|
وقت الزعل زوجي يتجاهلني
السلام عليكم ورحمة الله انا عضوه هنا معكم واتابعكم شبه يوميا مع انو مشاركاتي قليله جدا المهم انا عندي مشكله وساعدوني فيها انا مقهوره حدي وبركان داخلي يغلي وبينفجر وبيفجر كل شي يعني يا ناس يابنات ويا نساء انتو ماتزعلون من ازواجكم مايصير تصادمات ويصير زعل ومزاعل طيب اذا واحد زعل الثاني شو موقفه يصير مثله او يصير لوح ثلج او يقلبها ويصير هو الزعلان ,, مع انه واااضح انو الغلط راكبه انا خلاص انجنيت اقولكم الموقف صار واني اتصلت على زوجي ومع اني كنت هادئه والامر عادي صار اسلوبه زفت وهو يرد علي وقالي يالله يالله وسكر انا هنا انجنيت وعلى فكره هو اسلوبه احيانا زفت في شي ماله داعي وكم وكم مره احذره ويندم ويعترف بس يرجع مثل قبل انا رسلت له وقلت تسكر في وجهي طيب وماكلمته والحين لي ثلاثة ايام انا مطنشه مره وهو مطنش ألف وربي محروقه داخل يعني شلون انا الحين زعلانه وقسم ماعنده استعداد حتى يشوف شعندي طيب شنو الحل شلون يعني الناس ماتزعل معقوله ازعل لحالي وارضى لحالي وهو ولاهو بداري عني والله اذا هو زعل مااتركه ابد واتلصق فيه وابي اعلمه انو اذا هو زعل مايهون علي طيب ليش مايصير هو كذا ؟؟؟؟؟؟؟؟ انا مليت لاتقولوا لي بدال ما تزعلي ناقشيه تعبت لان كذا مره يصير كذا ونتناقش ويعترف بس فتره ونرجع من نقطة الصفر ياربي شالحل شالحل ؟؟؟؟؟؟؟ المشكله اللي فيني اني اقارنه باخواني من داخلي طبعا والله اخواني بلسم وين بيشلون وين بيحطوني وكلام ذرب ومحترم اصلا ماعمرهم رفعوا صوتهم او صار اسلوبهم سيئ ابدا ابدا اصلا مايعرفوا كذا ولمن تزوجت انصدمت ياربي في ناس يتكلموا كذا مع اني متزوجه من ست سنين بعدني ماني متعوده على اسلوب زوجي واكره اسلوبه جدا وما ادري وش اسوي ؟؟؟؟ |
على نقطة مقارنة زوجك بإخوانك .. هنا المشكلة
أنا كنت كذا ما فيه وجه مقارنة بينهم .. لكن شوفي تري انتي حارقة نفسك على شي ما يسوي .. يعني قفل في وجهك عااادي .. لكن بما انك مصره خلاص عامليه بمبدأ المثل .. يعني اذا زعل طنشي يرضي من نفسه .. و لا تدققي على امور كذا ... الحياة بينكم طوويلة و كذا بتتعبين كثييير .. بس شكلك متضايقة من امور ثانية ...؟! |
الحل تعايشي مع عيوبه و لا تحاولين تغيرينه و لا تدققين على شغلات تافهة و بس
|
أختي الكريمة الحل هو الحوار الصادق والصريح.
