|
متملك من 8 شهور ولدي مشكلة
السلام عليكم ورحمته الله وبركاته - متابع للمنتدي من فترة وقلت اليوم لازم اسجل واطرح مشكلتي أنا صارلي من تملكت فتره ومن يوم تملكت ماكلمت زوجتي تليفون ولامرة رحت لها بعد الخطبة ب 3 شهور وجبت لها هدية بس أنا عملي من 7 الصباح الى 7 مغرب واطلع من العمل على البيت الى 9 وأنام وانا ما احب الكلام في التليفون اهلي في البيت قائمين على ليه ماتكلمها دق عليها على شان متاخذ في خاطرها وانا أخاف تسبب لي المكالمات مشاكل على كلام فاضي وانا متردد ودي أكلمها وماودي اعطوني رايكم وشكرا*
|
رد : متملك من 8 شهور ولدي مشكلة
والله يا أخي أشعر بهذه المسكينة ..
في هذه الفترة التي لا طالما انتظرتها من حقها عليك أن تخصص لها وقت ان كنت ممن لا يحبون كثرة الكلام فقط بالسؤال إسألها عن حالها وطمئنها على حالك .. حتى تنمو بينكم المودة والألفة .. صدقني أخي هي الان تشعر بألم شديد وان لم تفصح لك او لأهلك المرأة تغفر للرجل كل أخطائه إلا الإهتمام بها .. ارفق بحالها كن الرجل الذي تحلم به .. ارسل لها رسائل تقربكم من بعضكم ولكم في الرسول أسوة حسنة ................ |
رد : متملك من 8 شهور ولدي مشكلة
يعتمد على موعد الزواج متى زواجك ؟؟؟ |
رد : متملك من 8 شهور ولدي مشكلة
دينا اشكرك لأكن والله لكثرة اشغلي ولكثرت مشاكل المقبلين على الزواج من خلال الهاتف وانا لا احب المشاكل زواجي بعد 4 اشهر ان شاء الله
|
رد : متملك من 8 شهور ولدي مشكلة
انا اقول مو لازم تكلمها
كلمها في اخر شهر قبل الزواج وموفق يارب |
رد : متملك من 8 شهور ولدي مشكلة
اشكرك اخي ( لعيون نوف) أخاف تزعل وتقول انك غير مهتم بي ومطنشني وسوالف البنات
|
رد : متملك من 8 شهور ولدي مشكلة
لا وضح لها ظروفك عمل ودراسه احسن من انك تكلمها بنفسه خايسه وتتمشكل معها كلمها بعد دراستك وخل تواصلكم على خفيف |
رد : متملك من 8 شهور ولدي مشكلة
و عليکم السلام ورحمة الله و برکاته
اخي الکريم العمل مهم جدا و لکن حياتک الاسرية مهمة ايضا، ان لم تکلمها ستترک في قلبها جرحا ربما لن يندمل. هذه الفترة هي افضل فترة للتعرف علي الزوجة او الزوج. ان لم تخصص لها وقتا الان ماذا ستفعل بعد الزواج هل ستترکها جالسة و تذهب للنوم، اخي الکريم تحتاج لتغيير منهجية. کم عمر خطيبتک؟ ارجو لک من الله التوفيق |
رد : متملك من 8 شهور ولدي مشكلة
اشكرك لينة عمري 28 زوجتي 24
|
رد : متملك من 8 شهور ولدي مشكلة
وش الي ما تكلمها ؟؟؟؟
ياخوي هذي زوجتك اجل ليش ماخذها ؟؟؟ اخوي الغالي ... ياخي خصص لها لو اقل شي في الاسبوع ساعه اقل شي تطمن عليها وعلى احوالها وشوف وش ناقصها وسلم عليها عندك الاسبوع 7 ايام .... ساعه ولا ساعتين ما تقدر تفضي نفسك وتكلم زوجتك مو معقول!!!!!! انا انصحك انك تكلمها وتقرب لها كثير ولا احد يقولك المكالمات تسبب مشاكل وا كلام فاضي ماله معنى ولا تسمع كلام الناس انت رجال ولك اسلوبك وثقافتك لاحد يجي يضحك عليك ويقولك مشاكل انتبه ياخي هذي حلالك بكرة النهار بتكون انت وهي تحت سقف واحد معقوله بتمل منها؟؟؟؟؟؟؟ كلمها وفلها واضحك معها ونكت عليها لا تسويلي الادمي العملي بزياده انت يوم تكلمها وتونسها هذا اسعد عمل قمت به والله يوفقنا وياك |
