|
خطيبتي رفعت ضغطي ببرودها !
السلام عليكم .... ياجماعة انا ملكت من شهر يمكن ومن يوم ملكت وانا اهتم وارسل رسائل في الصباح والليل واغلب الايام ماترد على الرسائل فصرت اذا ابيها ترد اكتب شئ يحتاج رد في الاخير وترد حتى ماتقول صباح النور او شئ لا بس تجاوب اللي سئلتها عنه ودايم انا اسئل عنها واهتم وارسل رسائل حب وغزل وهيا بارررررررردة ولاكأني ارسل ويوم اوقف كم يوم ماارسل تقول وينك فقدتك وفقدت رسائلك !!!! مرة بايييييييين من يوم التجاهل حتى نفسي يوم اصحى وانا رايح الدوام الاقي رسالة منها لا الاخت نايمة ماهي فاضية ليا ..... اش رايكم الاشكال هذه كيف تعلمها الاهتمام وانها تهتم بزوجها وتصير تبادله نفس الشعور ؟؟ انا الحين لي اكثر من يوم ولاارسل ولارسالة واشوف وش اخرتها هل بترسل والا لا ..... ومرة اتصلت وقالت بعدين اكلمك ومارجعت دقت تقول انها خلصت وصارحتها قلتلها ليه انتي تتجاهلين مكالماتي ورسائلي هل تكرهيني ماتحبيني استغربت مرة من كلامي وقالت اللي بيننا برضانا ماحد مغصوب على احد المهم يابنات وش الحل الحين اشيروا عليا باللي المفروض اسويه لاني طفشت ومليت .
|
مـا اتى الرفق في شـيء ألا زانـه ..وما أتي التشدد في شيء ألا شانه ..
أولا .. أطلب منها برساله أنك تبغى تتكلـم معاها عن امور تهمكم .. وفي هالمكالمـه فرغ كل اللي بداخلك من الأشياء اللي مضايقتك من أسلوبها .. قل يازوجتي العزيزه .. أرغب بكذا وبكذا وبكذا .. وأنا ماطلبت شيء يغضب الله وانتي حلالي .. وكل اللي أبيه منك مجرد أهتمـام وتبادل مشاعر .. مجرد كلمـه اشوفها منك في الصباح تزين يومي كلـه .. ماودك تكونيـن سبب سعادتي ..؟؟ ولا تبغيـن أكون متضايق ولا حـاس بأهتمام زوجتـي ..؟؟ قل الزوجه الصالحه هي اللي تدور رضا زوجها وراحته وهـذا عشمـي فيك يازوجتي .. ومن هالكـلام ألين هي تفهمـك وأنت تفهمـها .. ثانيـا .. أرجوا منك أن تلتمـس لها العذر في الأيام السابقه .. البنت لما تتملك يكون هالرجل أول رجل في حياتها تشوفه ويكون شريك حياتها .. تعـودت على أبوها وأخوانها ..طول السنـوات اللي راحت .. طبيعــي جـــــدا .. أنها تحس بالتوتر بالخجـل وزيادة الحيـاء .. فـلا لاتتـوقع أبـدا منها أنها تبادلك الشعور من أول أسبوع بينكم .. بس بمـا أنه مر شهر كامل المفروض يخف شوي التوتر وتبدأ تتقبل وتاخذ وتعطي معك .. ضروري تطلب منها أنك تكلمها على شكل فترات .. في هالمكالمات تفهمـون بعض وتتخططون لحياتكم ومستقبلكم.. أهم حاجه لاتتسـرع وتحكم على البنت أنتظــر شوي .. البنت اللي متربيه ماتتجـاوز حدوها من بدري مع زوجهـا .. |
يا اخي ..
الحب لا يأتي من فراغ .. هل تريدها ان تكذب عليك و ترسل لك كلام حب لا تشعر به ؟؟ حاول فهما جيدا و حاول ان تجعلها تفهمك اولا .. و اعرف عنها كل شيء و اجعلها تعرف عنك انت ايضا كل شيء .. ثم ستجد الحب جاء بشكل طبيعي .. |
اقتباس:
|
اقتباس:
|
يا اخي فالتكن حنونا و حازما في نفس الوقت ..
كونها لا ترد علي رسائلك اصلا هو سوء تعامل يجب ان تتعامل معه بحزم و لكن بحنان .. اما عن الموضوعات التي تتكلم معها فيها فهي كالاتي .. - ماذا فعلت في يومها - ان تتكلم عن ذكرياتها و سنينها الماضية - ان تتكلم عن المستقبل و الاحلام - ان تتكلم عن ذكرياتك انت و احلامك - ان تتكلم عن ما يحدث معك في العمل - ان تعرفها ما تحب و ما لا تحب - و لو كنت عاقد ممكن تتكلم في الجنس |
اقتباس:
|
يا اخي يجب ان تعلم زوجتك جيدا ان مسألة احترامك و تقديرك خط احمر لا يجوز تعديه بحال ..
