السلام عليكم ورحمه الله وبركاته ..انا عندي مشكله وارجو منكم انكم تساعدوني وتوجهوني انا متزوجه من 8سنوات وعندي بنت وولد وحامل الان .
بقولكم نبذه عن حياتي انا انسانه وحيده وطول وقتي جالسه في البيت الحالي وعلاقتي مع اخواتي مقطوعه بسبب المشاكل.. وزوجي اغلب وقته بدوامه بنهار يطع الساعه 8 ص وما يرجع الا 4 العصر وبالليل يطلع 11 ويرجع 1..
حتى يوم حملت ما بارك لي وستمر بحقرانه لي وبعدها بشهرين ويوم اكتشفت جنس البيبي ما بارك لي وستمر ساكت والله تعبت منه ومن اسلوبه..
انا انسانه ماعندي اهل ولا صدقات ولا اي احد اروح له او يجيني مااعادا امي الله يخليها لي..
ورثت من ابوي مبلغ وشريت بيت وقلت لزوجي يسكن فيه وما عارض وافق على طول بس من سكنت هالبيت وانا بمشاكل لا يعلم فيها الا الله مشاكل تبدا صغيره وتنتهي بقطيعه كبيره تستمر لشهور بيني وبينه المشاكل مثل طلب المصروف او اذا قلت له بطلع اتمشى انا وياك او اختلاف بوجهات النظر بعدها يسكت وانا اسكت ونقعد على هالحاله شهور ومع العلم اننا نجلس بمجلس واحد ما يجمعنا الا التلفزيون وننام بسرير واحد بس هو مايتقرب لي ولا يحاول يراضيني..
بنات ارجوكم قدرو وضعي وكل وحده تحط نفسها مكاني انها جالسه كل هالسنوات بنفس البيت وبنفس الصاله انا والجدران محد يكلمني ولا اكلم احد وزوجي الي هو عارف وضعي والي المفروض يقدر نفسيتي صار يتلذذ اذا شافني اتعذب ووحيده وسبب قطيعتي مع اخواتي هو لااني دافعت عنه يوم اختي وصفته وصف مو حلو وتهاوشت معها وقلت لها ما اسمح لك تهينين زوجي بذا الطريقه وشلت نفسي وطلعت منهم والى الان لنا 3 سنوات مانشوف بعض وهو داري اني تخليت عن وناستي وخواتي عشانه وياليتني سكتت ولا دافعت عنه بالمقابل ياما اهله اهانوني وذلوني ذل بالكلام والافعال ولا حرك ساكن ولا دافع عني ..وسفهاته لي مو جديده مره قعد 7شهور ما يكلمني الاحقه بالفجر من الضيقه الي فيني وقوله تكفا الله يعافيك مكتومه مره من الضيقه ضمني واقعد اتوسل له واتاسف وقوله تكفا خلاص اسوي لك الي تبيه بس ارضاعني وكلمني تكفى انا محتاجه لااحد يحس فيني مليت من الوحده ياناس ويقد يزاعق علي ويدفني بكل قوته ويقولي ترا اذا ما وخرتي عني بطلع من البيت ويقولي كرهتك من كثر مشاكلك وانا امسكه وشوي ابوس يدينه ووشوي امسك صدري واقعد انقز من الضيقه الي جتني وشقق ملابسي وروح وادق على اخواتي الي لي 3 سنوات ما كلمتهم وابكي وقول لهم تكفون تعالو عندي او بجيكم احس اني بموت من الضيقه ويقولون لي مالنا دخل بمشاكل احد والله اني لحظتها فكرت بالانتحار بس ذكرت عيالي ومن بيرحمهم بعدي والله لوني اطلب الصفح من يهودي وشافني بهالمنظر كان رحمني ورضا عني جاني شي موطبيعي وقعد يهدد وياخذ ثوبه ويقول وخري عني ولا ترا بطلع عاد انا شفت ان مافيه فايده وعزت علي نفسي وقلت له اطلع خلاص ماعاد ابيك وطلع وقعد يمكن شهرين برا لين خلصت فلوسه على قولته وصار يكلم امي ويقول لها انا ماعاد معي شي عقلي بنتك وخلها تخليني ارجع وانا كأني ما اسمع وصار يرسل لي رسايل بالفجر ويقول تراني حالم فيك حلم شين يبيني اخاف وكلمه وسفهته ومره جا ياخذ عياله ويوم رجعهم دف الباب علي ودخل بالقوه ومسكني وضمني وقعد يبوس فيني ساعه بنات هو اذا كان راضي احس اني اسعد انسانه بالكون واحس بحبه لي بس الحقد مالي قلبه وبعدها راح للغرفه وقلب على وجهه الثاني شاف عمره ولا صار يكلمني الا من طرف خشمه صرت احس انه فيه انفصام بشخصيه ويوم قلت له ابي هديه على الي سويته فيني قال هديه تبن طاردتني من البيت وتبين هديه واصلا فلوسي خلصت على الغرف المفروشه وتركته ومشت الامور بنات رضوتنا انا وياه ما تكمل اسبوع وبعدها نتهاوش.. واخر مره الي هي الان سافهني 4 شهور ما يكلمي ويطلع ويدخل وانا بنفس الكنبه ونفس المكان ما اكلم احد ولا احد