|
خساره يازوجي ,, بيطلقني عشان ماضي؟
السلام عليكم ورحمة الله وبركاته ,,
مدري من وين ابدا او كيف ابدا ,, لكن بتكلم عن حياتي من تزوجت زوجي زوجي يقرب لي من قرايب وتزوجنا بمدح الاعل لي وبمدح اهله لي وصار الزواج والله كتب لنا كان ايام الملكه طاير فيني وماخلى فترة الملكه تطول اربع شهور وتزوجنا ,, وكان يموت فيني كل مابغيت منه شي يقول ابشري وحاضر وكنت كاني طفله صغيره وهو ابوي يخاف علي يمزح معي يلعبني يشتريلي حتى حلويات الاطفال كانو اهله يلاحظون كل هذا وكان دايم يقطون نغزات علينا يعني عيب تدلعها قدامنا روح لغرفتك ودلعها لاتكلمها ابد قدامنا احترمنا وخواته كان حيييل معي قبل الزواج وكانت احلامنا وحده وننام بغرفه وحده سوا كان يجون لنا وينامون عندنا كنت اعدهم خواتي ,,, المهم مره من المرات بدا زوجي يتغير من غير سابق انذار راح الحنان راح كل شي صار ينتقدني يصرخ علي يقولي اكبري انا دلعتك وخربتك ومن هالكلام ومره كان جالس يتغدا معي اتصلت فيه اخته قالت له ودني السوق قال طيب العصر عاد انا حامل وتعبانه ومن زمان موصيته يجيب شغله لطفله وكل مره كان يتعذر يقولي انتظري بكره انتظري الراتب المهم قلت فرصه بيودي اخته خليني اذكره بالشغله اللي ابيها لطفله قلت له حبيبي قال هاه من بعد ماكان يقولي لبيه قلت لاتنسى اغراض ولدك اذا بتنسى بروح معك مع اني تعبانه قال لا اجلسي انا اجيبها قلت طيب جا العصر وراح ولما رجع مع اخته من السوق ماجا لغرفتي وشفت اخته سالتها وقلت لها زوجي ماعطاك اغراض لولده قالت لا اتصلت فيه رد بنفسيه قلت وش فيك وين اغراض ولدك قال اي اغراض قلت اللي وصيتك قال ايه ماجبتها قلت ليه حبيبي قال مزاج ولاتتصلين يلا يكفي اني متحملك عشان خاطر امي وسكر بوجهي انقهرت انا اتصل واتصل مايرد رحت جمعت ملابسي وحطيتها بشناط واتصلت بابوي وقلت له كل شي مع العلم زوجي يحبني لكنه راعي مكالمات وافلام جنسيه وسكت ماقلت لاحد ومن القهر كيف يسوي كذا واول مره يسويلي كذا علمت ابوي لاتقولون غلطانه ادري كنت مقهوره قالي ابوي انا بكلم ابوه وبخليه يجيبك تريحين عندنا بما انك حامل ومعك طفل قلت طيب ابوي كلم ابوه وابوه قال لابوي بنتك كذابه ولدي ماعنده خرابيط لكني بكلم ولدي يخليها تجلس ويراضيها وماتطلع من بيتها قال ابوي خير بس المهم ياخذ بخاطر بنتي وسكر ابوي من ابوه ولده ماشفته ابد مرة ثلاث ايام ماجا لغرفتي نايم تحت وما اقدر اروح لمجلس الرجال فيه اخوانه ولاجا الصبح قام وراح الاستراحه ومايرجع الا والناس نايمه واخوانه بالمجلس يعني ثلاث ايام ماشفته ابد واسال خواته عنه يكلموني بنفسيه ويقولون لا ماشفناه واتصل فيه مايرد واسال امه اللي هي تقرب لي تقول ماشفته المهم بعد ثلاث ايام جاني بالليل ويوم شافي ملابسي كلها بشناط وماخليت شي جلس يترجاني ويقول سامحيني وانا ابيك لو ما ابيك كان من شفت شناطك قلت فرصه وروحي لاهلك وسالته ليه ثلاث ايام ما اشوفك ولاتجي قالي امي قالت اهجرها وادبها سكت ومشييت الموضوع ومر اسبوعين على هالسالفه وقلت له بروح لاهلي بغير جو اهلي بمنطقه ثانيه بعيده قال لا مافي روحه وشوي بعد ساعه اتصل فيني قال بتروحين لاهلك ترى امي بتروح مع اخوي للمنطقه اللي فيها اهلك اركبي معهم وروحي قلت طيب قال ناقصكم شي قلت ايه الطفل يبي بامبرز وحليب ومصروف قال طيب وعطاني وكان يضحك معي وسافرت لاهلي ووصلت استغربت ما اتصل قال وصلتي او لا واتصل فيه مايرد ارسل مايرد ابدا وما اقدر ارجع لو اقول لاخواني يرفضون يستحون يرجعوني بيت زوجي المهم خلاني عند اهلي شهرين من غير لايتصل ولايرسل ولاسال عن ولده بعد الشهرين ارسلت له مسج ياتجي تاخذني ياخلاص كل واحد بطريق ارسل لي والله ابيك ومابي غيرك لكن خليتك عشان تحسين فيني وتقدريني وكلمته بالتلفون قلت ليه ماكنت ترد علي قال خلينا من هالموضوع ولاتحاسبيني على شي انا مشتاق لك وبجي اخذك وصدقته على طول رضيت وسامحته وجلس يكلمني بالتلفون ساعات اقسم بالله رجع نفس اول حتى عن الجننس تكلم وانه مشتاق وفاقدني ونايم بمكاني من كثر ماوحشته وارسل لي مصروق عشان اجهز نفسي وقالي لاتنسيني من القمصاان ومن هالكلام قلت طيب وجا بكره كلمته قلت له جاهزه متى بتجي قال ما اقدر اجي الا بعد اسبوع قلت ليه خير قال اهلي بيسافرون جده يغيرون جو وانا ماودي اوديهم بس ابوي حلف علي خواتي جلسو يبكون يبون يغيرون جو لاجيت اجيك كلها اسبوع قلت طيب استانس ولاتنساني قال ان شاء الله وكل يوم يكلمني حتى وهو مع اهله والله يدلعني دلع مو طبيعي رجع مثل اول وفعلا مر اسبوع وجا واخذني وخلاني عنده اجلس خمس ايام وبالخمس الايام هاذي ماحسسني بشي ابد وكان حيل معي يمزح ويضحك وينام ويلعب وكل شي وكنت كل ماطلبته حاجه قال ابشري وكان ابوي جايبلي شغاله عشاني تعبانه المهم والشغاله كانت معي بس تنام مع شغالة اهله الزبده قالي حبيبتي بكره بوديك لاهلك قلت ليه قال عشان عندي دوره صدقته لاني غبيه وقالي بنزلك لاهلك وبطلع على طريقي للمنطقه اللي فيها الدوره قلت طيب ووداني تصدقون ما انتبهت انه ما اخذ معه شنطه ولا ملابس والله من