|
عن ماذا ابحث في زوجة المستقبل
السلام عليكم
انا صراحة مقبل على خطبه نسخه رقم 2 لاني تملكت وانفصلت :25: المهم ابغا اتأكد اني مااطيح في نفس المشاكل اللي واجهتها الا وهي ان البنت ماكان لها شخصيه وكل افكارها جايه من اهلها وغير كذا تكذب طبعا هذي الاولى والحين خايف ان الثانيه تطلع مثلها ويقولون اهلي البلاء فيك ماهوب في بنات الناس وانا اهلي من النوع اللي يقلب علي عشان زوجتي يعني الاولى حطوني انا الغلطان وانا اللي اثير المشاكل ولاكن ماابغا اغفل عن طبع البنت ولاعن ميولها ولا ابي اركز على الجانب اللي شفته من الاولى وانسى جوانب كثير المفروض اركز عليها واتمنى منك المشوره ومشاركتي بالاسئله المهمه اللي يجب ان اسألها البنت في الشوفه الشرعيه والاسئله اللي اخلي اهلي يجاوبون عليها بعد مايروحون يشوفونها وشاكر لكم ومقدر :15: |
شوف الأسر مثل المذاهب أو مثل الماركات فدور لك على أسرة متواضعة وما عندها الدلع الزائد والكذب وطليقتك لا تلومها لكن عليك أن أن تلوم أسرتها اللي ربتها على الكذب. بإختصار دور أسرة لو بتروح سفر أو تعمل مؤسسة راح تختارهم يشاركوك ولا تختار أسرة همهم الناس. نقطة أخيرة وهي إن الدين شيء والأخلاق شيء (إذا أتاكم من ترضون دينه وخلقه) يعني لابد من وجود أخلاق وحبذا لو عندها أخوان رجال بحيث لو حصلت مشكلة أو خلاف يوقفون مع الحق ويرجعونها أو يرجعون حضرتك للصواب
|
من ناحية اني ادور العائلة الملائكية فماراح احصل عائله بالطريقة اللي تقول يعني لازم في كل عائلة مشاكل ولابد من شخص في هالعائلة يكون مفلم ومخرب سمعتهم وقليل تحصل عائلة مافيها عيب ومافيه اصلا
الدين صح ممكن اقولك راح تشوف ابوها واخوانها مثلا يروحون المسجد ومحافظين بتعرف لاكن الاخلاق بعض الناس تلقاه دين ولحيه ولو يختلف معاك على شي بسيط خلاك انت واليهودي واحد ولو سألنا اهلها مثلا عن صلاتها بيقولون ايه مايذن الا هي بسجادتها ومن ناحية اخوانها انا متاأكد راح يوقفون معاها على الحق والباطل وانا راح اكون الغريب والمثل يقول انا واخوي على ابن عمي وانا وابن عمي على الغريب ماداويت جرحي ولاكن زدتني جراحاَ |
اهتم للجانب التعليمي للفتاه فالمتعلمه اكثر فهم ودرايه من غيرها . عمرها لايقل عن 21 سنه تكون ناضجه وفاهمه معنى الحياة الزوجيه ، وحتى فارق السن بينك وبينها لايزيد عن 4سنوات . (والله ولي التوفيق ) |
لازم تقول شروطك لاهلك
موب يروحون يخطبون وحده ماتطلع من ذووقك المهم يخطبولك وحده من اختيارك مثل ولد اختي قال لامه اابهاا واخلاق وجمال وجامعيه قريب من طوله لانه طويل ماشالله وبفضل الله الحين متزوج البنت اخلاق وبنت ناس وجامعيه ومحترمه وجمال .. ومن اسبوع انولد له مولود ذكرفضل من ربي .. اخوي موب عيب تقول شروطك كلها المهم لو افتروا فراره لازم يلقولك .. البنت بششرووطك موب خطوبه والسلام هذا عرس الواحد يكون مقتنع من اختياره ولايتزوج اي زواج لانه بيجابلها العمر كله اهم شي تكون البنت بوصفك انت لاتتهاون عن طلباااتك وشرووطك لو حفت ريولهم ويدورولك اهم شي اللي بوصفك |
انا تابعت موضوعك السابق بكل ردودهـ وعرفت معاناتك مع خطيبتك السابقه ,,
