|
تصرفات الزوج اللأخلاقية وردة فعل الزوجه ..
السلام عليكم ورحمة الله وبركاته .... أبغا أخذ رايكم بموضوع سفر الزوج والشرب كنا نتناقش انا ومجموعه من الربع على هذا الموضوع وهو هل زوجه تضايج اذا علمت أنه زوجها يقوم بافعال وامور لااخلاقيه كعلاقات محرمه داخليه وسفر للخارج والذهاب الى اماكن مشبوهه .. واحد من الربع رد قال حرمتي ما تدري بشيء عن الشرب لانه ما يرد البيت الا وهو بوعيه . والثاني قال حرمته تدري عن كل شيء بس عمرها ما سألته ولا تناقشه كانه ولا يخصهاالموضوع . والثالث قال حرمته كل يوم والثاني بيت اهلها بسبب تصرفاتي وهو مطنشها على قولته مصيرها بتتعب وبطخ وبرتضى أنا أحب أعرف سبب سكوت بعض الزوجات ورضاهم اذا درت أن زوجها يقوم او يذهب او يمتلك لتلك الاماكن ولا هو مقصر وياها بشيء لو شو طلبت ؟؟؟؟ |
طبعاً الزوجة لو درت بتفرح وتنبسط وتروح تشتري الشراب وتكلم البنات علشان يروحون للاماكن المشبوهه
أنت جاد في سؤالك والا تستهبل ... بصراحة امرك غريب !! |
الخوف مو من الزوجة الخوف من الله ..
واتوقع انك ما تقصد بمواضيعك الا الاستفزاز لانها حتى ما تصلح للنقاش .......................... |
والله حراااام عليكم سكر ولهو وبنات وما عايزين زوجاتكم تزعل ,,,, بأي منطق فكرت لما سألت هذا السؤال؟
تفتكر ماذا ستكون اجابه سؤالك الغريب هذا؟ وعلى فكره لو نزلت لها البدر في تمامه وانت تتصرف كذه ما راح ترضى عليك ..... وبعدين انت تخاف من علم زوجتك وما تخاف من اللي خلقك امرك عجيب والله ربي يهديك مع خالص احترامي |
اخويه بو خليفه
It is up to him .. هذي حريه شخصيه بالنسبه لي يعني لو انا تزوجت بواحد اوبن مايند يحب يعيش حياته ويجرب الحياه بطريقته وين المانع يعني .. خليه يروح يستانس يسوي اللي يباه بالنهايه الاثم عليه هو .. الأهم انه مايقرب صوبي بعد كل سفره الا وهو مسوي فحص شامل .. ويسلمني التقرير طبي بانه سليم يعني موب معقوله يبلي المرض بعد .. هي اكيد بغار عليه بس في النهايه ماراح اضغط عليه وبتركه براحته يتصرف بطبيعته جدامي ولا يتصرف من وراي وبعدين انا بدوري مابا اقصر معاه بعيشه هالجو بيني وبينه في اليخت على البحر في شاليه بالفندق بكل مكان بحاول قدر المستطاع اني امتع نفسي معاه وامتعه عشان مايحاول بلحظه يلتفت لغيري .. واذا حاب يمتع نفسه بخليه كيفه بس لازم يصارحني بكل شي .. ومايخش عني شي والشي الثاني عندي انه يصارحني ويصافيني ولا يسويها من وراي .. على الاقل اتخذ احتياطي ولا ابتلي اذا ابتلى بالمرض بزعل بضايج جم يوم بس ماردني بهدى بس مابا اتجاهل هالموضوع ولاكانه شي صار وعقب انا ابتلي بالمرض واتحمل نتيجه اختياره هالدرب بعد الشر عنا وعنكم ليش اقعد اقول بويه هذا صح وهذا غلط وليش اروح بيت اهلي وانا حالتي حاله واعيش بعوار راس وصداع الحيااه كووول واحلى مافيها التجارب .. اهم شي كل واحد يتحمل نتيجه اختياره بطريجه وسلوكياته ... ونحن موب مجبورين نتحمل النتيجه وبحرص انه خذ موانع موب يفاجاني باجر بياهل بالحرام بسبه هالمنكر اللي ياخذه .. نو وي وعادي لو شرب جدامي بس اهم شي مااسقيه بايدي .. يبا يشرب كيفه بس مايدخل هالحرام البيت بيشرب اذا كنا في اليخت او بفندق او بشاليه كيفه النار بتلحقه هو مابتحلقني انا .. اهم شي مايشرب جدام البيبي او في بيتنا .. والله يهدي اليميع والسموحه |
