|
تغيرت علي كثييير
السلام عليكم
اسعد الله اقواتكم بكل خيييير ومحبه ....... انا بسدح لكم الموضوع عــ/لطوووول بدون مقدمات وشاي وقهوه:d انا مملك الان لي تقريبا 8 او 9 شهور ,,, في البدايه كنت انا وزوجتي متواصلين برسايل حب وغزل ومكالمات كثيره الى الـ4 ساعات 5 ساعات ... وزياراتي لها كانت كثيره شوي مثل مرتين بالاسبوع ...<<< هذا في الشهور الاولى بعد الملكه ... .. الحين الشهور هذي الي عدة صرت اقولها بجي ازورك تطلع تصريفه من تحت الارض ..مره بيروحون الحديقه .. ومره عندها دراسه ... المهم ...انا ما قلت لها شي ولا زعلت منها بالعكس وربي عسل على قلبي .... ورغم والله اني جياتي لها خفيفه حلوه . الحين لي عنها شهر ..ما احس انها اشتاقت لي .... اقولها مشتاقه لي تقولي وش ذا السؤال هع اي مشتاقه لك .. بس ما اظن انا بصراحه دائما اكلمها جوال كل يوم واتغزل فيها وارسل لها رسائل غزل وحب ودلع ونكت وربي صرت بلاك بيري من كثر ما انوع لها رسائل ...لاكن مافي رد منها صرت باليوم ارسلها 5 رسائل . مع نفسي ولا رد يجيني ... ودي اقولها ليش ما ترسلين ولا رسائلي مو حلوه بس اتردد لمحت لها بأن الرسائل لها واقع لنفس وهي تقول اي صح ..بس ماشوف شي منها مثل اول ... وارسلها بطائق شحن عشان تشحن جوالها مابيها تحتاج لي احد .. لاكن ما تدق علي الى اذا رصيدها باقي ريالين ولا ثلاثه ريال ... وين يروح ما ادري ما لومها عندها صحبات ولازم تكلمهم ويشهد ربي اني ماني مقصر معها بشي سواء (ماده) او كلام غزل واي شي ... وزواجنا شوي مطول بصراحه ... .. انا بعض الاحيان وربي انقهر يوم ارسلها رسالة حب ولا بطاقة شحن ما ترد بشي ... الي بعد يوم او يومين تدق وشوي تقولي جوالي بينفصل اقولها اوكي انا ادق عليك .. اوقف معد اكلمها فتره؟ ؟ يوم تدق اطنشها ؟؟ معد اشحن لها نهائا ؟؟ اخلي مكالماتي رسميه؟؟ معد ارسلها مره ولا ويش؟ ساعدوني وش الحل ... انتضركم ظرووووري انا بجد تعبت وربي |
صراحة أحزن لما توصل الأمور بين الخطيبين إلى هذا الملل والتغير المزاجي، عموماً أنا أرى أنكم طحتوا بالعسل مرة وحدة زيارات ومكالمات كثيرة وطويلة، وهي تشبعت كثير من هالأمر، بعض الناس مزاجيين ولا يقدرون النعمة التي لديهم، أخي الفاضل الأصل في المكالمات التعرف واكتشاف شخصية الطرف الثاني، وليس الغرق بالمشاعر حتى لدرجة أن أحد الطرفين يتشبع، ولذلك لستُ من المؤيدين لأطالة فترة الملكة.
