|
خطيبتي جرحتني ...!!!
السلام عليكم ورحمة الله وبركاته ...
هذي أول مشاركه لي بمنتداكم ... لثقتي بكم .. بدون مقدماات ... وبعد :- خطيبتي جرحتني بكثرة طلبها للطلاق .. يعني إذا اختلفنا في موضوع فجأة ترسلي رساله بطلبها للطلاق .. وبعدها ترجع عاديه ما كأنها طلبت .. المهم هي على نفس الموااال هذا أي شيء يضايقها تطلب الطلاق فورا .. ثم تتراجع .. الحين تقريبا لنا ثلاث أسابيع ما نكلم بعض لأني طنشتها دائما تجرحني بطلب الطلاق .. قد أكون مقصر لا أدعي الكمال .. فالكمال لله وحده .. لكن لاتطلب الطلاق إلا عند الحاجه له .. أنا أحبها وهي كذلك .. لنا تقريبا 8 أشهر متملكين عمري 27 وهي 21 .. سؤالي للبنات ولا مانع من إجابة الرجال ..: هل الزوجه جادة في طلبها للطلاق أم لا ؟ ( يعني السبب مشاكل خفيفه لا تستدعي لطلب الطلاق وتحصل في أغلب البيووت كاختلاف الآراء أو سوء الفهم أو عدم فهم ما يقصده الآخر ) أنا طنشتها إلى الآن 3 أسابيع أرسلت رساله الاسبوع الماضي تؤكد طلب الطلاق ؟ ( أشك أنها تستفزني لكي أتصل بها و أترجاها .. ) أرجوا مساعدتي .. وكيفية التعامل معها ..؟ ودمتم . |
عموما أنا مادري وش هالحب اللي خلا بعض الناس يتقبل الأهانات،،، ياخي لو مكانك كان طلقتها من أول طلب بلا دلع بلا بطيخ،،،، أجل عند أدنى الدون طلقنني،،،، حبيبي خل قلبك قوي ووقفها عند حدها واللي هذا أوله ينعاف تاليه،،،، اجل لو تزوجتها وش تبي تصير حالتكم!!! عموما إذا ماعقلت طلقها، وعلى قولت الشامي ترى كل البنات بيشلحوا ماوقفت عليها،،،، يعني اسحب عليها السيفون ودور غيرها وشف لك وحدة تعزك وتحترمك وتقدرك . . |
وعليكم السلآم ورحمة الله وبركاته..
¤~أجيبك على سؤالك..بما أنك تقول أنها تحبك..أبدآ ليست جاااااااده..يبدو أن خطيبتك حساسه وأنفعاليه..مع قلة وعي منها بطلب الطلآق أو عدم أدراك حقيقي للكلمه.. شوف وأنا أختك أول شي لآزم يكون فيه حل جذري .بمعني تعرف وأيش سبب الخلآف بينكم دائمآ وتحاول تتفاده.. وكل واحد يفهم الثاني ويتجنب الي يغضبه..ويلبي له مايريد..قدامكم حياه طويله بأذن الله لآزم تكون ركائزها الوعي والتفاهم.. وبخصوص طلب الطلآق بعد ماتتراضون أن شاء الله..أنا أنصحك أنك تكلمها في وقت تكونون مره منسجمين مع بعض وداخلين بحاله رومانسيه.. وتقولها ياغاليه لآعاد تجيبين طاري الطلآق.أنا أحبك ومتمسك فيك..أذا فيه أشياء تضايقك قولي أحلها..بس طاري الطلآق ماتحمله..وتراه كبير. والله يوووووفقكم ويسعدكم.. |
اصبر عليها
|
الاخ تابع الحق انت شكلك ما راح تأسس اسره مستقره بالتفكير ده مع احترامي لك,,,,,,,,, لأن هذه الناقاشات عاديه بين الزوجين وشكله زوجه الاخ ما فاهمه الحياه تمام وكلمه طلقني وانتي طالق مش بالشي الساهل وانتي طالق ما ممكن تطلع في اتفه الامور والا لم يكن هناك اسره مستقره ........ يعني الاخ وزوجته يبون جلسه مصاااااارحه وكل واحد يقول للثاني الشي اللي مو عاجبه فيه علشان كل واحد يتفادى الغلط ......
