( البنت جايتها بعثة الى امريكا ) وبتروح تكمل دراستها.. بحاجة لأتخاذ القرار
 

مو غلط لو شفت البنت وبعدها استخير وقرر يمكن اهلها حابينك ومو حابين يخسروك وما عرفو شو يردو عليك روح شوف البنت والك القرار بعدين

هدا مصير و صبر و ثعب ايام و سنين لا تلومهم في طريقة الكلام
روح شوف البنت و استخير لعله خير لكلاكما اعمل الاسباب الشرعية و الي فيه خير يجيبو رب العالمين

طيب. ليش الام. ماكانت صريحة من البداية وقالت تراها مقدمة على بعثة واذا جتها ناوية تكمل. اذا موافق حياه الله.
انا مااحب هالنوعية. بصراحة. وقابلنا مثل هالنوعية. وقلنا طيب. ومشينا معها لاخر الدار مثل مايقولو. وتفاجانا انه البنت سافرت لها اسبوووع. وهي تماطل فينا. مع انه اخوي مثل وضعك. ورحب بالدراسة في الخارج
انا مااخوفك. لكن سلوبها مايريح ولا يطمن من البداية. لف ودوران.
وزي ماقالت الاخت. اللي قبلي لاتروح لهم وانت بنفسك شي عليهم.

الله يختار لك الطيب. ويسهل. امرك

ياخوفي اللي دخل قلبك من ناحيتهم يبقى لطول العمر

اذا اعطيتهم عذر و نسيت الكلام الل قالته ام البنت روح وشوف البنت و حسى الله يجمع بينكم بالخير

اما اذا بقى لهم بقلبك شي ما انصحك ... لانك مع كل مشكلة بينكم راح تتذكر ا الموقف وتبقة تتراكم عندك الامور الى ان يحصل مالا يحمد عقباه

غلطت الام صح ... خنها التعبير ممكن ..... قصدها شي اخر لا ادري .. ان بعض الظن اثم

ما ذكرت موقف امك ..؟
استخير واستشير والديك و ربنا راح يكتب لك اللي فيه الخير

ياأخي الفاضل ..
نحن نحب المرأة عندما تكون إمرأة .. و المرأة لا تكون إمرأة إلا لو إحتاجت للرجل .. و المرأة التي لا تحتاج للرجل لا تكون إمرأة ..
المرأة التي تخالط الرجال و يكون لها مركز وظيفي كبير يصعب السيطرة عليها و كبح جماحها .. و ربما اثارت غيرة الرجل منها .. و الأسوأ من كل ذلك هو عدم تفرغها لزوجها و بيتها .. و يكفي الرجل ان يحمل هم خوفه من ان تعجب زوجته ذات المركز المرموق بمن هو اكبر من زوجها في مستواه المادي او الاجتماعي
يا اخي ..
انت تقول ان مستواك الوظيفي جيد و كذلك المالي .. فهل تضمن الا تقابل زوجتك في عملها المرموق من يفوقك في المستوي المادي و الاجتماعي ؟؟ طبعا لا ، فلماذا يعيش الرجل في قلق دائم من هذا الامر ؟؟
و لو اشترط الزوج علي زوجته ارتداء النقاب لدخلت معه في جدل لا نهاية له .. اذا ..
طالما انك لا تحتاج لوظيفة زوجتك ماديا .. فبكل تأكيد إبتعد عن الموظفة و تزوج من تحرص علي بيتها و عائلتها ..

اما بالنسبة للفتاة التي كان اهلها يؤجلون زيارتكم لها .. فافعلوا معهم المثل و قوموا انتم ايضا بالتاجيل كل مرة .. فان تسامحوا فنعم .. و ان لم يقبلوا ذلك فهم متكبرون

اشكر ردودكم وتفاعلكم ,, جزاكم الله خير الجزاء ..

امي من الاساس تعرف ام البنت معرفه سطحيه وتعرف انها ( مطفوقه ) وحتى ابوي الله يخليهم لي يعرف اهل البنت وخوالها ويقول هذا طبع فيهم وهي ( الطفاقه ) , فاامي مالقت بال لكلام الام , وهي لما اتصلت اعتذرت اعتذار وانه احنا شارينكم وووو الخ , المشكلة مو كذا المشكلة باقي في حيرتي لو عجبتني البنت اروح معاها واكمل دراستي العليا او اخليها تشق طريقها وربي يستر عليها وانا اشق طريقي وربي معاي ..!!

