|
اساء لي زوجي ولم يرضيني كما يجب ..
السلام عليكم و رحمه الله و بركاتتتته
كيف الحال .. وش اخباركم امنياتي ان الجميع يكونون بخير و سلامه ي ررررب ب اقول لكم سالفتي مع زوجي بس ابيكم تصبرون لاني ابي احكي ب التفصيل الممل ابي تعرفون كل شي صار حتى لو مو مهم انا مرا كتبت لكم عن زوجي للي مايعرفون شخصيه زوجي ب ارجع اعيد لكم النقاط المهمه فقطط زوجي انسان بيتوتي واهل بيته بيتوتين ماتكلم عن قرايبه او خواته من ابوه لا عن اهل بيته امه و اخوه و كيذا حتى لما نروح بيت اهله يجلس معاي انا و امه اوكي هي ميزه جيده لكل مو دايم الوحده مرات نفسها تتفرغ و تشوف صحباتها واهلها انا حتى ب الويك اند يحاسبني على طلعتي لو طلعت يومين ورا بعض واكثر مشاكلنا انو اهلك و عزايمكم كثيره طلعاتكم كثيره وووو وانا من كنت بزره ببيت اهلي وانا والله يوم واحد مااجلس ب البيت غيرت هالنقطه فيني صرت اطلع مرتين مثلا ب وسط الاسبوع و الويك اند اطلع ل اهلي و هو ل اهله ويوم الجمعه اكون معاه المهم زوجي ابوه تعبان له فتره شهر تقريبا ومنوم ب المستشفى الله يشفيه و يعافيه وزوجي و اخوانه ينامون عنده ب التناوب زوجي طوول هالشهر نفسيته مررررررررررره تعبانه اقسم لك ب رب الكون اني كنت معاه قلبا و قالبا كان لما يجيني وهو يبكي اني ابكي اكثرر منه مررا كنت راحمته يجيني ب نفسيته مره خايسه ويقولي حكي ماينقال واراضيه ب شتى الطرق انا حامل ب الشهر الخامس و عندي ولد صغير لسى ب عمره سنه وانا عمري 23 اللي ب عمري من شاكلتي والله لسى ماتزوجوا انا نفسيتي تعبااانه مره من الحمل وكنت قبل يتعب ابوه لماا اتعب و نفسيتي تصير خايسه والله مايتحملني يرمي علي اقوى الكلام و ينام ويخليني واجلس اتعصر الالم وصايره لما اتضايق يجيني طلق و احس ب حركه البيبي ترجيف على تحت و اجلس طول يومي اعاني وهو نايم بس لما يصحى وانا نايمه يجي و يبوسني و يحاول يخفف عني هالنقطه كنت احبها فيه على اني كنت اعاني وهو نايم بس كنت ادري لما يصحى ب القى منه احلى شي بس كان نفسي انو يخفف علي ب وقت تعبي مو لما احترق وكل جزء ب جسمي ينتفض من الطلق بس يبقى شي احلى من لا شي طبعا طول ما ابو زوجي منوم ب المستشفى ام زوجي تجي عندي ببيتي يعني تخيلوا نفسيتي كيف و نفسيه زوجي واقسم لكم ب ربي كنت اطلع لها مبتسممه ولاكان فيني ذره تعب اصحى من بدري و اجهز لها فطور و ارجع انام متى ماصحت تلقى فطورها جاهز تروح بس ب الويك اند فتره الويك اند هذي انا اروح ل اهلي وطول الاسبوع ي اما ب البيت ي طالعين نشوف ابو زوجي ب المستشفى تعطلت اشياء كثيره لي اللي عندهم اطفال يمكن ب يفهموني هالفتره فتره تعب و اقسم لكم ب ربي ولدي وصل ل بعض الاحيان تطق حرارته ل 40 و ابوه مو موجود وادي انا دور الاب و دور الام ب نفس الوقت واطلع مع سواق اهلي حتى مقاضي البيت وام زوجي عندي وربي اني اطلع واقضيها عشان مايصير نواقص ب البيت يعني من كللل ناحيه موفره عليه وربي ماخليت ناقص ولا عمري حاشبته وقلت ليه انا اسوي وليه انا افعل كنت معطيه كااااامل الحريه ب ما ان تفكيره و كل طلعاته و روحاته ل ابوه وهذا واجب علي قبل يكون واجب عليه وب العكس افرح لما اشوفه مهتم ب سالفه ابوه لان اللي فيه مافيه خير ل اهله مافي خير للناس بهالفتره زي ماقلت حاولت اخفف عن زوجي كثييييير اشياء حتى طلعاتي كنت اروح مع اهلي طول هالشهر واختي بعد اسبوعين زواجها وبديهي محتاجتني كان ديم يسمعني كلام سم وانو المفروض مو كل مكان اروح معها وانها مفروض ماتعتمد علي طبعا اللي عنده خوات ب يعرف ان الاخوات يحبون ياخذون راي بعض حتى ب اتفه الامور انا مالومه عشان ماعنده خوات من امه بس من ابوه ولا يدري عن خفاياهم ف كنت كل مرا اجيه ب طريقه مع العلم ان اكثر طلعتي مع اختي لما يكون هو مو عندي ب البيت يعني بما انه هو و امه موجودين والله ماطلع وكنت لما اكون طالعه اقول ل اهلي وصلوني بيتي حتى لو كنت راجعه الفجر واللي مرجعني بابا ومثلا تعبان اقوله معليش ودني بيتي عشان زوجي جاي من ابوه وتعبان ونايم واجي والقاه جالس ع النت او يتفرج ع التلفزيون او اي شي بس انو صاحي ويدري ان اهلي جابوني وعارف اني معهم الويك اند هذا معزومه ب زواج انا حطيت ولدي ببيت عمي ورحت للزواج قبل اروح للزواج رحت انا وياه ل ابوه و رجعنا المغرب تقريبا وحطني ببيت عمي وتجهزت وكيذا ب السياره حصل تاتش بسيط مره و تافه و المشكله هو الغلطان وهو اللي غلط ب الكلام وانا اللي سكت ورضيت و ابتسمت له الزواج ب اخر الشمال و بيتي ب الشمال و بيت عمي ب الجنوب شايفين المشوار كيف هو بس اللي سواه انو وصلني بيت عمي ولما وصلت عند باب عمي تذكرت انو حليب ولدي مخلص قلت معليش مافي حليب وسوا لي سالفه وعصب وانا طرطور عندك رايح جاي ومادري ايش وانا سكت وراح جاب الحليب ب منافخ و نزلني بيت عمي ب منافخ المهم لما جيت انزل قالي تبين شي بعد وهو ينافخ جيت انا قلت لا ابد ماقصرت كفيت ووفيت يعطيك العافيه و نزلت راح هو و كانت الساعه 8 و نص كانت نفسيتي عددم يعني البنات وكلن مررا متجهز ب يروح وينبسط وانا نفسيتي ب الحضيض ل درجه اني اول مادخلت قلت لهم ماراوح اروح وبعدين ب اقناعهم قلت اوكي طبعا ماما كانت معزومه بس ب زواج ثاني غير الزواج اللي احنا فيه خواتي جو بيت عمي و لبسنا مع بنات عمي وكيذا وطلعنا 10 و نص للزواج لما جت الساعه 1 رجعنا ل بيت عمي جلسنا ممكن ربع ساعه بعدين رحنا نجيب ماما و بعدين رجعنا للبيت و خليتهم يحطوني ببيتي طبعا طول هالوقت كلللللللله زوجي حتى اتصال واحد ماشفت منه هو على كلامه انو معزوم عند اخوياه انا مااتصلت ب حكم انو عند اخوياه متى ماخلص ب يكلمني بس والله ماشفت منه ولا اتصال و متاكده انه كان ب راسه شي و طول وقتي اقول الله يستر من اليوم ي رب يعدي على خير ولما وصلت بيتي نزلت استقبلني ب وجه قبييييح وكان ينافخ وبدري وتوك تجين مع العلم اني راجعه الساعه 2 وماشفت الساعه وقتها وكان يناااافخ فيه زوجه ترجع بيتها الساعه 3 و نص وش باقي كان كملتي السهره هيناك ومن هالحكي وبس ينافخ ينافخ وانا كنت ساكته لان ولدي حبيبي كان خايف ولما سكت قلت له كل شي صار انو طلعنا وانتظرنا ماما ولما طلعت رحنا لها قال انتي قلتي لي بس ب تروحين زواج ماقلتي انك ب تكملين السهره ببيت عمك قلت اقولك بس ربع ساعه على بال مااخذت ولدي وكيذا وانت عارف انو مشوار مابين الشمال و الجنوب يعني ريحه راجعه اكيد ب ياخذ وقت وصار ينافخ وليه ماكلمتيني ومدري ايش وانا جالس ب البيت وانتي طالعه انا الحرمه وانتي الرجال وكلاممم طووووويل بس كله منافخ ب الاخير قلت انا اوووكي حقك علي انتظرنا ماما وهي اللي اخرتنا وزي كذا حاولت اصرف الموضوع قال اجل ماما هاه انا مااستوعبت وش يقول قلت يعني ايش قال لا صدقت ترا انك جايه مع امك بعدين انا مابين مصدق و مكذب مااودي احس انه بدا يغلط من جد جيت التفت قلت الحمد لله بس قال لا فيه وحده ترجع لساعه 3 و نص و تبي تقنع زوجها انها جايه مع اهلها قمت التفت عليه قلت يعني جايه مع مين قال مدري عنك وش دراني جايه مع مين قسما ب الله وقتها مويه بااارده حسيت اطرافي كلها ترتعشش ماتوقعت ب يوم من الايام زوجي ابو عيالي يقولي كيذا مررررررره انصدمت وماحبيت اني ارجع اقوله ايش وزي كيذا ويزيد ب العيار قلت خلها على اني انا مااستوعبت وش قال وجلس يعيد و يزيد فيها وقسما ب الله عينكم ماتشوووف انهرررررررررررت جلست اصيح ب اعلى صوتي وولدي يصيح معااي ارتاع مسكين وهو يقول بدينا ب حركات الدلع حسيت قلبي جالس يحترررررررررق ليه يقولي كيذا انا وش سويت له وقسسما ب الله ماعمره دخل الشك ب قلبه لو بس ب نظرره ب حياتي مااحاولت اني اشوي شي مو كويس اخليه يشك فيني هو ب نفسه موصلني بيت عمي وهو سامعني وانا اكلم خواتي و اكلم بنات عمي ونتفق وش ب نلبس مو اول مرا ادخل البيت متاخره خصوصا اذا جايه من زواج لييييه وش اللي صاير على طول اخذت جوالي لا شعوري واتصلت على ماما وخافت ماما قالت وش فيك قلت ولا شي بس تقدرين تجيني الحين قالت ماما السواق نام بس قولي لي شفييك وقلت لها ان زوجي مشكك فيني يقولي مو واثق انك جايه مع اهلك قال ماما الله يهديه عطيني اياه وحطيت الجوال عنده وهو يصارخ يقول ماراح اكلمها وقفلت ماما واتصلت على جوالها ومارد عليها بعدين جلس دقيقتين ورجع اتصل عليها وكلمها عاددددي ولا كانه قايل لي قبل دقايق كلمه قووويه وجلست ماما تقول له كلل اللي صار و انها هي اللي اخرتنا وزي كيذا و ب نفس الوقت اطالع ساعتي الا هي 3 الا ربع وهو يقول انتي جايه 3 ونص و يعيدها ويكررها ل ماما بعدين شوي قال ل ماما اوك حصل خير حصل خير وانا كنت متضاايقه قلت لا ماحصل خير وسمعتني ماما وقفلت منه ورجعت اتصلت علي وتهديني و تقولي اصبري ومدري ايش وانا اصييح قلت والله مااجلس عنده راحمته ومخليته ياخذ راحته ومخليتكم تتكفلون ب روحتي و جيتي وب الاخير يقولي كيذا وجلست ماما تهديني و هي تصييح وتقولي اصبري ولا تحرقين قلبي على عيالك وادعي ل نفسك انتي الحين ب فتره ظلم لا تدعين عليه ولا علي اي احد ولا تتحيسبين عليه ولا تقولين اي شي عنه يمكن ربي يقبلها منك و بعدين تندمين طول عمرك لان مااحد ب ينفع عيالك الا ابوهم وانا خلاص حسيت جسمي كله يعورني وصرت احس ب طلللق ولا عاد اقدر ارد على ماما وخفت اخوفها وقلت لها خلاص ان شاء الله نامي وارتاحي ان شاء الله مايكون الا الخير قالت اذا تعبانه مره خليه يجيبك عندنا بس انا ي ماما مابي اجي اخذك اخاف بكرا يقول امها جت وخذتها وتصير مشكله اكبر والا والله قلبي معك وقفلت منها وجاني ولدي يصيح عند رجولي ماما ماما ويفتح ايديني ومسحت دموعي وغسلت وجهي ورحت للغرفه عطيت ولدي علاجه و صلحت له حليب وخلاص ب اانام بس قلت لازم ابين له ولازم اناقشه على الاقل يطيح شي من قلبي او هو على الاقل يقولي حقك علي او اي كلمه بس لما شفته الا هو مغمض عيونه و عااادي ولا كانه سوا شي ولما بديت اكلمه واناقشه صار يعيد نفس الكلام وانتي اللي تخليني اشك فيه راجعه متاخره و مدري ايش قلت له ترا لما دخلت البيت كانت الساعه 2 ماكانت على كلامك 3 ونص وصار يعيد الحكي ويقولي وش دراني جايه مع مين وقتها تمنيت الارض تنشق و تبلعننني بعد يعيدها ب كل برود وطلعت من عنده و نومت ولدي و رجعت له ابين له بس اني مو على خطا واقوله ودني بيت اهلي لاني كنت مواصله و اعرف نفسي ماراح ارتاح وانام جنبه وانا متضايقه وقتها كان ياذن الفجر وماما قالت لي اذا رجع على كلامه اذا جاء الفجر كلمي ابوك لانه ب البر يمكن رجع الفجر خليه يمرك وهو راجع ويجيبك لنا وكنت اقوله انو انا ماتاخرت ولا اي شي وكل اللي صار كيذا وش تبي اكثر من ان امي كلمتك وصار يشكك حتى ب اهلي وانهم ممكن يبون يسترون علي وجيت انا اقوله طيب ليه ماكلمتني وتاكدت انا وين مادامك شاك فيني وليه مااتصلت وقلت لي ليه تاخرتي لما حسيت اني تاخرت طيب اذا انت من البدايه ماتبيني اروح كان خليتني ولا سويت فيني كيذا قالي انتي ليه مااتصلتي تقولين ب اتاخر تعال خذني قلت اذا على قوله جب حليب وسويت لي مشكله تبيني اقولك تعال خذني و رجعني وانت مسمعني كلام زي السم قبل انزل واني مو طرطور عندك ومادري ايش شلون تبيني ارجع اتصل واقولك تعال خذني قال ايووه بدينا ب الاعذار قلت لا مااتعذر اانا ولا راح اتعذر لاني ماغلطت انا جالسه ابين لك اللي صار عشان افهمك ان ب كلامك جالس تتهمني وماازال مصمم على كلامه بعد صلاه الفجر كلمت بابا و قلت له كل الموضوع قال مو زينه ب حقي ي ماما اي اخذك الحين اسفهيه وخذي ولدك ونامي ب الغرفه الثانيه و خليه اذا جاء الظهر جيت اخذك وانا جالسه اكلم بابا ومنقهره تخيلوا جالس وراي يسمع حكيي و يضحك علي انقههههههههرت مرا نقهرررت الله يقهره في نفسه و بعدين لما قفلت من بابا خذت ولدي وطلعت للغرفه الثانيه وصليت الفجر و قريت قران ونمت وصحيت الا الظهر وفيه مكالمتين من بابا رجعت اتصل فيه قال شوفيه اذا ب يجيبك للبيت والا جيت اخذك جيت طلعت له وقلت توديني والا يجي بابا ياخذني قال روحي البسي و جهزت اغراض ولدي و لبست و طلعت له قلت يالله المهم وانا اطلع متعمد يترك جواله ب البيت ويوريني قلت خذ جوالك قال وش ابي فيه ب ارجع الحين قلت لا ابوي يبيك قال وليه يبيني ومسوي قوووي قلت انا ابيك تجيب دليلك ب اتهامك لي و ثتبت ل اهلي اني مو راجعه معهم وقتها لك اللي تبيه وطلعنا من البيت وهو يتكلم وانا سافهته وجيت بيت اهلي و جلسوا يحاكونه اهلي وماكان نقاشههم معه قاسي كانوا وقسما ب الله احن عليه مني وطول كلامهم الله يرضى عليك ي ابوي ي ولدي وهو مازال مصمم على كلامه بس بدون ذكر سالفه انو شكك فيني كل كلامه انو ليه تاخرت ب الاخير قالت ماما انا اللي اخرتهم وانا الغلطانه وصار يقول لا ي خالتي ماغلطتي انا الغلطان الي ماكلمتها ولا قلت لها وينك وانا غلطان لاني ماقلت لها ب اجي اخذك كل كلامه تغير اللي كان ب البيت بس مااقال