احترامي للجميع... |
هل الزوجه جادة في طلبها للطلاق أم لا ؟
لا .. ليست جادة .. و لكن لي رأي في ذلك .. الرجل يكون عرضة دائما لضغوط الحياة .. اي مشكلة تحدث داخل البيت او خارجه يتصدي لها الرجل .. بالاضافة لمشاكل عمله و مشاكل اهله (ابيه و امه و ربما اخيه ايضا و جيرانه و اقاربه) .. يعني بإختصار هو تحت ضغط هائل .. فلا ينقصه ضغوط زوجته ايضا لذلك لابد للرجل ان يكون له رد فعل قاسي تجاه طلبها هذا .. 1- يطلب منها ان تخبر ابيها بذلك و ان يطلب ابيها منه هذا الطلب و ان ابيها لو فعل ذلك فستجيب طلبه علي الفور 2- لا يتكلم معها او يأكل معها و يهجرها في الفراش 3- عندما تعود لحالتها العادية مرة اخري .. لا يستجيب لها و يستمر علي الخصام 4- يخبرها انه لا يشعر بالاستقرار معها و انه تراوده افكار شتي للزواج باخري تكون اكثر عقلا و استقرارا 5- اذا اعتذرت و وعدت بعدم العوده لذلك مرة اخري .. يقبل اعتذارها و لكن يتعامل معها بجمود و برود .. حتي تتضايق و تحاول هي ان تكسر جموده بالتودد اليه .. فان فعلت ذلك .. فاعلم انها تعافت من مرض طلب الطلاق .. |
أشكر الجميع على ردوودهم واهتمامهم بالموضوووع ؛؛؛
طي وش الحل ؟ والله مقهووور ... لي 3 أسابيع ماكلمتها .. خايف أكلمها وأقول كلمي أبوك إنك طلبتي الطلاق فيقولون السبب مني أنا ... وأنتوا هل تتوقعون باقي ننفع لبعض دامها هذي أولها .. وإلا كل واحد يشوف نصيبه ..؟ أنا لست عاجز عن الاجابه .. بل إستشاره لعلها تفيدني .. |
افعل ما قاله لك الاخ رجل حليم ....
وان شاء الله اهلها ما راح يقولو منك بس قول لها اذا انتي جاده بأنك تريدي الطلاق كلمي ابوك وانا راح افهمه كل اللي حاصل والموضوع يبقى موضوع رجال . واللي فيه الخير ربي يسويه |
اقتباس:
أشكرك .. والله يكتب اللي فيه الخير . |
اقتباس:
|
هذا عيبها بس ولا فيها عيوب أخرى
جاوبني : عشان اعطيك خلطة سحرية :d |
والله شوف ياخوي اذا ما شد عليها من ذحين والله راح تتعبك بعد الزواج
كلمة طلاق ماهي بسيطه ياخوي زوجتك شكلها ماخذه الزواج لعبه بين يدها ... نصيحه لك كلمة ابوها وشوف وش يقولك والله ان قلك اصبر عليها وا وا ومن هالكلام قوله شلون اصبر عليها يا عم من اتفه الاسباب تطلب طلاق!! قوله من الحين تطلب طلاق بعد الزواج وش بيصير ؟؟ قوله بكرة النهار بنقاسي مر الحياه ياعم وانت مجرب هالشي معقوله ما بتصبر علي؟ خليك لبق في الكلام ولا تنحرج انت رجل وصاحب بيت وكلمة زوجتك وقولها ,,,, بكره النهار بنتزوج ويجونا عيال و مشاكل اخس واقوى من هذي وش بتقولين ؟؟ طلقني من الحين ما صبرتي بعد الزواج شلون بتصبرين معي ... فــ/ لا اعد اسمع هالكلمه منك نهائا وان سمعتها هـ انفذ طلبك لطلاق والله يوفقك واسحب عليها لا تكلمها ولا تكون لين قوي قلبك ^_^<<<باسين هههه لا بجد والله ترا بعض البنات عقولهم مدري كيف ما يجون الى بالعين الحمرا فــ/ نصيحه لك اردعها من الحين وفهمها انها هالكلامه مافي لعبه وراح توديكم في الانفصال عن بعض والله يكون بعونك^ |
