|
عنادها سيقلب حبي لها كره!
السلام عليكم*
انا حزين 😔!* لذلك ابدخل في الموضوع على طول!* انا خطبت وحده اصغر مني ب 9 سنوات عمرها الان 18* ملكتنا صار لها تقريبا سنه وباقي على زواجنا 4 شهور* اذاً ماهي المشكله؟* المشكله هي ان خطيبتي "عديمه احساس"* اراسلها بشكل يومي واكلمها بشكل اسبوعي* في بدايه مراسلتنا كنت اقولها كلام حب وارسلها مسجات غزل وحب وشعر * امدحها كثير واقولها انتي حلوه* قابلتها من بعد الملكه مرتين لانها في مدينه بعيده عني* اهدي عليها هدايا غاليه* اهدي عليها ورد* اقولها احبك وابوسها* لكن المصيبه واللي مخليتني حزين* انها خلال سنه كامله ماقالت لي "احبك" الا مرتين او ثلاث مرات !!!* وبالغصب بعد انا اجبرتها تقوله* والشي الثاني انا اتعب علشانها وبعد ماراتبت سفرتنا لشهر العسل وشي ماتحلم فيه* علمتها حتى شكرا ماقالت لي !* هي يبدولي انها تحبني لانه توصلني اخبار عنها انها مهتمه وسوت شغلات في نفسها علشاني* انا لمحت لها بالبدايه اني ابيها تقولي كلام حلو لكن مافيه فايده* بعدها صرحتلها اكثر من مره* وترد علي انها مهي مقتنعه بالحب الا بعد عشره وتقول انها ماتبيني ولا تبي تقول كلمات مثل ( احبك عمري حياتي ابوسك الخ)* هي عنيده بشكل كبير ولا يعجبها شي* وانا بصراحه تعبت حاولت اني ما اقولها كلام حلو لكن ما استمريت كثير وطبعا وقفت الرسايل ( الشعر والحب) * واعتقد انها ماراح تفرق معها سوا قلت او لا !* انا تعبت بصراحه* لان اللي ماطاعتني وسوّت اللي انا ابي الان ماراح ترضيني بعد الزواج.* رغم انها تقول ماعليك بعد الزواج ابرضيك.* انا احبها .... ومدري وش اسوي .... ابي رايكم؟ افكر اني اقولها لاتكلميني ولا تراسليني الا اذا سويتي اللي انا ابي؟!* شكرا* |
مازالت صغيرة.. لا تحمل في نفسك تجاهها ولا تتأثر بالعكس هذا الشيء يدل على معدنها فالخجل من شيمة المرأة.. وبعضهم لا يتقن هذا الفن ومع الأيام شوف تتعلم.. .. كن كما أنت ودعها لا تثقل عليها فالكلمة عندما تطلع من القلب تكون مفعمة بالأحاسيس لكن مجاملة للغير صدقني لا تحس بطعمها.. .. ونصيحتي لك فيما يتعلق من ناحيتك أن تكون متوازن وخير الأمور الوسط.. هذا في حد ذاته سوف يخلق لك مكانة عندها.. والنساء عموماً تحب الرجل الثقيل "هذا من وجهة نظري" والله أعلم.
