|
كشتتنا يوم الاحد الماضي ..
مساء الخير ...‘
الاسبوع الفائت كانت الاجواء جدا رائعه ... وبناء ً عليه قررت عائلتنا الذهاب الى البر - كشته - ونوينا نتعشى هناك مندي .. :22: اخترنا مكان بعيد عن العمران .. الجو رائع والكثبان ناعمه والناس حولك مستمتعين ,, http://www.mlfnt.com/lives6/13336281833.jpg جلسنا حول هالمكان بس كنا فوق تل - طعس- صغير .. http://www.mlfnt.com/lives6/13336281832.png وفرشنا وحطينا الاغراض ولفوا الرواق - ماااااااحبه ابدا :( بس ابويه مرن الحمد لله صارت الاغراض على الفرش واحنا جالسنا برا على الرمل :) وصرنا مشغولين بالمندي وين نحرف ومتى نبدا .. http://www.mlfnt.com/lives6/13336281831.png اخترنا المكان وبدينا بالتحفير مره بشكل يدوي ومره بالكريك وكل شوي نجرب قدر المندي زمان كان عندنا برميل .. واشترينا قريب زي قدر بس مفتوح من الجهتين وتتركب قطعتين فوق بعض ثم تفصلهم وتحطهم بالشنطه الحافظه له .. طبعا يبقى زائد عن الارض مقدار يمكن 10 سم او 15 من القدر عشان ماينكب الرمل جوه وتنطفي النار .. http://www.mlfnt.com/lives6/13336281849.jpg بعدها نشعل النار جوه ونحط تقريبا ربطتين حطب من الصغار .. بهالوقت كان اخوي يقول النار شوي ماراح تولع الحطب وامي تقوله اصبر هي بتولع من نفسها .. لاتحقر من النار شريره - تصغير شرار النار .. التفت لي الله يحفظها وقالت بقولك قصة قديمه مع مثلها .. واحد خطب بنت وكانت صغيره . فاابوها رفض الخاطب وقال البنت صغيره وماراح ازوجها . وهي كانت تبي تتزوج .. وبيوم كانت تبي تولع لها نار .. وكانت النار المولعه قليله فقال لها ابوها يابنتي هالنار ماراح تولع لك الحطب.. ردت البنت وقالت يايبه .. (( لاتحقر من النساء صغيره ولا من النار شريره )) :22: السموحه منكم الصور ناقصه لاني ماصورت كل مرحله وماكان في بالي .. وقت ماانتظر الحطب يصير جمر .. نروح نبهر اللحم بملح وكركم ويكون الملح شوي زايد .. بعد تتجهز النار نحط اول المركب - قاعده معدنيه نحط فوقها قدر الرز .. زي هالصوره .. او حتى الشبك بقاعده .. http://www.mlfnt.com/lives6/13336306522.png من النت .. بعدها نحط الرز والمويه في القدر العادي وملح وبهارات صحيحه - قرفه- هيل - ورق غار - قرنفل - ليمون اسود .. http://www.mlfnt.com/lives6/13336306521.png من النت هذا مره مناسب عشان المسكه من فوق لان قدر المندي بيكون حار .. فلو توفر هذا كويس واحنا تعبنا شوي في تنزيل قدر الرز نسينا السلك المعدني عشان نلفه على القدر من فوق وننزله لكن نزلناه بحذر ... بعدها نحط الشبك فوق يثبت بطريقه معينه فوق ونرص اللحم .. ونغطيه بالقصدير بشكل كامل ثم نحط غطا القدر ..