|
حبيبي تركني
ما بعرف شو بدي احكي
حب اربع سنين و اتفقنا على الزواج بهاي السنة كان لازم خطبتنا بس فاتح اهلو بالموضوع ما وافقت الام لانو نفس العمر و حاول يقنعها بأكتر من طريقة و كل اخوانو ادخلوا بالموضوع علما انو عمرنا 29 سنة مو صغار ما بنعلرف مصلحتنا استنيتو لمن لاقا وظيفة خي الخارج و بآخر محاولة امو قالتلو بس تحضر جنازتي اتزوجها على موتي ما بتاخدها و الاب يوم بوافق و بس تحكي معو الام برجع برفض مو عارفة شو اعمل استخرت ربنا الف مرة و كل مرة كان يرجعو الي بالرغم كل المشاكل بس هاي المرة غير حسيت انو استسلم انو خلص روحي و امي بتدعيلك بالخير قلتلو حسبي الله و نعم الوكيل كان يبكي يبكي كتير م مرت اخو بتحاكيني كل يوم و بطمني عالوضع و اخو حكالو لا تستسلم لانها عملت بأخو نفس الشي بس اخد البنت اللي بحبها غصب عنهم هلأ ما بعرف شو بدي اعمل ازا حد بقدر يساعدني كل مرة بصلي بدعي ربنا انو لو في شر يبعدو برجع برنلي كل مرة بعمل استخارة بقوم مرتاحة بس هو استسلم هاي المرة و حكالي هاي امي بكيت كتير و صليت صلاة حاجة و استخارة صحيت مرتاحة و هو بعتلي صباح الخير بس انو ما قنعها بشي و كان عم يحكي معها حدا يحكيلي شو اعمل بلييز انا منهاره كتير |
رد : حبيبي تركني
أختي من الان مشاكل صدقيني اللي خلقه خلق غيره انا نفس عمرك بالضبط بس لو جاني واحد امه ماتبيني مستحيل أوفق لاني ابي أتزوج علشان ارتاح
تقربي من ربي وبس وصدقيني ربي مايضيعك |
رد : حبيبي تركني
هههههههههههه صراحه والله ماادري وش اقولك غير مرحبا بك في نادي المجاريح
والله يااختي اذا عمره 29 وجالس يبكي عندك ومو قادر يااخذ قراره بنفسه انا اشوف انك تتركيه لانه صراحه فشل يكون رجل اللي في عمره المفروض يكون عنده اولاد مو يبكي عند وحده يحبها ويترجى امه وين الشخصيه وين الرجوله اسف بس الحقيقه مررررررررررررررره ماابي اقفلها في وجهك بس تراك مو صغيره |
رد : حبيبي تركني
أختي لا تنهاري ولا تستسلمي للحزن والله عندما قرأت قصتك تأثرت كثيرا لكوني وقع لي ذلك
في السابق والان الحمد لله والله عندما أفكر في تلك الايام التي مرت عليا بالحزن والاسى يغمرني الندم لان لا أحد يستحق البكاء أو الحزن عليه والله أقول في نفسي لماذا خسرت نفسيتي بتلك الاحزان والبكاء لانه كل شيئ بقدر الله أختي ما دام أنه يحبك وأربع سنوات من الحب بصراحة عليه أن يقنع أمه يقول لها إذا لم أتزوج هذه الفتاة التي أحبها ما أقدر أتزوج أبدا ويدخل بعض الاهل الطيبين كي يقنعوها ويتكلموا معها بصراحة أنا أرى أمه شريرة لانه في الشرع لا يجوز أن تمنع الام ابنها من الزواج بفتاة يرغب بها ويحبها لسنوات والله استغرب من بعض الامهات كيف يتجرأن ويمنعنا أبنائهما من الزواج ممن يحبون بصراحة هذا الشاب أخطأ معك كثيرا لانه هو يعرف أمه جيدا وكان عليه قبل أن يتكلم معك يشاورها في الامر أو ربما صدمه الامر ولا يعرف أمه في أمر الزواج وممكن أنه مادام أنه وعدك بالزواج لم يكن يعرف بأن أمه ستمنعه من ذلك أختي أعيدها لك مرة أخرى لا تحزني ولا تيأسي وكل شيء بقدر الله وربما ما فيه خير المهم أنت استمري في صلاة الاستخارة بصفة يومية وادعي الله وفوضي أمركي الى الله الله يكون في عونك ويرزقك اللي فيه الخير ان شاء الله الله يكتب لكي الخير |
رد : حبيبي تركني
هلا فيك ...
