|
مشاكل المتزوجين
في البدايه ماحد يفسر الموضوع على كيفه ويجلس يهرج على كيفه , بدخل بالموضوع لماذا أصبح المتزوجين يعرضون مشاكلهم على ذا النت , ماني متصور أنه في رجل يقعد يهرج بالنت ويكتب عن مشكلته مع حرمته ولا الحرمه تهرج ويا رجاجيل وتكتب مشكلتها ماهو بحرام وعيب بحق رجال ذا ,, واللي ملاحظه بذا المنتدى رجاجيل وحريمهم يهرجون رحت أدور في المنتديات ثانيه قلت يمكن أني ماني بفاهم ولا وش سالفه ما حصلت أي زوجين يكتبون ويتضاربون وكلن ماخذ راحته بالهرج ليش منتداكم يسمح بذا الشيء . انا لو علمت انه حرمتي كتبت حرف واحد والله بقص لها وش بالكم بوحده تكتب اللي يدور بنفسها من غير مستحيا من الموجدين ماهو بعيب ؟؟ يمكن ماني بفاهم ولا البعض بيقول جاهل حد يفهمني منكم يا أهل الدين والعلم يصير حريمنا يسولفون مع رجاجيل ؟؟؟؟ ترى ماني بقاصد أحد وتسونها قصه .. |
رد : مشاكل المتزوجين
اخوي المنتدى هذا للفائده يعني انا اشوف مشاكل غيري واستفيد منها ولو واجهت مشكله مشابهه راح يكون عندي خبره في التعامل معها وفيه ناس تبحث عن حل
يعني لو واحد عمره 26 مثلا وواجه مشكله مع زوجته يجي يكتبها وراح يحصل اللي عمره 40 و 50 و30 يردون عليه ويعطونه اراأهم ويكون استفاد من خبرات الغير ولااحد يعرف هويتك ولااحد يعرف من تكون اتمنى افدتك |
رد : مشاكل المتزوجين
يااخي الكريم مثل ماانت ماترضى انه زوجتك تشتكي عليك في المنتديات اظن هي كمان ماترضى انك تشتكي وتدعي عليها
وعامل الناس مثل ماتحب ان يعاملوك |
رد : مشاكل المتزوجين
الزوج والزوجه الي تقصدهم ..
جالسين يعرضون مشكلتهم على مستشار ؟؟ ويدورون لها حل .. الله ييسر امرهم يااارب |
رد : مشاكل المتزوجين
انا شخصيا ساعدني الانترنت كثيرا في حياتي الخاصة واستفدت من تجارب الاخرين واعتقد الامر ما فيه شيء يدعو للاستغراب
|
رد : مشاكل المتزوجين
هلا بصديقي طالت غيبتك يأخي لا تصير متشدد مشاكل عامه تكتب لطلب المساعدهـــ موب للوناسه والتسليه وأعتقد الأسلوب راقي ومحترم بين الأعضاء وين مشكلتك .... علشان أفهمك ؟ |
رد : مشاكل المتزوجين
لاتعلييييييييييييق00
|
رد : مشاكل المتزوجين
شمس الغروب سبحان الله غيرت المعرف لاكن ماتغير الأسلوب وحتى اللون اللي تكتب فيه مازال هو نفس اللون السابق اللي هو اللون الأحمر
|
رد : مشاكل المتزوجين
ما أدري متى بقايا الديناصورات المنقرضة بتنتهي وتنقرض نهائي؟؟؟!!