لماذا مثل بعض الأشياء التافهة تدعو بعض الزوجين أن يعملوها والتي تؤثر على الحياة الزوجية كأغلاق السماعة مباشرة مثلاً، ولماذا يكون رد الفعل بهذا الشكل كأن يستمر الطرفين لمدة أكثر من ثلاث أيام لايحدثان بعضهما!!! أختي لابد أن تتحاورا على طاولة وتتصارحوا أن مثل هذه التوافه يجب ألا تنخر في بيتكما الزوجية، وفقكما الله وهداكما إلى حسن القول وحسن التصرف. |
انا انصحك كاخ لاختو اختي انا انصحك ان تكلمي زوجك وتربحي حسنات وتحافضي عليه فهو مفتاحك للجنه باذن الله انتي قلبك ابيض وواسع حفضكي الله ؛ الله يكثر من امثالك بادري بالصلح فالرجال لديهم هموم خارج البيت تجعلهم عصبيين
|
اقتباس:
|
حبيبتي رويدا .. تعرفين زوجي كان مثل زوجك لما ازعل كان يطنش .. ويطلع من البيت وينشغل خارج البيت ولا يتصل لين يرجع البيت .. لكن الفرق عن زوجك انه كان يحترمني وما يغلط علي لاني بس ابكي ما استفزه ولا اتناقش معاه بصراخ ... ويوم يرجع البيت يرجع عادي جدا يسولف ويمزح ولا كأن صار شيء وانا فايره بعدها لما تكلمت معاه اكتشفت ان هذا طبعه .. يبتعد علشان ما يزيد النار حطب .. قال : اذا جلست معاك وتناقشنا ونحن زعلانين بتكبر المشكلة كلمة مني وكلمة منك وبتنشب الحرب فلازم اكون الاعقل وابتعد الى ان تهدأ الامور .. بعدها وصلت لفكرة والان نطبقها صار لنا 11 سنة والحمد لله اتفقنا على ان اذا صار زعل ما يستمر اكثر من 10 دقائق مهما كان حجم المشكلة وبعدها ان بغينا نتناقش فيها او ما نتناقش هالشي راجع لكل واحد منا .. وكل هالسنين عمرنا ما حطينا راسنا على المخدة ونحن زعلانين ما شاء الله .. فالافضل انك تتفاهمين مع زوجك وتتفقين معاه على طريقة ما تخلي الزعل يستمر بالايام .. لانها مع الاستمرار تصير عادة .. ابتعدي عن اللوم لما تتناقشين معاه تناقشي معاه كرجل عاقل مو طفل محتاج لعتاب وتوبيخ .. او انته غلطان وانا ما غلطت .. فهميه ان العلاقة اللي بينكم اكبر من ان تضعفها امور تافهة يا اختي والله الانسان لو يفكر شوي بيندم على كل لحظة ضيعها في زعل وحرق اعصاب وعلى امور تافهة بعد نعم نزعل على سلوك او تصرف معين لكن ما احرق عمري وازعل بالايام ونصيحة من مجربة عودي زوجك على فعل الخير بالتعاون معك بإذن الله ما بيكون في مكان للمشاكل في حياتكم فأعمل الخير والعبادات تطهر الروح والنفس وتلين القلوب وتريح البال ربي يسعدكم ويهنيكم ويجمعكم بالمحبة والخير |
الشكر موصول لكم جميعا فقد اغمرتموني بسعاده لانكم تشاركوني ما انا فيه >>> الحين بتتكلم عامي اولا تقولون لي ناقشيه والله كذا مره نجلس وبهدوء واكلمه واقوله انو الكلام اللي بينا لازم يكون محترم والتصرفات بعد من اصغرها لأكبرها ونتفق وكل شي تمام بس آآآآآه ينتكس وكذا مره اقوله لمن انا ازعل انت لازم تشوف حل تجلس تكلمني تقول تشرح تبررر على الاقل اعرف انك مهتم ليش انا اكون كذا معه