|
هل أنا غلطان في تصرفاتي ..؟ ياليت ماتبخلون عليه
السلام عليكم ورحمة الله وبركاته :d
أعرفكم بنفسي :22: أنا شاب عمري 23 سنه مملك لي 9 شهور تقريباً :29: طبعاً ماودي أوصف لكم جمالي أخاف تخربون حياتي الزوجيه :d:18: < أمزح :11: المهم يـ أحبائي خلوني أعلمكم بالمشكله اللي أعاني منها لي 3 أيام تقريباً : مثل ماقلت لكم انا مملك لي 9 شهور تقريباً وماباقي شي ع الزواج أن شاء الله المهم أشترية لزوجتي جهاز أيفون وقدمته لها هديه وبعدها بفتره يمكن شهر تقريباً أشترية خاتم ذهب عليه أول حرف من أسمه وقدمته هديه المهم بعد ماهديتها الهدايا هذي وقفت وجلست فتره ماخذت لها هديه وقبل 3 ايام سولفنا انا و المدام وقالت نفسها تشتري بلاك بيري عشان تجلس تسولف مع صديقاتها وقلت لها لا ممنوع ماقبل أنك تاخذي بلاك وانا مشتري لك أيفون وهو جهاز حلو و أكثركم يعرف يعني هالجهاز المهم إحتد النقاش وطلعت أنا الكسبان :22: مافيه يعني مافيه بلاك دام الشغله عناد قالت انا ماحب احد يمنعني من شي وماني عارف مين المهم قفلنا وكل واحد فينا متضايق من الثاني .. جلست لين اليوم الثاني و تراسلنا انا وزوجتي وكان أسلوبي جاف ومتضايق من هالسالفه حقت البلاك .. المهم مادريت الا تقول لي انا أسفه وانا كيت و كيت واي شي تبغاني ماسويه ماراح اسويه ابشر ولا يهمك .. قلت خلاص مسامحك ومو شايل عليك < تخرفن :17: امزح المهم طول الله في أعماركم .. قمت بعدها و اطق لها جهاز بلاك بيري جديد "حسيت بالندم أني منعتها من شي تبغاه " وقلت لها انا اخذت لك بلاك وبقدمه لك مع الزواج البنت انحرجت وبعدها طبعاً تغير أسلوبها معي زي اللي تثقل الله يطعني بس :d وجلست أتكلم مع خويي وعلمته بكل الكلام اللي جالس اقوله لكم الحين .. فجأه طار فيني خويي << يمون قال انت غبي ودلخ و حم .... الخ << قلت لكم يمون .. المهم قلت له ليش معصب الحين قال انت الحين تعطي زوجتك مجال عليك وتركب ع ظهرك << قلت ليه وش قالو لك حصان ولا دراجه بخاريه :d المهم جالس يقول لي والله انك بتتعب معها وراح تركب فوق ظهرك تجلس تطلبك كل شوي وتتدلع عليك لازم تكون شديد ومن الكلام الكثير اللي ماعجبني بصراحه انا احترت بعد ماشفت اسلوب زوجتي ثقل شوي وقلت يمكن كلامه صح وحبيت أني أطرح مشكلتي عشان تساعدوني وتفيدوني بـ ارائكم ومشورتكم أتمنى ماطولت عليكم دمتم في حفظ الله ورعايته :26: |
ههههههههههههههههههههههههه الله يبرد على قليبك صراحه اسلوبك حلو وفقنعي ضحك اما صديقك يوم يقولك انت غبي وخروف بكره تركبك لا تعليق على كلامه
بس لازم تحط الكلام الي بقوله لك حلقه بذنك مع احترامي لصديقك لكنه غبي ولا يعرف للبنات وممكن اذا ضليت تسمع نصايحه بالمستقبل يسبب لك مشاكل مع زوجتك ويمكن الطلاق الله لايقوله لانه يحرضك عليها اول شي تصرفك حلو وبتكبر بعين البنت وبتحطك فوق راسها لانك راعيت شعورها وراضيتها بطريقه رومنسيه وصدقني انت الحين بالنسبه للي سويته لها كبرت بعينها كثييييييييييييييييير لان البنات رومنسيات وبسرعه نخق بالي يجبر بخاطرنا وانت ماقصرت مع الي