على طاري التشكك ابددد انا كنت اسمعهم ماجلست معهم بس موقفه عند الباب ولما شفت الموضوع كيذا جيت دخلت قالي بابا اجلسي قلت مادخلت عشان اجلس انا دخلت ب اقول كلمه وحده و بس لو هي حاسبني على التاخير بس كان والله تهوووون ويمكن انا اللي اراضيه واخلي الموضوع ماكان شي صار لكن انا اللي جرحني وعور قلبي كلمته وتشككيكه فيني و فيكم و اني انا مو راجعه مع اهلي اذا هو شاك فيني او لاقي علي شي لو واحد ب الميه يقولي الدليل قدامك وانا وعد مني ل ابوس رجوله قدامكم بس يتهمني ب شرفي بدون اي دليل هالشي والله مااسامحه فيه قالت ماما شف والله مو عشانها بنتي بس ترا الحرمه تنسى اي شي صاار لها الا شرفها اللي يغلط ب شرفها خصوصا اذا كان زوجها يمكن تسلك الامور و تمشي معك بس ترا يبقى الجرح ب قلبها وهو سااااكت ماقال اي كلمه قلت عندك دليل عندك اثبات تكلم قال لا ابدد ماعمري شفت عليها شي قلت اجل رح الله لا يسامحك وتراي مو محللتك وبابا يقولي اجلسي الله يهديك وموب كيذا التفاهم قلت ي بابا والله لو انه قايلها مره وحده ان تهون السالفه عندي بس عادها مره ومرتين و ثلاث اسسفه مااقدر ورحت فوق ل غرفتي و هو طلع من بيتي اهلي بس قالي اخوي الصغير ان ماما جابت القهوه و شرب فنجال وقال عن اذنكم وطلع ولا حاكاني ولا قالي اي شي بس ارسلي مسج يمكن العصر سامحيني ي ام محمد غلطت عليك ولا رديت عليه و هو مااتصل بس كلمني المغرب ولا قال شخبارك ولا اي شي ولا حسسني انه مهتم قالي اجي اودي حمود للدكتور عشان عنده مراجعه قلت ب كيفك قال تجهزي قلت تعال خذ ولدك وووده انا ماراح اروح مكان قال اجل روحي مع السواق قلت يصير خير وقفلت منه وارسلي مسج الساعه 1 ب الليل شخبارك ووش اخبار ولدي قلت ولدك بخير و ترا ماوديته للدكتور انت ابوه مسوول عنه اذا فصيت تعال خذه ووده ارسلي مسج شكرا وعليهاااااااااااااااا وقسما ب الله لو حاول يراضيني زي الناس ممكن اتجاوب معه لكن قهرتني طرريقته عارف انه غلطان و لا هو حاس ب جرح قلبي انا ادري اليوم ب يكلمني لانه امس كان مناوبته عند ابوه وكان ب المستشفى وادري لسى ماطلع للحين وادري لما يطلع ب يكلمني وزي كيذا بس انا انجرحت كثيررر و نفسيتي مو قادره تتحمل اكثر من كيذا علموني شسوي و كيف اتصرررف نفسي احد يرد علي بدري مابي يوم والا يومين والا اكثرر لاني خاف انجبر من اهلي اني اروح معه للبيت ابي اعرف ميف اتصرف وكيف اتعامل معه :( اسفه اذا طولت بس حبيت اذكر الموضوع ب كل تفاصيله ولازدت ولا نقصت ابددد عن اذنكم |
اندمجت بقراءة كلامك ونسيت نفسي ..:eek: يتبين يا عزيزتي إنه أهلك ناس طيبين متفهمين .. وإنتي شكلك تعودتي ع الدلال بينهم .. زوجك يا عزيزتي عايش تحت ضغط لأنه أبوه مريض ويحاتي صحته .. وإنتي بفترة الحمل وما تنلامين إذا نفسيتك تتعب .. كلاكما تحت ضعظ .. وبين شد وجذب تتولد الشجارات وسوء الظن .. تحتاجون لوفقة بينكما وقفة هدوء .. ومصاارحة وتنااازل .. عزيزتي ربي يعطيك العافية .. ويتمم حملك ويحفظ طفلك .. أمك امرأة متفهمة حاولي تشوفين شو حلها بوضعك .. |
الله يهديك بس ..
أول شي حابة أعلق على هواشكم قدام الطفل ترى غلط مررة ومستهينين فيه وفي بكاه ترى بكره هالشي بيأثر عليه وحاولي ماعاد تعيدينها وحتى لو زوجك نافخ وصارخ تداركي الموقف ولا تصيحين قدام الطفل أبداا أنا أخس ما يقهرني هالحركة عدم تقدير وجود الأطفال في الخلافات الزوجية . وبالنسبة لشكه فيك يا بنت الحلال والله لو إنه شاك قسم ما عطاك مجال للحوار خذيها مني هو بس منقهر من تأخيرك وحاسس إنك بديتي تفلينها وتتأخرين كثير قال خلني أصقعها بكلام قوي عشان تخاف وماعاد تعيدها أتوقع إنه كذا يفكر وانتي ماشاء الله كبرتي السالفه وخذيتي حقك وزياده الرجال اعتذر ومبين من اسلوبه حاسس بغلطته ليش تكبرينها ؟ يابنت الحلال عديها وعيشي حياتك هذا خلاف تافه واكيد مشاعر الحمل هي اللي مزودة الحماس اليوم اذا اتصل ولا كلم لا تجيبين طاري السالفه خلاص انسيها وان فتحها بيني انك نسيتي عشان يقدرك في الخلافات الجاية الله يهدي سرك ويفرج همك |
السلام عليكم ورحمة الله وبركاته
دخلت بس ادعي لك ان الله يسهل امرك |
دخل الشيطان بينكم.. والغضب يعمي العيون.. وتأكدي بأنه لم يكن يقصد ما قاله وخانه التعبير وذلة لسان ليس إلا.. وأنت أيضاً أخطأت وفقدت السيطرة على نفسك باتصالك بأهلك.. الموضوع تطور وأخذ حيز أكبر منه كان يمكن المعالجة بهدوء في اليوم الثاني..
عموماً.. ما حصل حصل.. وزوجك اعتذر وحاسي بأنه أخطا في حقك فلا تكبري الموضوع وأرجعي إلى بيتك.. وبما انك مازلت صغيرة تعلمي بأن الحياة حلو ومر وضعي في اعتبارك بأن الخلافات الاسرية عندما تخرج من باب بيتك تكبر وتعظم ولو لم يكن أهلك امك وابيك بهذا القدر من الرصانة والعقل لاصبحت الآن في عداد المطلقات.. والنار من مستصغر الشرر.. وشيء آخر.. الله يرحم والديك لا تتهاوشوا امام الصغار .. |
اوؤاق ملونه
شكرا حبيبتي على مرورك وردك انا ادري ان نفسيته تعبانه وممكن انا نفسيتي تعبانه اكثر منه مابين تعبب الحمل و مرض ولدي و تعب نفسيته ماما سالتني قالت كلمك قلت لها لا ماكلمني وسكتت ماقلت لي اي شي بس حاسه من جوات قلبها مررره مقهوه علي اختي الكبيره تقولي انو ماما وانتي نايمه جالسه تقول قلبي من جوى مو مسامحه الفرودوس والله العظيم اني احاول قد مااقدر مااسوي شي قدام ولدي بس غصب عني نفسيتي تعبانه مرره وتعبت لما قالي هالحكي عشان كيذا انهرت ولو ب تدققين ب كلامي ب تششوفيني حاولت انومه قبل اروح واكلمه ويكبر النقاش هو قال لما قلت له عطني دليلك لو انا شاك فيك واحد ب الميه حطيتك ببيت اهلك انا مااتكلم عن تشكيكه وقلتها والله لو هو قالها مره وحده ممكن اتنازل واقدم تضحيات كثيرررره حتى ماما قالت ي بنتي يمكن مايقصد وعادتها قدامه قالت يمكن انت كنت مضغوط وانا قايله ل بنتي لما كلمتها قلت انتي ماتدرين وش ظروفه وانتي طالعه ولا تدرين هو من قابل او من كلم ممكن احد وصل له معلومه خطا قلت انا قدامه ي ماما والله لو قالها مره وحده ب تهووووووووون بس عادها اكثر من مررره هو ممكن حاس انه غلطان بس مايبي يتنازل لي لو الموضوع اقل من كيذا والله لارمي كل كلمه ورا ظهري و اكمل طريقي بس انا ماابيه يتعووود انو يقول حكي و اسكت وارضى واتنازل اووكي اهلي تكلموا معاه بس انا مابعد خذت حقي ماحسيت انه ندمان ب جد على كلمته نفسي لو ب الشعور مابيه يبوس رجولي بس ابيه لو ب الكلام يكون حنين معي ماابيه يكون قاسي وهو غلطان وقلتها لو هو حاول او حسيت انو ندمان والله ان يطيح كل اللي ب قلبي بس مااحسيت ب شي احس كل كلامه ل اهلي كان مجرد تسليك وانه يبي يخلص الموضوع وبسس مشكوره على مرورك ي قلبي مورجانه ربي يعطيك لين يرضيك شكرا لك طامعه ب نصاايح اكثرررر |