|
رد : مشاكل المتزوجين
لو سمحتم يا أخوات
ناقشو الموضوع ... واتركو صاحب الموضوع لحاله من حقه يكتب اللي بخاطره واحنا واجبنا نقنعه والاحترام واجب من الجميع . |
رد : مشاكل المتزوجين
وجهة نظري بعض المشاكل صعب تسولف حق اخوك اوقريبك تفضح نفسك او تفضح زوجتك ولكن النت تاخذ راحتك ولا احد يعرفك
وتستفيد من المشاكل المحلوله بعيد الناس وجدو فايده الله يوفقهم و يزين امورهم اتمنى اللتوفيق للجميع |
رد : مشاكل المتزوجين
اقتباس:
واحد يتكلم عن عضوين زوج وزوجه يحلون مشكلتهم عند مستشار وش الموضوع إلي نتكلم فيه ؟هل تريدون منا أن نحجر على حرية الآخرين الشخصية..؟؟ وننتقد قناعاتهم...؟!التي لم تخرج عن حدود الذوق والأدب والرقي وإلا نجلس ننتقد الناس بحجج واهية وظنون سيئة وعادات بائدة؟ المفروض نفتح موضوع عن الأزواج الذين يسيئون لزوجاتهم وامهات أولادهم ويغتابونهم في المنتديات ويدعون عليهم بالموت والثبور ونجد حلول وسبل لتهذيب هؤلاء وتعليمهم أداب التحدث عن أم العيال وشريكة الحياة ردة فعل أبو عبدالله غير مستغربة شايف رجال يقدرون حريمهم ويحترمونهم ويثقون فيهم وهذا شيء غريب عليه ويحس أنه شيء عجيب وعيب فطبيعي يجي هنا يسيء لها الزوجين وينتقدهم |
رد : مشاكل المتزوجين
اقتباس:
إذا واثقه ان كلامك صح حاولي تقنعينه ما تهاجمينه أبو عبدالله طرح الموضوع للنقاش بطريقة مؤدبه وراقيه وليس للهجوم والهواش فردو عليه بذوق وأقنعوهـــ أو اتركو غيركم يقنعه وبلاااااش مشاكل وفوضى أحترامي لك |
رد : مشاكل المتزوجين
انا مافهمت وش المطلوب..
منتدى عامر بارباب وربات عقول .. كي يستفيد من هذا الخليط الجميل من عارضه شيء في حياته عجز عن حله.. وترى منتدى عام مافيه لا خلوة ولا انفراد بشخص مع اخر.. على العموم لا تزعل نفسك اذا مو عاجبك وضع الاختلاط اللي هنا ممكن ترفع خطاب للادارة لاتخاذاللازم.. بسسس * |
رد : مشاكل المتزوجين
اقتباس:
أنت تلقفت على ردودنا وسويت نفسك قيِم علينا ولو أنك ماتبي المشاكل والفوضى كان كتبت ردك وتركت غيرك يعبر زي مايبغى وعلى فكرة موضوعه مافيه ريحة الرقي وأقراه زين وأنت تفهم المغزى يعني على بلاطة :الزوجات إلي يكتبون بالمنتديات.... وعليك فهم الباقي زي ماوضحه الرآقي جداً أبو عبدالله إلي ناوي يصلح الكون |
رد : مشاكل المتزوجين
اقتباس:
ولكن لماذا الهجوم أطرحي رايك من غير تقليل من قيمة أحد. واعتذر انتهى ما عندي |
رد : مشاكل المتزوجين
اقتباس:
وش زوجتى تتشكى عيب عليها لانها مره , والحرمه الاصيله ما تتشكى على رجلها عند الغرب ذا مقصدي ,, وبعدين ماني بداعي عليها من راسي ترى تستاهل دعوه ورب العالمين باذن الله بيجيب . |
رد : مشاكل المتزوجين
اقتباس:
ماني بقاصد حد ولا تقوليني شيء ماني بقايله كلامي عااااااااااااام :( |
رد : مشاكل المتزوجين
اقتباس:
|
رد : مشاكل المتزوجين
اقتباس:
|
رد : مشاكل المتزوجين
اقتباس:
الله يرزقك بالزوجة الصالحة الحنونه تنسيك جبروت الأولى وتنسيك العقد النفسيه اللي جاتك منها. |
رد : مشاكل المتزوجين
اقتباس:
|
رد : مشاكل المتزوجين
اقتباس:
