|
خطيبي ماعاش حياته مثل الشباب اللي بعمره
السلام عليكم ورحمة الله وبركاته
كيفكم إخواني أخواتي ان شاءالله بخير جئتكم وأبي استشارتكم أنا متملكه من ست شهور وماشيه بالسابع وخطيبي لسه ماتثبت وان شاءالله بيتثبت هالاسبوع وخطيبي هو اللي مزوج نفسه يعني المهر وكل شي المهم أنا قدرت وضع خطيبي وقلت له ماابي زواج ولا ابي خساير المهم وانا مااشرطت بشي ولا اطلب منه شي بس الولد صار يفكر بالمسؤولية والامور هذي اللي تجي بعد الزواج هو الحين شايل هم وجاه ارق بسبب التفكير في المستقبل ويقول أنا حياتي بنصير كلها هموم وانا الحين عمري 25 واللي مثلي عايشين حياتهم قلت أنا ليه تفكر بتفكير متشاوم يمكن ربي يغير حالك وحياتك للاحسن قلت تفاءلوا بالخير تجدوه وانا حاولت أهونها عليه واريحه وقلت له اهم شي عندي تحسن معاملتك معي جا بالأخير قال ياليت حبيتك وعمري 28 أنا ماتضايقت انه شكي لي أنا اللي ضايقني انه قال اللي بعمري طيب محد طقك وقال تزوج ثم قال راحتي مزيفه طيب مو اهم شي انك أخذت الانسانه اللي تحبها طيب أنا معك وبنبني مستقبلنا مع بعض وانا مايهمني أني اكون فوق ومع كل هذا يقول انتي ماتحسين باللي احس فيه انتي وش وراك ياليتني ماقلت لك ياليت وياليت أنا انقهرت الحين صرت مااساعد ولا اقدر الحين أنا وش سويت والله أني احيان افكر ان حنا ننفصل وقوله رح عش حياتك جالس يحسسني انه ندمان وانه مر عايش حياته طيب مو يكفي أني أخذت انسان مو مأمن مستقبله أخاف اذا تزوجنا يجلس يقول انتي السبب أنا ماعشت حياتي ويقلب حياتي جحيم ابي حب معاه |
هي اكيد الغاليه .. حسب كلامج محتاج وقت زوجج عشان يقرر اذا ترتبطوون او لاه وخصوصن حسب كلامج انه متزوج من جيبه بفلوسه ويمكن ماخذ ديووون بعد يعني بيقزر حياته وهوي يسدد للبنك وفوقهم فوايد بعد .. استغرب من الاهل اللي مايتكفلون بماصاريف عيالهم يعني ولدهم بيتزوج على الاقل خل يشلون مصاريف العرس .. والا شو فايدتهم من اهل .. يربون ويكبرون ويسوون طاف وقت العرس منقوووود عند العرب اصلن وان شالله وقت العرس جوفي اهلة اكيد يعينونه كل واحد ب خمس وعشر وعشرين الف هاي سنه اصلن عيب يوم واحد من اهلك يعرس ماتعينه وخصوصن الولد والا البنت عادي .. انتي اقعدي معاه وقوليله بالحرف الواحد .. حبيبي وحياتي وكل دنيتي اللي تامر عليه انا بسويه .. تبانا ناخر الزواج انا مستعده اخر الزواج ومااكلمك حتى اذا تبا لين ماتحس نفسك مستعد نفسياً ومادياً.. انا فاهمة انه كل شي على راسك بس ان شالله باجر بشتغل وبعاونك باللي الله يقدرني .. انت طول بالك ولاتزعل بعمرك وضايجها ترى كله ولازعلك عندي بالدنيا .. انت تعتقد اقدر اتحمل اجوفك مضايج ولا يطلع بايدي شي قولي رايك وانا بيبان قلبي مشرعه لك منو عندي غيرك بالدنيا يهمني رضاه من بعد رضا