والله جد أتكلم وبعدين ليش ننكر انها الشيء موجود وبكثره موضوع حرام أدريبه انه حراااام مب محتاج أحد يعلمني ولكن اللي قصدته اذا كان الزوج مب مقصر ويا حرمته بشيء هل زوجه بتسكت وبتقول برايه ولا بترفض وبتطلب طلاقها ؟؟؟ أخت غزلان موضوع ما يستاهل النقاش هذا رايج والله يسهل عليج ... |
اقتباس:
والله اسغربيت من ردك كثييير. يعني اذا صارحك وقال لك انا بروح اسكر والعب مع البنات بتقولي له روح الله معاك بس المهم تعمل فحص شامل وتجي ويين الموده والالفه بين الزوجين وين الحب والخوف عليه من الاثم ..... وبعدين شنو يعني احلى ما فيها التجاارب طيب انا الحين بقول رايحه شقه فيها رجال وفيها سكر وفيها وفيها راح يكون رد فعلك عيشي حياتك لأن الحياه احلى ما فيها التجارب مع احترامي |
اقتباس:
|
اقتباس:
والله اسغربيت من ردك كثييير. يعني اذا صارحك وقال لك انا بروح اسكر والعب مع البنات بتقولي له روح الله معاك بس المهم تعمل فحص شامل وتجي ويين الموده والالفه بين الزوجين وين الحب والخوف عليه من الاثم ..... وبعدين شنو يعني احلى ما فيها التجاارب طيب انا الحين بقول رايحه شقه فيها رجال وفيها سكر وفيها وفيها راح يكون رد فعلك عيشي حياتك لأن الحياه احلى ما فيها التجارب مع احترامي |
اقتباس:
عجبني رايج أم محمد هذا في حالة لو زوجه تزعل ومهتمه لكن لو كان العكس اعتقد ما يأثر اذا هو مب مقصر بيته . |
استغفر الله العظيم
ياحرااام خايفين من حريمهم مو خايفين من رب العالمين يغضب عليهم . الزوجة الي ترضى بالعيشه مع مثل الاشكال الله لايبلانا غبيه تعيش مع واحد مفرط بحق ربه ودينه. يذلف فراقه عيد ولاعليه حسوفه ,,له عين بعد يناقش ويبيها ترضى !!! المفروض مثل هالمواضيع ماتحتاج نقاش يخافون الله ويسترون على انفسهم بدل الافتخار بالمعصيه. الحمدلله الذي عافانا الله يهديهم ويستر عليهم .. |
اقتباس:
الزوجه ما راح ترضى بأي حال من الاحوال وانا ذكرت لو نزلت لها البدر في تمامه وانت على هذا الحال ما راح تكون راضيه |
اقتباس:
ويوم بيندفن بيندفن بروحه بعمله .. وليش اقول الله معاك بحاول امنعه بس ماراح اضغط عليه ولا انه يستغفلني من ورى ظهري وشو الاحسن يعيش حياته جدامي والا يلعب بظهري وانا اللي اخرتها اتحمل المرض معاه وليش تتجاهلين موضوع المرض؟؟؟ يغلط ورى ظهري ويمارس الحرام ورى ظهري ويبليني بالمرض وانا على غفله والا اوقف بويه واحرص على موضوع الكشف واحترم رغبته بمسار حياته .. وبعدين راح اكون على اطلاع بكثره سهراته يعني موب معقوله اشدد عليه وباجر يستغفلني ولا يعلمني .. الحياه كوول عزيزتي اهم شي احافظ على ديني لاني بروحي بتحاسب بقبري ... |
عليكم السلام والرحمه أخي أبو خليفه : حتى لو كانت الزوجه غير مهتمه على كلامك فين الخوف من رب العالمين , وبعدين ليش يروح للحرام ورب العالمين حلله الزواج الثاني مدام هي غير مباليه أكيد ما راح تزعل من زواجه . |
طيب ممكن أغير صيغة سؤالك..
