|
سمعت عن خطيبي كلام اصدق ولا لا ؟!
السلام عليكم
انا ضايقه الدنيا فيني ومخنوقه ومحتاجه وقفتكم معايا ... يااخواني انا مملكه من حوالي 9 شهور من انسان يخاف ربه ويحبني وماعمري شفت عليه شي اثق فيه ثقه عمياء وماله في طريق البنات ابدا .. المشكله اللي صارت ان اعز صديقاتي متزوجه صديق خطيبي الروح بالروح وقالها زوجها ان خطيبي له سوابق وانا أعرف هالشي خطيبي اعترفلي بماضيه واتفقنا اننا ننساه وماعاد نجيب سيرته .. لكن الصدمه ان قلها الى الان مستمر في علاقاته !! وقال لصديقتي لاتقوليلها خلاص دام الله ساتر عليه مالنا شغل ولا نتدخل لكن صديقتي ماهي قادره تنام الليل وهي تفكر وشايله همي الين ماقالتلي والحين افكر بطريقة اواجه فيها خطيبي ,,, يا اخوان أرجوكم تلاقولي طريقه مابغا احد يقولي يمكن صديقتك تبي تفرق بينكم او زوج صديقتك كذاب او اي شي من هالكلام .. انا متاكده ان هالشي صار وزوجها ماقال كذا من فراغ وكانت زله لسان منه وندم انو قالها وقال لصديقتي لاتقوليلها ومانبي نفرق بينهم ومن هذا الكلام .. الان طلبي منكم ورجائي انا كيف اقدر اتأكد من الحقيقه ؟؟ انا نفسي اواجه خطيبي بالكلام اللي سمعته لكن اخاف تصير مشكله ممكن يتضارب مع صديقه او يقولي لا عاد تكلمي صديقتك بعد كذا وهذي صديقتي عشرة عمر واكثر من اختي ومابغا صديقه يطيح من عينه كيف يتكلم عنه كذا ومابغا مشاكل !! ماقدر اقوله سمعت من برا راح يحقق معاي ويحلفني وكيف عرفتي ومن وين وكذابين !! انا محطمه ومصدووووووووووووومه فيه وعايشه في دمار نفسي مايعلم فيه الا الله صرت ماني طايقته ومابي اكلمه ماني عارفه ايش اسوي شورو علي .. عقلي أنشل من التفكير كل مافكر بطريقة الاقي نهايتها مشاكل او ماتنفع انتظر ردودكم |
تبين الحل ... مثل ماقالك خطيبك واللي اتفقتووا عليه ننسسسسسسسسسسى الماضي ومانجيب سيررررررته ...
.... أنت عليك بـــــــــــــــــــ.............. انسان يخاف ربه ويحبني وماعمري شفت عليه شي اثق فيه ثقه عمياء وماله في طريق البنات ابدا .. <<< شفتي هذا رايك فيه وماقلتي هالكـــــــــــــــــــلآم إلا انه فعلا انسان يخااف ربه ويحبك وماجااء هالكلام من فراغ 9 شهور كفيله انك تحكممي عليه ... في النهايه انتي ماااشفتي شئ بعيووونك واحسني الظن .. وكوووني اقوى من كذا ولا تصدقي كــــــــــــــلآلآم للأسف منقوول لك ... موفقه .. |
أختي هل أستخرت الله عند القبول به فإن كان جوابك لا فاستخيري الله في الاستمرار إو الابتعاد وإن كان جوابك نعم فتوكلي على الله فانه لن يضيعك |
احب ااكد على كلام الاخت فدى امي فالله هو الاول والاخر وهو عالم بذات الصدور
اختي ماودي ازود همك هم واكبر مشكلتك ولاكن انا عندي صديق لي اعرفه كان راعي بناات حيل وكنت دايم اعتب عليه لدرجة اني اخاف اركب معاه لانه يشوف شي اسود ينصاه بالسياره ويرقمه سواء كان عجوز شغاله رجال لابس فروه سوداء المهم الرجال تزوج وقال لي انه عقل ويحلف وماادري ايش بعد زواجه بفتره جاني واحد وقال لي انه رجع للبنات ولما سأله ليش قال مليت من نفس الوجه كل يوم !!! بعدها بفتره اتصل علي وكان مسوي حادث وقال لازم اجيب زوجتي من اهلها وطول الطريق الولد ماسك البي بي وطايح غزل والمسكينه راكبه معانا وماتدري وش اللي حاصل ... هذا وجه للموضوع والوجه الاخر فيه ناس كثير تمر بفترة طيش ومراهقه وتعقل ولا ترجع وتتندم على اللي سوته ولاكن الهدايه من الله انت عليك تدعين له بالهداية واستخيري كثير والله ماراح يخذلك والزنا دين يرجع مهما طال الدهر ونقطه ثانيه وانا ماادري عن صديقتك لاكن فيه ناس كثير تحب تخرب ويكون فقلبها حقد ماندري عنه يعني لانكون طيبين زيادة ونثق في اي واحد يعطينا خبر وخاصه خبر عن اقرب انسان لك وفيه حل بسيط انك تدعينه للبيت بدون مايحس بالي حصل وبعد ماتجلسين معاه لمحي على الموضوع ولاتقولين صديقتي ولاشي وحاولي تورينه انك مو مرتاحه ميه بالميه وجيبيها مره عن طريق مزح ومره عن طريق جد واخر شي قولي له حبيبي انا ماارتحت ولاراح ارتاح الين اتأكد لو سمحت ابغا اتفرج على جوالك عشان يرتاح قلبي اذا عطاك بكل ثقه معناته الرجال ماعنده شي اما اذا قام يماطل وسوا انه هو البرئ ورفض نهائيا هذيك الساعه يحق لك تتكدرين وتكرهينه وماتطيقينه وبرضوا راح تبين معاك بعدين اذا شفتيه قلبه مع كل وحده تمر من جنبه ويجلس يتمقل في محاسنها اعرفي انه مو مضبوط واذا كان يغظ البصر مو يغظ البصر يعني يقفل عيونه كل ماشاف حرمه لا فيه نظرات عن نظرات والشاطر بيفهم والعين مدخل للروح اختي العزيزه مافي رجل في الدنيا ماعنده سر او ماقد ارتكب غلط في حياته كل الناس تخطئ وانا اولهم اتمنى ماتخربين بيتك بنفسك وتتريثين وتفكرين زين |
