|
نريد بعض ولكن انهكتنا المشاكل..
السلام عليكم
لمن يريد فهم الموضوع فموضوعي الذي قبل سأحرق جميع اوراقي معك جا ورجعني بعد اسبوع من زواجه وكان مشتاق حضني وقت النوم وقالي كلام حلو وبعد 3 ايام رجع للتطنيش واستمريت اتجمل له واطيعه واقوله كلام حلو بعد شهر صار خطأ من77 وطلقني و وطار بين المحاكم واعتذر لابوي ورجعت له لان الطلقه ماوقعت الان اللي حاصل ان كلنا نبي بعض لكن في تراكم في داخل زوجي تجاه7 ومشكلتي معه النقاش كل ماناقشته عاند اكثر _جاف _عنيد قليل الجماع واناني فيه إذا تزينت له يصد صارت مشكله بسبب الجماع اليم جيت بروح لأهلي ورفض كلمت مستشار يقولي ثلاث مهارات طبقيها _اللمس والكلام الحلو _عدم النقاش لأن هذي اساس مشكلتكم _فعل ميحب واجتناب مايكره انا سويتهم لكن يزيد صده ويقابر ايش اسوي ؟ انصحوني انا مستعده اتحمل لكن ما اخسر اطفالي هو يخاف اسيطر عليه قلت يمقن ينفع معه التطنيش |
زوجك يحب انه هو اللي يلاحق المرأة و ليس العكس
|
هلا روح الطير
هو قاك هالشي طي ايش اسوي معاه كيف اغير معاملتي |
انشغلي بحياتك و نفسك و اولادك و تزيني لنفسك مو عشانه
و لاتنتظري منه شي، حتشوفيه يلاحقك |
أول شي .. اشتقتلك .. وكنتِ ببالي دائما وأرجو من ربي تكون أحوالك تحسنت
حبيبتي ... تطنشي يعني ترتبي أمورك وكأنه مو موجود بحياتك .. أعرف انه كلام مستحيل تنفيذه بالحرف لأنه لما يكون زوجك بالبيت مستحيل تعدمي كل مشاعرك له وأكيد بتشتاقي وتحبي انه يعاملك حلو . لكن تحاولي على قد ما تقدري .. أقولك على كم شغلة تساعدك على التطنيش 1- ركزي بأولادك وحاجاتهم وكيف ممكن تضبطي اوضاعهم بحدود ظروفك والموجود عندك . فكري لهم بنشاطات وألعاب تعملوها انتِ واياهم بالبيت عشان انتِ وهم تغيروا جو .. اركضوا واضحكوا . 2- لما تلبسي فأنت تلبسي لأنك انسانة مرتبة وانسانة جميلة مو عشان زوجك . خلي هذي الفكرة ببالك عشان ما يشوف نظرتك وانتِ تنتظري منه ردة فعل أو كلمة على لبسك . هو ما له علاقة بأنك انسانة أنيقة .. البسي وارفعي راسك وشوفي أشغالك وحاجات أولادك :) 3- لما يكون بالبيت تحطي له الغدا وتتغدوا معه .. وبعدها اتركيه وروحي لأشغالك .. طلب منك شي نفذي .. عدا ذلك حاولي ما تكوني معاه بنفس الغرفة إلا إذا هو ناداكي . 4- لا تسأليه وين كنت أو شنو عملت .. لكن إذا فتح حديث احكي معاه بدون زيادة .. يعني تردي براحة مو بكلمتين لكن ما تستفيضي كثير ولا تفتحي مواضيع . أهم نصيحة ... أكثري من العبادات .. كثرة العبادات لها فائدتين .. انتِ ترتاحي وتخف حاجتك وشوقك لزوجك .. وتتقربي من ربنا وتدعي .. ياما بيوت انصلحت وياما قلوب تقلبت بسبب الدعاء . ربنا حبيبتي لما نلجأ له وندعي له نرتاح .. صدقيني تشعري بحنان وتشعري أنه عندك سند .. شعور أجمل بكثير من حنية الرجل ... كلميه .. هو حبيبك .. قولي له يا حبيبي يا الله مالي غيرك ولا في أحد بالدنيا يحن عليي مثلك .. طلبتك ربي ما تخيبني .. سخر لي قلب زوجي وحنن قلبه عليي وعلى أولاده . |
روح الطير
الزينه بالذات ماخذ فكره إذا تزينت معناه ابي جماع فيهرب من زمان هالشي خاصه0االميك اب |
اهلين خالتي بيتا وانا اشتقت لك يعطيك ام عافيه
_اولا الحمدلله مستمره ع الدعا والأستغفار _هذا شي صعب لكن إذا بيجيب نتيجه بطبق اهم شي يتحسن وضعنا بعد توفيق الله _ثالثا المسبشار نهاني عن التطنيش وقلت له ان الطريقه الحاليه بتزيده نفوذ وانا بتزيدني ضغط _عندي امور كةيره بتشغلني عن زوجي _الان يعاملني برسميه وجفا يقولي انا فستدك زمان وهربتي من البيت فاعاملك بذا الأسلوب ويقولي انتي عقدتيني دايمن تزعلين فانا احاول قد ما اقدر ما ازعل |
يمكن المستشار يقصد انه ما تطنشيه بمعنى ما تهملي واجباته .. في زوجات إذا طنشت تهمل زوجها نهائي ولا تلبي له طلباته أو تلبيها مع كشره .