الله ييسر امرك .. اختي انا اشوف انه يقدر على امه بكل الطرق ,, قولي له يروح لخالته اخت امه او اخواته ,, لا يستسلم ,, لأن بكره اذا هو تزوج غيرك ماراح يرتاح وانتي كذالك .. فحاولي بكل الطرق كمان انتي لا تستسلمي , ياالله يارب العالمين انه تتيسر اموركم |
رد : حبيبي تركني
انا مو عارفة لازم خلص استسلم اترك
المشكلة انو امو عاملة هيك مع اخو اللي قبلو بس هو ما بتحمل بتصير تدعي على حالها و تقللو بغضب عليك قاللها ما رح اتزوج بحياتي قالتلو انت شب سنة سنتين و بترجع بدك تتزوج يعتني سكرت بوجهو الطرق هو بالخارج هلا مو عندها كان لازم يجي بشهر 10 و انو نخطب خايف انو حتى لو اجا ما تقتنع و هيك يربطنني معو المبدأ انو هاي مشاعر حقيقية مو لعبة كيف الواحد بنسى اغلى شي بحياتو استنيتو لانو كان بشتغل و ترك و اعد سنتين بلا شغل ووقفت معو و ساندتو بكل شي و لما اجا عقد شغل بالخارج حكالي فرصتنا انو نتزوج اسرع لهيك وافئت امو لي شريرة مو عارفة انا محتارة بين اني اتركو او ضل معو ليضل يحاول انا حتى ما عدت اقدر اركز بشغلي عم اصلي صلاه حاجة على قد ما بقدر و بصلي استخارة كل يوم ممكن بقدر اعمل شي او لا ازا عندكم حل لمشكلتي لو مكاني شو بتعملو |
رد : حبيبي تركني
شوفى اختى اولاً لا يوجد شىء اسمة حب قبل الزواج او قبل العقد او الملكة يعنى ثم ثانياً الرجل الذى يبكى ليس شرطاً انة ضعيف لكن الضعيف هو الذى لا يقدر على اخذ القرار بنفسة..... الله يوفقك
|
رد : حبيبي تركني
السلام عليكم
طيب وين كان اربع سنوات ليش ما قال الى امه انه يحب فتاة من الاول في السنة الاولى او الثانية طيب لا تاخذي وامه مو راضية ابدا لانها ستسبب لكم المشاكل اما ان ترضو امه فتتزوجيه او لا قيلو له اذا كان يحبكي من صدق ان يجلب الى امه الواسطات خالاته وخواله ويحاول بكل الطرق هذا هو الحب الصادق واذا لم تنفع هذه الامور ولم تقنع فخيره في غيره ان شاء الله يقسملك رجل طيب وشكرا |
رد : حبيبي تركني
اعتقد انه في سن يقدر يتخذ قراره لوحده
يعني 29 سنه و هذه حياته القرارا لازم يكون منه حتي لو زعلت امه شوية و ترضي لانها في الاخير امو وراح تسامحه على اي شي لكن يعيش حياته كلها في تعاسة عموما الله يكتب لك الي فيه الخير شعور سئ جدا ما تحسي به كان الله في عونك |
رد : حبيبي تركني
اتركيه مؤقت
شوفي شو بده يعمل ممكن هو ناوي ينسى ويتحجج بأمه وموفقه يارب |
رد : حبيبي تركني
حب أربع سنوات والله عمر
وساكته كل هذا الوقت يا صبرك لو مكانك ما عندي إلا يا أبيض يا أسود حبيتني تقدملي وأهلي يدرسوا وضعك وبعدين يجيك الرد ولا مع السلامه أربع سنين أقعد أمرمط في قلبي وراه أعوذ بالله حتى الكلام هذا لا يرضي الله ولا رسوله واللي يبتدي حياته بمعصيه وإغضاب لله ايش يتوقع يعني تكون النهاية ؟؟!! وإنت اللي علقتي نفسك بنفسك وارخصتيها وضيعتي عمرك ع الفاضي وبصراحه أكثر الرجل ملزم أولاً بأمه ورضاها ثم زوجته وهذا كلام الشرع ولو كنت مكانه بحاول مره واثنين وثلاثة إذا كمان رافضه أهم شي عندي بر أمي ورضاها والبنااااات كثييير وفي كل مكان |
رد : حبيبي تركني