الله ورضا والديني عليا يهمني رضاك وبعدين انت جرحتني وانا مقدره انك قلت هالكلمه لانك زعلان ومن جي بعطيك وقتك الكافي لين ماتقرر وتراني موب زعلانه لانك تلومني بهالزواج بالعكس انا بزعل اذا تمت بقلبك ولاقلتها وانا ماراح افتش عن سبب ارتباطك فيني لاني مااعرف ليش تقدمتلي وانت قاعد تجرح فيني وفوق ارد واقول حاسه فيك ومقدره الضرف اللي تمر فيه بس انت موب فاتحلي قلبك وكله تلومني على شي اجهلة ومابا بعد الزواج اكتشف انك مغصوب عليا لاني ساعتها مابا اسامح نفسي ولا بسامحك ... واستخير ربك ورتب امور وقرر وساعتها تواصل معاي لاني مابا اضغط عليك خلال هالفتره وافضل انك تفكر زين وبعيد عني .. حياتي ادري بكلامي لج مافيه اي راي لج لكن لازم يفهم انج حاسه فيه ومقدره وهو قاعد يجرح فيج وهالشي غلط لانه سكوتج عن تجريحه بخليه ياخذج ويلومج العمر كله والله يهدي سركم |
روضه أبوظبي يجزاك الخير
أنا فاهمه اللي تقولينه كله واهله مو مقصرين يس خطيبي من النوع اللي يحب يسوي كل شي بنفسه ولا يحي احد يساعده لو كان ابوه فهمتي علي وانا كلمته انو عادي ناجل بالزواج بس هو رافض لان لنا خمس سنوات مخطوبين وماتملكنا الا هالسنه وه. يقول انو خويي كلامه مقنع ان الواحد يتزوج وعمره 34 قد كون نفسه وامن لمستقبله يعني يجرحني بكلامه وأتم ساكته طيب أنا ماجبرتك ع الزواج أنا بعد علشان جالسه أتنازل في امور كثيره أنا جالسه الحين اقولكم هالحكي وبينت له ان ربي يساعد الشخص وقلت له أنا ماابي شي دام أني مأكله وشاربه وقادره البس الامور الثانية مو لازم اهم شي عندي ان تكون معاملتك معي كويسه قلت طبيبة مااخذتني بترتاح قال لا اللي يقهر يقول ليتني أموت يس أنا ماراح ارتاح أنا حياتي هموم طيب هالحكي يضايقني يحسسني بالذنب أنو أنا السبب في اللي يصير له عن أنا ماطلبت منه انه يتزوجني ولا حتي تشرطت بامور البيت ولا حتي باغراض البيت ولا حتي بالسفر بالعكس أنا معاه وأقوله اللي يريحك سوه واللي تبيه سوه وربي أني مهمومه ولا ني عارفه شنو اسوي |
تري خطيبي يحبني وهو اللي طالب يخطبني يعني موب مغصوب هو خطبني خمس سنوات علشان مااكون لغيره
|
ابي مساعدتكم ماتوقعت أنكم بتخلوني كذا
|
طيب حسسيه ان اللي اختاره صح
اتوقع يمكن ما اخذ حنان كافي املي حياته بحنانك وفكري عنده بحياتكم واولادكم بإجابيه حسسيه انه الطفل عندك وانه محظوظ فيك |
للمشكله خطيبي يحبني ويموت فيني ولا يحب ابتعد عنه وكل شي يبيه اسويه له
بس مو معناته انه يقول لي كذا ويجرحني بكلامه انا احبه ومستعده أساعده وأوقف معه ومستعده أحط يدي بيده بس ابيكم تعطوني حكي حلو أني احسسه ان اللي سواه حلو وانه المفروض مايندم عليه وبالعكس انه كلما اشوفه كذا يكبر بنظري اكبر واكبر |
نصحتج الغاليه بكلامي وانتي بكيفج والله يعينج ...
