|
طالبه طب و خطيبي كرهني حياتي
السلام عليكم ..
اتمنى ان اجد عندكم حلا ولكم جزيل الشكر .. انا طالبه طب، تبقى لي من دراستي 3 سنوات والامتياز .. دخلت الطب بصعوبه و اهلي فخورين بي جدا من ناحيه الدراسه ملكت قبل 4 شهور .. وخطيبي كان طبيعي ولم يعترض ابدا .. مشكلتي ان الجامعه مختلطه، وزوجي يغار لحد الجنون .. حتي انه جاء وحضر معي وبعدما وجد ان الوضع عادي والطلبه والطالبات اصحاب على قولتهم بدا يسويلي مشاكل كثير مالها اول ولا اخر .. وصار يقول لي ماحتشتغلي بعد الدراسه .. وحاول انه يخليني اسحب بس انا لا اريد !!! يقول لي قدمي اي جامعه غير مختلطه اهم شي مو اختلاط .. المشكله حتى اذا تنازلت وسحبت اهلي ماحيوافقوا .. كل يوم عندما اذهب للدوام مشاكل ويستهزئ بي ويصبح قاس جدا وانا احبه ولا اريد ان اتركه والمشاكل بتبعدنا عن بعض ... كرهت الجامعه والله من المشاكل حتى انني لم اعد استطع الدراسه جيدا فكلما دخلت المحاضرات يرسللي ويتصل ويبدأ الزن .. للمعلوميه انا كنت من لكثر البنات نشاطا .. الان لا يسمع لي صوت تنازلت بالكثير اجلس في اخر الصفوف وغطيت وجهي ولم اعد اتكلم مع اي شخص من الاولاد ابدا ولكن مازال خطيبي في نفس المشكله !!! هل اسحب؟ واذا سحبت اش اقول لاهلي؟ يستاهل المرأه تضحي تضحيه كبيره كهذه؟ اخاف مدري !! يارب اللي يقدر يساعدني يقوللي رأيه وجزاك الله خيرا .. |
عزيزتي ..انتي انسانه بالغة عاقلة تربيتي ولك شخصية فلا يكون قرارك نابع من أراء الاخرين ... اذا اقتنعتي بكلام خطيبك وتشوفي انه فعلا البنت لازم تتصرف مثل ماهو يقول فاعملي بقناعتك الجديدة لأنها قناعتك انتي مو لأنه خطيبك قالها
لكن أن تجبري نفسك على شيء انتي غير مقتنعه فيه ولا أهلك مقتنعين فيه فراح تكوني تحت رحمة الظروف .. يعني لو زوجك رجع بعدها وقرر بأنه يشوف انك ما تزوري صديقاتك لأنه ممكن يكون أخوها هناك مثلا فهل راح تنفذي ؟؟ والى متى بتضغطي على نفسك ؟؟ لما تعيشي بوضع تحسي فيه بأنك مجبرة على أمور ولم تتم بكامل قناعتك فراح تتعب نفسيتك ويبدأ الحب اللي تشعري فيه الان أن يموت ويختفي وتبقى الحسرة والمسؤولية بالنهاية أقول لك رأيي أنا وقناعتي أنا أنه أمشي على الشرع وأنقل لجامعة منفصله إن أمكن أو أبقى إذا لم يتوفر خيار الجامعة المنفصلة وأكون مثل ما وصفتي بحجابي وستري وابتعدي عن الصحوبية والكلام اللي ماله داعي وانتي تقولي انه خطيبك ما تغير حتى بعد أن التزمتي وتغطيتي فأتوقع بأن منبع اعتراضه هي العادات وليس الدين ومن تجربتي فهذا النوع من الرجال متعب جدا بالذات مع بنت متعلمة وعندها طموح مثلك . ولك الخيار ... واجعلي من الاستخارة الدعاء معين لك على اتخاذ قرارك |
شكرا.. كلامك مفيد جدا.. جزيت خيرا
|
أقترح تكوني بجامعتك، وتتحاوري مع خطيبك كثير بالموضوع وحاولي تقنعينه، أنتي ماقصرتي وتنازلتي بأشياء كثيرة في الجامعة، اتمنى أن هالأمور اللي تدوري بينك وبين خطيبك ما تأثر على دراستك، حاولي تعزلي الاختلافات عن اجواء الدراسة، وفقكِ الله.