يكلمني وقوله مو معقول هالوضع بينا ياتتعدل يا تشوف لك حل واكلمه وانا ضايقه وتعرفون نفسيه الحامل هرمونات وضيقه خلقه واحاول اتقرب له وانا ابكي ويدفني ويقول وخري عني انا تعبان لا تقربين مني ويزاعق ويصارخ علي اهنت نفسي لييين رحمت عمري ومشيت من عنده وانا قلبي يتقطع ولا اهتم فيني وستمر بسكوته بعدها وقلت له من بكره بروح لمحل اشتري لي اغراض وانا لي مده ماطلعت من البيت ووداني ونفسه بطرف خشمه قعدت بالمحل ربع ساعه وبعدها ركبت السياره وقلت ابي محل ثاني وقعد ينافخ ويزاعق مايبي يوديني المهم قلت له رجعني للبيت واناواصله معي وقت له خذ ملابسك ولا عاد ابي اشوفك ببيتي وطلع ملابسه كلها من الدولاب ويسوي نفسه ماسمع وقالي كلمه حسيته انه يبي يدمر نفسيتي بحركاته هذي طلعت هالحركات مقصوده قالي ايه مليتي من البيت مالك الا كذا والعن ماعاد فيه طلعات لسواق حاسدني حسبي الله عليه على طلعة سوق ارفه فيها عن حالي والله كني اذا رحت لسوق اجنبيه بديرتي لا والله الاجنبيه عندها امل تسافر وترجع لبلدها واهلها الا انا ضايعه يالبيت او بسوق..اكمل لكم وطلع يصلي وقفلت باب المدخل ما ابيه يدخل كل ذا سويته وانا قلبي يتقطع ودي يحس فيني جربت كل الطرق ولا فاد خلاص انا صرت ماعاد افكر مليت من وضعي كذا احس حياتي راحت على زعل ونكد مع العلم انو شرا بيت من كم شهر قبل المشكله الاخيره ..المهم طلع ولا صار يصرف علي مع العلم انو ماعندي دخل ابدا الا مصروفي الي يعطيني اياه وخلاني اسبوع بدون اكل ولا مويه ولامصروف ووقت تحاليلي جا ولا عطاني ولا ريال وهو ادرا الناس انو لو بقعد بلبيت 100سنه محد سال عني لا اخو ولا اب ولا قرايب.. والمم دقيت عليه ولا رد وبالاخير رد ويالله يتكلم معي وقلت جب اكل للبيت وعطني فلوس لتحاليل بحلل وسكر السماعه بوجهي ودق وقفل جواله عاد انا ضاقت الدنيا فيني حسبي الله ونعم الوكيل يتقيوا على يتيمه ومره لا ومساعدته ومقدمه له بيتي وستغنيت عن الاجار عشان اساعده لين وقف على رجوله وشرا بيت ..المهم يوم شفته مارد علي واطلع رقم مديره من تحت الارض وكلمه وقول له ابي فلان ضروري اني ادق عليه ولا يرد علي وشكل مديره شك انو انا زوجته وبيني وبينه مشاكل وقال من اقوله قلت قله ام محمد قال ابشري وبعدها ب5دقايق صاريدق علي ولا وقف جوالي من اتصالاته حبيت اقرصه بهالحركه لااني سبق لي وهددته وقلت له ترا ان جاني منك شر ما يردني الا مكان عملك المهم تسلفت من امي فلوس ونزلت العصر باخذ لمزين وبروح احلل لااني لازم اسوي هالتحاليل لااني فيني غده درقيه ومو كويسه ع الجنين يبيلها متابعه ومع العلم ما جتني الغده الدرقيه الا من مشاكله الله ينصرني عليه من الضيقه والهم الي معيشني به ,,ونزلت بركب والقاه توه جاي بسيارته شكله هزته مكالمتي لمديره واحسه ما يدري وين الله حاطه فيه وركبت السياره ولا عبرته ودق بعدها وقال لبنتي اكتو بو ورقه طلباتكم عشان اجيبها لكم وقلت لها قوليله يعطيني فلوس تحاليلي قال ماراح اعطيها شي اذا تبي تحلل تجي تركب معي انا اوديها المهم صار ما عاد يجي للبيت وتاثرت نفسية عيالي وصارو كل يوم يبكون يبونه قطعو قلبي كني ناقصه استغفر الله الي فيني من المشاكل والحمل يكفيني طول الوقت انا وهالبزران الحالنا بالبيت ..ومره جا وخذ عياله بيجيب لهم اغراض وكانت عندي امي ورجعو وهم يبكون يبونه ودقت عليه امي رحمتهم قالت له ارجع لمتى وانت وياها شيل وحط خلاص خلك متفهم لزوجتك وحفظ بيتك ما رحمت عيالك قال لاء ولا ابي ارجع ولا راح اخليهم يجون بالبيت الجديد عاد انا شبيت وقعدت ادقق عليه وهدده بعدها كنه خاف وقال من قال اني قلت كذا ابد اي وقت تبي تجي فيه للبيت اناحاضر يقول لمي انتي فهمتيني غلط بس رجعه لبيتها ماني راجع..