تقولين يحبج وبيعتمد على نفسه ويلومج ويعيش بدوامه ويليتني حبيتج 28 وكلام خوي صح الواحد مايتزوج الا يوم 34 ويكون مستقبله بصراحه احس بتناقض المهم الله يهون عليج وهاي حياتج وانتي جوفي اللي يناسبج |
اختي روضه أنتي نصحتيني وانا فعلا سويت بكلامك
بس انا اللي ذبحني هو التناقض نفسه فهمتي علي يعني شخص خذاني باختياره وماحد جابره وهو اللي رافض ان الكل يساعده طيب انا وش ذنبي انك تسمعني هالحكي انامثلي مثل اي بنت ابي ارتاح ابي انبسط نو يجلس يخوفني بكلامه ويقول حكي انه ليت وياليت وانا اقوله يمكن ربي يغير حياتنا للاحسن بس هو مو فاهم هالشي |
و عليكم السلام و رحمة الله و بركاته
اختي العزيزة اولا الحمد لله لان ربنا رزقك بزوج معتمد على نفسه و هذا شئ جميل جدا. تحضيرات الزواج بصراحة متعبة و تقلق لانها مرحلة تغيير جذري و يجب فيها خرج مصاريف لا حصر لها. فهذا قلق اخر... برايي تكلمي معه بهدوء و اعلميه بانك متفهمة لظروفه الصعبة و لكنك متالمة من كلامه ايضا و اعطيه فرصة ليفكر بالموضوع وحده و يتخذ قراره و ابلغيه بانك مع اي قرار سيتخذه و انتظري قراره و ابلغينا بما يحدث. ارجو ان تمر هذه الفترة بهدوء اسال الله ان يوفقك |
خطيبك يمر بحاله نفسيا ومتاثر بكلام احد
ادعميه نفسيا وطمنيه ان كل شي في مساره الصحيح وان الرجل ربي يرزقه بعد الزواج لاتنسين ان الرجل طفل كبير |
والله أني ماقصرت معاه وأحاول أني ارضيه بس هو مدري وش قصته ومشكلته ينكر كل شي اسويه له
المهم راح اقولكم اخر التطورات الولد كلمني وقال لي انو الدوام مايقدرون يعطونه اجازه شهر لان لسه متثبت ومايقدر ياخذ اجازه الا بعد سته شهور وان عطوه عطوه اسبوع هو قد قالي ادبر نفسي وهو يقدر يدبر نفسه بس ربي يعين انا اول ماتملكنا كان يبيه بشهر 7 طبعا لانه ماحدد ولا عاد بمدي ولا يقدر ياخذ اجازه قلنا نخليه بعد عيد الفطر بس قال مااقدر أخذ اجازه واذا تبون ماعندي مانع أخذ اسبوع بس قلت انا طيب انا ادرس والجامعه بس تعطيني اسبوع اجازه وانت عارف مااقد اخليه ايام الدراسه وانا حرام هذا اخر سنه لي لازم اتخرج طبعا مو مهم كلامي عنده قلت له انا أحاول أخذ صيفي علشان اخفف ع نفسي وانت بكذا تضغطني قلت طيب خله بنهاية شهر 11 يعني بتصيرتقدر تقنعهم قال لا بعد العيد الاضحي قلت طيب خله بداية شهر 12 قال الناس بيحجون شوفوا التناقض ويقول خليها ثالث العيد طيب الناس توهم مارجعوا من الحج قفلت منه وجلست افكر واستشير وانا بالجامعه ضايق صدري فالأخير قلت يابنت مالك الا شي واحد وهو انك تعتذرين هالترم وبس رجعت البيت وطبعا امي عندها خبر وقلت لها انو باعتذر طبعا اهلي مآودهم بس علشان يدورون راحتي قالت امي طيب خليها نهاية 11 علشان تستفيدين من الاعتذار حقك وتقدرين تثبين نفسك قدامه وخاصه انو ماوراك ضغوطات سكت وقلت بحاول المح له او اقنعه طبعا ابيكم تساعدوني قلت له بخصوص أني بعتذر ولا فكر يقول حرام مالقي لك سنه ترم تدرسين وترم تطبقين قال ايه احسن سكت انا وماحكيت شي بس اللي صدمني أهله مأخذا رأيهم وشاف اللي يناسبهم خاصه اهله اذا شافوني حددت شي يتعذرون مايبونه يبون هم اللي يحددون والولد عطاني احدد كل شي ولا جاب سيرة اهله وارسلت له ان. عط اهلك خبر بالموضوع وش رأيكم باللي سويته وان شاءالله يبين بعينه |
عجلوا بالزواج مو لازم شهر عسل سافروا بعد مايتثبت
وفكرت انك حذفتي تررم تعتبر تضحيه جميله منك عشان تتفرغين له اول كم شهر من الزواج احس ماراح ينساها لك .. |
هو الحين تثبت وماياخذ اجازه الا بعد ست شهور