|
حبيبتي دي دراستك ومستقبلك وسلآحك المفيد يللي محد بينفعك غيرو .,~
حاولي توضحي لو ان الامر مافيه أي مشاكل والوضع محترم بينك وبين الطلآب .,~ ولا تفكري تتركي مستقبلك على شي مايستاهل ياقلبي ., الله يتمم اموركم على خير : ) |
شكرا لكم هذا اللي كنت ابا اسمعه
|
ولله اسمعي كلام زوجك احسن ظل راجل ولا ظل حيطه والطب شوفيهم متخرجين ومتتسدحين بالبيوت انتبهي وامشي مع التيار ياغاليه لو تطلقتي بيقولون فيك مايخطيك وانتي الخسرانــــه وهوا بيدور على بنت مستوره تبغا الستر وماتبغا تخالط الرجال وتهرج معى ذا وتضحك مع ذاك انا بنت لو اخوي بيتزوج ممرضه ولا دكتوره ماراح ارضى لان الاختلاط مذموم بمجتمعنا وقبل المجتمع هوا حرام بديننا فاذا انتي بتسوي فيها انو مايتحكم زوجك فيك وانك تفرضي اشياء غصب عنه ترا انتي خسرانه ياقلبووو بيطلقك ويتزوج بنت مستوره تدور للستر نصيحه مني ولله ماغشك اسمعي زوجك وطيعيه وترا لاتسمعين للي فوقي ترا ولله مايبغون الا انك تكسرين كلام زوجك لمجرد تكسير الكلمه فقط ولو قلوبهم عليك كان عرفوا المجتمع اللي هما فيه واوكي انتي تبغين تعاندي زوجك وتسمعين كلام اللي فوقي بكيففك بس انتي خسسسسسسسسسسسسسسسرانه فاهمه ؟؟ خسسسسسسسسسسسسسسسسسسسسسسسسسسرانه فـ ياقلبي حطي عقلك براسك واكسبي رضى زوجك والوحده مننا تحتاج رجال يساندها ويحمسها من غدر الزمن |
اقتباس:
ظل حيطه ولا ظل راجل هكذا أفضل ماذا اخذنا من الرجال والزولج ولطلاق والاولاد كلها ارزاق من الله وليست بيد الشر |
اقتباس:
الزواج مهم للفتاه وللشاب ايضا والبنت مالها الا بيت زوجها |
أختي الحبيبه
أنا موظفه وعانيت أمر منك وزوجي أخذني عن أقتناع بالوظيفه وكان شرط زواجي الوظيفة لكن بعد الزواج طلع روحي عشان أطلع وأنا مستحيل أستقيل تدرين ليه لأن في هالزمن ماراح يفيدك إلا وظيفتك وراتبك لاتقولين أبوي وإلا أخوي ولا حتي زوجي بهالزمن اللي يقويك ويخلي شخصيتك قوية ويكبر عقلك ويخلي لك تجارب في الحياة وخبره هيا الوظيفة ناظري اللي حولك من المتخرجين شوفي كيف ميتين ويبون الوظيفه والدراسة وأنتي بكلية طب وتبين تسحبين عشان رجال ممكن يطلقك بيوم وممكن يتزوج عليك بيوم وممكي يمل منك بيوم خليي دراستك سند لك بالحياة وأذا زوجك رفض هالشي أنفصلي عنه لان حرام تضيعين مستقبلك لواحد من البداية أنتي عنده ولا حاجة وبكره بتتخرجين وتتوظفين وتشوفين لك نصيب أحسن فكري بعقلك وأستشيري أهلك لان زوجك لو حبك كان عزك ورزك ورفع من قدرك |
حبيبتى
شهادة الطب مو شىء سهل تتنارلين عنها بهالسهولة هو أخذك وعارف انك طالبة فى الطب تذكرى يوم تتخرجين وتصيرين طبيبة معاك شهادة عاليه ينفع للذمن وذل الناس وغدر الرمان ناقشى خطيبك مره وعشرة لكن لاتتنارلى عن شهادتك بأى شكل وألى صاحبة التعليق لتقول ظل رجل ولا ظل حييطة لماذا الاف من الروجات يتركون ارواجهم ويهربون من عش الروجية وظل الرجل لظل الحيطة هذه امثال لجداتنا ماينفع لهذه الرمن |
