|
خطيبي وصفحته بالفيس بوك
السلاااام عليكم ورحمة الله امسي ع الجميع بكل خير بدخل ع طول بالموضوع خطيبي لديه صفحة بالفيس بوك ومن فترة لفترة يحط كلام او مقاطع فيديو فيهااا صور له واغاني او شعر عن ظلم الاقارب والخيانة وطليقته تعرف صفحته لكن ماعمري شفت اي ردود لها او لاخوهااا بس اتوقع تشوفها وحتى هو قد ذكر لي انها تشوفها مرة من المرات ولما اعاتبه يقول والله مأقصد شي ومأقصدها وهي انتهت من حياتي وانو وربي اكرههم وانتي كل شي بحياتي وعمري ماحبيت غيرك بس ماني مصدقة انه مايقصدهم والدليل التكرار ع نفس هالموضوع اللي هو مشكلتهم وسبب الطلاق وماقد كتب شي حلوو او انه ربي عوضه او فرحااان مايبين فرحته وحبه لي الا بيني وبينه والعتب والخيانة وظلم الاقارب بالفيس دام انه مايقصد ليه ماينوع .. علماااا زواجنااا بعد 3 اساابيع وانااا بجد غيورة واحترق واحسه استغبااء لي وع كثر حبي له بس والله لو اكتشف انو فيه ذرة مودة لهااا ماتزوجه ابدااا رغم انه ينفي وبشدة ويتضايق ويقول مافيه مقارنة وانو اول زواج له واخر زواج هو فيني وبس .. بس صفحة الفيس بوك ماتدل ع هالكلاااام .. بصراحة فكرت اقوول له يغير الصفحة وارتااح من هالهم ولو اقول له يقول انتي بالك من هالموضوع وليه تدخلينها بحياتنااا ويحط اللوم علي وبرضو مأخفيكم مابي ابين غيرتي منها او انهاا جزء من حياتناا بالعكس هي ولاشي بحياتنااا ابدااا بس تصرفاته تجبرني والمصيبة متكلمين 100 مرة بالموضوع سواء ع الفيس او اذا غلط وجاب سيرتهااا من باب الصدق .. ااااه ااه بس رحمتك ياااارب .. تكفوووووووووون ابي مشاورتكم يالغوالي بأسرع وقت ممكن |
وعليكم السلام
والله شي يقهر بصراحه بدل هالفضاوه الي فيها وكل يوم شكل وتعليقات وفيديوهات يشغل نفسه باي شي عالعموم انتي خلك اكبر من كذا وكبري عقلك وريحي راسك دام مافيه شي مباشر يسيئ لك او يخصك تحديدا من تعليق وكذا احسني الظن وابعدي عن الوساوس مع انه والله مالومك هذي الاشياء اهم شي بحياتنا وهي تعنيلنا كل شي ومايحس بالنار الا واطيه بس انتي شايفه كل شي وحاولي تتغاضين قد ماتقدري ومصيره بيعقل وبيبطل هي كلها فترة وانتي بعد الزواج قادرة انك تغيرينه تشغليه بطلعات وحاجات رومنسيه وحلوه والله يسعدك يارب ويحنن قلبه لك ويحس فيك شوي بس نصيحه وانا اخوك لاتجري وراه خليه يحس بانك مو مهتمه حتى يرجع اهتمامه فيك لان قاعده بالحياه عندي الشي الي تبيه مايجيك والعكس صحيح فانتي خلك مو مهتمه بالموضوع وبتشوفي اهتمامه والله يوفقك يارب |
اقتباس:
يعني برأيك مأقول له يقفل الصفحة ؟! بس اللي هامني مو حلووة بحقي خصوصاا قدام المضافين عنده وهي لاحول ولاقوة الا بالله |
اقتباس:
وايه لاتقوليله الشي اذا ماجا بطيب خاطر منه وبرضاه ايش فايدته...؟ هو الحين فاضي وكلها فضاوه,, بس لما يكون معك صدقيني حيتغير تدريجيا بس اهم شي لاتحسسيه انك تبعدي عنه الاشياء الي راغبها غصبن عنه فهمتي كيف..؟ خلك طولي بالك وخلك رزينه وكل شي يجي بالاسلوب الحلو وانتي مابيدك شي الحين حتى تشغليه غير لما يكون معك تكون الامور احسن واسهل والحلول كثيرة حتى لو تخليه يجلس عالصفحه قدامك عشان تطمني اكثر ,, بس طولي بالك هو الحين ممكن يعاني شويتين ومافي شي واقعي يشغل باله فيه والله يوفقك يارب |
لو كآن يكتب في صفحته غزل وكلآم حب لطليقته هآذاك الوقت غآري ولك حقك
بس هو يتكلم عن الخيانة و ظلم الأقارب مامدحهم ولآ شيء فليش زعلآنة؟1 شوي مكبرة الموضوع .. في مواضيع ثانية الوآجب تركزي عليهـآ مثلا إش اللي الأشياء اللي تعلقة فيكي؟ عآد إذا حبك وتعلق فيك حينسى الدنيا وطليقته وهآذا المطلوب عزيزتي لآتصيري ملحة هيك خليك مرحة وعززي إيجابياته ^_^ و حطي على قلبك ثلج بآآرد |
اقتباس:
كلامك عين العقل اخت سما,,, واتمنى صاحبة الموضوع تفهمه وتطبقه بس المعذره اخت سما بعارضك على نقطه تخص صاحبة الموضوع ,, انتي ذكرتي ليه غيرانه وانه هو يتكلم عن الخيانه وكذا .. بقولك هي معها حق تغار وحسي بها الاحساس((وماقد كتب شي حلوو او انه ربي عوضه او فرحااان مايبين فرحته وحبه لي)) هنا بجد والله حسيت قد ايش الضيقه الي فيها ومعها حق والله يجعل الي كتبتيه بميزان حسناتك |
اقتباس:
والحمدلله ع كل حااال بأحااول اصبر نفسي لو قدرت |
اقتباس:
وكلامك هووون شوي علي بس مو الافضل يفكناااا من هالسيرة والتفنن اوك بأركز اناااا بس يعني مالنااا حق غيرنااا يركز باللي يسعدنااا لك تحيااتي يالغلااا |
خديها مني ادا بدك تعيشي مرتاحة طلقي اتي الفايس بوك و لا تدخليه و لا تطلعي في صفحة زوجك و لا اي صفحة اخرى
خليك في اشغالك و حياتك و الله يهنيك و يسر امرك |
اقتباس:
لكن الصور والفيديوهات اللي هو يسويها للحظ النحس ومن شهرين يقووول انه بيسوي لي فيديو خاااص فيني واهداء منه لي لكن الله العالم متى يصدر .. القهر شاااغل عمره بهالمقااطع وهو عنده مليون شغلة للزواج تاركنهاا |
اقتباس:
والله معك حق بس مو حلووو معاي وياغافلين لكم الله لي آناا ,’.. يسلمووو ع مرورك ,’.. |
طيب هو داايم يعطني الضوء الأخضر اني اتصرف في الفيس بوك
وايميله ومن هالكلااااام وعندي الارقااام السرية ’,.. وش رأيكم آدخل وامسح المقطع واريح وارتااااح ؟؟!! واقفل الصفحة بعد بس مأدري اشلون الغيهااا نهائي ولو قال لي شي بأقول له انت اعطيتني الضوء الأخضر وافتح حساب ثاني او انااا افتح لك ولايهمك |
لا تسوين شي من غير علمه حطي كلمتين في بالك طليقتة ماضي سيئ وانتي حاضر ... اتمنى ان يكون حاضر ومستقبل سعيد |
اقتباس:
وكلمة السر..لا تتصرفي اي تصرف يدل علا صغر العقل لي عودة غاليتي.. بس انوم العيال :d:d |
اقتباس:
يعني مو شرط يكتبه في الفيس بوك عشان تتيقن إنه يحبها أهو..وطلع الرجال مسوي لها فديوهات لهآ (= اقتباس:
الإحتوآء سر مآراح يجي بطريقتك دي مآتلاحظي كأنك زي أمه ليش سويت كذا؟ ليش حاط كذا ؟ قفل ؟ انت وش تقصد؟ رآح تجيبي النكد على نفسك بعدي الغيرة شوي عشان تشوفي الطريق زين عــآملية برقة وخففي عتب وامدحييه يآبنتي حاولي تكسبي حبه أنآ اضمن لك بعدها إن هو يستعجل على التجهيز للزواج هآذا الشيء ماراح يصير بيوم وليلة ..يحتاج صبر منك وخآصه بعد مآمر بتجربة مو نــآجحة يحتاج له وقت عشان يتخلص من أثارهآ كوني سند له وأمليه إن الحياة لسى قدآمه.. وإنك حتعوضيه كل الأيام اللي مرت عليه (= اقتباس:
بس يبقى له خصوصيات اعطاك ارقامه السرية هاذا يدل على ثقته فيكي لآتهزي هالثقة اقتباس:
كيف سسسمآآ لو جيت حتفتح لي البآب ولآ لساتها في اللفة ههههههـ |
اقتباس:
