|
مشكله صديقتي مع زوجها ..!!
السلام عليكم ..
انا اول مرا اشارك المنتدي وعندي مشكله حابه اخذ برايكم فيها .. بدايه الموضوع احب اقول ان المشكله لاتخصني بل صديقتي متزوجه من سنه وتشكو من زوجها حيث انه كتوم وغامض وحساسس جدا .. اعطيكم مثال قبل فتره من شهرين طلعت اسامي خوات زوجها 2 في برنامج حافز << اكيد الكل يعرفه وطبعن حضرته ماقالها هي درت من الناسس واغلب احداث بيت اهله الى تصير سواء خاصه او شغلات عاديه مايتكلم فيها واذا سألته عن اهله يكتفي بالقول بانهم بخير فقط << بالله مو شي يرفع الضغط وبينما هي صريحه معه لابعد حد تقول اي شي يصير عن اهلها واخوانها وكلشي انا قلت لها تجرب هاذي الطريقه انو تخبره وتتكلم معاه على طول عن اهلها والى يصير عشان هو يتحمس وبدوره يصير يقولها لكن ابببد مافي فايده الرجال شكله حالف يمين انه يكون كتوم :25: والشي الثاني الى صار : انه كذب عليها وهي مصدومه بعد منه ليه كذب عليها بخصوص بنت اخوه بنت اخوه مطلقه من سنتين لكنها صغيره بالسن عمرها 22 !! ولما سألته عنها قالت له بنت اخوك مطلقه صحيح ولا ؟ هو قالها اصلن ماهي مطلقه وزوجها يجيها بين فتره وفتره !! طبعن صديقتي سمعت من الناس انها مطلقه منفصلين نهائي وحبت تتأكد من زوجها وهو يكذب عليها !! انا قلت لها اذا لك علاقه بالبنت الى هي بنت اخوه وتمون << اسأليها وخذي العلم الاكيد منها وبعدين بعد ماتأكدت طلعت صدق صدق مطلقه رسمي وهي بيت اهلها وطليقها لايكلمها ولا يجيها من سنتين !! صراحه انا مستغربه من تصرفات زوجها .. البنت شكت لي وانا ماعرفت كيف اجاوب عليها بالتحديد لانها عجزت كيف تتصرف وياه وحبيت انزل الموضوع عشان نستفيد من الردود .. |
بصراحه أشوف تصرفات زوجها طبيعية
يعني هي وش عليها خوات زوجها نزل لهم حافز ولالا او بنت اخته مطلقه ولالا وش بتستفيد من هالمعلومات ؟ المفروض ما تتدخل بأمور اهله هذا شي خاص فيهم و هي مو كل شي تقوله له عن اهلها :) |
عذرا يعني وش يهمها اذا بنت اخوه مطلقه ولالا ..؟
واذا خواته اخذوا حافز ولالا ..؟ فضول لا داعي له .. ان اخبر الزوج كان بها لم يخبر عادي لانه امر غير ضروري .. |
اقتباس:
تطابق الكلام وصح عليك مو كل شئ تقوله .. |
هي تبي العلاقه بينها وبين زوجها تكون قويه يعني كأنه صديق لها تقوله اسرارها ويقولها اسراره يعني مش محصوره بمسمي زوج !! وبعدين ليه متزوجها مو اهي زوجته ويثق فيها وش دعوه مايأمنها على اسراره الزوجه واجب عليها تصونه وتحفظ اسرار زوجها واهله
يعني سواء هي فضوليه زي ماتقولون او لا هذا الشي يعتبر من حقها افهموني هي تبي تحسسه انه مافي حواجز بينهم يكون عفوي ويتخطي الحاجز الى هو حاطه بينهم يتكلم ويسولف عادي من دون كتمان يعني الحين في نظركم شي جميل ان تسمع اخته ولدت من الناس ؟! ولا ابوه سافر او مثلن اخته تملك ومايقول لها وكل ذا تسمع به من الناس لا صراحه تعجبوني !! امانه حطو نفسكم مكانها وش بيكون موقفكم ؟ وبعدين كيف تقولون مايخصها ببنت اخوه وهو كاذب عليها ؟! الى يكذب مره يكذب مرتين وثلاث الموضوع تجاوز حده لانه فيه كذب طيب كان قال على الاقل مادري عنها احسن من انه يكذب ؟! يعني الامر فيه حاجه او انه متعود على الكذب (( الكذب ماله مبرر لاتدافعون عنه )) |
اقتباس:
من جد موب كل شي ينقال :25: |
اقتباس:
لسا هي لها سنة من زواجها ... و أسرار الزوجية تتكون مع الأيام ... إن شاء الله .. الأسرار .. هي ما يحدث بينهما .. و ليس المقصود بأسرار الزوجية أن يخبرها بما يحدث لأهله ... يعني مثلا مثلا نقول صارت له ظروف معينة مادية أو أي شي وهو غير راغب بإخبار أحد أو حصل سوء تفاهم هذي هي أسرار الزوجية ... أن لا تخبر بها أحدا و أن لا يخبر هو بها أحد ... |
خليها تبطل تسأله عن اي شي مايخصها
وراح يكون لها من احسن مايكون بنظرها |
واضح انها تحفظ الاسرار ..
