السلام عليكم ورحمه الله وبركاته

اولا اعتبروني بنتكم او اختكم وانا والله ابي المساعده ولاني لعابه زي ماقال واحد قبل
انا خلاص بستسلم للواقع وابي اعيش عادي معاه
وابي توجيهاتكم زي ماتوجهون اخواتكم
اهلي موب عارفين بالمشكله اخواني واخواتي ما يعرفون عني شي ولا احب اقولهم لانهم نقالين حكي
اختي نوره هي الوحيده اللي احبها من بينهم والحين عندها همها ولا ابي ازعجها فيني ولا عاد اشوفها ولا اكلمها زي اول


اختي مره كتبت لكم هنا عني قبل كم شهر
وحسبت المشكله انحلت
هذا الرابط
http://www.66n.com/forums/showthread.php?t=229134


انا تملكت عليه بشهر 4 في عطله الربيع اللي اسبوع
بعد كلام ابوي معي يقولي انا تعبان الحين وخذيه انا عارفه وعارف اصغر اسراره يعني مأتمن عليك عنده
وانا طول الوقت ابكي امي اخواتي كلهم طاحوا علي فجأه كلام
اختي الكبيره مره تكرهني تقولي انا تزوجت وانا اصغر منك بالغصب وش زودك عني
واخواني يقولون لابوي اضربها خلها تعرف ان الله حق
كلهم يضغطون علي من جهه
وتملكت عليه وانا احس اني ماكله هوا يعني ماستوعبت فكره اني وقعت عشان زواج
بعدها قلت خلاص انا مثل مايقولون حقوده بحاول اغير هالشي واكلمه عادي كلمته يمكن شهر كنت اتكلم معاه عادي وعشان تتأكدون اني كنت ناويه اتغير ويصير عندي عادي كنت مسجله صوته وهو يتكلم وصورته عندي عشان بس اتعود عليه
بس ماتحملت كل شي اكرهه فيه ينرفزني
اكره صوته ووجهة ابتسامته اشوف فيها خبث والله ماقدر اتحمل اشوف وجهه

انا ما اقولكم انه شرير هو طيب مره
يعني بالبدايه شرالي هدايا وعاملني باحترام كثير بس اذا هالشي جاء من شخص ما تستلطفه يصير شي مزعج

انا ماكتبت هنا الا لما صار موقف كرهت حياتي وكل شي
قبل 3 اسابيع يمكن (موب الجمعه اللي راحت ولا اللي قبلها ، اللي قبلها) < يارب تفهمون
دق علي الفجر قالي صحيني لصلاه الجمعه الساعه 9 قلت طيب
دقيت 9 قالي خلاص 10 ونص دقي بنوم شوي
بس انا نسيت ودخلت اتسبح
يوم طلعت دق علي وصار يصارخ علي ويقول صديقي يوم تملك محد يصحيه الا زوجته ومحد يسأل ويتطمن عنه الا هي وانتي ليه ماتصيرين زيهم وربي بلاني فيك قلت دامني بلوه وتبي زي الحريم خلاص اتركني وترى مهرك مالمسناه بس دق على ابوي وقوله رجع يصارخ ثانيه انتي اصلا هذا اللي تبينه وانتي مريضه كلام كثير عصبت وسكرت بوجهه

بعد الصلاة جاء لابوي هو صار يجي كل جمعه بعد الصلاه يتغدى مع ابوي ورسلت له اني اسفه عشاني سكرت بوجهك لاني ماتعودت اسويها مع احد وهو اعتذر انه قال عني هالكلام بعد هالكلام قلت خلاص الجمعه الجايه بنزل اسلم عليه ولبست زين ونزلت له طبعا قلت لابوي قبل وجلست معاه مع ابوي جلسوا يسولفون عن خطبه الجمعه وانها حقوق الزوجين في الاسلام زي كذا قالي ابوي حنا يومنا كبركم انا وامك كنا نمدد رجولنا اذا رجعنا من المزرعه وكل واحد يهمز رجل الثاني قالي ابوي انتو بعمرككم لازم تطيعون ازواجكم وتهمزون رجلين بعض عشان يعني اذا كبرتم تتذكرون قلت يخسى اهمز رجلينه وانا والله والله نسيت اللي جنبي اسمه زوجي نسسيت ولا جا ببالي ماتخيل اني الحين متزوجه
جلس ابوي يصارخ بوجهي بقوه لدرجه من الخوف اغمض عيوني وكل شي فيني تجمد قال فهد خلاص اطلعي فوق لما يهدى والله كرهت حياتي كرهت كل شي
كل شي صار فجأه وانا بعد اللي صار ماكلمته هو يدق وانا مارد ولانزلت تحت من 3 ايام كارهه كل شي وابوي يقول للخدامه ناديها تنزل تتغدى ولا لاتطلعين لها الاكل
وهي تطلعه بدون مايدري كارهه كل شي
وانا موب قصدي اقل ادبي عليه بس نسيت وش يصير هو