ثقتي فيه ماكنت شاكه ابد انه ناوي لشي واحنا بالطريق طلع لي جوال ثاني وقالي هذا جوالي الثاني شفتيه قلت ايه ليه عندك جوال وحاطه بالسياره قال هذا للنت شريحة بيانات استخدمه للايفون وقلت انا طيب بس لاتعصي ربك عشان الله مايبلنا باطفالنا قال خير ووصلنا لاهلي قالي خلي الشغاله تنزل وتنزل الطفل وتنزل اغراضك طبعا هو قايلي خذي اغراضك لمدة اسبوع اسبوع بالكثير وبجيكم قال خلي الشغاله تنزل اغراضك وسلمي على اهلك وانا بسلم عليهم وبوديك مشوار انا انبسطت قلت اكيد بيعشيني بكره نزلت وسلمت وهو سلم بعدين طلعت معه ماوداني لاي مكان جلس يفتر فيني بحارة اهلي وقالي شوفي يابنت الناس انا من تزوجتك وانا داري انك تكلمين واخذتك عشان استر عليك وبغيتك صالحه بس ماطلعتي صالحه قلت خير وش اللي تقوله وش السالفه قال مثل ماسمعتي ويوم كنتي حامل بطفلك الاول كنتي تكلمين شباب ويعبون لك رصيد والساعه عشر برسلك صور محادثاتك وايميلاتك قلت وش تقول انت وش الخرابيط قال انا سمعتك مره تقولين لاخواتي وانتي جالسه معهم انا اعرف شباب يعبون لي رصيد قلت دامك سمعتني ليه رضيت على نفسك وخليتني بذمتك وحملت منك للمره الثانيه قال لاني ابيك قلت قلي مين مكذب عليك وقايلك اني كذا قال روحي اسالي عماتك " عماتي يصيرون خالاته"قلت انت تعرف لاب توبي الكل يمسكه اخواني اخوانك كلهم ياخذونه اسالهم يمكن الايميلات اللي تقول عنها لهم مارد وهو يكذب وربي انهرت وجلست ابكي بعدين قالي انزلي تاخرت بمشي قلت اسمعني قال انزلللللي ياقللللبي وهو معصب قالي ياقلبي انزلي قلت بنزل بس لاتاكدت من براءتي مالي رجعه لك قال طيب نزلت وانا ابكي ,, انا ماكان لي ماضي انا لما كنا بالعطله قبل اتزوجه انا وخواته كنا نسهر على الاب توب وندخل شات ونكلم كذا واحد بس مجرد نسكر الشات ينتهي كل شي وبس بالعطله بعدها كبرنا وبوقتها كان عمري 16 وخواته معي المهم ارجع للسالفه نزلت من السياره وانا منهاره علمت امي امي اتصلت فيه كلم امي وهو يصارخ قالت امي له ليه ياولدي تقول عن ام عيالك ككذا قال اسمعي ياخالتي انا ما ابيها وماخليتها عندكم شهرين الا وانا خالص منها قالت امي طيب ليه رجعتها اسبوع مدري خمس ايام عندك قال كذا حاجه بنفسي واخذتها قالت امي وشو اللي بنفسك قال حاجه وخلاص قالت امي اللي افهمه منك بتطلقها قال ايه قالت امي مع السلامه انهرت انا جت وعلمت ابوي وابوي انقهر قال كيف يتكلم بشرفي وابوي مايدري ان انا وخوات زوجي ندخل شات مو اكثر واتصل بزوجي وقال انت تتكلم عن بنتي انت كفو قال زوجي لابوي انا محترمك من ثلاث سنين والحين مافيني اقدرك وابوي سكره بوجهه واتصل بابوه وقال ولدك يقول عن شرف بنتي قال ابوه والله مدري عن شي ولاقالي انه بيودي زوجته لكم قال ابوي خير وسكر بوجهه واتصل بعماتي وحده وحده وقال مين اللي تكلمت عن بنتي وقالت انه تعرف شباب قال مو احنا ومدري ايش وابوي عصب وسكر بوجيهم شوي عمتي اتصلت بامي وقالت اذا انتم نسيتو سوالف بنتكم احنا مانسينا انها تكلم شباب وعتيييبي والله العظيم اذا انا ما اعرف مين اللي اكلمه انا وخواته كيف خلوه عتيييبي المهم قالت امي وشو تتكلمين عنه انتي وخافي الله ترى عندك بنات وسكرته منها امي واتصلت عمتي الثانيه قالت لامي حسبي الله على بنتك وهي منهاره هي اللي فرقت بينا انا واخوي تقصد ابوي وتدعي قالت امي بنتي مالها دخل شوفي ولد اختك شقال وانتم اللي موصلين له سالفه كيف يتهمها قالت ماقلنا له شي وهي تبكي وسكرته بوجه امي,, جت عشر ارسلت لزوجي وين صوري ومحادثاتي اللي تقول عنها قال ماعندي دليل لك بس كنت ابيك تعترفين وكان كل كلامه لي استهزاء فيني ويضحك يتهزا يقولي اشوفك منفعله كانه صحيح وش فيك اقول خلينا لاتنبشين احسلي واحسن لك قلت وش تقصد قال ولاشي وبعدها جلس يكلمني عادي ويقولي بجي اخذك بس مابي الخدامه ماتدخل بيت اهلي ابد قلت ما اقدر انا حامل وتعبانه وجلس يقولي انا عيشتك مثل الاميره قلت حتى انا ماقصرت معك وش جاك مني وجلس يقول خلينا من هالموضوع انا تعبان ونايم بالارض وبالدوام تجين تسويلي مساج وقالي من رحتي وانا ذاك الشي ابييييه يقصد الجننس المهم وعادي وقالي سامحيني وحقك علي وبوسيلي راس امك وقولي مهما يصير ابقا انا ولدها وهي جدة عيالي وجلس يضحك معي وعادي جا من بكره اكلمه يكلمني بنفسيه يقولي بجي اخذك واطلعيلي عند الباب ماني نازل ولا راح اكلم ابوك انا ماغلطت على احد واللي بيغلط علي بغلط عليه قلت ابوي خالك خذ بخاطره قال لا ماغلطت قلت ما اقدر اطلع من بيت ابوي الا بعلمه وقال خير ان شاء الله قلت شراح تسوي بتجي تاخذنا قال موشغلك قلت انا حبيبتك تقولي موشغلك يلا راضني قال ارضي من مو شغلك ولا اجلسي يعني يقصد ارضي بهالكلمه ولا بطقاق وقال سلام مشغول انا بالدوام وطلع كذاب ماعنده دوره وداني لاهلي ورجع لاهله يعني مافي دوره وسالته ليه كذبت علي وقلت عنذك دوره حلف انه كان عنده وبلغوه اخوياه ان مديرهم رفض بحجة في نقص بالدوام وودو دفعه وخلو دفعه وهو جلس مع الدفعه اللي جلست وصدقته وقالي بس اسئله وتحقيق يلا سلام عصبت انا جلست اقول ليه