اختي ليه ماتنحاشون سوا زي الافلام والله فله تكسرون الحواجز ويبقى الحب
وبعد فتره ترجع ترضى امه بس ان دعت عليكم مالي دخل اذا يحبك جد راح يحارب عشانك |
رد : حبيبي تركني
اقتباس:
تتزوجو هريبه أنتي وحبيبك :d مترجم |
رد : حبيبي تركني
اقتباس:
موفقه |
رد : حبيبي تركني
شكرا للكل
بس بدي منكم اراء لاسرع طرق حتى انسى كل شي حدن منكم بعرف طريقة مناسبة و سريعة |
رد : حبيبي تركني
والله مافيه غير حلين ياتنتحرين ياتفقدين الذاكره وغير كذا مااتوقع بتنسين بسرعه
وفيه حل ثالث اللي هو اسلم ولافيه مطاريس انك تحبين واحد ثاني احلا واطخم وارزن منه بس عاد يله دوري اللي بيبادلك الحب بهالسرعه |
رد : حبيبي تركني
حبيبي لوووووف البنت مجروحة لا تجرحها بردك
البنت تريد حل وشكرا اختي اطمئني كل شيء قسمة ونصيب ربنا يكتب الصالح ان شاء الله |
رد : حبيبي تركني
اقتباس:
صحيح الحب تضحية بس يعني لازم ايعوف امه اللي ربته وتعبت عليه هو المفروض يستخدم وسائل للاقناع لكن هو فشل من هاي الناحية المفروض يرضي امه بأي طريقة حتى توافق على زواجه منها اختي انتي حاولي من حبيبك ان يرضي امه وحاولي تعلميه الطريقة لان هو مشتت الفكر ولا يعرف ايش ايسوي تحياتي الطيبة ولكم التوفيق |
رد : حبيبي تركني
و ليه ما تكون طريقة عشان يتهرب فيها من الزواج ؟
|
رد : حبيبي تركني
الله يفرج عنك حبيبتي
اولا هو مش انسان ضعيف مثل ما قالو البعض.. هو لا يريد ان يعصي امو انتي و هو لازم تلاقو طريقة تقنعو فيها امو اتفقو ع طريقة: * وحدة قريبتي ام حبيبها لم تكن موافقة تعرفي وش عمل؟ حبس نفسو بالبيت اضرب ع الطعام و عمل لحية طبعا هو لم تكن عندو لحية (مع احترامي للحية) لكن ليوصل لامو انو حزين... امو خافت ع ابنها فراحت للبنت تتراجى فيها ... و الآن صارت مرتو :) اقترح انكم تجدو خطة مثل هاذي و تطبقوها مثلا يناقش امو في الموضوع و لما تقول لا يروح يحبس نفسو و يعمل نفسو مضرب ع الطعام ( طبعا ياكل بالسر و الا رح يروح فيها) الاحسن يتفاهم مع واحد من اخواته يساعدوه... و مثلا يعمل نفسو انو فقد الوعي فيحملو اخوه و ياخدو لطبيب (يتفق معاه مسبقا) فيخبر الطبيب اهلو انو صار معو انيميا و اكتئاب و مش عارفة... و لو يزعلوه رح يروح فيها....الخ و صدقيني والله قلب الام رح يحن و تتراجع موفقة |
رد : حبيبي تركني
يمكن انا غلطان لاكن هو مقصر معها وهي مو راضيه تفهم كم سنه تنتظره وهو مو داري فيها
وطاقها صداقه معها وهو عارف ان امه ماراح ترضى لا ويرسلها صباح الخير وش يبغا طيب |
رد : حبيبي تركني
والمسكينه متعلقه فيه
|
رد : حبيبي تركني
الدعاء يصنع المعجزات
نصيحه لوجه الله قومي الليل وطلبي ربك يجمعك فيه بلحلال والله كرريم ,, |
رد :
الدعاء يصنع المعجزات
