|
زوجي ينفي رغبته بالزواج واهله يحثونه على ذلك ماذا افعل
السلام عليكم ورحمة الله وبركاته اللي يعرفون مشكلتي مع زوجي ... دخلت ابني وسيط بيننا لان صار لنا شهر مايكلمني ويطلب حاجاته من بنتي بس ... واغلب اكله في بيت اخوه الكبير ( الله يشغله بنفسه ) . المهم ولدي كلمه قاله ان اللي يسويه فيني مايصير وان امي ماغلطت . الخ .... فزوجي قال له : خلاص انا غلطان بكيفي . وبيني وبينك كرجل انا ابي اتزوج .. علما ان ولدي اذا راح مع ابوه احيانا لمجلس عمه يسمعهم يحثونه على الزواج بصوت واطي وانه غني وقادر وش يمنعه . ويحمسونه للزواج من عائله معينه . الحين انا عرفت سر المشاكل اللي يسويها . يسبب مشكله عشان يقنع نفسه ان حياته كلها مشاكل مرييييض .. المهم انا البارحه تكلمت معه وعاتبته في البدايه ما تقبل مني كلام وقال روحي بس نامي بس لما شافني تعبت وصرت ابكي بحرقه . ان ليش حياتنا صارت كذا وان قلي بس وش غلطتي ؟ قال هو : انتي مالك ذنب بشي . بس انا رجل اخذت موقف من اهلك . ولو احد غيري كان تزوج وحده ثانيه وبدا حياه جديده بس انا مافكرت اتزوج ابدا . طبعا انا ماعلمته بالكلام اللي قاله لي ولدي . انصدمت منه مدري كلامه لولدي هو الصح والا تحسف وهون عن الزواج . والا عنده نيه مخفيها حاليا . والله مدري وش اسوي . الحين هو صار يتكلم معي عادي مو مثل قبل بس احسن شوي . وانا محتاره ارجع افتح له المواضيع والا اقفل على السالفه كأن ماوصلني شي |
السلام عليكم ورحمة الله تعالى وبركاته
أختي في الله قفلي كل المواضيع ، وحاولي تحتوينة بهالوقت الصعب هذا ، وأتصلي علية وأعتذري وقوليلة أن مالك ذنب بلي سووة أهلك ، وأبدي إستعداداتك له بالتغير وإنك بتنفذيلة كل اللي يطلبة منك ، وأطلبية أنك تطوين هالصفحة . هذا إذا أنتي تبينة مايتزوج ثانية ، وانا عارف أن وقع هالكلام بيكون صعب عليكِ لأنك بتحسين انه إستسلام ورضوخ ، لكن هذا زوجك وأعتقد أن كرامتكم وحدة ، فلا تاخذك الأنفة ، وحاولي الإصلاح بأي طريقة من غير فتح للمواضيع. الله ينولك اللي ف بالك ويهدي سرك. |
جزاك الله خيرا اخي
انا والله كنت ناويه ماعاد افتح معه شي . بس انا خايفه من روحاته الكثير لاخوه . |
أختي أنتي زوجتة أعتقد أنك تقدرين تسحبين كل أفكارة منة بس بالذكاء
قدمي تنازلات وقوليلة انك مستعدة تكونين مثل مايبي ، وأنك تبين تطوين هالصفحة ، وأنك حسيتي بلي زعلة وأن معاه حق وووووووالخ ترى الرجل بقلب طفل بالكلمة الحلوة تسحبينة. بس تمكني من الوقت وأشتغلي من الحين. موفقة . |
وعليكم السلام ورحمة ???اللـَّــ??? وبركاته
حبيت ارد لانك حلفتينا بالله والشي الثاني ولدك ???اللـَّــ??? يعينه نفس حالتي مع الوالد والوالدة بس نصيحه خليه يبعد عن مشاكلكم حلوها بنفسكم ولا الكبار لانه تعلمت درس أنا أتعب وحالتي حاله ومو بعيد يكرهوني لانه الوالد يبيني أكون بصفه ولوكان غلطان ونفس الشي الوالدة تنحل مشكلتهم ويرحون ينامون ويجلسون مع بعض ولا كانه شيء صار !!! وأنا لا الي حلت المشكله ولاشي بس تعبت نفسي على الفاضي. ???اللـَّــ??? يهدي سرك ويصلح زوجك ويبي يتزوج مع السلامه هو الخسران ماوراء الحريم غير وجع الرأس أنتي و مو قادر يحل اموره كيف وحدة ثانيه مخابيل الرجال. |
قبل شوي كلمني بخصوص عمارته اللي يبنيها . وقال راح ابيعها عشان اعطيك فلوسك الا اذا بغيتي تواصلين معي كشريكه
انا قلت له نروح كاتب عدل وتكتب لي نصها . قال لا اذا اخذتي قرض وكملتي نصف تكاليف العماره اكتب لك ذاك الوقت نصها الحين اذا تبين ورقه بكتب لك شي يثبت حقك . وانتي حره اذا بتكملين شراكه والا لا ؟ |
اول شي الله يصلح الاحوال .. وثاني شي وهو المهم أنتوا تدمرون عيالكم المساكين بتدخيلهم في مشاكلكم وخير الكلام ما قل ودل
|
طيب الرجل رايته بيضا اذا هو بيضمن لك حقك وبيكتب لك ويوثق لك شراكتك..