دراستك اهم الف مليون من الحب ومن هذا الرجل اللي ما يحب مصلحتك وش تنسحبين الله يهديك بس انا برايي كملي دراستك والى الامام دئما وخطيبك ادا عجبوا الحال يبقى افضل له وادا مو عجبوا الحال فلينسحب هو احسن تابعي دراستك بنيتي تفوقي في عملك هذا سلاحك في الحياة لا تقولي ستخسرينه لا بكرا لما تتخرجي الف واحد راح يتمناك وبالوظيفة تاخذي سيد الرجال
استغرب من هذا المثل ظل راجل ولا ظل حيطه طيب وين ظل الله سبحانه وتعالى قربك من الله يحيطك من كل شئ بالدنيا ووضيفتك لا تتخلي عنها ابدا ابداااااا |
لو عندي وظيفه مابتركها عشان زوجي والا عشان احد ..
اقسم بالله وظيفتك بتخليه يلحق وراك طنشي اللي غير كده وربي وظيفتك هي مستقبلك... قال ظل راجل ولا ظل حيطه .. شكلها xzzx2012 مفهيه للدنيا.. ونفسي اعرف متزوجه او لا ... حبيبتي مااستفدنا من الرجال شي .. بعدين يخاصم ويرميك عند اهلك وعندك عيال وشوفي مين يصرف عليهم |
ربي يوفقك يالغلا
الزمي الاستغفار وحاولي بزوجك توصلو لحلول وسط ودراستك لاتفرطي فيها مابقي شئ وتوصل اللقمة للفم زي مايقولو استغفري وادعي ربك يحنن قلب خطيبك عليك وتكملي دراستك وبتفوق وبعدين قوليله عالوظيفة لو مايبي مو ضروري بس المهم انك تمسكي سلاح بيدك وهو الشهادة |
انتي استخيري يالغلآ وفوضي امرك لله ....
صدقني رآح تتخذي القرآر وكلك ششجآعه .... وبعدين هو يعرف من الاول طبيعة شغلك الله يصلحه ويهديه يآآرب.. والحين صآر المثل في ظل شهآده ولآ في ظل رجآل |
ووووووين ردي :)
|
اقتباس:
زوجها اخذ سيارات قرض باسمها وانا راح اسدده. وجلس ما يسدد واتصلو عليها الشرطه قالًُ لو ما سددتي قبل 3ايام بنحجز عليك خبرته بكلام الشرطه قالها قولي الا اهلك يدبرونك علميني وين اظل الرجال الي تبغين اتظلل فيه زوج عمتي طلقها وهي مرافقه عند امه بالمستشفى بعد ما صرت جده علميني وين اظل هذا وتبغين ازيدك زدتك |
عزيــــــــــــــزتي .. ربي يكتب لكِ السعادة والتوفيق أينما كنتِ .. التحقتي بكلية الطب .. وأنت أدرى بالجهد الذي بذلتيه بالسنوات الماضية .. هل أنت على استعداد للتنازل عن ذلك الجهد وتلك السنوات التي قضيتها بالمدرسة بكل جد واجتهاد حتى تحققي حلمك وتسعدي أهلك .. 3 سنوات وسنة امتياز .. وطموحك تصل إن شاء الله لتكملي الاختصاص وتصبحي استشارية ووو لا تجعلي لأي أحد كان يحدد أحلامك وطموحك .. قناعاتك أنتِ من تبنينها لا يجبرك شخص آخر عليها .. عندما تقدم لكِ هو أعلم بدارستك ومستقبلكِ المهني .. إن كان هو ببداية مشواركِ الدراسي هكذا فماذا سيفعل بعدها ..!! ما زلتِ صغيـــرة وقطار الزواج لن يفوتك إن شاء الله .. ثقي بنفسكِ أكثــر .. لا ترضخين لأمور أنتِ لستِ مقتنعة بها .. واجهيه وكلميه وخيري نفسك .. بين وظيفة وطموح أو شخص يريدك كل يوم التنازل عن أحلامكِ ..!! |
إذا كان زوجك مثل شخصيتي فما يمكن أنك تجمعين بينه وبين كلية الطب :)