إذا كان صديقه مطوع لا تصدقيه لأن صديقي مطوع عمل معي نفس العمل لأنه يحقد لما يسمع أي زواج أو نجاح. وربي اللي يعترف لي أعرف إنه صادق وأحطه على رأسي طول العمر
|
ما تردي
اصلا لا هو ولا آخر واحد ولا تخبريه بشي وقت يكون معك دليل انتي مسكتيه بيدك واجههيه فيه والا رح يطلع صديقه غلطان ويبعدك عن صديقتك ورح يطل الوزير غلطان واولاما كمان غلطان والي بهونولولو كل الناس هناك كذابين وهو وحده الصادق وانتي رح تصدقيه من كثر الكلام ويمكن يقول لك كلام عن صديقه اللي هو زوج صديقتك وتوصلي لها الكلام ويخرب بيتهم ولو بعد عشرين سنه رح يعملها انتقام لانو اوصل لك الكلام وانتي بعد عشرين سنه رح تقولي والله زوج صديقتي كان صادق انما صدقا لن تجدي شخص خالي من المراهقه لا تثقي فيه ثقه عمياء ما احد يستاهل ثقي بنفسك وقدراتك انتي فقط لا غير ومن ثم الباقين وممن حولك وان فهمتي شي من ردي اكن لك شاكره انما هذه هي الحياة |
معاك كلمات السر لايميلاته
اذا جاك هل يسمح لك بلمس موبايله ؟؟؟ |
الله يهديها صديقتج لاسف موب حفاظه خير
اعوذ بالله منها ومن وصفها وين حسن الظن ابصراحه انا لو عندي صديقه جي اقطع علاقتي فيها ولاتقولين تبالج الخير هاذي من اولها جي تتكلم باجر شو بتسوي ان شالله بتشور عليج كيف تتصرفين مع زووج وبتعلمج اذا شو هدفه من ورى كل شي يدور بينكم بارك الله فيج ركزي شوي وانتي عززيتي طالما خطيبج صارحج لاتنبشين في المماضي ولاتفتحين بيتج للناس اللي ماعندها غير القيل ولقال وفيه ومافيه لانه الانسان يوم بيخطي خطوة الى الاامام حرام نذكره بالماضي لانه راح يوقف مكانه وساعتها راح تتخربط موازينكم فكري فيها بسعه صدر واتركيج من فلانه قالت وفلانه سوت والله ماضيعنا وخرب بيوتنا غير كلام النااس الناس ماعندها الا فيه وفيه وفيه الف مليون عله اطلعه في الواحد وادور بماضيه انا لو منج هاذي الصديقه بقطعها .. وبشتري الزوج وحاضره طالما طيب وانتهبي تتاكدين او ادورين ورااه انتبهي بهالحركه وهالتصرف السلبي اللي مايطقبله الواحد في نفسه والله يهدي سرج |
نيتشه قل خير او اصمت بيع بالجمله ماينفع |
لاتصديقي صديقتك ولاتكذبيها
في احتمال يكون معها حق او غلطانة والعلم عند الله انت الان في فترة الخطوبة خودي وقتك الكافي لكي تعرفي الحقيقة وموشرط انت تحلي المشكل لوحدك لماذا لاتستشري والديك واذا عندك اخوك ممكن يراقبه او يعرف الحقيقة في مائة حل ممكن لاتجيبي سيرة صديقتك بل ممكن واحد من العائلة يعرف الحقيقة من بعيد ويقول انتم عرفتوا الحقيقة صدفة وممكن بعد التاكد ممكن يكون خطيبك بريء او حقا صديقتك على حق لكن لاتتسرعي في الحكم خلي الزمن يحكم بدقة وحكمة |
شكرا لكم وجزاكم الله خير على وقفتكم معاي ..
يا اخوان انا مادورت في ماضيه أبد ومايهمني هو قالي عليه وقفلنا الموضوع من زمان لكن يهمني من يوم الملكه الى الان هل هو لسه في علاقاته ؟؟ ابي اعرف عشان اتركه قبل لايوقع الفاس في الراس ونتزوج لاني ماتحمل الخيانه وصديقتي قالتلي عشان اتصرف واتاكد قبل الزواج وحتى لو كانت غلطانه مايضر لو اتأكدت وتطمنت .. جواله مااحب امسكه لاني ماحب يمسك جوالي من اول يوم الملكه الى اليوم ماخذ جوالي بس هو يوريني لو في صور او اي شي وانا كمان اوريه لكن مااخذه وافتحه على كيفي لكن وراني قائمة المضافين في البلاك بيري مافي ولا بنت اما الانترنت مررررررررررره مايحبه ولايدخله الا يمكن كل شهر او شهرين مره والايميل انا سويته له وعندي رقمه السري مافيه ولا بنت وماعنده فيس بوك وهذي الاشياء لكن اصدقائه كثير وفيه منهم لهم في طريق البنات وخايفه لا يأثرون عليه انا زواجي قريب وودي اتأكد من الموضوع قبل الزواج ودي أختبره اعطي رقمه لبنت او انشره في النت واشوف كيف بيتصرف لان احنا متفقين كل شي نقوله لبعض ودايم يقولي شفت بنات في المكان الفلاني لكني استحقرتهم بسبب طريقة حجابهم وماطالعت فيهم وزي كذا ايش رأيكم في هذه الفكره تنفع ولا لأ لان واحد من الاخوان هنا قالي خذي دليل بيدك وامسكيه بكذا راح يكون عندي دليل انتظر نصايحكم لاتتأخرون ,, |
والله حرام عليج اللي تسوينه فيه يعني عندج اياه ماعنده خرابيط النت وعالم النت بكبره وبخصوص علاقاته مااتوقع فيه واحد مستعد يصرف ويخسر ويرتبط عشان يستمر بخرابيطه