انا ابي اتغير بججد ابي انسى لو تعطوني شي يفقدني الذاكره عادي كلته
ساعدوني انا توني صغيره بجد ماعرف اعامل زوج واحس بيننا حواجز كثييره كيف اكسرها
كيف اعيش عادي معاه
زواجي 4 يوم بالعيد

المشاركة الأصلية كتبت بواسطة نيوتيلا (المشاركة 2816526) حبيبتي في قسم ساعدني انصحك تنزلي فيه موضوع تطلبي استشارة مختصين مثل الاخ البليغ والاخ رجل الرجال والله يلهمك سبل الرشاد ويفرج همك ويكتبلك اللي فيه الخير يارب

المشاركة الأصلية كتبت بواسطة روح الطير (المشاركة 2816545) اهلييييين لما افتكرناك ياحلوة و قلوبنا معاك .. يمكن هو صرخ هذيك المرة وقت قال لك تصحيه، لانه حس انك مانت متقبلته ؟ و بجد لازم تطلبي مساعدة رجل الرجال .. :)

المشاركة الأصلية كتبت بواسطة المتفائل بالله (المشاركة 2816563) السلام عليكم ورحمة الله تعالى وبركاته أختي في الله إن كنتِ ترفضينة بسبب ماحدث بالماضي ، فلا تلومينه فإنه كان طفلاً مراهقاً ولايعي مايفعله ولايعي حرمته فأنه كان في عمر 11 او 12 سنة ، وقد أغواه الشيطان وأستقل جهلة وصغر سنة وفعل مافعل ، فلا تحملينة وزر ماكان يجهله وهو طفل. طيب هو طفل وانا كنت ايش ؟ إن كنتي ترفضينه لأسباب أخرى ف ياحبذا تذكرينها بالتفصيل ، لكي نعي ونستوعب لماذا تصرين على عدم تقبلة لعلنا نساعدك على تعدي هذه الأمور. هو الآن زوجك ، بغض النظر عن الذي فعلتيه ، فأنا شخصياً لا ارى أن الذي فعلتيه كان جرماً ، بالعكس كلمة خرجت عن طريق زلة اللسان وكان من المفترض أن يتم الضحك عليها ، لا أن يحدث ماحدث. الله يسعدك صح ردة فعل ابوي كانت قويه بس عادي اكيد اختي حاشيه راسه علي بس صراحه انا انحرجت منه كثير كثير من النساء لم يتقبلن رجالهن بفترة الخطوبة او الملكة ، ولكن ما أن تم الزواج أصبحن يعشقن رجالهن ، وصدقيني ليس كل مانكرهة هو امر سيء ف لعل الله يخرج خيراً كثيراً من أشياء كثيرة كنا نكرهها ، وهذا ماقاله الله في كتابهِ العزيز (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ ). الجميل من هذا الموضوع بأن الرجل متمسك بكِ "شاريك" ، وهذا ماسيجعلكِ أكثر راحتاً معه في المستقبل ، لأنه سيحاول إرضائك بكل الطرق ، والرجل منا يا أختي إن طلب القرب ، يصنع المستحيل ليتقرب أكثر حتى بعد الزواج. أنا أرى إن كان رجلاً مصلياً ، يخاف الله ومتحملاً للمسؤولية ، وعندة القدرة على إسعادك ومعاملتك بما يرضي الله لما لا ؟؟ وإن كنتي كارهته كرة الفراق وأنتي لاتريدنه ومتأكدة من مايريده قلبك دوم ندم أو ضرر لكِ ، فأطلبي الطلاق ولا ضير لكِ في هذا حتى وإن أقترب زواجكم ، وتحصل في الكثير من العوائل. بالتوفيق.