يا بنت الاجاويد شكلك حافظ ذي الكلمتين وش لك بحرمتي ادعي عليها بالموت بالمرض وش لك فيها من بقية أهلك هي وش ذولا الحريم , وانا ناقد أي حرمه تتشكى على رجلها عند رجاجيل ما تعرفهم وكملها منتداكم وصاروا رجاجيل وحريمهم يتشكون ذا الرقي اللي طالبين فيه . |
رد : مشاكل المتزوجين
اقتباس:
|
رد : مشاكل المتزوجين
اقتباس:
|
رد : مشاكل المتزوجين
اخونا في الله ابو عبدالله اطرح مشكلتك علك تجد حل وتتنفس الصعداء
|
رد : مشاكل المتزوجين
أبو عبدالله السيدة عائشة رضي الله عنها كان طلابها من الرجال ( الصحابه رضوان الله عليهم ) والرسول عليه الصلاة والسلام كان يعلم النساء أمور دينهم . هونها يا أخوي |
رد : مشاكل المتزوجين
اقتباس:
|
رد : مشاكل المتزوجين
اقتباس:
شفتي أنك فاضيه وش لك شمس الغروب ولا شمس الشروق وكاتب بالاحمر ولا بلون ثاني ؟؟ خليكي بالموضوع أحسن لك . |
رد : مشاكل المتزوجين
حرام الرجال يتكلمون مع الحريم
طيب من يدرس قريباتك في الجامعات ماهم دكاترة رجال والا ذولاك مرفوع عنهم القلم . |
رد : مشاكل المتزوجين
اقتباس:
|
رد : مشاكل المتزوجين
اقتباس:
|
رد : مشاكل المتزوجين
اقتباس:
|
رد : مشاكل المتزوجين
الاخ الفاضل ابو عبد الله السبب الرئيسي من طرح المشكله هو ايجاد حل لها وحلول الرجال من وجهة نظرهم ليست كحلول النساءليس نقص في احد لكن قلة خبره وضعف حيله لذلك نحتاج لاراء من الطرفين الرجال والنساء حتى نصل بهما الى حل يعني الاجتماع كان لطرح حلول فقط لاغير ولايوجد اي مجال للاختلاء او الوصول بشكل شخصي لعضو اخر مرفوض تماما يعني الموضوع ليس كما تعتقد سوالف وضحوك رجال ونساء
كم من مشكله انحلت بفضل نصيحة رجل وكم من مشكله انحلت بفضل نصيحة مرأه وبعض المشاكل يضعف عندها الرجل او المراه ويحتار من يسال يريد ان يكون موضوعه مستور خصوصا من اقاربه فيجد هنا عقول ناضجه حكيمه عاقله متنوعه من جنسين مختلفين كل حسب خبرته وحكمته فتحل مشكلته بكل سريه اذا أذن رب العباد |
رد : مشاكل المتزوجين
اقتباس:
زين تسوي لا تطلقها وتزوج وحده ثانيه والله يوفقك يارب وبشرنا عنك |
رد : مشاكل المتزوجين
اقتباس:
هاذا منتدى عام وماوضع الا ليستفيد منه الناس اهل المشاكل فكر يا اخي فكر بعقلك ولا تاخذك الغيرة والحمية لبعيد بارك الله فيك . |
رد : مشاكل المتزوجين
اقتباس:
|
رد : مشاكل المتزوجين
بو عبدالله الله يهديك ويصلح حالك اذا كنت أنا وزوجتي المقصودين بهذا الاسلوب من الكلام فجدام الجميع أقول الله يسامحك على كل حرف كتبته والله يستر عليك وعلينا ومسموح وأنا خوك |
رد : مشاكل المتزوجين
اقتباس:
والله يا أبو عبدالله عندنا أخوات كريمات كالذهب ناصحات طيبات خلوقات ومنهن بنت الحمكي لا تغرك سيئة الخلق فضة القول . |
رد : مشاكل المتزوجين
ابو عبدالله اتوقع ان زوجتك ناقصاها الثقافة في كيفية التعامل معاك وانا نصيحتي لك انك تخليها تتثقف وتجيبها لنا هنا وبإذن الله راح نساعدك في حل مشكلتك اللي منغصة عليك اما زواج عليها وش دراك يمكن تجي الثانية تجنب الأولى لاكن اذا كان ممكن اصلاح الأولى ليش لا حاول يا اخي وربنا يحل مشكلتك وترتاح وتغير نظرتك للمنتدى يمكن صلاح زوجتك وصلاح بيتك الله يكتبه على يد اعضاء المنتدى .
|
| الساعة الآن 05:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©