هادا اكتر تعليق ريحني شكرا كتير و شكرا للكل كمان الموضوع مو متل قصص الحب اللي بتعرفوها هي قصة حب بريئة مو اكتر و نهايتها كان شي بالحلال انا لهلا ما صار معي شي بس مرت اخو عم تحكيلي التفاصيل كلها الام بس رفضها لانو نفس العمر و هادا مو مبرر للرفض اخو واقف معو كتير بس الام هي المسيطرة بالبيت للاسف هي ما شافتني ما بتعرفني بس من خلال الكلام اكتشفت انو انا اكبر من مرت اخو بس بسنتين نفس الجيل يعني بس عم تحكيلو انو بكرة مرتك بتكون اكبر وحدة في مرات اخوانك و بتندم تخيلو و شي تاني بتحكي لمرت اخو انتي و هو جيل واحد اقنعي يتركها و ينساها يعني هو و مرت اخو جيل واحد و انا شو بالزبط ما انا قدو انا انشليت من كلامها بعرف انو هو لازم ياخد قرار بس امو جد مو منيحة مع انو للعلم بعد المقرنة بيني و بين مرت اخو انا مبينه اصغر منها ليه هيك امو مو فاهمة صعب انك تلاقي حدن بفهمك و محترم و بتقبلك بكل حسناتك و عيوبك لهيك الموضوع مو سهل علاقتنا كانت زمالة عمل لمدة سنة و نصف و كنا متل الاخوة و الاصدقاء و اكتر لحتى تحول اعجاب و حب الله يجيب اللي فيه الخير انا رح اتوكل على ربنا هو قادر على كل شي شكرا الكم و لكل نصائحكم ادعولي |
رد : حبيبي تركني
الله يكتب لك اللي فيه الخير لك وله ولاتكوني لحوحه عليه وتكونين انت اللي بحاجته اقنعي باللي عطاك الله واطلبي الله ان يعوضك بناس احسن منهم لانه لو حصل وتزوجتيه امه ماراح تخليك تتهني يعني كويس بينت معاك من البدايه
موفقه واسف على ردودي اللي قبل بس كنت منقهر من تعامله معاك |
رد :
عزيزتي LOVE
بتشكرك بتعرفي قد ما كنت مخنوقة من القصة لهيك كتبت مو اكتر مو من عادتي احكي مشاكلي لحد كنت بدي فش خلقي و مو عارفة كيف هاددا اللي صار بالنسبة لامو ما كنت رح عيش معها و لا ساعة لانو رح اطلع معو برة ازا ربنا يسر الامور هو انسان منيح كتير و ابدن ما كان متوقع رفض امو الله يبعت اللي في الخير الي و الك و لكل المسلمين يارب |
رد : حبيبي تركني
امين بس لاتجهدين نفسك بالتفكير اللي كاتبه الله لك راح تاخذيه ونصيبك راح يوصلك انشالله
|
رد : حبيبي تركني
مشكلتك قريبه من مشكلتي وانا اشوف الفراق افضل والرجل واجب عليه يكافح ويجاهد لأجل حبيبته
موفقه يارب وهذا رابط مشكلتي http://www.66n.com/forums/showthread.php?t=236631 |
رد : حبيبي تركني
عزيزتي ووووضحى
مافهمت لي تركتو و انتو خطبتو اصلا |
رد : حبيبي تركني
اقتباس:
http://www.66n.com/forums/showthread.php?t=236424 وللعلم انا ودعته وداع حبيبه لحبيبها وتركته نهائيا ... علشان يفقدني ويرجع لي وعندي امل يرجع واذا ما رجع انا قويه وبتحمل وبنسى ... يارب انسى لانه هو الرجل ولازم يحارب عشان حبيبته. انا ما اذل نفسي له. |
رد : حبيبي تركني
ووضحى
الله يوفقك و يحققلك اللي بدك ياه انا بالنسبة الي قرأت قصتك و ما بدي بلش احكيلك منطق او مو منطق بتعرفي تقدملي ناس كتير و احسن من هادا الشب بس نفس اجوبتك بالزبط ما عجبني و ما دخل عقلي و ما دخل قلبي و مو متخيلي اني اتزوجه هيك بالزبط هو انو عشان هادا البني ادم جوا قلبي و ما بدي غيره او انو مواصفاتو مو عند حدن منهم ما بعرف و لهلا في شب عندي بالشغل بحاول يتقرب مني و عارف عن اللي بحبو و بقنعني انو مو مناسب و مو عارف يتخذ قرار و من هالحكي و بالنسبة الي لو مين ما كان هادا الشب لأ لأنو نحنا مو اوروبا و انو الشب بتغاضى عن اي علاقة للبنت و بالنسبة الي الشب اللي حبيتو اول حب و اخر واحد