لا أحب كثيراً أن أعطي رأيي في مثل هذه العلاقات لأني لا أدري عن قلوبكما ولا خلفيات مايحدث، لكن أرى أن تكون حازماً نوعاً ما معها، وألا تدلعها بشكل مبالغ، أولاً تحاور معها عن هذا التغيير المفاجئ، إذا لم ترى تغير أو استجابة أقطع عنها كل ماتمدها من بطاقات شحن وهدايا ورسائل لمدة شهر، بعدها لعلك تكتشف أشياء إما أنها ترجع بشكل معقول أو أن هناك أمر ما . |
اقتباس:
احسنت ي اخي,, ردك هو المختصر المفيد. بالتوفيق للجميع .. |
انا مواعدها بزرياره الاربعاء هذا ان شالله
وقلت لها اني بجي رغم اني وربي ما ودي اقولها اني بجي ... لي انه سبق كم مره قلت لها بجي وتصرف .. الحين قالت الله يحيك .. هل ترون اني اطرش لها مسج بإني معد بجي ؟؟؟ ولا اروح لها ؟؟؟ ولو تبون الحق انا متشوق لها جدا ...بس هي ما ادري مثلي ولا مجرد كلام ؟؟؟ |
أبو زياد لما يحب الشخص فإن المعيار العقلي لديه يغيب جداً، فإذا كان الحب كما يقولون قطع قلوب البعارين فما بالنا نحن البشر، عموما كلا القرارين في نظري جملين سواء ذهبت أو لم تذهب، إن لم تذهب فأنت تعطيها وخزة، وإن ذهبت فيجب عليك أن ( توطى قلبك ) وتتحدث معها بعقلانية ومنطقية إلى متى هذا التغير الذي يحدث!؟ هل أنتي مللتي؟ هل لم أعد بقلبك!؟ أين ذهبت الكلمات الجميلة والغرامية من قبل !؟ وهكذا..، بعد أن تحلون الموضوع إن شاء الله، حاول أن تغير أسلوب المكالمات والشوق وحاول أن تقننه، حاول أن تجعل الأتصال بالأسبوع مرة الرسائل لا تكثرها، التغيير يحدث تغييراً.
|
فعلاً زي ماقال الاخ تشبعت عاطفياً
انت اغرقتها والظاهر اختنقت لذلك هي الان ساحبة (الله يهديها) الحل طبعاً بسيط اسحب عليها فترة وبتفقدك وتفقد حنانك وتدورك اذا سويتها صدقتي بتنقلب الآية هي بتكلم وهي اللي بترسل بالنسبة لزيارة سو اللي يريحك بس انا اشوف لو تعتذر افضل موفق يارب |
مشكور اخوي الغالي ..
انا والله بصراحه ما ودي اروح لها بكل امانه احسها مالها داعي الروحه .. بطرش لها مسج اني معد بجي ... وبتركها بجون مسج ولا رساله ولابطاقة لمدة شهر .. وان دقت مابي ارد او اعطيها مشغول ووطرش لها مسج اني مشغول تقريبا كذا تمام ولا وش رايك اما روحه والله ضاقت نفسي من الروحه .. ماني رايح لها بجد |
وعليكــم السلآم..
مــآلومهـآ والله حآسة فيها ^_^ ولو كنت مكـآنها حسوي زيها.. حابة اوضح لك إن تغيرهـآ هاذا مو معنآه إنها ماتحبك أو في شيء..لا ابدآ كل الحكآية وصلت تشبع عآلي من الحب وتبغى تآخذ راحة شوي من التفكير ومن الرومنسسية حتى ترجع لك بكل قوة و شوق ..يآريت تتفهم النقطة هــآذي كثير في نظري مــآيحتاج نقاش أو تستفسر ليش صارت كذا هي فترة وترجع حتى لو طالت هالفترة اكثر من شهر لأن تواصلك مبالغ فيه شوي ولو استمريت هيك..إنتآ نفسك حتتشبع كمــآن .. عآدي زورهآ وألأفضل إنك مآتجيب طاري تغيرها عليك حتحرجها ويمكن تجيب اعذار مو هيا السبب الحقيقي نصيحتي لك: خلهــآ تشتاقلك شوي ..خذلك كمان بريك من الحب وصدقني إنكم ترجعوا أقوى من قبل..موفقين |
اقتباس:
|
اقتباس:
وضعهــآ طبيعي جدا بالعكس اشوفه ذكـآء منهـآ حتى تجدد الحب اللي بينهم ^_^ اعذريني على الإقتباس ياقمرا :$ اقتباس:
مــآتبغى تزورها أوكي قول مشغول أو طلع لك عمل بس لآتحاول تحسسها إنك زعلان عليهـآ أو إنك مآتبي و الحرمـآن كذا فجأة أكبر خطأ خفف تدريجيا + المبآدرة تكون منهآ يعني إذا ارسلت هيا ارسل لهآ طبيعي إذا دقت.. رد عليهــآ طبيعي ترى الحكاية مو إنتقـآم إنت تحبهــآ خليك متفهم لهـآ.. ولآ تبي تخسر حبك؟! |
بيني وبينك انت كثرت عليها كثيييييير ولو انا بمكانها كنت حاعمل مثلها تماما خفف عنها شويه.............
