|
هل اطلب من زوجي اثبات لشراكتي ؟
اخواني واخواتي العزيزات ... سبق واستشرتكم في امور ومشاكل قد مررت بها .. ووجدت منكم كل العون اثابكم الله تعالى لاتزال مشكلتي مع زوجي بخصوص منع اولادي من الذهاب لوالدتي . وهم دائما يطلبون منه الذهاب لها فيغضب ويقول لهم : جدتكم ماتبيكم !!!! بس هم يعرفون الوضع .. والمشكله الحين معاملته معي تسوء واصبح يقول انا بديت اكرهك من كرهي لامك انا طبعا رديت عليه باحسن رد وقلت له انا احبك ومستحيل اكرهك وذكرته بالكلام الطيب اللي كان قد قاله ومدحه لي بالصبر على طباعه ...الخ وسألته انت تحبني ؟ فقال : حبك مكلف فانتي تريدين بيت وانا لا استطيع ان ابني لك بيت مع العلم ان لديه عمارتين تجاريات ويبني الثالثه الان وانا لم اضغط عليه مجرد كنت اسولفله عن احلامي بالبيت الجديد وتصميمه وهو كان يسمعني باهتمام ويعدني بان اول ماتخلص العماره يبدا ياخذ من الايجارات ويشتري ارض ويبني شوي شوي ... المهم الايام هذي صاير كل ما اجنمع مع اخوانه يسألونه زوجتك وين تودي فلوسها وين يروح راتبها ليش ماتاخذ منها مبلغ . الزوج يجوز له الاخذ من مال الزوجه . ومن هالكلام . ولما استلمت جمعيه مسويتها مع زميلاتي اخذها مني بالقوه وقال هذي رواتب السواق للسنه الماضيه كلها . انا كنت ما اخليك تدفعينه بس الحين لا . كلام امك فتح ذهني لامور كثيره . وهو يكذب قصده كلام اخوانه . والشغاله اليوم يعصب عليها يوم قلت له لا تعصب عليها احنا نترك صغيرنا عندها . قال عادي انا بكره ابيعها وتجيب لي 15 الف .... صراحه غرييييب !!!!! انا الحين لي عنده 100 الف كنت دافعتها له لاكون شريكه له في عمارتها اللي يبنيها الحين وبعد كم شهر كنت ناويه اخذ قرض عشان اكمل مبلغ الشراكه .. بس اختي حذرتني تقول هو ماسولف على احد انك لك فلوس عنده اكيد ناوي ياخذها . وانا بصراحه ماعاد وثقت فيه . بس كيف اطلبها منه بدون مشاكل . او كيف اضمن حقي على الاقل . حسبي الله ونعم الوكيل فيه . |
أختي الكريمة حاولي أن يكون هذا الأمر عن طريق طرف رسمي ثالث مثل مكتب عقاري أو ما الى ذلك
|
اسمحيلي اقولك غلطااااااااااااااااااااااانه جدا الفلوس لاددخلت بين الزوجين جابت المشاكل وفي النهايه الطلاق بعيد عنك مثل ماصار في اختي الشراكه دمار للحياه الزوجيه المفروض من وقتها جيبتي شهود اخوانك ابوكي اي احد تثقين فيه من اهلك وتكتبين كم اخذ منك علشان مافي مجال للف والدوران واضح من اسلوبه انه ناوي ع نيه والله اعلم واصحك تاخذي قرض لين تستردي فلوسك اتكلمي معاه بهداوه واسلوب لو يعطيكي دفعات اهم شئ يدفعها000وبالتوفيق
|
ياربي .......... احسكم خوفتوني
|
والله الحق حق .. والدنيا فيها حياة وموت على اقل تقدير ...