كذا يللعن الحب عشاني احبك تسوي كذا مايرد ابد جا من بكره اتصل فيه مايرد اتصل واتصل مايرد ارسلت له مسج ابيك بموضوع يخص الطفل واتصلت بعد الرساله رد وقال وش فيه اخلصي انا بالحلاق قلت له خلاص اكلمك بعد شوي قال لا قولي الحين قلت مافي شي بس مشتاقه لك قال خير قلت بتصل فيك شوي قال لا قلت بالليل اجل بتصل قال لا ماتفهمين وسكره بوجهي وارسل له مشتاقه لك سمعني صوتك مارد مت بكي من تغيره المفاجئ واتصل وارسل مايرد مر اسبوع على هالحال اتصل ومايرد لين مره قلت له بمسج انا مشتاقه لك واتمنى ترد علي انت تبيني ولا لا للحين تحبني ولا لا ومارد ارسلت مسج ثاني بودي الطفل الطبيب تعبان واتمنى لما ارجع ترد علي لاني ولهانه عليك وديت طفلي ورجعت ارسلت له انا رجعت وارسلت صورة ولده وقلت شوف ولدك تعبان وانا مشتاقه لك مارد ارسلت له عارفه انهم قالولك طنشها رد علي انا ما انتظر احد يقولي طنشها تبقين بنت خالي وام ولدي ولاراح نكمل مع بعض ارسلت له يعني بتطلقني مارد ارسلت مسج ثاني يعني ماراح اكون زوجتك رد وقال ايه ماراح تكونين زوجتي وارسلت له وش الاسباب قولي وش جاك عطني مجال ادافع عن نفسي مو انت قلت انا صدقتك انك ماتعرفين شباب وبس كنت اختبرك رد علي انا مشتاقه لك وترجيته ومارد وذكرته باطفاله بيضعون وارسلت له اخر مسج سو اللي يمليه عليك ضميرك انا بتشتتنا بس انا والله مافي احد بحياتي غيرك .. وانا صادقه من تزوجته وانا ماعندي شي ولا ادخل شات واصلا كنا انا وخواته مخلين الشات من قبل زواجي بسنتين يعني كنت ادخل وانا عمري 16 وتزوجته وانا عمري 19 وكنت مخليه الشات فتره ولاحبيت احد غيره والله... بعدها ماعاد ادري عنه كنت اترجاه واتصل وارسل ومايرد وابوي طرد عماتي من البيت لان هو قال روحي اسالي عماته اللي هم خالاته .. ودخلت عمي بالموضوع وقال بالوقت المناسب اتدخل بس لاتساليني وش سويت وماسويت وكلمته خليني انا اتدخل وعمي يكذب مو متدخل واقف مع خواته يقول قولي لابوك يراضي عماتك وانا اتدخل وياناس والله عماتي غلطو على ابوي وامي وابوي يقول مستحيل اراضيهم انا اخوهم الكبير كيف يسكرونه بوجهي وامي تقول هم تهجمو علي ويغلطون علي يقول نعرف بنتك تكلم شباب .. وابو زوجي كان بيجي يفهم الموضوع من ابوي بس ابوي هدده اذا جا بيقتله هو وولده وماعاد جا ابد ولاشفته وسمعت من جدتي ان زوجي قايل لابوه انا ما ابيها لها عشيق وابوه يقنعه يرجع لي ويقول من حقي عليك ترجع زوجتك وهو ساكت مايرد على ابوه ينزل راسه ويسمع ولاخلص ابوه كلام قام وخلا ابوه وامه تتصل بجدتي ولاتسال عني ولاعن طفلي وطفلي يبكي يبي ابوه وارسل مصروف قبل كم يوم لولد عمي وماقاله هذا لزوجتي او ولدي بس ارسل يعني اتصل بولد عمي قال انا حولت مصروف وسكر وولد عمي واقف مع ابوي وهو مو كبير ولد عمي عمره 20 سنه بس وصارلي عند اهلي الحين شهر تقريبا وولادتي قربت شسوي خايفه صدق يطلقني والله تعبانه نفسيتي ماضي وماكنت اكلم ولا لي عشيق بس شات انا وخواته ولانعرف اسمائهم ولايعرفون اسمائنا وخواته جلسو يسبوني بالمسجات ويقول يالردايا وبس هاذي كل السالفه وابيكم تساعدوني انا بهم كبير ومايعلم فيه الا الله... انتظر ردودكم |
ما حبيت اطلع بدوووووون ما ادعيلك ،، افرشي سجادتك وناجي ربك فهو اعلم بحالك وارحم بك من امك التي ولدتك
|
جزاك الله خير ... اتمنى تفيدوني تتوقعون بيطلقني صحيح ولا بس تهديد وعندي سؤال الحامل يصير تتطلق يعني الطلاق يقع ولا لا ؟ وعلى فكره دايم اشوفه داخل للواتس اب ويكون اون لاين بس مايكلمني ابد ونفسيتي تعبت
|
سلمي أمرك لوالدك والتزمي بقراره ... لا تكلمي زوجك بدون موافقة والدك فترخصي نفسك عند زوجك ...
اتصالك بزوجك وكثرة توددك له واعتذارك يخلي زوجك يشك فيكي أكثر ويثبت كلامهم عليكي أكثر . طريقة والدك الصارمة في نفي التهم عنك هي الصح .. حتى لو كنت أخطأت وانتِ طفلة فهذا ما يعطي زوجك الحق بمحاسبتك الان . لا غلطتي وانتي مخطوبة ولا وانتي متزوجة . لا تخلي لومك لنفسك ينعكس على تصرفاتك وتتصرفي مع زوجك وكأنك تقولي له أنا غلطت وما أتمنى في الدنيا غير انك تسامحني .... عزي نفسك يعزها زوجك .. ذليها يذلك ويدوسك باقي العمر فلا ترجعي إلا وكرامتك محفوظة ومردودة وإلا بيرجع كل فترة يعيد عليكي نفس الموال . |
مع كلام بيتا
اتبعي أبيك في حل المشكلة فزوجك كلمة توديه و كلمة تجيبه و هو متزعزع الثقة , لا يريد مقابل أباك لأنه يعرف أنه مخطأ و لادليل على كلامه و الكلام المنقول خراب بيوت , كيف تجرأت عماتك على قوله هل هن صغيرات السن أعانك الله و فرج عنك |
اهلين اخوتي لا عماتي كبيرات كلهم متزوجات اصغر وحده عمرها ثلاثين,, واخوات زوجي اكبر مني بسنتين يعني انا اصغر منهم انا عمري الان 22 سنه وهم 24 لكن عماتي مو صغيرااات دعواتكم والله اني اتذكره وابكي بحرقه لدرجة مره رحت السوبر ماركت وكنت احب نوع من انواع الكيك كنت بشتريله تذكرت زوجي كيف يجيبه لي بدون ما اطلبه عشان احبه بكيت وحسيت كبدي لاعت وماشريته من كثر مابكيت وربي كيف يبيعني بهالسهوله وهو ماشاف شي بعييينه
دعواتكم لي ونصايحكم لي |