أنا أقولك تطنشيه بمعنى لا تخلي له أهمية كبيرة بداخلك .. لا تنتظري منه خير .. انتِ تقومي بواجباته طلب لرضا ربنا وبس .. شعورك بأنك مو بحاجته راح ينعكس عليك وهو يحس فيه .. وقتها يصير يدورك . روح حبيبيتي .. خليكي معنا لو سمحتي ... انتِ تعرفي أكثر مني بهذا المجال ربي يسعدك . |
أنك تتجنبي النكد وما تشتكي خطوة حلوة جدا منك .. بس ترى تحتاج صبر وطولة بال .. لا تنتظري نتيجة سريعة ... لأنه تعود انك تناقشي راح يحتاج وقت طويل حتى يتأكد انك تركتي المجادلة والزعل .
|
تسلميلي خالة بيتا :)
انت الكل بالكل و اذا حضر الماء بطل التيمم .. ؛) جاء ببالي اقول النقاط هذه .. 1. لا تحطي مكياج أبدا كم اسبوع، جربي أسبوعين مثلا .. لكن بشرررررط انك تحافظي على النظافة و الترتيب،. و يكفي كريم و لوشن و مرطب شفايف و خلاص،. 2. طول اليوم البسي ملابس مثل اللي تلبسيها قدام اهلك مثلا بنطلونات جنز مع بلايز شبه ساترة .. لكن خليها مخصصصصرة البلوزة و مرة من المرات جربي تلبسي جينز اللي لووو ويست لكن القميص شبه ساتر بس بشرط خلي القميص شوي قصير .. وقت النوم لا تلبسي ملابس قطنية .. البسي ساتان ساتر برضو بس خذي مقاس اصغر من مقاسك 3. لو فرضا حضنك او عمل اي حركة يتودد بها لك .. اعملي اول مرة كانه عادي ما اثر فيك عشان يتاكد انك مانت عاملة الأشياء هذه عشانه .. و اذا تقرب اكثر او زود اكثر .. فابتسمي له فقططططط .. ابتسامة ثقة ، مو ابتسامة اللي طاير من الفرحة .. هذه اللي ببالي حاليا :)* |
ركزي في ما ذكرته الأختين بيتا وروح ونفذي، أهم شيء توقفي حالا عن ملاحقته فمعروف من تلاحقه يهرب منك فهو يراك موجودة دائما لاتتحركين إلا لأجله لاتتنفسين إلا لأسعاده وتدلليه ، في حين الرجل يبحث عن من يدللها
آلبسي لنفسك تزيني لنفسك، إذا أحببتي نفسك سيحبها أيضا زوجك ؛كوني فرفوشة مبتسمة آنشغلي بترتيب بيتك والآهتمام بأطفاك و اللعب معهم زوري والديك وإخوتك آبدئي بحفظ القرآن آشتركي بمنتديات نسائية ستتعلمين منهن الكيد الإيجابي أرجوكي أيتها الزوجة لا تعتبري الزوج مركز الكون لكي لاتخسرينه موفقة |
خالتي بيتا
المستشار قصده اركض وراه وانا شايفه رجل يصد ويصنع مشاكل ضريبةه اهتمامي فيه خايف اسيطر عليه او يفقد رجولته بحاول بإذن الله كي احافظ ع بيتي واطفالي والسيد زوجي وخلاص مافي نقاش ولا زعل لو عمل اللي يعمل من اغاظات بإذن الله ف ...... روح الطير كل شي ممنوع إلا الجلابيات والتنانير الطويله اللي البلوزه زي لون التنوره مكياج ما بحط لكن احط روج وكحله وبلاشر الحين ماراح احط شي لكن بعتني في بشرتي البارح يقول لاتحطي عطر وإيش عطرك هذا وسبق ان قالي لا تحطي كحله انا استخدم عطورات خاصه مثيره واتوقع قاعد يقاوم وعارف الطبخه |
ليش بعض الملابس منعها عنك ؟؟! إنتوا فبيتكم وماحد شايفكم
ليش العطر ممنوع ليش الكحل ممنوع ؟؟ سبق وسألتيه وجاوبك ؟؟ معقولة فيه رجال مايحب هالشغلات ولا هو شكله يحس إذا تزينتي معناته في ببالك العلاقة صح ولاأنا غلطانة سوي مثل مقالت روح الطير كلامها معقول |