وبالنسبه لكلامج عن انه يحبج وتحبينه واثقه وطيب وغيره هذا كله شو تسمينه ؟؟ معقووووله في ناس تخرب بيتها عشاان كلام ناااس.. كل هذا يرووح لمجرد صديقتج تكلمت عنه انا لو منج بقوله ان شالله لو شو مافيه ابااه ولو سمحتي خص المواضيع هاي لاادخلين عمرج فيها مالج حاايه ابدن مالج حاايه تتكلمين عنه بهالطريقه .. حطي حدود من الحين بينج وبينها حدووود واجب عليها تحترمه اتي خليج ذكيه شوي ارتبطي فيه وباذن الله مابجوفين منه الا الخير وخصوصن انكم على ويه زواج ومضى 9 شهور يعني فتره كافيه عشان تعرفينه معقووله بتهون عليج هالفتره بيوم وليله عشان موضوع مثل المغازل وغيره ترى والله اكثر الشباب مغازلجيه بس البنت الذكيه تعرف تكسب زوجها وفي ناس تزوجت ا وازواجهم اخلاق وادب وعقب انحرفوا وازواج منحرفين باذن الله عقب الزواج يصطلب بس انج ترخصين بفتره 9 شهوور عشاان كلام بنت وصرااحته ولاشي بالنسبه لج؟؟؟ فكري فيها وانتي حره بالنهايه .. مافي رجل كاامل واحلى شي بزوجج مايحب عالم النت هاي امنيه كل زوجه بزوج جي وعزيزتي 9 شهور من خلال تواصلج معاه شكيتي بحبه لج؟؟ شكيتي باخلاصه؟؟ ممم موضوع غريب اخترب كياانج وتفكيرج من هالصديقه اللي يالسه تتكلم عن زوجج الله يسامحج بس... ماضيعنا وخرب بيوووت الا كلام الناس .. وخليج واعيه شوي عززيتي ومدركه للموضوع اذا من البدايه فاتحه بيتج لهالبنت اللي تصب الحجي باذنج صب الله يستر من باجر والله اظني بتتحكم في حياتج 9 شهوور ولا بين معدن زوجج عندج وفي يوم وليله بتتاكدين اذا كان على علاقه او لاه. اكتفي بهالقدر لاني متفجاه من طريقه تفكيرج وسماحج للصديقه بنقل الكلام من بدايه حياتج .. شي ثاني مافي شي اسمه مااخلي زوجي يمسك تلفوني ولاانا امسك تلفوونه لانه في محيطي اللي اجوفه الزوج يمسك تلفوون زوجته وبالعكس .. بس بالنسبه لج من البدايه كل واحد محتفظ بالخصوصيه عيل وين الثقه هذا اللي اقدر انصحج فيه وبالنهايه ها حياااتج وها طريجج وانتي حرة بنفسح وبالتوفيج همسه .. اذا من البداايه تاثرتي من كلام بنت عن زوجج ونسيتي فتره 9 شهور والحب والثقه والطيبه وغيرها .. كيف بتتزوجين باجر؟؟ كل من دق الباب وقال هذا فيه وفيه وفيه بتقولين ماباه .. عيل انصحج تقعدين من غير زواج لانه الناس ماترحم وكل مايتقدملج حد بطلعولج الف عله فيه وراعي بنات ومغازلجي وماادري شو .. الله يعينج بس |
غاليتي ...
انك تنشري رقمه او ترسلي له بنات هذا مش حل و ممكن يزيد الطين بله . من رايي.. استمري على صلاة الاستخارة ... اذا عندك اخ تثقين فيه كثير ... خبريه بينك و بينه و حلفيه يضل الموضوع بينكم و يحاول يتاكد بدون مايقول لخطيبك شي ... و ان شاء الله بيقدر يجيب الصدق .. (شباب زي بعض بيعرف يتصرف معاه بدون مايحسسه بشي) الله يوفقك |
عفون
هذذا موب تفكير انسانه مقبله على زواج توزع رقم زوجها بالنت الشيطان طلع ابونا ادم من الجنه بسبب تفاحه فتعتقدين ماراح يكوون الشيطان شآآ طر لو رقمه توزع وسمع صوت انثى اغرته .. النفس اماره بالسوووء وانتي ابصراحه بتفكيرج هذا مااعرف شو شهادتج وشو منطقج بالحيااه مستحيل اسمع بنت تقول بنشر رقمه عشان اختبره؟؟ ياناااس ياعالم طمنوني قامت القيامه والا بعدهاا تاكدي لو زوجج عرف انه تفكيرج جذي هو ماارح يتشرف يستمر معااج صعب يستمر مع انسااانه تفكر تنشر رقمه واطرش بنات عليه ماحسبت حساب رجولته مافكرت اذا الشيطان بيدخل بينهم مافكرت انه هالبنت بتغريه وبتسويله اغراءااات بدون لاتحسب لشاب حساب وللعشره استغفر الله العظيم بالفعل ماتوقعت فيه ناس على ويه زواج جي تفكيرها سطحي جداً فكري يابنت الحلال فكري باجر بنت بتسمعه صوته وشو بتقووول بس تنشرين رقمه ليش ؟؟ شو هدفج البنت اللي بتعطينها رقمه تختبره انتي تعرفين اذا هي بتسويله اغراءات او لاه اذا هي بتخبرج او لاااه في ناس يحلفون باللله جذب معقووووله انتي صاحيه ؟؟ عشان باجر تقوليله منوه هاي تتصل فيك وتسوين روحج تغارين؟؟ واذا قالج مغلطه ؟؟ بتحاسبينه انه رد عليها؟؟ بتقوليله كيف ترد عليها؟؟ اتقي ربج بعرض زوجج هذا ولد ناس بالنهايه .. لاتنسين هالشي واذكري الشيطان شاطر حتى لامطوع المطوع من يجوف البنت عقب يقول استغفر الله بعد مايدقق فيها فمابالج بزوجج او اي شاب غير متدين انتي بصراحه ماتناسبينه كلشش ماتناسبينه والواقع انج سمحتي للوسوساس الخنااااس يعمي بصيرتج بعشره 9 شهوور يعمي ثقتج يعمي حبج اعرف ناس يحبون بس مايوزعون الرقم او ينشروون اعوذ بالله من الرذيله ومن درب الحرام على فكره باجر لو تعلق قلبه بصوت بنت واسلوبها اثمهم عليج انتي بيقع.. حتى لو استمر معاها من ظهرج اثمهم عليج انتي ... .. الله يصلح حالج ويوعيج على الدين والشريعه..الله يهديج ان شالله ويجعلج زوجه صالحه ماتسمع لكلام الناس وماتنشر رقم زوجها او اطرش عليه بنات |
روضة هدي اعصابك حبيبتي :)