اي نهائيا لانو رح كون كزابة غير هيك و قصتك صح و رفضك منطقي ازا كانت الحياة الزوجية عبارة عن تعايش فقط انا رافضيتها كلها ببئى عايشة لحالي عند اهلي احسن و بدي احكيلك انا كل يوم بصلي صلاة حاجة مع الصلوات الخمسة و بفيق قبل اذان الفجر اصلي و ادعي ربنا لانو الحب اللي بينا صادق و مو كزب و ما غلطت في بشي و الشب محترم و مو من النوعية اللي بطالب البنت بأشي مو صح لهيك متمسكة في بس رفض امو بكسر قلبي و قلبو و مرت اخو بتقلي اصبري و ضلي ادعي ربنا بس امو غريب موضوعها جدن و رجعنا نحكي مع بعض و رجع امل صغير جوا قلبي بس احساسي مو صح لانو بكرة او بعدو بترجع امو تحكي معو و برجع يضيع و بنرجع للاول رح ارجع اكسر قلبي 100 مرة شكلو و عالفاضي انا عم ادعي ربنا يهديها و يحنن قلبها بس جد قلبها قاسي جدن بعرف انو الرأي و المنطق اني اتركو بس لما تركنا هداك الاسبوع قعدت اسبوع ما اكل و لا انام و لا اعمل شي بحياتي غير ابكي و في كل مكان و هو كان هيك كمان و لما رجعت حكيت معو حكيتلو الموضوع بأيدك كلو ازا استسلمت لضغطها هلأ بكرة رح تزوجك غصب بنفس الطريقة و نفس الكلام انا جد مو عارفة شي ببين متماسكة قوية بس من جوا بصراحة ولا شي لمدة 25 سنة و لا حدا دخل عقلي ما كان الي اي علاقة بأدم و ما كان يعنيني اي اعجاب من حدا و هو كا كل شي في غير متل القصص الخيالية جد كنت استنى الاميلر بسنووايت او سندريلا الاهم من هاد كلو سبب رفضها ابدن مو منطقي و لا حدن بوافقها في نحنا قد بعض مو اكبر و عمرنا 29 سنة بكلمة منها كل شي بنحل بس ربنا عارف بوجعي و حيرتي بصلي و بدعيلو و عندي يقين انو رح يسمعني ما بعرف بس من وقت ما تركنا الاسوع الماضي و كنت صلي و ادعي ربنا اعمل الشي الصح بتركو او اني ضل معو ما تركتو من ربنا هاي القصة او اني ضعفت و ما قدرت الله اعلم انا توكلت على ربنا بهاي القصة و لهلا ما رجع فاتح امو بالموضوع او هي ما رجعت حكت معو مع انها حكت مع مرت اخو لتقنعو و قال شو هي و ياه نفس الجيل جد انها بتكرهني بس لي و الله ما بعرف و الاحلا انها تدعيلي انو الله يسعدني و يبعدني بس ما عم ادعي غير انو الله من عندو يهديها و يخليها توافق طولت كتير انا اسفة بس و الله من قهري من جوا كتير كانت حياتي مو سهلة و عمري ما اخدت اللي بدي ياه مع محاولاتي المستميتة و كنت ودع حلم ورا حلم لحتى اكتئبت و صابني انهيار نفسي اثر علي و شاب شعري و ماتت اقرب حدن الي بالعالم كلو بس الحمدلله بس ربنا دايما كان معي بس هادا البني ادم اللي بتمنا من ربنا انشالله ربنا بيعطيكي اللي بدك ياه و احسن شي يتوكل الانسان على ربنا و الله يصبرك بس انا دايقني انو بحكي انا شب ما بقدر اصبر و من هالحكي و انتي بنت و صابلرة هاي ما دخلت عقلي |
رد : حبيبي تركني
ياكرهي للاهل من النوع ذا ولدهم يبغا الحلال والستر ويرفضوون
مدري اهل ذولا ولا نقمة المفروض يفرحون لزواجة مو يمانعون الله يعينك ااختي بس لو يحبك مايستسلم لهم والله خلاص ملينا من القصص ذي دايم الاهل حجر عرثة في طريق اولادهم مابعرف ليييش؟ |
رد : ضروري تفيدوني
مرحبا بدي حدن يرد علي