مازلت جدا جدا جدا محتار

اللهم الهمني الصبر والسلوان والهمني حسن الخيار اللهم امين يارب العالمين

انا من رايي انك تقرر قبل ماتشوف البنت
لو موافق انك تترك شغلك وتسافر معها ساعتها روح شوفها

عزيزي واضح جداً ان البنت تريدك محرم فقط لاغير
ومافي شيء اسمه امها مطفوقة ومدري ايش
هذا زواج ياعزيزي , ومافية طفاقة بهالمور
تأكد إن الام ماجابت شيء من راسها . كله بإتفاق مع البنت وابيها

الزبدة
القصة كالتالي
خطبت عندهم
ماعجبتهم
وكانوا بيردونك
ولكن
البنت مقدمة بعثة
وكانت تحوس تبي احد يروح معها
وكانت حاطتك ببالها كأخر شخص ممكن تلجأ له عشان تروح , يعني اذا جتني البعثة وبيروح معي اوك بتنازل واخذه
واذا ماجتني البعثة , بسحب عليه
مرت الايام
ماجاها قبول , قامت سحبت عليك ... حلو؟
بعدها بيومين تفاجأت بالقبول
وبسرعة دقوا عليك , عشان مايطير عليهم المحرم

يعني مع احترامي القصة واضحة تماماً
اذا كنت تقبل هالشيء على نفسك ولا ترى فيه حرج , اقدم على الموضوع
اذا كنت ماتقبل , ارفض الموضوع
ان كنت متردد وترغب في التأكد من ان البنت شاريتك بالدرجة الاولى وتريدك كزوج وليس كمحرم
قولهم , انا متقبل الفكرة , واشجع الدراسة, وابي اطلع برا, ولكن على حسب الظروف
يعني ماتشرطون علي , الدنيا موت وحيا, و....و....
اذا اصروا وشرطوا بدون تفاهم , اعرف انهم يبونك محرم ياعمي هههههه
اذا تفاوضوا معك ووضحوا انهم شارينك , ونفس الوقت مايبون يفوتون البعثة , وقتها انت السيد على الاقل , وبيكون فيها رد اعتبار نفسي لك
والكرة في ملعبك
رأيي الشخصي , مثل هذه الفتيات لايبنى معها حياة زوجية مستقرة وناجحة وسعيدة

انتي كذا. :22:



مع راي الاخت مستقبل غامض. وبقوووووة.

أولاً أخي العزيز استخر ربك، فصلاة الأستخارة بأذن الله لها مرودود كبير، بعد ذلك أذهب لولي أمر الفتاة، وتحدث معه بشفافية وصراحة، لماذا غيروا فكرة الزواج ثم عادوا، هل البنت ستأخذني مجرد محرم لها!؟ بالنسبة لي لا أحب مثل هذه الأشتراطات في الزواج، هناك اشتراطات معقولة كالسكن والوظيفة والأشياء المتعارف عليها، أما أن يكون الأمر مبني على أن توافق على البعثة أو ليس هناك زواج فهذا شيء غير مقبول في نظري، فالزواج غايته وأهدافه أسمى من أن ننزل لشروط الزواج وقداسته وعظمته أكبر منها، وفقكَ الله وكتبَ لك الخير حيث كان.

لو انت اخوي وخطبنا وصار معنا الي قلت
ابضغط علية يفركش الموضوع
البنت شكلها رفضت الزواج عشان البعثة واهلها اقنعوها بالزواج بشرط البعثة عشان كذا كلمو وشرحو الوضع
نفرض انه تعسرت امورك وتأخرت او ماانقبلت نهائياً هل بتخليها تروح وتصير انت متزوج مع وقف التنفيذ
عاد كم يبيلها وتخلص سنه سنتين 3او4 وترجع ويمكن تعجبها الغربة وتطول اكثر من بعض الناس
ربي يوفقك ويختار لك الي فيه خير

انا لاحظت انه الاغلب موافق على ترك الموضوع وعدم التفكير فيه ,,

فيه حاجات جديدة منها انه ام البنت اتصلت واعترفت انها تسرعت باكلامها والسبب قالت انه كنت حاطه في بالي انه بيرفض انها تروح بعثه خصوصا انه توظف , غير كذا قالت انه لو يبي يأجل الزواج مو مشكلة ابوها اصلا بيروح معاها يتملك عليها ولو مايبي يروح معاها عادي ابوها بيروح معها لحد مايقرر هو وش بيسوي او اذا وده يرو معاها من البداية ويكمل دراسته كمان يكون افضل , غير كذا ابو البنت اتصل على اخوي الكبير وقاله خل الوالده تقنع الولد بالزواج لانه احنا شارينه ونبيه ومرتاحين له ومو مشكله موضوع البعثة انا بروح معاها , يعني ماجابوا موضوع كنسلت البعثة كلها ووضح انه اهلها كلهم ينتظرون هالبعثة .