حطي حد من الحين ، فهمي زوجك الوضع وخليه يشوف بعيونه قولي له انت بترضى عن هذا الشيء ولا انتهينا !! وما في شيء اسمه تتخرجين ولا تشتغلين ، وش استدفتي من كل هذي السنوات والتعب ؟! دراسة الطب شيء حلو ومشرف ، لكن في بعض الرجال مثلي ما يرضون بها أبددا :) وأتوقع زوجك كذا ، فشوفي حل من الحين ، وأتوقع الحل المناسب لك البقاء في الكلية ، وزي ما قالت الأخت ريحانة ما راح ينفعك إلا وظيفتك وراتبك في هذا الزمن !! الخلاصة : زوجك شخصيته واضحة _ وهو مثلي أعتقد _ وبيتعبك في دراستك وعملك ، ومن غير المعقول انك تتركينها بهذي السهولة ، ومن غير المعقول بعد انك تدرسين ولا تشتغلين ، فتناقشي معه من الحين ، إما أنه يرضى بهذا الوضع ، أو السلام عليكم ، وإذا تركتي دراستك أو عملك بتندمين .. وهو المفروض انه ما تقدم لك إلا وهو عارف عن الوضع وراضي ، والله يعينك .. |
لك القرار بالنهايه ...
لكن لو انا مكانك .. وسني صغير مثلك وطبيبه ... يعني وظيفه درجه اولى بالمجتمع ... شهادتي سلاحي وبريستيج قدام الناس ومو ناقصك شي ... ما اتنازل عنها لو انتي تحبينها ومقتنعه فيها .. ما اتنازل عنها ... عجبه اهلا وسهلا ما عجبه مع السلامه ... الي جابه يجيب غيره ... انا مريت بظرف قريب من ظرفك واستشرت كثير ناااس وكملت وما تركت وتزوجت عن غير قناعه ... الان اقول ياااااااااااريت ترجعي يا ايااام زمان .. ياريت ترجعلي ايام زماااان ما كنت استشرت وتوهت عقلي ومشيت عرئي غيري على حساب حياتي ... الانسان لما يكون بوضع يقرر قرار يحدد مصير حياته ... بيكون مضغوط .. وانا لما انضغطت كنت تائهه كلمه تجيبني وكلمه توديني وكل ساعه برئي وكل ساعه بمزاااج .... الحمد لله ... على كل شيء .. الحمد لله ... كل واحد هنا يقرا يكتب رئيه ويمشي ... يقفل اللاب ويكمل حياته ... بالنهايه هذي حياتك انتي ... رح يقفل عليكي الباب انتي .... وانتي الحره بالقرار ... لا تتأثري بكلامي ... انا فقط بكتب تجربتي ... لك القرار ... لا لاحد اخرر ... فكري كثيرا ... اما خطيبي اللذي احبه .. او وظيفتي وشهادتي ... :) ... |
السلام عليكم ورحمة الله ,,
اختي الكريمه .. اولا فكري في موضوع طبيعة دراستك وعملك في هذا المجال قبل النظر في رأي زوجك , فالموضوع يعتمد على قناعتك اولا واخرا . ثانيا .. ابدأي بالتفكير من الناحيه الشرعيه فالاسلام هو منهج حياتنا , وانت اكثر العارفين بطبيعة دراستك وما يحصل مع زملائك , فاذا كانت تتنافى مع تعاليم الاسلام فامتنعي عنها وابحثي عن طموحك في ما يتناسب مع ديننا , اما اذا كنت متاكدة ان طبيعة دراستك وعملك في المستقبل لا تخل بالآداب الاسلاميه , فحاولي ان تجلسي مع زوجك وتناقشيه في ما يثير غيرته وغضبه . ثالثا .. ان هذا الرجل اصبح زوجك وليس خطيبا فقط , يحق له وعليه ماللزوج من الواجبات , فحتى لو كان رأيك الاستمرار في دراستك ولكن لم يقتنع زوجك بها , فحق عليك طاعته ليس لشخصه فحسب ولكن طاعتا لله في ما أمر من طاعة الزوج في غير معصية . فالموضوع يجب ان يبدأ وينتهي عندك قبل اي شخص اخر , واعلمي يقينا ان التوفيق من عند الله فيما يرتضيه لنا وان من ترك امرا من امور الدنيا لوجه الله ابدله الله خيرا منه . وفقك الله للخير والمسلمين اجمع ,, |
وضعت نفسي مكانك,, سأحاول تغير جامعتي ألى جامعه غير مختلطه..
