|
لو تقدم لك رجل للزواج،، يعمل في منطقة نائية هل تقبلين فيه !!؟
السلام عليكم ،،
عندي سؤال محيرني لو تقدم لك رجل للزواج،، يعمل في منطقة نائية هل تقبلين فيه !!؟ المنطقة هي عبارة عن قرية فيها بقالة :d وفيها بوفية :17: وفيها مغسلة ملابس بعد:d لاكن اقرب مدينة عليها العلم تبعد 200 كم فهل توافقين او لا !!؟ انا في اعتقادي لو وافقت البنت اهلها اكيد ما راح يوافقون ، ، ، في انتظاركم |
انا بصراحه عن نفسي مستحيل اقبل بس اكيد في مناسبه لسؤالك ممكن نعرف علشان نستفيد ونفيدك اكثر000
|
انااشوف مافي مانع وين المشكله
اهم شي اكون مقتنعه بالشخص ولا المكااااااان مو مهم لواعيش تحت شجره0000 |
يعني القصـــــــــد إنها تعيش معك بالقريــــــــــــــة ؟؟ ,، لأنه البعض أزواجهن يشتغلون بمناطق نائية بس يجلسن مع أهلهن .. وتلتقي بزوجها نهاية الأسبـــــــــــــــــوع وأيام الإجازات .. بس أولا وأخيرا يعتمد على رأي البنت .. فإن كانت من مدمني حياة المدينة .. أو عندها التزامات وارتباطات مثل الدراسة والعمل .. فمن الصعب تجلس معك بالقرية .. بس أكيد في بنات من جانب آخر ما عندهن مــــــــــانع .. مــــــــــــــوفق إن شاء الله .. ,، |
امممممم حتى لو وافقت اهلي مستحيل يقبلون
|
أنا راح أجاوبك من منطلق أني في قريه مافيها حتى لابوفيه ولامغسلة ملابس^_^
بس أتمنى أرتبط برجل مو من القريه.. ابيه يطلعني من القريه وأروح المدينه التي لاطالما حلمت بها (عايزه أأب على وش الدنيا^.^).. حبيت أقولك وجهة نظري من واقعي.. |
وعليك السلام مدري اشوف مافيها شي بس لو فكرت فيها وقت الولاده بتبلش الحرمه :25: اختي سكنت بقرية مع انها كانت بمدينة قبل وكل المولات قريبه منها بالعكس مبسوطه تقول اهدأ وأزين :d |
سأتكلم بما اراه
افضل حياه القرى والريف لا احب صخخب المدينه وكثر هم مثلي فقط وسع بحثك |
ماافيه اي مشكلة ....
حيااة أهل القرى افضل من أهل المدن بكثيير ... يكفي الهدوء .... |
المــــــــــــــــــــــرأإهـ الكفووووو ... تتبع زوجــــــــــــــــهأإ وين ماإكأإن ...
المهمـ انهـ هو كفووو خلــاص .. وش بيضر المكأإن والقلوب على بعض ؟! ^.^ |
والله لو يسكن بالربع الخالي انا معه اهم شي اكون مرتاحه معه ولايهم المكان يااخي متنا من زحمة الرياض والصخب وكل ابو شي موقميل السعاده براحة البال مو بالمكان ع قولت امي
|
بالنسبه لي مستحيييل حتى لو وافقت امي ماراح توافق
الى اذابيطلب نقل حاله خاصه |
عـــــــــــــــــــــــــــــــــــــــــآآآآآآآآ آآآآآآآآآآآآآآآآدي جدا جدا وين مايرووح زوجي أرووح معه وأهلي مالهم دخل بهالأمــــــــــــــــــــــــــــــوور
... أهم شئ القلووب على بعض ... |
فيه حالة انه امر مؤقت وينقل يعني سنه سنتين ثلاث ممكن
بس طول العمر احسها صعبه مره |
طيب ياخواتي خذو مثال انا واحد شغال برى مدينتي اللي هو بيت ااهلي فوق ال 100 كيلو يعني سفر يوميا ساعتين رايح وساعتين راجع وفي منطقه زي ماقال الاخ او الاخت قريه مافيها اسواق او مولات لكن فيها كل لوازم الحياه الاساسيه
طيب هل من الافضل انها تسكن معي بقريه وتخرج تتمشى مع زوجها كل يوم على البحر ولا تستنى لمن زوجها يرجع وخلاص ماعاد فيه حيل ولا شده يرووح اي مكان هذا غير مخاطر الطريق فكرو عطونا رايكم وحطو ببالكم انه الللي يتقدم لكم واحد مثلي |
حنون بطبعي..