انا احترت اكثر وصليت استخاره ولاحسيت بااي شي , بعد كل هاللخبطة ماني عارف ايش اسوي .
معقولة فيه ناس يزوجون بنتهم بس عشان بعثة طيب لو انا استفردت فيها هناك او لما نروح امريكا اقولها بعد اسبوع رجعنا وممنوع اصلا المبتعثة تروح من دون محرم لها المهم انه انا متلخبط 100% , مرة اقول وظيفتي مو حكومية صحيح حلوة وكل شي لكن ماادري بااي وقت يرفسوني واحيانا اقول اصلا انا مخطط اكمل دراستي فليش لا واحيانا اقول الموضوع كله اصلا غلط في غلط , يالله استغفر الله واتوب اليه اللهم دلني الى ماهو صالح لي في ديني و دنياي لاحول ولاقوة الا بالله

اللهم امين يارب العالمين , وياك يااخي لغالي وكل مسلم للهم استجب , كلامك مثل كلام ابوي بالضبط

انا مع رأي الاخ ابو مريم و انا اصلا لا ارفض موضوع لا اعلم خيره من شره استخير و روح شف البنت ممكن ربي يوفقكم و الباقي راح يتسهل لحاله و ادا ما فيه نصيب اكيد سيغني الله كل من سعته

انت شخص تريد التوفيق ابتعد عن سوء الظن وخذ الكلام من لسانهم ولا تدخل في نواياهم
اقطع الشك باليقين وركز في المهم
هل تريد البنت؟ هل انت موافق على شرطها؟ هل انت مرتاح في وظيفتك؟ هل تريد ترك وظيفتك؟ هل انت مستعد نفسيا وماديا للبعثة في هذا الوقت؟ هل انت واثق من قبولك في البعثات؟
صدقني انك انت الشخص الوحيد الذي يستطيع ان يسيطر على كل هذا الوضع
وان اردت وبحسن التصرف كل هذه الخلافات تذوب وكأنها لم تكن المهم ان تكون متاكد من قرارك

اللهم سهل ولاتعسر اللهم امين

تخصصك ضمن التخصصات المتاحة في الابتعاث ؟
أو هل في تخصص يناسب تخصصك ؟

إذا فيه ، وانت ناوي تكمل دراستك ، والوظيفة اللي انت فيها غير مستقرة ، وتأكدت من رغبة البنت فيك ، وتأكدت من مواصفاتها ومن أهلها بدون ( طفاقة ) ههههه ، فتوكل على الله ..

لأن في تخصصات ما تسوى ولا راح تستفيد منها بعد الرجعة ، وصعب الواحد يجازف في مستقبله الوظيفي ويضيع عليه الفرص ..
أنا إن شاء الله سفري لمواصلة الدراسة قريب جدا ، وأعرف التخصصات اللي فاتحينها ، أكثرها ما لها مستقبل ، لو يلحق الواحد على الوظائف أحسن له ، بس تخصصي فيه مجالات حرة كثيرة .

اخوي مباحث انا تخصص طبي ولله الحمد ماشي فيه , ومن التخصصات المعتمده انا فاهم قصدك محاسبة وتجارة وووو الخ انا تخصص طبي << تابع لوزارة الصحه :)

أولا أنا مو مباحث ههههههه
ثانيا إذا كان تخصصك كذا فحلو مرة أنك تكمل الدراسات العليا هناك ، أتوقع أفضل بكثير من أنك تستمر على وظيفة غير مضمونة ، بس تأكد من البنت أنها تصلح لك ورغبتكم في بعض والله يوفقك ..