و هي لن تعطيك هذا بإرادتها للاسف .. لذلك يجب عليك انت ان تفهمها ذلك و ان هذا حقا اصيلا لك فرضه لك الشرع و الدين و العرف .. كيف تكون القسوة و الحزم مع الحنان ؟؟؟؟؟ قبل ان تستخدم الحزم و القسوة لابد ان تغرقها في الحنان و الحب اولا .. فان اردت ان تقسو عليها فالتحرمها من الحنان و الحب بالقدر الذي يتناسب مع خطأها حتي ترجع و تعتذر عن ما فعلت .. فان لم تكن انت اصلا تعطيها الحنان و الحب فعند الرغبة في معاقبتها فمن ماذا ستحرمها ؟؟؟ يجب ان تغرس داخلها ثقافة الاعتذار .. فمن يخطيء يجب ان يعتذر .. و ابدأ بنفسك لتكون نموذج في ذلك .. اخطأ في حقها ثم اعتذر لها حتي تقتضي بك .. |
والله انا الوضع ذا مو عاجبني الحين لنا يومين مانتكلم بس انا ابي اشوف حتبادر هيا او لا والا كالعادة انا اللي اكلمها
|
أنا لي الآن أكثر من سبعة أشهر وما عمرها اتصلت علي .. حاولت معاها لكن دون جدوى .. حتى ماصارت ترد على اتصالاتي .. فالحين صرت اعالج بالاول إنها ترد ثم تتصل بعدها..
الله يعينك ترى البنات الايام هذي صاروا نفسيات ... |
ربي يعينك
اجلس معها جلسة صراحة وحوار اخبرها باللي تحبه .. و انك محتاج لرسايلها وعطفها وحنانها وانها حلالك و شجعها على الخروج من اطار الخجل بس ما انصحك ان تتكلم في جانب الجنس على الاقل في الفترة الاولى هدي ( نصيحة احد الاخوة !!! ) اهتم بيها وخليها تبادلك الاهتمام ايضا غيابك غنها ليوم او يومين بدون اتصال او مسجات يخليها تشتاقلك وربنا يتمم زواجكم على خير |
بصراحه الغلط عليك
مدري ليش لما الشخص يملك خلاص يعتبر ان كل الي يبيه ويسمعبه لازم يصير وواجب يصير وواجب تهتم وتترك كل شي وتتفرغ لك وا وا وا كل بنت عن بنت تختلف وانا اخوك ترا لايغرك تسمع شي من الي حولك والي يصيرلك شي ثاني انت من البدايه دامك عرفت نوعيتها ترسل صبح ومساء وماترد عليك خلاص ابتعد عن هالشي وخفف عنه باسلوبك ذا ممكن تاخذ عنك فكرة مو حلوه انك مندفع كذا وهي لو عاجبها الوضع كان بادلتك نفس الشي وانت مقهور وتلوم نفسك لانك مندفع وهي ولا عليها بارده,,؟ ياخوي ترا احنا بشر ومو بالضرورة الي نشوفه ونحلم فيه يكون واقعي,, بس لو ركزت على هالشي والا تبيها تهتم وترسل ترا بتتعب وبنفس الوقت كذا بتنفرها منك خلك رزين والحياه ماهي حب في حب ,, خف شوي وخل رسايلك وكلامك اذا مره ماتقدر تمسك نفسك عن امنياتك احلامك البنت ترا ماتندفع مثل الرجل,, بالبدايه تاخذ عنك فكره عن طبعك واسلوبك , ثم تشوف الشي الحلو فيك والي يعجبك ومايعجبك, ثم تبدء مرحله الافعال الي تثبتلها حبك وبعد كذا بتشوفها وردة بجيبك انت غرزت فيها حبها لك وبتشوف كل الي تبيه بس اركد وخلك واقعي دامها ماهي من النوعيه الي مندفعه ,, بالمختصر شوف ابواب سعادتها وقدمه لها, وربي بعدها لاتعيش مرتاح دام اسعدتها بتضحي عشانك بس بدري الحين بها الفترة وادخل على موضوع الاخت صن الكون: عنوانه(( اسمع الكل يقول لي اثقلي)) وشوف ايش تقول عارفه ان الي تسويه مو حلو وبنفس الوقت تحس انها مقتنعه فيه من الي حولها واحراجها من خطيبها يعني باين اهتمامها له ومو معناته ماتبيه او كره بس قلتلك كل بنت عن بنت تختلف والله يسعدك يارب ويهنيك ورائيي يحتمل الصواب ويحتمل الخطا, وان اصبت فمن الله وان اخطأت فمن نفسي والشيطان |