- ممكن تحطون ورق زبده عشان يمتص قطرات البخار ثم نجيب خيشتين ونبلها بشوية مويه وننفضها ونحطها فوق غطا القدر ثم نهل عليه الرمل ونرتبه ونحط علامه لاحط يدوس ولا شئ :) http://www.mlfnt.com/lives6/13336281834.jpg جلسنا ننتظر وكل شوي نناظر الساعه .. طبعا حسب النار وحسب اللحم يكون الوقت مثلا لحم حاشي ساعتين .. لحم غنم - تيس - ساعه ونص .. مره نقعد نسولف ومره كلن يروح بناحيه اللي يخط على الرمل والي جالس بالسياره واللي يمشي والي يتقهوى وننتظر الوقت يمشي .وجا الوقت المناسب وشنا الرمل والخيش .. http://www.mlfnt.com/lives6/13336281835.jpg وفتحنا الغطاء شايفين البخار :28: http://www.mlfnt.com/lives6/13336281836.jpg هنا اللحم مررره كان لذيذ محمر :22: http://www.mlfnt.com/lives6/13336281847.jpg وهذا الرز - طبعا مانحط زيت عليه لان اللحم معاه شحم ويقطر على خفيف على الارز .. http://www.mlfnt.com/lives6/13336281848.jpg هنا كنت ارتبه بالصحن > الشئ الوحيد اللي سويته :d وسلامتكم وان شاء الله استفديتوا واستمتعتوا .. والسموحه على القصور.. |
ماشاء الله
الله يسعدك غاليتي ويحفظلكم الوالد والوالده الله يعطيهم العافيه باين على المندي لذييييييذ ويشهي خاصة بهالجو |
زعلانة منك
يعني كشتة ووناسة ومندي وماتعزمين ماشاء الله بالفعل طلعة تجنن ياليت أروح بعمري مارحت والله تسلم دياتك والكل باين لذيذ موفقة |
ماشاءالله رووووووعه
فعلاً مايصلح البر من دون المندي ,نفس طريقتنا بالمندي:) تسلم الايادي ,,والله جوعتينا:15: |
وش ذا الزين ما شاء الله عليكم بالعافيه ذكرتيني ببيتي القديم كان عندي حفره في الحوش وكانت اكثر كشتاتنا فيه اعماق كشته حلوه ما شاء الله |
امس رديت عليك بالصور اللي نزلتيهن بس الأخت شقردية الله يهديها كنست ردي كالعادة :26:
عموماً أنا أحب شي أسمه مندي خصوصاً لكان مسوى من سعوديين أو بالبر زي كذا مو من المطاعم، وبالذات لما يكون لحم، ماشاء الله عليكم والله غبطتكم ماودكم تعزمونن لأنه شكله ماشاء الله مندي على سنع ؟ :d ، شكله خطير خصوصاً أني بالغربة تعذبت زيادة لما شفت الصور، لكن إن شاء الله برجع بعد شهر وبأكل حق سنة. http://www.mlfnt.com/lives6/13336281833.jpg تقل موهب غريب علي هالمكان :rolleyes: عندي أسألة لأني مصمم لما أرجع أسوي هالمندي: تعرفين بالمندي ماتقدرين تتحكمين بالنار !! يعني لما تكون النار قوية يمكن ينحرق الرز واللحم ما استوى ويروح مندينا وطي !! أو تكون قليلة وتطفى ولا الرز ولا اللحم يكون استوى، وش الحل ؟ وش كثر الماء لما تحطونه في الرز ؟ هل اللحم نضج مية بالمية ؟ وين أحصل برميل المندي وغطاه ؟ شكله مرة مريح هل دفنتوا البرميل بعد ماحطيتوا اللحم والرز ؟ أخيراً بالعافية عليكم والله يسعدكم. شكراً لك أختي الكريمة. |
ماشاء الله كشتة ممتازة
كن البر مافيه غيركم.. وش حقه الشراع :d تدرين وش تمنيت أن أبوي يقلط على أخر صورة :d يحب يابعدي هو هذي الحركات الصراحة كنت اتفرج على موضوع ابو فيصل عن هونج كونغ ومنه مباشرة جيت لموضوعك حسيت فعلا بمعنى الجفاف :d تسلمين على الموضوع الحلو |
كشتة روعة من المكان للاكل
