|
في احد نفسي
السلام عليكم ورحمة الله وبركاته
انا متملكه واكره خطيبي واهله لاسباب ماقدر اذكرها بس الخطاء كان مني ?ني وافقت بلحظة غباء مع ان اهلي كانوا رافضين حاولت اصحح غلطتي بس ماقدرت وبصراحه خطيبي ابد مايطمن وانا والله اكره بشكل ماتتخيلون. الحين انا مقبله على زواج وافكر بشكل جدي اني اتطلق منه حتى لو كان طيب ?ني من جد شايله بقلبي عليه هو اهله بسبب. تصرفاتهم الغريبه في وحده متملكه وناويه بعد الزواج تطلق وتطلقت وكيف ردة فعل اهلها |
للعلم هو مايكلمني ?ن ماعندنا مكالمات بفترة اللملكه
تكفون يابنات تعرفون بنات مروا بتجربتي احس انا الوحيده اللي يصير لها كذا |
كيف عرفتيه و انتي لا تحادثينه؟؟؟
و حكمتي عليه و لم يكن بينكم مكالمات... زوجك حلالك... و ما زال الأهل يرفضون تواصل الأزواج قبل الدخول كأنه شئ محرم.... تحدثي معه... و تناقشي معه... لم يحدث وفاق... بعدها قرري ما تفعلين... |
انا ماتكلم عن قضية المكالمه قبل الزواج
انا مشكلتي اكرهه واكره اهله لسوء تصرفهم في الخطبه والملكه. وفي اشياء ماقدر اذكرها المهم الحين اكره وافكر بالطلاق بعد الزواج حتىـ لو كان طيب ?نه خلاص عافه الخاطر |
طيب شو منتظرة اختي
تطلقي واطلبي الطلاق وريحي نفسك والله يعوضك خير |
صعب ان ننصحك و ان لا تتحدثين عن نوعية المشاكل...
هذا طلاق... و ليس فسخ خطبة حتى ننصحك بسهوله... |
ممكن نفهم المشكله عشان نقدر نسااعدك ..؟
|
انا لوبيدي اتطلق اليوم قبل بكرا بس اهلي قبل الملكه قالوا عيب نرفض وهم دايم يرددون تزوجي وبعدين تطلقي يحسبون راح اغير كلامي والله?????? الحين شايله وخايفه من ردة فعل اهلي بعدين وخايفه من زوجي انه مايطلق
|
اخوي ماقدر اخوض في ا?سباب بس انا اكره خطيبي وحاطه في بالي بعد الزواج اتظلق وخايفه ??????????????? اهلي. وخايفه من زوجي بعد انه مايطلقني
طيب انا لووصارحت زوجي اني اكره يطلق بهدوء ولا يعلم اهلي |
إذا أنتي معك حق تطلقي الآن وليس بعد الزواج
الله يفرج همك |
حبيبتي سؤالك هآذا ماراح يوصلك لحل
إش حتستفيدي إذا في احد مثلك أو لآ اسمعيني يابنتي إذا كان ابوك او امك او اخوك الكبير أو احد العاقلين في عيلتك اجلسي معاه ووضحي له وجهة نظرك والمشاكل اللي صارت وشوفي رأيه لأنهم هما اعرف بك وبخطيبك أكثر مننا والله يفرج همك اتجهي إلى الله حبيبتي |
^
معاي كل الحق بس قرار الطلاق سهل علي بس صعب على اهلي هم يقولون من اول احنارافضين بس انتي وافقتي اللي شايله هم هو زوجي بعد الزواج يرضى بالطلاق |
المشكله يفكرون بكلام الناس
وربي شايله هم بس ماقلتولي وش تتوقعون ردة فعل زوجي اذا طلبت الطلاق |
اقتباس:
أما أنك تذكرين المشكله كامله ونحن نحدد لك إذا معك حق أو لا. والأمر الثاني : أنسي الموضوع وتوكلي على الله ..( فلعل الله يحدث بعد ذلك أمرك). أعتذر لا يوجد عندي إضافة الله يوفقك يارب |
هذا زوااااج ياماما فكي نفسك من الحين دام كل الكره هذا ماراح تقدري تعيشي معه حتنتظري الين تتزوجي وتدخلي بعدين تطلقي وش ذي اللفه كلها خذيها من قاصرها واذا اهلك يتمنولك الخير اكيد بيفهمو وبيقدروا وضعك دايم الامور اللي كذا نحلها وهي صغيره قبل لاتكبر000
|
أنصحك نصيحة أم لبنتها .. احذري أن تطلبي الطلاق من خلال زوجك .. لأنه سيشعر بكرهك له وتتغير نفسيته تجاهك وربما يكون من نوع الرال الذي ينتقم وعلى أقل تقدير سيبقى في نفسه شيء من طلبك الطلاق منه ولن تكون نفسه صافية تجاهك .
