|
أرجوكم ساعدوني أنا تعبت
السلام عليكم ورحمة الله وبركاته
أخواني أنا مملك لي تقريباً 8 شهور في بداية الملكه عرفنا ان البنت تستحي وخجوله ومن الكلام هذا ولكن أنا أندفعت وقلت لها أحبك ومغرز عندك وهي تستحي ردها بس وانا كمان وحشتيني وانا كمان احبك وانا كمان مشيناها شوي شوي بدت البنت بعد الزيارات تاخذ عليه وترسل لي كلام حلو بعدها تغيرت يعني مثال اول كانت ترسل لي : مساء الخير حبيبي كيفك شخبارك وحشتني ..؟ بعدها صارت ترسل : مساء الخير ارد عليها مساء الخير ياحبيبتي ياعمري واقول لها كلام حلو مابخل عليها ترجع ترد بالاسلوب هذا كيفك ؟ يعني ماكني قلت لها شي من الكلام الحلو و الغزل شي .. وصرت أرسل لها رسايل كيفك حبيبتي شخبارك مساء الخير رسايل حب و غرام أتصل (مع نفسك يامعلم) صارت تحرق في قلبي والله صبرت و صبرت لين أنفجرت وعاتبتها .. وقلت لها انتي مو مجبوره عليه يابنت الناس أذا أحد أجبرك عليه صارحيني علميني والله راح أوقف معاك بس لاتظلمي نفسك معايه أو اذا شفتي مني شي يكرهك فيني علميني يمكن قلت شي بدون قصد مني مع العلم اني والله دايم أمدحها و أمدح لبسها و أسلوب كلامها وانا صادق وربي يعني مابخل بمشاعري معاها وانا مو معترف بمبدئ أثقل عليها تحبك المهم بعد ماقلت لها الرساله هذي أنك مو مجبوره عليه و الخ الخ الخ رجعت ارسلت لي لا والله مافيه شي أنا طبعي كذا كتومه مع كل الناس وانا أحبك مو من الحين من سنين ( ملاحظه : اللي مملك عليها بنت عمتي وهي كانت تحبني بس ماكنت أدري عنها ) ربي جمعنا صدفه وانا فرحان بالشي هذا وربي بس أنا حساس ونفسي أكون قريب لقلبها ونفسي أكون بحرها اللي ترمي فيني همومها وعلمتها بالشي هذا وردها يكون بعد الزواج راح أكون قريبه منك واعلمك و اصارحك بكل شي المهم كثر عتابي لها صرت حساس زياده تعبت والله أحس كل ماعاتبها أني أبغى أبعد عنها لأني صرت أحس ماراح نفهم بعض ولا راح نعيش حياه سعيده وانا والله مابغى اظلم بنت الناس معايه كيف اخليها تهتم فيني كيف أرضي نفسي ويعلم الله كل مره اعاتبها أندم لأني مابغى أجرحها بكلمه من هنا ولا من هنا صرت أحس اللي يقولون ان فترة الملكه أجمل فتره في الزواج أحسهم مبالغين .. مدري ايش الحل انا احبها وهي تقول انها تحبني بس صارت عندي أفكار أنها تجاملنيا أو ان حبها لي مو مثل حبي لها أرجوكم فيدوني تعبت لأني صرت أفكر في الفراق واخاف أسويها و أندم حياتي كلها انا نفسيتي تعبت مدري خطاء مني اني استعجلت وفجرت مشاعري لها وصارحتها باللي في قلبي ماعاد باقي ع الزواج الا 3 شهور وانا خايف والله حتى في ليلة زواجي أكون حزين .. ياليت أذا انا غلطان تفهموني غلطي وتوجهوني ع الطريق الصحيح ياليت محد يبخل عليه .. الله يوفقكم ولا يحرمكم الأجر ..~ |
يا أخي أنت اعترفت أنك لم تكن داري عن البنت وأنها قالت لك إنها تحبك منذ سنوات ..... وأرى أن هذه المعلومة وحدها تكفي أن تريح قلبك وتهدئ نفسك.