أنا في رأيي أي واحد مقبل على الزواج أول شي يشوفه في البنت ( شخصيتها ) ,, الشخصيه هي الأساااااااااااااس في كل شي يعني مثلا إنت شوف الأشياء اللي تحبها في البنت !! نفسك البنت اللي بتكمل معاك عمرها تكون خفيفة ظل مثلا وحيويه ومرحه وحبوبه وست بيت ,, أو تفضـل وحده شخصيتها قوية وعاقله وراكزه كلامها قليل وموزون وطموحه ,, ممكن تبغا بنت صغيره وشخصيتها ما اتكونت لسه عشان مثل مايقولو تعودها على طبعك ( رغم اني ماافضل هذه النوعيه ) يعني حط في بالك كيف شخصية البنت تبغاها ؟ وأكيد لو كانت مثل ماتبغا انت راح تحبها وتشوفها ملكة جمال في عيونك وطبعا لاتقول ابغا فيها كل الصفات لأنه شي مستحيل تلاقي وحده فيها كل شي لكن أسأل نفسك إيش الجانب اللي تفضله في البنت ؟؟؟؟ كيف راسم شخصية فتاة أحلامك في خيالك ؟؟؟؟ كمان سؤال مهم عشان نقدر نساعدك كم عمرك ؟! أنتظر إجابتك وبعدها ندخل في الأمور الأخرى اللي لازم تبحث عنها في زوجتك المصون ,,, |
اختبر فكرها بمثل ماتراه مناسب لتفكيرك
اختبر خُلقها بمعنى ان ظهرت لك واضحه ولم تتكلف في زينتها اعرف انها صادقة اذكر الماضية كانت لابسه كعب ولبس طويل يظهر انها طويلة وهذا من الغش فاتت ركز هاالمرة اسئلها عن شروطها ولو تناقشها في بعضها جميل لترى عمق تفكيرها اترك العنان لاحد اخوتك ممن تثق بها وبنظرتها لاختبار اخلاقها ومدى مقارنة مارأته مما رايته انت قل لاخوها او ابوها ممن سيكون موجود بالنظرة بأنك تريد ان تطول شوي وذا انتهيت انت ستقوم بنفسك لألا تخرج هي سريعاً وانت ماطلعت بنتيجه اممممم هذا اللي ببالي والله يوفقك لما فيه خير * |
ما عندي ما أقوله لك.. لكني دخلت للدعاء لك بالتوفيق..
|
مااقدر افيدك لاني ماادري كيف تبي شخصيتها
لكن افضل شي تكون متخرجة من الجامعة نضجت وتكونت شخصيتها الله يوفقنا واياك |
وعليكم السسسلام
اهم اهم اهم اهم شي بوجهة نضري ,, آذكر شروطك اللي تبيهآ في زوجة المستقبل ,, من نآحية الششكل واللبس والتعليم ,! عشان لا تتوهق مثلا بوحده تبي تكمل دراستها وانت تبيهآ ست بيت ,! اومثلآ تبي وحده تلبس عباة رآس وهي مآتلبسس وحتى ملآبسهآ يعني اذكر شروطك فيهآ ,! او مثلا ما تبي وحده طويله او تبي شعرها طويل وه الاشياء ,! لانه يآثر مستقبلا عليها وعليك ,, هي تحس انك منت مقتنع فيهآ فتحصصل فجوه بينكم ,, حتى طلعآتها اذا انت من النوع اللي ماتحب اهلك يطلعون كثير قلهم بعد ,, عشان تكون البنت واهل البنت في الصوره ولآقدر الله صار شي بعدين حجتك معك ,! وآذآ تمت الخطبه على خير ان شاء الله حآول تححححب في البنت روحهآ ,, شخصيتهآ ,, آخلاقهآ ,, لآتوآجهآ بعيوبهآ وانتم في بداية المكله بحجة انو ابي اكتشف ميولهآ ,! هذآ آكبر غلط ,, وبعدين صعب تكتشف ميول وشخصية البنت من كم كلمة تقولهآ لهآ في الشوفه ,! صدقني اذا ام البنت طيبه واخلاق فـ البنت رآح تكون مثل آمهآ لآنهآ تربية يدهآ ,, اقتباس:
وبعدين اذا تبي تكتشف شخصيتهآ واخلاقهآ ,, خل فترة الخطوبه قبل المكله شهرين كذه وكلم وحده من خواتك اللي تثق فيها تكون على توآصصل مع البنت عشان تكتشف اسلوبهآ وميولهآ ,, والله يوفقك ,, |
