|
شو اسوي بعمري و ياها ؟!!!!!
عندي مشكلة وايد كبيرة ...
مب قادر احلها ابد ،،،، افزعولي يالنشامى و ساعدوني الحين اللي عنده زوجة يحبها و يموت فيها و طلباتها اوامر ( المقدور عليها طبعا ) و يحاول يراضيها و لا يسوي شي يكدر خاطرها لانه يحبها .... بس هي زعلانه عليه و مب راضيه تصدق انه يحبها تعبت نفسها و تعبت ريلها معها و ضايق خلقها مب متفيجه لشي و تصييييح بدون لاحد يرمسها ... تعبت معها يا بويه شو بلاج ليش صايره جيه ما ترد كله تصيح وبس حتي دوامها ما قامت داوم .. و هامله عمرها و ولدها و ريلها مب طايقة تشوفه ... شوفولنا حل عاجل تراها عندكم هني ........ و مشكورين مقدم ... |
وليش زعلانة عليك يا بوحارب اكيد في سبب
|
أخوي الكريم بو حارب
يعني مشكلتها , انها مو بحاسة بحبك و مبتعدة عنك عاطفيا جي صح؟ ,, انت مو متزوج عليها اسفة اني اقولك أن اهوا السبب لهالمشاعر حتى لو مضت فترررة يظل بقلبها و عقلها تناقض شلون يحبنا اثنينا في نفس الوقت يمكن ودها تبي تعرف مقدار غلاتها عندك اكثر عسب تصدق و ترتاح اكثر عليها من الحب و ناقشها ,موب تقول احبج و بس لا اسألها عن افكارها شو شاغل بالها الحينة و خلها تفضفض براحتها |
|
الله يعينها ام حارب و يفرج عليها
شفت مواضيعها و ردودها و عرفت ان نفسيتها مو مرتاحة أكيد فيه شي مزعلها يا بو حارب هي كانت تتكلم عن زواجك عادي و عن ضرتها بعد لكن أكيد فيه امر مستجد معكم او تصرفات منك او من زوجتك الثانية ام حارب تحملت كثير زواجك عليها و صبرت فأظن تستأهل تصبر عليها و داريها اكثر و تاخذ بخاطرها ترى الضرة مو سهله و ما تتحملها اي زوجة .. شكل ام حارب وصلت حدها من التحمل و الصبر و هي الان مضغوطة و واقعه بين نارين .. الله يريح بالها و يصبر قلبها .. طمنا عليها ... |
تذكر الله فكل حين وفالها طيب ان شاء الله
يمكن محتاجه لرقيه شرعيه |
مطارة الزوجة والبحث عن رضاها أشبه ما تكون بالجزرة المعلقة امام انف الحمار فمهما يجري ويحسب انه يقترب منها تستمر المسافة بعدا ولا تتغير النتائج .
اعتذر لهذا التشبيه لكن التوازن مطلوب فتفرغ احد الزوجين للبحث عن ما يرضي الطرف الآخر يؤدي في النهاية الى عدم رضا الجميع . ابحث عن اشباع ذاتك وبناء صورتك امامها وستتفاجأ انها تحبك لذاتك . |
اقتباس:
اخوي بو حارب تقرب لها اكثر و احتويها اكثر هي تحبك والا ما صبرت لزواجك .. نفسيتها محبطة شوي و ممكن ترفعها لها أنت بمهارتك مثل ما احتويتها بداية زواجك .. ابنكم حرام يضيع و الاحترام و التفاهم اللي بينكم يستحق التقدير و البحث عن علاج .. هي مشحونة للآخر فخليها على راحتها تفرغ الشحنات السلبية و الغضب الداخلي باي طريقة تريحها سوا بكي او سفر او اي شي .. لا تضغط عليها أرخي معها شوي ... و تمنيت لو واصل معها رجل الرجال لكن بامكانك مساعدتها أنت و استشير معالج نفسي ان شاء الله يريحكم .. كلنا تعترينا فترات ضيق و كآبة لكن ربك يفرجها باذنه ... |
أم سفيان وغزلان فاهمينها صح كانهم،،،،، هي من تتكلم! !
