غيرة خطيبي
 

السلام عليكم ورحمة الله وبركاته
أخباركم ان شاءالله كلكم بخير ومبسوطين بحياتكم ..
انا اخت مجنونةj قريت بعض المواضيع واعجبني فيكم تفكيركم وعيكم اكثر فقلت يمكن أنكم تساعدوني او تعطوني بعض الآراء اللي توعيني وتدلني أني أعيش حياتي وانا مرتاحه ولا أعاني ببعض المشاكل صحيح الحياة لابد من بعض الامور اللي ترهق الشخص بس انا فكرتي كيف أني ابديها ماابي أطول عليكم راح ادخل ع طول بالموضوع ..

انا عمري 21 وخطيبي عمره 25*
الحمدالله انا وخطيبي نحب بعض وفيه بعض الامور متفاهمين فيها وفيه لا طبعا لابد من الاختلاف
بس فيه شي مضايقني فيه وهو اللي يمكن يخلينا نزعل من بعض كثير وهي (الغيرة)*
خطيبي يغار علي بشكل مو طبيعي واحيان أحاول أني ماانرفزه ولا اثير غيرته بس احيان اتنرفز انه يغار ع اشياء مره موبيدي
هوويغار من ولد اختي مرررره مايبيني اشيله*
احيان لبسي مرره يدقق عليه عن لبسي عاتي بس نمشيها يغار من اهلي*
مايبيني اقول أحب كذا واكره كذا خلاص انتي تحبيني وبس*
طبعا انا واضحه معاه وصريحه واحب اسوي هالشي في الاشياء اللي اعتبرها انو لازم يدري عنها ويكون بوعي فيها*
يعني صريحه بالأشياء اللي تخصني انا*
انا حابه تساعدوني كيف أتعامل معاه بخصوص غيرته ودي انه تخف بس احس انها زادت ماادري اذا زاد حبه زادت غيرته
ومع الغيره مرررره حساس واحيان انا احكي ع طبيعتي وع نياتي بس ينرفزني
وأحاول امسك نفسي وامسك أعصابي ماابي اعصب او أتضايق*
يعني احيان يغار أني اروح لزواجات صحباتي يغار اذا طلعت كثير طيب انا اضطر أني اطلع لان لي اغراض*
صحيح أني اعطيه خبر أني طلعت وكذا لان هذا حقه*
هو حتي يغار من صحباتي بالواتس اب مايبي صحباتي موجوديين بس اهلي وهو
طيب انت معاك بلاك بيري ومعاك اخوياك وكل شي مثل ماانت تبي أصحابك معك انا بعد ابي صحباتي معي
أخواتي واخواني ابي ارئكم ومساعدتكم*
أخذت دوره عن الغيره الزوجيه بس مااستفدت لأني ماسمعت قصص او خبرات مثلي*
هو في نفس الوقت نمط مجتمعي عكس نمط مجتمع اهله*
إحنا فيه اشيا كثيره عاتي هم عندهم لا*
وانا أحاول قد مااقدر أني احترمه واحترم مجتمعه واهله*
واسوي اللي يرضي ربي ثم يرضيه انا ماابي اي شي يخرب علينا
يعطيكم العافيه*

معقوله هالموضوع ماقد مر عليكم او وحده من الأخوات عانت منه ومن غيرة خطيبها عليها
ع عموم مشكورين ويعطيكم العافيه
دمتم بخير

اخت سماري برازيلي يجزاك الخير يارب
حاولت افهمه واوضحه بس يزعل ويسوي سالفه
حاولت ابين له هالشي بس مو عارفه كيف بالضبط
صحيح يحبني وغيرته تدل ع مقياس حبه بس مو كذا

عادي حبيبتي
انا زوجي يغار من صحبااي لدرجه صار يكرهم
و خاطره اغير رقمي وابعد عنهم

اول كنت استفزه بس لمن شفت الموضوع زاد
وصارت كم هوشه
صرت ما اجيب طاريهم الا بالنادر

نصيحه لاتخلون الغيره تسبب بينكم مشاكل خليك ذكيه و اعرفي كيف تتصرفين

حبيبتي استمتعي بغيرته , لآتخلين الافكـــآر السلبيه تسيطر على عقلك
انا كنت مثلك بس مع الوقت ععرفت له , وصرت استمتع بغيرته
واذا في احد يأثر عليج بكلآمه عطيه طآآآف قولي بالعكس ليش انتي زوجك مايغير عليك ساعتها بتلقط وجها