المشاركة الأصلية كتبت بواسطة abo marym (المشاركة 2816565) اختى الصغيرة السلام عليكم ورحمة الله وبركاته حياك الله وبياك اختى الكريمة اختى مبارك الملكة بارك الله لكما وبارك عليكما وجمع بينكم فى خير بارك الله لكما وبارك عليكما وجمع بينكم فى خير بارك الله لكما وبارك عليكما وجمع بينكم فى خير اختى لقد كنت متابع لما كتبت الاخت الكريمة نورة وكنت متابع ايضا لكل فصول قصتدك وكنت متعاطف معك الى اقصى درجة ولكن انت صغيرة ولا تعلمى الخير فين ويجب ان تعرفى ان قدر الله كله خير طالما انك استخترى الله عز وجل عدة مرات وكانت هذه هى مشيئة وارادته سبحانه ويجب ان تعلمى ان المحظوظة التى تأخذ رجل يحبها ويعشقها اكثر ممن تأخذ رجل تحبه هى وربما هو لا يبادلها نفس الشعور لم احب ان اخرج بدون ما ادعوا الله عز وجل لك ان يألف ما بين قلوبكم ويهدى سركم وان القى هذه النصيحة السريعة موفقة اختى وانا حاضر بإذن الله لاى استفسار

المشاركة الأصلية كتبت بواسطة العـ/الفريد/ـقد (المشاركة 2816573) موضوعك ما ينفع فيه كلمتين وطبطبه لازم تشوفيلك طبيب وتاخذين ولد خالتك معك لازم انسان مختص يساعدك أما تقعدين كذا وتعرضين مشكلتك في المنتديات فراح تتعبين كثير ويمر الوقت ولا استفدتي شي وياخوفي بعد الزواج تكبر رقعة المشكلة ويكون بينكم عيال وبلغي والدتك تساعدك ويكون الموضوع طي الكتمان بينكم واستمري بالدعاء وتلاوة القرآن وأسأل الله إن كان فيكم خير لبعض يجمعكم على خير ويطمن قليبك وييسر لك كل أمورك

المشاركة الأصلية كتبت بواسطة mshihne (المشاركة 2816578) والله اختى احس خطيبتى تعاملنى زيى ما انتى تعاملى خطيبك بالضبط كل اللى اقدر اقولهولك احساسك بأنك ما زالت صغيرة وترددك من الممكن هو ما اعطاك هذا الشعور تغلبى على ذلك و تعالى على نفسك شوية واتصلى علية بيوم و اسالية عن صحتة و اطلبى منة تخرجى وافرحى بخطوبتك فهى ايام لن تعو\د اسأل الله أن يوفقكم يا رب بارك الله لكما وبارك عليكما وجمع بينكما على خير

المشاركة الأصلية كتبت بواسطة نيوتيلا (المشاركة 2816630) عزيزتي المشكلة ليست في فترة الملكة المشكلة ستظهر بعد الزواج وعذرا على كلامي ولكن في وقت العلاقة الخاصة قد ترجع لك الذكريات الماضية وتنفرين من زوجك حينها لذلك ان اردت الاستمرار في الزواج لابد تقنعي زوجك مثل ماقالت العقد الفريد انه تراجعو شخص مختص لتتخلصي من الترسبات القديمة والذكريات السابقة للحادثة المذكورة وتستعيدي بعدها توازنك وتتقبلي زوجك الزمي الاستغفار واكثري من الدعاء وذكر الله عزوجل والصلاة والاستخارة وقراءة سورة البقرة وان لم تتمكني من الذهاب لشخص مختص فبامكانك مراسلة مستشارين اسريين ونفسيين عبر العديد من المواقع وياحبذا لو تحاورت مع زوجك بكل هدوء وبكلمات عذبة ورقيقة وباسلوب الدلع الانثوي ليشاركك في طرح المشكلة على الاستشاريين ويساهم في تطبيق الحلول

المشاركة الأصلية كتبت بواسطة ذكرى حلم (المشاركة 2816722) اسسسأل الله ان يفرج هممممك ..