بس لاحظو لوه ما شرا بيت كان رجع بس الحين استغنا واثره يجيني ذيك الايام عشان بيتي مو عشاني المهم انا رحمت عيالي مره ودق عليه ابيه يرجع ولا حياة لمن تنادي عيا مره واهاني بكلامه معي بالجوال صار ينام في بيته حاط له مرقد وبطانيه ومرتاح ..عاد جا يوم من الايام وانا كا العاده ذا بحتني الضيقه والشك كل يوم اتخيله مع وحده مع انو عمري ما مسكت عليه شي وزوجي راعي صلاه الحمد الله بس الشيطان شاطر..وفجاه نزلت ع راسي فكره كنت مواصله وكانت الساعه 9الصباح..قلت هماه يقول تجهز اغراضها باي وقت ونروح للبيت ..رحت وتروشت ونزلت بعض اغرض المطبخ عشان تنجح خطتي ودقيت عليه وهو بدوامه ورد علي وقعدت اكلمه وانا ابكي وقوله الحقني قال وش فيك قلت طلعت فوق الكرسي انزل الاغراض عشان ننقل وطحت وطلع مني دم كثير شكل الي ببطني طاح وجاني يركض وفتحت الباب له وخميته وانا ابكي قال يالله اوديك المستشفى قلت اصبر مقدر اتحرك ومشينا لين الغرفه وسدحني ع السرير واناضامته وقعد يقرا علي وبعدها سكت ونا سكتت بس هو حس اني اكذب وانا ما فيني شي ومشاها لي وصار بينا الي صار مع اي زوجين بس احسه ساكت واذا قلت له اشتقت لي قال ما ابي اتكلم قلت طيب قل اي شي قال تبين اكذب عليك قلت يعني ما تحبني قال انا ما قلت كذا بس خليها للوقت الي سويتيه فيني مو سهل وانا الى الان شايل عليك وبعدها رجع للبيت بس شايف نفسه ولا يتكلم معي الا باليالله عاد انا ما فيني صبر ابيه يرجع طبيعي مليت من وضعي معه كذا وقعت كم يوم اسايره لين ما مليت وتها وشنا من جديد والحين هو ساكت واناساكته وكلمته اليوم قايمه من النوم وانا ضايقه فيني الدنيا وقلت له خلاص ترا مليت لي شهر وانا اتوسل لك وقول اسفه بس هو حاقد علي مررره بس يكرر الي سويته فيه ويقولي انا ماراح اكلمك لين تتعدلين معي وتحترميني انا شخصيتي عصبيه واي كلمه منه اشب واذا زعلت معه ارسله رسايل تجرح وقويه بس من الحره مو مني وما ادري بعض الاحيان احسه يخاف مني اذا عصبت واحس شخصيته ضعيفه وبعض الاحيان احسه انذل من النذاله نفسها ..مع العلم انو اذا راضاني احس بثقه انو يحبني ويحاول يراضيني حتى بذيك الامور احسها من قلبه.. واذا زعل احسه يكرهني مره واشك بحبه لي..بنات انقذوني انا الشك لاعب فيني الان لعب من 3 شهور تقريبا رحت اشيل لحميه بنتي بمستشفلى حكومي وياريتني مارحت لقيت نيرس سعوديه طاقه مكياج كامل ومتلثمه بس طالع شكله بلثمه انها جميله مره ومضوقه البالطو حقها وجسمها جنان وما جا دوامها الا ع جيت زوجي لزياره وعشان يا خذنا وكانت موجوده من قبل لا يجي ولا عبرتنا ولا بكلمه يوم شافت زوجي انشبت لي نشبه بس تدلع وتختلق مواضيع عشان يشوفها والله اني من ذا ك اليوم مو طبيعيه ويوم طلعنا من المستشفى دق جواله وانا بسياره وطبعا انا وياه متزاعلين كا العاده وسمعه يقول لا انتي الغلطانه انا ما دقيت على احد حسيتها هي خذت رقمه من ملف بنتي وبدت تغازله مع العلم ان زوجي مره وسيم بس ما عنده اسلوب وهو قد قالي انو انا ما غازلت وانا مراهق وقبل لا اخذك وشلون تشكين فيني بها الامور وانا اصلا مو راعي حريم بس انا ما اصدقه هو راعي نظرات ويناظر الوسواس لا عب فيني كل يوم اتخيله معها بقصه وبوضع معين ارجوكم انقذوني وتوه شاري جوال جديد واحسه مايبي احد يلمسه واجي افتشه غصب عليه ولا القا شي بس الي مشككني اكثر اني اذا دقيت عليه ما يبين لي جواله انو معه انتظار وما ادري ليش احسه يخوني بالوقت الي يكون فيه بدوامه مع اني يوميين اشم ملابسه حتى العطر ما خذته منه ولا يتعطر ما اشم الا ريحة جسمه انهبلت من التفكير..والله لا ادعي للي تريحني بكلامها وتجيب لي نصيحه حلوه لاانها راح تفكني من هم وغم ما يعلم فيه الا الله والله يا بنات صرت الجاء لشات عشان اخذ حلول ونصائح ابي احد ينصحني ابي احد يوجهني ما عندي احد اكلمه ابدا تكفون طالبتكم عطوني حل ..وشاكره ومقدره لكم جهودكم..