حبيبتي الله يقويك ويحفظك الزمي الاستغفار وعليك بالدعاء فهي سهام الليل التي لاتخطئ
فكري بصحة جنينك واهتمي بطفلك وسخري طاقتك لاسرتك وانسي موضوعه لغاية ماوالدك يتفاهم معاه والله يرد زوجك ردا جميلا ويسخركم لبعض ويفتح عليكم ويكفيكم شر كل ذي شر |
الله يكون بعونك و يظهر الحق
شكلك متعلقة به بقوووة و هو للأسف متخذ هالنقطة بصالحه يتصرف معك بمزاجيته عن أذنك أختي لماذا علاقتك بعمتك (أم زوجك) متوترة و لما نصحته أن يؤدبك هل حدث بينكم شجار و مشاكل قوية ,, |
لا مابيني وبين عمتي مشاكل بس هي من اول كانت علاقتي بها سطيحه بحكم انها اكبر من ابوي وكانت لها شخصيه قويه وعقليتها كانت متحجره بحكم كبر سنها وان البنات دايم اللي يغلطون والرجال لا وحتى تفضل الاطفال الاولاد على الاطفال البنات وقالت ادبها ليس كره فيني لكن ببالها ان كل بنت او امراه عنيده ولازم الرجل يكون شديد معها .. ولكن هي علاقتها بعمي اللي هو ابو زوجي مدللها ولايرفض لها طلب ولا يكسر بكلامها على الرغم من كبر سنهم.. لكن يا اخوتي انا ابي حل كيف اثبت له برائتي خايفه يطلقني اكيد ماقال ماراح تكونين زوجتي مزح او حتى تاديب لي ابي حل ,, ابوي يقولي تطلقي منتي اول وحده تتطلق ابوي انسان متفتح بقوه يعني يقول واذا الطلاق بالعكس اوظفك واعيشك احسن عيشه واطفالك انا اربيهم وماراح ينقصك شي وبجيب لك سواق ثاني وشغاله وكل شي لكن انا رافضه ابي زوجي لاني احبه من خلصت دراستي تزوجته ماعطيته مجال لغيره وعشت مثل البنات واتشرط وافقت عليه على طول وتزوجت وكان كل دنيتي والله ابكي ان تخيلته تزوج غيري والله اقوم من نومي اقول حسبي الله ونعم الوكيل واحاول انام غصب تعبت تفكير وبكي وامثل قدام اهلي بالشجاعه وانه مايهمني وانا عكس كل هذا ...حتى قلت لابوي تفاهم معهم قال اتصل فيهم عيب طاردهم وارجع اتصل كاني خفت من تهديدهم انهم يطلقونك او بيقولون مل من بنته ماصبر عليها قال ماني متصل لاجو لي اقول لهم تبونها ولا مع السلامه هاتو ورقتها وقالي كلمه وحده يابنتي لاتدخلين عمانك بالموضوع عمانك مافيهم خير ابد لانهم مازعلو من زعلي ولاعدوك بنتهم زوجك يقول شباب يعبون لك رصيد ولك عشيق وعادي كانهم متكلمين عن بنت غريب مو بنت اخوهم... وزوجي يقول لعمي بنت اخوك كبرت المشكله وانا سالتها ما اتهمتها وهو يكذب اتهمني ماسالني ومره يقول مابيها لها عشيق يقول لاهله ومره يقول لعماني مابيها هي مقصره معي وتتهاوش معي وتمد يدها علي كله كذب بكذب ماني عارفه ليه يسوي كذا والله اني اموت فيه ومصدومه منه
|
اقتباس:
انا مع هاذا الراي الرجال لا شافك تركضين وراه بيصدق انك خاينته بس لا صديتي وماقمتي تعطينه وجه افضل وتبين نصحيتي غيري رقمك هالفتره وابتدعي وركزي على ولادتك وكثري من الدعاااااااااااااااااااااااء ترى الدعااااااااااااء يسوي العجايب والله يهدي النفوس |
والله القهر تصرفاته توحي أنه مريض نفسي اذا كان مهوب رجال خلي أبوك يعلمه أصول المرجله ورسايلك ومكالماته ما راح تجيب نتيجة مع ذا النفسيه أحقريه وتفنني بتطنيشه ويبي يجيك يركض وساعتها لاتصيرين مطفوقه وترجعين أملي عليه شروط تكفل عدم تماديه بهاذي الأساليب القذرة وربي يسهلك أمورك |
حسبي الله ونعم الوكيل .,~
حبيبتي وكلي امورك على الله وواضح جداً انه كذاب ومريض نفسي يبي له علاج .,~ يمكن انفصام في الشخصية .,~ الله يعينك ياقلبي ويقووويكي : ) |
جزاااااكم الله خير دعواتكم.. امه تتصل بجدتي ماتسال عن ولهم لاتسال عني بس الطفل ماله دخل من لحمهم ودمهم وقطعه صغيره منهم مافكرو فيه يدرون انه طاح طيحه قويه وقام فيه ابوي واخواني وودوه للاسعاف واشاعات ونزف الطفل من خشمه وفمه ووصلهم خبر من جدتي بس ماقالو كيف ولدنا مقاطعينه معي.. لكن ما اقول الا حسبي الله ونعم الوكيل على اللي خربت بيتي المشكله يوم رجعت عنده خمس ايام ماشكيت ابد وش ناوي عليه كان حنون مثل قبل واخواته كانو يتكلمون معي بسطحيه بس قلت يمكن عشاني جلست عند اهلي شهرين صاروا يتحاشوني ومايبون يكلموني وقلت الايام بتعدل اسلوبهم معي مادريت انهم كلهم مخططين على شي.. لاحول ولاقوة الا بالله وافوض امري الى الله والله بصير بالعباد ربي وان مسني الضر وانت ارحم الراحمين
|
جزاااااكم الله خير دعواتكم.. امه تتصل بجدتي ماتسال عن ولهم لاتسال عني بس الطفل ماله دخل من لحمهم ودمهم وقطعه صغيره منهم مافكرو فيه يدرون انه طاح طيحه قويه وقام فيه ابوي واخواني وودوه للاسعاف واشاعات ونزف الطفل من خشمه وفمه ووصلهم خبر من جدتي بس ماقالو كيف ولدنا مقاطعينه معي.. لكن ما اقول الا حسبي الله ونعم الوكيل على اللي خربت بيتي المشكله يوم رجعت عنده خمس ايام ماشكيت ابد وش ناوي عليه كان حنون مثل قبل واخواته كانو يتكلمون معي بسطحيه بس قلت يمكن عشاني جلست عند اهلي شهرين صاروا يتحاشوني ومايبون يكلموني وقلت الايام بتعدل اسلوبهم معي مادريت انهم كلهم مخططين على شي.. لاحول ولاقوة الا بالله وافوض امري الى الله والله بصير بالعباد ربي وان مسني الضر وانت ارحم الراحمين
|
المشكله فى شخصيه زوجك الضعيفه ..!