وهو لالا واللي يقولي ارضي بعيوبه يعني قلة الاحترام والاسلوب السيء هذا في احد يرضى عنه اصلا ضد الفطره الانسان جبل على حب من يقدره ويحترمه ويكره اللي يهينه ويستحقره حتى لو كان والدينه هذي صفات مستحيل تقدري تتكيفي معها اختي لمني بشوق بصراحه من جد فرحة انك رديتي علي لان اسلوبك يعجبني بس يا اختي لو كان هو يطلع وبعدين يرجع ويسولف ويضحك ويتقرب مني كان اوكي انا بجاريه وبدخل عرض واتكلم وياه بس المشكله انه يدخل وهو مبوز ولايكلمني كأنه يقول انتي ليه تزعلي بس هنا انا انفجر وانا هنا اتكلم عن شي يصير معي وانا من جد منزعجه منه مو امر تافه مو بس انه سكر الجوال انا اتكلم عن الاسلوب تدرون انا اخاف يجي وقت واصير مثل اسلوبه بديت اخاف انا ماني كذا ولا ابي اصير كذا وبدال ما انا اثر عليه هو يأثر علي مشان على الاقل اخذ حقي منه |
انا اذا غلطت عليه على طول اتأسف واقوله انا موقصدي وابرر له
واحسه يفرح واقول في خاطري خلاص الحين هو يعرف انو اذا غلط علي المفروض يسوي نفس الشي لان يعرف تأثير الكلمه السيئه على النفس |
حبيبتي انا كنت مثلك بالضبط .. ابي شرح ونقاش وتبرير في نفس الوقت .. ولما اشوف طلع وطنش افور واحترق من الداخل وما ارتاح لين اطلع اللي في خاطري وتكبر المشكلة ..واحيانا يغمى علي من الزعل انا حتى العصبية ملت مني .. بس يوم عرفت طبعه ارتحت فاعتقد زوجك مثل زوجي لما يلاحظ ان المشكلة بتكبر يبتعد علشان يهدأ الوضع اما زعله فحبيبتي زوجك تعود على طول فترة الزعل لانه حتى لو يرجع ويبي يلطف الجو بيشوفك زعلانه بيكمل الزعل لانه يعرف انك ما بتكتفين بالاعتذار لكنك تبين تبرير وشرح ويرجع الزعل لكن جربي تستقبلينه عادي ولا كأن صار شي .. وبعد ما يهدأ جربي فكرة تحديد وقت الزعل .. وتفاهمي معاه وقولي له : انا لي طريقة نتفق عليها اذا صار زعل ما يستمر اكثر من 10 او 15 دقيقه وان شاء الله تنجح الطريقه ... جربي كل شي حبوبه .. اذا ما نفعت فكرة بتنفع غيرها .. بس لا تيأسين ابد .. وتذكري دايما ترا الناس تختلف بطبعها واساليبها وشخصياتها .. انتي مثلا لما يزعل زوجك تلصقين فيه وتراضينه وما ترتاحين لين يرضى لكن زوجك اكيد اسلوبه في الارضاء او تهدئة الوضع غير .. غلط الزوجة او اغلب الزوجات انها تبي زوجها يعبر عن اسفه او حبه او شوقه او مشاعره بشكل عام بطريقتها يعني انا اقدم له ورده تعبيرا عن حبي ليش هو ما يسوي نفس الشي ؟ انا اراضيه اذا زعل ليش هو ما يراضيني ؟ تقبلي من حولك ومنهم زوجك مثل ما هم حبيبتي مع المحافظة على شخصيتك واسلوبك ..وبترتاحين بإذن الله وإياك والسكوت على الاهانة والمذلة او الاساءة بالقول او الفعل .. ترا اذا احترمتي وحبيتي نفسك كل من حولك بيحترمك وبيحبك .. الله يسعدك ويهنيك يالغاليه |
احملي ممحاة وامح أخطاء من حولك لتستمر حياتك هادئة وسعيدة وكُن دوماً صاحب القلب الذي يسامح.
