|
خطيبتي والبلاك بيري
اسعد الله اوقاتكم بكل خير
بدخل بالموضوع على طووول ويارت الكل يشارك بالفائده ....... انا مملك ولي 8 شهور زوجتي في عمر الـ18 سنه عندها بلاك بيري ونا عندي بلاك بيري .... قبل يومين اختي اخذت البلاك بيري وفتحت الماسن حقها بس وخرجت ....... البارح تقابلو بزواج اختي وزوجتي وجالسين يسولفون ,ودخلو بسالفة البلاك بيري ,,, وقالت اختي والله البارح اخذت جوال ابو زياد وخشيت الماسن ... زوجتي انزعجت قالت يمكن دخلت على الرسائل خقتها او او ,, المهم دقت علي زوجتي اليوم زعلانه وليش تخليهم ياخذون البلاك وا وا ,,,انا قلت لها بس دخلت الماسن حقها وطلعت وربي ,,, المهم قلت لا شافة رسائلي ومدري ويش . وقالت باي وسكرة التلفون انا كلمة اختي وقالت بس دشيت الماسن المهم انا ارسلت لزوجتي رساله قلت معد ابي بلاك بيري وفهمتها قلت لها بكرة النهار بيجونا عيال معقوله بيصير كذا.وهذا الشيطان يسوي كذا وا وا والله يا اخوان انه كلامي معها عسل وربي وبهدو بس هي ردها شوي قاسي يعني ماهي مهتمه انا بجد زعلت بس كنت هادي ولاعن الشيطان وقلت لها بفرمة الجوال قالت بكيفك :d وارسلت لها قلت لها خلاص نخلي المكالمات من كل خميس والزياره بالشهر مره قالت الي يريحك >احر ما عندي ابرد ما عندها . المهم انا سكرة البلاك بيري وطلعت منه ولحين وربي متضايق وبشو تنصحووووني |
بيييب اول باركن
موضوع مايستاهل كل هالحساسيه المدام المصون خافت اختك بنت امك وابوك تقرى رسايلكم فسوت هاليوله وهالحشره واختك موضوعها عادي اخوي وحبيت ادش من فونه فيها شي؟؟ زوجتك واايد تبالغ برده فعلها ومايستاهل الموضوع حتى الواحد يطريه.. وبيني وبينك قول لزوجتك حتى انتي مابا في ايدج بلاك بيري وانت بعد لاتحط بايدك بلاك بيري قبل الناس عايشه ومرتاحه من البلاك بيري .. عادي اخويه مايتساهل كل هالزعل من زوجتك بس فهمها اختي وخذت تلفوني يفداها مااتوقع الموضوع يستاهل تسوين هالمناحه .. هاي اختي قبل كل شي وبخصوص قرت رسايلنا او ماقرت شو فيها تراج حلالي بالنهايه .. وعيب عليج تسكرين بويهي انا موب ياهل عندج اذا من البدايه جي شو بتسوين باجر ماراح تحترميني ... واكيد بتعقل ان شالله |
اقتباس:
انا رديت عليها رد حلو وهادي لا هي ما قالت لا تاخذ بلاك ماحد يقدر يمنعني اصلا بس انا قلت لها ما عد ابي بلاك وما سكرة الخط بس قالت باي قلت باي وبس ابي كلام ارسله لها قوي وحلو وخفيف |
مايحتاج ترسل كلام قوي وحلو وخفيف
اتركها ايااام وحتشوف بعينك وتسمع باذنك انها رجعت زي اول واحسن كمان الموضوع مايستاهل تكبر بينكم خلك الكبير وصاحب العقل الكبير |
اقتباس:
بس استغربت من هالاسلوب ورغم اني وربي ماني مقصر معها بشي ويشهد الله علي اني ماني مقصر وان شالله ما اقصر .. انا ارسلت لها مثل ما قالت الاخت فوق وبس ببعد عنها ... بس هي كانت شوي جافه واختك ليش وما ليش .. انا هديتها وقلت لها اسف وا وا حقك علي بس وشوي قالت باي قلت باي وسكرة السماعه نزلت بالبلاك قلت لها ببيع البلاك بيري وانتي انتبهي لنفسك ومن هالكلام وربي اني جالس امدحها انتي محترمه ومتربيه واهلك طيبين وا وا كلام وربي يلين الحديد وقلت لها خلاص نخلي المكالمات كل خميس والزياره كل شهر قلت يمكن تقول لا وترجع قالت الي يريحك وشوي ترسل بردوك كاست مساء الخير :d يعني عادي ما همني هههه لاحول انا سكرة البلاك بيري وخلاص هذي السالفه كلها |