اقتباس:
سالفه اني اوصل بيت اهلك وبعدين ارجع لانك نسيتي الحليب وسالفه اني اتصل وش ناقص البيت ولمن اوصل تقولين الزيت مخلص اللي الطبخه واقفه علبه وحدث ولا حرج ترااااااااها ترفع الضغط اتش H يعني هاير مررررة وتبغيني اعذر مشاعرك وحالتك النفسيه وانتي مقدرتي ظروفي كسائق تحت كفالتك والله ان بعضكن يحن على السائق واولها امك لمن قالت لك السائق نائم حرام تصحيه طيب الزوج يعني عبد مملوك ماترحمينه من المقالب الماسخه هذي انه لمن يوصل بيت عمك تقولين نسيت ونسيت واكيد انها مو اول مرة والا مايتنرفز بهالشكل راجعي نفسك وشوفي كم مرة سويتي هالحركة معه اتمنى من الله عز وجل ان يسسر امرك ويسخر لك زوجك ويسخرك له ويصلحكما وذريتكما تحياتي |
انا مندهش
انا عندي احساس انه عارف انه غلطان بس مابين لي ليه انا جماد مااحس نفسي يحتوني لو ب الكلام والله ماطلبت منه الوف مولفه او طقم الماس كل اللي ابيه كلااام فقط يحسسني انه مهتم فيني واعتقد انه اقلللل حقوقي وعلى قولتك لو انتظرت ببتي انا صبرت للظهر وكنت انا و الجدار واحد مكالمتي ل امي بس عشان تثبت اني كنت معها ومكالمتي ل ابوي كانت عشان يوقفه عند حد لا تحسب اني انا من النوع الي كل ماطق حصاه ب عود كلمت اهلي وسويت من الحبه قبه بس فيه بعض الامور تحتاج ان واحد يوقف معك ولو انا شايفه اهلي مو مسوولين ب زي هالمشاكل ولا راح يدلوني على الطريق الصح ممكن مااعلمهم بس اهلي يعاملون زوج البنت زي الولد واكثرر وذكرت ب نهايه كلامي ادري ان اهلي ب يجبروني على روحتي معاه للبيت يعني اهلي ب صف الزوووج دايم وشكرا ل ردك وب احاول قد مااقدر يكون هواشنا مو قدام اي طفل دراما بانوراما ي اخي العزيز فهمت الموضوع غلطططط انا ب امكاني لو وصلت بيت اهلي حتى العلاج مااطلبه قلتها فوق واقولها مره ثانيه انا مخففه عن اشياء كثيره وقسما ب الله بعدين حليب ولدي مخللللص مو ناسيته وقايله له ب البيت مرتين ب الليل وب الصبح انو الحليب خلص بس هو قالي اذا طلعنا جبت لك يعني هو نسى وانا قايله مرتين وانا برضو ماتذكرت الا عند الباب ولو انا عند اهلي ب اقوله رح و ارسل السواق بس زي ماذكرت انا رايحه بيت عمي يعني صعبه اتامر وهو اولى يجيب ل ولده مو انا فلوسي كلها رايحه على حفايض الله يعز المشاهدين و حليب وامي ترحم السواق لانه من الصباح صاحي ولو زوجي من الصباح صاحي ماقالت خليه يجيبك وشوفني صبرت للظهر لو وحده ثانيه توقف فوق راسه لين يوديها بيتها ع العموم مشكور على ردك وانا مااكثر طلبات عليه خصوصا اذا مان فيه احد ثاني ب يسوي طلباتي وقلت انو طول هالشهر حتى مقاضي البيت انا اللي اجيبها <وش اكثر من كيذا بعددد مو باقي الا اطلع الصبح واداوم عنه :) طامعه ب نصاااايح اكثررررررررر |
:* هذا شرف مو لعب عيال ودائماً أقول الشرف خط أحمر محد يتجاوزه وإلي عنده الجراءة يتكلم بشرف بنات الناس ويتهمهم بدون بينة لازم تكون عنده الجراءة يعتذر بالشكل اللائق ويرد أعتبارك :* وهو الله يهديه ماهي زلة لسان وتعدينها لا كررها أكثر من مرة بلا حياء ولاحشيمة :* أختي إذا كل وحدة زوجها أتهمها بشرفها وسكتت له ومشت الموضوع بالساهل كل يوم بيجي وبيقذفها ويمرمط بكرامتها الأرض الشرف هو رأس مال الحُره ومصدر عزتها ولايجوز المساس به :* وعندك أهل ماشاء الله ولاقوة إلا بالله قمة بالأدب والرُقي وكمال العقل أستشيرهم وشوفي وجهة نظرهم وأختاروا طريقة لرد أعتبارك ولاترجعين بدون رد الإعتبار :* :* |
سيده المواقف
قسسسما ب الله بردتي على قلبي الله يبرد عليك ويوسع لك ب قبرررك وربي انا مو من الطبع اللي تحب مرمط زوجها وسوي من الحبه قبه زي ماقل فوق بس هو عادها اكثر من مرره قهرني ب نفسي وهو ماعنده دليل ولا اثبات وقالها ماعندي لها شي والله مو قادره اسكت له لاني احس لو سمح للموضوع وخليه يمر مرور الكرام ب يرجعني يهيني و يتكلم ب شرفي مره ومرتين وانا لو اتهتمه زور والله مايعديها لي كلامك قوواني لاني كان ببالي اصده لو كلمني ولو طلب مني ارجع للبيت ب شرط انه يتعذر لي قدام اهلي ويراضيني رضوه محترمه كلامك خلاني اظل على موقفي ربي لا يخيب لك ظن ربي لا يخيب لك ظن شكررررا لك |
قال تعالى: ( إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَ الآخِرَةِ وَ لَهُمْ عَذَابٌ عَظِيمٌ )
والاخوان هني يقولون معلش اعذريه ابوه مريض(الله يشفيه)ولا كأنه ارتكب أكبر الكبائر والاخ دراما بانوراما ترك اصل المشكلة وجاي يعلق على حليب الولد وانه تصرفها يرفع الضغط والله انتم الرجال الي ترفعون الضغط بتفكيركم الي يسمحلكم تسوون الي تبوه بحجة انكم رجال ولكم الحق بأي شيء طبعا انا ما اقلك كبري المشكلة بس تصرفي بحكمة وعقل وواضح انه يعرف انه اهلك وايد متساهلين وطيبين للهسبب ما تضايق لما اتصلتي على أهلك بس انا اقلك تكلمي مع اهلك بهالموضوع واطلبي منهم يكونوا حازمين حتى ما يكرر هالشيء يعني ما ترجعين الا اذا زار اهلك واعتذر منهم عن تصرفه يعني مش حلوة تزعلين وتروحين بيت اهلك وبالنهاية ترجعين ولا كأنه صاير شيء |
وصحيح اختي زوجك ماراضاك بالطريقة الي تبينها لانه يعرف انه أهلك حيقولولك ارجعي لبيتك
لو اهلك كانوا حازمين معاه كان طلب رضاك بشكل أكبر وهالشيء الي عطاه زوجك وجه يتساهل معكي وما يهمه زعلك صحيح اهلك حكيمين بس لازم تفهميهم مثل هالشيء ما ينسكت عنه مش عشاني عشانكم انتوا كمان والله يفك كربتك |
استغفر الله شكرا حبيبتي على ردك
ولو هو ناقشني اول قال اي شي ب اذن ربي او شي راح ارسله له هالايه اللي كتبتيها وربي يجازي كل ظالم اهلي يتساهلون خايفين على ولدي و طفلي اللي ببطني لان اختي الكبيره مطلقه وعندها بنت وكل يوم يتعذبون مليون مره ب سبب هالشي وماما قالت لو مرت الايام ب كلامها ل اختي وانا نايمه انو لو جاء يوم من الايام باقوله اني مارضيت وقالت لي اخي انها سمعتها تكلم بابا و تقولها مفروض وقفته عند حد وماحاكيته بهالاسلوب حتى اهلي ماناقشوني ب الموضوع والا المواضيع الثانيه لو كان معاه حق يناقشوني اكثر من مره عشان يخلوني افكر اني ارجع انا قل اخاف يجبروني على الروحه لان اهلي مايحبون يكبرون المواضيع بس ماراح يجبروني وهو على قولك شايف اهلي مرا طيبين معه اقولك وانا احاكي بابا يضحك وربي انه قهرررني حسيت انه يقول ماهمني الموضوع بس ب اذن ربي ماارح ارجع الا زي ماقلت قبل يراضيني قدام اهلي و قبل يعتذر لي يعتذر ل اهلي ل تشكيكه فيهم و ف تربيتهم لي لان الكلمه لو جرحتني ب تكون جرحت اهلي اكثرر وماما اكثرر شي لانه تحس جرحها هي لانها هي اللي مربيتني يعني لو فيني نقص ب يككون منها مو مني وربك كرررريم و قادر انه يررد حقي وانا حلفت اول المشكله وقلت والله ماارجع الا ب مهرر جديد عشان يتادب مره ثانيه دعووواتكم |