|
ماشاء الله تبارك الله ، الله يوفقكم ويتمم عليكم
لا تستعجل على رزقك ، والبنت مهما كان خجوله ماتدري يمكن ودها تقول لك كل شى بس ماهي قادره عموماً بعد مناسبه الزواج وبعد ليله الدخله صدقني راح يتغير كل شى وراح تتعلق فيك ، انت مش امور حياتك ولاتنسى باقي 4شهور ان يسرها الله ولاتعاتبها ولا شى خلها بشهر العسل ممكن تحاكيها وتعلمها والله يسعدك ويوفقك |
اقتباس:
بعد الزواج يكون الحرية و أريحية أكبر ومآعندها إلا انت تهتم فيه وتراعيه وتقابله و راح تكبر وتعقل أكثر بالنسبة للعناد عندي أخت عمرها 18 اعاملها معاملة خاصة ومدارة مع تنازلات بسبب العناد إللي راكب راسها وهاذا شيء طبيعي كلنا مرينا فيه حتى إنت هاذي مو أختك هاذي زوجتك يعني شريكة حياتك ورفيقة دربك الواجب يكون تعاملك معاها غير عن الكل وتعاملها فعلا وحدة عمرها 18 مو في نفس سنك تكون مرن أكثر ومتسسامح واهم شيء لاتعاندها المشكلات تواجهنا كلنا لكن الشاطر اللي يحل مشكلاته بنجاح اعطها الحب حتى تتعود وإذا لم تبادلك احرمها و سوف تفتقده وتبدأ تطلبه منك (= الله يسعدكم ويتمم لكم على خير |
اولا اهنيك على زوجتك ماشاءالله باين عاقله جدا
ثانيا البنت ماكذبت عليك بل صدقت الحب يجي بعد العشره يعني عفيه عليها وعلى تفكيرها ثالثا وخدها مني بعد الزواج بتكب عليك الحب و الحنان والعطف وكلش لاني كنت زي زوجتك ، لكن في مواضيع ثانيه وكنت فعلا اقول لزوجي كل شي بعد الزواج لمن طفش مني و الحمدالله اتزوجنا و عارفه كيف ادير بيتي و زوجي يعني من هالناحيه ابدا لاتشيل هم فكرة انها ماتسمع كلامك الان ف كيف بعد الزواج شيلها من راسك صدقني في بعض البنات وللاسف انا احداهم كنت افجر اني بمرحله كل شي محسوب علي وكل كلمه اقولها بتطلع علي بعد الزواج كنت كةير خايف يقول عني جريئه ووووو يمكن زوجتك الفكره هذي براسها مع انو زوجي كنت عارفته كويس لكت تبقى البنت الي تحب تحافظ على بيتها و زوجها في وسواس دائم الف مبروك مقدما |
اقتباس:
اول شي حرام عليك انت تضغط عليها بها الشكل وتكرها بالزواج من بدري ياخوي خف عليها خف عليها خف عليها ,, البنت صغيرونه تفكيرها للحين على قدها وصحيح بها العمر البنت تفهم للحب وتفهم ايش يعني الحب وتفهم ايش معنى زواج ,, بس ايش عرفها بالمشاعر والرومنسيه والكلام المعسول وانت بها الشكل معها تبغاها تلبيلك طلباتك وتريحك,, وبعد تهدد وتقول لاتكلميني ولاتراسليني الا اذا سويتي الي انا ابي.. معليش من حضرتك حتى تقول تسوي الي ابي...؟ بحكم انها زوجتك تستعبدها مثلا,, لا حبيبي معليش زمن البنت الي تمشي ورا زوجها بدون رأي ولانقاش اظن انقرض خلك لين معها سايسها ضحكها خلك فرفوش ,, والله ماله داعي كل الي تبيه الحين وربي وربي وربي البنت صغيرونه مسكينه ضعيفه كل همها وتفكيرها الحين كيف منظرها قدام صاحباتها وايش بيقولو عن لبسها وتفكر بها الاشياء ,, ومع الايام يوم بعد يوم شهر بعد شهر هي بتدارك كل شي بتعرف معنى الحب منك بمعنى الاشتياق منك,, بس خلها تعيش فرحتها الحين بالي