بعد تفكير وتصور الحاله.. لاوالله وش يثبرني بالبيت لحالي أعد الجدران..ورجالي المسيكين يتعنى بالمشوار رايح جااااي ولاجا ماشبع من خشته وحكيه.. .. لا والله لاشيل زهابي وأتولجه..لابوها حضاره ولابوها مدينه.. لامافهمتو قولولي اترجم^_^ |
اول شي اشكر لكم تفاعلكم مع الموضوع،،
ثاني شي انا استفسرت من زملاء العمل المتزوجين وطلعت بالخلاصة التالية اول واحد زوجته مو راضيه تجي معه لانها متعودة على الحياة المدينة وصار يجلس من 4 اسابيع وبعدين يروح لزوجته اسبوع لانه مايقدر يروح كل خميس وجمعة لان اقرب مطار يبعد 200 كم تقريبا والمسافة بالطائرة ساعتين تقريبا الشخص الثاني زوجته معه قرابت الشهرين وبعدين بدات مشاكل بينهم لان البنت ماقدرت تختلط مع المجتمع ،، وصار كل ثلاثة اسابيع يوديها لاهلها اسبوعين الشخص الثلاث له الان قرابت السنة ومرتاح،، لان زوجته طبايعها زي طبايع اهل القرية ومستانس . . . . . |
حنون بطبعي البنت اللي تبي الستر والرجال الكفو تعيش مع زوجها باي مكان تبي الصدق نفسي اسكن بقريه بعيد عن الرياض واهلي واهله لانو بصراحه ماشوف زوجي الا باوقات قليله مايطلع من الشغل الا متاخر وينام بعدين يروح لاهله وبعدين يطلع للاستراحه نفسي اعيش انا وياه بالخرخير عاد وين هي بوه الخرخير مادري بس تقل انه مكانن بعيد
|
سبحااان الله ماتدري على الايام وش يصير فيهااااا أنااا وحده كنت أعيش في قرية متوفر فيهااا الحاجات الاساسية فقط وايش أقوولك في أقل من عشر سنوات أقسم لك بالله صرنااا محافظه متوفــــــــــــــــــــــــــــــــــــــر فيهااا كل مايخطر على بالك مستشفى ومستوصفات خاصه ,, وحتى فرع للجامعة عندناااا ,, غير البنووك ووكلات بعض شركات السيارات وغير شركات الاتصال بجميع انواعهااا والدي سي أل موجود في كل بيت ,, وحدايق وأسواق ومكتبات وأحياء راقيه في نظري اعتبرهاا الآن مدينه مصغره واحسهاااا هااااااااااديه مو مثل صخب المدينه .. وعلى حظي سبحان الله انقبلت في الجامعة قبل مايفتحوا فرع في محافظتي واسافر يوميااااا لاحظ يومياااا 90 كيلووو علشاان دوامي <<< ومع ذلك حااسه بتعب المشوار وقد ايش مــــــــرهق هذا وأنا بنت لا سواقه ولاهم يحزنون وآجي للبيت والآقي كل شئ متوفر احط راسي وماوراي شئ كيف الزووج اللي وراهاا مشاوير اهله وزوجته وطلباتهاا وأشغاله واصحابه>>> أكـــرر للمليوون ماهمني وين أسكن أهم شئ أكوون أنااا وزوجي مرتــآحيين وقررررررررررررررررريب من بعض وقلووبناااا على بعضهاااا يمكن سبحان الله ربي يفرج على صبرنآآ وينقل زوجي في أرقى مدينه :17: .. وحلآتهااا لمااا اغيب عن أهلي واشتااق لهم .. بعدين هو الشخص ليه يتزوووج مو علشاان يستقــــــــــــــــــــــــــــــــــــــر ويعيش في مملكته الخاصه هو وزوجته ,, وصدقني اسمحلي مو مأهله ولا قـــد المسئوليه اللي تخلي زوجهااا يعيش في مكان وهي في مكااان بدووون عذر .. واللي تقول لو جااها طلق الولاده ياماما قرب موعد ولادتك رووحي عند أهلك وانتهيناااا لكن ماترفضي وتخلي زوجك يتشتت ويتعب ويعيش عزوبي حرام والله :( عصبت ... |
أنا عن نفسي زوجي عمله في منطقه نائيه مافيها الا سوبر ماركت بس,واقرب مدينه لنا تبعد ١٠٠كيلو
تزوجت وانا مستوى اول بالجامعه بس هو ماعطاني فرصه اقرر,, واستأجر في المدينه اللي قريبه من عمله وكملت دراسه وفي السنه الرابعه استلم سكن في عمله بس كملت امتحاناتي وع طول رحت معاااه والسكن مواصفاته راقيه لأنه بيرغبون الموظفين يسكنون,,ولي في السكن سبع سنين الحين فتح مطعم ومغسلة ملابس والامور ماشية تمام التماام.. الصبر زييين في زي ذي الامور وعندنا بحر حلو وهااادي يرد الرووووووح<<احبه وقت الغرووب اهم شي التفاهم بين الزوجين |
| الساعة الآن 04:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©