اقتباس:
وحلو جدا إنك تتجنب الأخطاء اللي صارت مع أنه لمآ قرأت موضوعك كنت اشوف سبب مشاكلك صغر سن البنت كانت لسى مراهقة >> يآشيخ إحنآ خواتنا اللي بالثانوي والمتوسط مانقدر عليهم ولازم نداريهم بسبب العناد والكذب والبكاء و المزاجية ووو فحاول تاخذ اكبر من 21 زي ماقالت نسمات البرد والسبب الثاني كان في اسلوب تعاملك معها ومشاعرك اللي كنت اشوفها مضطربة نوعا مآ ..اعتقد انك اصبحت افضل الآن وتعلمت أكثر .. أقرأ عن احتياجات المرأة حتى توسع مداركك و طور من مهاراتك في امور الحياة >> في موضوع جميل للعضو حنون بطبعي حتستفيد منه والله يوفقك وتلقى إللي تتمنى يارب |
انصحك بالاكثار من الدعاء وتحري مواطن الاجابة والاستخارة والاستشارة قبل الاقدام على اي خطبة
ضع معايير موحدة لك مثل الطبقة الاجتماعية للفتاة ومستوى ثقافتها وتعليمها واخلاقها ودينها واذا اقدمت على الخطبة اقرأ عن فنون التعامل مع المرأة وعليك بكتاب ( الرجال من المريخ والنساء من الزهرة) حاول تكون مرن مع انثاك واستمع لها واجعلها تثق فيك بهدوئك وحكمتك وركادتك وحلمك وصبرك على اخطائها واجعلها تفضي اليك باسرارها برغبة منها بعد ان تكسب ثقتها فيك اعرف بنت عنيدة جدا والان هي مملكة ربي يوفقها كنت انصحها بعدم العناد , وزوجها ماشاء الله تبارك الرحمن ذكي وعرف يحتويها بدأ معاها بالكلام الحلو والغزل والبنت مثقفة وذكية ماتحب اللي يتغزل فيها وهو فهم شخصيتها وصار يمدح ثقافتها وذكائها وحاول يستكشف شخصيتها وصارت الان تطيعه طاعة عمياء وربي قذف حبه بقلبها كله بسبب صبره عليها وعلى اخطائها وحلمه عليها وعرف مفاتيح شخصيتها العلاقات الانسانية تحتاج الى مجهود وصبر وحكمة وحنكة وتفهم وروية واسال الله ان يرزقك الزوجة التقية النقية الصالحة الحنونة المخمومة القلب الودود الولود ويجمع بينكما على خير |
يعطيكم العافيه والله فتحتوا عقلي على اشياء كثيره وبالنسبة للعمر 27 والحمدلله المشاعر مستقره الحين يعني انشالله ماراح يكون فيه اندفاع مثل المره اللي قبل مع انه بعض الاحيان اتذكر بنت عمي ويضيق صدري عليها
واخاف مشاعري لها تضل حتى بعد الزواج والحين انا مسجل في دوره حقت الزواج بس مايندرى هي تنفع ولالا وانشالله ماراح يكون فيه اخطاء هالمره :) وشكرا على النصائح ووانتضر منكم توجيهات اكثر |
اقول ترى امسك الوالدة بالهدواة فهمها عن شروطك والمواصفات الي تبيها وكمان لو عندك اخوات فهمهم تمام التمام ووريهم العين الحمرا حتى ما تلقى الي ما يسرك واكثر الدعاء
والبنات مو كلهم طينة وحده فيهم وعليهم بس الكمال لله حاول اذا توفر الشرط الاساسي ارضى واحمد الله لان الكمال له سبحانه |
الله يكتب اللي فيه الخير وشاكر ومقدر لك اهتمامك
|
الله يوفقك أخي الكريم بما تناسبك وبالصالحة اللينة المطيعة، أخي كثف وكثر الأسئلة عنها ولا تتوقف عن الأسئلة، وأظفر بذات الدين تربت يداك، وقبل ذلك كن صالحاً يرزقكَ الله بالصالحة إن شاء الله، يجب حين أن نطلب فتاة لاتكذب وعقليتها رائعة وفيها تدين، أن نكون أيضاً لا نكذب وعقليتنا رائعة وفينا تدين.