تفكر فيه وبصحباتها وقرايبها وفين تتمشا وايش تشتري ,, وافكار لسى على قدها ,, ولاكيف بها العمر ياخوي تبيها تفكر برجل بحياتها , وهي يادوب بدئت تستوعب الحين وتعيش عمرها ,, راعي مشاعرها مالها كم سنه طلعت من حياة البرائه وداخله مرحله استدراك مرحله تعيش هالبرائه بعفويتها وشوي شوي تنضج تبدء تفكر باساسيات الحياه وانت اولها واذا تبي تقتنع من كلامي... لاتصلت عليها كلمها عن ليلتها عن الاشياء الي مخططه لها وناقشها فيها شوف كيف بتزعجك اتصالات وتقولك اليوم الثاني كل الي بقلبها اما تبي وحده جاهزه مجهزه تقولك سمعا وطاعا وهي مغمضه , وتنام وتصحى وتلقى كل الي تبيه يكون فيها ,, بقولك شوف مارد علاء الدين وافركه افركه لين يقولك شبيك لبيك وقوله عن امنيتك يمكن تتحقق ولاتقولي انا سويت مجهود وتعبت وتعنيت وارسل كلام حب وماني عارف ايش ,, بقولك انت كذاب مع احترامي لك, لانك ترسل كلام حب وانت مانت قده ولاتعنيه لانك تبي تعلقها فيك وبس ولا انت مو يم قلبها ولايعنيلك احساسها شي وهي صادقه يوم قالت الحب وهالكلام تجي مع العشره ,,, وصدقو ياما قالو عقول 18 اكبر من عقول الي بالعشرينات دامك تحبها وترسل لها كل يوم هالكلام وين افعالك وتجلس تتودد لها وتشوف رضاها وايش محتاجته بس انت تبي وحده على كيفك بالي تبي وهي ولافكرت بشعورها......؟ ولايغرك بنت صغيره وتستعطفها بكلام حب ومتأثر بالمسلسلات لا ياخوي ترا كلها درامه وقصص,, انت الحين بالواقع وعليك تبني وتأسس حب طاهر مع هالبريئه بافعالك لها وتبادلها الود والمحبه والي يسعدك لاتفكر ترضخها لك وتلوي ذراعها بتهديدك لها , لان هالاسلوب اسلوب الجبناء واسلوب مقزز واسلوب يوضح مدى انانيتك , الشي اذا ماجا باقتناع محد يستمتع فيه الا الاناني الي يبي يصير هالشي ويرضي غرايزه حتى بدون اقتناع وبدون نفس من الشخص المقابل , تخيلها اختك الصغيره وجاك زوجها يشتكيلك منها بذمتك ايش بتقول لها وكيف تحاول تخليها تسوي الشي الي يبيه زوجها,, والكلام الي راح يجي ببالك قوله لها الله يوفقك ان شاء الله,, واعذرني اذا ضايقك كلامي,, بس كسرت خاطري الصغيرونه بسبب تفكيرك واندفاعك واحلامك وحب * حب ومالومك ياخوي كل ماقرب العرس كثرت الضغوطات النفسيه وكثرت الهواجس والخوف بس خذها مني وربي الي تفكر فيه وتبيه مابيجيك بيوم وليله ولايجيك من رسائل جوال ولا مكالمات بيجي على ارض الواقع بعد ماتمشيها وتطلعو شهر العسل وتشوف مواقف لك وغيرتك عليها هنا ينبني الحب وتنبني كل لحظه تتمناها ناقشها بشي مفيد بدل ماتمشي ورا عواطفك,, ولاحق عالحب والعواطف بس اشغل نفسك معها بنقاش مفيد |
اصبر عليها باقي صغيره والله يعينك
|
اقتباس:
انا كنت مثلك وحليت الموضوع هذا بعدة طرق منها اني اسحب عليها تخيل بس يوم واحد القاها تدور علي واذا كلمتني ابين لها سبب الزعل صارت مرتين او ثلاث وتغيرت البنت بحمدالله قل لها ترى اذا تعودت من الان على الجو الجاف راح استمر بعد الزواج وبتدورين الرومنسية وماتلقينها فهمها انها ممكن تقتل رومنسيتك ,,,, خطيبتي لقيت راسها محشي نصايح من البنات وسويت لها فورمات وغيرت افكارها ,,, اذبحها بالغيره اذا لك صديق خاطب قل له ارسل لي رسالة من رسايل خطيبتك وارسلها لها هههه قل لها شوفي الناس اللي عايشين وعطها دش محترم وفهمها انكم من الان زوجين لافرق بين الان وبعد الدخول بالعكس الان انت حاجتك للعواطف اكثر لانها طريق العطاء فاذا كانت مقصرة في هذا الطريق فغيره من باب اولى والبنات الله يهديهم لو جيت انت وطلبت رايهم وقلت لهم خطيبتي تبي كلام حلو وانا اشوف انه بعد الدخول قالوا لك انت جاف وماعندك سالفه خطيبتك غصب تتغير واذا ماتغيرت خلها تنسى كل شي حلو فيك طبعا لفترة بسيطه لاتصعد الموضوع وتهاوش لا خلك سياسي ,,, |
مرحبآ
أخوي :/ انا ملكت وعمري 17 سنه يعني اصغر من زوجتك وع العلم فرق بيني وبينه 10 سنوات وانا احس هذا العمر اللي ينآسبني =) كآن يكلمني بالساعتين وانا اكون ساكته ماقول ولا كلمه لما استمر يومييآ يكلمني وكآن اسلوبه مرآ حلو , صحيح مآ كان يقول كلآم حب وهالكلآم لأن كنآ في بدآية الخطوبه بس مآكان يدقق ع كل شي كآن يسلك لي ,ومتفهم وضعي اني صغيرره واستحي ومع الوقت تعودت عليه وكنت اتلكم معاه بحريه ع الجوآل بس ماكنت اقوله كلام حب الا بالرسآيل بـعدين آخووي حآول تشتري ككتب وتقرون جميع او تعطيها الكتاب اذا خلصتي عطيني اقراها , ترا حلوه الثقافه وتخليها تفتح عيونها ع اشيااء كانت ماتدري عنها وانت كذلك بتستفيد فأنصحك اصبر عليها بما انك انت تحبها , والله يوفقكم ويسعدكم يآآرب |
آخوي الكريم :/ ليش كذا
والبنات الله يهديهم لو جيت انت وطلبت رايهم وقلت لهم خطيبتي تبي كلام حلو وانا اشوف انه بعد الدخول قالوا لك انت جاف وماعندك سالفه رداً ع كلامك : لا تقآآرن البنت بالرجآل , البنت حلاتها بحيآآها والرجل حلآته بجرآآئته لو جآت لك وحده ماتستحي وجريئه ومن البدايه قطت الميانه وكلام حب وخرابيط , بتقوول شنو هذه مطفوقه ؟ولا لهدرجه جريئه ومابتجوز لك وبتعافها . |
البنت تجي من بيئه مغلقه مافيه مكان فيها للمشاعر وخصوصا مع الجنس الاخر فجاه تبغاها تصير لك وحده محترفه كثير يصير لهم كذا الفرق فيه ناس يعتبرونه مشكله وناس يعتبرونه لا انا اشوف انه شي طبيعي لما تكلم شخص تبغى تكلمه على طبيعته يعني انت تضحك مع فلان وعلان وتتعامل بشكل طبيعي بس لما تكلم زوجتك او خطيبتك تنقلب فجاه لشخص رومنسي كأنك توزع نفسك على الناس هذا الشخص اللي راح اضحك معه وهذا الشخص اللي راح احبه هذا شيء غلط خليك معها مثل ما انت مع الناس على طبيعتك وعلى هذا الاساس الحب يتكون ولما الحب يتكون راح يعبر عن نفسه بنفسه ان كان بالكلام وان كان بالافعال شوف انت واخوك او انت واختك عايشين طول عمركم مع بعض لكن مايبين حبكم لبعض الا في الاوقات الحرجه :) |
السالفة حنا عايشين في مجتمعات جافة
والله ماتعودنا نقول كلام حلو او نسمعه الا بعد الزواج انا والله اخذت فترة بعد زواجي اتقطع من العاطفة بس مااقدر اقول استحي اقوله لاني ماتعودت وحبه حبه صرت اقوله عادي فطبيعي الحياء بهالفترة |