المشاركة الأصلية كتبت بواسطة المتفائل بالله (المشاركة 2795026) السلام عليكم ورحمة الله تعالى وبركاته أختي في الله زوجُكِ إنسان محترم وخلوق ، ولكنكِ من سوء تصرفاتكِ قد جعلتي بينكِ وبينه فجوة كبيرة أدت إلى فتور بعلاقتكم الزوجية ، ولا أخفيكِ سراً بأن مافعلتيهِ بزوجك هو ضرب من الجنون فلا يوجد زوجة تطرد زوجها بالشهور وتجعله بالشهر والشهرين في الشارع تحت رحمة الشقق المفروشة!! هذا شيء يجعل أي شخص يحقد وليس زوجُكِ فقط ، وما يحمله لكِ من جفاء هو من صنع يدك ومن سوء تدبيرك. كل ماعليكِ الآن أن تغيري أسلوبك وطريقتكِ معة ، أنتي إنسانة تعانين من مشاكل نفسية ، لاتجعلين منها عدواً لكِ ولزوجكِ ومستقبلك ، وأتركِ الشكوك والظنون ( إن بعض الظن إثم ) ، وتلاحقي زوجُكِ بدلاً من أن يبحث عن زوجة أخرى يجد عندها ما لم يجده عندك. أتصلي به وقولي له بأنكِ تريدينه في نقاش ، وأعتذري عن تصرفاتك وأقري بها ، وأفتحي قلبكِ له ، وصارحية وقولي له بأنك تريدين أن تتغيرين وبأنكِ تحبينه ، وبيني له ندمك وحسرتك على مافعلتهِ به ، ثم حاولي سماعة بما يقول ووافقيه كل حروفة حتى وإن كان بعضها مؤلم ، ثم بعد ذلك توددي له وحاولي كسبه من جديد ، ولا يضيرُكِ إنكسارُكِ له فهو زوجك وكرامتكم واحدة. صدقيني انتي المخطأة في تصرفاتك الصبيانية ، هو أبو أولادك وإحترامه وحشمتة واجبة ، ثم لاتنسين بأنكِ لن تدخلين الجنة وزوجكِ غير راضٍ عنك. أبحثي عن السعادة وأتركِ الشقاء الذي يملئ قلبك ، أنتي بحاجة إلى التغير فعلاً . أسئل الله لك التوفيق والصلاح. إضاءة!! أبتعدي عن الشاتات ف الذئاب البشرية الخسيسة هناك كثيرة فكوني حذرة من الشيطان ومنهم. كل الإحترام.