لا تخلين هذي الامور تدمر حياتك هو راضي ومعترف بحقك وماظلمك وانتي هاجرته واكله من عند بيت اخوه..!! وين عقلك وانتي تسلمينه لهم وتعتبين لا قالوا بيتزوج..!! اما تفكير غريب.. اما تفكير عجيب.. وين دهاء النساء ومكرهن..؟؟ الحين تعاملينه الند بالند وتبينه ما يفكر يتزوج عليك..!! حاولي تصلحين من وضعك .. احسن لك واحسن له واحسن لاولادكم واحسن للمجتمع |
ودي اواجهه بكلامه لولدي عن الزواج بس خايفه النتيجه تجي عكسيه
|
يااختي الله يصلح الحال بينك وبين زوجك مالك الا الدعاء بالليل والاستغفار ادعي ربي ان يسخرلك ويحنن قلبه عليك
ونصيحه لاتفتحي معاه مواضيع يمكن تكون انتهت بالنسبه له |
الله يفرج همك يا اختي رددي (اللهم اكفنيهم بما شئت وكيف شئت)على اخه اقصد
ثانيا عليكي بادعاء لانه يرد القضاء ولا تقنطي من رحمة الله يا عزيزتي وجهه نظري صارحيه في المواضيع التي لا تستطيعين طي صفحاتها وافعلي ذلك بكل ود وليس لوم بطريقه مزعجه اجلسي معه بعد نوم الاولاد او حتى عند قرابة نومكم ايضا على السرير مثلا وقوليله بكل ود حبيبي بداية لكي ينصت لك ولا تجعلي اسلوبك معه جاف لا خلك في منتهى الرقه مثل ماقالو الاخوان كأنك تحادثي طفل ولا تكثري يعني بس المواضيع المهممممممممممممممممممممه لو عصب او حسيتي نظرته انظعاجيه او شيء تقربي منه اكثر وحطي يدك على صدره وقوليله انا ابيك تكون سعيد وامسحي على راسه واهم شيء عندي رضاك وووووو ما اوصيك انت ادرى مني المهم انك قبل ماتتكلمي معاه تكونين متزينه عالخفيف بس يعني لبسه حلوه يبان فيها جزء من مفاتنك شفافه يعني لا تحطي مكياج او شيء او لوحبيتي عالخفيف بس زطبعا عطري وسرحي شعرك واهم شيء الاذكار اذكار الصباح والمساء واربي يفرج همك |
نسيت شيء عزيزتي لا تقوليله شيء عن الموضوع الاخير ولا تفتحي له هذا الباب
يعني كانك ماتعرفي شيء وخلي ثقتك بالله اولا ثم بنفسك كبيره والله اعرف اخت تزوج عليها زوجها ثم رجع اليها وطلق الثانيه وندم على فعلته بعيد علي وعليك ان شاء الله:29: انا لا اريدك ان تصلي لهذه المرحله تداركي الموضوع من بدايته على قوله اخوانا المصريين قبل ما توقع الفاس في الراس وتعلمي الدهاء و خلي غيرتك على زوجك اتفتح اعيونك وتتركي العناد والكبرياء وتقولي هذا زوجي وابو اولادي وربي ايهدي النفوس تقبلي موري |
موضوعك اجبرني اسجل دخول وارد عليك لأني امس قرأت موضوعك اللي بخصوص الشراكة حبيبتي من حقك تثبتي ملكيتك معاه قولي له انه انتي مو مخونته في الفلوس وانه عندك استعداد تكملي معاه وتاخذي قرض لكن الان لو يكتب لك ورقة ويخلي عليها شهود اذا ينفع ويثبت لك الفلوس اللي اخذها منك وبيني له انك مستعده تاخذي قرض لكن يكتب كل الاوراق قبل بينك وبينه كشراكة وبعدها خذيه نصيحه ياحبيبتي لاتاخذي القرض قبل لايكتب لك شي رسمي والله يسعد قلبك سوي نفسك ماسمعتي شي عن كلامه لولدك انه بيتزوج وتعالي له بالحيله وبكل وسيله ممكن تكون مدخل تكسبي قلبه فيه وادعي كل يوم وصلي الليل وتوسلي لربنا يحل مشكلتك ويساعدك في امرك واستخيري قبل لاتكملي الشراكة معاه واستخيري قبل القرض لان الله اعلم بالخير وبيسهله لك ربي يوفقك ويهدي قلبك للصلاح والخير |
قلبي معورني والله . حاسه ان احد من اهله يحفر لي . الله يجعل تدبيرهم تدميرا لهم .
زوجي يقول انه بيوقف بناء لان ماعنده سيوله . بس هو كذاب انا متأكده ان عنده فلوس |
| الساعة الآن 04:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©