أنت كما قلت عن نفسك .. حساس .. ومشكلة معظم عاقدي القران أنهم يريدون تطبيق كتالوج فترة الملكة وكأنه قاعدة يجب أن تُطبق على الجميع. اترك مسألة التعبير العاطفي على جنب قليلاً .. كيف هو تعاملها العام معك؟ كيف هو حديثها عندما تتحدثون عن أمر يخص ترتيبات حياتكما الزوجية أو التحضيرات مثلاً؟ كيف هي عندما تزورها؟ |
انا مابغى اطبق اللي قلتيه مابغى كل شي في وقت الملكه الحياه أخذ وعطاء ابغاها تعاملني مثل ماعاملها أبغى احس بحبها اللي تقول عنه يامهره .. أنا آنسان لي الظاهر والله ماني عالم غيب ولا أقرا الكف :
تعاملها معايه : البنت كويسه في تعاملها معايه تحاول ترضيني وتقول دايم اذا زعلت منها لا تنام وانت زعلان مني بس فيه مثل يقول أسمع كلامك أصدقك أشوف أفعالك أتعجب .. يرجع نفس الخطاء ونرجع في نفس العتاب يعني بصراحه أحس أنها تعاندني وتبغى تثبت نفسها لي وتعرف أني أتضايق من بعض الامور ودايم اعاتبها واقول لاتسوي كذا وترجع تسويه لما نتكلم عن ترتيبات الزواج : أقول لها مثلاً بسوي في الغرفه تلفزيون وبجيب كذا واحط كذا تقول اي شي منك حلو ماتشاركني رايها ولما أصر عليها تقول لا تحرجني .. وين الاحراج في الكلام هذا امانه ؟؟؟؟!!!!! بالنسبه للزياره : انا ماطول وقلت لك ثمانيه شهور راحت ع الملكه يمكن اللي زرتهم فيها 5 - 6 مرات ومثل ماذكرت ماطول عندهم لأن مابغى احرجها مع ابوها لأنه شديد في الامور هذي وهي تقول كان جلست وطولت بس انا مو مقتنع لأني أعرف أبوها عشان كذا اذا طولت بالكثير ساعتين او ساعه ونص .. |
محد بيساعدنا يعني
الله لا يجعلني أحتاج أحد من خلقه ربي معايه |
اخي ساعطيك الوصفة اللي مطبقها وجايبة نتائج جيدة
اولا : اتقل شوي عليها .. مكالمة كل يومين او تلاتة جيدة و الافضل في الليل بعد العشاء لكي يتجدد الاشتياق و الحب دائما لان الانسان يمل بسرعة من كترة الاتصالات تانيا : رغم حبك و اشتياقك الشديد لا تبالغ في الغزل لان المبالغة ايضا تؤدي للملل و تفقد الكلمات قوتها و سحرها .. انتضر لبعد العرس و خد راحتك تماما تالتا : لا تنتضر منها اي تجاوب حاليا لان المفروض الرجل هو المبادر و المراة بطبعها لا تصرح بحبها و لكن تلمح فقط و لا تفرض عليها الرد و التجاوب اترك الامور تمشي بعفوية تامة و مع المدة سترتاح لك و تتعود عليك من الاخير اصبر و تفهم و تجنب تماما اي شيئ يؤدي الى توترات بينكم و بالتوفيق ان شاء الله |
اقتباس:
تسلم يالغلا بس الحين للأسف بيننا توترات انا كثرت عتاب لأني دايم أقولها ليه ماسمع منك الكلام الحلو ليش و ليش الخ الخ الخ ... مدري ايش الحل وش اسوي بالضبط انا والله جالس أفكر نبتعد عن بعض والله يعوضني ويعوضها خير أحس ان ماراح تمشي أمورنا بعد التوترات اللي صارت بيننا وهي بصراحه غلط مني بس ماينفع الندم حاس أني كسرتها وماقدر أرجعها هي ماصارحتني بالشي هذا بس واضح من أسلوبها صار جاف شوي |
دخلت موضوعك بالصدفه
فيه افضل مني عشان يقدم لك النصيحه بس حبيت اقولك شي والله دام البنت قالت تحبك فتاكد انها تحبك بس ممكن في شي غصب عنها وانت ذكرت ان ابوها شديد بقولك بنت عمي كانت نفسسس خطيبتك اللحين ماتقدر تتكلم معاه تدري ليش؟! والله السبب ابوهاا تقولي ابوها معقد االي هو عمي يخاف على بنته او لسى مافهم ان هذا زوجها مايخلي لها خصوصيه يحاول يتسمع لمكالماتها ويشوف جوالها يعني مرررره ماعطها وقتها تعبر لزوجها حتى زوجها صار زيك يسال ووووو وبعد الزواج لما قالت له ماتووووقع ابد بس هم ماطولو بالملكه يمكن زوجتك عندها اسباااب صدقني بس بالنهايه قالت انها تحبك من زمان حاول تتصل بين فتره وفتره والكلام عادي سو نفسها وهي بترجع تتكلم معك بس مو تثقل وتخرب يعني بيين فتره وفتره ذكرها بكلام الحب اللي بقلبك لها مو تنساااه |
خطيبتك مميزة وتنشرى
وآضح من ردودها انها خلوقه ومحبة ومطيعة لك الله يخليها لك ويكثر من امثالها تصرفاتها طبيعيه جدا ومعظمنا يالبنات مثلها أنتآ بس شوي حساس وتبغاها تكون باندفاعك وحماسك ومافي بنت تقدر تكون كذا لأن الخجل طبعنا أجمل فترة مو الملكة بس السعادة والحب كله يجي بعد الزوآج لمــآ تكونوا مع بعض انتا وحبيبتك و في بيت يجمعكم (= |
اخي الكريم لاتستعجل على رزقك
انا ماالومك لانك تعطي وتنتظر الطرف الاخر يعطي ايضا لكن الفتاة خجلها يمنعها احيانا وكويس انها قالتلك انها تحبك من زمان وهي صدقني ودها تسعدك بس اكيد عندها اسبابها وبعدين انت متوقع شئ وتنتظر منها تتصرف بناء على توقعاتك لذلك خاب املك تذكر ان الشخصيات تختلف وماتسمع عنه مع غيرك قد لاتعيشه انت لان لكل شخص خلفيته وطبيعته المميزة و لاتسبق الاحداث ودع الامور تاخذ مجراها وخلي زوجتك تنطبخ على نار هادية وبعد الزواج تكون لك كما تحب الزم الاستغفار وداوم على التحصين وذكر الله |
اتكلم معاها بس على رواق ,بعد ما تدلعها وتقول كلامك الحلو جيب لها بطريقه غير مباشره عن اسلوب تعاملها معاك .....