اذا كنتِ فعلا مصممة على الطلاق فتفاهمي مع أهلك وأظهري لهم تصميمك هذا .. وعندما يفهموا ويروا تصميمك ووجهة نظرك لا بد أن يوافقوك . لكن عزيزتي ناقشي أمك بأسبابك واستمعي لها بأذن واعية وقلب مفتوح .. فهي مرت بتجارب وعندها خبرة تستطيع أن تفيدك بها .. ناقشي خالتك .ز عمتك .. أختك .. أخوك ... عندي شعور قوي بأن أسبابك لكره خطيبك وأهله أسباب غير قوية لكن قلة خبرتك بالحياة وصغر سنك جعلك ترينها أمور كبيرة وخطيرة ... فكري واستخيري واستخيري ثم استشيري ثم ارجعي استخيري ربي ييسر لك الخير ويبعد عنك أولاد الحرام |
وش الهبال الزايد ذا
الله يعيينه عليك وش ذنبه الولد يبي يستقر وباني امال عليك وانت نيتك كذا انك تتزوجين وبعد الدخله تتطلقين وش تنتظرين اطلبي الطلاق من الان ولا تدخلين نفسك وتدخلينه في متاهات وش منتظره يعني ودي اعرف وش تبين تشوفين بالظبط |
اختي الكريمه
استخيري ربك ..فلا يضيعك ابدا....وذا لديك اسباب واضحه اطرحيها ع اهلك ولو ماقدرتي شوفي اي احد من خواتك تقدري توضحي لها وهي توضح لأمك ..فرج الله همك ..ويكتب لك الخير بالدنيا والاخره |
اقتباس:
و أحذرك من الطلاق بعد الدخلة .. لأن ذلك سيسبب لك الإشاعات حول شرفك .. و ربما انتقم منك زوجك و اكد هذه الاشاعات .. ثانيا .. ان فرص المرأة المدخول بها في الزواج أقل كثيرا من فرص الفتاة المملكة و لم يدخل بها .. فلا تجني علي نفسك بالدخلة .. ان كنتي غير راغبة بالزواج فتطلقي الآن |
كلام L0o0Ve صح الولد فرحان ويجهز الى الفرح حددي موقفك من الان اريد او لا اريد لا تفكرين بالطلاق بعدين
بس اقول شي قبل لا تتخذين قرارك حالولي ان تكلميه بالتليفون من حقج ان تتعرفي اكثر على خطيبك وبعد ذالك اتخذي قرارك ايجوز تحبي بعد المكالمات ايجوز تلقي انسان طيب ليش تضلمي وتضلمين نفسك |
اختي الكريمه
تصدقي وانا اقرا كلامك تذكره واحد من اصحابي شاب ماشاء لله مافي مثله بس متخوف من موضوع الزواج بشكل يعني انا مش قادر افهم هو اش يبغى يعني كل مااهله يكلموه عن وحده تحصل حالخ نفسيه كونه يتمنى ان يتزوج من فتاه غربيه ونحن نعيش في مجتمع شرقي والاسو ان هناك الكثير من المتزوجين ياكدون وينصحون بالزواج من الغربيه اكثر من الشرقيه وذالك قد يكون لتبرير فشل او نقص في حياتهم فيقوموا بنقد واقعهم لا بتحسينه ولست ادري فقد تكوني كذالك او لاتكوني عموما ماذكر اعره فهو مجرد فضفضه ناتي لم ذكرتي اختي ترى البنت المطلقه على نوعين بكر ثيب وانت الان بكر فاذا اردت الطلاق فاطلبي ذالك قبل الدخله واطلبيه وانت بكر لان فرص الزواج للبكر افضل بكثير من الثيب ولاتتوقعي من الشاب ان يطلقك بسهوله اذا كان سي واذا كان طيب فلا تتوقعي انه لن يتغير عليك وتكوني جرحتيه جرح لا يؤلاتم فكري مزبوط لاتريد ان تتزوجيه قوليه بالفم المليان واعلنيه صراحه ولايحدث مايحدث لاتظلم ابن الناس معاك فهو الان يتكلف ويتكلف وانت ياعيني تبغي تقلبي حياته هم وغم بعد الزواج والان اسمعي مني هذه النقطه بحرص شديد اختي تذكري بان الشيطان يرسل اعوانه كل يوم واقربهم منه منزله من يفرق بين الرجل وزوجته فانتبهي يكون الشيطان سبب فيما انت فيه وقد يكون حصل حسد او شي من هذا القبيل فعليك بالاذكار وعليك بالاستخاره وبعد الاستخاره سلمي الامر للذي خلقك وسواك وعدلك فاهو احكم الحاكمين والله سيختار لك الخيره من امرك وبالتوفيق |
اقتباس:
أكيد بيتضايق واحتمال يطلقك على طول لان كرامته ماتسمحله يعيش مع وحده ماتبيه او يعاند ومايطلق وتروحي تطلبي خلع وترديله مهرهـ وكل اللي صرفه عليكِ واذا كان لئيم ممكن يكلم اهلك ويقول انه يحبك وشاريكِ عشان تتزوجيه غصب عنك وينتقم منك .. وكل شئ راجع لموقف أهلك من الموضوع لكن من اللي ذكرتيه لو كانت حركاتهم غريبه في الخطبه والملكه هو وأهله اكيد اهلك لاحظو هالشي كيف وافقو انك تكملي معاه ؟! يبدو انك تتوهمي وكرهتيه بدون سبب استعيذي بالله ومافي داعي للمبالغه والتمسي لهم العذر في اللي صار وربي يتمم على خير ,, |
المشكله مافيه احد يقدر يساعدك لان ماعطتينا الاسباب
وتر طلاق مو شي هين وبعدين انتي ماعليك منه اهله انت بتتزجين الولد مو اهله والله يوفقك |
اقتباس:
واكيد اهلك ادرى بمصلحتك وخذي شورهم واذا مررره كارهته فمن الحين اجزمي امرك ترى كل شيء ولا حياة الكره والغصيبة ترى الارواح ماتنغصب على بعض فاستخيري واستشيري العاقل من اهلك |
| الساعة الآن 02:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©