بدال/ هل الشرب ومصاحب البنات ترضى به الزوجه؟ خليه هل الشرب ومصاحب البنات يرضي الله؟ فكرتي وصلت أستغفررر الله بسسسس.. |
ابو خليفة ........... !!!! بتجلطني ياريال
الحين إذا التدخين .. وابتلشنا فيه ....... كيف الشرب !!!! لا تحط كل شي على زوجتك .. ليه ما منتعتني ؟ ليه ما تغار ؟؟ انت موب ياهل اتوقع الحل الوحيد لكل مشاكلك تتزوج وحدهـ شديدة الغيرة عشان تقفل عليك بدارك:d |
اقتباس:
اختي روضه اذا كانت كل احد يقول انا ما ربه قل تتوقعي ان فيه ناس اسلمت بيد ناس بفضل الله تعالى طيب هؤلاء الدعاه الاسلاميين ليش موجعين راسهم ما يقولو نحن ما ربهم ويريحو راسهم من الهم والغم .... |
اقتباس:
حياك الله يا خوي .. لحين منو جاب سيرتي بالموضوع سالت سؤال وقلت الربع يعني لازم أكون أنا :11: وأدري أنه الموضوع حراااام ولكن طرحت الموضوع من باب السؤال لو على حرمتي ولا هامه الموضوع حتى لو درت . وصدقني في شباب يدرون حريمهم وساكتات وهذا اللي مخليني مستغرب؟؟؟؟؟؟؟؟؟؟ |
اقتباس:
اذا على الدعااه موب مهم هذا واجب عليهم بس واجبي كزوجه احرص على عدم تحملي نتيجه اختياااره وانا فاهمة الدين صح.. |
اقتباس:
صح كلامك انا استغرب من الحريم اللي يسكتون أهم شي أنت أخوي أبعد عن الحرام خير شر .... الله يحفظك ويحفظني وجميع شباب المسلمين اللي يشرب اخرتها بيستوي مينون لان الشراب يتلف خلايا الدماغ .. وما تسوى علينا نعيش بقية حياتنا ميانين <<<<<< يعني الحين صاحين:d عندي ملاحظة خارج اطار هذا الموضوع : احس انك محتاج زوجه واعيه وحنونه تملكك بكل ما فيك . هذا راي الله يسعدك بالدنيا والآخرة ياخوي خليفة:28: |
اكيد بروح لااهلي واررررميه مثل مافضل الوصخ علي يااخي اذا بيروح يتسلى بشي حلال مو حرام
يعني سكررر وينات ليش ؟؟ وووين دينه اللي بكررره عيااله يحتاجونه في التوجيه والتربيه لان مو انا اللي بس اربي اعوووذبالله من اللي تررضى هالشي يااارب لاتبلاني الله يعطيني ع اللي تربيت عليه !!! |
اتقوا الله فيما تقولون!!روضه على جذي زوجج بيداوم بالمستشفى تحليل رايح تحليل ياي!!
💢💢💢💢💢 اللي بترضا بهالشي ماتخاف على عيالها من تأثير ابوهم!! والا بتقول كيفهم رح يتحاسبون بروحهم وتشيل ايدها من الموضوع !!! هداكم الله لاتصورون هالشي انه عادي وسهل!! لاتستاثمون بعمركم!! |
اقتباس:
موب احسن من الزوجه اللي يعاشرها زوجها وهو مس غيرها من ورى ظهرها ؟؟ انتي فكري فيها انا ماعندي مانع اهم شي مايدخل الحرام بيتي ويعطيني التقرير الطبي .. والزوجه الذكيه اللي تقدر تحافظ على زوجها وتوفرله كل شي واتوقع ماراح يخون اذا جاف الدلع والدلال وحريه الراي.. راح يصون ويتمسك اكثر .. وعلى الدنيا السلام ... |
اقتباس:
مشكوووووره عالتوضيح اختي |
زوجي بيمارس الحرام كيفه
هو بيتحاسب بقبره مايخصني بس اهم شي مايسويها من وراااي ويخبرني .. والا تبيني افرط بحبيبي وزوجي وابو عيالي عشان وصخ دنيا.. وبعدين مااتوقع يعني بيستمر على طووول كلها فتره وتعدي اذا انا مدلعتنه ومريحتنه واسهر معاه وغيره مااتوقع راح يستمر بهالطريج وستوووب |
الزوجه اللي ما تغار على ريلها ما تنفع ( هذا رأي ) الواحد يبا وحده تهتم فيه تغار عليه من كل شيء عيل ما تسمعين بالحريم اللي يغارون حتى من البشاكير الحياه الزوجيه تحتاج حب ( مع أني ما شفت هالشيء ) بس لازم يكون بينهم حب واحترام .