هههههههههه تصدقين خطيبك نفسي بالضبط

لا بالعكس مااحد اثر علي ولا شي
بس انا حسيت انها تسبب لنا مشاكل فحرام نزعل بعض علشان امور بجد ماتسوي
بس دام أنكم تعانون مثلي ابرضي واتحملها
شاسوي مشكوريين للي ردوا

انتبهي لاتقاطعين صديقاتك واقاربك عشان زوجك
اي غيرة يرحملي والديك هذا حب تملك هذا لو تطيعينه يدفنك في البيت ماابي اخوفك بس انبهك عشان تبحثين عن اسلوب معه

عشان تتجنبين المشاكل ومايكبر الموضوع اكثر لاتجيبين طاريهم ابداااا ولاتبينن له اهميتهم بحياتك

ماحب كذا احد يتحكم
يعني هو ماخذك وهو عارف حياتك الاجتماعيه مختلفه عنه ويبي يغيرك على مزاجه مايبيك مثل ما انتي
ماحب كذا مرررررررررره انتي كبيره وعارفه وواثقه من نفسك مايحتاج احد يتفلسف على مخك
بصراحه هذا شخص غير ناضج <<<< تفاحه

شوفي اختي مو قصة انو شخص موناضج لان بجد مااسمح هالشي
هو يحبني وانا عارفه انو يحبني ويموت فيني ويعشقني
وهو خذاني وكان عارف علاقتي مع البنات كيف وكان متوقع انو راح ياخذوني منه
طبعا انا شفت كثير تعاني من هالشي وشفت الرجال يعترفون انو فيهم غيره جنونية
هو مايحب احط بخاطري شي او من هالحكي
انا لما تكلمت تكلمت بخصوص ماابي هالاشيا تأثر ع حياتي او علاقتي معه
الرجل مثل الطفل بالضبط وانا قلت شعور طبيعي بما أني لسه ناصرت زوجته وصرت حوله
علشان كذا مايحب احد يكون قريب مني غيره
انا ماابي اتهاوش مع زوجي علشان امور ماتسوي
لان انا صحباتي كل وحده محترمه حياتها مع زوجها
انا لما كتبت مشكلتي كنت ابي اسلوب حلو واسلوب يكون من الاخوان بما انهم يمكن يفهموا حالة خطيبي
ابي كيف ابين له انو مهما يكونون حولي ومهما اكون معهم انت القريب وانت اللي مأخذ القلب
هو يغار أني أشيل اي طفل ليه علشان مايمسك جسمك
صحيح أني احس بحبه بس ابي لها حد
وشكرا لكل اللي ردوا

اوناا الله يخليه لك يارب ويدوم لك هالحب
انا تكلمت مع اخصائية واخذت دورة عن الغيرة الزوجيه هي قالت لازم لها حد بس حاولي تتجنبين الاشيا اللي تستفزه
يعني أتجنب بالمره
والله يسخرهم لنا يارب ويخفف من غيرتهم الزائدة

والله يآمجنونة j ودي افيدك
بس مآدري كيف
إذا غار خطيبي يبان في عيونه وأخآف ههههههههـ
فأ حاول قد مآ اقدر إني مآ اثير غيرته

تجنبي الاشياء اللي تثير غيرة زوجتك

غيرة الزوج ع زوجته شيء طبيعي
يمكن سبب غيرته الزائده البعد عن بعضكم عشان كذا يتجنن عليك ويحاول يحافظ عليك ويحب أنه يكون عندك أهم أنسان في الدنياء . أنا مجرب هالشئ .

أرضي زوجك باللي يرضي ربي ومايضرك

الله يسعدك و يألف قلوبكم ع بعض

فمان الله


/

يابختك
يغار عليكي يعني يحبك
وانتي مو لازم تقولي له كل شي
كيف عرف ان صحباتك معك وتكلمينهم دايم
في اموور حاولي تخفينها

لازم اقوله وابين له علاقتي مع صحباتي علشان بعد الزواج مايقول من وين طلعوا ولا قد حكيتي عنهم
وهو حتي ولد اختي يغار منه
أخذتها عند الدكتور طارق الحبيب
بس بحاول أتجنب المثيرات اللي تثيره وبالمعقول وربي يعين يارب