انزين يوم البنت معاك اوكي بالنهايه وطرشت لك رساله
ومن الاخر افهم يا فهيم اي شي تقوله مايهمني المهم انا وبس هذي هي زوجتك المصون .. تقول باي وزعلت وشلت الدنيا على راسك وانت الحمل الوديع اللي اعتذرتلها من غير سبب في احد يعتذر لزوجه تقوله لاتخلي اختك تشل بلاك بيري مالك يعني انت خاتم بصبعي حسب كلام زوجتك المصون خلاص بعد مكلف على عمرك وتشتكي ليش يوم ردت وقالتلك مساء الخير صج عالم غريبه |
اقتباس:
فعلا انا دلعت من البدايه ول ام تدلع طفلها كذا وربي لاكن ياريت لو فيه حل عندك تقوله لاهنت مافي شي اله له حل :d تسلم عــ/لمرور |
بالنسبة لهذه المشكلة نصيحتي لك طنشهاااااااااااااااااااااااااااا............ حتى لو شهر حتى ترجع لك بنفسها وإذا رجعت عاتبها وقول لها اذا صار شي يزعل نتفاهم ونحل المشكلة لكن زعل وتكبير للمواضيع وحركات اطفال لا ولازم تصدقيني وتثقين فيني وبالنسبة لك يالطيب مره ثانية لا تمن على بنت الناس باتصالات وزيارات من زينك :d أمزح والله موفق ياااااااارب |
اقتباس:
وهذي نهايتها وهذا الي انا خابف منه وربي وكثير نصحوني قالو لا تدلع قلت ياولد هذي المدام اذا ما دلعتها ادلع مين ... ونا والله ماني زعلان الحين وعادي .. بس المشكله ليش تطنش هي لازم امشي على اسلوب معين يكون احسن ونا ما امن عليها بالعكس |
اذا كذا خلها الحين تجرب منك الوجة الثاني ( الوحش :d) خلك شديد لانها تعودت على الكلام الحلو والدلع فشد وخلها تعرف ان الله حق وانا اقول لك هذا الكلام وعن تجربة مع خطيبتي لا نكبر مواضيع وولا نكثر خصام و كل شي بالتفاهم ومره زعلت من نفسها وصلحت مشكله وانا طنشتهااااااااااااااا جت واعتذرت من نفسها وانا عاتبتها و الحمدالله الوضع زين |
اقتباس:
الحين كلنا عندنا بلاك بيري شكلي بحذفها من عندي وهذا الي افكر فيه لو اتصلت ماني راد لمدة شهر ولا اسبوع كذا واخر رساله كانت في الببي بيني وبينها اليوم كتبت لها خلي المكالمات بينا كل خميس والزيارات مره وحده بالشهر .. عشان لا تصير مشاكل وبعدها سكرة الجوال وللحين ما شغلته |
لا تحدد أسبوع أو شهر ولا تحذفها من البي بي .............. ( لا تخلي أي خطا يجي منك .. خل الخطأ والغلط كله عليها ومنها .. خلك بنفس أخلاقك) بس لا تكلمها ولا ترسلها وإذا كلمتك على البيبي لا ترد وإذا اتصلت لا ترد بعد ما تحاول أكثر من مره رد عليها ببرود إذا قالت شي قول لها انا زعلان اللي سويتية يزعل ... ليه تكبير المواضيع وليه ..... الخ ...طلع كل اللي بخاطرك. إذا عرفت غلطها واعتذرت ... حلو انتهت المشكلة. إذا ما اعترفت وعاندت .... أنت بعد عاند. هذا اذا سالت اصلا واذا ما سالت انت بعد طنش لو توصل لشهر أو أكثر بعد لان السالفة سالفة تأديب مو معناد وبس |
اقتباس:
ان اتصلت ماني راد الى بعد 5 او 6 مكالمات ... اورغم اني ما اتوقع انها تعتذر بصراحه لي انه انا ارسلت لها مسج بعد ما سكرة من عندها تمام وكتبت اختي اخذت تلفوني يفداها ما اتوقع الموضوع يستاهل تسوين كذا هذي اختي قبل كل شي وبخصوص قرت رسائلنا او ما قرة شو فيها؟ تراك حلالي بالنهايه اذا من البدايه كذا بكره ما راح تحترميني ارسلت لها كذا وبعدها ما كلمتها ولا دة برساله ولا اتصال لنا يوم :25::( |
ننتظر ونشوف بس خلك جامد هههههههههههههه مو خيخة:d بكره تشتاق لها تروح تتصل وتعتذر موفق ياااااااااااارب |
اقتباس:
والله الشوق لازم منه بس بشغل نفسي بشي بس الرساله كيف تمام ؟ |
ايوه تمام الله يهديها قلت لك الغرض من زعلك التاديب... وزجتك على العين والراس اهم شي تستفيد من هذه المشكلة في الاتفاق معها على طرق حل المشاكل مستقبلا |
اخويه مجموعه انسان عليك مخ عجييب:22:
|
اقتباس:
في التعامل مع النساء لا توصين:22: عاجنهم وخابزهم :d لازم من شعرة معاوية مشكورة أختي الله يرزقج بالزوج الصالح اللي يسعدج... قريب يااااااااااااااااارب |
يعطيكم العافيه والله جميعا
مشكور اخوي مجموعة انسان هههههه كلام جدا رووووعه والله وان شالله انتضرو النتائج عمى قريب والله يهديها ويهدي جميع الملسلمين وان شالله تسهل الامور |
يعني الحين أنت بتأدبها لأنها زعلانة منك
بسبب أمر ,,تراه فتاة الـ 18 أمر يزعل محادثة خاصة بين زوجين , من المفترض أن تكون حريص ألا يطلع عليها أحد (((((((((((((احتراما لخصوصيتها)))))))))))))) حتى لو أختك , لأني ما أعتقد أن أختك لو كانت متزوجة , بيكون عادي عندها تشوف مسجاتها الغزلية مع زوجها , ياأخي الكريم شي خاص ,,شيء خاااص و قل تفداااني أختي , صح بس بشيء بينك و بينها مو اطلاع على الخصوصية في النهاية هي عبرت عن زعلها و انت رديت ماشاء الله و قننت الزيارات و المكالمات و سكرت خدمة البي بي و هي ما أعترضت و قالت اللي يريحك فالحين , تبغى منها أعتذار انها زعلت أو ان طبعها بارد , او شو بالضبط |
بصراحه الموضوع مايسوى انك تزعل منه وتتضايق
الحريم يحبووون الكلمة الحلوووه الله يهديك روح راضيها توكم على الزعل بالتوفيق |
المشكلات ملح الحيـــآ’ة ^_^
|
اقتباس:
الهرجه هذي صارت قبل يومين . ما فتحت الموضوع الى البارح اتصلت وقالت شلون اختك تشوف الرسائل وا وا انا والله ما تكلمت سكت الين خلصت وبعدها قلت لها المعذره وحقك علي الخ... وقلت لها هذي اختي وعادي شوي هي قالت باي !! قلت باي ونا قللت المكالمات والزياراه احسن لي ولها الزواج مطول شوي اخوي فـ/ كذا احسن :22: وارسلت لها هالمسج انه اختي عادي يفداها التلفون بالي فيه يعني مافيها شي ياخوي بالنهيايه هذي اختي وكلها رسائل ببي يعني رسائل الببي معروفه وش بتكون ياخوي . انا عندي جوال ثاني مليان رسائل منها مستحيل احد ياخذه لاكن الببي عادي ياخوي مافيه رسائل صح كلام وغزل لاكن انا ماخذها بالحلال يعني الكل يدري اني احبها . انا مابي منها اعتذار بس ابيها تحس بقيمتي شوي وهي بجد طبعها بااارد لدرجه ما تتوقعها |
اقتباس:
والله اني اعطيها كلام على اللببي يلين الحديد وقسم مدح واعتذار الخ... وبعدها سكرة الببي يسلمو على المرور |
اقتباس:
يسلمو على المرور هي ملح الحياه بس توتر بعد الاوقات هه |
طمنا هل من جديد ؟؟؟؟
|
يا أخي انصحك ان تكون ذا هيبة
فلا تدع بنت ال18 تنتقص من هيبتك فلو انتقصت قبل الزواج ستذهب كلها بعده . رعاك الله ياأخي وحفظك واعلى همتك لكن انصحك مهما كبُر حبك للفتاة فلا تشعرها بذلك الا شيئا قليلا حتى لا تشعر بضعفك فتشربك كاسا من العلقم . انا لا اقول لك كن جاهلا في حقها لا بل العكس كن لها عمودا تتكئ عليه لكن هناك دائما حدود و لن تتجاوزيها انت ولا غيرك أرها من الرجل ومن بيده العصمة التي اعطاه اياها الله في القرآن . أخي انا هنا لن ارضى ان تغلق في وجهك الهاتف انصحك ان لا تعتذر منها لغير خطأ لأنها ستقول هذا الرجل يفضلني على امه و اخواته وعندها تقع الكارثة. فتح الله عليك واصلح لك اهلك وجمع بينكما في الخير. |
عدنا لكم من جديد ^_^ شكرن كل من مر من هنا
ابشركم الموضوع خير ان شالله ,,, قبل 3 ايام اتصلت امها على جوالي وقالت لي ابيك بموضوع . قلت لها تفضلي امها انسانه متفاهمه جدا جدا ماشالله عليها المهم كلمة امها وقالت لي شوف انا اكلمك من دون ما تدري فلانه.. الي هي زوجتي . قلت لها امري عسى خير ,,..؟؟ هذا الكلام العصر الساعه 5 ونص .. قالت البارح بالليل دخلت غرفة زوجتك لقيتها تبكي !! ودموعها على خدودها .. قلت لها افا ما يهون علي .. ليش وش صاير ؟؟ قالت تقول انك انت زعلان منها وا وا وا انا عندها عرفت انه البنت ندمانه وقتها ... قلت لي امها لا عادي الموضوع ما يستاهل وهذا شي بسيط والمشاكل ملح الحياه ومن ها الكلام .. وعاد امها نفختني جيت بنفجر مدحت فيني لين وجي صار لونه احمر وازرق واخضر وقالت لي انه البنت لسى ما تفهم ومراهقه والكلمه الطيبه تجيب راسها .. المهم .. انا ارسلت للبنت رساله وكتبت فيها زوجتي العزيزه انا ما تهون دموعك علي انها تنزل .. الموضوع بسيط وحصل خير وان شالله ما عد يتكرر وانتي غلاك عندي وعارفين عاد كلام ابو ريالين ههه البنت انبسطت وربي حتى اتصلت علي وكلمتني وهي مبين عليها انها كانت تبكي .. واليوم الثاني .. امها طلبت مني ان اجي بيتهم تريدني بموضوع .. جيت عندهم وكانت المدام في استقبالي . وقالت خذ زوجتك وادخلو داخل واتفاهمو .. المهم الحمد لله المياره جعت لمجاريها ان شالله والبلاك بيري انا قررة اني ابيعه وبعته والحمد لله ... لي انه بصراحه ما يجيب غير المشاكل , والملل من بعض يقلل الشوق ,,, وبعت البلاك بيري ولحين الامور ماشيه .. هل ترون ما صار في حديثي معها جميل ؟؟ ام لا ودي واحترامي لكم جميعا وشكرا لكل من وقف معي ونبهني |
هههههههه
واضح اخي الكريم انه امها رزينه يعني يابتك تراضي بنتها ولاكلفت على بنتها تقولها راضي زووجج مااقول غير الله يرحمج ياامايه ويرحم ايامج يالغاليه .. الله يوفجك على العموم ولو اني اجوف اللي صار موب مقنع لانك بعت بيبي مالك وهي الحبيبه مكيفه على البي بي يالله الله يوفجكم بحياتكم مااقدر ازيد |
روضة بو ظبي .... اوافقك الراي.