ويريح بالك مثل ماريحتني بهالكلمتين’,.. وآمييين ياارب ’,.. |
اختى الكريمة من حقك ان تطلبى منه اغلاق الصفحة وفتح صفحة جديدة يا اختى قولى له تخيل العكس هل كنت تقبل ان تكون لى صفحة فى الفيس ويدخل عليها طليقى المهم يا اختى الكلام بالعقل والحب والتفاهم ولا تنسى الدعاء والتضرع الى الله عز وجل فى الثلث الآخير من الليل ان يألف الله عز وجل ما بين قلوبكم ويصرف عنكم شياطين الانس والجن |
عدنا :)
سمسم .. لا مايصلح السهر لازم 8 يكونو نايميين :) و افضي لنفسي اهلا و سهلا انتي بس تعالي بتحبي للباب و تصيح امممما :) بسم الله عليها صايرة عروس تحبي و تحاول توقف فديتها خلونا بالمهم :) غاليتي سمو انساانة .... مع سما بكلامها ... لا تقعدي تنكدي عليها و يكون كلامك كله لوم و عتب الاسبوع هذه من بكرة انسي اي مشاكل و اي غيرة و لا تفتحي الفيسبوك وكل ماخطر ببالك هذا الموضوع اتعوذي من الشيطان و ارسلي له رسالة حلوة اتواصلي معاه و خليك قمة في الحنان و الاحتواء بداية الاسبوع الجاي ..(بعد ماتكون هريتيه حنان و حب وسعادة و يكون مبسووووط منك :) قولي له بهدوء .. حبيبي عمري انا واثقة فيك و واثقة بحبك لي و واثقة بنفسي اني بنسيك كل الماضي (مع كم كلمة حلوة) لكن ياعمري لي طلب بسيط اقفل صفحة الفيسبوك و افتح وحدة ثانية ان نفذته بعرف غلاي عندك و ان مانفذته خلاص براحتك بس اعرف انه كل يوم اشوف هذه الصفحة احسن بحرقة بقلبي (وانا متاكدة انك ماتقصد شي تجاهها) بس هذه مشاعري و صعب اتحكم فيها .. وقفلي الموضوع .... لو قفل الصفحة .. كان بها ماقفلها خلاص امرك لله .. مش معقول تعمليها مشكلة و زواجكم باقي عليه قليل الله يوفقكم و يسعدكم و يبارك لكم |
ياحبيبتي لو إنها طليقته في باله أصلا مايكتب كلام عتاب وخيانه لانه الرجل اهم شي عنده كرامته وما يحب يبين انه متضايق عشان بنت لو انها في باله كان كتب كلان حب وانه مبسوط لحتى يغيضها ما تركزي عتفاهات الأمور وخلي بالك منه لو فيها خير ماتركها اتاكدي انك دنيته وزواجكم قرب اكيد هاضا مشغل فكره الرجل مو مثل البنت
|
آختي سما ~
كفيتي ووفيتي والله يرفع درجتك في عليين ويرزقك ماتتمنين ’,.. كلامك اثلج صدري كثيراً ولله الحمد |
اقتباس:
الله يرفع مقدارك ويوفقك ويرزقك من حيث لاتحتسب ’,.. والحمدلله موجود التآلف والحب بفضل من الله لكن لا اعلم لماذا اذا تكلم عن الخيانة وظلم الاقارب اشعر انه لطليقته خصوصااا ان ذلك سبب الطلاق بينهم ’,.. |
يالبيه يالغالية نورا ’,..
فديتك والله ’,.. لك وحششششة بحجم الكووون ’,.. والله يحفظ لك عيالك ويجعلهم دوووم عز وبر لكي غاليتي’,.. مشكووورة حيييل لاهتمااامك... كلامكم جميعاااا اثر فيني والله يجزاكم الجنة جميعااا’,.. قبل قليل اتصل بي وكانت كل مكالمتنااا الحمدلله غاية بالحنان والتفاهم والطيبة بوجود اهله كذلك ولم استطع بكل صراحة فتح الموضوع معه او سؤاله او اي شي اولا الوضع لايسمح وصعب اختلاق مشكلة وثانيااا الفضل لله ثم لنصائحكم وكلامكم الذي هوووووووون علي كثييييييرا كثيييييييييييييرا وجعلني بوضع اكثر اتزان وسبحان الله كان يتكلم عن غلاوتي عنده بدون فتح للموضوع اطلاقااا مما هدى علي اكثر.. خصوصا انه شخص صريح جدا جدا’,.. |
ياااهلاااا يأم عبووودي نورتي ’,..