المشاركة الأصلية كتبت بواسطة أماني مفقودة (المشاركة 2795031) تعوذي بالله من الشيطان الرجيم يا ساره والله المشاكل في كل بيت وأقرأي سورة البقره وأكيد نفسيتك مع الحمل بتتعب بس عليك بالصبر وحاولي تتقربين منه في فترة الحمل عشان تكسبين أجر وأستغفري كثير ولا تتركين للشيطان فرصه يدمر حياتكم ترى ما بيرحم أولادك زي ابوهم حتى ولو ظهرلك انه قاسي بس تقربي من الله يارب ييسر أمرك

المشاركة الأصلية كتبت بواسطة هبة الرحمان (المشاركة 2795057) انت مستفزة وما وما قصرتي في تكبير الفجوة بينك وبينه وهو ايضا ما قصر ابدا بتجاهله لك واهماله لاحتياجاتك العاطفية والجسدية كما ذكرتي في بداية سردك لقصتك حبسك في المنزل وانزواءك عن اهلك وقسوته تسببت في ضغوطات وبتراكم كل هذه الضغوطات يحدث معك الانفجار فيه بين الحين والاخر اختي اني اشعر بك الحرمان العاطفي ..وخصوصا الحرمان الجنسي يحبط نفسيتك ويوصل بها الى الحضيض وتنتج عنه شرارة لا يحس بها الا من ذاق طعم الجفاء وطعم الحرمان ولما تنفجرين تفقدي عقلك وتكوني تلك اللحظات انسانة ثانية محطمة وناقمة على الظروف وعلى الزوج بحد ذاته لانه سبب تعاستك وبؤسك وحرمانك وشقائك فهو لا يحاول تصليح الامور بينكما بل يزيدها تعقيدا بهجره لك بالايام والشهور اختي في الله سيقول لك الجميع سوء معاملتك لزوجك هو سبب تعاستك وتعاسته وقد يهملون ظروفك وانت بين 4 حيدان وهو لا مبالي لا بحالتك النفسية ولا بحالتكم الاسرية وما يحسن زوجك عمله سوى العقاب وهجرانك وليس هناك عقاب اللزوجة اقسى من هجران زوجها لها ..المهم اختصري الطريق و قولي للجميع نعم اعترف انه لي دور كبير في شقاء عائلتي وانا هنا ابي حلووووووووووووووووووووووووووووووووووووووووول حتى تنتقلي مباشرة لسماع الحلول و رايي الشخصي حبيبتي انكما تفتحا صفحة بيضاااااااااااااااااء دعكي من كل الاحداث التي مرت دعكي من قسوته ودعك من اهماله لك وجفاءه معك اتركي الماضي الحزين خلفك وانظري فقط الى الامام وتفاءلي ببداية جديدة لك وله ولاطفالك ادري انك تنازلتي وكما تقولينها انذليتي لكن لا باس اني اضم رايي للمتفائل بالله واقول لك بادري باول خطوة للمصالحة تكلمي مع زوجك واطلبي الاعتذار قولي له انك ظلمتني و رغم هذا اعتذر وهيا نبدا حياة جديدة بعيدا عن كل الضغائن و احقاد الماضي من اجل راحتكما سويا ومن اجل راحة الاولاد ..اقنعيه بانك ستتغيرين 180درجة لن تستفزيه ولن تجادليه ولن يسمع منك لا معارضة ولا اذية ولا اي شيء اختي الحياة الزوجية تفرض علينا ان نصفح ونتنازل من اجل الاستمرار اعطي لنفسك فترة نقاهة لا تجادليه في امر حتى وان كان غلطان مليون في المئة اتركيه على راحته حتى تكسري روتين تلك السنوات .. جدل مقاطعة وجفاء وعقاب ووووووووووو اهتمي بنفسك وبزوجك واطفالك وحاولي ان تخلقي جو السعادة في البيت وحاولي وحاولي وحاولي ولا تياس ابدا مادمتي تتنفسين وكل هذا يكون مقرون بالدعاء المستمر لله عز وجل ..اختي ادعي الله ان يحنن قلب زوجك عليك وان ييسره لك و ان يغير ما بنفسيكما خيرا و لك دعوة خالصة مني اللهم يسعدك ويبعد الباس عنك ويكون معك في بدايتك الجديدة