رد : متملك من 8 شهور ولدي مشكلة
ممكن تشرح لها وضعك وتتفقون على وقت معين مثل بالوكيند ويكون بينكم رسايل بشكل يومي
عشان تبقون متواصلين واربع شهور فترة قصيره ممكن تمر بسرعه بدون ماتحس فحرام تحرم نفسك من هاللحظات |
رد : متملك من 8 شهور ولدي مشكلة
حرام عليك والله
البنت مسكينه تلاقيها كل شوي تناظر جوالها مو هي زوجتك اذأ لما الانتظار ؟؟ يقولك المثل ( لاتحرق لذه الزواج وليله الدخله بمكالمات) >>>> تراه مثل من عندي:17: شكلك فاهم المثل غلط الله يهديك بس |
رد : متملك من 8 شهور ولدي مشكلة
من الافضل تكلمها لان هى بنت مثل البنات تحس بهذا شي
وامكن هى نفسها تكلمك بس انت مابادرت بالبدايه لها وثاني شي الرجل لو عنده 24 ساعه شغل لازم ساعه يكلمها هذا طبع الرجل اما انت غريب صراحه يعني معقول ماعندك مشاعر اتجاهها ماودك تسمع نبره صوتها.. غريبه كلمها وبلاش ثقل بالتوفيق لك |
رد : متملك من 8 شهور ولدي مشكلة
كلمها ,,,ليلين و يميل قلبها لك,,
|
رد : متملك من 8 شهور ولدي مشكلة
كيف تبغاها تحبك وتشتاق لك
او حتى تهتم فيك بعدين وإنتا ماعملت شيء للحين! ما استبعد إنها تجي بكرة وتقول معاد ابغآه ومآ الومها المسكينة لا اتفقتوا على مستقبل ولا على تجهيزات زواج ولا عرفتوا شخصياتكم على الأقل ياخي والله إنها تحز بالخاطر تشوف البنات كل وحدة تكلم خطيبها إلا هيا حط نفسك مكانها وراعي احتياجاتها كا بنت |
رد : متملك من 8 شهور ولدي مشكلة
والله غريب امرك بصراحه انا لو في مكانها كان كرهتك وقلت هذا مايبيني ومن زمان شفت حل ترى البنت في هذي الفتره محتاجه اهتمام وحب وتفاهم محتاجين تتعرفوا على بعض ابدا مو عذر دوامك نظم جدولك المفروض يوميا تكلمها او ثلاث مرات على الاقل اسبوعيا ليه هالجفا0000تحياااتي
|
رد : متملك من 8 شهور ولدي مشكلة
الشغل مو عذر ماتقدر تفضي نفسك كل يومين ساعه
|
رد : متملك من 8 شهور ولدي مشكلة
حرام عليك اكبر مشكله بيني وبين خطيبي عدم اهتمامه وسؤاله عني لانه مثلك مايحب المكالمات بس صراحه ماعطاني فرصه احبه واحيلن اشوف صديقاتي واهتمام ازواجهم اتعب نفسيا
|
رد : متملك من 8 شهور ولدي مشكلة
اشكرك كل من رد على موضوعي والله احرجتوني وطاح وجهي
|
رد : متملك من 8 شهور ولدي مشكلة
^
^ اخي الكريم ان تصل متاخرا خير من ان لاتصل ابدا ابدا الان واهتم فيها وعيشو حياتكم مثل اي اثنين مملكين وربي يسخركم لبعض ويجعلكم قرة عين اهتم بتأهيل نفسك للزواج عبر حضور دورات او قراءة كتب مفيدة عن الزواج وحاجات المراة النفسية وطريقة التعامل معاها لتؤسس اسرتك على اساس متين وسليم |