ربي يسعدك ويهنيك............ |
والله شوفو ياخوان كلامكم جدا جميييل ومفيد وربي
.. انا بقولكم على نقطه نسيت اذكرها ... انا سبق وقلت لها لها وشفيك متغيره ماشوفك مثلي متحمسه ورسائلك وحشتني ومن هالكلام الزين وربي وقالت انا اسفه وفعلا ماشالله صارت اوكي .. ورجعت تغيرت شوي شوي بعدها ما كلمتها ليش تغيرتي ... |
ونا مابي اخسر البنت وربي ..
عطوني الحل المفيد اسردولي الحلول المفيده عشان امشي عليها وبالنسبه لروحتي لها الربوع خلاص باجلها برسلها مسج اني ماني جي عندي شغل وخلاص لو دقت وش فيك ما بتجي بقولها انشغلت.. او ماني راد عليها |
انا اقول اتصل في اخوها لاتتصل فيها هي
علشان تستغرب انك ماخبرتها وخبرت اخوها انك مابتسيرلها اخوي الغالي الموضوع وايد بسيط انت اثجل شوي خلك بعيد عنها لااطرش ولامسج ولاتتصل صدقني بروحها بتتصل وتسال عنك هي الحين تعرف اسلوبك وحفظتك اتقول في بالها انت كله وراها وتقطر اطنشك وترد وقت ماتريد من غير لاتهتم بمشاعرك عطها وقتها ولاتسال عنها ولاتتصل ولاترسل مسج وخلك بعد وجوف بروحها بترجعلك وتتصل وغير ه وهالاسبوع اتصل في اخوها وخبره انك ماتسير عندهم عندك ضروف وخله اخوها يخبر البنت عشان البنت تحس انك بديت تهملها لانها تهملك وبججي بتلقاها اتصلتبك |
مـآعليك يآخوي
اهم شيء تكون مقتنع إن اللي حاصل معاك ومع خطيبتك طبيعي راح اكتب لك الحلول اللي سويتهـآ وفادتني كثير رغم ملكتي الطويلة لما افضى إن شاء الله ويمكن انزلها موضوع عشان الكل يستفيد ..الله يسعدكم |
شكرا لكل من مر من هنا ووضع المفيد
جزاكم الله خير ... اخت سما بإنتضارك لاهنتو جميعا كفيتو ووفيتو وربي |
ولآ اقلك خلني اكتبها هنـآ
|
اتمنا تكتبيها هنا بإنتضارك اختي سما~
|
حط حدود لعدد المكآلمات ..مرة في الأسبوع منآسب
الزيارات مرتين في الأسبوع كثير ترى تتعب المسكينة خلها مرة كل شهر منآسب عشان تشتاقوا لبعض طيب نجي لوضعك الحــآلي : أولا صفي نيتك على خطيبتك وقول الحمدلله إن ربي رزقني بيهـآ والأشياء الصغيرة ماراح اخليها تأثر علينا (= تحدد الهدف وتبدأ تشتغل عليه ( نبتعد بذوق..حتى نرجع بشوق) الحين كيف نبتعد بذوق؟ كلمهـآ اليوم أو بكرة واعتذر منهآ بطيب نفس قول والله ياحبيبتي معليش مآ أقدر ازورك عندي شغل لكن أوعدك إن شاء الله أول مآ القى فرصة راح أقلك ..و إلا أنا مشتاقلك حيييل ومآ اقدر على بعدك وبكذا تكون ابتعدت عنهآ ..بس بذوق ( ولاتزورها إلا بعد شهر) الرسايل تقللها لنصف ثم الربع ومحتواها منوع مرة رومنسي ومرة حكم ومرة نكت تتفق معاها على يوم واحد في الأسبوع تكلمهـآ خليك هيك شهر ونص.. واعيدها عليك إذا ارسلت لك أو دقت رد عليها لأنه كذا تحقق الهدف ورجعتوا لبعض خذها قاعده عندك قررررب ثم بعد ثم قررب ثم بعد حتى تجددوا مشاعركم تجاه بعض ويعيش الحب عاد إنتا شفت إش حصل لمآ قررربت كثير..التوازن زين والله يوفقك |