وأن لم أجد,,لم ولن أفكر قط في ترك دراستي تعبي من سنين,,ومشوار من الجهد,,وعالم من الطموح.. وخاصه أنتي ماشاء الله عليك ملتزمه بحجابك,,ومحترمه وهمك دراستك... هو ماله حق صراحه,,لأنه كان على علم بك وبجامعتك قبل الدراسه.. يعني ماخدعتيه الله يسر أمرررك,,ويهدي خطيبك |
بصراحه انا ماالومه
لان الجامعات المختلطة فيها الشين و الزين و مااحد يضمن الشباب وش يسوون هالايام ف غيرته عليك دليل محبة شديدة و تعلق |
هل اسحب؟ واذا سحبت اش اقول لاهلي؟
لااااااااا .. طالما غطيت وجهك و منعتي الإختلاط فلا عذر له و لكن حاولي تتخخصصي في تخصص ينفع المجتمع .. تخصصي في مجال يخدم النساء و يرحمهن من الإنكشاف علي الأطباء الرجال .. و لا تقولي تخصص أمراض النساء .. لأن الطبيبات في هذا التخصص كثر .. و أرشح لك تخصص الأشعة التشخيصية .. فهي توفر علينا إنكشاف المرأة عند طبيب الباطنة او المسالك البولية او القلب .. و تخصص الجلدية ايضا جيد .. و ممكن العظام و المخ و الاعصاب .. و يجب ان تصارحي خطيبك .. هل هو يكره الاختلاط ام انه يغار منك ؟؟ و هل مهنته اقل منك ؟؟ لو كان يغار منك .. اكملي تعليمك .. و اخبريه ان الزمن غير مضمون .. و ان مهنتك ستنفع اسرتكم يوما ما .. فلا احد يعلم ما سيحدث غدا .. و لكن لا تسرفي في العمل او تحضير الدراسات العليا .. اعملي عمل خفيف يحافظ علي مهارات المهنة و يوفر وقتك لبيتك و اسرتك .. يستاهل المرأه تضحي تضحيه كبيره كهذه؟ لااااااااا .. لا تتركي تعليمك .. العلم كالماء و الهواء .. لا ينبغي ان يحرم منه احد .. و الحرمان من العلم النافع جريمة حقيرة جداااااااا |
ارجوك لاتغلطي غلطتي
كنت ادرس تخصص نادر وبسببه تركت الدراسه وهاانا حبيسة الجدران وانا اخر اهتماماته.. اختي مادمتي متبعه لامر ربك حافظه لدينك اخبريه ان هذه دراستك وهذا مستقبلك ارجوك لاتخيبي امالك وامال والديك الغاليين لاجل انانيته.. |
انا تخرجت من الثانويه وتزوجت وكان حلمي اكمل الدراسه تطلقت ورجعت ادرس بجامعه حكوميه والحين ادور لي ولد الحلال من الخطابات بني ادام مايملي عينه شي بس بقولك الشهاده سلاح والدنيا ماله امان خلي الشهاده معاك واضمنيها بالله بعيد الشر صار لزوجك حادث ومات وعندك اطفال بشهادتك تقدرين تصرفين عليهم ولو ماعندك شهاده بتلطمك الدنيا انتي اقعدي مع زوجك وفهميه بذي الطريقه قوليله احنا منامن من الظروف والزمن ماندري ويش يصير انا شهادتي ماراح اخليها قدرتي تروحي جامعه مو مختلطه كان بها وتخصصي تخصص للنساء والاطفال قوليله اذا انا ماعالج بنات جنسي من يعالجهم واذا