خطبت وشرطت انها ماتشتغل ورفضوا
 

بسم الله الرحمن الرحيم

السلام عليكم ورحمة الله وبركاته


انا إنسان مثلي مثل غيري ابي اتزوج وخطبت لأول مره في الزياره الأولى أعجبوا فيني اتصلوا علي قالوا زرنا نبي نتعرف عليك زرتهم وجلست مع والدها فقلت له يا عم انا اعرف ان بنتك جامعيه بس انا مابيها تشتغل الا في مجال التعليم فقط اما غير كذا مابيها تشتغل قال لا تكون شديد ومادري ايش قلت هذا شرطي قال اسأل البنت وارد لك بعد اسبوع اتصل علي قال البنت رافضه بس راجع نفسك واذا تراجعت تعال وقلنا وانا مستحيل اتنازل عن هالشرط

انا اول مره اخطب

ممكن احصل بنت توافق على شرطي ؟

وانا ما تشرطت في الجمال الفاحش ولا طلبت مواصفات خاصه بس انا طلبت انسانه من عائله ملتزمه

آرائكم

انا يوم قرأت العنوان على بالي انه انت رافض انها تشتغل نهائيا وقلت بخاطري ليش يزعل البنت جامعية وتبي تشتغل .. بس يوم ذكرت انت انها عادي تشتغل بس بالتعليم انا اشوف شرطك مافيه شيء ومن حقك بس ترى في مجالات اخرى تشتغل فيها المرأه من دون اختلاط لان اللي فهمته انك ماتبي وحده تشتغل في مكان مختلط وهذا من حقك بس اذا جيت تخطب لا تقول ما ابي الا في مجال التعليم قل ما ابي مكان مختلط وبس يمكن خافت البنت انه تحصل لها وظيفه ببنك او او مشغل او غيرها وتفوتها لان التعليم صار مكتفي حالياً ..
وارجع اقول من حقك هذا الشرط ومافيه شيء وان كان لك نصيب بتاخذه سواء في هالبنت او غيرها ..

جزاك الله خير على الرد

صحيح كلامك انا مابيها تعمل في مكان مختلط او حتى شبه مختلط بحيث انه يكون فيه اتصال بينهم وبين القسم الرجالي مثل البنوك عشان كذا حددت مجال التعليم فقط لاني مستحيل اعيش في جحيم الغيره والإهمال

وانا افكر ارجع لهم واعيد عليهم شرطي يمكن يغيرون رايهم ويوافقون او اتركهم واخطب من غيرهم

معاك حق إنت ما غلطت ، و هي برضو معاها حق
و كويس إنك وضحت من البداية

و بتلاقي اللي تتفق مع شرطك كثييييييييير ..

اخوي اتركهم وفيه بنات يوافقون ع هالشي وانت من حقكك
انك تكون واضح من الحين معهم وشكلها واضح انها في بالها شغل اختلاط
وهم قالوا راجع نفسك واذا غيرت رأيك تعال بس انت ماغيرت رأيك فاا تضيع وقت وأبدا شوف غيرها
ماتدري يمكن خيره لك ولها
والله ييسر أمورك يارب

ماشاء الله بالعكس انت سويت الصح و حتى التعليم ما ينفع الا للمرأة اللي تصبر انا رأي المرأة تتفرغ أفضل بكثيييييير من الموظفة من جميع النواحي ..

اختصر الطريق و دور على معلمة و لا ماكثة بالبيت ادا ما تحب تشتغل ابد و الله ثعب السنين و دراسة حرام يضيع و انا اشوف ان المرأة العاملة و خصوصا المعلمة دايما متجددة تتعلم طبخ جديد لبس جديد لوك جديد
انا هدا مجرد رأي و الرأي رايك في الاخير

أخي الكريم، الحياة تغيرت، وقد تكون شهادة زوجتك لا تؤهلها بأن تكون معلمة، وقرار الوظيفة سيكون مستقبلاً بقرار منكَ ومنها، ولن تفرض عليكَ هذا الشيء، إذا تزوجتَ وأحبتكَ زوجتك وأحببتها كل شيء سيكون على مايرام، المهم حياة مستقرة جميلة، ولكل حادث حديث، وكنت اتمنى أنك ما اشترطت هذا الشرط، لم نسمع أبد بحياتنا أن فتاة ذهبت إلى وظيفة دون أخذ رأي زوجها ومشاورته في الأمر ورضاه.