:* غاليتي مهر جديد هذه كثيرة خليك منطقية وفكري بشيء أخف وطأة أنتِ تبغين رد أعتبارك مو تكبير وتضخيم المشكلة : |
اقتباس:
ما توصل لدرجة تطلبين مهر جديد لانه صدقيني حيعاند انتي بس خلي يعتذرلك قدام اهلك يعني لو اتصل عليكي وقلك جهزي نفسك ارجعك البيت انتي قولي كلم اهلي اول وبعدين برجع معك والله يا اختي لو انا في مكانك ماكنت وصلت الموضوع لأهلي يعني اذا اتهمني بشرفي من اول كلمة كنت طنشته ومستحيل اتكلم معاه الا بعد اسبوع اسبوعين واذا كررها مرة ثانية وقتها كنت رجعت لاهلي حتى يتعلم ما يعيدها بس بما انه الموضوع صار واصل لاهلك فلازم ترجعين بكرامتك ويعتذرلك بس قدامهم وبعد ما ترجعين البيت تعاملي معاه برسمية وكوني جادة حتى يعرف انه الموضوع اثر على نفسيتك بس انك تطلبين مهر فاحذري من هالخطوة لانها ماحتفيدك يمكن تزيد المشاكل |
العناد في مثل هذه الامور نتايجة وخيمة.. وطبيعة معظم الرجال اعتذاره على ما بدر منه بالطريقة التي يريدها هو لا بالتي تفرض عليه.. زوجك يعرف قيمتك جيداً وأنك أشرف من الشرف نفسه وما بدر منه هفوة وقد أدرك خطأه فلا تعقدي الأمور ووالدتك سترضى في النهاية عندما تجد أمورك مستقرة وحالكم مستور.. وانت التي تعيشي مع زوجك لا والدتك.
يا اختي.. استهدي بالله بعض الأقلام هنا تألب عليك ومن خلال حديثك عن زوجك لا أجده إنسان سيء لكن حال البني آدم كتلة من الانفعالات والضغوط.. استغفري الله وانظري لحال مولودكم ولحملك وفقك الله.. |
يا أم محمد .. زوجك غلط .. أخذته الحمية لما شافك انقهرتي من كلمته وحس أنه لقى شيء يقهرك فيه .. ولما انقهرتي اكثر انبسط على حاله وصار يكررها بدون ما يقصد معناها .. بس مبسوط أنه حصل كلمة تأثر فيك بالحيل .
وانتِ ما شاء الله عنك تصرفتي صح وما سكتي له ولا عديتيها لأنه كل شيء الا الشرف ما ينسكت عنه .. وظل مو شاعر بقيمة كلمته ولا بكبرها إلا لما واجهتيه قدام أهلك .. وقتها خجل من نفسه وعرف معنى كلامه وعرف حجم كلمته .. يعني حبيبتي إحنا وصلنا لهدفنا .. مو هدفنا أخذ بثار إنما وضع النقاط على الحروف ورسم الحدود الحمرا ... والان هو عرف الخط الأحمر وشافه كبير وواضح ... والدليل انه قاعد يحاول يعتذر بطريقة الرجال المعروفة :) من رأيي أنه وبما انها اول مرة أنك تعديها هالمرة .. وإذا لا سمح الله عادها وقتها تتصرفي وتطلبي رضوه ... لو طلبتي من الان رضوه واتخذتي أقصى الإجراءات :) شنو خليتي لبعدين ؟ بتنطي على الطلاق على طول لا سمح الله ولا يقدر . ما عليه .. عديها هالمرة لأنه كان جاهل والجاهل ما يتحاسب الله يبعد عنكم الشيطان ووسوسته |
سيده المواقف & استغفر الله & انا مندهش
انا والله مافكرت انو اطلب مهر جديد انا اقوول اني من اول ماصارت المشكله كنت مرره متضايقه وابيه يرد اعتباري وهالكلام وانا ببيتي قبل اجي بيت اهلي كن اقول بيني و بين نفسي ب لحضه الغضب والله ماررجع الا ب مهر جديد بس انا قلتها فوق وقسما بالله ماطلبت الوف موولفه كل اللي بغيته يكون حنون ب كلامه معاااي اقل اقل اقل شي يحسسني انه ندمان ومتضايق من فعلته مو سافهني و سافطني وب اتصاله حتى كلمه سخبارك ماقالها حى كلام حلو حبيبتي حياتي قلبي اي شي ماسمعني اي كلمه حلوووه والله لو هو تهاون بعد ماجيت عند اهلي و قالي كم كلمتين وجبر خاطري فيهم راح اروح معاه البيت و راح اكون حازمه وابين اني تعبت من كلمته بس انا ماصممت على رايي واني اخليه يعتذر لي ول اهلي الا بعد ماصار متجاهلني انا توقعت اقلتها ب الكلام يبين لي انه متضايق والله انا مو جالسه اقول انه سيي ولا اقول انه ع الطالع والنازل يسبني بس قهرني ب نفسي جررحه مو ممكن انساه ب سهوله ودي اقل شي يرد لي اعتباري يحسسني اني ام عياله زي ماانا اشوفه انه ابو عيالي والله ماعمري ضريه حتى لو ب الكلام وانا اناقشه ب البيت اقوله انا عمري ضريت وحاول ي شتتني و جاب لي طاري ثاني قل له رد على سوالي قالي لا قلت وانت ليه تضررني و سكت بس انا قهرني انو عاد الموضوع مره و مرتين وثلاث وقلتها فوق والله لو حاول يحسسني اقل شي انه ندمان يمكن ارضى و امشي الموضوع بس انا مو حاسه انه ندمان وزي ماقلت فوق احس انه كان يسلك لا اهلي ويبي يخلص الموضوع وبسس |
بيتا حبيبتي ربي يعطيك لين يرضيك
شوفي ردي الاخير و عطيني مشورتكك :) وانا ابي كلام بس واعتقد انه اقل اقل اقل حقوقييي انا والله العظيم لو قلت كلمه وماعجبته حتى لو مزح قايلتها او ب الغلط اعتذر الين يرضى ومرات مايرضى ب سهوله ويتركني فتره يوم او يومين و هو يحسسني ان كلمتي غلط حتى لو كانت طالعه ب مزح يعني يردد اعتباره زي مايبي و انا ارضي غروره و اوصل ل مطلبه ولا اتنرقز واتضايق و اخليه لين طيق راسه ب اقرب جدار و يرجع لي الحياه مشاركه مو كل شي انا اسويه وهو يتفررج يعني المطلوب منه فقطط يحسسني انه مضايق على زعلي مو انا و الجدار واحد ولو زوجي من النوع المتكبر ومايعتذر للناس ممكن اعدي الموضوع بس انا اسمعه و اشوفه وربي اي اي اي احد حتى لو موضوع مايستاهل ع الطالع و النازل يعتذر وي حبيبي و ي وي وي انا اولى يقولي هالكلام و يرد لي اعتباري من اي احد ب الشارع |
:* ملاحظة: البعض فاهم رد الأعتبار أنه مادي رد الأعتبار ليس بالضرورة أن يكون مادي بل على العكس أحيان كثيرة يرد الأعتبار بأمور معنوية تهم الإنسان أكثر من المادة والمادة لايمكن أن ترد الأعتبار إلا في مشكلات معينة وليس جميع الناس يرضون بها بديلاً لرد أعتبارهم :* جرى التنوية حتى لايحدث لبس بين رد الأعتبار في تهمة شرف وبين رد الأعتبار المسمى رضوة عند زواج الزوج على زوجته أو عند ضربها كما متعارف به عندنا فالتُهم رد أعتبارها مختلف تماماً :* |
خلاص ما دام انت ما يرضيك الا تقديم اعتذار منه وشفاهة واجهيه عندما يتصل واطلبي منه يعتذرلك شوفي آيه ردة فعله.