المشاركة الأصلية كتبت بواسطة أبو عبدالرحمن33 (المشاركة 2816738) مشكلتك نفسية بسبب موقف سابق هنا أؤيد الأخت التى ذكرت بمراجعة مختص لأنك ذكرت في محور كلامك أنه معك طيب ولكن بسبب الموقف تكرهيه ليس بأي سبب آخر

المشاركة الأصلية كتبت بواسطة L0o0Ve (المشاركة 2817027) والله حرام صراحه ماادري الزواج بالغصب ولاايش اتمنى انك تجلسين مع ابوك وتحبين راسه وتقولين له ياابابا ياحبيبي انا مافكرت في يوم اعترض على شورك ورايك بس انا ماارتحت لهالشخص وماابغاه واذا انك تحبني ارجوك تنهي الزواجه هذي ولو تزوجته عشانك الحين راح اضل طول حياتي في عذاب وانت ماترضى لي القهر والعذاب واذا ماوافق عضي على شحمه وخذي زوجك وانشالله راح تحبينه اذا عرفتيه اكثر وعليك بالاستغفار والاستخاره وتهميز الرجلين :) ورب شىء كرهتموه وكان خيرا لكم الله يوفقك ويفتحها عليك ووسعي صدرك يمكن ابوك يشوف شيء انت ماتشوفينه

المشاركة الأصلية كتبت بواسطة روح الطير (المشاركة 2817038) عزيزتي لما .. إنت اللي يخليك غير متقبلته أكثر .. إنك رافضة فكرة الزواج أصلاً ، و ثاني شي إنت مو متخيلة إنك بيوم من الأيام بتكوني ( زوجة ) أتوقع كذا ؟

المشاركة الأصلية كتبت بواسطة L0o0Ve (المشاركة 2817051) وضعك صعب بس صراحه اسلوبك كوميدي احس من القهر اسمعي كلميه هو طيب وقولي له ترضى اني اتزوجك وانا ماابيك وش راح تكون حياتنا وفهميه وضعك وان ابوك مجبرك وقولي له ان وافق يتركك مايقول لابوك انك انت اللي قايله له يعني يجيبها على انه هو اللي مايبيك اذا رجل ويحترم نفسه ويبي استقرار وراحة بال راح يوافق على كلامك وغير كذا بيحقد عليك وبيهبلك زيادة الله يعينك والله كسرتي خاطري

المشاركة الأصلية كتبت بواسطة روح الطير (المشاركة 2817054) انت رافضة فكرة الزواج فكرتيني بحالي أول ما انخطبت .. كنت مثلك ^_^ بس إنت مو كارهة ولد خالتك .. يعني ممكن يجي شخص غيره ، و لا سمح الله يكون سيئ .. فلا تضيعي من يدك ولد خالتك .. و بالعشرة و وقت تعيشوا سوا .. راح تحبيه أكثر .. بس أعطيه فرص مو فرصة وحدة .. و لا تضغطي على حالك ، خلي الأمور تمشي براحتها ..

ويقولي ابو الجيران خطبني لبنته بدون مهر قلت ليه ما اخذتها قال باخذها الثانيه اذا تزوجتك عشان اذا جننتيني اروح لها واقهرك هذا رد بالله ؟

المشاركة الأصلية كتبت بواسطة روح الطير (المشاركة 2817324) هو بس حابب يمزح معاك مزح ثقيييييييييل .. :)

المشاركة الأصلية كتبت بواسطة سيدة الموقف (المشاركة 2817328) :* سأقولها لك صريحة: إذا كنتِ لم تتقبليه فلاتتزوجيه فعمرك ستعيشينه مرة واحدة فقط فلاتجازفي فأنتِ مازلتِ على البر وهذا الرجل لديك كراهية له ولكِ معه تجربة سيئة جداً :* أنا مؤمنة جداً أن القبول أحد ركائز الزواج الناجح وبدونه ستكون الحياة الزوجية مجاملة حتى ينهار أحد الطرفين :*