سويته مع خطيبتك عين العقل والحركه هاذي راح تزيد المحبه بينكم وبتكون من احلى الذكريات الي بتذكرونها عقب الزواج اما صديقك التمساح الي قاعد يخربك على زوجتك هاذا نهائيا لا تستشيره بولا شي وزي مايقولون احذر من عدوك مره ومن صديقك الف مرررررررررررره ونصيحه لا تطلع اسرار بيتك ابد ابد لاي احد لا قريب ولا بعيد اذا اذاطريت حطها بمنتدى زي هاذا لانك ماراح تتاثر مثل لمى يقولك قريب منك يعني لمى تقولها لرجال راح يعطيك الحل من وجهة نظره وكذالك الحرمه دامك في اول الطريق سو الشي الي خليك مبسوط ومرتاح و في نفس الوقت يسعد زوجتك الله يوفقكم ومبروك عليكم الزواج مقدما |
ليش ماتميت على رأيك لأ يعني لأ ؟؟
|
حبيبي اسمع كلامي وانا قريب من عمرك ومملك
كلام خويك لا غبار عليه خليك ثقيل ( والثقل زين وان اخوك ) مو كل شيء تطلبه المدام تلبيه لها .. والله تركب فوق ظهرك وتصير خاتم في ادينها وتشوفك ولا شيء قدامها .. الثقل زين .. الله يوفقكم ويسعدكم .. |
علاقة الزواج اسمى وارفع من الكلام اللي يقال ( خروف - تركب على ظهرك .. الخ )
رأيي انه انت احسنت التصرف وانه زوجتك اصيلة لانها بعد ماانت رفضت تجيب لها طلبها رجعت وراضتك واعتذرت لك وصدقني الناس تختلف في زوجات فعلا تركب على ظهر زوجها وماتقدر اي شئ يجيبه لها لكن زوجتك الظاهر انها اصيلة وطيبة بدليل انها اتراجعت عن كلامها واعتذرت لك وانت ايضا اصيل وطيب بدليل انك راضيتها عموما بعد كذا لاترخي على طول وليس كل الطلبات مجابة ممكن انت تقنعها او تقنعك ولكن لابد تعود زوجتك انها تقدر ظروفك لانه ممكن بفترات ماتقدر تلبي لها طلباتها لظروف خاصة عموما ربي يجمع مابينكم على خير ويوفقكم |
يستحسن يا أخي الكريم أنت قلت لها لا في البداية وبعد ذلك تراجعت أنت رفضت المفروض بقيت على رأيك
|
اقتباس:
ومشكوره ع ردك المششجع صراحه :22: مع أن فيه كم رد يأيدون كلام خويي التمساح ع قولتك < بعلمه :d:25: شاكر لك وقتك و ردك فمان الله اقتباس:
قلت لها الزوجه اللي ترضي زوجها وتحترمه ومايقدرها ويسعدها مايستاهلها .. بعدين كثير قالو الحياه الزوجيه تضحيات وتنازلات وهذا تنازل بسيط مني لها ..~ شكراً ع مرورك وردك اقتباس:
لا ماعليك أسلوبي حلو انا مع زوجتي وهي فهمته وعرفته زين " الحياه أخذ و عطاء " وعلى فكره هي ماطلبتني الجوال هي قالت انها بتشتريه بفلوسها وحسيت بالندم ورجعت اشتريته ع حسابي تسلم ع وقتك وردك يالغالي والله يتمم زواجك ع خير :22: اقتباس:
شكراً ع وقتك و مرورك فمان الله اقتباس:
اعتذرت وراضتني وقالت ابشر باللي يرضيك .. يعني ماتستاهل أني أرضيها ؟ مشكور حبيبي ع الرد و على وقتك |
صدق انكم تماسيح -- لا ولا ولا تغير كلمتك ليه اذا غيرها عارض الدستور الالهي مثلا
والله اذا انت تبي سعادتك ريحها وبتريحك دللها وبتدللك مافيه احلى من التفاهم واللي سوتيه مقابل اللي سوته يدل على حكمتكم اثتيناتكم خاصه في الفتره الحساسه هاذي وبالتوفيق انشاءالله |
ياخي قسم بالله بديت اشك انك انت انا