|
سيده المواقف ي ريت تعطيني امثله ل ارد اعتباري
انا والله مافكرت ب الماده كل همي معنوي ابي احساس فقطط على ان لو فكرت ب الماده زوجي مايضررره ابد فلوسه تتعدى شعر راسه بس انا مو تفكيري مادي وقسما ب الله لان لو انا حاسه ب نقص من ناحيه الماده ممكن اعوض ب حاله الزعل واقول اشتغل الموقف وارضي طموحي اللي هو الماده بس انا كيذا و الا كيذا ماخذه حقي و زياده لله الحمد ابي فقط احساس معنوووووي ابي احس انه متضايق عشاني بررب ارجع لكم بعد ساعه ب اذن ربي و اذا فيه مستجدات عطيتكم |
اقتباس:
طلبتي رأيي صدقيني إلا يرجع يعتذر منك بطريقة أخرى ... هو قاعد يحاول يعتذر ويمكن تقدري تظلي مو راضيه ((مثل ما هو يظل معاك لما تراضينه)) إلى أن يعتذر لك بالطريقة اللي تناسبك . كل إاللي أقوله انك تحبين زوجك وراضيه عنه بأمور كثيرة .. وهو يحبك وغالية عنده كثير وما غليتي بقلبه لهالدرجة إلا بسبب طريقتك الحلوة معاه ولأنك بنت أصول وتطيبي خاطره فلا تتغيري عليه الحين . لا تكبريها حبيبتي كثير .. أخاف تسوي شرخ بحياتكم ماله داعي . |
مع رأي عزيزتي بيتا ..
خلاص ؛؛ تركك لبيتك بحد ذاته تأديب لزوجك .. وش تبغين اكثر من كذا .. واوصيك ؛؛ اذا زوجك غالي عندك ؛؛ فلا تكسرين رجولته بالاعتذار عند احد .. حتى لو كان اهلك ! تعوذي من ابليس وادعي الله اليوم بالوتر ان الله يذهب مافي قلبك اصلح الله ما بينكم و سخركم لبعض.. وصدقيني ؛؛ لو كان زوجك في غير هالظروف من مرض الوالده الذي كاسر ظهره ؛؛ اكثر مما تتصورين !! فهو اشد عليه من الموت نفسه .. لكان لنا كلام اخر .. وما شكا وما عتب وما حكى الا حاجته الماسه لك .. فلا تزيدي همه وهمك .. |
أختي... ما شاء الله... رجاحة عقل... و تخطيط سليم... زوجك وصلت له المعلومه بأنه أخطأ خطأ جسيما... نعم والده في المستشفى... نقدر هذا... ولكن أن يخطأ و يتهمك في شرفك... فلا و ألف لا... وصوله إلى منزل أهلك و إعتذاره بشكل غير مباشر جيد... إذا أرسل مرة أخرى... اطلبي منه ان يتصل... و تفاهمي معه بالهدوء... أدرك أنكِ تحتاجين ان تحسي باعتذاره الحقيقي عما بدر منه.... أدرك ان رسالة منه لا تكفيكِ... فكلمته خرجت من فمه.. و لم يرسلها لك على الجوال... تحدثي معه بهدوء... و كونكِ زوجته ستعلمين حتما صدق اعتذاره من نبرته....و أرى ان لا تزيدي العتاب بعدها...أرى أن ترجعي بعدها الى البيت و لكن نبهيه أنك مازلتِ مكسورة من كلمته و أن يصبر عليك حتى يشفى الجرح الذي اقترفه لسانه... وفقكِ الله...
|
الله يهديكم ويصلح حالكم |
مع راي الاخت بيتا
ولاتزيدي وتكبري القصه .. كلام زوجك وتودده لك يعتبر اعتذار ويدل على ندمه على ما بدر منه .. خليكي عاقله ... ولاتنسي انه زوجك يعيش بضغوط من ناحيه الاهل وانتي حساسه بسبب حملك .. لاتدققي بكل الامور .. اما بالنبسه لكلمه زوجك لك زي ما قالت شقر55ديه خروجك من بيتك تاديب له .. وهذا كافي .. |
:*
رد مكرر :* |
اقتباس:
:* أبغاكِ تكوني ذكية جداً وتطبقي الآتي: *إذا أتصل زوجك ردي عليه وخذي نفسك بمكان هادي بدون محد يقاطعك نهائي وقولي له مايشبه مايلي: تعلم يافلان أنك نور عيني وجزء من كياني فتخيل لما أعز إنسان عندك بالكون يجرحك وياليته جرحك بشيء هين لاجرحك بأعز ماتملك (شرفك) والله والله ماتوقعتها منك وإلى الآن ماني مستوعبة أنها طلعت منك أنت..!! أنت إلي أعرفك أكثر من نفسي زوجي وأبو عيالي إلي العيبة ماتطلع منه..!! أنت إلي تعرف أخلاقي زين ومعاشرني وتعرف أنا مين وكيف تربيتي..؟! وأنا ما أطلب منك إلا شيء واحد ترد أعتباري لأني مجروحة حييييييل منك وإلى الآن جرحي ينزف وأنتِ تكلمي بهدوء وصوت متزن ولاتنفعلي أو تعصبي أو تظهري الغضب بس عاتبيه عتاب المحب لحبيبة وأنتِ فاهمتني لاتخلين له فرصة يقلب الموقف لصالحة لأن أي شدة منك أو غضب أو أنفعال بتخلينه يعاند ويركب رأسه ويسيء لك خليك قمة بالهدوء ونبرة صوتك هادية :* طبعاً لحظتها أسمعي منه ولاتقاطعيه لحد مايخلص كلامه وأستشفي منه كيف يقدر يرد أعتبارك وأرمي الكرة بملعبه وأبغاكِ تحطي ببالك: أنك تبغين تعطينه درس لا أكثر حتى مايكررها ومايحسبها سهلة وليس الغرض تفاقم المشكلة أو تكبيرها وعلى هذه النقطة أشتغلي يعني خليك فاهمه كيف تتصرفين بدون تهور وإذا شد أرخي وإذا شفتي أن الأمور ممكن تفلت منك تداركي الوضع وأهم شيء التصرف بحكمة :* الله يوفقكم ويسعدكم وبإذن الله بتنحل على خير :* |
مع رد الاخوات العزيزات بيتـــا وشقرديـــة وسيدة الموقف ولا ازيد على كلامهن كلام الا نصيحه لك غاليتي حاولي تحلين مشاكلك مع زوجك بهدوء وبدون عناد لان حرام تحرقين قلب والديك عليك خاصة امك .. مو معقوله يتحملونكم ويحاتونكم ويتعبون معاكم وانتوا صغار .. بعد يستمر التوتر والحزن والتعب والقلق وهم كبار ؟؟ ريحيهم الله يريحك دنيا وآخره ..والله قلبي متقطع على امك مسكينه يمكن النوم ما تتهنى فيه من التفكير .. ولا تطلبين من زوجك يكون مثل ما انتي تبينه يكون .. الاعتذار بطريقتك .. الحب بطريقتك .. الزعل بطريقتك الشوق والحنان بطريقتك ... الناس تختلف حبيبتي بطبيعتها وتصرفاتها وشخصياتها .. ربي يفرج همك ويشفي ولدك ويسهل حملك ويسعدك مع زوجك يارب |
بيتا
شكرا حبيبتي على ردك لي و ربي يستجيب دعاءك ؤانا ؤالله ماطلبت أكثر من إحساس أنؤ مهتم لي ولو صار ب يطيح كل اللي ب قلبي و كلامك اقنعني و حسيت فيه اعتذار بس كان نفسي أسمع صوته واعرف من نبره إضا ندمان أو لا بس هو اتجهه للرسائل اللي مأتعطيني حقيقه مشاعر شقرديه شكرا ل ردك و مرورك أتمنى تكون طلعتي من البيت تأديب له مؤ مجرد أنؤ طالعه أغير جو ب نظره أو عشان تتعدل نفسيتي لكل شيء حد ؤالله هذا مطلبي أنا نفسي أفهم ليه هو جالس يحاكيني ب المسجات واتمنى يكون ظني ب محله أنؤ مستحي يكلمني لكن حركته اليوم اللي ب أذكرها ب نهائه ردي على الجميع بينت لي عكس توقعاتي رجاء الرحمه الله يعطيك لين يرضيك سندريلا الحب أي تودد و أي كلام اللي تقولين عنه هي مره وحده بس و ب مسج أرسلها سامحيني وبعدها كل كلامه كان قاسي و جاف معاي ماشفت منه تودد وولله الحمد أنا مأزلت عاقله و متماكسه لأني حامل ولا أبي تتعب نفسيتي أكثرر وألا ؤالله لو أحد ثاني ب مكاني ممكن مايعيدها على خير بس أنا للحين جالسه أتعامل معاه