عادي اخويه اموورك طيبه بتحصله البنت ان شالله
وايد بنات يتمنن مايشتغلن ويربن عيالهن ليش لا ..

وموب كونك خطبت وارفضوك هذا نصيب اهم شي انك كنت واضح وصريح وطبعن بينكتب بعقد الزواج الشرط
فمن حقك هالشي في حال كانت البنت راضيه بشرطك

ياأخي أعطيك نصيحة أشرط أن لا تعمل بتاتا حتى التعليم لأن آثاره السلبية على صحة المعلمة كثيرة


أندهش من النساء يعملن في البيت أضعاف ما يعمل معظم الرجال في الخارج ويبحثن عن العمل خارج البيت

وعليكم السلام ورحمة الله وبركاته..

أخوي أنت لك حق تشترط بشريكة حياتك ماتريد
وبالمقابل الطرف الأخر له الحق بأن يقبل
أوأن يرفض شروطك..

وبالعكس زين منهم خبروك وخلوك على بينه برفض البنت للشرط ,,

وأكيد بأذن الله راح تلاقي كثير من البنات الي توافق على شرطك
خاصه أن شرطك موب تعجيزي ,,وأنت مارفضت العمل بالمطلق انت رفضت بس عملها بغير التعليم..

وأصلا أغلب بناتنا خريجات تدريس خخخ يعني تساهيل أن شاء الله..

ربي يوفقك..

خلها تشتغل عادي بس اهم شي في مكان مافيه رجال ولا مختلط او مثل ماتفضلت مثل البنوك بحيث انها ترد على رجال وكذه ,,

وانت ليش متعب نفسك اخطب واحده ما عندها رغبه بالعمل علشان ترتاح انت من هم مشت المدرسه واليوم تعبانه وبكره ما ادري ايش وهي كمان ما يكون عندها هم غير بيتها واولادها وزوجها ... والله يوقفك

جزاك الله خير على الرد بس انا قلت يمكن يغيرون رايهم

ايه لان ذا اهم شرط عندي ، لاني ابي ارجع للبيت احصل زوجتي وعيالي مع امهم

جزاك الله خير

انا قلت للتعليم فقط لاني اعتقدت انه ما فيه بنت ترضى بشرطي وبتعب ادور وحده تقبل بهالشرط فقلت خلني اقول التعليم مو بمشكله

جزاك الله خير والله يقدر اللي فيه الخير يارب
لكن مو ضروري ينكتب في عقد الزواج اهم شي البنت تقتنع حتى لو ما انكتب في العقد

لا انا احب أن أبين الأمور من البدايه وتكون البنت مقتنعه انها ما تعمل وتعتمد على الله ثم علي مو عشان امن عليا بشي لا بالعكس والله ابي لها الكرامه والراحه

جزاك الله خير

مابي زوجه عامله من اول الزواج على طول والتعليم الواحد ما يخسره حتى لو ما اشتغل العلم في العقل والقلب ويلعب دور في حياة الشخص وفهمه سواء بشهادات او بغير شهادات وبالنسبه للتجديد والطبخ واللبس شيء جميل بس مو ضروري تكتسبه من العمل حتى انا اساعدها بهالشي ونتشارك فيه

جزاك الله خير

الله يجزاك خر بس اذا كانت عندها رغبه في العمل كـ معلمه او اداريه في مدرسه انا ما امانع وبترك لها الخيار لان من الاحيه الماليه مارااقصر عليها بإذن الله وماراح تحتاج لشيء بس قلت يمكن تستفيد من الراتب في مساعدة أهلها مثلاً اذا كانوا محتاجين اما هي مسؤوليتها علي كامله حتى لو كانت موظفه