أول مره أتفلسف :22: |
عندي ملاحظة خفيفة بما اني يصفونني بانني دقيقة
عادي اقولها <:) ابو خليفة .. ما تلاحظ ان اغلب مواضيعك استفسارات مرة اخوياك و مرة شغالاتك و مواضيك تسبب نقاشات و جدالات وش رايك تكون متفرج فترة بسيطة عشان بس تعرف وش اللي ينكتب بالمنتديات مجرد اقتراح بس العفو لو ازعجك هذرتي |
أختي روضة بو ظبي مع احترامي لرايك ........... بس صدقيني انت تقولين جذي لانك ما حبيتي والله إذا حبيتي شخص ........... بتغارين من ملابسه إلي يلبسها _________________________ يجب من جميع المسلمين الغيرة والغضب عن ما حرم الله |
اقتباس:
.. خلاص اخويه مجموعه انسان بترك الحب لك ولناسه ... |
روضه انا معك برايك واختلف في حاجات
( اختلف في تطنيشه ) لانك انتي ستحاسبين ويوم القيامه بتكونين حجه عليه معليه حبيبتي اقرى الحديث هذا نسخته من موقع ثاني جزاها الله خير اقتباس:
---- ابو خليفه ( قُل لي من تصاحب أقل لك من انت ) لاتستغرب اذا عموك معاهم انت مانصحتهم ولا بعدت عنهم وعلى سؤالك هم مميزين واعتقد عارفين انه حرام ما يحتاجون توجيه سؤال / هل جلسه الشباب ماتحلى الا بحرام ؟! موضوعك خلاني ابكي من القهر ولارديت الا بعد ساعتين :( |
اقتباس:
لا عادي ما أزعجتيني احترم رايج ولكن مالي بالمنتديات وهالمنتدى عرفته ودخلته من ورا وحده ( الله يصلح حالها قولووااااااااا اميييييييييييين ) ولا عمري ما دشيت ولا شاركت بمنتديات . مواضيع تسبب جدالات مادري والله بس البعض لاحظته يحب يعارض وبس ويسوي مشكله من لاشيء . |
اقتباس:
طيب لو زوجك حب يتزوج عليك ( بعلمك ) وليس من وراك هل ردة فعلك ستكون واحده يعني تعتبريها حرية شخصية وبكيفة دام ان تبعات فعلة ستعود عليه وحده |
اقتباس:
ربي يفرج همك و يبدل حالك لافضل حال |
اقتباس:
ولما حب يتزوج بالحلال تطلبين الطلاق مباشرة الحكاية مو حكاية حب وغرام او حلال وحرام الحكاية حكاية برسيتيج اجتماعي لازم تحافظين عليه |
انت محتاج لغيرة لوجين عليك
كل مواضيعك انك تبحث عن حب لوجين لك وغيرتها هي تحبك وتموت فيك كلامها وردودهاااا اول مواضيعها مع المستشار تدل انها تحبك وما تشوف غيرك انما هي تعبير حبها لك في قلبها تستفذك ببرودها وانت تحسب انو مش مهتمه انت غيرتك عليها واضحه جدااااا انما هي تكتفي بدموعها وانت نار مولعه تريدها ان تصرخ وتقف بوجهك وتمنعك وتنزل فيك اساله رايح فين وجاي منين تريد ان تعيش الغيره وتشعر بنارها في قلب لوجين تريد ان تشفي غليلك |
اقتباس:
اكون له العمر كله ولا احد يشاركني فيه .. اكون مستقبله ودنيته .. بس موضوع انه يحط على راسي شريجه لا والله مايسويها .. انا وبس والباقي تفاهات يمر عليهن مرور الكرام بالنهايه يقتنع انه فيه زوجه تحبه وتاركتنه براحته احترامن لعقليته ومارده بيعوفهن وبيردلي .. وموضوع الزوجه الثانيه لا ولن ولم وا ويل ان يكون دمه مايختلط بدم غيري ... ولا يمكن .. وموب ضروري جلسه شباب لازم يكون فيه بنات لا موب ضروري ليش ماتقولون رايح يغير جو وراد لااكثر .. بالنهايه يمل .. ولاتنسون وتغفلون عن زوجته الحبيبه اللي بتسوي المستحيل علشان ترضيه احبه واعشقه واغار عليه بس ماابه يستغفلني حتى لو دست على قلبي وعلى الدنيا السلام |
على موضوع مثل هذا وأنا بصراحه اقول الخطا على حريمهم و رب الكعبة لأنهم يزعلون من هذا الشي المفروض طـــلاق ... و لا تجلس عند واحد مثل هذا ..