زوج اختي مايحب المكياج و لا العطور
يحب ريحة الصابون و الشامبو و كذا يقول احب ريحة النظافة جربي لا تحطي شي |
حيا الله أخت لحظة ندم اشتقنالك ،،،،،،،،،،،،،،،،أختي لاتزعللين من كلامي معروف الرجل الي مايحب زوجته يمنعها من اللبس والمكياج ومايحب تتزين له ولا تلبسه ،،،،،لاتزعللين من كلامي ولاتحزنين لان هذي للحقيقه وصدقني الدنيا فانيه ولا تضعين وقتك وترهقين نفسك في التفكير وتجرين تدوين رضا ناس ما تستأهل ،،، عيشي لاطفالك ولاهلك ولنفسك وتزيني لنفسك حطي الي تبين دام اللتزين مو حرام ماله حق يمنعك قوليله اانا اتزين لنفسي وعشان نفسيتي ،،،،،دام رجعتي لزوجك وانتي عارفه أخلاقه وطبعه زين مالك الا انك ترضين باختيارك بدون تشكي ،،،قومي الليل وصلي وادعي ربك ان يزرع حبك في قلب زوجك ويبدل الحقد الي في قلبه الي حب ،،،،واهم شي أتبعي. الأسلوب الي يناسب زوجك اسلوب التطنيش ولاتجادلينه ولاتسالينه سوي الي يرضي ربك وبس
|
اوافق الأخت غرور ..
وازيد على كلامها ؟! إن زوجك عنده زوجة ثانية و مكتفي فيها ورجعك عشان الأطفال وعشان ابوك وابوه ... و نصائح المستشار مع احترامي مو صح ، وهذا حال اغلب المستشارين الرجال يوقف الواحد منهم بصف الرجل مهما كان مقصر و يوجهوا الزوجة لزيادة الإهتمام فيه وهذا اكبببببر غلط ... و بما انك وافقتي على رجوعك وانتي عارفة اسلوبه فمالك الا القناعة و اشغال نفسك بشي مفيد حاولى تتوظفي و تحسي باستقلالك ... و زوجك ربك حسيبه .. اهتمي بنفسك وصحتك و لا تحملي نفسك فوق طاقتك .. |
يا جماعة .. بالله عليكم تتقوا الله في ردودكم ... كافي اللي صار مع البنت لحد الان البنت ما تستشيركم بانها ترجع لزوجها أو لأ ... أخذت قرارها ورجعت وما في أمامها خيار ثاني .... أعينوهاعلى تحسين علاقتها بزوجها إذا عندكم طريقة ... ما عندكم اتركوها .. ترى نفسيتها تعبانة ومو ناقصة وكل كلمة منكم لها تأثير خاصة في ظل نفسيتها الحالية . يعني اشلون بتشتغل على علاقتها معاه وانتو جالسين تكرهوها فيها . كل زوج وله حسنات وسيئات .. وأشوف سيئات زوجها من أخف السيئات ومقدور عليها . وكلنا خطائين وعندنا عيوب . ورجاءا ما أحد يقعد يحلل بشخصيته ويقول افتراضات من عنده عن شعور زوجها .. ما يجوز هذا إلا بحضوره بالموضوع . |
المؤمنة جزاك الله خير
روح المسا هم اصلهم بدو وهو تفكيره قديم جدا في بدايت زواجنا يرفض هالنوع من الملابس وفرضتهم عليه ووافق الان رجع لقوانينه القديم بعذر كما يقوك انه دلعني وانا ازعل واهرب من البيت روح مشكوره ع المساعده |
اقتباس:
|
ليه الغرور
هلا يسعدلي صباحك ما اتوقع يحقد بحكم طبيعة اهله و شخصيته هو اقولك قاعد يعام طفلي بو سنة ونص شي من القسوة ومايدلعه وإذا يبي شي يرفضه له ليش ؟؟ الرجال عنده عقده ان الدلع بيفسد واكبر متال انا اتفسات وصدقيني مشكلته مايحب احد يفرض عليه شي ابوه يقول رجعها يقول لا ولن كيفه رجعني بعد اسبوع من زواجه لو يكرهني كان انبسط اشهر وبعدها رجعني شوجي المستشار ماقصر ساعدني ووضح لي اشيا كنت فاهمتها خطا وبجرب التطنيش وان زاد صده نرججع لك لكلام المستشار صباح الخير خالتي بيتا ياليت يفهمون حاصه ما احب ذكر زوجته الثانية وايش يسوي معها معنه اعترف لي ان انا من اجبرته ع الزواج بسبب هروبي |