|
اللهم امين الله يجزاك خير يانيت مان وانشالله ربي يرزقني على قد نيتي لاني الحمدلله مصفي النيه
|
الله يعطيك ويرضيك ويناولك مبتغاك ماعندي شي اقوله زووود عن اللي قالوه غير هالدعووه الصادقه00
|
تذكر أن من تبحث عنها هي :
من ستبني بيتك و تربي أبناءك و تتحمل مسؤولية غيابك من تكون سترك وتحترمك في وجودك وغيابك من تحافظ عليك وعلى بيتها .. للأسف هناك كثير من يجهل دور المرأة الرئيسي في بناء الأسرة يبحثون عن المتعة الوقتية ويمحون بذلك أهم الجوانب المتطلبة في المرأة لبناء حياة مستقرة سعيدة ركز على هذه الأمور وأهم أمر ستسعد به إن شاء الله الرقي والأخلاق العالية ... هي من ستكون لك الأم والزوجة المثالية ولا تنسى حاجاتك أنت التي ترغب بتواجدها في زوجة المستقبل فلا عيب أن تتمنى وتبحث عنها مثال في الجمال في العلم في الدلال ,, حتى ترتاح أنت إبحث عن من تريدها أنت وفقك الله أخي بالزوجة الصالحة وأسعدك ,, ورزق شبابنا وبناتنا |
اقتباس:
|
اقتباس:
|
رد : عن ماذا ابحث في زوجة المستقبل
والحين خايف ان الثانيه تطلع مثلها
جملتك هذي راح تخليك تكرر الخطأ مره ثانيه.. انسى التجربه الاولى, حدد ايش تبغى بالضبط في شريكه حياتك.. لا تقول مابيها سلبيه مابيها نكديه ..(( قول ابيها ايجابيه ابيها فرفوشه ابيها اخلاق. الخ )) .. ركز على اللي تبي فقط و توكل على ربي في تدبير امرك , و راح تلاقيها باذن الله .. اتمنى لك التوفيق .. الله يرزقك بالزوجه الصالحه اللي تتمناها يارب عاجلا غير اجل .. |
رد : عن ماذا ابحث في زوجة المستقبل
اقتباس:
وصراحة مايهمني الجمال كثر مايهمني انها طيبة قلب واخلاق وراعية صلاة ادعووا لي الشوفة الشرعية قريبه وماادري وش اسألها عنه اتمنى انكم تشورون علي :rolleyes: |
رد : عن ماذا ابحث في زوجة المستقبل
تصدق كثيراً بنية التوفيق في إيجاد الزوجة الصالحة وتوكل على الله
|
رد : عن ماذا ابحث في زوجة المستقبل
توكلت على الله
بس انا مافي بالي ولا سؤوال لها يعني احسها انسانه غريبة مااعرف عنها اي شي مع انهم كلموني عنها كثير لاكن مابعد حسيت بااي مشاعر لها صرت بارد مشاعر عقب الخبله الاولى |
رد : عن ماذا ابحث في زوجة المستقبل
مــآشاء الله خطبت..مبروك
خذلك مية ريــآل واعط اقرب عامل تشوفه وانوي بالتوفيق بجد ترى الصدقة أثرهآ عجيب والله يسهل امورك |
رد : عن ماذا ابحث في زوجة المستقبل
انشالله دعواتكم بس
|
رد : عن ماذا ابحث في زوجة المستقبل
مآشآء الله تبارك الله ربي يتمم لك على خييييير ... عن ايش تسألهآآآ عاايدي عن احوالهااا ودراستهااا بعدين احكي انت عن نفسك وعملك ... ان شاء الله المجربين يدخلوووا ويجابوا ... موفق ياعريس من جد فرحتلك:17: ربي يتمم فرحتك وسعادتك مع هالانسسانه على خير :14:... |
رد : عن ماذا ابحث في زوجة المستقبل
اقتباس:
امييييييييين اشكرك من صميم قلبي بس المشكله اهلي راحوا يشوفونها قبل اسبوع وكل مااسألهم يقولون نسينا شكلها طبعا هذا بعد مساألوا عني اهلها كل الحاره وكل الشركه وكل اخوياي واشوا طلعت السمعه طيبه :17: بس خايف انها ماتعجبني عقب مادروا الناس اللي حولي اني خاطب واخاف اكسر خاطرها :29: بس صراحة ابوها عسل والله حبيته :22: |
رد : عن ماذا ابحث في زوجة المستقبل
بسم الله والحمد لله