كيف يسمح للناس تتجرأ على زوجته عرضه شرفه !؟ وبدون دليل ولا مواجهه ! فقط كلام انصب فى اذنه وتعامل معاك على أساسه ! وين الثقه وين الأمان وين الزوج الى يحمي أسرته من اي ضرر.! وايضا أنتي غلطتي حيل بحق نفسك وحق والدك وذليتي نفسك وتوددتي له مع أنك مقذوفه بعرضك والأجدى أنك تكونين اكثر صرامه وتطالبين بمواجهه وبعدها رد أعتبار ! الحل أنك تتركين الموضوع لوالدك مثل كلام الأخوات وماتردين على اي مسج او اتصال منهم نهائيا أنتي صاحبه حق ومظلومه وربي بينصرك صدقيني ولكن احفظي كرامتك بهالموقع مافى مجال للتنازلات لأنك شرف وسمعه الله ينصرك على كل ظالم ويلم شملكم |
يعني اتهمك في شرفك وشوه سمعتك عند أقاربك وأنتي جالسه تترجينه وتحسسينه انك رح تموتين من غيره.
على قولة المثل يضرب الحب شو بيذل. |
الله ياخذ الحب اذا بيذل الوحدة
اختي عليك بربي ربي وحده بياخذ حقك من اللي ظلمك ويرجع حقوقك هو بس سهااام الليل لاتنسيها ابد اختي امسكي نفسك ولاتكلمينهم وحتى زوجك التزمي الصمت واطلبي النصر من ربي هي ازمة وبتعدي حتى لو طالت صدقيني بتذوقين طعم النصر ساعتها بتنسين كل الالم اللي عشتيه بس كوني مع الله واطلبي منه وبس وخليك على مشورت والدك وكفاااية ذل لنفسك انتي مانت رخيصه يكلمك بهالشكل التزمي الصمت التزمي الصمت التزمي الصمت وعليك بالدعاء بالدعاء بالدعاء مااطلب الا رجل الرجااااااااال ارجوك سااااعدها وشور عليها |
الله يعينك طنشييييييييييييييييييييه
وهذا يتكلم بعرض بنت خاااااله وماهو كفوووو بصراحة انتي ليش رامية نفسك عليه الجأي لربك سبحاااانه وربي بيسخر لك الخير واحمدي ربك ابوك موجود الله يخليه لكم وداعم موقفك وبيعيشك احلى من عيشة الذل والمهاااانة مع زوجك تفووووووووووووو على رجال مثل زوجك انتي مدري كيف تحبينه بعد اللي سواه فييييييك !!! انسيه واسحبي عليه ولا كأنه موجود وولدك قولي له انو ابوك هو ابوه خليه يناديه بابا حسبي الله ونعم الوكيل ,,,,,,,,, والله يهون عليك ولادتك ويطمممممممممن قلبك استغفري والله ما يضيع عباده سبحاااااااااااااانه |
اولا عليك بالتوبه والاستغفار من المعصيه التي فعلتها في الماضي فسنك لا يسقط عنك التكليف فاذا صدق ندمك علي مافعلت سينصلح مابينك وبين زوجك فربما هذه المشكله من حكمه الله حتي تندمي وتستغفري علي ما فعلت
ثانيا كيف تتصلي به وتراضيه وهو طعنك في شرفك بدون بينه ان تصرفك هذا مشين وينفر زوجك منك حتي ولو كان يحبك وابوك رجل بمعني الكلمه ويعزك فلا تذلي نفسك بافعالك ان لزوجك في دوامه من كلام اهله وطعنهم فيك ولو كنت تعززت عليه لكان رجع اليك واحس بغلطته ولكنه يتهمك وانت التي تراضيه هذا شرفك وعرضك ويطعن فيك يجب ان تثوري من اجل نفسك لا ان تخسفي بها مهما كان حبك وشوقك له فهذا لصالحكم ليس لك الا الله والانابه اليه |
قوي علاقتك بالله واكثري من الدعاء والاستغفار
وطنشيه حتى تولدي واهتمي بصحتك واشغلي نفسك بتلاوة كتابه والذكر |
اقتباس:
|
حب زوجك الكبير لك وتدليله لك حتى امام اهله جعلهم يتذمرون كلهم ..ربما غيرة .. ربما حسد ..ربما قهر
المهم مكائدهم واضحة وضوح الشمس ....لماذا لم يكن اتهاماتهم لك قبل الزواج ؟؟؟؟؟؟؟؟ لماذا قبلوا كلهم بالزواج وهم كما يقولون يعلمون بخرابيط النت والان بعد انجاب طفل والثاني قريبا يملؤون راس زوجك بالاتهامات اختي والله حزنت لحالك .. حامل على وشك ولادة وانتي مقهورة حسبي الله نعم الوكيل اوكلي امرك لله سيتولاهم جميعا ..كل من تسبب في ايلامك ..كل من تسبب في اذيتك واصبري اختي وتمسكي بالله هو القادر المعين تحلي بالصبر و الحكمة وكما ذكرت الاخوات لا تذللي نفسك وان حلت المشكلة لابد ان يكون الحل جذري يا الطلاق واتمنى ان لا يكون او التصالح مع نسيان هذه الخرابيط نهائيا الله يقومك بالسلامة اختي وقلوبنا كلها معك |
وعليكم السلام ورحمة الله وبركآته أختي ليش انتِ مرخصه نفسكِ له .. وين عزّة النفس والكرآمه ؟؟ مهمآ حبيتي زوجكِ فيه خطوط حمرآء المفروض مآنتجآوزهآ .. شرف الوحده منآ اغلى مآتملك .. انتِ زوجته شعر وجهه وشرفه وام عيآله .. يقذفكِ ويتفنن بتعذيبكِ ..؟؟ ارفعي نفسكِ عنه .. انشغلي بنفسكِ وطفلكِ انتِ على وجه ولاده .. ارفعي يديكِ للسمآء كرري اللهم إني مغلوب فآنتصر .. وحسبي الله ونعم الوكيل .. انتِ صحيح تحبين زوجكِ ومتعلقه فيه .. لكن هو حتى لو يحبكِ وش فآيدة الحُب بدون خوف وحمآيه ودفء للطرف الآخر .. !! خلآكِ عرضه لإهآنآت عمآتكِ واهله وهو ولايحرك سآكن .. !! انا مآبي اخرّب بينكم بس حبيت اوضح لكِ الوضع انا حزنت عليكِ وحسيت فيكِ .. لكن يااختي حسسيه انكِ ارفع منه وانكِ وآثقه من نفسكِ ومن برآءتكِ .. ليش تذلين نفسكِ ..؟؟ إن كآن برجعتكِ له خير لكِ الله يتمم لكِ ويسخره لكِ .. كل مآحزنتي افزعي للصلآة .. اكثري من الدعآآآآآء ولاتدعين على أحد الله يقومكِ بالسلامه .. ويخلي لكِ اهلكِ .. ويحفظكِ |
شوفي اختي قبل كل حسبي الله ونعم الوكيل فيهم والله يجعل كيدهم في نحورهم والله يكفيك شرهم