ياغالية اي بنت تكون مخطوبة .. بروحها تكون خايفة من المستقبل واكيد لما تسمعي شي من مصدر موثوق يبدا القلق يزيد ولو في نسبة و لو عشرة بالمية انه فعلا صاحب علاقات فالافضل تتاكد الان واذا طلع مذنب فالانفصال احسن ما تتدبس معاه ولا ليش حطوا الخطوبة و العقد ؟؟ الا لمعرفة الطرفين .. و صاحب العلاقات ماراح يجي يقولها فا مستحيل تعرف من خلاله وهذا بديهي بسالك سؤال و امانة تردي بكل صراحة اتخيلي المواقع تبدلت ... و صاحبتها فلتت عليها كلمة وقالت لزوجها انه فلانه صاحبة علاقات وهو خبر صاحبه الي هو خطيبها ؟؟ ايش بيكون موقف الخطيب لما يجيه الكلام من زوج صديقتها ؟؟؟ اكييد بيصدق و يتاكد (هذا اذا كان عاقل ) ولا بعض شباب اليوم بيطلق بدون حتا توضيح .. لذا تتاكد افضل |
لا بس يااختيه نورة حرااام
انزين لو وزعت رقمه شو الهدف؟؟ يعني وحده في الجات او صديقتها راح تكون صادقه انه زوجها يغازل؟؟ بتثق بكلام وحده بالجات او كلام صديقه؟؟ غناتي 9 شهووور تقول يحبها وواثقه منه بس من سمعت كلام ربيعتها صارت مشلوله بالتفكير تفكيرها هذا بيدمرها اضعف الايمان .. اخوي حبيبي انا اختك بنت امك وابوك اخوي ياعزوت ي اباك تتاكد من زوجي بسياستك .. وماراح اسالك كيف وليش.. وبسسس انتهينا بس توزع رقم وتنشره وتثق في كلام صديقاتها ووكلام بنات الجات واجذب زوجها هي من البدايه فاتحه بيتها لكلام الناس ابصراحه مستحيل تعمر بيدها بهالطريقه ويمكن تخربها بسبب كلام الناس الغاليه الناس مافيها خوف من الله قامت تتكلم بالف شي وشي وصديقتها موب حفاظه خير هاي لو صديقتي بقولها لاانا الاعرفج ولااتشرف بمعرفتج عيل ياي تنمين على زوجي حبيبي .. الثقه لها دوور وابصراحه بس ستوووب احس القيامه قامت بسبب حريم يفكرن ينشر ارقام ازواجهن لمججرد اختبااار الرجل مابيغلبه شي عادي يمشي ورى صوت انثى تهز غريزته وماشعره شو بيصبره يعني بس اشل ايدي اخبر البنت الذربه العاجل ماتتصرف هالتصرفااات وطالما اقبلت فيه واقعدت معاه 9 شهوور فهذي فتره كافيه موب وحده يايه تخرب بيتي وتتكلم على زوجي ابصراحه اذا من اولها مادافعت عن زوجها ويلست تحاسبه وتختبره بسبب كلام الناااس الله يرحم اسرار البيوت بهالحاله من هب ودب قام يتكلم بعرض الزوج والزوجه ماصدقت خبر ولاكانها على بينه وثقه فيه مجرد كلمه توديها وكلمه توديها .. اوكي نوورا هاتي رقم خطيبج بختبره لج .. الووووو هاآآي مممممم .. سو سوري مشبه بالرقم.... منوه معايه؟؟ لا اتس اوكيييه بس شكلي ماادري لقيت الرقم عندي اظني حد متصل لك .منه . ممممممم على العموم حصل خير اخووويه تك كي لا اتس اوكيه الامور طيبه سامحنا ازعجنااك في وداعه الله يعني نورة ماراح يرد يتصلي؟؟ اوفففف وقسمن بربي باسلوبي اخليه يحرق تلفوني عشان يسمع صوتي مرة ثانيه وبهالطريقه بروح اقولج نووورااا زوجج هذا خاااين فضي علاقتج فيه مايستاهلج اوفففففففف نوورا فديتج ويك اب اي ريال يسمع صوت ناعم وفيه دلع بيذوب مكانه بينسى اهلة بكبرهم موب بس زوجته بتقولين ليش؟؟ بقولج الغريزة اللي تلعب الدووور لاتتهورين وتوزعين رقمه وتندمين انج ساعديه على هالشي وعلى الدنياا السسسلام سوري نورة مجرد مثال انتهيت من هالموضووووع 12/4/2012 |
رووضة الله يرضا عليك
اقراي ردي انا قلت لها لا تنشر الرقم لانه بيسوي لها مشاكل اكثر وقلت لها تكلم اخوها و تكمل علاستخارة انا بس اعترضت على انها تنسى الموضوع و لا كانه حصل شي.. بالعكس لما الوحدة تسمع شي و من مكان موثوق اكرر موثوووق المفروض تتاكد وهي ماعرفت من جارتها و لا من وحدة من الشارع من صاااحبتها اللي لهم سنيييين مع بعض انا شخصيا لو عرفت شي عن خطيب اختي او خطيب اعز صديقاتي راح اخبرها لاني لو ماخبرتها و اتزوجت و جت تبكي بعدين و تقول زوجي خاين رااح اندم اشد الندم اني ماقلت لها عشان تاخذ القرار اللي ينااسبها ... صح بينهم 9 اشهر .. ببس لا تنسي انها عقد .. يعني اتصال تلفونات و يالله زيارة بالشهر ولا بالاسبوع ما يبين فيها الا احسن ماعنده .. لو هي في بيته ومتزوجين 9 اشهر . ساعتها نقول عليها عشرة ومعرفة بس الان لسه هي ببيت ابوها طول الوقت.. كيف بتعرف عنه ؟؟؟ الاخت الحين ضايعة بافكارها و ماتدري ايش تعمل و اللي يكون وسط المشكلة مش زي اللي يقرا عشان كدا طلعت منها فكرة نشر التلفون .. وما نشرته .. الا جت تستشير .. يعني خفي عليها يا جيجي :) فيها الي مكفيها :) ... زي ماقلنا .. كملي على الاستخااااارة .. مرة و اثنين و ثلاث و عشر ولا تتصرفي الا بعد ما تتاكدي ... كيف تتاكدي .. بصراحة ماعندي الا انك تخبري اخ عزيز لك و ثقة و هو يعرف بطريقته ... والله يكتب لك الخير |