|
طيب اتعاملي معاه رسميا لحتى ما يرضى لحاله
لا تقصري بأمور البيت يعني مصيره يرجع يتكلم ,,, و الحاجة الكويسة انك تعتذري على طول لما تكوني غلطانة مصيره راح يتفشل من نفسه انك أحسن منه بالتساامح بس اضيف يمكن هو يستحي يعتذر و يحس انه من الضعف انه يأتي لعندك و يعتذر فأنت خليك حواليه بس رسميا عموما احس الرجال يستسلم بسرعة لو استخدمت كيدا من نوع جيد موفقة |
عزيزتي .. أنا رأيي من رأي أختي الغالية لمني بشوق.. هذا الطبع أعرفه كويس.. لانه زوجي برضو كدا .. بس الحمدلله مع العشرة اتحسن.. كان باليومين والتلاتة يقلبها زعل ويكون هو الغلطان.. ههههههههه والله الرجال فيهم طباع زي الأطفال .. والإعتذار يعبرو عنه بأشكال مختلفة مو شرط يقولك آسف.. ممكن يتصل عليكِ ويقولك اي شي بعيد عن الموضوع.. أو يجيب معاه أغراض للبيت في وقت غير معتاد .. أو يلمس يدك أو رجلك وقت النوم.. هادي طريقة بعض الرجال صحيح أنه شي يقهر .. أنا معاكِ :29: وكويس انك رسلتيله مسج عشان لا تكتمي الي في قلبك بس خليكِ ذكية.. خلي قلبك كبير واتصرفي عادي وبعدها .. افتحي الموضوع وعاتبيه بدلع واسحبي منه الإعتذار بطريقتك.. ودائماً خليكِ على مبدأ انك ماتكبري اي مشكلة وتكوني بعدهاهادية و عادية عشان يتعود ويحس نفسه غلط لو زودها.. الله يجمعكم على خير ان شاء الله |
أؤكد على كلام الأخت قلبي حنون، بعض الرجال لايعبر عن الأعتذار من خلال الكلام، حتى بعض الرجال فيما بينهم لو أخطأ أحد على الأخر تجده يعتذر بطريقة غير مباشرة، وبعض الرجال ربما يشعر بأن الأعتذار للمرأة نوعاً من الضعف والخضوع وبالتالي تجدينه يكابر، ويكثر ذلك في بيئتنا العربية، وبالنسبة لكم لاندري ماطبيعة العلاقة ولا الخلفية التاريخية لحياتكم الزوجية وما فيها من أحداث وغير ذلك مما تؤثر على رد الفعل
نصيحتي أجلسي معه بكل شفافية، تساؤلوا فيما بينكم لماذا تصلون لهذه المرحلة التي ماكان يجب أن تكون، لماذا لاتتجاوزونها وتترفعون إلى زوجين كريمين قد تساميا عن الأشياء التي قد تؤثر سلباً على البيت، تصارحا هل تحبان بعض؟ هل هناك شيء خطأ لايحبه الطرف الآخر، تسألا إلى متى ونحن نضل بهذا الوضع؟ الحياة أمامنا وسوف نعيش مع بعض حتى الموت فلماذا نعكر صفو حياتنا بتصرفات غير مقبولة، يجب أن نضع حد نهائي لما يحدث، تعمقا أكثر وتسألا فيما بينكما أثناء الحوار، حاولا أن تخرجا بقلوب صافية تقطع الحبل مع الماضي، دعواتي لكما بأن يهديكما ويجعل قلوبكما على قلب واحد وأن يديم الحب بينكما |
الله يهدي سركم يا أختي الغالية
