|
زوجتي ترفض مقابلتي بعد الملكة !!
السلام عليكم ورحمه الله وبركاته ...
الحمد لله والحمد حقه كما يستحقه حمداً كثيراً، اخواني .. واخواتي انا مملك قبل اسبوعين تقريـــبا ، ومشكلتي تحديدا انها ترفض مقابلتي .. بالرغم اني متشوووق اني اشوفها مره ثانية وان تتم التواصل عبر الجوال والرسائل والماسنجر فقط !! علمااااااا ان زواجي بعد خمسة شهوور .. وودي .... |
إذا كنت كاتب كتابك عليها
فشيء طبيعي تقابلها وليس لها أن تمنعك من هذا الحق كن حازماً معها هذا حقك ولا داعي لأخذ رأيها أنت عليك إخبارها أنني سأتي باليوم الفلاني والساعة كذا فقط وإذا ناقشتك ورفضت كرر عليها نفس الجملة وقل لها سوف آتي باليوم الفلاني والساعة كذا وهذا حقي حسب الشرع وكفى ولكن نصيحة مني سوف تمل منك البنت إذا كررت زيارتك لها كثيرا اجعلها مرة أسبوعياً ولا تجعل الزيارة طويلة وفقك الله |
بعض النساء تحب الاحتفاظ بشوق زوجها لها الى يوم الزواج المقرر
وبعض النساء ترفض فقط منعاً للإحراج لأن والدها رافض لهالشئ وما تحب تقول ابوي ضد هالامور والد زوجتي كان لا يحب ان أزورهم الا مرة بالشهر وبوجود احد اخوانها معنا للامانة يا اخي الناس ما ترحم تكلم كثير ولو ما حصل نصيب وانفصلوا الزوجين بعد الملكة تتكلم الناس ان زوجها كان مطيح عندها 24 ساعة يعني المجتمع احياننا يحكم ببعض القوانين لو جا احد يخطب بعد الانفصال بيقول زوجها اول ما بقى الا يجيب فراشة وينام عندهم بالمجلس <<< هذا رأيي فقط ورأيي من حولي في بيئتي وليس بالضرورة بكل المجتمع السعودي تحية طيبة والله يوفقك |
لآهنتم ع التواجد
ولكن يوم أسألها ترد علي 1- اخاف من كلام الناس .. 2- ان اهلها وخاصه ( النساء ) كـ اخواتها وعماتها نصحنها بعدم المقابله ورافضين تماما سؤالي هنا .... هــــل اغير من اسلوبي ( المميز ) وأشد عليها شوي ...؟؟ بنتضار عودتكم .. كل التحايا |
اقتباس:
فأين والدها؟هل هو موجود؟ إذا كان والدها موافق على مجيئك عندهم فلا بأس وليس هناك أي مشكلة ولكن إذا كان رافض فعليك بإقناع خطيبتك مثلا يومين في الشهر وهي عليها بإقناع والدها لتعلم يا أخي أنا كتبت ردي حسب بيئتي ولكن إذا كانت بيئتكم مختلفة وممنوع على الخاطب رؤية خطيبته فاعذرني ولتسمع من آراء أخرى أخاف أن أنصحك بشيء ويكون في غير صالحك |
انا مع عاشق الجواهر ... أحياناً المجتمع يتحكم بألأشخاص...
ياخي أصبر انتا تقول زواجك بعد 5 شهور... يعني مابقا شي... ولا شغل مخك أذا كان أبوها ماعنده مانع... وقل جايبلك شي ابغاك تشوفينه ... اوابغا اشاورك بفرش البيت و جيب معاك كاتلوجات هذي اللي يعطونها المحلات ... £ والله يوفقك ......£ |
وليه الجماعه كلها تدري أنك جاي تزور زوجتك ؟؟:30:
المفروض الأمور هذي - الزيارات والمكالمات- تكون بسريه :24: مهب لازم تبشر العمات والخالات .. من اللي بيعرس هي والا هم؟؟ مشكلة (بعض) بناتنا الله يهديهم كتاب مفتوح , وماعندها خصوصية .... وبالنهاية تقول جتني عين:29: |
اخوي ما عليك من كلام الناس او العائلة اهم شيئ ان تبقى علاقتك مع زوجتك طيبة و جيدة و لا تضغط عليها .. هي لا ترفض رؤيتك و لكن المجتمع و الناس اللي حولها لا يقبلون ذلك .. تفهم موقفها جيدا و لا تتهور ابدا و تفرض عليها شيئ ممكن يسبب سوء تفاهم و تشاحن و تورات من البداية ...