نفس الموضوع صارلي بس الاختلاف الوحيد اني شريت بلاك و بقدمه في اول يوم بعد الزواج بدون ماتدري << يقالك مفاجاه مو مثلك والله يعينا ع البي بي انا اخذت بولد ابو لمس و انت وش اخذت ؟ |
اقتباس:
|
اقتباس:
ويا أخي إسلوبك وطريقتك صح ولا فيها شيء بتكبر بعين خطيبتك .. صدقني لا تستشير أحد اذا صارت مشكلة بينك وبين خطيبتك حلها انت بنفسك باللي تشوفه صح .. عشان ماتخسر خطيبتك .. واكبر دليل ان خطيبتك غيرت من اسلوبها واضح انها انحرجت لما جبت لها البلاك بيري .. الله يهنيكم ويسعدكم ولا يغير عليكم .. انا اللي تذبحني هالكلمة تركب على ظهرك .. انت اللي مملك مش صديقك لو هو كان سوى لخطيبته اكثر .. الله يتمم عليكم بالخير |
اقتباس:
تسلمي ع الرد الجميل لا خلا و لا عدم فمان الله اقتباس:
أخذت لها كيرف الجديد لون أبيض قسم شكله خقق أقوى شي ياخي دخل مزاجي بعنف بس بصراحه ماحب نظام البلاك عندي ايفون و أقوى تنزيل العاب < باقي مراهق ههههههه :22: تسلم يالغلا ع الرد بإنتظارك دمت في حفظ الله اقتباس:
عشان أكون معاك صريح انا نزلت هالموضوع عشان أشوف وجهة نظركم يالبنات لأني قلت لك البنت كنها ثقلت شوي " حركاتكم ماتمشي عليه " :25: انا مابغى أكون متشدد ولا ليين " الوسطيه " حلوه في أغلب الامور بعدين لا تخلي مفهوم " الخطوبه أحلى شي في الدنياء " ياشيخه صدقيني ماتجي الفله الا بعد الزواج الحين أهلها مستقعدين لجد جدي أذا زرتهم ساعات يحسسوني أني داخل حرب مو زياره "وديه " بس انا متفهم وصابر عليهم و أحترمهم لأنهم يخافون ع بنتهم و إن شاء الله أكون في محل ثقتهم شكراً كل الشكر لك ياوخيتي والله ردك أنه برد ع قلبي وطفى شغل الوسوسه اللي ماني متعود عليه الله يوفقك ويسعدك ويصلح لك كل أمورك في حفظ الله اقتباس:
انا وحتى لو أني أستشرت ماراح أخذ الا اللي يعجبني و أحس أنه صح انا حبيت أشوف وجهة نظركم يالبنات في أزواجكم لو أن صار لكم موقف زي اللي صار معايه انا و زوجتي لا خلا و لا عدم في حفظ الله |
من نـآحية الثقل :d
عذر لها ولآتربط ثقلها بهالموقف يمكن عندها اشيأء ثانية او مشاكل مأثر عليها وانعكس على سلوكها وربي إنه يمر علينا ايام نفسياتنا تكون تحت الصفر ومآنبغى نحتك بأحد لانجيب في العيد فاحسن الظن فيها و تصرفك مررة حلو وخاصتن إنك ربطت الهدية بإحترامها لك ( لما علمتها أني شريت لها جوال قلت لها الزوجه اللي ترضي زوجها وتحترمه ومايقدرها ويسعدها مايستاهلها ..) |
اقتباس:
و أنا داري إنكم تمرون بأوقات صعبه والله يعينكم عليها .. والله ردك فرحني مدري ليه " حسيت أني دكتور " مشكوره ع المشاركه الجميله أهم شي اني ماسوي شي يخرب اللي بيننا و أندم عليه شكراً ع مرورك دمتي / |
اوووووووما ايفون وبلاك بيري
طيب اخوووي ماودها كمان ايباد وجلاكسي2 ماقول غير الله يسعدك ويوفقك ويتمم لك على خير |
اقتباس:
|
المفروض لا يعني لا
بس انت باين قلبك طيب وتحزن بسرعة الله يوفقكم ويسهل عليكم |
لا تكثر من قول [ لا ] وإن كان ولا بد وقلتها فلا بد ان تثبت عندها إلم تخالف شرع |
لاهننت