المشاركة الأصلية كتبت بواسطة افهمني تملكني (المشاركة 2795071) بصراحه الله يعينك عليه داومي على ا?ستغفار والدعاء في الثلث ا?خير من الليل و? تنسيني من خالص دعائك تقبلي تحياتي

المشاركة الأصلية كتبت بواسطة شوكه بين ورد (المشاركة 2795072) شوفي اختي ساره انا انصحك بتغيير نفسك كيف يكون التغيير؟ اول شي لازم كل يوم الليل تصلي وتدعي ان ربي يجعلك قرة عين لزوجك ويحنن قلبه عليك وادعي بما شئت صدقيني بالدعاء حتتغير حياتك للافضل ثانيا كل 3 ايام شغلي سورة البقره والاذان خليه دايما ببيتك كل ماجاء وقت الصلاه ثالثا ثقفي نفسك وحاولي تظبطي اعصابك ابحثي بالنت عن التغافل وعن الذكاء العاطفي وحاولي تتطبقي اللي تقريه يمكن بالبدايه يصعب عليك لكن مع الوقت حتتغيري والله يحنن قلب زوجك عليك

المشاركة الأصلية كتبت بواسطة راجية عفوه (المشاركة 2795116) السلام عليكم انا اول مره أشارك لان مالي بالكتابه بس ابغى أنصحك نصيحه لأني مريت بنفس ضروفك وما ادري يمكن يكون ردي مخالف بس بالله انا أنصحك انك تفتحين على منتديات نسوة بقسم الزوج الزواج يتكلمون عن شخصيات الرجال وزوجك اعتقدانه شرقي افتحي على موضوعات التعامل مع الرجل الشرقي وصدقييييني راح تفهمينه وتتقبلينه وان شاء الله راح تتغير حياتك للاحسن مثلي وأي سؤال انا حاضره

المشاركة الأصلية كتبت بواسطة هبة الرحمان (المشاركة 2795140) اختي امل لي اضافة بالنسبة لاهلك حاولي فتح صفحة بيضاء معهم وبذلك تفتحي باب الزيارات وتكسري روتين جلوسك بالبيت من غير زيارة اهلك لك وزيارتك انتي لاهلك ستتحسن نفسيتك كثيرا باعادة المياه لمجاريها مع اخوتك واني متابعة موضوعك ان شاء الله فقط لا تختفي وتاكدي اننا كلنا اهلك هنا

المشاركة الأصلية كتبت بواسطة *الدانه* (المشاركة 2795134) حياتك تحتاج الى اعادة ترتيب من جديد طريقة تعاملك معه اجعليها راقية وبعبارات جميلة مرتبة بعيدة عن رفع الصوت عصبيتك حاولي تغيرها كلما عصبتي روحي اتوضئ وغيري جلستك اشغلي نفسك بمايفيدها كالدورات او دخول دار قرآن صباحي او مسائي لاتجعلي زوجك محور حياتك بس تبحثين عن هفواته ولماذا لاتسكنوا بيت زوجك وتكونين تابعة له ولاتنسي ان قطيعة الرحم لها سلبياته وخيركم الذي يبدأ بالسلام تصالحي مع اخواتك الدنيا ماتسوى القطيعة اكثري من الطاعات وصلاة الليل وتلاوة كتاب الله اخيرا الدعاء والاستغفار لاتنسنيهم

المشاركة الأصلية كتبت بواسطة *الدانه* (المشاركة 2795153) اختي ساره كلنا في بيوت ازواجنا ومن حق كل زوجة ان يسكنها زوجها ونصبر على الهفوات ونتجاوز عنها ونتغافل عنها من اجل ان تسير سفينة الزواج ويعم البيت السكينة والراحة والود

لابد من تفعيل بعض الهوايات واقامه بعض العلاقات وتجسير العلاقه مع اهلك وارحامك
فربما كانت العقوبه التي انت فيها بسبب هجرانك لاهلك ثلاث سنوات

انا انسانه جميله والكل يشهد بكذا واحب التجديد بنفسي وبلبسي ويوميين البس واكشخ مو له لالالالاء عشاني انا احب البس واحب ادلع حالي بس لاحياة لمن تنادي..