الله يوفقك أخوي لكن أهم شي وضحت لخطيبتك الشي اللي زعلك عشان تستفيد من الموقف . |
أنا ماني شايفة إنه خطيبته غلطانة في إنها تزعل لو أحد شاف الكلام اللي بينها و بين زوجها
حتى لو كانت أم زوجها .. هذه خصوصيات ، و ماحد يشوفها .. و هناك أخوات عندهم لقافة حريم ، يحبوا يفتحوا جوالات أخوانهم ( مثل أختي الكبيرة :D ) و تقرا رسايل حرمته .. و الشي هذا غلط .. و عشان كذا خطيبته زعلت .. . . و دام الرجال مبسوط و خطيبته .. مادري ليش تحرضوه على زوجته و تبغوه يتغير عليها .. |
احمد ربك انك مو زوجي
و لا كان قلبت الدنيا عليك يعني هاذي خصوصيات و رومانسيات بين الزوجين ليش احد غيرهم يطلع عليها انت غلطت انك بينت لها ان الموضوع عادي و اختي يحق لها تشوفها لا لا ،.. مهوب عادي ابددد بعض البنات عندها موتها ولا احد يشوف غرامياتها و بعضهم نص و نص عادي ترضى بعد الزعل و شكلها عروستك من ذاك النوع اللي ما تحب احترم هالشي فيها يااخي فترة ممملكة و ددددلع الله يسعدكم و يجمعكم ع خير |
هذهـ اولهـا كيف تاليهـا
الان انت تدري انك ماغلطت .. وشولـه تروح صوبهـا وتراضيهـا وتلاحقهـا ... وكل شيء ياخي دامك تدري زين انك مو غلطان .. خلاص .. لا تلاحقهـا كذآ .. بعدين تعودهـا انها تزعل سواء هي على صح او على خطأ |
اقتباس:
الحين بي فتره الملكه لازم ندلع بعد الزواج وخير هه تسلم على المرور ... |
اقتباس:
والامور سهالا ونا والله احاول الابتعاد عنها لفتره مابي ادلع بالمره كلام الدلع والحب وكلام ابو ريالين اخذني من جد تسلم اخوي على المرور |
اقتباس:
... نقول من حقها تزعل ما اختلفنا .... لاكن هي دقت وتنافخ انا ما احب كذا .. لو جات بالسياسه كان ما صار الي صار .. لاكن الموضوع عدا بخيره وشهره |
اقتباس:
هذا موضوع بسيط وربي بكرة النهار بيصير زواج وبنواجه مشاكل اكبر من كذا بتقلبي الدنيا علي؟؟ الكلمه الطيبه تجيب خير ورسائل بب بي يعني برود كاست الامر بسيط جدا يسلمو على المرور |
اقتباس:
ولحين شايف البنت متغيره بالمره ماهي مثل اول صراحه والله الدلع ما يجيب نتيجه في بعض البنات ومشكووور اخوي على المرور ... الموضوع خلاص يغلق انتهااا ^_^ هناك مشكله اخرى اود ان اطرحها لكن فيما بعد حدثت قبل يوم بعنوان تغيرت علي كثير |
صح وبالنسبه لل بي بي انا ما بعته لاكن قلت لها اني ببيعه وبحذفها من عندي
ما ينفع بها الفتره يكون ضايفين بعضها الشوق يقل بكل امانه |
| الساعة الآن 08:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©