والأكل شكله لذيذ جدا ادام الله لكم السعادة |
اقتباس:
تسلمين على الدعوه الطيب .. نورتي .. |
ماشاء الله تبارك الله
اجواء رائعه ومندي ولاأحلى يسلموا أناملك على الجو الحلو اللي عيشتينا حسيت أني معكم بالكشته :) |
بالعافيه على قلووبكم :.,~
|
‘
مَآشَاء الله .. جعل الله أيامكم ممتعة هانئة .. من أسوأ الاشياء أن تفتحْ صفحة ك هذهـ وعصافير بطنك تزقزقْ فيزدادُ صوتُ صفيرهُا :D الله ... أحبُ البرْ هدوءهـ و هدأة نسائمه .. و أجملها ( شبة الضو ) وقصصُ الماضِي تُحكى حولها و كَ أن هذا المكانْ جُلبْ لِ إعادة الذكرياتْ إلا أنها في النهاية مُشكلة ب الأنسِ و البساطة يبدو أني خرجتُ لِ أعيشَ أجواء الرحلة معكِ نعمةً دائمة وخيراً لا ينقطعُ عليكمْ يَ ربْ يآسمينةً ~ , |
حركاااااات عموقه هانم < كيف جازلك ولا أغيره
يا حليلكم الجو باين يجنن والمندي الذ و الذ ماشالله تبارك الله تسلم ايدين الوالد و ربي انه بطل وحتي انتي عشانك رتبتي اللحم الله يهنيكم يارب و يجمعكم ع خير دايم |
اقتباس:
ان شاء الله تروحين يارب ةتستانسين اقترحي على الاهل بر كان او بحر .. وتسلمين حبيبتي ... |
اقتباس:
منوره .. : ) |
اقتباس:
زينا بيتنا الاول كان في حفره للمندي وحطين فيه البرميل وله غطا ونسوي فيه خصوصا بالاعياد .. تسلمين على التواجد بصفحتي .. |
وش ذا الزين .. والعلوم الرااااكده .. :d
طلعة البر كووووم .. والطبخ فيه وعلى الفحم طعم اااخر ... وبالعاااافيه عليكم ... وانت تسردين الاحداث .. سواليفك ذكرتني بهايدي :23: شكلك اخر ونااااسه .. طلعت امس البر .. وهذي صورة كشتتي .. اخاف ما تصدقون <<<< قولي قسم http://www10.0zz0.com/2012/04/07/15/937886368.jpg وهذي كبستنااا .. حدنااا كاتم ويخب بعد ...:25: http://www10.0zz0.com/2012/04/07/15/939974207.jpg وانا ادوج في البر .. لقيت برميل مدفون .. شكله برميل مندي <<<< العوق البرميل :26: قلت لزوجي المره الثانيه بنسوي مندي اعماق هنااااا قال الله يقويك تعالي من الفجر واحفري ترابه :26: الله يسعدك يا عموقه على التقرير اللي امتعتينا فيه .. اقتباس:
ولو سمحت لك سمحنا لغيرك ..! لذلك كنسنا ردك !! والخلاصه اني وصلت طلبك للاخت اعماق .. وما قصرت ... كريمه .. الله يرضى عليهااا .. تقرير كامل نزلت الله يوفقهااا.. |
اقتباس:
ولا شكر على واجب .. |
اقتباس:
سرني تواجدك حبيبه .. |
ماشاء الله تبارك الله ياعموقة صحة وعافية على قلوبكم
المندي ايوااااااه ايواااااه هاذي الطلعات ولا بلاش طلعة ومافيها طبخ ونفخ مالها طعم ابد عاد اخوك ابو سلطان يموت في الطبخ والنفخ ومانطلع الا وعزبتنا معانا جاهزة بس هالأيام وانا اختك الأجواء عندنا ماتساعدنا كلها عج وغبار ولو حصل لنا فرصة تنور النار فوق السطوح والمنقل اللي نحط فيه الفحم عاد انتم مدري وش تسمونه عندكم كلها فوق السطوح ونحط حرتنا فيها يومي الخميس والجمعة عاد مندي الدجاج يطلع يهبل وطعمه