|
بالله وش تقولون بزوج يضرب زوجتة وهي نفاس
انا لي شهر تقريبا والدة زعلت على زوجي وصرت ماكلم طبعا بسبب تقصيرة معاي لابعد الحدود ويكلمنى صرت مارد على ومادريت الاضاربني على راسى ضربى قوية طبعا رجعتها لة وشوي الا قايم يضربني بسلك حديد وقام يشوتني برجلة وعطني ضربة على رقبتي بغى يكسر ظهري بها و4 ضربات في راسي الحين وارمة وفي رجلى كمان حمراء منالضرب ورقبتي وظهري ماقدر انام من قوة الضرب هذا زيادة على الام الولادة الى لسة ماراحت واقسم بالله كرهته كرهه مايعلم فيه الاربنا موطايقته وترا مو اول نفاس يضربني فية اوالمولود لي كان يضربني في الحمل وبعد الولادة وفي حملى الثانية كان يضربني في الحمل وبعد الولادة كلام وتجريح مالة داعي والحين ضرب وبغى يذبحني من قوتة غير انة سوى عقيقة وانا كنت عند اهلى ومو اول مرة يسويها حتى سابع الاول سواه وانا عند اهلى ادمي حجر زي كذا وش تسوي معاه طبعا اهم صفة فية الانانية
|
لاحول ولاقوة الا بالله
اعانك الله وفرج همك وهم كل مهموم عليك بالدعااااااااء والتضرع لله وتحري اوقات الاجابه |
اقتباس:
|
طالما فيك اثار وكدمات روحي المستشفى وخذي تقرير طبي
هذا ما اخاف الله فيك وانت في اضعف حالاتك فلا تخافين انت وربيه وخذي حقك بالقوة |
ماقدر اروح مين يوديني انا اهلى في مدينه ثانيه
|
تبا لهذا النوع من الرجال
يستغل ضعفك وبعد اهلك!! لكن انتي قلتي لما ضربك رديتيها له؟؟ صح؟؟ |
ما يصير كذا يا أختي
ما عندك أب ما عندك أخ يوقفونه عند حده |
الضرب ذل واهانه لاتسكتي دخلي اهلك وخليهم ياخذو حقك لاسكتي تترى يركب فوق راسك ويستغل ضعفك لو قعدتي عند اهلك بعد علشان يتادب ويعرف قيمته وش ذا الانانيه والوقاحه الله يعينك بس00
|
ياأختي المفروض من أول مره مد يده
عليك أنك مدخله أهلك! يوقفونه عند حده ويحسبلك حساب قبل لايكرر فعلته!.. هذا الي خلاه يتمادى شافك ساكته يقول أضربها ولاتعلم أحد! مالقى راااااادع اللله يفرج كربتك ويزيل همك ويهديه .. |
في وقت النفاس المفترض اهلك بالقرب منك
مين يعتني بك وبالمولود حاليا؟؟؟ شهرين اقل شئ راحه ونقاهه بعد الولاده اصلا النفسيه تكون متعبه ومجهده ومحتاجه لروقان ليش ماتبعدي عنه وقت النفاس ومنها تعتني بنفسك ونفسيتك من خلال حديثك كأنكم مليتو من بعض ممكن ناشبين لبعض |
???اللـَّــ??? يكون بعونك ''مايصير تسكتين وين عايشين يمد يده عليك وأنتي تعبانه !!
كلمي أبوك وأخوانك أي أحد من قرايبك خليهم يكسرون راسه الي مايخاف ???اللـَّــ???. مهما كان الغلط ماتوصل هالدرجه وحتى لومديتي يدك عليه وياليت كسرتي يده من حقك يستاهل. حسبنا ???اللـَّــ??? ونعم الوكيل. ???اللـَّــ??? يخليك لاتسكتين كل مرة وآخرتها يسبب لك عاهه ويرميك. مقهورة والله ودي بيدي شيء نقدمه الشكوى لله لانملك إلا الدعاء. |
الحمدلله على كل حال وش تقولين
لوحده ولدت قيصري وانضربت بعد اسبوعين من ولادتها .. من غير الضرب ايام الحمل وبعده وكل مره .. حسبي الله ونعم الوكيل على كل رجال يستقوي على زوجته.. |
ياعمري انت ربي يكون بعونك وينصرك يارب
هالضرب الي انضربتيه ماتستحمله وحدة بكامل صحتها فما بالك وانت بفترة نفاس وضعيفة وقايمة من ولادة حبيبتي لازم يكون لاهلك موقف حازم منه اتصلي على اهلك لازم رجال يتصدى له ويعرف ان الله حق لابد يكون معاك تقرير طبي اتصلي على اهلك يجوك حتى لو من منطقة ثانية وانت كمان لاتستفزيه الله يهديك ويصلحك |
اتصلي على الإسعاف سجون ياخذونج