السلام عليكم ورحمة الله وبركاته
يالله حي الحزين :d ياخي تصدق لو أنتي جنبي كان صفقتك بعلبة ديو مثلجه :18: ياخي أنت غلطان والله وبعنف .. أسلوبك خطاء يالغلا أنا حاس فيك و أعرف شعورك وحبك لها و أكثر اللي مملكين يمرون بهذي المواقف بس نقطة نظام : - انا و انت تفكيرنا غير والبنات تفكيرهم غير ياخي صعب أن البنت تصرح لك بحبها حتى وان كانت تحبك وتموت فيك "خجووله " هذي نقطه . النقطه الثانيه : لا تضغط ع البنت ترى أنت أول واحد تتكلم معاه من غير ابوها و اخوانها وطبعاً انت غير عن اخوانها تعتبر بالنسبه لها غريب وصعبه انها تتكلم معاك في أمور ماتكون الا مع المعاشره . يعني بالله فكر مع نفسك وقول " زوجتي الحين أسلوبها معايه مثل أسلوبها مع اخوانها ولا ابوها " اكيد لا .. ماهي متعوده عليك وماهي عايشه معاك صعب ياخي صدقني انا طلعت روحي وترى انا زيك مملك لي تقريباً 9 شهور وزواجي قريب بس يوم فهمت وفهموني اهلي وقالو البنت تستحي خجوله يعني حللتها في راسي وفعلاً وانت قلت مازرتها الا مرتين ترى هذي لها دور في عدم كسر بعض الحواجز بينكم اتمنى انك ماتستعجل في تفكيرك و قراراتك ترى أنت رجل يحكمك عقلك ماتحكمك عواطفك لا تسوي شي تندم عليه طول حياتك ترى زوجتك تنشرى وصدقني باقي تجي بعد الزواج وتقول ابغى حل أسكت زوجتي :22::d الله يسعدك ويوفقك ياحبيبي الله يتمم لك ع خير فمان الله |
مافي بنت عديمة احساس
ترا كلمة عديمة احساس شينــه بمعنى الكلمــه لا تعود لسانك على هالكلام .... لانه بيوم من الايام راح يطلع على لسانك قدامهـأ < خذهـا نصيحه من اخوك |
السلام عليكم بارك الله لك شخصيه خطيبتك مثل شخصيتي تمام انا مومتعوده اقول كلام حب وغزل واعبر عن مشاعري مثل زوجي ربي يحفظه السبب لااعرف السبب ممكن لاني لم ارى مي تغازل ابي في احد الايام وصدقني انا خلال فتره الخطوبه لم يسمع مني ولا كلمه حب لا ادري لماذا يقول لي انا زوجك لم يبقى سوى الاشهار بعقد القران لماذا لا تقولي لي كلام كنت ابعث له ببعض المسجات في بعض الاحيان ولكن ليس معنى هذا اني لا احبه بل اموت فيه ولكن كل يعبر بطريقته لا تغير طريقتك كي لاتحزنها وصلي استخاره مره ثانيه وقل دعاء الاستخاره في سجودك وكرره كل يعبر بطريقته صدقني انا الان متزوجه واحب ان اعبر بالكتابه ولكن هذا لايعجب زوجي :28:هوا لا يراه تطور لكن انا اراه شيء جديد وحاول اسعادها لتسعدك وليس المهم الكلام صدقني بقدر الافعال والاخلاص في الحب:28: وفقكم الله:22:
|
اصلا من الحب / انك ماتتكلم على خطيبتـك بظهرهـأ ..
تقول عديمـة احساس ومدري وشو .. الحب / انك تحفظهـأ قدامهـأ او من وراهـأ .. الحب ان قلبك مايطاوع لسانكـ .. بإنه يقول مثل هـ الكلام الحب شيء كبير .. يغفل عنهـ بعض النآس ويفكروآ الزوآج بسس قسمه ونصيب الزواج احترام وعاطفهـ وصبر على الطرف الثاني ... ساعدهـأ انك توقف معاهـا وتخرجهـا من مشاكلهـا ... والله يوفقك |
| الساعة الآن 08:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©