يمكن تحس وتتغير موفق ان شاء الله |
اقتباس:
ويين الحب اللي جالس تتكلم عنه طلع كله كلآم ! عشان شوية توترات وكأنه مافي إلا انتوا اللي يصير بينهم سوء تفاهم استسلمت ! ترى جد بطريقتك هاذي ماراح تلقى وحدة تتحملك تعلم من اخطآئك وخف العتاب وخفف من اندفاعك ارجع اتصل عليها واعتذر منه وقولها إن شاء الله ماعاد تتكرر ومآتشوفين مني إلا كل خير خلينا نبدأ صفحة جديدة البنت قلبها طيب ولو تقولها بس كلمة آسف أكيد راح تسامحك وتبدأ معك حياة حلوة |
اقتباس:
تقول كسرتها وودك تكسرها مره وحده بهالشي ياخي شي طبيعي يكون بينكم توترات دامك تضغط عليها تقولك هالشي انت قدم اللي عندك وتاكد انك تلقى بدون ماتطلب البنت ماتتصنع الحب وتاكد انها تحبك وصرحت لك انها تحبك من زمان ارسل لها رساله او اتصل وسولف معها بهدووو بلغها ان اسباب التوتر خوفك انها ماتحبك بتلقاها تقولك لا انا احبك ووو وان ماقالت تاكد انها تخجل بس قولها بقولك اللي بقلبي واسمعيني وابي ردك برساله وقول كل شي وبعدين قولها انتظر ردك لي برساله وتاكدي اني احبك ومن هالكلام اللي بقلبك والله يوفقكم ويجمع بينكم على خير وتتذكر ان هالاشيا مجرد وهم وانها تحبك وماتشوف بالدنيا غيرك |
مشكوووووووورين كل أبوكم
الله يسععدكم ويوووفقكم دنياء و آخرررره يارب أرزقهم مايحبون كل المحبه لكم يـ أخواني فمان الله |
يارجال النسوان وحده اشين من الثانيه
يعني تتوقع لو تاخذ غيرها بتكون احسن منها خلك على قردك لايجيك اقرد ...... |
العضو (ليش كذا)....لو سمحت لاتغلط على النساء ...والزم حدودك ولاتنسا ان امك واخواتك وخالاتك وبناتك ضمن قائمة النساء........اللهم لاتواخذنا بما عمل السفهاء منا...تامل كلامك زيين..ولاتنسا تتامل توقيعك الخاص لانهما متناقضااان:25:
|
اقتباس:
و لا تلوموني انا ماعشت مع حريم و بنات عشان أعرف طبعهم وانا ذكرت أني حساس بدرجه كبيره وهذا عيب فيني المفروض ماكون حساس لأني رجال و بواجه صعوبات مع هذا الامر بس وش نسوي " لاحول ولا قوة الا بالله " شكراً لنصائحك و كلامك و وقتك نفعتني كثير وخلتني أراجع نفسي الله لا يحرمك الآجر و يوفقك ويسعدك دنياء و آخره ** |
اقتباس:
مشكوره يـ أخت باقي أمل الله لا يحرمك الآجر كلامك ع العين و الراس وانا قلتها و بقولها والله ماعرف في طبع الحريم شي جاهل تماماً فيهم وفوق هذا كله "حساس" جداً بس الناس باقي فيها خير وماتتخلى عن بعض شكراً لكم و شكراً لهذا المنتدى والقائمين عليه يمكن ربي أنقذ ناس كثير استسلمو لضنونهم لا خلا و لا عدم ** |
اقتباس:
|
اقتباس:
مشكورين ع الاهتمام والحمدلله الأمور صارت بخير والله يكتب لنا اللي فيه الخير ** |
اقتباس:
اقتباس:
بس ترى مآينفع تجلس على الوضع إللي انتا فيه أقرأ عن الزواج وأهل نفسك احضر دورات وربي تفيدك وتختصر عليك اشياء كثيرة وتتمنع من مشاكل كثيرة ممكن تصير احنا يالبنات نفهم بعضنا بس مانفهم تفكير الرجل ولا إش يناسبه ولآ كيف يعيش لأنكم مختلفين عننا ونفس الشيء يصير معاكم فحتى نقلل سوء التفاهم والإختلاف لازم نقرأ عشان نعيش بتكامل وإنسجام والله يتمم لكم على خير |
اقتباس:
صح كلامك وانا إن شاء الله حاط في بالي هالفكره أني أحضر دورات للتأهيل قبل الزواج وكلمت زوجتي عن الشي هذا وقالت موافقه وربك يسهلها الله يوفقك و يسعدك دنياء و آخرهـ ويسخر لك الطيبين فمان الله |
اقتباس:
وعلى فكرة انت اندفاعي حاول تخفف من الاندفاعيه راح تتغلب ... واذا على خطيبتك الحمدلله امورك صارت منيحه بس عالعموم .. لاتحكم على انه الرومانسيه وعدم الاخذ والعطا فيها يعني انه البنت خلص مو مقتنعه فيك مع انك قلت انها تحبك من زمان.. المهم الحياة الزوجيه اصعب واهم من الاخذ والعطا بكلام الحب حاول ترقي تفكيرك وترد على كلام سما يعني بأخذ الدورات ... وبالنسبه لقول انه خطيبتك ماتعطي رأيها وتقول تحرجني اقولك تفسير هذه الكلمه وشوقصدها ... اذن الامر مو عاجبها ويعني لاتحرجها بتعبير رأيها انه ممكن مايعجبك وممكن تكون مفكرة انه اختيارك او اختيار اهلك وماتحب تكسفكم او بطريقه اخرى انه رأيك على رأسي وتستحي تقولها وتعبر بهالاسلوب فتتغاضى وماتقول لا فهـــــــــــــــــــمت ماتتفسر الا هيك .. وعلى فكرة شكلها قنوعه وبنت عالم من كلامك عنها تمسك فيها الله يستر عليك وعليها وتمتع بروح رياضيه وطول روحك وفكر بامور الحياة وترتيب المستقبل وعلى فكرة تنبيه ممكن اهلها عندهم حشريه ومايعطوها الجو المناسب لتتكلم معك بحريه فتكتفي بقول وانا كمان ... كان مرة عضو يشكو من خطيبته من نفس الموضوع وبالاخر طلع والدها الكريم يكون جنبها لما تتكلم واهلها ما يعطوها حريتها .. وانا عشت هذه الخطبه بس مو قصه اهل بالعكس حريتي كانت كثير بالخطبه وكنا نخرج لوحدنا (هو قريبي ).. كنت انا اتكلم واعبر وزوجي مابعرف المشكله طلعت انه هو مابعرف يحكي كلام جميل ابدا بس رغم هذا حبيت عفويته وطلع من النوع الي يعبر بالافعال مو بالكلام وانا تعودت عليه .. وصرت مثله واعتقد هذا افضل تعبير بين الزوجين .. مو شرط كلام |
اقتباس:
اخوي انت ربما تكون اخطات لكن لا تدع الامر يؤتر عليك .. لا يوجد احد كامل كلنا معرضون للخطا متلك .. و اللي فات مات .. الان انضر للحاضر و المستقبل و انسى الماضي ... ادا كنت مرتاح لها و تحبها و معجب بها جدا فاصلح ما بينكم من توترات بالاعتذار و الصبر و التفهم و بين لها انك اخطات ... حاول ان تبحت عن الامور التي لا تحبها و تجنبها تماما ... المهم لا تفقد الامل ابدااا ... حاول و اصبر معها و اكيد ادا رات انك تغيرت و انك تريدها فستسامح و تنسى و تعود المياه لمجاريها ان شاء الله |
اقتباس:
الحمدلله بالنسبه للدورات انا ذكرت في ردي السابق أني راح التحق فيها انا و زوجتي ولي نيه من زمان أصلاً وشاكر لك ردك والله لايحرمك الاجر فمان الله ** |
اقتباس:
إعتذرت لها وبينت سبب عتابي لها دايم " كنت خايف أنها ماتحبني " ولكن الحمدلله كلها طلعت ضنون و وساوس من الشيطان اعوذ بالله منه شكراً ع أهتمامك أخوي لا خلا و لاعدم فمان الله |
خطيبتك زيي في ايام الملكه
بل يمكن انا ازود منها الوضع جدا طبيعي وكل شي بيتغير بعد الزواج معقوله يالشباب اول حل لكم الانفصال ؟؟! وين الحب ياعزيزي هذي شريكة حياتك المفروض اساسا موضوع الانفصال مايجي في بالك* بس حبيت اطمنك انا كنت زي زوجتك |
| الساعة الآن 05:42 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©