|
يقولون انه خطبني واحد ملتزم
السلام عليكم ورحمة الله وبركاته
مدري من وين أبدا ,,أصلاً مدري هي فضفضة ولا استشارة .. يقولون انه خطبني واحد ملتزم وعلى قولتهم مافيه عيب !!!!!!! المهم تخيلوا أبوي ماشاورنا ,,خبر زوجته بموضوع الخطبه ,,وبعدين جاء يقول لأمي أنتم تعرفون ناس من العائلة الفلانية ولكم علاقة فيهم يوم قالت لا ,قال أجل وشلون يجي ويخطب منا وانتي ماتعرفينهم . أمي ياعمري كالعادة ,,وبعدين يوم جيت قال لي لك صديقة من العائلة الفلانية نفس سؤال أمي أنا قالت لا صدق مااعرف ,بعدين قال دق واحد يقول أبي فلانة قصده أنا ,عاد أنا ماكنت عارفة قلت يمكن غلطان ,.قال لاهو قال اسمنا بالكامل ويعرفنا ويعرف كثير عنا ..<<شكله جلس يحقق مع الرجل !! الي قهرني ماقال لي وش رايك وحتى كذا قدام اخواني وخواتي الصغار ,,الله يسامحه أسلوبه مدري كيف؟؟ فيه كلمه قالها مدري وش قصده ,قال لأخوي انا قلت بس علشان اسمع انه بنات يشكون من اهاليهم انه مايدرون انهن ينخطبن ؟!!! ماهمني الخطبة كثر موقف أبوي ,,مو المفروض يسأل ويعرف وبعدين يقول لي وشلون يقول كذا يعني تراني بس أعطيتك خبر يعني رأيي مو مهم .................................................. ............. أستغفرالله العظيم الحي القيوم وأتوب إليه .......... |
أبوك يبغى يبري ذمته ويعطيك خبـر ليش زعلانه .:d.
صـح الأسلـوب كان خاطئ ..بس هذا الوالد على العين والراس .. حبيبتي .. هل ترانا نلتقي .. هـدي اعصابك ورووووقي شوي .. وأستخيـري حتى لو ابوك ماطلب رأيك الى الأن .. الله يسـهل أمرك ويسعدك ونفرح فيك قريـــب .. |
أنت فرحانه بس تبيغين تشغلينا با أسلوبك أبوك :23:
الف مبرووووووووووووووووك :d |
بغض النظر عن الاسلوب
انظري الى الاهم الشخص المتقدم لك ؟ ملتزم حطي عليه مليون الف خط ؟ |
أظن البنت زعلانة إن أبوها ما أخذ رأيها
يعني من عنده لعنده صرف الخاطب هذا فهمي |
اقتباس:
آمين ..... مشكورة على الطله. |
اقتباس:
و أخواني الكبار استحي مو بالمره العلاقه معهم. |
اقتباس:
أصلا الوالد إذا مو ملتزم على الأقل محافظ مايوافق على أحد. ليه و ش عيبهم الملتزمين !!!!!!! |
اقتباس:
والله ياقلبي مدري شو الحل مع ابوك وانتي ليه تستحين من اخوانك |
اقتباس:
|
ممممممممممم
ماله حق بس يمكن لمصلحتك يعرف شي ماتعرفيه |
أبوي صار يناظرني نظارت غريبة أحس بعينونه حكي.
اليوم أرسل لي رسالة معقوله يرفض الخاطب ومايبي يفقدني. بدونك افقد بسمتي ياعطر عمري وفرحتي انت الجمال بنظرتي وانت الأمل بدنيتي |
اختى معلش مش فاهم المهم الوالد رفض الخاطب طيب مش يسألك على الاقل وبعدين لماذا بعيونه حكى هل يظن شىء ما اسأل الله ان يسعدك قريباً بإذن الله تعالى |
بالنسبة لكونه ملتزم، فسوف أرد على من وضع علامات استفهام، فأقول لصاحبة الموضوع أن من فضل الله عليك وتوفيقه أن جعل لك خطيباً ملتزماً، لأنه للأسف الكثير كثير من شباب قد تتعب معهم زوجاتهم، لكن بما أنه ملتزم فالأقرب أنه سيخاف الله، وبالتالي تمسكي به وعضي عليه بالنواجذ.