وتكفى واطلبك اي كلام خارجي او نصايح اناا اسميها تخريبيه لاتسمعها اي شي بينك وبين زوجك قفل اذانيك عن نصايح الناس موقفك يجنن ورجولي ماشاءالله لاتفسر تغير زوجتك البسيط الفتره الي فاتت عشان جبتلها انا استغرب من الي يفكرون كيذا والي يعافيك لاتسمع من هالنصايح الي تكدر الخاطر يعني انا بنت وحالي حال زوجتك قسم بالله بنبسط لو زوجي جابلي وحطلي ويجي احد يقوله لا لاتجيبلها لاتحطلها بتصير وتسوي مرب شي يقهر ؟؟ موب كأنك سمحت للعلاقه الي ما ادري ايش اسميها بينك وبين زوجك للاهانه واخد يقولك جيبلها وحطلها اسفه بس من قهرري ومن باب حب لاخيك كما تحب لنفسك ؛( لاتحرم زوجتك و السبه احد ينصحك جيب وحط حركتك جميله جدا جدا وموقف مستحيل تنساه والي خلاني مره اتحمس معك بالرد وما ادري ليه احس ردي الوحيد هو الي صح لاني صارلي نفس موقفك تماما مع اختلاف بسيط احسك كاتب الموضوع وقاصدني بس انا كنت اسولف مع زوجي وقلتله نفسي بالبلاك بيري قالي دام نفسك فيه انا اجيبه لك وبينما نتناقش قالي ما احب زوجتي تمسكه وفعلا مازال رافض اني امسك بلاك ومحترمه وجهة نظره لانه زوجي وماراح اجيبه وبس الله يوفقكم ويسعدكم ويهنيكم وادا علئ تصرفاتها اخر فتره التمس لها العذر يمكن متضايقه من شي او مظغوطه شي طبيعي يمر عالكل |
ونصيحه ثانيه
وقت الملكه كنت اسال كثير وكل واحد يقولي رايي وعلى كل رليي كنت امشي الي يقول جيبي اقعد فتره بجيب ثم يجي احد يقول لا تحيببن انتي هديته واقعد فتره انا هديته ويحي احد يقول يوه ماينعطون وجه الرجال وما اعطيه وجه للتصير مثلي تكفى هذا اكبر غلط والله قفل اذاتيك عن العالم وعيش حياتك زي ماتبغا |
اقتباس:
والله إذا طلبت تبشر مايغلى عليها شي فديتك ولا تحرمنا طلتك ومشكور ع الدعوات الله يسمع منك ولك مثلها :22: اقتباس:
مشكوره ع المرور فمان الله اقتباس:
مشكلتنا نعاند وعنادنا يجيب المصايب مافيها شي لو رفضت ورجعت وافقت يمكن أتخذت قراري في وقت كنت فيه معصب او مافكرت فيه زين عموماً الله يسهل أمورنا التوفيق بيد الله في كل الامور شكراً ع المرور فمان الله اقتباس:
بطيح من نظر زوجتي لأني رفضت وبعدين وافقت مشكلتنا ننظر للأمور دائما بنظره معقده وصدقيني الزوجه الصالحه تطيع زوجها حتى و إن كانو في فترة ملكه طبعاً أنا ماتكلم عن الناس اللي تمنع ع الطيب و البطال يبغى يثبت رجولته عند بنت مسكينه ضعيفه أنا أتكلم من منطلق الايه الكريمه " الرجال قوامون على النساء بما فضل الله بعضهم على بعض " شكراً ع مرورك و ردك فمان الله اقتباس:
هههههههههههههه ماقول غير الله يسعدك ويعطيك ع نيتك صدقيني لو بس انتي اللي رديتي ع موضوعي كان يكفيني كلامك ع العين و الراس نصايحك يـ أختي الكريمه و اسأل الله لك التوفيق و السداد الله يوفقك ويسهل أمرك فمان الله |
بلعكس تصرف صح ...وانا اقولك ان دل دل ع ان البنت محترمه وصريحه وماتخبي عليك شي قالت انا بشتري بلاك انا اعرف بنات يشترون من غير مايدرون ازواجهم ..وصدقني يوم قلت لها لا واعتذرت اكيد انها جلست تلوم نفسها يكفي انها فكرت وماجلست زعلانه وحطتك انت الغلطان لان فيه ناس تفهم بالمقلوب .....