اقتباس:
طبعآ هذا عيبها .. وكمان أحس إنها تعاند .. هيا : أعطينا خلطتك السحريييييه.. لك تحياتي |
ماعندها اي احساس بالمسؤليه واحس انه عقلها صغير ولا في وحده عاقله وفاهمه كل شوي طلقني ابد ماهي رزينه يبيلها احد يعقلها وينصحها000
|
اقتباس:
|
آنآ من رآيي تطلع مع آبوهـآآ وتفهمه السآآلــفه انو كل مآصآر اختلآف آرآء طلبت الطلآق
آنآ ابيــك تكلمهـآآ يمكن انو ومو مرتآحه لــي ومستحيه تقققوول لكـم وقوله انك تحبببهــآآ ومرتآآح معاها بس هالشـــي ينغص عليك عيشتك , ومايخليك تستقر بحيآتك وهو بيكلمهـآآ , وهـــي بتخآآف ولا رجعت المياه لمجاريهآ لاتعطيهآآ وجه وطنشهـآ شوي , لآتذب بعمرك عليهــآآ ترآ البنت تتمآآآدى اذا كآن الرجآل ع طول مبين لها الحب وكل مافي قلبه وانصصصحك تثقـــــل !! والله يسخرهــآآ لك ويجمع مآبينكم بالخير مآنصحك تتركهآ لأنك تحبهـآ سو اللي قلت لك عليه وان شا الله خيير |
أشكر الجميع ع المشاركه..
يامجمووعة إنسان .. فيما يظهر لي أنها غير مغصوبه أو مجبووره .. |
أخي الكريم
أمور مهمة - طلب الطلاق عيب كبير وغير هين , و بالعادة البنات يخافون من ذكر موضوع الطلاق. - وعلى حسب علمي إن اغلب أسباب الطلاق هو كثر ترديد الزوجة لطلب الطلاق دون التفكير بزوجها وابنائها. - الزوجة التي تطلب الطلاق أنانية لأنها تفكر بنفسها فقط ولا تحسب حساب للطرف الآخر. بالنسبة لزوجتك توجد بها صفات جميلة طيبه وكريمه وحبوبه وخفيفة دم وتحبك . - لكن تجتمع فيها صفتين طلب الطلاق والعناد, وأنا متأكد 100% أن زوجتك لا ترغب بالزوج من شخص يكون لها شريك حياة بل شخص تقودهــ وتتحكم فيه وتذله بحبه لها صح كلامي ولا لا |
اقتباس:
من جدك الكلاام ذا .. أكيد تمزح .. طيب تنصحوني أكلمها الليله وأشوف رأيها النهائي .. وللمعلوميه أحس الطلااق ع لسانها سهل جدا.. |
تخيل واحد من أصحابك بيسافر معك لمكة
وكل شوي يقول لك: يمكن ما أروح , ويمكن ما ارجع معك وإذا صار الشي الفلاني ما بكمل معك .... الخ أنت شو بتسوي .... بتعصب وبتقول لا تروح معي وفكني منك ومن منتك ...... صح ولا لا زوجتك هذه طريقة الحياة معها لا تكلمها الليلة ولا بكرة ولا بعده .... انتظر عشان نفكر ونوصل لحل لا تصير مربوش |
اقتباس:
الله يسعدك .. أنا بعتمد ع رأيك .. لاني متابع ردودك من أول وماشاء الله أشوفك فاهم للحريم زين ههههههههههههه |