|
اقتباس:
أنا إلى لا أعلم هل هو رفضه ولا لا ,لأنه هو كل الي متعجب منه كيف يخطب ولا فيه سابقة معرفة ولا هم من منطقتنا يعني غريبين عنا .. هو يقول لأمي أكيد أنتي ولا أحد من خواتك تعرفونهم ,,مو مصدق أننا مانعرفهم ولا لنا علاقة فيهم أبداً. وبعد أنه ليش يذكرني بالاسم يعني ليش تحدد .111 الخاطب يوم كلم أبوي يقول أنا سمعت عنكم ,وأبوي مو مصدقه وشلون تخطب وأنت ماتعرفنا!!! اليوم عرفت أن بينه وبين أبوي تواصل يقول أخوي أنه أرسل لأبوي معلومات عنه واسمه وكل شي يخصه . لكن أبوي ماقال لنا شي إلى الآن لا أعلم وش ناوي عليه .... |
اقتباس:
كيف أعض عليه بالنواجذ ,؟؟,وماأحد معطيني فرصة أقرر وأختار !!! |
أخذ ت بكلام Neat man جزاه الله خير
وقعدت افكر وتجرأت وتكلمت مع أمي بالغصب والاقناع حسيت انها بتقول بنات آخر زمن ,قلت أنتي بس قولي لأبوي مايرده كذا خليه يعرفه ويعرف وش عنده.. المهم هي كلمت أبوي قال حنا مانركض وراه ,قالت بس أنت المفروض تسأل وإلى آخره. طبعاً من أول هو قايل لأبوي أنه مطلق من زمان ومتزوج ثانية مريضه على قولته يكسب أجرها لكن هي مو راعية بيت عند أهلها مسكينه ماتقدر تفارق أمها ..مو معاه يعني .. أنا صراحة الحين مترددة هو دينه أن شاءالله ماعليه كلام وأمام مسجد ووظيفته زينه .. بس يوم أفكر أنه كان متزوج قبل وزوجته الي يقول أنها مريضه حرام ليش يتزوجها إذا ناوي يتزوج عليها!!! أمي تقول من عرفت تحس أنها مو مرتاحه له <<وأنا أخاف أرده مايتقدم لي أحد بمواصفاته !! |
اختى الكريمة السلام عليكم يا اختى لا تبنى اى رأى الان اولا عليك بأستخارة الله عز وجل ثم السؤال والتفحيص ورأه للتأكد من صدق كلامه ثم يا اختى اياك ثم اياك ان تأخذى بالمظاهر الدين المعاملة يا اختى الفاضلة ولا يعرف دين المرء الا من المعاملة والسفر والتجارة والتعامل المادى اسأل الله ان يقدر لك الخير كله وثقى ان هذه الآمور هى آمور مقدرة ونصيبك سيأتى بإذن الله لا محالة |
أختي استخيري وفقكِ الله، أيضاً لاتنسين حاجة مهمة جداً وهي الأخلاق، الدين لايكفي، أسألوا عن أخلاقه وتعامله وأصدقائه، ابحثي عن قدراته المالية، أدرك فرحة البنت بالخاطب، لكن لابد أن نتريث قليلاً ونسأل عن الخاطب حتى نتأكد من مناسبته 100% . أسأل الله أن يكتب لكِ الخير ويمدك بالأصلح لكِ.
|
أبومريم ,,Neat man
بارك الله فيكم على النصيحة في موازين اعمالكم ,كثر الله من امثالكم . الحمدلله استخرت وارتحت حتى أمي تقول أنها شافت رؤياء وارتاحت له .. لكن بنتأخر بالرد عليهم شوي ,,أن شاءالله يزورنا نهايه الأسبوع نتعرف عليه أكثر .. أحتاج دعواتكم لاحرمني الله أخوتكم .. |
شلون بتتزوجين معدد اختى لية انتى سبق لك الزواج ؟؟
واذا كان ملتزم بدينة خلاص مايعيبة شي الرسول صلى الله علية وسلم قال من ترضون دينة وخلقة ماقال دينة فقط؟؟ وبعدين ياكم ملتزمين ومطاوعة واخلاقهم زفت اضربلك مثال خالي لحيتة لما ركبة ومتزوج على زوجتة الاولى طبعا وامة عاق فيها تعرفين وش معنا عقوق تخيلي راميها باليمن ومايبي يطلعها عشان تكاليف المستشفى غير انة مايعدل بين زوجاتة والمشكلة انة يروح دعوة للخارج يهدي الناس وبعدين لو عندة زوجة الاولى روحي عندها وشوفي كيف وضعة معها ولاتنسين راح تكونين نصف زوجة فكري بالامر جيدا ولاتستعجلين |
أختي دموع الورد مشكورة على مرورك ,ولكل قاعدة شواذ مو كل الملتزمين نفس ما ذكرتي الله يهدي الجميع.
|
محتارة ,,مثل ماذكرت لكم بالرد السابق أن الخاطب بيزورنا نهاية الأسبوع .
