|
زوجي والبلاك بيري ...
السلام عليكم ورحمة الله وبركاته مشكلتي مع زوجي والبلاك بيري الحمدالله حياتي مع زوجي بشكل عام حلوه وهو طيب وحنون لكن احيانا تكون تصرفاته متناقضه مثلا هو يكره البنات اللي يستعرضون تبرجهم بالاسواق وغيره وبنفس الوقت ايميله يحتوي على بنات وكان من فتره يكلم البنات جوال بس حاولت معه الى ان انحلت مشكلة الجوال باقي الايميل لكن بشكل اقل مو بتعلق مثل قبل .. ومن شهرين تقريبا اشترينا انا وهو بلاك بيري لكن يافرحه ماتمت يقبل اضافات بنات وقابل اضافات بنات وراضي بالحديث معهم والى الان يردد انا مو راعي بنات = تناقض فاتحته بالموضوع اني متضايقه من تصرفه وحاولت اعالج هالامر فيه بالبدايه عاند وقال لي بتتعودين مثل ماتعودتي على النت<<<< جواب يجلط والله ولما فاتحته مره ثانيه قال خلاص انتظري لما يخلص الاشتراك بالخدمه ويصير خير قلت له على خير وامس اقوله اذا خلص اشتراكك نبيع الجهازين انا وانت قال انا لا انا مارديت عليه قلت لازم افكر كيف ارد عليه وايش هي الردود اللي تقنعه ليه غير رايه مع انه كان شبه موافق يمكن بتقولون تصرفي بارد او مااحس لاكن بقول لكم من كثر ماافاتحه بنفس المواضيع المعاكسات بشكل عام خلاص صابني جمود لانها تصير مشكله كبيره ووجع راس ومااطلع بنتيجه فوريه دائما الا بعد فتره ومن نفسه لكن نقول الحمدالله مقتنع بس العناد يخليه ماينفذ.. واللي بيقولون البسي واكشخي وسوي وفعلي...الخ بقول لكم مومقصره من هالنواحي وبلفظ لسانه ويحلف بالله انه يحبني واني مريحته ومومقصره عليه بشي ومافيني نقص بنظره حتى لما طرح عليه سؤال هل تريد زوجتك تكون مثل امك ؟؟ جوابه كان اريدها مثل ماهي والله محتاره كيف ابتدي معه واناقشه كيف اقنعه يترك هالمصيبه هو يغلب على طبعه العناد يعني لما اطلب منه يترك هالشي يزيد تعلق فيه ملاحظه زوجي اذا بناقشه بالكتابه يكون عنده استعداد اكثر انه يتناقش معي واحيانا اطلع بنتيجه مرضيه عكس النقاش المباشر بسرعه ينفعل ويعاند الكتابه اقصد فيها المسنجر او رسائل الجوال او الواتس اب انصحوني للتصرف العقلاني المفيد جزاكم الله خير |
يكرهون البنات المتبرجات ويحبون يكلمونهم مسنجر وجوال اي تناقض هذا..!!!
ع العموم انتي بنفسك قلتي الحل اكتبي له رساله وارسليها واوصفي حبك له ومعاناتك باسلوب ماينرفزه ويكون اقرب لقلبه وانتي ادرى بزوجك.. |
معليش شين وقوي عين ، يكلم بنات ويضيفهم عيني عينك وانتي بعد تدرين يعني لاسمح الله لو انتي إلى عندك شباب وش يبي يسوي وش رده فعله ؟! بصراحه ما ادري وش اقولك ، مابى اقولك كلمي اهلك يتفاهمون معه عشان ماتخرب علاقتكم ، ولا ودي اقول سوي كذا وافعلي كذا وتكون مشكله بالنسبة لك ، حاولي تكتب له كلام يكون معسول وخبريه عن حبك له وان الشى إلى يسويه يضيق صدرك ولا يرضى الله ولارسوله يعني ومن هالكلام الله يكون بعوونك والله |
الله يهديه ويسخره لك.
|
خذي البلاك وسوي له فرمته من جديد
واذا قلك شي قولي مالي دخل بجوالك تلاقيه تفرمت لحاله وسوي كذا وشوفي كل ارقام البي بي بن تروح |
من القائمه اختاري ( خيارات ) علامتها زراديه وبعدين اختاري ( خيارات الامان ) وبعدين اعدادت عامه واضغطي على علامة البلاك بيري بيطلع لك محو بيانات الجهاز ووبس اضغطي على محو بيانات الجهاز وادخلي كلمة بلاك بيري وبس ياقلبو |
:23:وكذا حبيباته بيزعلون لانهم بيفتكروا ان زوجك حذفهم
|
زي ما قالولك الاخوان،، امسحي البيانات و حاولي تتواصلي معاه بشكل و حضور اكثر بالمسنجر حاسة بيك انا خربت جواله مرة وحدة |
جزاكم الله خير جميعا
سؤال كيف افرمته او امسح بياناته لو عليه رقم سري؟ وحتى لو فرمته ورجع اشتغل الجهاز اللي كانو معه يسوون له اعادة تعيين ويقبلهم ويرجعون انا حصل معي كذا لما تفرمت جهازي. بصراحه افكر اني اغرقه بالمويه ولو انه اذا عرف عناد بيشتري غيره رغم انه اول مااخذه قال ندم انه اخذه وانه مااعجبه |
لاتعلييييييييييييييييييييق000
|
زوجك رجل طيب لكن عامليه كمراهق لديه مراهقة مؤقتة وتروح والحوار المكتوب ممتاز خليك عليه ترى يحبونه الرجال كلهم
|
اقتباس:
ولاتعانديه عشان لايزيد ,, الله يسخركم لبعض يارب |
اقتباس:
ولاتعانديه عشان لايزيد ,, الله يسخركم لبعض يارب |
؟؟؟؟؟؟؟؟؟؟!!!!!!