والله يثبت برائتك وعفتك وطهارتك اميين ياحي ياقيوم اختي التزمي بالاستغفار والصدقه بنية ان ربي يثبت لهم برائتك وزوجك واضح ان اهله هم اللي يمشونه وماثرين عليه انتي عايشه مع زوجك ثلاث سنوات مفروض قارن بين تصرفاتك وكلامهم لك مفروض يكون واثق فيك اتوقع يوم شافوه طاير فيك شهو صورتك قدامه وهو صدقهم والدليل ان امه قالت اهجرها هجرك ع طول انتي ماسالتي نفسك وين حبه لك وين ثقته هو اللي كان يغلط عليك وكان يخونك فقلبها عليك اللي ابيه منك انك تفكرين بعقل قبل قلبك انتي ذليتي نفسك كثير ع اقل حطي قدر أبوك قدامه خلاص لا تكلمينه طنشيه شخص ماقدرك ولا قدر أولاده ولا قدر اهلك انسيه بتقولين احبه وش فادك الحب غير انه ذلك وبهذلك معه صار متي مايبي يرجعك يرجعك لان يبي الجنس واذا مابغي غير كلامه واضح ان اهله مايبونك وهم اللي يعبون راسه خلاص لا عاد تتصلين ولا عاد ترسلين حبي نفسك علشان الكل يحبك ويحترمك لو بيرجعك الحين صدقيني بيرجع وبيوديك عند اهلك بتشتتين نفسك وأولادك تري الزوج اللي مثل كذا أبدا مو كفوا انك تعيشين معاه ماشاءالله أبوك عازك في بيته وموفرلك كل شي احمدي ربك ع هالشي وادعي والحي بالدعا ان ربي يثبت برائتك وصدقيني الدنيا دواره وربي بياخذ حقك بس الحين لأعاد تتصلين ولا تقولين له انك مشتاقه تري الرجال واثق من حبك له قولي له اللي مايبيني ولا قدرني انا ماابيه انا حاولت اصلح كل شي بس أتت واضح انك بايعيني |
السلام عليكم ورحمة الله تعالى وبركاته
من باب الأنصاف والعدل لايحق له نبش الماضي والحكم علية ومحاسبتك على ماكنتي تجهلينة وخصوصاً بأنكِ أخطأتي وأنتي في سن لايفقة الرشد ، وإن كان يريد محاسبتك ف علية أن يحاسبك منذ أن دخلتي في حياتة فقط ، وهنا يحكم عليكِ ، لا أن يحاسبكِ على ما أقترفتهِ وأنتي طفلة ، ولستِ في ذمتة . ومن ثم الله سبحانه وتعالى عفو يحب العفو ف لا أعرف لماذا بكل غباء يتعامل زوجُكِ معكِ بهذه الطريقة الصبيانية !! ف لايوجد من هو معصوم عن الخطأ ، ومن منا من يخلوا من العيوب ؟ معالجة الخطأ بالطريقة المثلى وتوجيهه للصواب ، أفضل من معالجة الخطأ بالخطأ وتوجيهه للخراب . كما لو أننا سلمنا أنها قد اخطأت فهل من الذكاء تذكيرها بالخطأ ومحاسبتها على ماكانت تجهلة وهي في سن طفولة ؟ هل من الذكاء إدخال المشاكل إلى بيته وجعل حياته الخاصة مكشوفة لدى العائلة بهذه الطريقة المفضوحة ؟ أم أنه من الذكاء طوي صفحة الماضي بكل سرية دون أن تعرف الزوجة ، والأخذ بيدها وتوجيهها للصواب!!!! مشكلة جميع الرجال في مجتمعاتنا العربية بأنهم يرون بأن المرأة معصومة عن الخطأ ، وأن الخطأ لايغتفر إلا للرجال ولا يليق إلا بهم !! من الإنصاف أن لايتحدث عن الماضي الذي لم يكون فيه موجوداً ، ومن العدل أن يحاسبكِ منذ أن دخلتي حياته فقط وكل مادون ذلك من الشيطان . أسئل الله أن يوفقك . |
يا أختي الله يهديك عصبتيني واحد رماك وقذفك ويستحق أن يجلد وتتصلين به وتتوددين إليه وتتستعطفيه
يعني للأسف والدك الكريم قطع أخواته لأجل شرفك وهدد زوج أخته بالقتل إن آتى لبيتكما وتأتين أنت بكل بساطة تخربين كل شيء في لحظة أخيتي ماتقومين به إذلال إذلال إذلال لنفسك ولأسرتك فهو مسكي في شرفك لهذا توقفي حالا بالآتصال به شريحة تلفونك آرميها في الزبالة لتضتمني أن لاتتصلي أو يتصل دعي والدك يقرر وآعلمي عزيزي في فترة الحمل تكون المرآة ضعيفة وهرموناتها متغيرة وتركيزها ضعيف لهذا لاتأخذي أي قرار الان تندمين عليه وآعلمي أن الله يراكي ويسمعكي فآلتجٱي إليه لينصرك رجاءً ٱتقَلي وٱسمعي كلام والدك أرجوكِ |
سبب كل ماتمرين فيه واضح جدا .. الغيرة ..
حسبي الله ونعم الوكيل ... بعد كل هالمحبة والتواصل والقرابه .. يتقلب موازين كل هالامور اختي .. ابوكي شخص عاقل ومتفهم جدا نصيحة لوجه الله .. اتبعي كلام والدك وكلامه صحيح 100% وفعلا كلامة جوهري لما يقولك كل هالكلام الي قالوه عنك ونحن قرابه وحتى عماتك قلبوا الموضوع وغيره من الي ذكرتيه .. ب ردك .. معليش حبيبتي دوسي على مشاعرك وقلبك ولاهي نفسك بالاستغفار .. وبالصلاة .. وبالدعاء الى الله ان يفرج همك ويطهر برائتك .. ويقومك بالسلامة وباذن الله راح يكون اكبر درس لزوجك .. واتفق مع باقي الاخوات بقولهم عزي نفسك ولاترخصين نفسك ولاتمسجي مع زوجك ابدا ولا حتى اتصال وكلي امرك لله ثم لوالدك زوجك مطنشك فبادليه بنفس الامر .. ولا تلاحقيه لانه ذكرتي لانه بدا يشك بترجيكي له انه كلامه صح .. فحاذري وانتبهي لتصرفاتك تجاهه ... الي سببها صدمتك والضغط الي تعيشيه .. ركزي على ما يفيدك وما يخص سلامتك وصحتك .. ولاتركزي على الهم وكيف اخرج من المشكله .. احمدي ربك انه هناك سند لك ربي يحميه ويخليلكم اياه (الوالد) ولاتكدري خاطرك .. ورددي هذا الدعاء اختي : قال الرسول صلى الله عليه وسلم ما اصاب مسلما قط هم او حزن فقال : اللهم اني عبدك وابن عبدك وابن امتك ناصيتي بيدك ماضٍ في حكمك عدلٌ في قضائك . اسألك بكل اسم هو لك سميت به نفسك او انزلته في كتابك او علمته احدا من خلقك . او استاثرت به في علم الغيب عندك ان تجعل القرآن العظيم ربيع قلبي ونور صدري وجلاء حزني . وذهــــــــــــــــاب همــــــي. ألا اذهب الله تعالى همه وابدل مكان حزنه فرحاً.. قيل يارسول الله افلا نتعلم هذه الكلمات ؟ قال بلى ينبغي لمن سمعهن أن يتعلمهن . إقرئيه بيقين اختي .. مع قول لاحول ولاقوة الا بالله الله يفرج همك ويقومك بالسلامة |
اااااخ زواج الاقارب ومايسوي!!