الخاطب طلع يعرف أخواني الكبار ويعمل بنفس مجال عملهم لكن معرفتهم يقولون سطحية . أنا ودي يكون أخوي الكبير حاضر لجاء الخاطب ,لأنه أثق برايه وأعزه كثير . لكن المشكلة ماودي زوجته تدري الله يهديها تحب تنقل الحكي <<زمان صار موقف ماتوقعت انها ماتنسى ومرة زعلت زوجته وقالت كل شي عني لاني كنت اعتبرها أخت لكن خربت كل شي بيننا وبين أخوي صح احترمه واحبه لكن احس فيه حاجز مو زي قبل .. الحين أخاف اقوله تعال ويقول لزوجته أني كلمته <<وش يفكني تعلم كل العايلة ويفهموني غلط !!! مدري أبوي قال لأخواني أن الخاطب بيزورنا ويتعرف عليهم أكثر أو لا .. وش رايكم اكلمه ,أنا الحمدلله متوكلة على الله أنه هو المانع المعطي >>بس كنت أتمنى وقفت أخواني معي .. |
يا اختى ما المانع وايه المشكلة لو عرفت زوجة اخوك هل تخافى ان يصل الموضوع الى زوجتة الخاطب |
حبيبتي .. واضح من ابووووك انه ماعجبه الخاطب عشان هيييك ماعطى للموضوع اهميييه ..
تقريبا .. مثل حالتي .. يجي الخاطب ويروح وانا مادريت .. ولا اعطوني خبر .. بس اكيد هذولي اهلك وعاااارفين بمصالحتك .. اكثر منك .. الله يوووفقك .. |
اقتباس:
لا زوجة الخاطب تاركها هي بمدينه وهو بمدينه بس متزوجها لظروفها .. |
اطلبي من اخيك القدوم وقولي له هذا الموضوع بيني وبينك لاداعي ان تخبر زوجتك الان وهو بنفسه سيتفهم ماهو مقصودك
|
أختى استخيري استخيري استخيري
ليس كل ما ظهر عليه الالتزام فهو ملتزم فعلا واسألوا عن أخلاقه بصراحه مطلق زوجته الأولى والثانيه يقول إنها مريضه وعند أهلها هل تعتقدين أنه صادق وإلعيب في زوجاته وليس فيه وياليت إذا تقذروا تسألوا أهل طليقته وزوجته |
يا اختى يا ريت تفاصيل مش معقول الزيجتين فيهم مشاكل الاولى طلبت الطلاق والثانية هربت لبيت اهلها كلام خطير يقلق لو مش هيتم تحرى فعلى يبقى اصبرى والرزاق موجود وكما يقال ابعد عن الشر وخليك فى المضمون بعون الله تعالى |
تمت النظره الشرعيه والحمدلله أحس اني مرتاحه ,,,دعواتكم بالتوفيق بارك الله فيكم ..
|
اسأل الله ان يقدر لك الخير وان يجعله من نصيبك اذا كان خيراً لك او يصرفه عنك اذا كان شراً لك ويقدر لك الخير حيث كان لا تنقطعى عن استخارة الله عز وجل واعلمى انه لا خاب من استشار وندم من استشار ونحن لك اخوة وبأذن الله ستجدى حسن المشورة بيننا |
السلام عليكم
ابشركم الحمدلله رفضت الخاطب <<يازين الراحه النفسية . مع انه الكل مستانس وفرحانين وجالسين يجهزون للفرحه ,,لكن كنت بحاله مايعلم بها إلا ربي. اشكر الجميع واخص ابو مريم الله ييسر لك ماتتمنى .. |
الحمدالله ولعل ذلك هو الخير كلِ، قرأت بعض الردود تقول أن هذا الرجل سبق أن هربت منه زوجة، وتطلقت منه الأخرى، وتخوفت كثيراً، ولكن مادام أن الأمر انتهى فألف مبروك لكِ وصدقيني اختار لك الله الحل المناسب، والله يرزقك الزوج الصالح ويسعدك معه ويجمع بينكم بالحب والرحمة والاحترام.
|
اهم شي انك استخرتي بالله والله يعوضك بداله خير وباحسن منه ان شاءالله
|
ربي يعوضك خير حبيبتي والحمدلله على كل حال
الاهم هو الاختيار السليم وليس مجرد الزواج وربي يرزقك الزوج التقي النقي المخموم القلب الصالح والحنون |
اقتباس:
ماحبيت اكذب على نفسي واجبرها ,فيه فروق من الناحية الاجتماعية والمادية والدينية مدري كان لنا الظاهر والله اعلم بالباطن .. لأنه بصراحه ماهو الزوج الي كنت رسمه له صورة(الصورة لااقصد الشكل ( اللهم آمين ,ولك بمثل الدعوة والله يرزقنا ويعطينا وإياكم على قدر نياتنا ويبعد عنا كل شر .. |
يا اختى قدر الله وما شاء فعل
الحمد لله رب العالمين اسأل الله ان يرزقك الزوج الصالح عاجلاً غير آجل اللهم آمين |
اقتباس:
|
اقتباس:
الزواج مرحله من مراحل العمر الصعبه و هوامتحان من عند الله صعب للغايه.. اللهم آمين ولك بالمثل ,,جزاك الله خيرا.. |
اقتباس:
جزاك الله خيرا أبومريم وأصلح الله لك النيه والذريه.. |
| الساعة الآن 08:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©