ركزي على كلام اخواتي لمني بشوق وقلبي حنون بعدين حطي له الف عذر .. يمكن حوله أحد وانتي تكلمينه بالتليفون وما حب يصرخ عليك أمامهم اذا طبعه عصبي! يعني افضل شيء سواه انه سكر الخط بوجهك احسن ما يخلي الناس تتشمت فيك صح ولا لا ؟؟ غاليتي .. النقاشات اجليها دائما الى أن يصل عندك بالبيت .. النقاش بالهاتف على امور تافهه تستفز الزوج وبيحط براسه انك نكدية وصاحبة مشاكل المطلوب منك الآن القيام بواجباتك كاملا واكسري الشر .. امامك رحلة عمر طويله على قولة اختي شوجي.. ابدأي بابتسامة واذا تجاوب معك وتكلمتوا عاتبيه بلطف شديد عن اللي صار.. وبيني له ان التجاهل لا تقبليه وان المصارحة دائما هي الحل الأمثل لمشاكلكم مهما كانت صغيرة. الله يسعدك |
:* غاليتي كثير رجال طبعهم كذا مايعتذرون وينحرجون الظاهر من الإعتذار أو ربما يباسة رأس لي عشر سنوات متزوجة وأمشي في الحادية عشر ماعمري سمعت كلمة "آسف " من زوجي أو جاء يعتذر من سابع المستحيلات يعبر عن الإعتذار بشكل صريح إذا زعلنا من بعض يعتذر بطريقته االخاصة يلعب مع الأطفال ويكلمهم بطريقة إياك أعني وأسمعي ياجارة أو يعزمني برى البيت أو يجيب شيء أحبه معه يعني مايحب الإعتذار الصريح المباشر وبعدها أتفقنا أن زعلنا مايطول مهما حدث ونفس طريقة لمني بشوق وزوجها أتفقنا على مدة محددة للزعل وعلى ضرورة تنازل جميع الأطراف ومناقشة المشكلة بعد هدوء الأجواء العاصفة ومعرفة وجهة نظر كل طرف الآن أحياناً يزعلني وأسوي زعلانه وأنسى إني زعلانه وأخرب المسلسل أحيان تحنين للزعل والخناق لأنه ملح الحياة بس المشكلة إذا ضحكتي وأنتِ مسوية زعلانه وخربتي الطبخه كلها الآن: أنصحك تبدأين بالسلام وتتنازلين شوي لأن شكلكم الثنين رأسكم يابس وبيستمر زعلكم إلى مالانهاية عيوني الحياة الزوجية محتاجة سعة صدر ومحتاجة شوية مرونة و أحياناً كلمة صباح الخير وابتسامة على الصبح تحل الزعل وتريح الطرفين من تشنجات هالزعل :* :* |
سيدة الموقف ممكن تجاوبيني
ليش الرجال كذا مايعتذرون أقصد لما يخطأون ؟؟ هل هو تقليل من قدره أما المرأة ؟ أو عشان ماتشوف حالها عليه ولا إيش بالضبط ؟ انا أحترم الرجال اللي يعتذر قولا وفعلا إذا أخطأ يكبر فعيني أكثر خصوصا إذا كان الخطأ قوي وجرح المرأة |
اقتباس:
والله ياروح سؤال صعب:d لأني حتى اليوم ماقدرت أفسر سبب عُقدتهم من كلمة "آسف" أو عدم قدرتهم الإعتراف بالخطأ بشكل صريح ومباشر يعني ممكن يجيب لك طقم ألماس بس لايمكن يقولك ترى غلطت الظاهر الإعتذار يحسسهم بالضعف أو الإنكسار وكثير منهم مايعرفوا يقولها (يخجلون منها) تهز رجولتهم كما يعتقدون بس الحق يُقال الحمدلله أنهم مايعرفوا يقولوها لأننا مستفيدين جداً من بدائلها:22: ولو إني مخلوقة أكره الزعل والنكد وأميل للسلام ورآحة البال والغد دائماً يوم جديد بحياتي (تشرق الشمس وتشرق معها صفحة جديدة بيضاء) يعني بدائل آسف ما أستفيد منها إلا فيما ندر:28: و الحياة ياعالم قصيرة فما تستاهل نضيعها في الزعل والله لما أسمع أن وحدة زعلانه مع زوجها وجالسين أسبوع مايكلموا بعض أقول هالاثنين مايدروا أن هالأسبوع محسوب من عمرهم..؟! ماذا لو شريك حياتك أو شريكة حياتك طلع من البيت وجاك خبر غيابه عن الدنيا للأبد تخيل الموقف /بتكون صدمتك أعظم وأكبر لأنك راح تتذكر أنه مات زعلان منك وتتمنى لو أنك تسامحت منه أو تصالحت معاه :* أعذروني اليوم أنا قرقر كثير :d :* |