وين كرامتك يابنت الرجل اللي مايقدر يستر على شرفه ويقطع الالسن اللي تتكلم على عرضه ماهو رجال مع احترامي مو وقته احبه وما احبه الموضووووغ كبيييير وانتي موحاسه الحين الكل يبي بيتكلم على اهلك وابوك وخواتك الموضوع مايمسك انتي بس !! سوي اللي ابوك يقول عليه لانه هو الصح |
ياليتك ماترسلين له ولا رسالة ..
اهجريه واتركيه . وقسم رفع ضغطي .. كيف يتهمك بشرفك وانت ترسلين له حبيبي وماادري ايش ! تعوذي من الشيطان واشغلي نفسك . يكفيك حملك وولدك .. هذا مايستاهل تضيقين صدرك علشانه . ومن الآن لاتردين ع أي رسالة منه ولاااشي , خلي الموضوع بيد أبوك الله يخليه لكم . واحمدي ربك ع نعمة أبوك , اقري بعض المشاكل هنا , أبوها يرجعها لزوجها ويرخصها , بس أهم شي ماتتطلق , ربي يعينك. |
واضح جدا غيرة أخواته و امه
و عرفوا يعبوا راسه عليك |
اللي مايحافظ على بيته وعرضه وسمعة زوجته ماهو رجاااااال ابد ماهو رجااااااال
انتبهي لنفسك ولصحتك واشغلي نفسك بحملك وطفلك وبتقربك لربك والله هنا بتلاقين النجاة الزم ماعليك صحتك لاتعبتي ولا صارك شيء لاسمح الله والله مابيذكرونك ولاهم نافعينك ولاتزعلين ان مسوا بشرفك ترى ام المؤمنين عائشه تكلم في شرفها وانا هنا عندك بعد وترى حنا ماحنا احسن ممن اقرئها جبريل السلام زوجة رسول الله هذا بلاء وامتحان لك على صبرك وان شاء الله تكونين قده زوجك حطي عليه اكس كبير واقطعيه وخلي والدك يتصرف الله يخليه لك ولايحرمك منه ولايحرمه منك |
انت تقولين اشلون مايسألون على ولدهم قطعه منهم من لحمهم ودمهم !!!!!!!!
اختي نسيتي نفسك انك قطعه منهم بعد ومن لحمهم ودمهم وشوفي وش سووا فيك اختي هذولي جبابرة وظلمه وذوي قلوب حجر قااااسية لاتفكرين بيرحمون ولدك لانهم مارحموك اساساً ولاخافوا ربهم فيك لان الظلم ظلمات لاتخافين ربي بيفرجها عليك انت ابتعدي عنهم كل ابوهم وزي ماقالوا الاخوات اكسري الشريحه ساعتها ان بغااااك لازم تحطين شروط وشروط ترجع لك حقك وان مايبغاك قولي اهلاً بما سيكتبه لي ربي وشرفك وعفتك اكبر من اي طلاق وزواج يمكن بالعكس يكون الطلاق رحمة بك وفاتحة خير عليك والظاهر ان في تجاوزات كثيرة بحياتك حاصلة من اول سنة زواج واحياناً الحياة اللي ماشية غلط تحتاج لمشكلة كبيرة لتقطع كل سيء فيها وتنظم الحياة من جديد تدرين والله ثم والله ثم والله اني حااااسه ان هذه المحنة بتخرج من رحمها منحة لك اسئليني اختي حصل لها قصة كبيرة في حياتها وظلم على كيف كيفك وتشويه سمعه مو بس بين الاقارب بل بين الناس اللي نعرفهم ودخلوا بنفسهم المحكمة واشتكوا وطلب ببيت الطاعه هنا انهارت اختي والله كان دخولهم هم للمحكمة اللي يبغون منها تادبها والله ان المحكمة كانت هي الفرج لها وبدل ماتادبها ادبتهم وربي رجع لها حقها من طرف هم استخدموه ضدها يعني من حفر حفرة لاخيه وقع فيها وهذولي كل اللي تكلموا عليك واولهم زوجك عندهم بنات لاتخافين طال الزمن ولاقصر بيشوفون اعمالهم ترد عليهم ربي يمهل للظالم ولايهمله فاذا اخذه اخذه اخذ عزيز مقتدر خليك مع ربي ولاتبالين ودوسي على قلبك حبك له وجريك وراه اكدله كلامهم عنك اشمخي وخليك بنت فلان مايهزها ريح ولا تتنازل بشرفها بكلمة وحدة وترى الحياة حلوة حتى لو ماكان فيها حب حبي نفسك واطفالك وربك قبل كل شيء * |
اعتذر منك انا تضايقت من كل شيء بقصتك الا ردة فعل ابوك والنعم والله فيه شدي ظهرك فيه
اختي خليك معنا لاتنقطعين عن الموضوع نبغى نعرف اخبارك والله اني حبيتك فضفضي اكتبي كل اللي تبينه هنا حنا اخوانك واخواتك بنساعدك وبنوقف معك ان شاء الله |
الله يفرج همك ويختار لك الي فيه الخير
عليك بالثقل ولا تذلي نفسك له واتبعي كلام والدك كلامه عقلاني ويتصرف بحكمه |
للاسف انت ماعندك كرامه يتهمك بشرفك وتروحين تذللين له وتتصلين سودتي وجه ابوك واثبتي لهم انك رخيصه وخفيفه
كل هذا عشان رجال لاقام ولاقعد |
وش فيك بتموتين عشان يرجعك حبيبتي اللي يتهمك بشرفك ويغدر فيك وانتي زوجته وام ولده وش ترجين منه احسك مررررره ارخصتي نفسك له غلطه اكببببببببر من اي شي سويته وانتي طفله لا تلومي نفسك ولاتعذبيها اني ماغلطتي واحمدي ربك ان ابوك واقف معاك وربي بيعوضك خير نصيحه ابعدي نفسك عنه هذا ليئم وماااااله امان ولازم هو يتادب مو انتي
|
خير وش ذا .. قسم يا انرفع ضغطي شي مو طبيعي ردة فعلك
بس بكيتي و رسلتي له مسحات ذل و ضعف ..؟ حبيبتي زوجك ضعيف و رخمة ارخي اذونه للحريم تدرين الرجال الضعيف شلون تتعاملين معه ..؟ ما ينفع أسلوبك الضعف ذا يستقوي عليك ومحد بياكلها غيرك العني جدفه شرشحيه ثوري شلون تسمح له نفسه يشك بك و يصدق فيك انا لو منك ارسل له رساله وحدة بس تهز كيانه تحسسه ان اللي سواه شي مو هين ولا سهل .. حسسيه انك ما بترجعين له و شوفي كيف يرجع لك يتبكبك وربي ان بيستحقر نفسه ان صدق فيك و بيجيك مشتاق زوجك لو شخصيته قوية كان قلت لك تعالي له بالعاطفة لكن هو كلمة توديه و كلمة تجيبه اصلا من قلتي انه حق بنات و جنس عرفت شخصيته الله يعينك .. اخس شي لا حست الحرمة ان رجلها متزعزع خليك ع كلام أبوك ولا تخالفينه انتبهي تضعفين |