اما من ناحية صديقك باحسن الظن فيه اكيد انه تعرض لمواقف خلته يقول هالكلام وخذ كلامه ع حسن نيه وبعدين اي شي بحياتك لاتستشير الا الغريب وانا اقصد المستشارين لان مابيقول لك الا الصدق لكن القريب ربما يكون غيور او او...الخ ..هذا من واقع تجربه والله يوفقك ويجعل حياتكم سعاده بسعاده ... |
دلعها نظام صاحبك نظام الشيان , وأنت ما شاء الله شبابي ومتفهم الله يهنيكم ببعض لاحقين ع الهم والغم |
انا برأيي
لايوجد تصرف يناسب كل البشر بمعنى ادرس شخصية زوجتك بالاول ثم تعامل معها على هذا الاساس عني لو قام زوجي بما قمت به. سأشعر بالامتنان الكبير وسأخجل من نفسي ومن تصرفي ويمكن اقعد شهر اتحبحب فيه كأثر رجعي نتيجة تصرفي السابق ههههه غيري ممكن تشعر بأنها تمكنت منك وسيطرت عليك وبلا بلا بلا منوالخرابيط اللي يتداولونها الرجال والنساء عادة كوصايا لبعضهم البعض الخلاصة 1- حلل شخصية زوجتك تماما 2- تصرف على اساس هالشيء 3- اصدقائك واهلك لايعرفون زوجتك. بالتالي لا تأخذ بنصيحة أحد الا فيما يتعلق بالثوابت والعموميات الله يوفقك ويسعدك |
اقتباس:
صديقي فاغر و أعطيته جوهـ يوم قام يسوي انا العريس الفلته و رجال البيت :d الله يستر عليه ويسعده بس :22: لا هنتي ع الرد و المرور دمتي في حفظ الله اقتباس:
اما عاد هم و غم لا إن شاء الله مافيه لا هم ولا غم عادي إذا تخاصمو الزوجين وتزاعلو من بعض " وش احلى من الزعل اذا بعده تراضيت " شكراً ع ردك و مرورك دمتي في حفظ الرحمن اقتباس:
انا من الناس اللي أخذ الشي المفيد في نظري وقلت لكم أني ماسمعت كلام صاحبي ولكن نزلت هالموضوع وحبيت أشوف أرائكم و إقتراحاتكم لأن فيه اللي أحسن مني ويعرف يتصرف في هالأمور وقلت ابغى اشوف تصرفي صحيح أو لا الحمدلله و التوفيق بيد الله سبحانه والله يألف قلوب كل زوجين ع بعض شكراً ع المرور و الرد فمان الله / |
كلامك و اسلوبك صح
انت ما وافقت تجيبه الا بعد اعتذارها لو انها جلست معانده و انت بتجيبه لها كان بتطلع غلطان والاخوه اللي يقولوا قلت لا يعني لا خير ان شاء الله هي ما طلبت شيئ حرام الحرام بس هو اللي ينقال فيه لا بدون تردد الله يوفقكم ياارب |
اقتباس:
صح كلامك يـ أخت مي :22: شكراً ع ردك و وقتك الله يحفظك / |
معليش صديقك ضاربة الفيوز عنده