اخوي موضوعك ان شالله بسيط جدا جدا جدا
انت بس لا تطاوع قلبك الرهيف هههههه زوجتك امرها بسيط ان شالله بتتعدل بس شكلها لسى ما تعرف امور الحياه ونا اخوك ... وانا اتوقع انه عمرها لازال صغير وانت حاول تتقرب لها من ناحية هدايه وا وا وا مهما كانت البنت ضعيفه وربي وكلمه توديها وكلمه تجيبها انت حاول تكثر من الهداياة الحلوه مثل ورد ... وساعاة . جوال . علبة مكياج فخمه كذا يعني كثر من ها الشي ولا تجيبون طاري سالفه تزعل حاول تعلقها فيك اكثر واقسم بلاه لو انها تعلقت فيك منجد ما تسيبك ومكن تبيع اهلها عشانك هههههه وربي من جد ولا تبخل عليها بي شي جوال شحن رصيد وا وا كلمها ضحكها دلعها امدحها البنت يمكن لو تقولها انتي ملكة جمال العالم تصدق وتحس انها من المشاهير هههه الله يكون بعونك ان والله هالاشيا ما فادة معها عاد لا تعليق |
بالنسبة لمشكلتك تعتبر صغيرة إذا كانت المشكلة في البنت وبس , يعني ما فيه أحد من أهلها يقويها ويحرشها. وتعتبر المشكلة كبيره أذا أهلها يحسسونها أنها البنت الوحيدة في العالم وفيه غيرك الف, وفي هذا الوضع صدقني ليقع الطلاق ولو عندك 100طفل . المهم عشان نعرف أهلها معها أو ضدها في رأي الحل: أنك تذهب لتفاهم مع أبيها ولازم تكون جاااااااااااااااااااااد جداااااااااااا <<<<<<:( وخل زيارتك لهم بطريقة رسمية جدا وقول له : إن ابغى أعرف البنت تبغاني ولإ أنتم جابرينها علي فهموني من الحين. إذا قال لك : وش ذا الكلام قول له كل شوي تطلب الطلاق حسيت أنها مغصوبة. وانا ولد ناس وما أقبل اتزوج بنت ما تبغاني وخله يشوف رسايلها حق طلب الطلاق. بناءا على ردت فعل أبوها بتعرف إذا هم متعاونين معك أولا وبالنسبة لها لا تكلمها خير شر وإذا انحلت المشكلة مع أبوها , أنت لا تكلمها ابدا خلها هي ترجع تكلمك وإذا رجعت تكلمك غير تعاملك معها ... خلك ثقيل . |
اقتباس:
ترا اعرف واحد زوجتة من النوع اللي تكثر طلب الطلاق جاب لها ساعة من ذهب والماس قيمتها 20 الف ريال واخرتها طلبة الطلاق و رفعت قضية طلب مؤخر ترا مو كل الحريم تقدر الهدايا ............ يكفر بالعشير:d |
أخي الكريم.. إذا كان هي عقلها صغير .. فأنت العاقل الفاهم لازم تتناقش معاها في الموضوع.. وتفهّمها انه مو كل مااتضايقت من شيء تقول طلقني هذا اسمه هروب .. في شي اسمه مواجهة في حوار في كذا طريقة للتعبير عن الرأي وأكيد هي عارفة انه الزواج شراكة بين اثنين وماهي لعبة إذا استمرت .. كلم احد من أهلها يوعيها مع انه مو حلو تدخل الأهل بين الزوجين .. وبالذات في اول الزواج الله يسهل أمورك . . |
أما من ناحية أهلها فهم معايه أنا 100% وشاريني ..