او ازا بعرف يفسر لي الحلم هادا بنات مبارح صحيت قبل صلاه الفجر و صليت صلاه حاجة و دعيت ربنا و بعدها كنت عم استنى صلاه الفجر ادن الادان الاول سمعتو و بعدها غفيت حلمت حلم غريب شوي حلمت انو هاد الشب اللي مشكلتي معو رن علي و بحكيلي انو بدي احكيلك سي انو بيتنا ( انو انا و اياه) رح يقعدوا في ناس اصحابو لكم يوم فانا ما عجبني الموضوع و بعدها قلتلو اللي بتشوفو مناسب و بعدها بعتلي خريطة عالموبايل او اللابتوب مو متزكرة و صرت كبر فيها طلعت خريطة البلد اللي هو بشتغل فيها و حاططلي دائرة و علامة على مكان و كاتب عليه بيتنا و بحكيلي شفتي بيتنا و انا جد انبسطت كتييير و دمهو عيوني من الفرحة و صحيت كان مأذن تاني ادان و قمت صليت ازا حدن بأدر يفسرلي ياه بلييييييييز |
رد : حبيبي تركني
من رأيى انك تفوضى هذا الامر لله سبحانه و تعالى لانه هذا موضوع خارج عن ارادتك و لا تستطيعى فعل شىء غير التوكل على الله و الدعاء و ثقى بان الله سيفعل لكى الخير لانك بتصلى و تدعيه
ابعدى عنه فترة او حتى كلميه بحدود شوية حتى يعرف قيمتك و يحس بالحاجة اليكى و لما يحس بكدة هيحاول يقنع امه لكن طول ماهو حاسس بانك معاه علطول و فى اى وقت بيلاقيكى جمبه مش هيحاول ياخد خطوة و لا قرار لانه واثق انك متعلقة بيه ودة رايى اللى لو مكانك كنت هعمل كدة و اما اذا لم يتخذ قرار بعد كل ذلك يبقى انتى مخسرتيش حاجة بل هتكونى ازدتى عزة فى نظره و فى نظر امه اللى معقدة الامر دى و يبقى هوا مش يستاهلك و ربنا هيكون عايزلك حد احسن يكون بيحبك هوا و اهله و امه كمان متعرفيش الخير فين و ربنا يصلح لكى الحال يا اختى الموضوع صعب عليكى بس اصبرى و استعينى بالله و ربنا هيعملك اللى فيه الخير |
رد : ضروري تفيدوني
اقتباس:
|
رد : حبيبي تركني
أختي الكريمة أول شي رحم الله فقيدتك يارب. - أسباب رفض أمه غيره منطقيه. - وحبيبك رجل لازم يدور حل .... أنتي ما تعملي شي. - وأنتي لازم تقطعي علاقتك بزوجة اخوهــ نهائيا ( لا تثقي بها). - عيشي حياتك من اليوم بعيد عن التفكير فيهم وإذا تذكرتيه قولي: ( اللهم أجرني في مصيبتي وأخلفني خيرا منها). لان اسباب الرفض غير منطقيه ... فشو بدك تعملي. أنتي خسرتي حبك فحافظي على كرامتك وعزة نفسك. حافظي على صحتك .. لو جاك سكري أو ضغط من بدهــ ينفعك. بالنسبة لقصتي حبيبي لو يطلب مني عيوني بعطيه بحبه وبموت فيه لكن لما بشوفه ضعيف وسلبي و ما بيتعب حاله عشاني. بتركه لو عيوني بتعمى من البكاء. أنا لما افترقنا بكيت مثل بكاء الأطفال جلست حزينه وكئيبه بسرح مع حالي كتير لدرجة انو وانا بالمطبخ حرقة يدي مرتين وانا بفكر فيه. وبعدها فكرت لشو كل هيدا؟؟ و بحاول أنسى وأتقلم والحين الحمد الله منيحه. قطعة تواصلي به نهائيا . بركي بيخاف ويتحرك. وصار لنا 18 من يوم فراقنا. وحبيبي لا حس ولا خبر. بدعي الله يجمعنا على خير . وبدعي ربنا يكتب اللي فيه الخير. نصيحتي لك أقطعية مؤقت وقولي له بدك تحكي معي تعال أخطبني .. وانتهى. والله يكتب لك إلي فيه الخير. |
| الساعة الآن 07:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©