ومن الضروري توثيق اي شراكه او دين .. بمستند ولو ورقه بسيطه .. يحفظ لك حقك كوني حازمه في امورك الماليه من بداياتها .. ولا تفرطي في امر فيه مصلحتك .. حتى ولو مع زوجك او اختك او اخيك .. او غيرهم .. حفظ للحقوق |
اقتباس:
|
وثقي حقك
الله يسر أمرك يارب |
لنفرض ان زوجك رفض يعترف في شراكتك ومن كلام اخوانه شاف هذا المبلغ مساعده ؟
رح تتطلقي من زوجك رح تهدمي بيتك رح تشتتي عيالك ؟!!!!! عشان فلوس ادري تعبك وشقاك وهو واعد بشي بس اخلف انصحك تجاهلي امر الفلوس واذكري له الموضوع بشكل طبيعي يعني قولي له انا بعد كم شهر باخذ اقرض واكمل مبلغ الشراكه ونسجلها وشوفي ايش يقول اذا طيب خلاص ولاحظتي انه صادق وقتها قولي قلبي الدنيا حياة وموت وابغى اثبت حقي بورقه بشهود باي شي يعجبك وان شاء الله يتفاهم اذا بدا يتهرب ويقول اي شراكه ذكريني والا يستهبل والا حسيتيه مهو صادق قولي يالله خلاص بس المال الحلال مايضيع ومايضيع شي محفوظ عند رب العباد وصيري ارمي كلام عن المال الحرام واضراره واحاديث وبس هنا ينتهي دورك اذا استجاب ورجع فلوسك كان بها مارجعها قولي بوجهه انتي اكلت فلوسي وهي ماخرجت من نيتي ورح تبقى بذمتك واستخلفي فيها رب العباد وانسيها |
مع راي
ياجرح لوعاند واعتبرها حلال عليه وانتي زوجته ودافع فيك مهر ومن هالكلام ماراح تشوفين منه فلس!! الله يعوضك بفلوسك المفروض من الاول طالبه توثيق هالشي او بلاها هاذي الشراكه لان الدنيا فيها صدماات والله يستر من شرها |
والله شكل زوجك يخوف من ناحية الثقة فلذلك يلزم عليك أخذ الاثباتات المناسبه
|
انا رايي اذا انتي عايشه معه بسعاده لاتخربين حياتك وحياه اولادك عشان فلوس وانتي بتلقينها عند ربي لاتززززدين فلوس غير الي عنده وقفي واذا جحد فلوسك قولي في ذمتك وبتلقينها عند ربي الدنيا فانيه واهم شي حاولي تستفدين من راتبك لاخرتك والله يرحمنا برحمتك
|
انا رايي اذا انتي عايشه معه بسعاده لاتخربين حياتك وحياه اولادك عشان فلوس وانتي بتلقينها عند ربي لاتززززدين فلوس غير الي عنده وقفي واذا جحد فلوسك قولي في ذمتك وبتلقينها عند ربي الدنيا فانيه واهم شي حاولي تستفدين من راتبك لاخرتك والله يرحمنا برحمتك
|
اليوم قلتله ودي اوقف شراكه معك واشتري لي ارض . طبعا هو نطط عيونه وقال ليش ؟ جاوبته لان العقار مو مضمون اخاف ماحد يأجر المحلات ولا الشقق وانا احب اوزع استثماراتي . طبعا هو سكت انصدم وقال والقرض اللي بتاخذينه ؟؟؟ انا معتمد عليه . قلت له ( لاتضع كل البيض في سله واحده) انا خايفه وبوزع استثماري طبعا زعل بس على الصامت وكل شوي يزعق جيبي لي مويه جيبي لي اكل شغلي المروحه طفي المروحه والخ الخ وانا اعامله افضل معامله وارد عليه احسن رد وقبل شوي قبل يطلع قال : انا طالع اشتري حديد انا استغربت لان عمره ماقال لي بسوي كذا وش تتوقعون قصده ؟؟؟؟ |
اقتباس:
|
الحين هو سااااااكت ويتعامل معي عادي
هل ارجع افاتحه بالموضوع والا استناه |
اليوم لما رجعت من الدوام رحت اصلي وهو ناداني اثناء الصلاة ولما اخلصت جيته لقيته يتكلم مع بنتي عني جايبه له مويه و قالت له امي تصلي . قال خليها تولي بس . انا سكت لما البنت طلعت بعدين قلت له ليش تتكلم عني بهالطريقه قدام العيال . انا ما اتكلم عنك الا بكل خير . الحين كيف تتوقع من العيال يحترموني ويسمعون كلامي . انا ماسويت شي يستاهل هذا كله . عاد هو قال : خلصتي . عشان اذا قلت ايه يقول اطلعي . بس انا قلت له وش صار على الارض لقيت لي ارض ؟
عاد هو قام يقول انا الحين بعرض العماره للبيع وهي عظم عشان ارد لك فلوسك . يعني كلها شهرين وترتاااااااحين من كل شي ويناظر لي نظرة تهديد غريييييبه . عموما هو دايما يتكلم باسلوب الالغاز يعني مسوي يهدد ويقول كلام ممكن ينفهم باكثر من طريقه . مثل مرات يقول انا راسم لي تخطيط ثاني او يقول الفتره الجايه راح يتغير كل شي . وزي كذا .... بس انا ارد عليه الله يكتب اللي فيه الخير |