عزيزتي ضاع الحلم ,,
بما إني مقبله على الزواج فأنا حاسه فيكِ ,, اولا وأخيرا أستخيري الى يوم الزواج لاتوقفي إستخارهـ وستشيري أحد قريب لكِ من العائله اخوكِ او أختك ولكن لاتقولي لوالدك ووالدتك عشان لايطيح من عينهم زوجك او صديقك ,, أطلبي مساعدة أخوكِ او أستشيريه هو راح يعرف كيف يكتشف الحقيقه !! وبرضو لاتضمني زوج صديقتك يمكن فاهم غلط او يقصد شي ثاني او حاقد عليه حطي جميع الإحتمالات !! لكن لاتنشري رقمه أبدا عزيزتي ,, انا والله عاذرتك احساس الخيانه احساس قاتل واكيد بتتصرفي بدون وعيك وبدون عقل وتفكير عشان كذا استهدي بالله واستعيذي من الشيطان الرجيم وأهدأي وفكري بتروي ,, مثل ماذكرت الغاليه نوراا ترى هذه الطريقه بتجبلك مشاكل أكثر بكثير من فوائدها حلي الموضوع انتي وزوجك وأخوكِ ولاتدخلي اطراف ثانيه في الموضوع وقوليلنا ايش صار معاكِ ,, أختي جيفارا ’’ ليه هذا كله البنت لجأت لنا وتبغا النصيحه مشتته ومحتاره قومتي القيامه على راسها وحكمتي عليها انها ماراح تعيش وانها بتدمر وانهم مو متناسبين و و و عزيزتي إحساس الخيانه لأي أنثى احساس مدمر والوحده ممكن تسوي اي شي حتى لو غلط بدون ماتحس فيه والواجب علينا نوعيها وننصحها مو نزيد همها هم !! الله يهديك ويصلحك ننتظر أخبار ساره ضاع الحلم وان شاء الله ربي يحققلك ماتتمنيه ’’ |
"]اخت ملائكيه انا عارفه وفاهمة وحاسه انها تبا لامشورة لااكثر
بس اذا شي بسيط بتخلي يخرب بينها وبين زوجها نقل كلام مجرد كلام في كلام باجر كيف راح تحفظ حياتها مع زوجها؟؟ صديقاتها صاروا اقرب لها من زوجها ؟؟ اي كلام بتسمعه بتشتكي ؟؟ موضوع توزيع رقمه فكري فيها انتي تعتدقين الرجل مابندفع ورى صوت البنت وخصوصن اذا تميعت واصتخدمت وسيلتها؟؟ البنت اللي بطرش علىى زوجها في المواقع وغيره اقرب لها في التصديق والثقه من زوجها؟؟ اخت ملائكيه انا فاهمة عليها بس هذا التفكير بيحطمها مستقبلن لوا بتستمر في حياتها الزوجيه لمجرد اختبارات في توزيع الارقام وادز صديقتها او غيره .. المهم لو سمحتم انا انتهيت من الرد مابا حد يوجهلي اي كلمه بخصوص ردي لانه الموضوع جدامكم وانصحوا باللي تقدروون عليه وارد اقول اذا كلام ناس صار مهم خلاص خل تحسب حساب امور اكبر مستقبلن .. بس العنوان مخالف لبدايه النص من احب زوجي وطيب ويحبني واثق فيه و9 شهور و المووضع بعيد كل البعد عن ثقه وعلى الدنيااا السسسلام والله يهدي سرها ويبعد عنها شر الناس وكلامهم اللي مايرحم |
اقتباس:
يعني الان انت ماتدرين من تصدقين وصديقتك ممكن انها تكون صادقه وممكن كذابه واذا كانت صادقه المفروض ماتفجعك كذا ولاكن ممكن سوء تصرف منها واستعجال وكثر خوف عليك ويمكن يكون العكس تماما وتكون حاقده لاي سبب من الاسباب يعني لاتحكمين على البنت من الان الزمن راح يبين كل شي ونفس الشي على زوجك لاتتسعجلين يمكن الرجال بريء واذا كان يعاكس من وراك راح يبين عليه مهما كان اتمنى تسألين نفسك سوأل صريح هل كنت انت تعاكسين اول من وراء اهلك اذا لا وهذا اللي اتوقعه انشالله ماراح يبلاك الله في واحد راعي بنات وحتى لو كان واكتشفتيه احفظي سره واغفري له تملكين قلبه ولاتكبرين الموضوع واحتسبي الاجر عندالله ولو حصل وحبيتي تسامحينه خلي ابوك يجلس معكم وخليه يشهد على هالشي او احد من اخوانك وبكذا انا اشوف انه راح يطيح وجهه اكثر من انك تسوين مشكله كبيره وتطلبين الانفصاال يعني زعل كم يوم ممكن بس لاتسوين زي الخبله اللي كنت متزوجها تزعلين 6 شهور وواخفف عنك مصابك واقول لك احمدي ربك على النعمه غيرك ابتلو بناس مدمنين ومنحرفين جنسيا واللي ابتلاهم الله بواحد يمد يده وكله من فضل الله وحبا للعبد المبتلى عشان يقعد يدعي ويدعي ويدعي ويدخل الجنه :17: يعني شوفي مصايب الناس تهون عليك مصيبتك والله يستر علينا وعليه وعليك وعلى جميع المسلمين |
احححححح بتنشر رقمه
صراحه ابليس شاطر اعوذ بالله من شره اختي اتمنى تشيلين الموضوع من راسك لمدة اسبوع روقي وبعدين ارجعي فكري اتوقع راح يكون تفكيرك بطريقة مختلفه عن الان لانك الان مفجوعه باللي حاصل وبعد اسبوع افتحي الموضوع مع اختك او امك بطريقك الخاصه ولاتتكلمين عن زوجك قدامهم بكلام ينقص من قدره وحلي الموضوع بالهدووء الله يوفقك |
طيب أنا بقولك طريقة تختبرين فيها خطيبك وتقطعين الشك باليقين:أرسلي له رسالة من أي رقم على إنك بنت تعرفه..وشوفي راح يرد وياخذ ويعطي معك أو لا..وقتها راح تعرفي هل فعلآ باقي على علاقاته أو تاب وعاد..ربي يفرج همك
|
ارى ان هناك اراء ما انزل الله بها من السلطان ...
