|
خطيبي يقول مابيك
سسلام
كيفكم؟؟))ان شاء الله تمام بدخل في الموضوع ع طول طبعا خطيبي يكلمني كل يوم ع المسن او الواتس المهم تقريبا مول كل يوم ينعاد بس قبل اسبوع كان في شي غريب كلمني وقال انا مابي اتزوجك :(بروح اكمل دراساتي برا وماراح ارجع السعوديه مره انا قلتلك من بدري علشان ماتقولين بعد ماعلقتني فيك تقول مابيك انا مارديت عليه اليوم الثاني النتايج حقت المدرسه طلعت سولي سالفه علشان ماقلتلو وزعل بعدين يقول اش فيك متغيره اذا ع الكلام الللي امس انا كنت معصب وكاره نفسي واسف والله احبك))ومن هذا الكلام.... انا ماعلقت ولا ع شي مو عارفه وش اسوي احس اني مخنوقه له اسبوع هذا الكلام بس ماني طايقته ع كيفه مره يبعاني ومره لا:( بس ابي رايكم تكفون اقوله اني متضايقه من الكلام اللي قاله ولا امشي وسكت بس نفسي احسسه انه غلط وكلامه جرحني هو قلبه طيب ومافي زيه بس تجيه حالات احس اني متشتته مو عارفه وش اسوي الله يسعده اللي يرد علي |
رد : خطيبي يقول مابيك
والله يااختي ماادري وش اقول لك بس بعض الاحيان الشباب يجي عليهم ضغوط يكرهوا انفسهم انا اذا عصبت من حاجه اقول اشياء وارجع اندم عليها
انا اقول لاتخلينها تعدي يعني عاقبيه عليها بس لاتحكمين عليه وتكرهينه واذا تقدرين تدخلين احد في الموضوع احسن لانه مااادري عن خطيبك بس يمكن بعد كم سنه ينفذ اللي براسه ويتركك اقصد بعد الزواج الله يوفقك |
رد : خطيبي يقول مابيك
خلي ابوك يكلمة ويقولة اذا بتاخذ بنتي وتصونها وتعزها والا خلها عندي خلية يحرجة ويفشلة وانتي ازعلي
المهم خلي ردت فعلك قوية مايفكر يعيد لعب البزران هذا هو شكلة مضغوط وخايف من المسؤلية لايضيق صدرك على الكلمة اللي قالها موفقة يارب |
رد : خطيبي يقول مابيك
اثنيتن جدهما جد وهزلهما جد منها الزواج
مهو بكيفه شوى أبغاك وشوى لا شكله مايعرف قيمة الخطوة اللي مقدم عليها السؤال هل يعتمد على نفسه أو لا؟ أنا ماراح اسألك عن عمره لأن البعض قد يكون كبير في السن لكن رصيده في الحياة صفر |
رد : خطيبي يقول مابيك
اقتباس:
|
رد : خطيبي يقول مابيك
مشكورين ع الردود
بس خوفتوني حبتين ماكنت ابي احد يدري بس ع كلامكم لازم حد يدخل بالموضوع بس اخاف يزعل هو من النوع لو قلتله اني متضايقه منه يقعد يدعي ع نفسه بالموت ويقول انا حقير من هذا الكلام واطر اسكر الموضوع لاني ماحب اسمع كلام كذا وينتهي الموضوع!!! السؤال هل يعتمد على نفسه أو لا؟ تقريبا يعتمد ع نفسه بس مو في كل شي!!! |
رد : خطيبي يقول مابيك
عزيزتي~ ¤تأويل تصرفه قد يكون قالها وقت كان مضغوط فيه ومنفعل فزج بها كنوع من التفريغ..
¤أو ربما قالها ليعرف ردة فعلك فيقس بهاعلى مكانته وحبك له.. وبكل الأحوال تصرفه يدل على عدم أدراك حقيقي لما يقوله.. فمن رأيي ان ترسلي له رسالة عتاب تستهلينها بتبين محبتك ومعززتك له..ثم تقولين: في مثل كلمتك ﻻينطق بها الشخص اﻻ ويعينها. .الأمر خطير واتمنى انك ماتكررها.. فلو أنا الي قلت لك ﻻأريدك ماذا ستكون ردت فعلك؟!وكيف سيكون وقعها عليك؟! |
رد : خطيبي يقول مابيك
يمكن قلك كذا بلحظه غضب
لاتكبري الاموور |
رد : خطيبي يقول مابيك
لحظة غضب..أو أنتي قلتي له شي ضايقه وأنتي ماتحسين...
