|
فاقده حنانه ... ابغاه يحس
صباح الخير
مشكلتي مع خطيبي كيف اخليه يحس .. امنيتي مره اسمع منه كلام مثل(حبيبتي . عمري . حياتي ..الخ ) وومن هالكلام بحياتي ماسمعتها منه يمكن مره او مرتين كتبها كتابه .. مع انه يحبني وهذا اللي يقوله لي دايم بس مادري احس اني مو قادره احس بالهشيء ..انا عن نفسي ماقصر بهالكلام واقول له بس هو ولامره قالها اللي اسمعه من الناس انو شيء حلو لما خطيبك يقول لك هالكلام تحسين باحساس حلو لكن انا ومع حظي الشين مااحس بهالشيء بالعربي كيف افهمه اني فاقده حنانه كيف؟؟!!! |
كم صار لكم مخطوبين؟؟
انت دايم تقولين كلام حلو ؟؟ |
من زمان لنا فتره كثيره
يب دايم وكثييير وحتى حياتي كلها غيرتها عشان اسوي حاجه ترضيه بس هو لاءه ساعات افكر انو مايحبني :( |
بما ان الفترة طويله وهو ما يقول كلام حلو فهو غلطان
عندي لك فكره لعاد تقولين له كلام حلو .... حتي يفقد الكلام ويسالك فاذا سالك قولي له .. استحيت انا اتغزل فيك وانت ساكت ... حسيت اني ثقيله .. جربي وان شاء الله تطلعين بنتيجة موفقه يااارب |
وهو صادق مجموعة انسان ، انا كنت مثلك بس العكس
كنت انا اقول وهي ماتقول يالله يالله ، لين ماخليتها تقول ، كنت اقولها قولي حياتي انت وكانت تستحى وودها بس مو قادره والحين من اول مكالمه تقولها اهههه على قولتهم لاتستعجلين على رزقك ، وحلات الشى ندرته تصبري واصبري والله يوفقكم ويتمم عليكم |
اصبر لين متى انا فاقده هالشيء ومحتاجته منه اذا مااخذيته منه اخذ من مين
وببصراحه استحي اسئله تخيلوا اقوله مثل كلامكم متاكده انو بيفهمني غلط <<<ياما اشياء كثيره فهمني فيها غلط من جد تعبت |
هو هالكلام بس يكتبه كتابه ونادرا
يعني من سابع المستحيلات اسمعها منه |
يابعد حي لاتستعجلين وادري ان هالشئ زين ويريحك ويحسسك بالامان
انتي اثقلي وعامليه زي مايعاملك وخليك عاديه وان شاء الله بعد الزواج بيتحسن الحال بأذن الله كم باقي على زواجكم بالضبط ؟! |
حبيبتي يوو مآفي اسسهل من مشكلتك
كنت نفس حالتك ولا أشد شوي والحين سسبحان من غير الأحوال صرت أنا إللي اتعلم منه :$ في شوية حلول أجمعها وأكتبها لك بس الشرط الوحيد إنك تكونين صبوورة وتآخذيها تحدي قولي في نفسك والله لآعلقك فيني^_* وإذا إنك مستعجلة وتبغينها بالجاهز فسوري مااقدر افيدك يبغالها حل معجزة(= |
اقتباس:
"""" طيب كيف ساعديني |
أوكي ياقممرا إن شاء الله أول ما افضى اكتبها لك ممممم يمكن على العصر او المغرب
لايهمك (= |
مسسـآء الورد عنآدي يعجبني
نبدأ الدرس ^_^ 1- تقتنعي من دآخلك إن عندك اسسلحة أنثوية فتاكة تذووب قلب خطيبك ويبغآلك تستخدميهـآ صح مع أنو من كلامك واضح إنك عندك خلفية وهاذا شيء حلو كمان حاولي تتطوري أكثر في رجال من كلمة وحدة أو نظرة تتفجر عنده مشاعر الحب ويقدر يعبر عنها بسسهولة وبعضهم ودهم يتغزلوا بزوجاتهم ورومنسين بس البيئة اللي تربوا فيهـآ جآفة فمـآيقدروا وهـآذا اغلب شبابنا لأن بيئتنا صحراوية يغلب عليهـآ الخشونة و الجفاف فطبيعي يكونون كذا وبالتدريج وشوي شوي تتكسر كل حواجز الخجل ويقدر يعبر عن مشـآعره 2- تحطين في بالك إنه إذا ماقالها هو من نفسه فمآ راح اطلبها >> كنت اقول هاذا الكلام وهي صدق والله إذا ماقالها ماراح يكون لها طعم ^_^ نبدأ نشتغل الحين تقولي إنه يكتب لك في الرسايل كلآم حلو بس نادر مو مشكلة إذا ارسلك كلمة حلوة ..تدعمييييه كيف؟ مثلا تردي عليه : يآآه حبيبي مآتصدق وش كثر كلمتك هاذي أثرت فيني.. أو ياحبني لك يآفلان كلآمك عسسسل أو يالله إنتآ رومنسسي وحنوون الله يخليك لي >> كنت كل ماقال كلمه حلوة أو أي دعوة ( من ضمن الحالات النادرة طبعا هههههـ ) أقوله وااو حبيبي إنتآ مررة رومنسسي.. وكنت ارددها كثير إنتا رومنسسي وحنوون واقتنع فعلا إنه رومنسسي وصار يقول كلام حلو ( أغلب كلامه تعلمها من عندي لكن مو مشكلة ^_^ اهم شيء يقول ) في ليلة كذآ إذا كنتي متأكده إنه فاضي على الساعة 11 أو 12 ارسلي له مسج حيآتي مشغوول؟ إذا قال لأ قولي ممكن أسألك شوية أسأله وتجاوبني بصراحة؟ أكيد حيقول أيوه ارسلي في كل رسالة سؤال واحد: 1-ممكن أعرف وش النظرة إللي تحملها إتجاهي؟ 2- شو أكثر شي أعجبك فيني؟ 3- شو أكثر كلمة تحب تسمعها مني ؟ 4- أكتب لي 3 كلمات من قلبك ؟ 5- شيء تتمنآه مني؟ بإمكانك تزيدي عليها .. وبعد مآيجاوب قولي له دوري أجاوب.. وخذي راحتك في السؤال الثالث ^_* حق (شو أكثر كلمة تحب تسمعها مني) وفي السؤال الخامس : أكتبي نفسي أسمع منك كلمة أحبك أو أي شي تتمنينه أفتكر مرة قريت عالنت : إن وحدة كان خطيبها مررة ماتسمع منه كلام حلو فدقت عليه قالت يافلان شكلك أنت ماتحبني! هو أنفجع قال:لا والله إني احبك عاد هي قالت يآآلبييييه يامحـــلآآآ هالكلمة من لسسآنك ليش تحرمني منهآآ انبسسط حيل وصار يقولها كل شوي ^_^ موفقة حبيبتي والله يتمم لكم على خير وتصيري أحلى عروسسة بالدنيااا |
ماشاءلله الاخت سمآآ ~ كفت ووفت
والله يجمعكم على الخير والمحبه وجميع المملكين يآآرب :) |
اقتباس:
عجبتني الحركة بسويهااااا :d مشكور سما والله طلعتي مب هينه انتظر منك المزيد .... تكفين |
والله يالبنات يؤسفنـي اني اقولكم الحقيقه .. وترآ مايفهم الرجآل الا رجال مثله ..
بس يوم شفت حال كثير بنات تفتقد كلمـة الحب من خطيبهـا ... عرفت ان المسأله مو تربيه او جدية الأهل او طبع هالولد ... المسأله زي مايقولوآ كثير من الشباب ... ( خلك ثقيل ولا تقول كلام حلو واجد / ولا تخليهـأ تحس انك ميت عليهـا / جوعهـا كلام حب وغززززل عشان لمآ تقولهـأ كلمـة الحب تصير قويهـ ورنآنــه ... الخ ) والله هذآ حال كثير من الشباب واعرفهم زززين ... حاولي دايمآ تبيني لهـ انك تحترميـه وتحبيهـ < ترا الرجال يحبوآ هالإحساس وان شاء الله مع الوقــــــت راح يقولك كل كلمـه حلوهـ نفسك تسمعيهـا بس بعد مايسوي عليك ثقيل شوي وقوي شخصيه وانه مو رومنسي وحق كلام فاضي ... بيجي الوقت الــي وووووووربي يقولك ( انآ اموت فيك ) ( حياتي بدونك ماتسوى ) وبيجي الوقت الـي انتي تتغلي عليهـ كمآن وتدلعــي وكل شيء .. لا تخلي هالموضوع يأزمك ..... ترآهـ بسيطـــ بس يبغالهـ تفهميــه وتعرفي هو وش الي يحاول يثبتهـ دايم بمكالماته ؟ انهـ انسان جدي ؟ انه انسان ماعنده وقت ومشغول ؟ انه مايرد على اتصالك من أول مره ( يعني ثقيل ) !! حاولي تعرفي .. مصدر هالتصرفات |
مشكوره خيتو عالافكار الجهنميه وان شاء الله ربي يسر لي
لانو بجد احس ان امري صايره متعسره كثير :( لدرجه شكلي اخرتها بنتحر وارتاح |
مشكلتك نفففففس مشكلتي الله يعينك ويعينني واعجبتني فكرة الاسئله جااااااااري التنفيذ ويااااارب اطلع بنتيجه
|
واش هالكلام الله يهديك انتي منتي عايشه حياتك بس لخطيبك عشان تنهين حياتك بسببه انتي خذيها بمبدأ عيشي معه ولاتعيييييييشين له" انا عارفه انه من قهرك قلتي هالكلمه بس ترى والله مافيه شي يستاهل احنا ناكل في اعمارنا وهم بالعكس عايشين مبسوطين وماهمهم
|
مو من شين حضنا انهم مايحسون
خيتو جربت الافكار الجهنميه بس مع الاسف تحطمت تحطيم قاتل :( لما قريت افكارك تحمست اني اسويها بس سويتها ولا كانه تغير شيء بصراحه احسه لايمكن هالانسان يحس باي شيء يمكن نفعت هالطريقه مع غيري بس انا مثل ماقلت حضي مقرووووود ياربي مالي الا ادعي بس ربي يهديه ويحس فيني دعواتكم لي تكفووووون |
| الساعة الآن 06:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©