المشاركة الأصلية كتبت بواسطة سيدة الاحترام (المشاركة 2817457) وعليكم السلام ورحمة الله وبركاته أختي لمى الله يفرج همك ويقر عينك بما يسرك ممممم الحقيقة ماعندي خبره بحيث اوجهك توجيه صحيح بس احب اذكرك بالدعاء تحري مواطن الاجابه مثل السجود بين الأذان والإقامة وآخر الليل وادعي ربك ( ربنا هب لنا من ازواجنا وذزياتنا قرة أعين واجعلنا للمتقين إماما) حاجه ثانيه احب أنبهك لها انك حاولتي محاولات كثيره ترفضين هذا الشخص لأكن كل محاولاتك فشلت ولعل في الامر خيره لك ... الحين الافضل انك تحاولي تتقبلين ولد خالتك حاولي تحسنين صورته قدامك مع أني ادري انه جداً صعب بس بإذن الله مع الدعاء ثم قوة إرادتك تتحسن احوالك بإذن الله مممم بعد حلو منك لو تجاملينه شوي وتسلكين أمورك معه لمصلحتك عشان ماتدخلين معه بمشكله وتطلعين بمشكله مع انك ماشاءالله واضح ان أخلاقك حلوه دليل كل كلمه والثانيه تقولين رحمته رحمته الله يوفقك ويسعدك ويعطيك من خير الدنيا والاخره وكل المسلمين

المشاركة الأصلية كتبت بواسطة ملآمح إسبانيه (المشاركة 2817469) يااااااكررررهي بحركات الاقناع ما وداني للي انا فيه الا هالحركه خلاص قلنا ما نبي وش هالغثى حتى الزواج غصب شوفي اذا شايفه انك ابد مو متقبلتنه ومستحيل تستحملين الحياه معه ومشاكل على طول من اللحين خذي موقف قوي وغصب عن الكل واتركيه تري والله محد ينفعك غير نفسك توووووووبه والله ثم والله لو يموتون اهلي كلهم ما اتزوج لو يموتوني لو يتبرون مني لو يكفخوني لما ملكت كنت بعمرك وهذاني متمرمطه للحين ولا واحد من اللي ضغطو علي عشان اوافق فكر فيني يرتفع ضغطي لما اشوف مواضيع كذا استغفررر الله العظيييم موضوعك رجع لي ذكريات ما كان ودي اتذكر تفاصيلها اللحين

المشاركة الأصلية كتبت بواسطة abo marym (المشاركة 2817787) اختى انت بتتكلمى جد لا اكيد بتهزرى صح يعنى ايه زوجة ولا تقبل ان ينام زوجيها معها بالغرفة اختى هذا رجل وشاب ويجب ان تعلمى ان الرجل منا بيحلم باليوم الذى ينعم الله عليه بالحلال لكى يعف نفسه لا ان يجد نفسه متزوج ولكن مع ايقاف التنفيذ

المشاركة الأصلية كتبت بواسطة lama mohmmed (المشاركة 2818226) شكرا ابوي مريم بس ماجا ببالي هالشي ولافكرت فيه وانا ماحب الرجال يدخل غرفتي لان فيها اشيائي الخاصه

المشاركة الأصلية كتبت بواسطة السفيرة لمو (المشاركة 2818255) ا عزيزتي لما هل:( تعلمين ما هو الزواج ..و ما الغرض منه؟؟؟

نفس الكلام والله

يا اختى الا اعلمى
ان الزواج يعنى العلاقة
الخاصة اى الجماع ومعه
تذوب كل الحواجز ما بين
الزوج وزوجته لان الزواج
سماه الله عز وجل
بالميثلاق الغليظ

وهذه فطرة فطر الله عز
وجل الناس عليها وهى
شهوة وضعت فى الذكر
والانثى من آجل عمارة
الكون بالذرية نسأل
الله ان يرزقكم الذرية
الصالحة .. اللهم آمين