والله الزواج اكبر من هالمواضيع...قال وقلت....أين أنتم عن حياة الرسول الزوجيه...علية الصلاة والسلام |
رد : خطيبي يقول مابيك
هذي مشكلتهم الرجآل لا قآل كلمةة وحس بعدين انه بيتورط فيهآ قال كنت معصب ,!
كلنآ نوصل لمرحححلة الغضب بس ليس الشديد بـ الصرعه الشديد من يتمآلك نفسه عند الغضب ,, بالذات ه المرحححلة وقت الملكة جدآ حساسه ينبغي لهآ مراعاة وذوق لـ آنه عليهآ كل من الطرفين يبنون ثقتهم ومحبتهم ويعرفون شخصية وَ آخلاق بعض وهل ينفعون يكملون مسيرة حيآتهم آو لآ .. عمومآ غآليتي .. زوجك شكلة بعد غير مدرك لمآ هو فيه وغير مدرك انه بيتزوج وبكون اسرة من كلامك ودعائه على نفسه بالموت,! حسسيه انه غلطآن وقوليله الا ه الموضوع فيه مصيريه لانك تقول مآ آبيك ومآفي بنت ترضى على نفسهآ .. الله يوفقك ويتمم امورك على خير .. |
رد : خطيبي يقول مابيك
خطيبك عمرة ما يزيد عن 24 سنة
وانصحك بعدم الاستمارار بالمحادثة على المسنجر واعتذري منه قولي المسن مو راضي يفتح النت مقطوعة خلية بعيد عنك وانتي بعيده عنه فترة اسبوع او اسبوعين كل واحد فيكم يجلس مع نفسة ويفكر زين من غير ما تطلبون من بعض التفكير في العلاقة التفكير راح يجي تلقائي بعد اسبوع راح يبين كل شي في استقباله لك لو كان كلامه اكثر شي عن مفاتنك فهدفه الاول من الزواج نزوه جنسية وبعد ما يحصل عليها بعد الزواج راح يموت كل شي حتى الحب وان كان عن الحب والشوق ويسئلك عن نفسك واحوالك فهو يحبك ولكنه مشتت بين مرحلة العزوبية او الارتباط والله يوفقنا وياكم |
رد : خطيبي يقول مابيك
نصيحتي لكِ عزيزتي .. ان تُعـآقبيه ولآ تجعليه يعيد هذآ الكلآآآآآم شو يعني انتي لعبة شوي بدي يـآكي وشوي لآآآ وهالشي قبل الزوآج يعني بعد الزوآج شو رح يحكيلك ؟؟؟ او انك تدخلي حد بالموضوع لحتى يحس بأنه الي حكآه شي كبير مو شي بسيط لانه اذآ عديتيها رح يزودهـآ كل مرة ويرجع يحكيلك كنت معصب !!! اللـــه يوفقك ويسعدك يـآرب |
رد : خطيبي يقول مابيك
قوليله بهدوء سالفة المسج البي بالماسن ترى مشيتها بمزاجي لان اعصابك تعبانه وقلت مابي اضغط عليك زياده اما اذا تكرر الموضوع مره ثانيه تفاهمك مو معاي مع ابوي بالله تخيل الكلام يجي مني واقول مابيك بتركك وش بيكون شعورك
وقفلي الموضوع والله بيندم ويستحي على وجهه |
رد : خطيبي يقول مابيك
سوى حالك زعلانة لفترة
وفهمه أنك تريد تدخل والدك بالموظوع لان هذه زواج مو لعبة خليه يحسب حساب لكلامة ألف مرة قبل ماينطقها مرة ثانيه ولو تكرر الموظوع سلمى الموظوع للرجال فى عيلتكم |
رد : خطيبي يقول مابيك
أنصحك نصيحة أخت تخشى وتخاف على أختها
أعيدي النظر في هذا الرجل واخضعيه لمقاييس الرجولة المحمدية عليه أفضل الصلوات وأتم التسليم وركزي على كل كبيرة وصغيرة في حياته من دين وأخلاق ومعاملات فالزواج حياة أبدية وإن فشلت هذه الحياة أول من يكتوي بنارها المرأة.. |
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©