ثم ان زميلتك اخطأت عندما ابلغت بذلك فالقيل والقال دائما عرضه للشك ومدخل للمشاكل وتندرج عليها احتمالات كثيره .. اما .. او .. لو والغريب انك تقربي البنزين بالنار وتقولي لاتحترق اختي الكريمه الله يهديك بس يفترض انك تكوني واعيه وناضجه .. مو بالطريقه الخاطئة هذا .. كثير من البنات يدفنون حياتهم الزوجيه من كثر الحرص وللامانه السسب راجع لثقافتهم وسماعهم للناس وترجمة الاحاديث والوقائع على حياتهم يعني صاحبة الموضوع شكلها متعقده م من الخيانات او القصص وتحاول ان تحافظ على زوجها وعلاقتها بطريقه خاطئه ومفرطة .. فكري بحكمه ورتبي افكارك برويه . بختصار شديد انت اكثر شخص يعرف زوجك ولاتدفني حياتك بسماع الامور والتفكير فيها .. وان كان هناك شئ بنفسك ستعرفين .. من العشره والتعامل والموده .. وان ظليتي تبحثي عن اراء الاخرين .. فأقول لك لقد فتحتي باب ليس له نهاية مليئ بالوسواوس والعقد والاستفهامات واعلمي ان كل شخص هنا لايعرف زوجك واطباعه وطريقة تفكيره اكثر منك .. مع التحية |
اقتباس:
|
عزيزتي الامور تؤخذ بحكمة
انتبهي من ارسال رسائل لزوجك او نشر رقمه او تسليط فتاة لمغازلته اياك وفعل ذلك اذكر هنا في المنتدى كانت قصة لاحد الاعضاء العاقد على زوجته والتي ارسلت له فتاة لتختبره عبر الهاتف وحين عرف بالموضوع جارى هذه الفتاة وطلق خطييييييييبته انتبهي بارك الله فيك الزمي الاستغفار والدعاء واستودعي الله قلب زوجك وتفكيره والله يسخركم لبعض |
الحل في كلمتين ..
دليل أو إختبار دليل .. اطلبي من صديقتك اي دليل تثبت به علاقاته الخاطئة .. اي دليل تمشي خلفه .. و اقنعيها ان البنت لو تركت الرجل فسيجد الف غيرها .. اما لو وقعت البنت في رجل غير صالح فستكون نهايتها .. فان لم تاتي صديقتك بالدليل فإلجأي للإختبار .. الإختبار .. حاولي إختباره .. بأن تتصلي به من رقم غريب و تغيري نبرة صوتك و تحاولي تتعرفي عليه .. او ترسلي له رسائل علي بريده الاليكتروني او جواله .. |
أختي
اليوم هو لك لا تتصيدين أخطاؤه هو يحتاجك كوني له عون الرجل لا يلجأ لمثل هذه الأمور إلا للتسلية وليس عن إقتناع لكن إن وجد المرأة التي تحتويه ينفر عن هذه الأمور كوني عصاه في الشدة أعينيه على ترك المنكرات ولا تبتعدي عنه وفقك الله واسعدك للأمانه نحن النساء ننال الجنة من وراء رجالنا هذه الأجر لم يأتي من فراغ فعلا المرأة تربي من أول وجديد |
أنا ضد فكرة الاختبار ، تخيلي زوجك اختبرك شو حتكون ردة فعلك ؟ مستحيل أسامح زوجي لو حطني باختبار .
وكون زوجك قال لك أنا تبت ، فاختبارك له تشكيك بكلامه ، لذلك لا أحبذ فكرة الاختبار فانا لا أرضاها لا لنفسي ولا لزوجي . بالنسبة لصديقتك ، لا أجدها مخطئة او محقة ، لكن لو كنت مكانك لجعلت أمي تتصل بالرجل وتناشده الله ان يقول الصدق في صديقه فالزواج ليس لعبة ، ومازلت على البر ، والرجل لا يعرف الا من اصدقائه ، حكت لي ماما قصة خاطب خطبها وكتب كتابه عليها ، وأتت زوجة عمه لجدتي تقول لها ان هذا الخاطب يحب بنت عمه ووالده منعه من زواجها ووعده انه لو تزوج غيرها لأعطاه كمية من الذهب ، فاتفق مع بنت عمه على الزواج من اخرىوأخذ الذهب ثم تطليقها ( اي أمي ) فتاكدت جدتي من القصة من ام الخاطب وطلقت أمي منه ، حتى لا يطلقها بعد الزواج ، طبعا أمي تحكي لنا القصة وتقول كيف علينا التحقق من الاخبار ، وحين خطبني زوجي اتصلت أمي بأكثر من صديق تسألهم عن أخلاقه والحمد لله صدقوا معنا وكان كما قالوا . لذا ما عليك سوى ترك الموضوع لامك او احد إخوتك الحكيمين للتأكد من هذا الصديق مباشرة ، وصدقيني الرجل لا يعرف الا بعد الزواج ، انتبهي لكن لا تتعجلي بالحكم حتى لا تندمي |
شكرا لكم والله العظيم اني ارتحت من كلامك واستفدت منكم الله يبعد عنكم المشاكل
وحلولكم وارائكم فادتني لكن اتشتتك البعض يقول لي اختبريه وناس يقولون لاتختبريه يا اخوان انا أمي وابوي ماابي أقولهم أعرف ردة فعلهم أكيد بيقولون هذا كلام فاضي ولاتسمعين لأحد مايبوني أتطلق واخوي عمره 16 سنه وخطيبي 25 يعني الفرق بينهم كبير احس ماينفع اني أخلي اخوي وهو اصغر منه يروح يسأله ويدور وراه عشان كذا مافي حل غير إني انا اتصرف بدون ماادخل أحد اعرف عقدتها عليكم لكن هذي ظروفي للأسف مافي احد يساعدني كل شي لازم اسويه بنفسي حتى ماعندي اخوات متزوجين ولا كان قلت اكلم زوج اختي انا اكبر اخواتي فكرت اني اكلم بنت خالتي تكلم اخوها لانه في عمره تقريبا ويدور وراه بس ماابي اخلي الخبر ينتشر في العائله خصوصا ان عايلتنا ماتحب لأحد الخير الله المستعان بس .. وفكرة نشر الرقم شلتها من راسي نهائيا انا قلتها بدون وعي كنت بس أحط افكار وحلول والحمدلله اني لقيت اخوان مثلكم يوجهوني لكن مثل ماقالو بعض الاعضاء ودي ارسله رساله من رقم غريب واشوف اذا جاء قلي يعني هو يقولي كل شي وهو مظلوم واذا سكت وماقال بعرف ان عنده مصيبه .. اخوي لوف واختي دينا قالوا اني اسامحه وأعدي الموضوع ولا كانه صار شي كلامكم جميل ومقنع لكن والله العظيم يمكن لو كان مر على الملكه شهر او شهرين ماكان يهمني يسوي اللي يسويه ماراح انجرح والله معاه لكن 9 شهور وزواجنا في الصيفيه بعد الايام والذكريات والحب وماقصرت معاه بشي يجي يسوي زي كذا صددددمه؟ نيوتيلا قسم كلامك طيح قلبي من مكانه والله لو صار معاي كذا يمكن أموت من القهر وانا كل مااحاول اغض نظر عم الموضوع اقول مافي دخان من غير نار الحين كلمت صديقتي تجيب الموضوع لزوجها بطريقة غير مباشره وتحاول تسحب منه الكلام وانا افكر في طريقة اعرف فيها هو يقولي كل شي ولا لا وافكر جديا إني أخربها واروح اقوله كللللللللللللللللللللل شي كل اللي في قلبي واقوله عن صديقتي وزوجها واللي يصير يصير وخلاص لإني تعبت .. شكرا لكل انسان مره من هنا والله العظيم ان هذا الموضوع محد يعرف عنه غيركم وارتاح لما افضفض معاكم |
كما ذكرت لك أنا ضد فكرة اختباره ، فاختباره يعني تخوينه !
طيب لو أرسلت له رسالة ورد عليك ، بماذا ستواجهيه ؟ هل ستقولي له يا خائن رديت على الرسالة ؟ لو أرسلت له رسالة وما رد عليك ، فهل ستتاكدي انه لا يحادث بنات او يصاحب بنات ؟ ربما من يحبها واحدة فقط كما انه سيتزوج واحدة !! فكرة الاختبار لن تساعدك ، لأنك في النهاية لن ترتاحي ، وان وجدته يسترسل بالكلام يصعب عليك مواجهته ، او هل ستطلقيه وتقولي للاهل اختبرته ! لازم تفكري وتخططي للامام بتعرفي أنا أمي رفضت بالأول تتصل بأصدقاء زوجي لانها حبته وما بدها تسال عنه ! وانا كتير أصريت فوق راسها وقلت لها برجع لك مطلقة او بقول للقاضي أنا ارفض الزواج :) المهم يا تنفذوا طلبي يا أمي رح اعمل فضيحة ههههههه بس ماما شافت كيف أني مجنونة وقلت لهم رح اهرب :) فقالت خلص رح اسأل ، وسالت ، وقلت لها ارتحت ان الشب مناسب بي ما ارتحت للاهل ، روحي لبناية اهله واسألي الجيران ، فماما عصبت علي وقالت أهون وبس مهم كانوا اهله سيئين انت رخ تسافري معه وتعيشي بعيدة عنهم ما وما راحت سالت عنهم ، وسبحان الله كان كان في حكمة من ذلك ، بمكن لو سالنا عنهم كنت ما تزوجت زوجي هههههه لذلك بقول الحمد لله ماما ما سالت عنهم :) وكسبت زوجي :) لان زوجي سالنا كتير وطلع منيح ، وما سالنا عن اهله وطلعوا :( لذلك السؤال جداً مهم بس من أصدقاء خطيبك مؤ من خطيبك نفسه وانتبهي انك تسأليه غلط هال تصرف الله ييسر لك الخير بأمرك ، واتمنى تسألي منيح ولا تتسرعي. وما تخربي الامور ، حطي امك بالصورة وخليها تتصرف ، حتى أنا مثلك أمي كانت بس بدها تزوجني ، بس أنا يهمني بعد الزواج ما أعض أصابعي ندم وما حدا رح يأكلها غيرك فلا تطنشي الموضوع |
اختي والله ماراح ينفعك الاستعجال قفلي الموضوع اسبوع والجأي لربك وراح تزين امورك انشالله
شوفي اللي يبي يتزوج عليها زوجها بعد ثمان سنين غربه لا وحامل مسكينه ويقهرها يقول شوفي اللي بتزوجها احسن منك قهرني الله يلعنه لو اعرفه رحت خنقته يعني زبده الكلام لو تأكدتي من هنا لبكره يمكن تطن في راسه يوم ويتزوج عليك ريحي بالك وارضي بنصيبك ولاتخلين الشيطان يلعب عليك والرجل مهما كانت اخلاقه لازم في يوم راح يخطي ويجب عليك تتحملين خطأه |
يااختي دامك ماشفتي شي ليش تعورين راسك وتفكرين بالانفصال خويه الله يهديه رماا كلمه مادرا وش ممكن تسوي في الناس
اذا ارسلتي رساله من رقم غريب اكيد مابيقولك .. لان ممكن يفتح على نفسه باب وحتى لو اخذ وعطا مع الرقم الغريب يمكن يبي يجررها ويعرف من هي بس .. مافيه حل الا انك تشوفينه بعيونك وقتها يحقلك تطلبين الانفصال او تتاخذين اي اجراء يناسبك |
مادام لا يوجد اي دليل مادي ملموس فكل ما تمرين به وسواس من الشيطان و ربما كبرتي المسالة جدا الى درجة انك صدقتي كلام صديقه بدون دليل ملموس اصلا مجرد كلام
|
طيب ليش مو صديقه ماعنده سالفه اصلا وحب يتفلسف وقالها وبعدين قال انها زله لسان يوم فكر شوي بالعواقب الي بتصير وقال لخويتك لاتعلمينها
مادرا ان السرر مايجلس عند حرمه لو فيها خراب بيوت :D ترا مقهور وخايف تجيبين العيد بنفسك لو لاسمح الله خطيبتي في المستقبل سووت مثلك واتهمتني بالباطل راح تطيح من عيني ومستحيل ترجع علاقتنا مثل اول .. الله يهديك |
رد : سمعت عن خطيبي كلام اصدق ولا لا ؟!