تركب على راسك لو انها طلبت منك شي ورفضت وبعد اصرار منها وافقت ومع تكرار الموقف اكثر من مره لكنها طلبت منك شي ورفضت وصالحتك وابدت ندمها على مخالفتك وانت قابلت طاعتها بالاحسان انا لو مكان زوجتك سافكر ان زوجي لا ياتي باسلوب القوه والعناد بل ياتي باسلوب الحب والطاعة لان قلبه طيب وحبوب ويبقى طبيعه زوجتك واخلاقها هي الفرق لان طبائع الناس تختلف بمعنى ادرس زوجتك لتعرف الاسلوب الذي ينفع معها وبالتوفيق |
خليك من خويك لو كان مكانك كان قالها سوي اللي تبغي حبيبتي ... بالعكس تصرفك رووووعه ماشاءالله عليك تعرفلها
|
انا والله ائيد كلام seashell عين العقل بصراحه
هذي حياتك وحياتها لاتخلي احد يتدخل بينكم ، انت إلى بتعيش معها وخلى امور حياتكم بينكم والله يوفقكم ويتمم عليكم |
اقتباس:
الله يجزاك خير ع الرد أنا مالوم صديقي وصدقيني محسن الضن من يوم أنه هرج وصادقه في كلامك إستشارة الغريب أفضل من القريب و أكثر من مره أسمع هالنصيحه شكراً لمرورك فمان الله اقتباس:
مع أني مغير له فيوز قريب :d هذا الصح الواحد يدرس عشان يفهم حتى في الاشخاص أكثر أسباب الطلاق المبكر هي عدم فهم الطرفين للآخر شكراً لك ع النصائح الجميله فمان الله / اقتباس:
و دعواتك لنا الله يحفظك اقتباس:
يقولون بعض الاسرار ماتنقال وانا أقول كل الاسرار ماتنقال الله يوفقك ويسهل أمورك ويزيدك علم يالغلا شكراً ع مرورك ونصائحك الغاليه الله يحفظك / |
يأخ عاشق صديقك حاط عينه علـ البلاك...ههههههه
تصرفك صحيح لانها بعد مارفضت أنت أعتذرت لك وتأسفت منك... وقالت انها مارح تفتح معك الموضوع لو قلت لها لا .....وبعدين زعلت وعاندت وسوت مشكله هنا هنا لازم تطيع صديقك هذا... لأنك بتتعب كثير بعدين مع تمنياتي لك بحياه زوجيه سعيده ورزقك الله باأبنا صالحين...... اللهم أمين |
تصرف صحيح لو انا مكانك بتصرف مثلك :22: لكن لا تصير راخي دائما شد شوي ..... ترا البنات يحبنون الشديد مو الراخي :18: الله يبارك لك يارب :14: |
ماشاءالله عليك تصرفك عين العقل لو فرضنا خطيبي سوا كذا بموووت فيه وبيصير هو أحلا شي بحياتي
اما اللي يقولك تتكبر عليك ومن هاالكلام أنا بنت ولو زوجي سوالي كذا أنا اللي بتخرفن مؤ العكس خخخخخ الله يوفقك يارب |
اقتباس:
هو لو علمني أنه يبي البلاك من البدايه كان ريحني أنا فعلاً هذي ردة فعلي مع زوجتي بعد ردة فعلها معي وماعليك مابطيعه الا في الشي الصح أعجبك أنا :22: الله يجزاك خير ع الدعوات الطيبه والله يرزقك بمثلها فمان الله اقتباس:
وصدقني أعجبك :22: الله يسعدك ويسهل أمرك فمان الله اقتباس:
إن شاء الله دايم يخرفنك زوجك :22: الله يسعدك و يوفقك في حفظ الله / |
| الساعة الآن 11:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©