تخيلي عاد توني عروس ويروح بالدوام بعد كم يوم وانا من حقي كبنتاحس بشهر العسل وحتي هو من حقه كولد ااجل الزواج ليما يبي والله ييسر أمورنا يارب |
شوفي حبيبتي ،
من رأيي إن تكونين حازمة معاه ، سأليه : انت ندمان انك ارتبطت ألحين ؟ شاللي تبيه بالضبط ؟ وقوليله : إذا انت مو ندمان ، وتبيني ، ياليت ما تجرحني بهالكلام وتحسسني إنك غلطت لما تزوجتني وقوليله : إنج انتي مستعدة توقفين معاه ، وإن الحياة كلها مسؤوليات وانت منت بروحك وإنج انتي بتكونين معاه وبتساعدينه وتوقفين معاه وان الانسان مع الضغوطات بيحس بخوف الله يتمم لج على خير |
الله يهديه ليش كذا ؟
صعبة هو يسوي كل شي لازم مساعدة أمور الزواج صعبة جدا ومرهقة أنصحك تقولين له إذا جاب الطاري خلاص حرام عليك صارت مكالماتنا كلها هموم , وانا ضحيت وماتشرطت وانت ماتقدر وأنا أحس انه هو السبب ليش يرفض أحد يساعده , كل الناس يساعدونهم اهلهم واخوانهم , |
اختي زوجك قاعد يفضفض لك و انتي فهمتي الموقف انه تجريح
تقدري تقولي يوم قالك ان زميله ينصح بزواج اللي اعمارهم 34 الخ قولي لا ماتوقع وش بقى بعمرك و شبابك و تربيتك لعيالك و متعتك بدنيتك يعني خذي و اعطي معه لا تقلبون جووكم نكد و حزن زوجك سهل المرآس و هذي نعمه من ربك يعني خلي صدرك و سيع و اسحبي كل اللي بقلبه من سلبيات وعقبات و دخلي مكانها امور و تفائل حتى لو مابانت امامك بتبان اول مايسكر و يقتنع زوجك طيب بس يبي له تعزيز بنفسه يبي يبين لك انه يقدم التضحيات لعيوونك و ان محد ساعده يعني ترا ابي اكبر بعينك فهمتي ؟؟؟ هذي حركات الشباب بس مايدرون انها تشكل سلبا ً على نفسية الزوجه من غير مايدروون مووفقه و استخيري و انصدمت صرآحه خمس سنوات خطبه ؟؟ اسمع بكذا قصص و لا اصدقهآ صرآحه لين شفت اللحين بنفسي استخيري ماتدرين لعل الله يحدث بعد ذلك آمرآ حطي سلبياته و ايجابياته بورقه و شوفي يستاهل او لآ |
غاليتي مجنونة J
خطيبك إنسان عصامي وأي بنت تحترم الرجل أمثاله وهو شافك تتفهميه عشان هالأمر كما ذكر ٍS10 فضفض لك عما بداخله وأيضا لأنه شايفك عاقلة أخرج سرا لا يبوح به لأحد فقط لصديق مقرب له ولم يجد أفضل منك صديق له فما أجمل هذا المقام ما شاء الله التي أعطاه لك اتركيه يفضفض وقولي له ليش تقول هالأمر لا تزعلي لأنه أخرج ما في قلبه الرجل أكثر أمر يقصم ظهره عندما لا يستطيع أن يؤمن حياة كريمة لزوجته التي أحبها يشعر بكسرة في نفسه هو من شدة حبه لك قال هذا الكلام صدقيني لا تزيدي الهم فوق همه كوني له عون وأمان إحرصي عليه وقفي بجانبه لا تتخلي عنه وقولي له هذه العبارة (( لن أتخلى عنك مهما أتعبتنا الظروف أنت رجلي الذي أحلم به )) وما تراه وتريده سأفعله أيا كان رأيك ,,, وثقي أنه سيزيد بتمسكه فيك أكثر من قبل وفقكم الله وجمع بينكم عاجلا غير اجل ورزق زوجك الرزق الطيب وسهل أموركم |
مشكورين ويعطيكم العافيه
اسعدتوني بارائكم لي وبالعكس انا معه وانا قدامه مااحسسه بشي مو حلو أوقف معاه واحسسه ان اللي سواه شي جميل وان اذا الواحد تزوج متأخر كيف يربي اولاده وكم الفارق بينه وبين الزوجه واولادة هو عارف أني اخذته واني متحدية الكل علشانه وأحاول قد مااقدر أني اسعده بس هو الله يهديه ينكر كل شي ويجرحني بالنكر هذا وهو عارف ان رضيت فيه وهو كان راتبه اقل من 3000 وكذبت ع الكل وساعدته لين يتثبت ويعلي راتبه ودايم. اقوله ربي رحيم ع عبادته ودايم اتفاءل معه بس هو متشائم والله يريحنا يارب ويعطيكم العافيه تجعلي مااشوف فيكم اي مكروه يارب |
| الساعة الآن 03:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©