رد : متملك من 8 شهور ولدي مشكلة
وبدووووووووووووووون زعل انت قاااااااسي
|
رد : متملك من 8 شهور ولدي مشكلة
ياخوي و انت بعملك روح السيارة
و دق عليها و اتكلم معاها عادي ترا بعدين في شي اسمه واتس اب اليومين هذه المفترض 24 ساعه و انت و هيا على الواتس اب تتكلموا مع بعض و عبارات بسيطة منت محتاج تكتب قصص اكتب لها مثلا : صباح الخير مساء الخير كيفك ,, انتي على بالي الان .. وحشتيني " اكتب لها كلام بخط يدك مثل احبك و اسمك تحتها و صورها بالجوال و ارسلها لها " صوره لك ياخي لازم تسوي شي ترا انتا الرجال و المبادره دائما منك وكون ان عملك من 7 ل 7 ترا مو عذر ابدا مستحيل تكون شغال الوقت هذا كله يعني اقل شي ساعتين في وقت العمل ما عندك شي لازم يكون لها اسم دلع يعني لا نتاديها باسمها لازم يكون في لقب معين انت و هي بس لمن تكونو تتكلموا مع بعض تناديها فيه شوف لازم تحسس البنت انها مهمه بالنسبة لك لازم تعرف هي ايش تحب و ايش تكره لازم تحكيك عن طفولتها و تحكيك عن حياتها و انتا كمان لازم تعرفوا عن بعض كل شي قبل الزواج و المشاكل يا خوي لابد منها ترا بس انت اذا تبغي تكبر راسك كبره بالمعقول ترا الفتره هذه تمهيد لحياتكم صدقني لو وصلت لمرحله انت و هيا خلاص بداء الاحراج يروح من بينكم صدقني بتبداء حياتك و انت مبسوط لكن اذا انت بعيد و هي بعيده بالله كيف بتكون اول ايامكم و انتوا مع بعض لحالكم في البيت !! المهم ضبط امورك و اهتم فيها و اذا تبغي مساعده ابشر عندي خبره بسيطة :) |
رد : متملك من 8 شهور ولدي مشكلة
كلمها عشان تعرف طبعها وتعرفك تعرف ايش تحب وتكرهه وانت بعد
والله انها احسن الايام لاتضيعها ع نفسك |
رد : متملك من 8 شهور ولدي مشكلة
احم احم وش الدوام اللي 12 ساعة ذا
مخالف لقوانين العمل والعمال والله انا اداوم من 7 ونص الين 4 ونص واحس اني بنهبل الله يعينك على كذا ماراح تحصل وقت تجلس مع زوجتك بعد الزواج مجرد ساعتين تكون فيها تعبااااان ومالك خلقها الله يعينها اهم شي وضفها ولاخلها تدرس وكلمها بس لاتصير متحمس وتخسرها خلك ثقل |
رد : متملك من 8 شهور ولدي مشكلة
8 شهور؟
ايش هالبروووود الله يعينها بس |
رد : متملك من 8 شهور ولدي مشكلة
ييووووووووووه مسكيييييينه مسكيييينه مسكيييينه
والله اني رحمتها ياهي صبرت صبر يا اخي مافي بنت بهال الوجود ماتحب ان يكون زوجها بجنبها وخصوصآ خصوصآ هالفتره انا زوجي بعد الشبكه قعد ثلاث ايام ماكلمني ثلاث ايام بس مو 8شهوووووووور وتعال شوف كيف راحت نفسيتي اكتئبت وزعللللللت وذبحني الحزن وحسيت بأنكسار وابليس مااااااقصر متربع بيني وبينه وياخذني ويجيبني ويلعب فيني لعب اكيد ماعجبتيه ولا الولد مارتاح لك ولا هو كذا طبعه ولا العيشه معه صعبه ولامايعرف للرومنسيه وياخصارت صبرك صمتي صمتي وشوفي