بدليل انها قالت لك عن اللي قدرت تعرفه ههه خواته اخذوا حافز و بنت اخوه مطلقه ..! اذا عرفتي شي ثاني قولي لنا ..^ــــــــ^ خليها تكسر الحواجز بشي ثاني غير تتبع اخبار الناس .. افضل لها و له ولهم .. |
اقتباس:
ياشيـن تتبـع أخبار الناس .. أفهم بس وش راح تستفيـد ؟؟ |
اختي الكريمة اتمنى انك تتقبلين الاراء والنصائح بسعة صدر حتى ولو تعارضت مع وجهة نظرك ورأيك بالاول والاخير نحن نبي نساعد لانك طلبتي النصح .. اولا : اهتمام الحريم باخبار الناس وفلانة ولدت وفلانه تطلقت وفلانة سوت اكثر من اهتمام الرجال وعدم نقل زوجها لاخبار اهله لها ما يعني ان فيه اسرار لكن الموضوع ان زوجها ما يشوفه شي مهم مثل ما تشوفه هي وبعدين اذا هو ما قال لها عن موضوع يخصه مثل ترقيته او علاجه او مشروع معين او سفر يحق لها تزعل لكن امور عاديه مثل هذي فاسمحي لي ما يحق لها تزعل وبالنسبة للكذب ما يصير تحكم عليه انه كذب لمجرد انه ما شرح لها التفاصيل او معلوماته ما تطابقت مع المعلومات اللي حصلت عليها من مصادرها .. والمفروض هي تعرف اخبار اهله من نفسها بالتواصل معاهم شخصيا ليش هي كيف علاقتها معاهم ؟ ثانيا : الصداقة بين الزوجين تكون بالمشاركة في الاهتمامات والطموحات والاحزان والافراح والافكار ونعم الاسرار ايضا لكن اللي ذكرته صديقتك ما تعتبر اسرار .. وبالنسبة للغموض انصحيها تتثقف من هذي الناحية النت عالم كبيييييير بتحصل مواضيع واستشارات متنوعه للتعامل مع الزوج الغامض .. وصدقيني اذا ارتاح لها اكيد بيكسر هالحاجز .. فاتمنى انها تشغل نفسها بأمور اهم واجمل واكثر فائدة من تتبع اخبار الناس اللي ما منه اي فائده ربي يسعدك ويسعدها |
يعطيكم العافيه جميعن ..
|
فى امورغريب يخبى عليها
ّاذا العالم كلها تعرف بطلاق بنت اخوه ليش يخبى عليها والى تقول عادى يحط نفسها بمكانها الناس تعرف وتحجيلها وهى تكون مثل الاطرش فى الذفة فى اامور خااصه لاهله حلو مايحجى بيه لان هذه يعتبر اسرار اهله ومافى داعى يطلعه حتى للروجة لكن ليست امور عامه الناس تعرفه وهى لا خليها تصارح روجها وتخبره بضيقه من تصرفه |
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©