الله يجزاك خير ويبارك فيك دعواتك ان ربي يرزقني بالزوجه الصالحه والحنونه

لا مابي مثل هالمؤسسات حتى لو ما كان فيه اختلاط بعينه لاني صراحه غيور

الله يجزاك خير

الله يجزاك خير ان شاء الله هذا اللي بيصير بس حبيت آخذ ارائكم واشوف انتم معي او ضدي

جزاكم الله خير

وادعوا لي ولكل مسلم ومسلمه ولأنفسكم أولاً



شكراً لكم

اخي الكريم الشرط اللي شرطته من حقك وابسط حقوقك انه ماتعمل في مكان اختلاط وانا معك في هذه النقطه
بس ليش نحن نطلب لمن نروح مستشفى انه اللي تكشف على اهالينا تكون امرأة مش راجل
اليس توفر النساء في مثل هذه الاماكن يحل مشكله عندنا
المقصد من كلامي انه لاناخذ صوره سيئه من النساء اللي يشتغلون في مثل هذه الاماكن المختلطه
سواء كانت دكتوره او ممرضه
او في اي مكان اخر تستدعي الضروره لوجود نساء

حنون بطبعك

كلامك صحيح لكن انت قلتها اذا احتاجت نسائنا للمستشفى نفضل الطبيبه والممرضه على الطبيب والممرض ، بس ياليت المستشفيات ما فيها اختلاط وما المانع من فصل القسم النسائي عن الرجالي في المستشفيات ! لكن لاحول ولا قوة الا بالله

وانا لا اقدح في الاخوات العاملات لكني اردت ان تكون زوجتي غير عامله في مكان مختلط وهذا مستحيل اتنازل عنه

وانت عارف ايش اللي يصير في المستشفيات والاماكن المختلطه من مفاتن ومعاصي لذالك أردت أن أحافظ على زوجتي ولا احد يستطيع ان يعارضني ،

شكراً لك

شرطك عادي
بالعكس حلو ان زوجي مايبغاني اشتغل واتعب
لو رفضو عادي تلقى غيرها

لاتخاف فيه بنات كثير الوظيفه مو على بالهم
بس مدري احس الموظفه احسن بكره لو تضيق بك الدنيا مراح تغلى القرش عليك يعني انت واياها واحد
وبالتوفيق

واضح من كلامهم يبونك تغير رأيك
اما هم مارح يتنازلون
لذلك دور بنت ثانيه .. شرطك جداً عادي وفيه بنات كثير مايبون الا تعليم هم من انفسهم

اللي اوله شرط اخره نووور
يعني اذا خاطرك بالبنت وضح لهم انك ماتبي الاختلاط بس
وانه الوظيفه عادي تتوظف
اما اذا رافضين شرطك نهائيا مالك الا تشوفلك وحده ثانيه

جزاكم الله خير

وشكراً لكم على مشاركتكم لي في موضوعي

انت ما غلطت و هم ما غلطو

التعليم مو بذيك السهولة اللي تتصورها

واسطات و عوار راس و اللي وراها ظهر جامد هي اللي تتعين في منطقتها و بجنب بيتها

غير كذا هجوله في القرى و عذاب في النقل

من ناحية ثانيه كثيرين ينتقدون عمل المرأة في غير التعليم

و اذا راح بأهله لمسشتفى يلزم عليهم ابغى دكتوره ..!!!!

اذا الشعب اغلبه يمنع بناته من هذي الوظايف من يعالج محارمك اذا صابهم شي

غير كذا تخصصات البنات الآن تنوعت سكرتاريه - تمريض - ادارة اعمال

طبيعي تتعدد مجالات العمل

و العمل الشربف اللي ما يؤثر على البيت و العلاقه الزوجيه

يعتبر طيب و ضمان للمستقبل بإذن الله

للخطايا ثمن ..