الموضوع هذا لا يمكن نسيانه و راح يجلس ببالك لانك ما تاكدتي و لسى عندك شكوك و راح تستمر شكوك بعد الزواج و ماراح تتهنين..
اعتقد صعب مواجهته في الموضوع لانه راح يسئلك من وين جبتي هالكلام.. كلمي صديقتك و قولي لها تسئل زوجها عن الموضوع بالضبط و كيف هو رجع لحركاته !! هل هي مكالمات,هل هي مقابله (لازم تجيب لك دليل , المفروض تكمل معروفها و تجيب لك دليل) . او استئذني منها و كلمي زوجها و اسئليه و شوفي ايش يقول .. انا اشوف من المفروض ما تتساهلين او تناسين الموضوع نهائيا .. |
رد : سمعت عن خطيبي كلام اصدق ولا لا ؟!
خذي العصا من الوسط
اطلبي من اخوانك تتبع خطواته 3 ايام او اسبوع بالكثير من غير ما يحس ستتوضح الامور لو اقولك طنشي كلام صديقتك وبعدين يظهر كلامها صدق ويستمر في علاقاته بعد الزواج ستكون خيبتك اكبر ولو صدقتي كلامها 100في100 وواجهتيه ستخسرين صديقتك ويخسر هو صديقه وقد تتسببي في مشاكل بين الزوجين (صديقتك وصديقه) اطلبي من اخوانك السؤال عنه من جديد من غير ما تحكيلهم القصة كاملة فقط قوليلهم مجرد حرص وربي يجيب العواقب سليمة |
رد : سمعت عن خطيبي كلام اصدق ولا لا ؟!
ايش صار عليك بشرينا عنك؟؟؟؟؟؟؟؟؟؟؟
|
رد : سمعت عن خطيبي كلام اصدق ولا لا ؟!
اسمعي حبيبتي هدي اعصابك وروقي وادعي ربك والجئي له
انا بقولك قصة وحدة انا متاكدة منها 200% احنا عندنا مافي شوفة شرعية مافي عقد ولا اي شي خطوبة بس الوحدة ماتشوف زوجها الا ليلة الزفاف طيب هذي وحدة تزوجت وكان زوجها طيب وحنون معها طبعا الحياة ماتخلا من المشاكل خاصة انهم عايشين عند اهله يعني المشاكل حدث ولاحرج المهم مو موضوعنا البنت بعد ما انخطبت سمعت كلام انه خطيبها راعي بنات ايش قالت في نفسها قالت مستحيل في احد يسوي كذا هالشي حرااااااااااااام ويعتبر قذف والقذف برضو حرام فشالت الكلام من راسها نهائيا وتزوجت بعد الزواج بفترة زوجها صارحها بكل شي يعني كانه فجر قنابل في وجهها شوفي الحين كيف صارت حالة البنت دمار نفسي وبكاء ليل ونهار وتحاول تخبي في نفسها عشان ماحد يدري لانهم جالسين عند اهله انواع التعذيب صارت تحس بكره لزوجها صارت تقرف منه ماتخليه يبوسها ولايلمسها لان ابسط لمسة منه على طول تبكي وماتقدر تتحمل وفي نفس الوقت كان الزوج يتعذب ويحس بتانيب الضميرجلست فترة على كذا وماصارحت احد بشي ولا فكرت في الطلاق نهائيا لانها قبل كل شي فكرت في سمعة زوجها وايش حتقول سبب الطلاق غير كذا هي تعشقه وماتتصور حياتها بدونه بعدين صارت تقول في نفسها حرام امنعه هو زوجي وصار يجيها بس كل ماجاها البنت تبكي وتتذكر كيف انه كان مع بنات غيرها حتى كانت لما تسمع او تقرا ايات عن الزنا على طول تبكي لانها خايفة على زوجها من عقاب رب العالمين المهم مرت فترة والبنت صارت احسن من اول قوت نفسها وحاولت تمارس حياتها وربي من فوق سبع سموات اعانها حتى كانت وحدة من البنات اللي على علاقة مع زوجها تتصل على زوجها وهو كان يقولها صارت تاخذ التلفون من زوجها وتكلمها هو بنفسه يعطيها الجوال عشان تكلمها الين ياست البنت وتركت الرجال في حال سبيله المهم انها وقفت مع زوجها وماتركته وساعدته عشان يتوب وكبرت كثيييييييييييييييييييييييييييير في عين زوجها والحين عايشين بسعادة وراحة بال صار زوجها يموت فيها ولايشوف غيرها ودايم يسمعها عبارة اذا رزق الله الرجل بامراة صالحة فقد اعانه على نصف دينه قولو ماشاء الله تبارك الله وادعولهم ان الله يوفقهم ولايفرق بينهم الا بالموت ويسعدهم دنيا وآخرة ومعلومة ان البنت هذي ملتزمة حتى مراهقة ماراهقت ولاسوت اللي يسونه البنات في فترة المراهقة كان سنها صغير لكن عقلها وتفكيرها كبير اكبر من سنها والى اليوم والليلة تدعي ربها انه يغفر لزوجها ويسامحه وصارت تثق فيه ثقه عمياء وهو الحمد لله ربي هداه وصار يشمئز حتى من البنات الا يحاولو يلفتو الانظار لهم ربي يهدي الجميع شوفي نفسك انتي قادرة على ايش استخيري ربك واتمنى من كل قلبي انه ربي يوفقك ويسعدك ويقدر لك اللي فيه الخير لك |
رد : سمعت عن خطيبي كلام اصدق ولا لا ؟!
هلا فيك
ان بعض الظن اثم لازم تتاكدي هل هو صحيح ام تخريب بينكم الله يبعد المشاكل عنكم |
| الساعة الآن 09:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©