ب عقل بس ماشفت أي نتيجه سيده المواقف ب إذن ربي راح أمشي ب حكيك بس وينه هو ليه ماكلمني ولا حاول يشوف ؤش في خاطري لمني بشوق مأما ولله الحمد إنسانه عاااقله ومتأمسكه جدددن وألا لو أم ثانيه ممكن يبان التعب ب عيونها بس حسستني أنها معاي وقالت لو تبين ترتاحين ببيتنا أيام أنا موقفه معاك وهي قالت لي ليه ماكلمك وسالتني أعتذر لك قلت لا بس مسج و قلت لها عنه و لا قالت شيء بس قالت لازم تأدبينه *** المستجدات أرسلي مسج العصر جهزي حمود ب أجي أخذه أنا و أمي ب أؤديه الدكتور رديت عليه ب مسج قلت متى قالي على المغرب جاء و أنا كنت طالعه مع مأما وولدي ب البيت وفتحت الشغاله وقالت له أني طالعه وقتها كان جوالي مقفل ولما رجعت للبيت وحظيته ب الشاحن لقيته متصل 3 مرات و بعد ماجاء أخذ حمود مؤ قبل يعني مكالمته بس عشان يشوف أنا وين وخافت مأما أنه يأخذ حمود ؤمايرجعه وكانت بس تحاتيه ولما جت الساعه 10 اتصل علي كنت جالسه بين أهلي و إزعاج وقمت من عندهم ورديت عليه أنا : نعم هو : وينك أنا : أمر وش بغيت هو : وينك فيه و ب نبره حادده أنا : ليه ؤش تبي مني هو : لا تعلميني طوط طوط طوط » قفل ب وجهي طبعا :) ؤانا راجعه عند أهلي إلا جوال مأما يدق ردت مأما قال وينكم قالت مأما ب البيت قال وين ب البيت وعصبت مأما قالت ب البيت قال كلكم قالت مأما نعم ؤش هالاسئله إقولك ب البيت قال إذا تبون حمود علموني قالت مأما يعني ب تخليه عندك قال لا بس إذا بغيتوا أجيبه قولوا لي قالت مأما حنا ب البيت إذا تبي تجئبه جبه دقائق و رن الباب إلا هو جائب ولدي ؤبسس هذا اللي صار ب ذمتكم له حق يزعل وحتى المكالمه مايتصل ولا ئبي يسمع صوتي ليه ؤش غلطت فيه أنا قسما ب الله أني مازدت ولا كثرت ؤانتوا تقولون تنازلي وروحي للبيت ليه هو طلب مني أجي للبيت وألا سألني شفيك متضائقه ورب الكون جالس يحسسني أنؤ إنتي و الجدار واحد واذا يعني متضائقه ؤش صار مؤ نهائه العالم ب النسبه له زعلي و ضيقه صدري و يمكن جرحي ب النسبه له شيء تأأفه و مايشوفه شيء ي رب ي رب ي رب طامعه ب رضاااك فقط و الفردوس الإعلى من الجنه لي و ل حبيباتي وكل من رد علي دعواتكم و نصايحكم :( |
الله يكون بعونك و يرد لك حقك و يجبر بخاطرك
أنا ما أشوف أنك غلطتي بهالموقف نعم لسة مو باين أنه فاهم ما تفوه به من كلام فحتى طريقة أعتذار الرجال لم يفعلها انتظري لحتى ما هو يكلمك و يفتح الموضوع الكرة الآن بملعبه فما ذا ستفعلين الأن , هل تتصلين به و تقولين تعال رجعني أو هيا أنا كلمتك فاظهر تأسفك بالصوت عششان ارجع خلاص الدور دوره |
اختي زوجك غلطااااااااااااان لانه اتهمك بشرفك هذا ما يختلف عليه 2
انا برايي اصبري الين يرسلك مسج فيه مبادرة صلح (مثل المسج حق سامحيني يا ام محمد) اذا ارسل ردي عليه بمسج (اتصل علي) اذا دق قوليله الكلام اللي قالته سيدة الموقف وزيدي عليه انا ام عيالك وزوجتك وحبيبتك وللاسف زوجتك وحبيبتك وام عيالك طعنت بشرفها من دون وجه حق هل ترضاها عليا؟؟ (هو اكيد هنا بيقولك لا ) قوليله اذن ردلي اعتباري ,, ردلي اعتباري من اللي طعن في شرفي وبالطريقه اللي انت شايف انك تستحقها وانا استاهلها... وبس اجلسي وقتها وشوفي كيف بيتصرف......... في نقطه مهمه ااخختي حبيت انبهك فيها اتمنى تقبليها بصدر رحب زوجك اختي متضايق من طلعاتك الكثيره ومن كلامك صراحه احسك على طول برى البيت وحتى لو كنتي 'طالعه مع اهلك وقرايبك امك وخواتك وبنات عمك بس برضه طالما هذا الشيء يزعله اجتنبيه هو اليوم لما دق العصر ولقاك طاالعه انقهر بزياده ..هو مو قصده انه يحبسك بس خففي من قصة الزواجات وطلعات وسط الاسبووع قدر الامكان..خلي وقت طلعاتك وقت ما هو يكون طالع ورجعتك للبيت قبل ما هو يرجع مو حلوه الزوج قاعد بالبيت وزوجته برى كثييير ازواج ما يقبلوها وشكله هو منهم ومضايق وللاسف مو صريح معاكي وخزن زعله في قلبه الين انفجر عليك وصار يقول كلام ماله داعي من قوة الزعل اللي شايله في قلبه.. |
زوجك ذو كبرياء وعظمة
حاسس بغلطة بس صعبانة عليه نفسه يعتذر مباشرة نصيحتي لك وبما إنك عودتيه على إنك تراضينه مره وثنين وثلاث أنا هنا أقولك مهدّي له الطريق علشان يعتذر منك واقبلي اعتذاره بأي طريقة قدمها إذا كنتي تحبينه وهو يحبك وفيه أشياء بحياتك معه حلوه وتشفع له انتبهي على بيتك وخذي كل اللي تبينه منه بطريقته وزوجك من خلال ردودك يجيبه الاسلوب الحنون الطيب لا تعاندينه صدقيني تعاندين حياتك معه أنا ما أقول إنه مو غلطان هو فعلاً غلطان بحقك بس انتي ماشاء الله عليك اخذتي حقك منه ويكفيك رسايله وحتى مكالماته ولو انها مو بالشي المطلوب بس لا تنسين مثل ماقلتلك كبرياءه وطبعه الصعب تغير معك وحاول بس انتي صديتيه باسلوبك الجاف لا تتهورين وعلشان نفسك وراحتك واستقرار بيتك وطفلك سوي اللي قلت لك عليه معه وتعالي له باللطف وراح تشوفين كيف يعوضك بعد ماتهدأ العاصفة وبيحس بغلطه وبتشوفين ندمه بس رجااااءً لا تعاندين وتعوذي من الشيطان |
إلمسداني
شكرا ل ردك حبيبتي أنا هذا تفكيري مستحيل أروح واكلمه واقوله تعال خذني أو ليه مااعتذرت لي وهو مابين لي بنبره صوته أو ب طريقه كلامه أقسم لك ب ربي حتى كيف الحال مايقولها كاني أنا اللي غلطانه و طاغنته ب شرفه ؤ على قولتك الكره ب ملعبه وللحين مؤ شايفه شيء كرستالأ إذا على المسج وانو يتودد لي فيه هو مسج واحد ماارسله إلا مره وحده ووقتها كنت ب حده الغضبب ومستحيل أقول أي كلمه حتى رد للمسج ماكنت أبي أقوله شيء لأني خفت أزيد ب العيار فضلت السكوت قلت الين يتعدل و على الأقل يكلمني وب مناسبه كلامك أووكي أنا ممكن طلعاتي كثيره بس هاليومين طلعاتي فققط غسان أختي زواجها نهائه هالشهر يوم الأربعاء مؤ ألجأي اللي بعده و إنتي ك أمرءاه عارفه الأشغال اللي تصير حتى كنت راح انتظره ف البيت بس إذن المغرب وصلوا وهو ماجاء وألا كنت أنا ب أسلم له ولدي تركته مع الأطفال ب البيت و الشغاله تعطيه وب خصوص طلعاتي مع قرائبي اقسم لك ب ربي حتى لما جاء يناقشونه أهلي قلت قدام أهلي و قدامه إذا هو إنسان يتنرفز من طلعاتي يمنعني زوجي إذا الموضوع فيه أهله لو ب أروح للمريخ راضي ولو أرجع الصبح راضي بس الموضوع فيه أهلي لازم يخررب وب خصوص جلسته ب البيت أنا لما أكون عارفه أنه ب البيت أكلمه