اشغلي نفسك باي شي ولا تفكرين فيه
حاولي ما تفكرين فيه اكسري جوالك لا حكتك يدك تتصلين انتبهي اقري قران كثير .. و ربي بيحلها الله يفرج همك و ينصرك |
لطفاً...!! أينَ شخصيتك ودفاعك على شرفك وعرضك..!؟
العفو.. لا يحق لزوجك محاسبته على ماضيك أبداً أبداً .. طلب.. يجب عليك الحزم في أمورك هذا شئ ليس بسهل إتهام الشرف شئ كبير جداااً تعليق بسيط ... إنتِ ليس لديكِ شخصية قوية أم ليس لديكِ ثقة بنفسك أم هذا كله حب..؟! الحب.. في هذه الأمور يجب أن تتركي حنانك وحبك له بل ويجب أن تفكري في خطة للدفاع عن نفسك وعرضك وشرفك... مع تمنياتي لك بي السداد والتوفيق في حل مشكلتك..... |
[SIZE="6"]ياناااااس والله عجزت ارخصه صحيح مجروحه لكن عجزت انساه كل ماقلت بخليه ومايستاهل اتعب واحن له واتخيل لو طلقني وصار مع غيري وانهار ،، هاذي شي والشي الثاني حتى جدتي ام ابوي تقولي ما اتصل فيك زوجك قلت لا قلت لها انتي ماكلمتك عمتي ام زوجي لانها بنتها تكذب علي جدتي وتقول انا مقاطعتها وزعلانه عليها وما اكلمها هي وولدها سودو وجهه ولدي تقصد ابوي بالصدفه كنت جالسه مع جدتي اتصل تلفونها وكانت بنتها ام زوجي تسلم وقالت لامها من عندك قالت فلانه تقصدني عمتي ام زوجي كانت بتقول شي لامها بعدين قالت خلاص خلاص اكلمك وقت ثاني وسكرته وسالت جدتي مين متصل قالت عمتك الثانيه كذبت ماقالت عمتك ام زوجك مدري شتقصد قلت عاد صوتها كنه ام زوجي قالت لا ام زوجك ماتكلمني مقاطعتها ورحت اخذت تلفون جدتي بتاكد من الرقم وطلع رقم عمتي ام زوجي يعني جدتي تكذب مدري وش تقصد؟ وابوي ياقلبي راح لجدتي وحب راسها وقالها يما انتي زعلانه علي مع عيالك ترضين الرياجيل يتدوسوني واسكت كاني ضعيف ترضين ينزلون بوجهي بتراب وانا خاله مربيه ياما شلته وفتحت له بيتي وعديته بحسبة ولدي واكل من خيري هو واهله هذا جزا المعروف قال انا غبي ماسمعت كلام اخوي الله يرحمه قال لي احذر منهم تراه بياكلونك واذكرك بالايام ومات اخوي وماكنت معطي لكلامه اهتمام وسبحان الاه دارت الدنيا وطلع كلام عمي الله يرحمه صحيح لان صارله موقف معهم بتجاره وسرقوا فلوسه هالكلام قبل اربع سنوات وكان عمي اصغر من ابوي ورافض زواجي وكان يقول لابوي فركش الخطبه مافيهم خير لكن عماني الثانين يقولون لابوي هذا اخونا حاقد عشان سرقوا فلوسه وزوجها ولدنا حلات الثوب رقعته منه وفيه واقنعوني واخذته وحبيت زوجي بقوه،، اللي قاهرني ليه ام زوجي وعماتي يزوجونا متى مايبون ويطلقوني متى مايبون بعد طفلين يعني عندي واحد وواحد جاي بالطريق شذنبهم انا شذنبي ليه خطبوني ليه ماخلو اي احد غريب يتزوجني وتمشي حياتي معه مثل اختي ليه بس انا وقت بيفرحون زوجونا وقلت ماعجبتهم طلقوني وزوجي يقولي اخذتك بستر عليك ليه صورلي انتشرت عشان تستر علي ليه سمعتي انتشرت عشان اخذتني تسكت الناس وربي كم مره انخطب وانا على ذمته وهو يدري وانا اقدر اخرب حياة اخته اخته ماخذه ولد خالي وكانت تدخل معنا شات ليه ماقلت لولد خالي شوف زوجتك استر عليها كانت وكانت ليه ماخربت حياتها وهي بعد كانت معنا على الاب توب واقسم بالله ما اخذنا جوالهم ولاعندنا ايميلات بس شات من نسكر الصفحه انتهى كل شي،،وهي اخت زوجي كاتبه عني يالردايا اقدر اهددها بولد خالي واقدر اوصله واختها الثانيه بعد كانت معنا بالشات وماخذه ولد خال امي وامي تقدر تتكلم فيها وتخليه يكنسل الزواج لانه مادخل فيها لكن من طيب اصلي انا وامي ماهددناهم ولا قلنا لهم انتم لكم يد بعد وعلى فكره وقسم بالله اللي اخت زوجي اللي ماخذه ولد خالي كانت تعشق ولد عمي وكنا كلنا ندري ماعاد زوجها وتكلمه ولما نجتمع تقابله وتتكشخ عشانه بس هو ولد عمي يوم كبر هو ولد عمي تزوج بغيرها وخلاها وانهارت وسبحان الله خطبها ولد خالي ولايدري عنها وتزوجت وعندها منه ثلاث اطفال كلهم جابتهم ورا بعض والله ولاتكلمت ولاشتت اطفالها وامها اللي هي عمتي ام زوجي تدري عن سوالف بنتها مع ولد عمي حتى يوم تزوج وخلاهم سبوه وطلعو فيه عذاريب الدنيا ودايم ينتقدون زوجته وعلى فكره هي تدري اني ادري انا وامي لان ولد عمي قبل يخطب زوجته هاذي خطب اختي بس اختي صغيره حيل وقاله ابوي لو تنطر عطيتك بس بنتي صغيره وهو مانطر وكل هذا ويحسبوني ما اقدر اسوي مثلهم واخرب بيتهم لكن والله خايفه الله وانا قلت ان حصل وتطلقت بقلب السالفه كلها عليهم وبشربهم اللي شربتهم كل بناتها بقول لازواجهم عنهم وكل ازواجهم يقربون لي ،، وماكنت ابي كذا بس هم شكلهم بيحدوني على كذا لان شذنب ولدي يكسر خاطري لما يشوف اخوي جاي من الدوام يركض له يقوله يابابا وينك واخوي يضمه ويقوله انا بالدوام محسسه كانه ابوه صحيح كل هذا مو ظلم ليه انا شسويت له؟ كل امراه ماتبي الطلاق وانا مابيه بس ليه هم يسون كذا مابيه مو نقص باهلي بالعكس قسم راحه عندهم ومتعه كيفي ما اشتغل والبيت كله خدم مول ماكنت اشتغل لزوجي واهله والله حتى الطبخ اطبخ لهم مابان فيهم يكفي اشياء كثيره سويتها لهم لكن مع هذا مابي يطلق علي اسم مطلقه وانا عمري 22 سنه وعندي طفل وطفل جاي بالطريق
|
| الساعة الآن 07:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©