مشكورين لكل من ابدا رايه وانا والله ماابيه يقول اسف او اعتذر انا ابي هذي البدايل اللي تقلون عنها يعني هو يغلط ولسانه سليط طيب ويش المفروض مني اسوي صرت امشي بس في اشياء تتعب النفسيه تحسسش بالدونيه وهذا الشعور محسيت فيه ابداااا ولا ابي احس فيه لانه شعور محزن ومقرف طيب فوق كذا اقولكم حتى البدايل مافي الحين شاف اني ماخذه موقف شنو ردة فعله عادي يعني شلون يدخل مايسلم ما يسأل مايتصل اذا ابي شي او لا يجي من البرا ويشوف التي في وينام طبعا انا قايمه بكل اموره من اكل وتنظيف وتغسيل زوجي ماعنده مبادره ابدا لا في كلام ولا في هديه ولا في طلعه كالعاده انا بتنازل وبكلمه شوي شوي ونرجع وسأله انته ماتشوفني زعلانه ماتبي تراضيني ويقول ويوعد ونطيح بمشكله وهلما جرى ... مافي حلول جذريه منه هو وما عنده حس المسؤوليه من هالناحيه وتتراكم علي هالاشياء وكأننا ندور بحلقه مفرغه اشكركم جميعا |
اقتباس:
:* أنتِ بادري بالصلح ولاتقولي أنت ليش مابديت وتذكري (وخيركما الذي يبدأ بالسلام) الرجال يكره جداً المرأة التي تضع رأسها برأسه وتعانده الآن ترسلين له بموقفك المشابه لموقفه رسالة سلبية أنك ماراح تتنازلي بل هو إلي لازم يتنازل والموقف إلي حصل بينكم مايستلزم كل هالزعل والصد هو قال لك يالله يالله وسكر الخط كان منفعل كان متضايق وزوجك من النوع العصبي الإنفعالي فلازم تراعي هالجانب وتلتمسي له بعض العذر ماتقارنيه مثلاً بزوج فلانه أو فلانه فلكل رجل طريقة تعامل غير أنتِ ممكن تكسبيه لو ابتعدتي عن مواطن إغضابه لو كنتِ مطنشه الموقف وأستخدمتي ذكائك الأنثوي لتوصيل زعلك منه بدون جفاء كان بنفسه جاء وسألك وراضاك الآن تبغين نصيحتي..؟!!سوي لكم جلسة حلوة عند التلفزيون مع شاي أو مشروب يحبه وطلي عليه وقولي له تعال نتقهوى سوا أو أفتعلي أي مبادرة صلح تناسبكم ومو لازم تعتذرين أو تتأسفين بس تصالحي معاه وكلميه وإذا صالحتيه لاتقولين له ليش ماصالحتني وأنتظرت أصالحك وتخربين معروفك خليه يحفظ لك هالجميل ويرده :* :* |
اسمعي كلام الاخت رجا في الله ولا تعتذرين الا اذا فعلا غلطتي واذا غلط عليك احد خلي له مجال يعتذر انا زيك واعاني مشكلتك وانه لو نجلس سنة متزاعيل عادي عنده وانا طول عمري المبادرة بس انا مليت وبديت اطفش ودي يحسسني باهتمامه لي احيانا الطيب يصير سداجة والي مايعرف معناه يتوقعه ضعف
اتمنى ياختي تصبرين حتى لو يطنشك اشغلي نفسك عن اي شى وبيني له انك قادرة مثل ماهو قادر لان الواحد يتعب وهو يتحمل ودايما المبادر بكل شى احنا بعد بشر ونحتاج من يعطينا مقابل الي نعطيه الله يوفقك يفرج همي وهمك |
| الساعة الآن 12:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©