ماقتنع اتركيه وزبي يعوضك الي احسن منه بس شهادتك شهادتك شهادتك اهم شي الزوج ممكن يطلق ممكن يخون ممكن يصير له حادث لكن طول ما الشهاده معاج انتي بامان لو كنتي تخصص فاشل كان قلت لج زي ماقالو الخوات زوجج احسن بس دام التخصص طب لا والف لا لاتتركين دراستج ورجعي سوي مقارنه وفتحي مواضيع المطلقات او مواضيع المتزوجات الي معذبينهم ازواجهم عشان يعطونج دفعه وتكملي دراسه وربي يوفقك وبالي فيه الصالحه
|
طيب حبايبي خلونا نتناقش بشكل موضوعي
الحين فيه اخت عزيزه قالت وش اخذنا من الرجال ياعزيزتي كيف وش ناخذ من الرجال الرجال هم سندنا بالحياه احنا من غير رجال ( اب + اخ + ولد + زووووج ) مانسوى والكل بينهش بلحمنا خلونا من الافكار الليبراليه اللي مصيرها تخلي اللي تتبعها سلعه رخيصه عند كلاب بشريه . اختي صاحبة المشكله ولله ولله ولله وحده ماخذه دكتوراه بعلم الاجتماع ولا لقيت وظيفه شوفيها عمرها 36 وعانس وتقول ليا ياليت قبلت باللي خطبني بس انا كنت مغروره وشايفه نفسي ماكنت احسب اني بشعر بالخوف من هالدنيا ووش اسوي اذا ابوي وامي راحوا وش بتسوي فيني الدنيا . ولله قالت كذا وهيا تبكي بحرررررررررقه نصيحه مني بلا جامعه بلا خرابيط تزوجي واستري نفسسسسسسسسك |
اقتباس:
الجامعات وهذه الصروح العلمية بنيت لكم يا معشر الرجـــــــــال ..!! والنســــــــــــــاء لهن الجــــــــــــــدران !! |
اقتباس:
لا قلبو مو القصد بس نحن الفتيات والنساء الزواج مهم لنا وللغايه لاننا نساء وربما نفقد ابوينا ونبقى لحالنا تنهش لحومنا كلاب بشريه عزيزتي : ان الزواج صيانه وحمايه للفتاه والشاب وهوا اسمى شي بالحياه وبعدين ترا انا بنت زيكم :) |
اقتباس:
مـــا شاء اللـــه بنت وكذا تقولين .. !! ع بالي واحد من هالشباب المتعصبين ضد عمل المـــرأة ..!! والزواج لا اختلاف فيه من أعظم السنن التي سنها الشــــــــــــــرع .. !! مجتمعاتنا الحمدلله ترحب بعمل المرأة .. والمرأة مكرمة طالما هي أكرمت نفســـــــــــــها بالبداية وعرفت بالبداية ما يزينها وما يشينها ..!! |
اقتباس:
بس مايعني هذا انها تضحي بمستقبلها علشان انانية رجل وانتي تراك مكبره ومضخمه جدا الزواج واعتقد انك لسى عازبه مادخلتي عالم الزواج لذلك تقيسين الامور بشكل رومانسي وخيالي لو كنت بعقلي الحين وخيرت بين زوجي ودراستي كان اخترت دراستي ومستقبلي بدون تردد لكنها غلطتي وسوء اختياري وانا الان اذوق جزائي.. الزوج اذا كان يحب زوجته يجب ان يبني معها مستقبلها. |
| الساعة الآن 08:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©