زوجي انسان كئيب روتيني ممل صامت بخيل عصبي غامض كذاااااب

المشاركة الأصلية كتبت بواسطة تالينااا (المشاركة 2795237) سارة والله العظيم عندي لك حل سحري بيحل مشاكلك كلهت وبيخلي زوجك خاتم باصبعك بس هو حل صعب شوي ومحتاج صبر وقوة عزيمة وإرادة صادقة ومحتاج عزم حقيقي ورغبة حقيقية في التغير والوصول للحل بمعنى إنك تاخدي الحل وانتي عازمة فعلا على تطبيقه بحذافيره وعدم استعجال النتائج بل تصبري ألين يجي يوم وتشوفي نتيجة الحل بعينك ووقتها بتدعي لي لا شعوريا ^_^ تبغي تعرفي الحل؟؟ إنك تطنشي كلللل شي وماتحاولي تدوري حلول ولا تتوسلي لزوجك ولا تترجيه ولا تحاولي فيه ولا تعملي أي حاجة من بنات أفكارك وفي المقابل ترمي حموووولك كلها على الله سبحانه ونعالى وتقولي اللهم أنت حسبي وكفى يعني يكفي إنه الله عز وجل هو اللي يتكفل بأمورك من غير ماتبذلي أي مجهود شخصي فقط صدق توكل على الله عز وجل استشعري معايا كلمة حسبي الله لا إله إلا هو عليه توكلت وهو رب العرش العظيم استشعري معايا كلمة اللهم اكفني بما شئت هذه الخطوة الأولى وهي خطوة مهمة جدا لأن من صدق مع الله صدقه الله الخطوة الثانية تلاوة سورة البقرة بشكل يووومي وعندي لك تقسيم رائع يعين ويساعد على تلاوتها وتدبر معانيها ايضا أن تقرأي بعد صلاة الفجر إلى آية رقم 76 وبعد الظهر إلى 134 وبعد العصر إلي 190 وبعد المغرب إلى 237 وبعد العشاء إلى نهاية السورة وبهذا تعمرين يومك بتلاوة القرآن الكريم الذي سيصبح أنيسك في وحدتك فإذا تذوقتي لذة الطاعة صدقيني بتنسي الدنيا بمافيها وأولهم زوجك لأن الله عز وجل يكفيك والخطوة الثالثة هي الاستغفار طوال اليوم أثناء عملك في المنزل أثناء إرضاع الأطفال أثناء الطبخ أثناء الغسيل المهم يظل لسانك يردد الاستغفار الخطوة الأخيرة استغلال آخر ساعة من الليل لرفع اليدين بالدعاء بما تريدين سارة صدقيني إذا التزمتي بالحل هذا بيجيك زوجك غصب عنه تدري ليه لأن من كانت الآخرة همه أتته الدنيا وهي راغمة ومن كانت الدنيا همه جعل الله فقره بين عينيه ولم يأته من الدنيا إلا ماكتب له منها سارة ترى مالك ونيس ولا صديق ولا أخوان ولا أخوات فجربي هذا الحل جربي إنك تخلي كتاب الله جليسك وونيسك جربي تسمعي محاضرات باليويتيوب تراها دنيا زايلة ودام مالك حظ فيها لا تركضي وراها اتركيها وراك وأنا وأختك وخليك في اللي جاي هو الأهم وربي يوفقك ويفرج همك ويفتح عليك

المشاركة الأصلية كتبت بواسطة سمو ذات (المشاركة 2795341) يمكن هالمشاكل من الشيطان كيف علاقتك مع الله ؟؟؟؟؟؟؟؟؟؟؟؟؟؟؟؟ اوقات سبب مشاكلنا كله من البعد عن الله وحنا مو عارفين اكثر من الاستغفار فهو حل للهموم وتحسين العلاقات والمغفره وقراه القران فهي تبعد الشياطين واذا عندك فلوس تصدقي الصدقه تطفي غضب الرب في افعالنا وطاعتنا الى الله ييسر الله امورنا وعليك بصبر ويكفي قول الله تعالى وبشر الصابرين لا اله الا الله