والبنت مو مغصووبه علي.. الصراحة شافتني طايح عليها حب ودلع وهدايا وتدري إني ما أقدر أستغني عنها .. فهي استغلتها ... يعني المشكله من البنت فقط.. أما أهلها فأجزملكم أنهم معايه.. |
واضح انك مرررررررررررره طيب وعلى نياتك
الله يوفقك ويعطيك على قد نيتك بالنسبة لأهلها لا تفرح واااااااااااايد بكره اذا راحت تشكي عليك ونزلت دمعتين بيصدقون بنتهم وبيكذبونك حتى لو كنت صادق بالنسبة لزوجتك عيبها أنها ما تعرف شو معنى الحياة الزوجية وبحاجة أحد يعلمها علشان كذا لازم أنت تقراء وتتعلم كثير وتعلمها وخاصة في موضوع (كيفية إدارة المشكلات في الحياة الزوجية ) هذا اللي عندي إذا تحتاج شي أمرني وانا حاضر موفق يارب |
قول لها ابشري
و لاعاد تتصلين و لا ترسلين ورقتك بتوصلك وطنشها صدقني بتحرم و تتأدب الخوف تختلفون مستقبلا و تقولها لك و إنت بلحظة غضب تستجيب أسس حياتك صح من الحين |
اقتباس:
ياخي إنت مره تريحني بردك ومره تخوفني ..هههههههههههههه وتسلم والله ع المشاركه الله يوفقك .. الله يصبرني .. والله ماتملكت إلا أبي أبعد الفراغ العاطفي إللي عندي وفي نفس الوقت سنة الحياة .. يعني مشورتكم أطنشها حتى ترجع من نفسها ..؟ وبالنسبه لاهلها هل استمر أواصلهم ..؟ |
:الله يهديك اخوي الى الحل الانسب معها :30:
وبالنسبة لمجموعة انسااان يااخي يكفي الصورة اللي حاطها تبين على شخصية خطيرة :25: ماشاء الله تبارك الله من جد حتى انا اتابع ردوده احسها في الصميم :22: الله يصلح لك زوجتك ياارب |
انا ما ودي أخوفك بس الموضوع يخوف .. شو يعني تطلب الطلاق كل شوي الحين إذا تبي رأي أنا مع رأي العضو الكريم ( رجل حليم ) والأخت الكريمة ( أفاق المجد ) بس تحتاج فن وحركات ذكية يعني: - طنشها لو حتى سنة - إذا أرسلت لك رسالة طلقني ........... رد عليها بطريقة باردة وذكية مثلاُ ( أبشري من عيوني في أقرب وقت ..) أو ( انتظر أمي تدور لي عروس وبطلق من نفسي من غير ما تطلبين...) ( أو لا تمنين انتي مو أخر بنت في الدنيا) لأزم تجرحها وتصدمها بردك عشان تصحى. وحتى أهلها طنشهم .... بينك وبين أهلها بحجة أنك مشغول وبينك وبينها أنك تفكر بطلاق ( كل الناس تتزوج عشان ترتاح فلازم تأسس حياتك صح ) |
اقتباس:
خطيبتي عسل الله يحفظها ويجمعنا على خير ياااااااااااارب:14: والله يرزوقك بالزوج الصالح اللي يسعدك ياعصفورهــ |
دور حركات ذكية
مثلا: في التوبيك حق المسن إذا هي تقراءهــ وتشوفه أكتب فيه ( يارب أرزقني بالزوجة الصالحة الحنونة المرضية) أو أكتب ( بيت شعر حلو وحط رمزين حروف غير حرفينكم مثلاً N+A= LOVE) بس عشان تقهرها وتثير غيرتها وتحسسها أنك ممكن تبعد عنها ببساطه فكر زين |
اقتباس:
أنت ماشاء الله عليك داهيييييييييييه .. بطبقها .. لله درك .. عبقري .. |
عبقري:d
اخاف بكرهــ تقول مجموعة إنسان خراب بيوت :( فكر زين أنت مسئول عن نفسك والله يوفقك يارب |
أو أكتب ( خلاص الماضي ودعته ... محيت ذكراهــ من قلبي
أنا من باعني بعته .. ولا دربه يجي دربي ) نفس هذا المعنى:) |
بس اللي استغربه الكل يقول طلق ... ربما هو الحل .. الامه لاتجتمع على ضلاال
|
اقتباس:
بس فكره حلوه تقهر مووووووووت |
نكمل غدا
تصبحون على خير بااااااااااااااي |
اقتباس:
ربي يسهدك ويهنيك بس انا اشوف ان كلام الاخ رجل حليم منطقي مع احترامي لرأيك طبعا ..... |
| الساعة الآن 05:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©