شوفي عزيزتي
انتي لازم تطنشينه بس مومعناته تهملين حقوقه اولا حاولي تغيرين بنفسك اذا كنتي سمينه انحفي اوغيري بتسرحة شعرك ولونه ثانيا البسي كل شي ترغبين انتي فيه طبعا بعد نظافة الجسم كامل ثالثا قبل يجي البيت لازم يكون البيت نظيف ومرتب وريحة حلوه واولادك مرتبين خلي الوضع عادي خليكي مستمعه يعني اذا سالك ردي عليه ماسالك اسكتي لاتتكلمين بس هذا مومعناته تبرطمين لا خلي الوضع عادي ولما يكون جالس على التلفزيون مولازم تجلسين معه روحي لعبي اولادك او اشغلي نفسك بمجله او نت حسسيه انك مسويه هذا الشي كله علشان راحتك النفسيه موعلشان الجماع مثل مايفكر واذا راح الغرفه ويبي ينام حاولي ماتلحقينه اجلسي نص ساعه بعده اما اذا دعاك فهذا شي ثاني بس اذا دعاك كوني ثقيله لاتفرطين السبحه كلها الله يسخره لك |
يا ختي و الله مانقصد نسيء لك ..
لكن انا متابعة موضوعك من بدايته .. والحين استجدت امور توك تقوليها .. كيف صار الآن معذور .. كيف تقولي انك اجبرتيه على هذا بسبب هروبك ؟! هروبك كان بسببه هو ان كان مثل ماذكرتي ببداية الموضوع الاول لك هنا .. اختي انا قصدي ترحمي نفسك ولا تصدقي انك السبب بشي .. اسال الله ان يفرج همك .. و يعوضك خيرا .. |
كبرياء انثى جزاك الله خير
شوجي صح هذوبي سه لكن مشكلتي ارد الخطا بالخطا وجزاك الله خير عذرا ع الاخطا الأملائية لأني اتصفح من جوال وإذا بكتب تجي الأحرف معكوسه خخخخخخ |
خالتي بيتا
انا خايفه ان التطنيش بيبعده اكثر خاصه ان المستشار نهاني عن هذا الشي واصر الا اتقرب له وكم المده اللي اطنشه فيها؟ انا كيف اتخلص من عيوبي الي هي النقاش خاصو وقت الغضب؟ الزعل والحساسية الحمدلله تخلصت منها وفي عيب اخر هو الهروب لأهلي اذا ضغط علي زوجي.. |
لقيت روجها ع ثوبه ايش اسوي؟مقهوووره حدو
|
اختي زوجة زوجك تحاول تغيظك عشان كذا طبعت الروج
و تحاول تستفزك للجدال مع زوجك .. و هذا يدل على نقصان عقلها ..! لا تعطيها الفرصة و تعاملي مع الامر و كان شيئا لم يكن .. و لا تدققي على تصرفاتها الرعناء ، و اضبطي غيرتك و لا تصدر منك اي رد فعل تجاه سلوكها .. راح تغتاظ هي .. * |
شوجي
الروج كإنه ملسوح بشقل عشوائي ونقط خفيفه كأنه متلخبط ع الصدر والربه وش اللي يثبت انها هي دقيت ع زوجي وقلت اغسل ثوبك اللي نزلت قال اغسليه قلت هو نظيف بس في بقع ورديه عند الصدر قال بقع ورديه او لا اغسليه بعدين لاتغسلينه قلت انا عندي غسيل كثير ماني غاسلته وسكرت الخط الهدف احسسه اني عارفه بدون نقاش او مشكله لأنه دايمن يقولي انا اعاملكن معامله وحده ربي بيحاسبني |
حبيبتي ما دام المستشار نصحك انك ما تطنشيه فلا تطنشيه لأنه المستشار سمع منك أكثر منا ويعرف تفاصيل أكثر منا وفاهم زوجك أكثر منا ..