على ايش فطرتي والدنيه سوده بعيوني ومنيله ستين نيله ولو طول وهجرني اكثر من كذا ولا كأني زوجته مره ماله علاقه فيني ولا له وجود في حياتي والله كان كرهههههته لان هو ما اعطاني فرصه احبه وللأسف الخوف منه راح يمتلكني ولا عاد اتقبله بسبب اهماله لكن بعد ثلاث ايام بالصباح طبعآ الجوال بهذيك الفتره كان عضومن اعضاء جسمي من كثر ماهو ملازمني رسل لي زوجي رساله مره حلووووه كانت صوره مسويها لي بالفوتوشوب ماتصورون كيف كانت سعادتي وحسيت فعلآ بوجوده ورديت له برساله احلا وبعدين رسل ممكن اتصل وااااااي رديت له برساله واتصل وبدت احلى حياااااة والان اللهم بارك متزوجين لنا ثلاث سنين الله يحفظنا لبعض ادعولنا بالذوريه الصالحه |
رد : متملك من 8 شهور ولدي مشكلة
واذا كان عالمشاكل ماهو عذر ابدآ مافي حيااااااااااة بدون مشاااااااااااكل
بالعكس هي ملح الحياااااااة لانها سبحان الله راح تجدد وتحلى بعد الصلح بس لازم من التفاهم والاعتذار وكلمت انا اسف اذا انقالت للبنت خلاااااص يطيح الحطب يعني الامور موبذي الصعوبه والتعقيد |
رد : متملك من 8 شهور ولدي مشكلة
لا حول ولا قوة إلا بالله
والله كويس من البنت ما قالت إنها ماتبغالك من جد بنت ناس |
رد : متملك من 8 شهور ولدي مشكلة
شكرا لكم على هذا العتب لي واضح انني كنت مخطأ في حقها لاكن اوعدكم اصلح غلطتي واكلمها
اشكركم جميعا وبنسبة للي يسأل عن عملي 12 ساعه انا ماخذ اوفر تايم علشان اجمع فلوس ل اثاث الشقة واجارها |
رد : متملك من 8 شهور ولدي مشكلة
لوسمحت لي سوال انت تحبها لاني بصراحه اشك في حب خطيبي لي بسبب عدم اهتمامه واتصالاته لي مابالك هي وش بتقول
|
رد : متملك من 8 شهور ولدي مشكلة
اميل لها بس مافيه ذاك الحب المرة لاكن ان شاء الله بعد اكلمها يمكن اموووت في حبها
|
رد : متملك من 8 شهور ولدي مشكلة
الله يسخركم لبعض
|
رد : متملك من 8 شهور ولدي مشكلة
اذا كانت هذه البداية .. فماذا ستكون بعد الزواج وبعد ما تفتر المشاعر !
|
رد : متملك من 8 شهور ولدي مشكلة
اشكركم جميعا ساأتواصل معها خلال اليومين الجاية
|
رد : متملك من 8 شهور ولدي مشكلة
حرام عليك من حقها تتعرف عليك قبل الزواج خصوصا انه قريب :(
|
رد : متملك من 8 شهور ولدي مشكلة
|
رد : متملك من 8 شهور ولدي مشكلة
زين انها ماتركتك ..
وقالت وش لي بالجاف هذا ..المكتوب واضح من عنوانه .. احس انها تقول ..الله يصبرني على العيشه معه ..رجل جاد ..جاف ..مايتكلم الا بالطقاق .. اقول ادهر بالرسايل الحلوه والصور يااخي الفاضل .. ارسل لها ضرف به صوره لك رسميه ..مع هديه ذوق ..او قالب كيك ..<<<<<تكشخ به عند اهلها .. انا قديمه مرررررره ؟؟؟؟ الحين الصور بالجوالات ؟؟ |
رد : متملك من 8 شهور ولدي مشكلة
شكرًا لكم على ردودكم واتعلمت منك الكثير
|
| الساعة الآن 05:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©