الله يسعدك ويقووومك بالسلامة ويرزقك مولودة سليمة معافة من كل الامراض يااااااااارب يااااااكريم ’,.. كلاااااااااااامك نفس كلاااااااااااام امي بالاضافة انهااا تقول الطلاق من عنده ولو كان يريدها لكان اعطهااا فرصة مع محاولة تعديلهااا ولكن تقول انه دائمااا يردد انني من اختياره ومن قناعته ولم يحب مثلي ابدااا فتذكر امي كيف لي ان اغار بعد كل هذا ؟؟!! انااا مقتنعة بكلامكم وكلامه لكن سؤالي الوحيد مالمستفاد من هذي المقاطع ولماذا لاينسى ويبدأ حياة جديدة ’,.. |
اقتباس:
وماأعطاك الحريه بخصوصياته ألا لأنه معتبرك كل حياته .. لاتخـربين على نفسك وتفقدينه الثقـه فيك .. المقاطـع اللي هو يسويهـا .. ليست ألا تفـريغ مشاعر داخليـه .. ولا يعنـي تفريغ المشاعر الحب والوفاء .. أنما القصد هنا يريد أن يكتب لمن أساؤا له .. كبـري عقلك يابنت وأتركي الهواجيس اللي ما لها أي لزمـه .. ابحثي عن أشياء تفيـدك وتنفعك في حياتك المستقبليـه .. ولا تكـوني تحت المثل الذي يقول .. جنـت على نفسها براقش .. |
الله يجزيك خير اختى الكريمة الشرف لنا اختى الفاضلة بسم الله ما شاء الله لا قوة الا بالله اسأل الله ان يديم عليكم المؤدة والحب اللهم آمين ولكن من منا لا يطلب رضاء الله والتوفيق من الله وخصوصاً اذا كنتى تريدى من خطيبك ان يفعل شىء يهمك اذن اكرر لا تنقطعى عن التضرع الى الله عز وجل فى الثلث الآخير من الليل بعون الله اختى انت من ستفتح له صفحة جديدة بعد الزواج ان شاء الله تعالى بحبك له .. وانت من سينسيه كل شىء مضى وستشعيره ان الماضى لا يستحق حتى ان يتذكرة لا ان يتحث فيه |
اقتباس:
والله يجزاك الجنة ع الكلااام اللي يهدي الباااال واسآل الله ان يرزقك ماتتمنين من حيث لاتحتسبين |
الحين وربي فتحت صفحته بالفيس بوك
ومالقيت المقطع ابداااا ’,.. ومن زود اني مو مصدقة انه شاله فتحت اكثر من مرة أتأكد وبحق مالقيته رغم والله ماكلمته ولا علقت ولاقلت شي ابد’,.. والفضل لله ثم نصاائحكم اني اتورع وماسوي شي اندم عليه الله يجزاااااااااكم الجنة جمييييعاااا ’,.. واتمنى دعواتكم لي وله لانه يمر بظروف يمكن يأجل الزواج بسببها ويمكن يتم بوقته والله يكتب اللي فيه الخير ياااااااااارب ’,.. تحياااااااتي للجميع |
مهما كان ما اعتقد ان مافي احد يقدر يحب اكثر من الحب الاول في حياته
ولكن نصيحه لك اختي اذا كانة البدايه على هذا الموال صارحيه بكل صراحه واعرفي انه مستحيل يرجع لها والسبب معروف ولكن الانسان ضعيف اكيد باقي من الحب القديم في قلبه ولكن بطريقتك انتي تقدري تنسيه القديم وتغرسي في قلبه حبك عاد انتو اخبر بالطريقه انا قلت الي على بالي يمكن اقدر اساعد تحياتي فارس |
اقتباس:
لان خطبتهااا كانت بطلب من والداهااا وموافقة بإحراج منه واهله ماكانوا موافقين وليس لديهم خبر الا بعد الملكة وهو يذكر انه من ثاني يوم بزواجه ندم حيييييييييييل ع زواجه منهااا لكن ماذكر السبب وماعاش معهاا الا 20 يوم فقط والباااقي هي ببيت اهلها وهو بوظيفته لانهااا رفضت تروح محل اقاامته وصارت بينهم مشااكل واجد وصلت للشك بقلبه منهااا ومن المعروف اذا وصل الشك بقلب الزوج يعني كل شي ينتهي وحتى اللي يحبون يتحولون الى كره بسبب الشك فمابالك انه ماكان فيه حب اكثر من انه واجب ’,.. يعني مافيه حب أول ولارواسب منه ابداً ’,.. وشكرا لمرورك واجتهااادك ياااخوي والله يوفقك ياااارب ’,.. |
| الساعة الآن 10:29 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©