المهم أنه بداخلك ما يكون همك انه زوجك رضي أو ما رضي .. انتِ اعملي كل اللي عليكِ بس ما تنتظري منه نتيجة .. يعني ما يكون هو هدفك من عملك .. خلي هدفك رضا ربنا وبس .. انتِ تسمعي كلام المستشار لأنك تحبي ربنا وودك ربنا ينبسط منك ويرضى عليكِ مو لأنه ودك زوجك ينبسط منك ويرضى عليكِ .. كذا ما راح تتأثري مهما كانت ردة فعل زوجك لأنك ضامنة أنك أخذت أجر تعبك ومجهودك .. أخذتيهم من ربنا لأنه ما يظلم أحد ويعرف بكل شي بعكس زوجك ... وأكيد بالنهاية بتكسبي رضا زوجك من خلال رضا ربنا . الحين موضوع الروج .... أقولك شي يضحكك وخذيها مني كأنه فعلا هذا اللي صار .. تخيلي معي . زوجك طالع من عندها .. هربان منها وجي عندك .. وهي لاحقته ماسكة فيه تحاول ترجعه وخلال الشد لغمطت ثيابه بالروج :) هههههههه شو رأيك بهالسيناريو ؟ ترى يا لحظة زوجك أبسط من أنه ينتبه لموضوع روج على ثيابه حتى لو قلتي له أنه في بقع وردي .. لا يهمه الروج ولا البقع .. يبغى يرتاح من النكد وبس .. وهو من نوع الرجال مثل زوجي ما يحب الميك اب ابدددددددا .. لما يشوف روج على فمي يشبهه بالمهرج .. وأنا بعد هالعمر ولأني عشت معاه تعلمت مثله مصرت ما احب الميك أب أبدا .. أشوفه حلو على غيري بس على وجهي ما احبه أبدا . مسألة أذواق . حبيبتي .. انتِ عندك مزايا عنها كثير فلا تضيعي المزايا بغيرتك . أول شي .. يحبك .. وشفتي كيف ما قدر يصبر عنك ورجعك بعد ما مضى معها بس أسبوع .. وجاك مشتاق لك بالحيل ولا كأنه عريس .. يحبك يا لحظة .. ومضى معاك 3 أيام حلوين ولما شبعتوا من بعض وبدأتي تعاتبيه على طول ضربت براسه وتذكر مشاكلكم وتصور أنك ما دام تعاتبي معناها راح ترجعي تشكي مثل أول وترجعي تهربي لأهلك فلا تعيدي أخطائك الله يرضى عليكِ ثاني شي .. عنك اولاد مثل القمر .. من لحمه ودمه وهو انسان عاطفي .. يحبهم يموت فيهم .. وبتشوفي بكره لا صلحت أحوالكم كيف بيصير معاهم .:) ثالث شي .. امت عندك خبره فيه وتعرفي أطباعه مو مثلها جديدة عليه وتبغى تتعلم لسه .. مثل ما كنتِ أول 6 أشهر بزواجك .. بعدك تتعلمي عنه .. استفيدي من معرفتك وخبرتك هذي حبيبتي .. ما يشوف منك إلا حلو .. وما يسمع منك إلا كلام متل العسل .. وطمنيني عليكِ دايما .. انتظر أخبارك |
خلتي بيتا ياه كلامك زي البلسم
المستشار بمركز اسري اتواصل معاه دايمن وشارح لي نفسية زوجي نهاءي مانصحني بالتطنيش.. بل قال سوي المهارات لو عنده عشر نسوان وسويتهم اول كان مطنشني بعدين صار يرد علي احيانا يعني مره عشره لا.. انا خايفه الحين تاخذه مني او يحبها وهو اذا جيت بضمه يبعدني فكيف هي امس قال انه عادل حتى بالجماع وقال انه مايغى يفسدها ع الضم والمشاركه بالجماع والأحضان بس مو مصدقته الان بجرب التطنيش 3 او 4 ايام وبشوف بعدها لو مانفع با ابدا بمهارات المستشار وبطريقه ثانية واسلوب اخر لأن المستشار قالي غيري طريقتك ومو عارفه كيف ومحتاجه مساعدتك اللي كنت اعمله اقوم الصباح البس جديد واحط كحله وروج واسرح شعري واتعطر وقبلها انظف الاطفال والبسهم وا اسوي الفطور واصحيه اذا كان عندي بأمسح ع راسه واناديه زي حبي حياتي وهو يقول بعدي عني وانا اقول ابشر واذا صحى افطرنا سوا واقوله تفضل يا اا اميري وبعدها ياخذ طفلي ويروح لأمه اذا جا استقبله هلا حياتي وبس الضهر وقت التهميز ويطلع العصر اذا ليلتي يرجع متأخر وسبق ان سألني هم يضايقني التاخر قلت لا باللل اتزين لانجري عاري وقصير وهو يرفض واسكت لكن مافي جماع المستشار قالي0بألهار البسي زي مايبي باليل لا افرضيهم عليه كيف اغير طريقتي ... |