قولي لهم انج نفاس وما فيج حيل من قوة الضرب وسوي محضر او تقرير طبي وانتي بالمستشفى اتصلي على اهلك لازم يشوف منك العين الحمرا ترى اذا سكتي راح يتمادى اكثر واكثر |
زوجك تمادى لأنه ما وجد موقف قوي يرده من أول مرة ..... لما ضربك أول مرة ليه تسمحيله ؟؟؟ وليه أصلا ترجعي بدون ضمانات ؟؟؟؟؟؟؟؟؟؟؟؟؟؟؟ إذا لم تفرضي أنت احترامك على زوجك فنحن لن نستطيع أن نفعل ذلك عوضاً عنك كوني قوية باحترام فيما يتعلق بحقوقك |
حسبي الله ونعم الوكيل فيه
حبيبتي وضحي لنا اسباب ضربه لكِ صحيح مافي اي مبرر وسبب قوي يستدعي ضربو لكِ بس خبرينا اكتر عن حياتكم وان شاءلله نساعدك ياقلي : ) |
مثل ما قالت أختي الروح الهائمة
وجهة نظري تماثل وجهة نظرها مشكلتك إنك ما حطيت حد له من البداية فتلاحقي ألحين نفسك و كلمي أحد من أهلك يجيك حتى لو كانوا مو في نفس المنطقة.... إنت محتاجتهم دحين لازم يحس زوجك إن لك ظهر و إن الضرب ما راح يمر من دون حساب |
حتى انا انصحك وربي انا كلمت اهلي عن زوجي ودحين صار محترم انا كلمت اخويه
وصار يعرف انه ورايه احد وصار يعرف اني مااسكت واني اهرج في الاخير .... |
طيب اروح لاهلي وانا عندي ثلاثه اطفال مين يصرف عليهم هو ماراح يرسل ريال واحد
|
حسبي الله عليييييييييييييييييييييييييييييييييييييه
|
الله سبحانه اللي خلقهم متكفل في عيالج
لا انتي ولا هو اللي ترزقينهم بس ربنا يقول ولا تلقوا بايديكم الى التهلكة اللي انتي فيه تهلكة وإهانة ما يصير تسكتين |
رجل غريب يضرب زوجته. ويحرص على عمل العقيقة.
اعانك الله اختي لبد مت تدخل احد لمناصحته |
بنت الاكراااام .. ماتنمد ايد عليها . لا زوجها ولا غيره .
قولي له انا طول عمري حياتي كريمه .. وخلي احد مثل ابوك واخوك يتدخل ويعصررره شوي ياااااسلام .. الرجااااال لما يشوف لك ظهر ورجال مثله يتفاهم معاه .. يتغيررر وتكبري بعينه وبيحسب لك حساب |
لا لا يا اختي مشكلتك بسيطة ليش تشتكين وليش تقولين لأهلك
ان زوجك يمد ايده عليك وانتي حامل وولادة كمان المسأله مو مستاهله خليك الحين اللين يكسر لك العمود الفقري او يجيب لك ارتجاج بالمخ لاسمح الله او يكسر يدك او رجلك او يضربك ضربه تسبب لك نزيف داخلي بعدين روحي واشتكي لأهلك ولشرطة وللإمارة ولاتخلين ولا دايرة حكومية اشتكيه وبهذليه ذاك الساع هاذا لو كان فيك حيل واذا مارماك عند اهلك بحجة انك صرتي انسانه عاجزه عن القيام بخدمته تدرين ان حقوق الزوجات ماضاعت وكرامتهم ما انداست تحت اقدام ازواجهم اللي هما مثل اشباه زوجك إلا بسبب وجود زوجات مثلك ساكتين عن حقوقهم وراضيات عن اهانتهم وضرب ازواجهم لهم ليش تسكتين من البداية ليش اعطيتيه مجال يمد يده عليك ويتمادى وليش ما اشتكيتيه لشرطة واتصلتي على اهلك يجون يأدبونه من البداية اللي مثل زوجك مايستحق الا انك تفضحينه وتجرجرينه لشرط والمحاكم حتى يستفيق ويصحصح وكل ما مافكر بس مجرد تفكير انه يمد ايده عليك يتذكر الدرس اللي مره عليه ويتوب من مدة اليد انا والله ما قهرني الا ضربه لك وانتي حامل وانتي ولاده يا اختي كيف صابرة بالله عليك كيف صابرة عليه لو قدر الله وناولك رفسه طلعت طفلك من عرضك وانتي حامل وصار فيك او في جنينك شئ لاسمح الله وضرب الرأس خطير لا تستهينين فيه احيان لوكانت الضربة قوية تدخلك في غيبوبة لاسمح الله وعيالك خليهم بحلقه ليش تاخذينهم معاك قولي له شيل عيالك معك واضغطي على نفسك وعلى اعصابك ترى رايح يطفش منهم ويجيبهم لك ولو خلاهم عند اهله ماراح يستحملونهم والله ليرجعهم لك وهو غير راضي وانتي لاتاخذينهم الا يدفع لهم مصروف مثل الناس واجلسي عند اهلك حتى يجي ويجلس للحق بين رجال