حل عيوني تحكيني ممتاز بس كلمها وانت رايق وبالهدآوة عليهـآ
اقتباس:
الكــلآم يهز بالحيل واتوقع لو يطبقه بيجيب نتيجة |
اقتباس:
مشروع زوج ناجح :22: |
عفوا اخي هي زوجتك لكن اسمحلي هي مخطئه فهذه اصول وليست محبه او خجل يمكن تخجل ان تبادلك الشعور لكن حينما تقول لها صباح الخير او مساء الخير لاترد هذا الشيء واسمحلي ليس من الذوق ويجب ان تنبهها على هذا الشيء ليس فقط معك وانما مع اي شخص يجب ان ترد السلام والتحيه
|
اقتباس:
((وانا اهتم وارسل رسائل في الصباح والليل واغلب الايام ماترد على الرسائل فصرت اذا ابيها ترد اكتب شئ يحتاج رد في الاخير وترد حتى ماتقول صباح النور او شئ لا بس تجاوب اللي سئلتها عنه )) يقصد انها ترد عليه وتجاوب بدون ماتصبح عليه او تمسي يعني ممكن نقول عنها جافه حبتين,, ودايم في مقوله حاطها نصب عيني(( عامل الناس كما تحب ان يعاملوك)) بكذا بتكسب قلب اي شخص عامله نفس معاملته , بس مو كل شخص يطبق هالمثل, وحبيت انصح اخوي انه يطبق هالشي ويعاملها مثل معاملتها لها عشان يكسب ودها ويكسب حبها ,, لان هالفتره فترة حساسة فترة تعارف وتقارب نفسي اكثر من انها تقارب عاطفي,, وذكرتي ان هذي زوجته ويعني الا والا تمسي وتصبح عليه,, بالعكس لازم يكون فيه شوي حلم وهدوء ورفق علشان تتقبله كل شي ما كان الرفق بشي الا زانه ,, اما حكاية اهتم فيا وسوي كذا وافعل كذا وانتي زوجتي ومن هالكلام, هو الي ودانا ورا :29: ووتبي تتأكدي من كلامي : شوف الشخص الي يتعرف على بنت والي يملك بتشوفي الفرق,, الي يتعرف كلامه عسل وتعارف وكله ود وضحك وكذا يعني اما الي مملكين بصراحه اغبظ اسلوب البعض خلاص ياخذها انها زوجه وواجب عليها الاهتمام وا وا وا طيب مو كلها نفس الشي فترة تعارف بس يجينا احساس لما نملك لان لو ماسوت كذا يعني ماتحبين او مجبوره علي او او او ,, طيب على اي اساس تهتم وتسوي كل ذا وهي بس تبي تعرف نوعية الشخص تبي تفهمه ماتبي واحد مندفع ولاتدري ايش الطبخه , والاخ مندفع ورومانسي بس خله يركد ويشوف كل خير |
اقتباس:
اقتباس:
لديك تفكير ناقد وعقل ناضج |
أعانك الله أخي الكريم .,~
والله يغير حالها الى أحسن الاحوال .,~ وبآآين على البنت انها بريئه وماهي متعووده ع الرسائل ولكن باين انها بتحاول من تغيير نفسها ..~ وحتى الدليل انها بتفتقد رسائلك واهتمامك لها .,~ الله يسعدكم ويعينكم على الخير والصلآح =) |
الله يكون في عونك مدري هو جفا هو طناش ولاماعندها اسلوب ولا ولا ولا من جد نفسياااات لاتعليق00
|
مستحيل ومن سابع المستحيلات انها ماتحبك والدليل تفقد مسجاتك وتبي تشوف تمسكك فيها ومدى حبك احنا البنات كذا تفكيرنا ولاتنسى اننا نخاف اننا ننصدم او تنكسر قلوبنا
والله يسخركم لبعض |
يمكن مامعاهاشحن ولا عندها رصيد....£
حول لها رصيد من جوالك تحديداً.....£ وصدقني بتزعجك بالمسجات...£ على الأقل بتشكرك...£ والله شعور رائع لما أخوي يحولي رصيد من جواله حتى كنت استانس من رسايل قطاف....£ |
ياحبيبي والله العظيم نفس وضعي
بس انا صرت بارد زيها و اذا طنشت ترسل و تسال و تدور علي و ماصرت اتصل مثل اول و اتفاجا انها هي اللي تتصل يعني لا تصير لصقة و تراقب الجوال و الواتساب خليك طبيعي و اثقل شويتين و ان شاءالله تتعدل زوجتك و تصير مثل ماتبي والله يوفقك |
بعض البنات يسمعون بالثقل والعقل !!!