عفوا ليست كل من تعمل في مجال مختلط مهدورة كرامة او عديمة اخلاق

الحمد لله اللي بتحافظ على نفسها راح تحافظ حتى لو تشتغل مع مليون رجل

و اللي براسها خراب حتى لو انها بين نسوان راح تتعامل بسوء اخلاقها

و كثير نسمع قصص عشق بين معلمات و طالبات توصل للسحاق و العياذ بالله

و معلمة زوجة لشيخ و مؤذن معروف تقبض عليها الهيئة بعد عودتها من موعد مع صديقها

الوظيفه لا تحدد مدى صلاح الفتاة من عدمه

و لا تنسى التعليم معتمد اعتماد كلي على الواسطات

لو ننتظر التعيين و ما عندنا واسطات تشيب رؤوسنا و ننسى اللي درسناه و باقي ما توظفنا

و لا يشترط الاختلاط عندك بنوك فيها فروع نسائية بحته لا يدخلها الرجال

و دور الرعاية الاجتماعية ( رعاية اطفال - رعاية مسنين )

كلها خالية من الاختلاط و الحمد لله المجالات مفتوحة

عادي جداً ما أشوف شرطك تعجيزي

دور فيه بيوت كثيره محافظه بشكل ماتتوقع اتركك من البنات الفررررري اللي كرامتها بلاستيك وتبغا الخرجه والدخله خذ لك بنت مستوره وياكثررررررررهم بس انت صفي النيه وربي بيرزقك بحوريه ماتتوقعها وتريحك وتهنيك بحياتك اما اللي تبي الاختلاط والسفور نصيحه لاتنزل مستواك لها

اذا ما توظفو الحريم بمجال الطب من يعالج محارمك


اعرف. طبيبه زوجها امام مسجد

اقول المراءة العاقلة في كل مكان عاقلة وان تحدثة مع الرجال


مديرة المدرسة ما تكلم البواب


قريبي يعمل ادارة اتربية والتعليم

يقول دائما يتصلون علي المدرسات والاداريات يبغون اشياء للمدرسة.

احبتي ... احب اعقب علي نقطه واحده فقط للاعظاء الي علقو علي مشاركتي

الدين لايمثله اشخاص بأختلاف مسمياتهم سواء شيخ مؤذن خطيب
الدين واحكامه وحلاله وحرامه ياخذ من القران والسنه وسنه الخلفاء الراشدين
فلا يحتج احد علي بأن شيخ اعرفه زوجه طبيبه ومؤذن بناته مدري ايش فيهم
الدين لايمثله اشخاص الدين يمثل نفسه
فأن اقدمت علي شي فتوقف عند القران والسنه
واعرض امرك عليهما فان وافق الكتاب والسنه اقدم عليه وان خالفهما اعرض عنه ويعوض الله خير منه

وطبعا نسأل العلماء الربانيين امثال مفتي المملكه وهيئه كبار العلماء والراسخين بعلم امثال صالح الفوزان
وال الشيخ وغيرهم


همسه : ترا الؤذن اي احد يقدر يكون مؤذن وهو لايقرا ولا يكتب ومو اي شيخ شيخ
ومازلت متمسك برائيي

لك مطلق الحرية انك تشترط ولها مطلق الحرية انها ترفض
المسلمون على شروطهم
ولكن:::: لايعني ذلك ان نقدح او نقلل من شأن احد
فالوظائف الطبية والموظفات في القطاع الصحي فيهن الصالحة وفيهن الطالحة ولاينبغي لنا ان نعمم
ولو لم تعمل نساؤنا في هذه المهنة الشريفة فمن سيطببنا ومن سيعالجنا؟!

سبق وقلت اني ما اقلل من قيمة او شرف الاخوات العاملات لكن لكل قاعده شواذ طبعاً ويا كثر هالشواذ

اليوم اتصلت والدتها على والدتي ومادري وش قالت الصراحه بس انها قالت خليه يجينا عند ابوها

وش رايكم اروح ولا اقولهم الله يستر عليكم ؟

أنت مش خسران شي امشي وشوف آخر كلام عندهم وأنت خليك على رأيك ..... وربما يوفقك.....

روح شوف وش السالفة و بعدين قرر الي يناسبك علشان بكرا ما تقول يا ريت رحت و شفت وش يبون
الله يكتب الي فيه الخير

لا أخوي روح لهم,,يمكن غيرو رايهم

وباين أنهم شايفينك عريس لوئطه ,,ومايبون يفرطون فيك..