سألت هل اشد عليها شوي و جوابي لك بالعكس استمر في تعاملك الجميل و الراقي و بين لها انك متفهم لوضعها و ضروفها مو تضغط عليها و تجبرها انا الرجل و اسوي ما اريد غصبا عنك هدا حقي باللين او بالقوة و انت عليك السمع و الطاعة ... هذا اسلوب لا يصلح ابدا و ربما يؤدي لمشاكل انت في غنى عنها من حقك ان تقابلها نعم لكن باللين و الصبر حتى تجد طريقة او حل و انت ليش مستعجل من الاساس كلها 5 شهور و تاتي لغاية عندك لماذا الاستعجال .. ابق مع اتصال معها و هي فرصة لكي يكبر الشوق لليوم الموعود ان شاء الله و بالتوفيق ان شاء الله |
اقتباس:
لو كنت مكـآن الفتاة سأقفل علي غرفتي ولن اخرج له ولو بقي اليوم كله اسلوب الجبر لن ينفعه بل سيزيد عنآد الفتآة بالتفاهم اللين والحب يتحقق كل مآيريده (= |
طيييب كيف العادات والتقاليد عندكم ..
يمكن تنحررررج انها تطلع .. او ان اهلها مايسمحون بزياره .. وخايفه تحرجك معهاااا .. |
اقتباس:
والله يوفقك و تقر عينك بشوفتها والله يتمم عليكم .. ونصيحة لا تغير أسلوبك خلك لين مع البنت عشان تحبك وتحترمك وهالله الله بالهدايا الزينة |
كتاب مفتوح
اقتباس:
|
راعي مشاعرها ربما اهلها لايتقبلون الزيارات وانت تضغط ع أعصابها
أختي مملكه وخطيبها يبغى يزورها باستمرار وأهلي لايتقبلون الزيارات الكثيره وسبب لها احراج لدرجة تقول ندمت انها ملكت لانها ماتقدر تقابله واذا رفضت مقابلته زعل وقفل جواله البنت مو مثل الولد تتحكم بامورها فتقبل قرارها بصدر رحب |
بالعكس مافيها شي اذا اصريت على الزيارة وهذا حقك
بس تتأكد قبل ان ابوها ماعندة مانع وفهمها انه رأي الحريم ماله سنع واذا هي سببت لها الزيارات مشكلة فيه ناس ماتقبلو بعض الا بعد الزيارات |
صصرآحه من ابسسط حقوقك تشوفهآ وتجلسس معها
عجبآ من هالنآس |
كلم أبوها وخذ موعد معه
هذا حقك |
ياعمي خذ لك فرقة إقتحام
سوي مداهمه لبيتهم أحيه أيش اللي كاتب كتابك ومايبغونك تزورها روح زورهم بحجة إنك جيت تسلم ع عمك و عمتك واشرب فنجال قهوه واذا صب لك الثاني حطه ع الطربيزه << متعوب عليها وقوول وين زوجتي ماشوفها إذا قالو كيني ميني تعال بالتي هي أحسن تفاهم مع عمك وقول هذي زوجتي ع سنة الله ورسوله ماني جاي ارتكب جريمه من حقي اشوفها " طبعاً لازم أسلوبك يكون رايق و واثق " المهم شوف أنت ردهم عليك وحلله ع راحتك وانت تعرف أهلك واللي حوليك أكثر مني ومن اللي هنا المهم لا تستعجل و أستشير أهل الرأي اللي حولك وترى كلنا نتعب في الزيارات يارجال مشي حالك بس صراحه لا تلومهم بكره تصير أب وراح تعرف ليش هذا الخوف و الحرص كله الله يوفقك يالغلا |
ارسل رسالة بنفس اليوم اللي تنوي فيه الزياره مفاد الرساله
سلام وانك راح تجي الساعه كذا تسلم عليها,,لاتقول ناوي ولاشي,,اكتب امر انك جاي اليوم الساعه كذا وبعدها لاترد ع اي شي منها واحضر ومعك هديّه وخل لسانك ذرب وتكشخ وبيظبط وضعك وافتح معها الموضوع بس كون سلس واخلط موضوعك بكلمات حلوه وراح يظبط وضعك |
| الساعة الآن 04:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©