|
يمكن بسبب زواجك عليها
طيب انت تحبها ومقدارها وهاالشيء واضح من كلامك ليش تتزوج عليها اذا فعلا ماتبي تشوفها زعلانه!!!! شيء يحير صراحه :( |
أم حارب ياقلبي عليها
محتاجة تسمع برنامج اذاعي ممتااااز جداً بـ ([إذاعة الرياض) اسمه حقوق المرأة ..للدكتورة نوال العيد حلقاته موجودة على النت .. الدكتورة صاحبة علم ..وتدعم كلامها بالكتاب والسنة وترد على كثير من الشبهات .. وتوضح حقوق المرأة بشكل متميز حتى أن إحدى الأمهات تقول ولدي الصغير كان بالغرفة معي وأنا أسمع البرنامج .. قال ..يمه ليتني بنت .. للأسف فيه ناس تشوه الدين ..وتربط العادات والتقاليد بالأصل الديني وهذا خطأ .. |
زواجك من ثانية كنت تحبها قبل زواجك منها حرق قلبها وزرع الشك داخلها
لسان حالها وقلبها يقول: لا يمكن يكون يحبني وتزوج بمن كان يحب لمجرد طلاقها... زوجتك عانت من أب معدد ولم يعدل وهي تراك الآن كما كانت ترى والدها. هي بحاجة لك، لا تتخلى عنها أبداً وحاول قدر الإمكان إحتواء الحالة التي تمر بها الآن بالتوفيق ان شاء الله |
بصراحه حسيت انها وحده كوبي بيست مني قاعده تتكلم باللي فخاطًريه كله '
والله يا ام حارب يا بنت داري الحال من بعضه نفس التفكير ونفس الأماني ونفس الظروف بس الصدمات عندي كانت ثقيلة العيار ! اعرف شعورها بالضبط الضبط ' أسمعني يا بو حارب وخذ العلم مني أنا ،،، حرمتك خاطرها مكسووور وبشده كبرى صدقني هيه كبرت ونفسهاا طموحه طمووووحة بشكل انته ما بتقدر تستوعبه حلم حياتها او خلنا نقول كل مخططاتها كانت مبنيه فحال زواجها من الرجل اللي هو عقدتنا فالمجتمع كل أحلام البنية مربوطة بالريل وكل شي لا عيب غلط لإنج بنيه وبيرمسون عنج لإنج بنيه لإنج بنيه لازم تتحملين كل شي شين من الريال لانه ريااال''' امل حياتها كان زوج يعوضها ويكون لها فقط وما تنعاد سوالف اهلها كان ودها تنفصل به بعييييييييد بعييييد عن العالم تنفصل حتى عن اهلها فالبداية عانت الجفاف منك وكانت تمشي نفسها ع ساس الامور ببطيب وبتعدل يمكن لو بتذكر كانت تهتم بك اكثر واكثر كانت تحاول تجذبك بس انصدمت بانه القصور مب منها واللي كانت تسويه سراااب ريلها عااايش ع ذكرى غيرها حتى وهو معاها يعني حسست بفشلها انها تجذبك صوبها !!!! انته ما سويت جريمه ولا سويت شي غلط بس تبا الصراحة وعلى حظك الحلو انته كنت متزوج من حررمه تؤب فكل شي حيويه وطيبه واحتواء بس متعقده من ضيقاتها عالريال فمجتمعنا بس زوااااجك كسررررهاا كسسسرها ولو انك يمكن توازنت بعد زواجك وبالعكس حبيتها اكثر وارتفع قدرها عندك اكثر واكثر بس هيه تبلدت وابتلت بصرااااع تعبت منه مب من ناحية الغيرة لا من ناحية خيبة الأمل من ناحية إحساسها الدائم بانه مالها نصيب تتفرد به تفرح به هالشي هو اللي مسكتنها وصادنها عنك لانها ما تقدر أتصدقك مب لأنك كذاااب لا بس هيه تعبت وايد وضيقتها على برودك وجفافك وياها وهيه. عروس كرهها في حياتها اكثر واكثر ! خلها تلزم الاذكار لانه هالفتره واحباط تعيشه تخاف عليها من انتكاسه او مس الله يحفظها وانتي يا ام حارب أنا مره قريت انه الأفكار تجذب الاحداث أنا كنت اقول مابا أعيش عيشة أمي وأبوي مابا اطلق وسبحان الله لأني كنت أخاف تشاءمت ووووواطلقت شلي التشاؤم من مخج لا تقووولين مابا أعيش كذيه ماباه يعرس مابا بنيه لإنج اللي تفكرين به هو ظنج بربج لا قولي أبا أعيش مرتاحا وأبا بنيه اعوضها وافهمها انه سعادتها مش مربوطة بقرارات رجل في حياتها البنت جنة البنت لها حقها تفرح وتتدلع وتضحك لها حقوقها اللي ما تغضب ربها وتفرحها وهذا نصيبج مع بؤ حارب صدقيني يحبج ويقدرج بس هذا النصيب صدقيني يمكن زواجه خيره لج في انه يحس بوجودج اكثر عن قبل ويرتفع قدرج يا أختي مشي الحياة لا توقفينها خلاص الماضي راح وعندج بااااجر وترا بؤ حارب جنتج وناارج جاهدي لهالجنة وخلي امنيتج رضا الله صدقيني نفسسج ونفس ظروفج بس أنا شوي اشد بس لازم نمشي الحياة دفريها ياختي دربحيها الله يسلمج ،! |
كنا نبا نصائح ترفع معنوياتها
اقول شيلو الموضوع قبل تشوفه ومشكورين |
يا خوي استهدي بالله خلها تشوفه وهيه عندك وتصافى معاها قولها أنا مب مثل أبوج او أخوج أنا حلالج واللي صار صار نحن عيال ليوم أنا سندج وانا لج دوم ومب يوم ! اسألها قولها شو يريحج بس عقب ما تقرأه وياها قولها اللي تبينه تم الساع بس عطيني ثقه ارتأحي معاي أنا غير غيييييير أنا مستحيل افرط فيج او ازعلج
|
| الساعة الآن 05:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©