وياخذ رأيي. فيه مثلا ياخذ رأيي بالغرفه بالبوية بالصاله لان الشقق الحين صغار وماحد يزور احد اللي يجتمع صا يجتمع بالاستراحات وهو فاهم هالشي انا يمكن هو يشوف اهلي يسوون اللي ابيه بس مو كذا هو ياليته قال ابي أخذ راي أبوك بالشقق وكذا لان أبوي فاهم بهالامور قال دوري لي شقق حولكم وهذا اللي يضايقني حتي بالسفر أخذ رأيي وانا اخترت دوله بس مدري بروح اللي اخترتها ولا لا علما ان انا مو من النوع اللي اقوله اللي نفسي فيه يعني بياخذ رأيي ويعطيني خيارات عطيته رأيي عطاني النمسا ولا تركيا ولا اسبانيا انا اخترت اسبانيا بس احس انه بياخذ تركيا وانا بصراحه ماابيها رحت لها كثير ومليت منها انا استغرب تصرفاته ياخذ رأيي وأعطيه رأيي واحس انه ياخذ العكس خطيبي صحيح ان فيه ميزات مو حلوه بس فيه ميزات احلي واهم مثلا ماشاءالله راعي صلاة والحمدالله مايدخن وماشاءالله بار بااهله الله يكتب اللي فيه الخير |
رد : يبيني ادور لنا شقه
يبدولي انه شخص اتكالي من الدرجة الاولى
ويبي يريح راسه لو كان يبي ياخذ شورك كان عرض عليك عدد من الشقق وانتي تختارين وهكذا اما يخليك انتي تدورين صعبة الموضوع يبيله احتكاك بالرجال , وهالشيء غير مناسب انا اقول دامنه ورطك بهالموضوع ورطية اختاري اطلق شقة على كيف كيفك ولا يهمك السعر وخليه يدفع :-) تقدرين تتصلين على المكاتب العقارية وتقولين لهم مواصففات الشقة اللي في بالك ويحددلك ثنتين ثلاث روحيلهم ان شاء الله مع امك والسواق واختاري وحده وخلصنا بعد الزواج شدي عليه ولا تخلينه يعتمد عليك في امور الرجال |
رد : يبيني ادور لنا شقه
أخاف اسوي نصيحتك وشقق غاليه عليه
وبعدين اسكن بالسويدي انا والله يوم دورت وبحثت ادور الشي المعقول عليه هو عارف اهلي انهم مايتدخلون ولا يتكلمون وعارف انهم اهم شي عندهم سعادة بنتهم عماير أبوي بعيده عن حينا وإخواني وهم إخواني مافكروا فيها يجي هو يفكر فيها ان خذيت شقه من أبوي راح انحرم من المصروف الشهري من الوالد طبعتهما ماقلت له ان كل شهر يجيني مصروف علشان مايعتمد ع اللي يعطيني أبوي لانه ماله دخل فيها مشكوررين للي ردوا وبشوف شنو تاليتها معاه |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©