على فكذه هو زمان ماخذ عني فكره ان تطنيشه معناه زعلانه وبيفهم اني نكديه وبيلجأ لزوجته
انا في نقاشي راح اخليه لها علشان كذا افضل شي اطيع المستشار لكن نفسي يضمني عني بحاول الح عليه بدون نقاش زي الله يخليك ياحياتي ولو رفض اقول الله يسامحك و ياكثر ماني متعلقه فيك وبعد كم اسبوع بحاولل ياليت حياتنا تحتحسن وتصير باقضل حال لكن هو ليه يكذب علي يقول بعاملكن معامله وحده اصلا حى ما سألته |
جا قبل شوي وقال شسالفة ثوبي قلت برد وتوها وصل الموية
قلت عليه شي وردي بوريك قال مدري وسكت وانا سكتت وحاولت اضمه ورفض بعذر ان قبل حياتنا مشاكل وقال بعاملك زي ما اعامل زوجتي وقال هذي الحركت زمان وخلاص وإلا انتي تبين تعلميني وقال ان عنده حساسيه بذيك المنطقه فما يقدر يجامع ومو مصدقته يقول لها كم ييم الحين انا احترت هو ينفع معه التنطيش وإلا كلام المستشار لانه يقولي حنا نبي نغيره ونغير قناعاته فاهم شي انتي لاتناقشي وقبل شوي صار نقاش لانه يسهر وقد سألني اذا هالشي يضايقني او لا وقلت له برا بيضايقني سهرك كال حطي جدول قلت خذ راحتك بس مو دايم مافهمته خلاني متناقضه |
لحظة حبيبتي ... الللي قاعدة تعمليه لا هو التطنيش اللي قصدناه أنا والبنات هنا ولا هو المسايره اللي قال لك عنها المستشار ... موضوع اللون اللي بالثوب صار عليه نقاش والجماع عليه نقاش شبه يومي .
لو أنك لما دخل سويتي واجباته من عشا أو شاي بوجه منشرح وبعدها تركتيه براحته ورحتي كملتي أشغالك .. قرأتي لك جزء قرءان .. صليتي ونمتي كنتي وقتها سويتي نصيحتنا احنا وبنفس الوقت نصيحة المستشار . صدقيني كنتي راح تكوني مرتاحه أكثر ... لأنك متضايقة من موقفه لو تركتيه كنتي راح ترتاحي من مناقشته وزيادة تعب أعصابك و لما قرأتي القرءان ارتاحت نفسيتك وهديتي . وبنفس الوقت ما تكوني أهملتيه وعملتي بنصيحة المستشار بأنك ما ناقشتي ولا عاتبتي وعملتي كل طلباته . أشوف أكثر نصيحة ينصحوها لزوجات المعددين وللمعددين أنه لما يدخل البيت ينسى البيت الثاني وما يجيب سيرة الثانية عند الأولى .. ونفس الشي عند الثانية ... المفروض ما يدخل أي من زوجاته بأمور الثانية ولا يعرفها عنها أي شي . أريح لجميع الأطراف ضروري تشتغلي على موضوع انه ما يكون هو محور حياتك كلها .. وين راح؟ شنو عمل ؟ كيف احساسه الحين ؟ شنو عمل معها أو ما عمل .. ريحي نفسك منه شوي . انتي ببيتك ومع أولادك .. خلاص .. هذا كل اللي نبغاه منه ... يبغاك ويطلبك زيادة خير .. ما يبغاك .. الله معه . المهم انك مرتاحة ببيتك مع أولادك . مو انتي رجعتي عشانهم ؟ معلش سؤال بايخ شوي .. اسفه ... أحس من كلامك وكأنه زوجك مهملك شوي من ناحية العلاقة الخاصة .. كم معدل لقاءكم الخاص ؟ كم مرة بالشهر مثلا أو الأسبوع ؟ |
خالتي بيتا كل اسبوع ونص مره
|
خالتي بيتا
بظل على كلام المستشار لاانه فاهم الموضوع بتفاصيله البارح قلت له لمى رجع اذا ماتبي احضان ولا ضم فبلاش منها قال هذا الكلام الصح وخليني ع راحتيزفوقت ما اضم اضم |
انا امنيتي ما اناقش
كيف اتخلص من النقاش كيييف؟ كان يبي يبني لي بيت ويدخلها في بيتي الحالي جاب عملل وشاف الأرض وبعدها تراجع وحط بيتها فو حوش خالتي وانا متأكده سبب براجعه المشكله ال اللي دقيت ع اخوي وقلت بجي عندكم واخلي اطفاله له كيف اصبر كيف حد يساعدني ولو بخطوات عمليه |
النقاش نتيجة لأن الأولويات بداخل قلبك غير صحيحة ... تقدري تصبري لو فعلا شعرتي بأن عملك هو لله تعالى وليس لكسب رضا زوجك .