جنان وريحته اممممممم لاتقاوم وما ياخذ وقت مثل اللحم ساعة واحدة بس وتعالي طلعيها العظمة تطلع بيدك قبل اللحمة تنهرس هريس بالنسبة للحم انا احط له ساعتين اولع النار اول شئ بالتنور طبعا هو من الخارج حديد معدن ومن الداخل كامل جرة فخار مثل الطين نولع الحطب ونخليه يستوي الجمر ونحط حجر بيضاوي الشكل نجيبه من البر يكون شكله دائري او بيضاوي وملمسه ناعم نغسله وننظفه من التراب والرمل ونشفه زين ونحطه فوق الجمر بوسط التنور ونحط فوقه اللحم وبعد مانخلص اللحم نحط فوقه سعف نخل اخضر نجيبه ونقطعه صغار ونغسله وننظفه مسبقا ونشيله نغطي فيه اللحم من فوق كامل وبعدين نحط فوقه غطاء التنور ونلفه ببطانية ثقيله ونحط عليه طوبة علشان لحم الخروف مايطير لفوق نحط طوبة هههههههههههههههههههههههههه امزح معاك بس علشان اذا كان فيه هواء مايدخل من تحت الغطاء والرز نضبطه على النار والحطب لحاله طبعا يطلع طعمه خيال عاد لو تحطي شوية زيت في صحن صغير وتحطينه بوسط قدر الرز وتحطين فحمة شابه بين الزيت وهو وسط قدر الرز ويكون الرز قد استوى خلاص ماعاد باقي عليه شئ حطي الفحم بين الزيت واكتمي الغطاء عليه زين بحيث ان الدخان مايطلع خارج قدر الرز وتبقى رائحة الرز وطعمه تجنن يوم تحطينه للأكل ماراح تشبعي منه ورائحته بتبقى مميزة عندك جربيها حتى على النار العادية تطلع طبختك تجنن تصدقين يا اعماق ان موضوعك هاذا هيض فيني المشاعر للبر وطلعت البر وجلست البر توسع الصدر وتونس الخاطر عسى الله يزين الأجواء عندنا ويرزقنا الغيث والمطر ونطلع نوسع صدورنا بالأجواء الطيبة يارب |
رد : كشتتنا يوم الاحد الماضي ..
اقتباس:
اسعدني تواجدك ,‘ |
رد : كشتتنا يوم الاحد الماضي ..
اقتباس:
الله يسلمك ويسعدك .. ليتك معانا جد :) نورت ِ .. |
رد : كشتتنا يوم الاحد الماضي ..
اقتباس:
|
رد : كشتتنا يوم الاحد الماضي ..
اقتباس:
عندكم طعوس زينا :d في بلادي فقط ههههههههههه / اشعر بكل حرف كتبتيه .. واشعر بحجم حنينك .. اسال الله ان يحميك ويوفقك .. شكرا لدعوتك الطيبه ولك مثلها ..‘ |
رد : كشتتنا يوم الاحد الماضي ..
اقتباس:
نورت ِ .. |
رد : كشتتنا يوم الاحد الماضي ..
اقتباس:
والله يسعدك يارب ...... افرحتني جدا مشاركتك ... : ) |
رد : كشتتنا يوم الاحد الماضي ..
ماءالله تبارك الرحمن الاكل شكله يدوخ ولذيذ عليكم بالعافيه احلى شي الكشته بس احنا في الكويت عندنا مزرعه فا مانحس بطعم الكشته مثل قبل لما نروح البر ونقعد بدون عمران ولا شي
بس هم بالمزرعه نروح شوي بعيد عن البيت ونسوي اكلتنا المجبوس :> |
رد : كشتتنا يوم الاحد الماضي ..
ماشاءالله .. ربي يسعدكم احب طلعات البر تحسين روحكِ طليقه حصوصا مع الاجواء الحلوه الله يحلي ايامكِ شاكره مشاركتنا لكِ هالطلعه الجميله :) |
رد : كشتتنا يوم الاحد الماضي ..
ماشاء الله تبارك الله
|
| الساعة الآن 04:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©