يعطيك العافيه اختي على المعلومات المفيده
كل الشكر لكي اخت سما بجد معلومات جدا مفيده ومهمه والله وان شالله ح امشي عليها وسا اذكر لكم النتائج فيما بعد ان شالله كل الشكر لكم جميعا |
اقتباس:
لحظه لحظه آخوي لآتتسرع يمكن تكون آفعآلك تحكم عليها بحكم غير اللي في بآلك آخوي آنت تجيها مرتين بالآسبوع زوجي يجيني يومياً.. بس .. آنآ آقول يمكن في أحد من صآحباتها يقولون لهآ آثقلي مو آي رسآله تردين عليها خليه يلحقج.. 1ـ لكن آنت لآتروح لهآ هالمره وإنتظر منها دعوه 2ـ قلل مكآلمآتك ولآ تقطعها بالمره ( رفقاً بالقوارير:25:) 3ـ إشحن لها عآدي جدآ ولآتنتظر شكر أو كلمت حب 4ـ مرآت رد :27: ع مكآلماتها ومرآت طنش |
اقتباس:
رقم 2 تقريبا في الاسبوع مره حلو مثل ما تفضلو الاخوان اول وقالو رقم 3 انا اشحن لها اوكي لاكن يوم يكون رصيدها بيخلص تدق !!! ليش ما تدقت من يوم شحنت ولا بقت 6 ريال ولا 5 ؟؟؟ رقم 5 هذا هو الي بيصير ^_ دمتي |
انا تمر علي اوقات بنفس حالتها مأشتهي اكلم خطيبي وامل من الحب بس الي شافع بعض المشاكل والخلافات تحسسني بقيمته اذا انقطعنا عن بعد فتره ونرجع وحنا مشتاقين لبعض عشان كذا البنت ذكيه ماتبي تمل وماتبيك انت بعد تمل منها فالحل قاطعها شوي حتا تتجدد علاقتكم
|
هلا ابو زياد ,,,
انا اشوف انك مو مقصر ما شاء الله عليك ,, ولاكن تبي نصيحه وكلام قليل ,, ارسل لها مسج وقول انا ابي اسافر عندي دوره ,, وحول جوالك ,,واتركها اسبوع ,, لو مره فكر بعقلك خلي تفكير قلبك ع جنب ,, صدقني غير تنعدل معك.. للأسف انت طيب معاها ولاكن هي اخذت الدعوه تغلي وتبي تصيطر عليك وانت اللي خليتها كذا لأنك عودتها امري تدللي وكل طلباتها ملباه ,, خليك رسمي شوي ,, وانا اشوف انك لاتروح لها اجل الروحه لقدام شوي ,,, الله يوفقك |
شوف اخوي أنا ماالومها بصراحه يمكن اهلها تضايقوا من كثر زياراتك ماتدري
انت اذا زرتها خلك رسمي وثقيل كانك اول مرره تشوفها حتي بالرسائل قلل قولها نفس حكايتك بس حطها ع صاحبك ونقص ببعض الحكي شوف ردت فعلها وشوف كلامها زين وانت وقتها بتعرف بس مو معناته انها ماتحبك او تكرهك او نقص حبها |
المشكلة في هالمواضيع كثرة الافتاء
واحد يقولك اكيد طفشت منك والثاني يقول انت مدلعها زيادة واذا جينا للحقيقة محد يدري وش السالفه؟ باختصار اقطع الشك باليقين واسألها ياخي امر الله من سعه واصلا هذي الاشياء طبيعيه جدا تصير بين الاخوان والاصدقاء فمابالك بالازواج ترى مو دايم الواحد فاضي يحب ويعطي ويراعي استهلاك استهلاك استهلاك زي مايقولون كبرها تكبر وصغرها تصغر |
ولله شوووف انا مدري شنو اقولك بس رايي انك ماتروح لها وخلها فترة لاتدق ولاترسل ولاشيء صدقني بترجع اسأل مجرب
|
اقتباس:
جرب تثقل ترى بتشعر بحلاوتها راح تجيك متلهفه عليك لمن تطنشها |
| الساعة الآن 02:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©