|
السلام عليكم
حاولي تتقربين منه اكثر وصيري حنونه معاه يمكن هو قاعد يدوور على شيئ فاقده منك عشان كذا تقربي اكثثر منه ولا تفاهمي معاه بالرسايل بهدووء واصبري عليه الله يكون بعونك انشالله |
الله يصرف عنكم كل سوء ويصلح حاله ويصبرك يارب
|
جزاكم الله الجنه
اقتباس:
الله يقلب القلوب يمكن اذا تركته يتمادى ويحصل مالا يحمد عقباه |
رد : زوجي والبلاك بيري ...
الله يكون بعونك
والفرمته ماهي حل الرجل دامه راعي بنات حتى لو انحذفة لستته بيرجع يضيف مره ثانيه يبغالها حل جذري وهو انك توهميه انك تضيفي رجال بجهازك وشوفي ردة فعله |
رد : زوجي والبلاك بيري ...
8
8 8 ولاهذا حل بالعكس بيفاقم المشكله وبجيب لنفسي الشك من قبله اصعب شي ان الزوج يشك بزوجته |
رد : زوجي والبلاك بيري ...
احذفي البنات وقبل الحذف اختاري تجاهل
|
رد : زوجي والبلاك بيري ...
وش هالحال العجيب.. وصلت معاه انه يقولك بتتعودين على موضوع البنات؟!! لا تزعلين مني بس ما ينلام من برودك.. وكله كوم واللي اقترح تحذفينهم الحين هذا حل؟؟ بكرا يظيف غيرهم..
انا لو مكانك اقوله ان شفت اسم بنت بجوالك بروح بيت اهلي وش قلة هالحيا ترا بكرا الناس تلعب باعراض بيتك وبناتك لانك ماراعيت اعراض غيرك.. يخونك قدامك وما تسوين شي مو مستوووعبه؟؟؟!!!!!! |
رد : زوجي والبلاك بيري ...
اقتباس:
انتي تقولين كذا لانك ماجربتي وان شا الله ماتجربين ويمكن لو جربتي زوجك غير عن زوجي اذا كنتي متزوجه التعامل مع العنيد يكسر الظهر ويفقع المراره ويمكن سنك صغير وفكرتي بهالطريقه مااشتت عيالي واخرب بيتي على نزوى او عارض نفسي الله اعلم ايش وبنفس الوقت اسعى للحل بتروي وعقلانيه عمر التهور نتايجه ماترضي وبالنسبه لكلامك وتذكيريك لو بيقتنع بهالكلمتين اللي قلتيهم من زمان انتهت المشكله بس ياحليلك شكلك توك جديده بالتعامل مع الزوج |
رد : زوجي والبلاك بيري ...
مـــآشاء الله عليكي عآآقلة بالحييل ^_^
ربي يطمن قلبك ماعليك حبيبتي مــآفي مشكلة إلا ولهــآ حل..ابحثي عنه |
رد : زوجي والبلاك بيري ...
أكثر من الإستغفار فهو علاج لكل مشكله :
من ثمار الإستغفار : 1- إنشراح الصدر والراحة النفسيه . فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) . 2- أنه حل لك مشكلة ولكل هم . قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) . 3- الرزق ( المال والولد ) . قال تعالى : (فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) . |
رد : زوجي والبلاك بيري ...
الدعــــــــــــــــــــــــــــــــــــــــــــــ ـــــــــــــــــــــــــــاء الله الهادي اسال الله العظيم ان يكره في الجوال و............ اكثري من الدعاء وخلي املك في الله مو بيدك شي بس بيد الله (الشباب عـــــــــــــــــــــــــــــــــــالم غريــــــــــــــــــــــــــــــــب) !!!!!!!! |
رد : زوجي والبلاك بيري ...
زوجك مخطئ اكيد
بس بقولك شي الببي ماسنجر ممكن يكون عنده بنات ومايسولف معاهم يعني ماتكون بينه وبينهم علاقه بس برودكاستات وكذا يعني كانه داخل منتدى ويقرا مواضيع وممكن يكون علاقته فيهم نفس ماتكون علاقت الشباب والبنات بالمنتدى وماتتجاوز كذا كلميه اذا اقتع وترك الجهاز اوكي بس اذا مااقتنع لايكون همك الشاغل وبعد لاتحاولين تسوين اللي قالوه لك البنات ترا مو من حقك تسوين فورمايت لجهازه انتي ماترضينها لنفسك |
رد : زوجي والبلاك بيري ...
جزاكم الله خير جميعاً
والله اني في حيره شديده اذا سكت يتمادى واذا تكلمت يعاند يعني مافي حل صبر جميل والله المستعان |
| الساعة الآن 08:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©