وإن شاء الله نشوفك في أمريكا :)

مبحاث :)

نقول يارب سهل ماهو خير لي ولها وللمسلمين اجمعين , واذا كتب لله نصيب , we will see you of there :)

اللهم يسر و لاتعسر ساوافيكم بكل جديد ولاتحرموني من تفاعلكم جزاكم الله خيرا

نقول يارب سهل انا راح تأكد بشكل تفصيلي بعد ما اقرر بعد الشوفه الشرعيه والله المستعان

الله يكتب لك اللي فيه الخير ويوفقك ويلهمك الرشاد

جزاك الله الف خير , وياك يارب وكل مسلم ,,

اللهم اني استخرتك بقدرتك فابانك تقدر ولااقدر واستعلمك بعلمك فاانك تعلم ولااعلم وانت علام الغيوب اللهم ان كان هذا الزواج وهذا السفر والدراسة خير لي في ودنيني دنياي واخرتي فيسره لي وان كان شر لي في ديني ودنياي وعاقبة امره فصرفه عني وعوضا خيرا منه يااااااااااارب العباد اللهم امين اللهم امين اللهم امين

:)

كان المفروض انه شفت البنت وقررت , لكن للاسف حصل عندهم ظرف اخوها صار عليه حادث , وهو فعلا دخل المستشفى .
حقيقة احترت هل اكمل معاهم او الغى المشروع كامل ماني عارف اي شي , رغم كل استخاراتي ماني فاهم او عارف شي ابي اهرب من نفسي عن نفسي من التفكير , احس انه الموضوع اخذ حيز كبير من اسباب الصداع اللي اعاني منه .
احس انه البنت و البساطة اللي فيها عاجبتني ( البساطه ) عاجبتني بشطارتها ( بالدراسة ) , قريبة من تفكيري علميا بحكم الدراسة و التخصص .
بس مو عاجبني اسلوب اهلها وطريقتهم بالتعامل .
مازلت استخير والله ييسر ماهو خير لي , لكن كمان لازم اتخذ قرار هاليومين هل اكمل بالمشروع او لا ؟
هذا مصير حياة ومستقبل والتهاون فيه كارثة .
لااله الا الله محمدا رسول الله.

لا تخاف راح يلهم رب العللمين الصواب و الي فيه الخير راح يقدمو رب العالمين
الله يرزقك كل ما هو خير في الدنيا و المعاش و عاقبة الامور

جزاك الله الف خير , وكلت اموري كلها لله رب العرش العظيم وهو نعم الوكيل ,,,

الخوف بسبب قوة القرار لاني اريد ابني حياة رائعه و مناسبة لاني جاد في هذه العلاقة , الخوف من الفشل و الخوف من اتخاذ قرار يلغي كل مخططاتي.

اللهم يسر كل ماهو خير و صالح

لا تخف اخي انت اخدت بالاسباب سألت و استشرت و استخرت رب العالمين شفت البنت على حسب الاصول و الدين و الشرع و سويت كل شئ تمام التمام باقي اختيار رب العالمين و كله خير انشاء الله
اتمنى تتوفق مع البنت و تكونوا قرت عين لبعض و تكملوا دراستكم و ترجعوا بالشهادات و يكون مستقبلكم زاهر في ظل رضا رب العالمين
الله يوفقك و ينور دربك خليك على النهج المستقيم و نيتك صادقة و طيبة و ما راح تشوف الا طيب انشاء الله

اتصلت الام وحددت يوم للرؤية الشرعيه ,
ولله الحمد , كنسلت الموضوع كله وقلت لاامي تقولهم ماعاد لي خاطر والله يستر علينا و عليهم , ارتحت راحة مو طبيعيه لانه حسيت بلخبطه من طرفهم وحسيت انه في تردد من قبل البنت , ولاابي اروح لهم وانا بخاطري شيء عليهم , انتهى هذا الموضوع بكل علاته ولله الحمد انتهى سالمين .

لو اقولكم ماعاد ابي اتزوج لاتقولون لاتاخذ موقف , بس من جد حسيت اني كرجل لابد ان أُقدس حُريتي :)

الحمدالله على ما أختار لك، واختار الأفضل لك، والله يرزقك الزوجة الصالحة والمناسبة لك.

اختيار الله ما فيه مثله ابد
اصبر بس غدا يأتيك النصيب و تحصل انسانة ادب و خلق و كرم و عزة نفس مثلك خد وقتك الكافي و نصيبك بيجي انشاء الله احلى ما يكون
الله يوفقك

جزاك الله الف خير , اللهم ارزقني وكل مسلم يارب لعالمين