تحسب إنه الطريقة هذي هي الصح يعني أنا البنت العاقلة اللي ماتعرف كيف تتكلم مع رجل ! نااااسيه أو متناسية إنه زوجها حلالهااااا ما زلت سالفة خلك ثقيلة على زوجك موجودة عند بعض البنات وأنا أشوفها أكبر خطأ هذي أحلى الأيام وزوجك ماتقدم لك إلا إنه عارف عن أخلاقك فااا ماله داعي حركات الثقل البغيضة والله لو أنا الرجل لأعرف كيف أتصرف مع بنت ماتعرف تفرق بين إحترام وتقدير إنسان صار زوجك وتغلي وثقل في غير محله الله يعينه اللي ربي رزقه بنت من هالنوعية الغير واثقة بنفسها |
ياحليلها خطيبتك .. ترا الوضع عادي .. واقل من عادي ولا تضخم الامور .. الايام جايه وبتعرسون وتصير خششكم مقابل بعض .. مسأله ماترد او ماتعطيك وجه بالعربي .. فهي تحتمل اثنين .. إما بسبب رواسب التربيه يعني عيب واستحي ولا تطولينها معاه ويقول وش هالجريئه ويشك فيك .. او حاله سباهه مستعصيه ولامبالاه .. والله يعينك وقتها .. خطيبتك مثل اختي تماما من النوع اللامبالي .. ولمن اسألها ليه هالتصرف تقول عشان مايفهمني غلط ويقول الجرئه ذي مي جايه من فراغ ..!! وبعدين اسمحلي ترا بعد انتم يالشباب فيكم نفسيات ترا .. بعضهم مريض بالشك وجالس يسوي اختبارات لشريكة العمر .. وهالاشكال كثير .. فايمكن خطيبتك مفكره بها الشيء وحاطه لك حدود عسكريه .. عموما .. تفهم هالامر ولا تضخم الوضع .. وماصار شيء لو ماردت .. وطالما بينكم اتصالات ولو قليله افضل .. لان كثرة الاحتكاك وخصوصا في الملكه يولد المشاكل .. اذا قرب زواجكم كم اسبوع كثف الاتصالات واحشرها وافتح معاها مواضيع الدنيا من الالف الى الياء لكن طالما الوضع مطول بينكم خلهارسميات شوي .. وحاول شوي شوي تعطي نفسك وتعطيها فرصه تتقبلون بعض .. الأرواح جنود مجنده ... والله يوفقك ويوفقها ويرزقكم بالذريه الصالحه ... احس بيجي يوم بتكتب زوجتي هلكتني اتصاالات وكتمت على نفسي ..:18: |
عفوا اخوي
في شي غلط قاعد تسويه انت .. واضح ان مسجاتك كثير وكلها غزل .. خل احكي عن نفسي انا رغم اني ماني مقياس للبنات ماحب الرجل يملك علي اليوم .. من باكر يرسل لي اشعار غزل ! سلامات متى امداه حبني !!! ترى الملكة ماتعني بالضرورة حصل حب بين الطرفين .. هذا عند الاجانب الي يتعرفون بعدين يتملكون مو حنا الي يملك الواحد على بنت مايعرفها ولا تعرفه ... ثم فجاة يهجم عليها بالرسايل والغزل ومطلوب تتفاعل معه .. !!! انت المفروض تستغل الملكة عشان تتقرب منها نفسيا وفكريا مو بس عاطفيا !! لان عواطفك لو صرحت فيها هالفترة ماراح يكون فيه مصداقية اصلا .. فضلا عن الحياة مو كلها عاطفة ارسل لها خاطرة اعجبتك .. نكتة .. ارسل لها لعبة اعزمها تلعب معك ارسل لها اسم كتاب قل يا ليت تقرينه تعطيني رايك لو اتصلت عليها ما ردت ولا رجعت اتصلت .. ارسل لها بصراحة وادب ليش ما رديتي يا ليت لو تشوفين اتصالاتي تردين او ترجعين تتصلين .. طبعا ما انكر انها قلة ذوق منها ماتبادر لو صباح الخير تقول بس ماعليه هذا شي تقدر تمشيه .. فلاتدقق .. دقق على الاهم من كذا : انك تخليها تتقبلك نفسيا وفكريا قبل عاطفيا الله ييسر امورك يا رب |
والله يازين العلاقه بين المتلكين تكون علاقة صداقه مع حب .. ويبعدون عن الثقل والطناش والحركات اللي مالها داعي
خلاص صدقوني راحت موضة الثقل .. الحين انت من مجرد تثقل على احد ما راح يعيرك اهتمام عادي الوسسطيه حلوه |
| الساعة الآن 07:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©