عندي لك سؤال أو مثل لما تعملي الرز ( أظن تقولوا عنه تشخليه :) ) شنو الخطوات بالضبط ؟؟؟ تحطي حاجات الرز كلها وبعدين تتركيها على النار الهادية .. صح ؟ طيب .. لو انتي مستعجلة وولدك جوعان وينتظر الأكل ويبكي شنو تعملي ؟؟؟ تروحي عن الطنجرة وتوقفي عندما وتفتحي الغطا وتناظري فيها الى أن تستوي .... وللا تروحي لولدك وتعملي له شي يتصبر فيه ؟؟؟ شنو اللي راح يصير لو وقفتي عند الطنجرة ؟؟ بتبرد ويتاخر نضوجها وما تستوي صح لأنه اللي فوق رايح ينشف ... صح ؟؟؟ بتخترب وهذا اللي قاعدة تسويه .. تعطي زوجك حاجاته وبعدين توقفي فوق راسه .. أعطيني بوسه .. أعطيني حضن .. ليه ؟؟ مين ؟؟ مستعجلة لكن لو جطيتي ببالك أنه هذا بيخرب علاقتكم أنا متأكدة أنك بنفسك وبدون مساعدة من أحد رايحة تعطيه مساحة يتنفس ويجي هو لعندك . اللي رايح يشغلك عن الانتظار ويخليكي تقدري تصبري هو التصبيرة ... التصبيرة هي انك تاخذي حاجتك من مكان ثاني ... تاخذيها من الروحانيات ... ما راح تقدري تصبري طول ما انت جالسه مكرسة حياتك كلها ولحظات عمرك تحسبي وتحللي بزوجك .. شوفي نفسك واشبعيها .. اقرئي قرءان وصلي الىىىىىىىىىىىى أن تحسي بالمتعة .. بالبداية ما راح تحسي بمتعة .. لكن مع الكثرة بتحسي .. مو أقل من جزء باليوم .. مو أقل من كل الفروض والسنن كلها . مو أقل من البكاء بين ايدين ربنا خلال الدعاء .. طلعي كل اللي بقلبك لربنا واشتكي له واطلبي منه . ما أقولك انسي طبختك ولا أقول ما تعطيها حاجاتها ... لا .. اعطيه كل شي لكن ما تنسي نفسك . مرة كل 10 أيام وضع مريح نسبيا ومقدور عليه لو انشغلتي شوي .. وبهمس لك بأمر ... المبادرة من الزوجة والتودد ما يكون بشكل مباشر ... مع انه صارلي مع زوجي أكثر من 30 سنة لكن ما أطلبه يحضني ... أبادر بأني أظهر استعدادي له وبمجرد ما احس انه غير راغب ولا راح يتجاوب معي والله تعز عليي نفسي وأعمل روحي ما قصدت شي .. وبما اني ما صرحت أقدر أتصرف وكأني ما بادرت وبهاي الطريقة ما اكون سمحت له يجرحني وبالتالي ما أعصب ولا أزعل ... بالعكس أنبسط لأني قدرت اني ما أعرض نفسي لتجريحه . الأنثى تطلب زوجها دااااااااائما بطريقة غير مباشرة ... أخليه هو اللي يطلب يحضني ... أبدا ما أطلبه أنا بلساني حتى لو مضى العمر كله بدونها .. أعرف انها حاجة فطرية ومطلوبة لكن كرامتي أهم عندي من حاجاتي خاصة اللي أقدر أعوضها من مكان ثاني . أقول هذا للي زوجها ميئوس من حالته ومتأكدة أنه ما يحب لا حضن ولا عواطف وزوجته قادرة انها تاخذا بالغصب لأنه زوجها طبيعته غير عن زوجك لكن ما أنصحها بهذا حتى تظل أمامه وأمام نفسها روحها عالية فما بالك بزوجك العاطفي اللي هو أصلا يحب هذي الأمور وفي أمل انه يطلبها من نفسه ؟ البسي مثل ما قال لك المستشار بالليل على مزاجك انتِ واللي تحبيه لكن لا تقربي منه إلا إذا هو طلب . |
كلام الاخت بيتا عين العقل كله خبرة و حكمة