لما أخلص واقول تعال خذني بس هو من يومين قائل لي معزوم عند أخوياه ؤانتي عارفه جلسه الشباب تطول آثارئهم كنسلوا الطلعه والاخ ماقال لي وجلس ب البيت طيب ؤش ذنبي أنا حتى ماكنت أعرف صعبه المنال شكرا ل ردك حبيبتي أدري أنه عنده كبرياء بس الكبرياء هذا ئطلع علي بسس بس فيه مواضيع تصير بيني و بينه و يعتذر وحتى لو كنت بعيده أو هو بعيد يتصل و يتأسف و يحاول يلطف الموضوع بس هالمره عاادي مؤ هأهمه كأنه ئبي يأدبني على تأخيري ب حساب شرفي قاعد يحسسني أنه مقتنع ب الكلمه و أن حتى الكلام اللي قاله ل أهلي مجرد تسلييك أنا حتى لو أهلي كلهم على فراش المرض ممكن مااتجرا و أقول كم كلمه تحرحه ب تكون مشاعري حساسه و همي أني أتعامل معاه كويس عشان مائزيد تعبي هذا ؤالله لأفكر لا ب مرض أبوه ولا أي شيء لحد الآن جالسه إشوف تنفيررر مؤ جالسه إشوفه مهتم أدري أن تفكيره مأيوصل للطلاق بس مؤ جالس يسوي شيء ؤانا مستحيل أنا اللي أحس ب الجرح و أبداها لازم إشوف منه غ الأقل كم محاوله أنه يتقرب لي و يتودد لي بس كيذا رافع أيديه من الموضوع وازيدكم من الشعر بيت حتى أمس قبل يرجع من المستشفى رحت بيتي و رتبت كم شغله لأني طالعه و البيت فيه كم شغله مؤ ب مكانها خفت تدخل أمه و تلقى البيت مكركب على أنها أشياء لا تذكر بس أنا ماحب تشوف علي شيء ولا أخذت ب البيت يمكن نص ساعه ؤشغلت ألفواحه و بخرت البيت و طلعت اقسم ب الله حتى كلمه يعطيك العافيه أو سؤال بس جئتي البيت أو أي أي أي شيء حتى لو ي زين البيت مدح ذم أي تعبير مااافي بس كلمني وجلس يهاوش إنتي وين و قفل إحساسه و طبعه و أسلوبه معاي كل يوم عن يوم ينفرني منه مأما قالت لي أن أبوك قال خلها ترتاح ؤكيذا بس ماحدد له أيام قال خلها ترتاح عندنا كم يوم الين تصفى النفوس بس حتى لو المفروض بهالأيام يحاول يجذبني له عشان إذا قال يلا البيت أروح بنفس طيبه بس ؤش أقول ما أقول غير اللهم أني اسالك رضاك و الفردوس الإعلى من الجنه لي و لكم جميعا ي رببب » مأما تقول إذا مقهوره أو تحسين ب ظلم ادعي ل نفسك و اللي تحبين لأنه وقت استجابه |
ان من اكبر النوب قذف المحصنات فهو ليس بالامر الهين ولكن تاخرك الي هذا الوقت خطأ كبير وان كنت لا اعفيه من جزء منه لانه المسئول عن اهل بيته وهو الذي سمح لك ولم يعطي لك ميعاد للرجوع
المهم انتم الاثنين مخطأين ولكني اري خطأه اعظم ولابد ان يستغفرالله منه قبل ان يسترضيك انت ارجعي الي بيتك وهو اثمه عند الله واصلحي حالك مع زوجك وتأكدي ان الله لا يضيع عنده حق واصبري وسترين ان الله سيعزك |
أسلوب الضغط الذي تمارسيه مع زوجك خطأ 100% وستكون نتائجه عكسيه لو استمريتي عليه.. أنا لا أقف إلى جانبه لكن صدقيني حدسي يقول لي ذلك.. ومهما كانت مكانته عندك يهون كل ذلك إذا أحس بأن غايتك هي لوي زراعة.. .. لا تدخلي والدتك في كل شيء بينك وبين زوجك حتى لا تكبر الهوة بينه وبينها، وكوني عاقلة انت تحت أمرة زوج هو المسئول عنك ومن حقه أن يعرف خرجاتك حتى لا تأخذ المشكلة طريق آخر.. الله يهدي سركم.. ويصلح ذات البين. |
اقتباس:
غاليتي ... أنا مع هذا الرأي .. أسلوب الضغط والإهمال من جانبكِ سيولد مشاكل اخـــــــرى .. وطالما أنت على ذمته له الحق بمعرفة أين تخرجيــــــــن .. أصلح الله حالكما وفرج عنكمــــا |
mayooyaaz
شكرا ل ردك لو هو قالي ارجعي ب وقت معين والله له الحق يوطى راسي لو هو نزلني ب مكان وفجاءه صرت ب مكان ثاني له الحق يقتلني لو هو بين لي لا تتاخرين او شي ممكن بس والله مو اول مرا اتاخر و غالبا الزواجات ماتخلص الا ع الفجر اذا هو متهم مره و يبيني ارجع للبيت طيب يجي ياخذني ليه جالس ب البيت زي الحريم والا ينتظرني الين اسوق سياره واتكفل ب كل شي انا مندهش ممكن تفهمني ايش اسلوب الضغط اللي فهمته من كلامي وانا راح ارد عليك ب فهمي انا اذا قصدك ابغى شي معين يوصل له قلتها فوق اقل حقوقي اللي هو احساس انه ندمان ماوصل لي كيف جالسه اضغط عليه انا ماشفت منه شي عشان اقرر و احط براسي نوع معين للاعتذار وبعدين ماما انا مااخذتها مشورتها على انها عاقله و اكيد تبي الخير لي ولو اخذت رايها ماراح اضيع بس انا لو عندي راي من برا كان ماجيت اخذ مشورتكم لان كثر المشوره و اختلاف الراي ممكن يتوهني بس انا ماحبيت ادخل ماما ب سالفتي و اتعمق فيها سوالها لي بسس عشان تتطمن علي و تشوف وش وصلت مع زوجي والا والله قلتها ببدايه موضوعي تجيني ايام و مشاكل عظيمه حتى ب شكل وجهي مايبين اني متهاوشه معاه مو كل شي ادخل اهلي فيه بس المشكله تحتاج انو اهلي يتدخلون فيها لو هو عنده اخوات والله مايرضاها لهم خصوصا اذا كانت الطلعه م امه و اخواته يعني التشكيك مو فيني لحالي ب امي و اخواتي معيي عيب والله عيب حتى لما كنت ب البيت واقوله وش تبي اكثر من ان ماما كلمتك و قالت لك انها معاي صار يبتسم قلت يعني قال يعني اهلك و يبون يسترون عليك وانا والله ثم والله ثم والله ماجبت ل اهلي هالموضوع ولا قلت انو كلامه كيذا لان لو جبت كلامه هذا انو اهلك و يبون يسترون عليك ان تصير مشكله اكبرررر وللان مو شايفه نتيجه و انا مازلت متماسكه وافكر ب عقل مابعد انجنيت و حطيت عليه شروط وحلفت مااطلع من بيت اهلي الا مسويها كلها اوراق ملونه له الحق يعرف اذا كان مهتم فيني لكن لا اتصال ولا سوال واكلمه اقوله ممكن اطلع او ممكن اروح لا والله مستحيل خليه يفكر اول يسالني عن حالي بعدين افكر كيف اشاوره ب طلعتي و دخلتي وانا ماطلعت مع غريب مع اهلي برررب |
يا بت الحلال.. يعلم الله بأننا نريد لك الخير.. نحن الرجال اقدر على الظلم من المرأة وهذه طبيعة الرجل الشرقي.. ونكره الندية في التعامل ولوي الزراع.. زوجك أخطأ في حقك ونال جزاته ببعدك عنه.. وأعتذر بطريقته وسوف يعتذر أكثر لو تنازلتي ولعنتي الشيطان ورجعتي إلى بيتك.. لا تعقدي المشكلة.. الحياة لن تقيف ستستمر وستواجهين الكثير الكثير من الأمور التي تحتاج إلى صبر وحنكة ودبلوماسية ودهاء المرأة.. صدقيني لو ظهر لي من خلال حديثك بأن زوجك هذا ليس فيه خير لقلت لك خارجي نفسك وليذهب هو إلى الجحيم لكن ما حصل حصل.. كلنا نخطيء والله خالقنا يتوب ويغفر.. فما بالك أنت..
استهدي بالله.. الله يصلحك |
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©