لنكون واضحين ::
ماهي مخاوفك و توجساتك ؟!! وهل تتوقعين من زوجك ردة فعل تؤثر على علاقتكم ؟!! وهل بناء العماره متوقف على فلوسك ومساعدتك له ؟ والا لم يباشر فيه ؟! |
عرضت موضوعك على زوجي وقال وش فيها لو ساعدته وطلبت ورقه تثبت حقها يعني انتي فضيتي الشراكه بس ماسالتيه بتثبت حقي وزوجي يقول حتى ولو ماثبتت حقها بكتابه العماره هذي اساس لمين بتكون لك ولزوجك ولعيالك بعد عمر طويل لا تفترضين الاسوا بزوجك عشان ماتنميه هدا راي زوجي موعارفه انتي ليه خايفهمن شي ماصارحك فيه وماسالتيه عنه
|
انتي الان اطلبي فلوسك ولاتشاركينه سوي لك استثمار خاص فيك افضل او بأثبات رسمي وموثق
الشي الثاني اذا فلوسك هذي راحت عليك ورفض وعاند لاتهدمين حياتك وحياة طفلك عشان هالمبلغ بس الان توعيتي وكوني حذرة اكثرر |
حبيبتي في الآخر فلوسك ما هي ضايعة طالما عندك عيال يعني في الآخر كلو ليكي ولعيالك،،،
انا عن نفسي حسباها كده على العوم لو خايفة من زوجك تاني مرة لا تشاركي بس لا تخربي على نفسك عشان الفلوس الأولى وااله انا محتارة في نفسي طلعت سلفية و سددتها في 3 سنيين و اشترينا أرض و هي بأسمه و الحين من كم شهر طلعت سلفية اكبر من الأولى وعايز يشتري فيها أرض في بلدنا قريب من بيت والده و أكيد حتكون بأسمو يا جماعة شيروا على انا كمان هل تصرفي خطأ والله هو ما يقصر علي في شيء حتى لو طلبت فلوس ما يسأل ليش و عادي أطلب فلوس لأهلي وما يقول الا خير ان شاء الله بس انا من الأول خاله كل فلوسي وراتبي في ايدو،،، عشان يوفر منهم للمستقبل لأن راتبو ما بكفي شكلي انا العايزة نصيحة |
يا اختي الفاضلة ..
لا تخافي من تهديداته .. لو يريد طلاقك فلن يمنعه عدم طلبك لمالك من ذلك .. بل ستزيد مشكلتك بان يجمع بين اخذ مالك و طلاقك معا .. يا اختي الكريمة .. ما ذكرتيه عن زوجك لا يظهر انه يمتلك الكثير من الاخلاق الحميدة بل ربما علي العكس تماما .. لذلك احصلي علي مالك و بسرعة فلا امان له .. و لاتعطيه الامان قط في اي شيء .. بالنسبة لمصاريفك التي تخص عملك كاجر السائق الذي يوصلك لعملك يوميا فينبغي ان تتحمليها انت .. و الزوج فعلا له جزء من راتب الزوجة لو اتفق معها علي ذلك قبل الزواج و ان لم يتفق علي ذلك فليس له الحق في ذلك و الله اعلم |
والله تعبت نفسيتي .... بس ساكته وصاااابره حتى زميلاتي لاحظوا علي التغير والشرود ... الطامه ان اخوانه لما يناقشونه براتبي يقول مايجوز للرجل ياخذ فلوس من زوجته !!!!! وهم يناقشونه ويقنعوونه!!! ومايدرون اني مساعدته ب100000 بدون حتى ورقه تثبت حقي . وانا مالي كثير من توظفت يمكن سنه وشوي كل اللي يبقى من راتبي اعطيه اياه . لين تجمع عندي هالمبلغ ... ودي اوصل لهله هالمعلومه ان فلوسي كلها عنده واللي يبقى من راتبي كله ياخذه ... يمكن يكفوني شرهم . بس اخاف يجيب ردة فعل عكسيه . |
حسبي الله ونعم الوكيل في اهله الحين عرفت سبب مشاكلي
|
اختي خلاص من اليوم روحي سكري حسابك الي بالبنك الي يعرفه وحولي حسابك لبنك ثاني وسددي راتب السواق من عندك وقوليله خلاص مابي اسوي استثمارات معاك الا اذا كان كل شي مسجل لمى يشوفك واثقه وقويه بيرضخ لك واذا ماطل وعصب الفلوس الي راحت طز فيها ترى كلها 100 الف وماراحت لاحد غريب ماراحت الا الزوجك اذا بتعطينه شي يامى بتوثيق ولالا وقليله الحق حق والله قايل بمعنى الايه الكريمه فاذا تداينتم فا كتبوه جاء بصيغة امر انتي حطيه بالصوره لاشاف حسابك تغير والفلوس طارت من يده صدقيني بسوي كل الي تبين بس مو يعصب عليك وتخافين قوليله اساعدك بتوثيق الدنيا حياة وممات وبس ولو ان زوجك يخوف
|
| الساعة الآن 12:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©