خذي فيه و تخففي من كثرة التفكير بزوجك انشغالك باهداف وأعمال خارج اطاره سيشغلك بما يفيدك و سيجذبه لك مع الوقت النقاشات لا تفيد والمواجهة في كل نقطة لحياتكم تجعلك مثل الكتاب المفتوح أمامه و مع الوقت يمل منك و تملي منه الرجل يميل للمرأة الغامضة نوعا ما التي تجعله يتشوق باستمرار لمعرفة المزيد عن فكرها و تبهره كل فترة بامور متجددة قومي بواجباتك كزوجة باستمتاع و صدقيني لا يأتي استمتاعك الا بالرضا و التعلق بالحي القيوم بالذكر و الدعاء و العبادة تفنني في طبخك ولبسك و تربية اولادك و تثقيف نفسك بالجديد و ترتيب بيتك و القيام بشؤون زوجك بدون ان تجعلي فكرة انك في سباق مع الزمن للاستحواذ عليه خوفا من ميله للثانية هذه الفكرة بحد ذاتها متعبة و تفقدك الكثير من الراحة و الاستقرار و تصيبك بالتوتر و زوجته الاخرى الافضل الا يذكرها امامك و يتكلم عن علاقته بها وفقك الله و نور دربك بكل خير و سخر قلبه ورده لك مردا جميلا * |
خالتي بيتا
اوعدك وعد بأذن الله انفذ كلامك وكلام المستشار قد ما اقدر واذل جهودي ومن الان تبعلي لزوجي وحسن معاملتي له لوجه الله واحتسب الأجر من الكه وفعلا انا ابني من جهه واهدم من جهه ابوي دايمن يقول لزوجي بنتي دايم اللي في قلبها على السانها زين شين الشي الاخر انا حاسه زوجي فاهم وعقله بدا كبر لانه مايجي سيرة زوجته ابدا الا اذا طالبت بالحظن قال انا اعاملكن زي بعض مع اني مدري ايش تسمى البقعه اللي امس؟ في حاجات تقرقع في داخلي وتزعجني كثير هل ممكن يحبني وعنده اخرى؟في حال بأذن الله صححت اخطائي؟ وابشرك تخلصت من اخطائي الا النقاش وبأذن الله بأتخلص منه.. بديع المعاني جزاك الله خير وبأذن الله ابدا التغيير منذ اليوم وانظم وقتي حسب الأولويات |
خالتي بيا في شغله باخذ رايك فيها
هو مايتغدا ولا يتعشى بالبيت بس فطور احيانا يكون جيعان ومايقولي ومايتقهوا بالبيت شغله ثانيه ماعندي فرن اهله بدو وحاط بالمطخ سجاد قلت يشيله رافض ايش اسوي علما هذا طبع اهله ولادروج بالمطبخ بس حديد زي الرف ومو عارفه انظم او اخليه بشكل افضل وهو مايحب احد يفرض عليه شي او يقلل من شخصيته او يتدخل احد في بيته وبكذا متردده اعدل مطبخي من مالي الخاص ايش رايك |
لما يكون عندك زوجك بالبيت ويصير وقت غدا او عشا أو تكوني مسويه حلا إعرضي عليه .. اسأليه .. تحب تاكل .. أو سويت كذا وطلع طيب مرة شرايك تذوقه
ما أنصحك تشتري من فلوسك ... راح يتضايق .. صح ؟ ممكن إذا كثير مضطرة تطلبي من أخوك يجيب اللي تبين وتدفعيله وتقولي لزوجك هدية من أخوي .. بس يكون شيء منطقي .. يعني كذبة تتصدق :) الله يعينك حبيبتي ... صدقين والله إلا تشوفي أجر تعبك هذا كله بالدنيا قبل الاخرة ولو بعد حين .. بتشوفيها بزوجك أو أولادك خير وسعادة بإذن الله |
| الساعة الآن 05:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©