اذا كانت الزوجة تضيق ذرعا من العشيقة لمجرد انها تشاركها في زوجها و قد تكون الزوجه هي من دفعت الزوج للعشيقة فكيف حال هذه الزوجه وهي تعرف ان هناك من قد تكون تشركها معها بما تحملة من مرض قد ينقله لها هذا الزوج ... اما بو ظبي ... مالكم حق هي قالت يستانس و يعيش يومه بس اهم شي (( قدامها )) مو من (( وراها )) بس مقابل ان يكون معاه تقرير يثبت سلامته مصدق عليه من قبل الطبيب البيطري لأن البياطره اخف شغل من اطباء البشر و يعتبر تخصص بيطره بعامل السلوك الحيواني ... يخرب بيتهم وش شلة هالخراب ... اعوذ بالله ... للدرجة هذي المعاصي ... و اتمنى منك شغله دقق بوجيههم شرط تشوف المعصية بين عويناتهم الله لا يبتلينا بمثل ما ابتليوا به و لا حول و لا قوة الا بالله ... يا اخوان اذكركم و نفسي بالاستغفار ... استغفر الله العظيم من كل ذنب عظيم ... و صلي اللهم على محمد و آله اجمعين . |
براڤو👍
ولهان اللهم صلي وسلم على سيدنا محمد واله وصحبه وزوجاته اجمعين استغفرالله العظيم من كل ذنب عظيم استغفرالله العظيم من كل ذنب عظيم استغفرالله العظيم من كل ذنب عظيم "حتى نبتعد عن لغو الحديث" |
اخي / بوخليفه ..
انت تتساءل عن سبب صمت الزوجات عن انحراف زوجها وقد وفر لها كل شئ .. الاسباب كثيره .. فمنهن من تصمت لان لابيت لها الا بيت ابنائها .. ومنهن من تصمت لانها لا تستطيع مفارقتهم .. ومنهن تصمت لانها اسكتت بالمال وتوفير رغد العيش بالتالي لم تعد تبالي به يفعل مايشاء وانا ساعيش حياتي بترف مع ابنائي .. والبعض تصمت على امل ان يغير رب العباد حال زوجها .. ومنهن من تصمت لانها لاتتقبل ان تحمل لقب ( مطلقه ) .. الاسباب تختلف .. واتذكر اني قرات قصة امراه رايت خيانات زوجها بعينها فصمتت ولم يكن لها ردة فعل الا بعد عشر سنوات اذ اوقدت النار بغرفة النوم والزوج نائم .. وهناك زوجات على النقيض تماما .. لاتقبل بهذا ابدا .. لاتقبل التعدي على حدود لله وتشمئز منه ... اخوتي هنا .. اتمنى عدم الخروج عن مسار الموضوع نفسه .. والامر ليس محصورا في شقه او استراحه او بلد .. |
اقتباس:
الحكايه موب حكايه برستيج والسلام الحكايه حكايه يكون ملكي بروحي ... فلابد اني ارخي الحبل عشان احافظ عليه مربوووط .. |
| الساعة الآن 12:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©