ويتفاهم مع ابوك واخوانك انه ماعاد يمد ايده عليك ابد خلي اهلك يضغطونه حتى يطلعون عيونه واخوك يقول له ترى ان مديت يدك عليها مرة ثانيه باخذ حقها منك بدل الضربة ضربتين اختنا ما اخذتها من الشارع علشان تعاملها بهاذي الطريقة وتمد يدك عليها بالطالع والنازل اذا غلطت عليك جيبها لنا او اتصل علينا وحنا نتفاهم معاها اما انك انت تمد يدك عليها وهي في اضعف حالتها هاذا مانرضاه ابد وترى اذا صار في اختنا شئ حنا نحملك المسؤلية كاملة وقد اعذر من انذر . وانتي لاتسكتين عن حقك ولما يضربك طيحي وسوي نفسك كأنه اغمي عليك وانك خلاص تحتاجين نقل للمستشفى وخليه يشيلك للمستشفى وبعدين افضحيه واشتكي عليه بالمستشفى وخليهم يستدعون الشرطة وقولي لهم ان ضربك وبهذلك وخليهم يعطوك تقارير طبيه والشرطة تكتب محضر بالواقعة ويستدعون اهلك وقولي لهم انا ما اقدر اروح معاه للبيت خليهم يكتبون عليه تعهد انه مايمسك بضرر لوقت حضور اهلك ولا تسامحين ولا تتنازلين عن حقك خليه يتأدب ويعرف ان الله حق وصدقيني انه ليتوب من ضربه لك بعد هاذي القرصة الحين بكرة عيالك يكبروا لما يشوفوا ابوهم يضربك ويهينك بهاذي الطريقة كيف بتكون نظرتهم لك وكيف بتصير صورتك في عيونهم هل تتوقعين انهم راح يحترمونك وراح يحطون لك قدر وهيبة وهما يشوفنك ذليلة كسيرة قدام ابوهم فكري بالمستقبل زين وفكري بعيالك لما يكبروا وهما يشوفوا ابوهم يتعامل معاك بهاذا الأسلوب انت زوجة وقبل كل شئ انسانه ولك كرامة فلا تضيعي كرامتك بهاذي السهولة . واخيرا اختي الفاضلة اريد منك انك تراجعين كل حساباتك زين فكل شخص وله عيوب ونحن لسنا معصومين عن الغلط وشوفي نفسك من ناحية اخرى هل انتي تخطئين بحق زوجك او تستفزينه بكلامك او تصرفاتك مما يجعله يثور ويتعامل معاك بهاذي الطريقة ارجوك فكري زين وراجعي نفسك وتصرفاتك واذا كان هناك فيه خلل اصلحيه بارك الله فيك واصلح الله لك كل امور حياتك يارب. |
ماشاء الله بنت الحكمي ماقصرت 1+ مع ردها
|
زوجك عذرا اختي انسان تافه !؟
وألوم عليك إنت لماذا سمحتِ له بتطول عليك؟! أنا أحتار دائما من الزوجة كيف تسمح لزوجها يضربها؟ والله أحتار ! أسمحلِ لي أختي زوجك يريد تربية من جديد ! |
اختي ليش جالسة عنده لمثل هذا شرع الطلاق؟
هذا راح تموتين على يده الله لا يقدر |
هذا الرجل لابد ان يسجن .. لابد ان تبلغي الشرطة .. و تطلبي الطلاق .. لانه في المرة القادمة سيكسر ظهرك فعلا و تكوني قعيدة .. ستقولي و من سيربي اطفالي ؟؟ اقول لك و من سيربي اطفالك لو اصبحتي مشلولة او كسيحة بسببه ؟؟
|
كلمي اهلك وقولي لهم الساااالفه من الى
وعن روحتك لاهلك ماائيد. لانه مآب يسلى فييييك. وبيقول انتي طلعتي ماطردك فاانتي ارجعي ًًً المهم قولي لاهلك تعبت من إهانته لي ابي حل ابيه ما يمد يدددددده علي وعلموهم كيف ضربك سؤال معليش ليش ضررربك وش الاسباب |
وقسم بالله لو اني بدالك لأروح لمركز الشرطه وخله يذوق اللي انا ذقته
لاتسكتين كلمي اهلك خلهم يوقفونه عند حده الله يصبرك |
الله يفرج همك وينصرك على الظالم يارب
حسبي الله ونعم الوكيل فيه |
كان الله في عونك
اختي عليك بالدعاء بأن يصلح الله حاله وان يكفيك شره بما شاء وتأكدت ان دعوة المظلوم ليس بينها وبين الله حجاب وصلاح حاله سوف يعود عليك بالفائده والاستقرار في بيتك لاتيأسي أبدا وتأكيد ان معك رب يسمع ويرا |
حاولي ماتحملين. منه تورطين نفسك اكثر الله يصبرك ويعينك. ولا تستفزينه. عشان لا يضربك
|
| الساعة الآن 09:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©