أولاً أخوي إن شاء الله تكتب بهذه الصيغة ثانيا النبي صلى الله عليه وسلم أوصى الشباب ً بذات الدين وقال صلى الله عليه وسلم فاظفر بذات الدين تربت يداك لاحظ الوصف هنا , وأيظا أوصى عليه الصلاة والسلام : (الدنيا متاع وخير متاع الدنيا المرأة الصالحة) رواه مسلم. هكذا بإذن الله يكون المتاع والاستمتاع والسعادة الحقيقية المتأصلة بعبادة الله وحده لاشريك له عزوجل فكانت وصاياهـ صلى الله وسلم وبارك عليه في الاختيار للزواج سؤا ءً رجالا أونساء مبنية على أساس قوي ومتين وهو الدين والخلق والصلاح. ثالثا عليك بالاستخارة , الاستخارة . الاستخارة اخيرا الله يوفقك ويكتب لك الخير ويسعدك . وصلى الله وسلم وبارك على نبينا محمد وعلى آله وصحبه ومن والاهـ |
رد : عن ماذا ابحث في زوجة المستقبل
الدين .. الاخلاق .. الطيبة
|
رد : عن ماذا ابحث في زوجة المستقبل
اقتباس:
شووف أخووي أمك ماااختارتهاا لك إلا لآنهاا بالفعل عجبتهااا سواء دين واخلاق وجممال .. وان شاء الله تعجبك وربي يسخركم لبببعض .. ونصيحححه داوو أموركم بالكتمان خصوص في هالامور والمفرووض ماتعلن إلا بعد ماتخطب رسمياا وقد شفتهااا .. واخيراّ الزواج مافيه مجآآملآت واستخيـــــــــــــــــــــــــــــــر ربك حتى بعد الملكه ... |
رد : عن ماذا ابحث في زوجة المستقبل
جزاك الله خير على النصيحه ياروحها عطر والله يتمم على خير
|
رد : عن ماذا ابحث في زوجة المستقبل
تبي شخصيتها مستقلة وقراراتها تنبع من ذاتها
خذ كبيرة او متوسطة العمر متعلمة. ويفضل ان تكون في قسم صعب يحتاج شخصية جلدة وقوية او ان تكون طالبة دراسات عليا لان بعض التخصصات والدراسات يعايش فيها الشخص قرارات مصيرية ويومية اخيرا كلمها قبل الملكة اقل شيء اسبوعين بالاتفاق مع اهلها ولاتقول اكلمها بعد الملكة وش الفايدة يعني. بعد الملكة الانفصال بينكم يسمى طلاق ولاتقول ماراح اكتشف شيء او بيغلب على مكالماتنا المجاملات وخلافة صدقني من اول الو راح تكتشف الكثير |
رد : عن ماذا ابحث في زوجة المستقبل
الله يبارك في الءخوة المشاركين انصحك بالدعاء والءستخارة اسءل الله ان يوفقك ويرضيك
|
رد : عن ماذا ابحث في زوجة المستقبل
أولا : الله يوفقك في خطبتك
ثانيا : استخير الله عز وجل كثييييرا ثالثا : أدعي الله أن يرزقك الزوجه الصالحه التقيه وأدعوه أن يقنعك الله بها وتقنع هي بك رابعا : لاتيأس وان شاء الله ربك مايضيعك ابد بالعكس توكل على الله وربك بعينك وبتشوف النتيجه بعييونك امممممممممممين يااارب |
رد : عن ماذا ابحث في زوجة المستقبل
اشكرك يافجر الاعياد على النصيحة
واشكرك يا غلا على الدعاء والنصيحه ويامستقبل غامض مااتوقع يوافقون اني اتكلم معها قبل الملكه اتوقع عادات وتقاليد جعلك ماتشوفين التحقيقات اللي تصير قبل الشوفه الشرعيه وشلون تبين اتكلم معها قبل الملكه اشكرك على اهتمامك |
رد : عن ماذا ابحث في زوجة المستقبل
لوف مافيه احسن من الاستخارة صدقني اذا كان خير بتمشي امورك وتتيسر
بعدين ماشاء الله شوف الكل يدعي لك بالتوفيق وتلقى بنت الحلال شكله اذا تزوجت بنسوي لك عرس بالمنتدى ودي اسالك سوال خارجي واذا ماتحب تجاوب اكتب لاتعليق وخلاص ابي اسالك علاقتك مع اهل عمك كيف الان لانه صاير معي نفسك طلاق ولد عمي لي بالملكة وصلت بينا قطاعه مادري هي الناس كلها مثلنا |
رد : عن ماذا ابحث في زوجة المستقبل
الله يوفقك اخى الحبيب ....قال صلى الله علية وسلم (( تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ (((
|
رد : عن ماذا ابحث في زوجة المستقبل
الله يوفقك ويجعلها قرة عينك ... |
| الساعة الآن 09:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©