|
لم يرغب بالتصوير فغضبت فحدثت مشكله ..
مساكم الله بالخير اخواني حبيت اخذ رايكم ف الموقف الي صارلي قبل كم يوم طلعنا العايله كلنا نتمشى ونغير جو بس الي صار انه رحنا مكان مررررررره جنان والكل قام يصور مع زوجته الا انا زوجي الوحيد الي رفض يصور معي واخته طلبت منه تصورنا مع بعض بس قالها انه مايحب يصور معي فالجوالات انا هنا مررررره انحرجت وبصراحه حسيا بالقهر ان الكل يضحك ويصور مع زوجته وانا لا فعصبت منه وطول الطريق مااكلمه ولارضيت اتعشى لما وصلنا الحين جايه ابغي افتح الموضوع الا ع طول عصب ورفع صوته علي وقال اجلي نقاشاتك لبكرا قلتله ياولد الناس انا ماابغي حاجه منك كل الي ابيه بس انك تهديني وبديت ابكي لاني كنت من جد تعباااانه وابغي ارتاح بس هو رفض نهائيا وقام نام فالغرفه الثانيه وقالي والله لو يمعت صوتك تبكين لاارجعك مع اهلك والحين مايام رافض يكلمني كل مااكلمه يتنرفز ويبعدني عنه بطريقه جد عنيفه وكتبلي مسج انه كاره العيشه معي ويبغيني اروح لاهلي ومن هذا الكلام بس انا للخين مصدوووومه ماتوقعته يقلب السالفه علي يعني بدل لايهديني يزيدها علي فنظركم الموضوع يستاهل كل هالعصبيه وهل انا غلطت غلطه كبيررره لما زعلت
|
فيه امور ارى التسليم فيها افضل واسلم ..
ايش المشكله لو قدرتي رغبته .؟ ممكن اتضايق ويكون ودي . لكن ماتوصل اني مااتعشى ولااكلمه طلعه تنكيده بتنكيده .. بدل ماتفكري ليش ماهداني فكري ليش ازعل اصلا .. وعذرا منك ِ .. مسجه لك .. انتِ ادرى بسببه .. يعني هل هو بطبعه جاف .. ام انك كثيرة الزعل فمل من طبعك ..؟ ارسلي مسج له او كلميه بهدوء وتفاهمي معاه مو عشان الموقف .. اسمعيه وشوفي وش بخاطره وان شاء الله توصلون لامر يسعدكم .. الله يسخركم لبعض ويهدي سركم .. |
المثل يقول : لا تغلى فتخلى
لا تكثيرن زعل على أشياء ما تسوى لو فوتيها كان وفرت على نفسك هالموال كله كنت بشغلة تافهة و الحين وصلت لكره العيشة معك لا تخربين بيتك و اعتذري من زوجك و بلاش شغل أطفال الله يهديك |
الموضوع مايستاهل انه يزعل ويعصب بالعكس انتي المفروض تزعلي مو هو انا كان ممكن اقولك اعتذري ومشيه بس لمن احط نفسي مكانك عارفة اني ماراح اعتذر ما راح اتكلم بمثالية
س سؤال ياريت تجاوبيني انتي عودتي زوجك على اعتذارك عشان تهدي الوضع حتى لو ماكنتي غلطانه والحق عليه ؟ |
انسي موضوع التصوير زوجك فيه اشياء ثانية مضايقته ..... الله واعلم موفقه يارب |
اقتباس:
لاتظلمـونه .. كفيتـي ووفيتـي .. رأي سديـد جـدا .. لاحرمتي الأجـر .. |
حبيبتي في نوعية من الرجال مايحب يشوف المراة تبكي
انتي ادرسي شخصية زوجك وارجعي لمقياس بوصلة الشخصية حتى تعرفي ردات فعله وكيف تتصرفي معاه وبعدين بالنسبة للموقف غاليتي مايحتاج تضخمي الموضوع يعني انتي مديتي البوز + مااتعشيتي ويمكن احرجتيه امام اهله + لما رجعتو البيت ناقشتيه وهو مازال منفعل وكله لاجل صورة !! لاتضخمي الامور غاليتي وربي يجمع مابينكم على خير |
مــآكان فيهــآ شيء لو قلتي
إللي تشوفه يآتآج رآسي..! انتبهي من زعلك على كل شيء وعنــآدك هــآذا اسمه نكد يمكن زوجك تراكمت عليه المواقف من قبل ومل من كثر مآ يتحمل وجت هاللحظة وانفجر عليك ارسلي رسآله لج//وآله واعتذري منه |
طيب يـ? بنت الحلال هذا مَنِ خوفه عليكي لو فرضا انسرق الجوال او ضاعت الذاكره
المفروض طنشتي الموضوع وتعشيتي وانبسطي بالطلعه ومشيتي الامور ماله داعي الزعل هذا كله الله يستر عليكم دنيا واخره ويسهل اموركم .... |
اشكر الجميع ع الردود اختي سوسو انا متعوده ارضيه واعتذر بس مرات لا يعني هو الي يجي يراضيني يااخوات اي وحده لو كانت مكاني بتحس بالغيره لان فجميع المواقف هو الوحيد الي رسمي بزياده معي وكم مره كلمته بهاالموضوع بس ماشي فايده
|
اقتباس:
يقول الله (جل وعلا) : { يُؤْتِي الحِكْمَةَ مَن يَشَاءُ وَمَن يُؤْتَ الحِكْمَةَ فَقَدْ أُوتِيَ خَيْراً كَثِيراً وَمَا يَذَّكَّرُ إلاَّ أُوْلُوا الأَلْبَابِ } ماشاء الله تبارك الله أسئل الله لك الثبات .............شااااب |
انت غلطانة بحق نفسك ..
لانك حرقتي باعصابك و تعبتي نفسيتك عالفاضي .. كان ممكن تأخذيها بضحك و تطنشي .. اذا تحسبي انه الطريقة هذه راح تغير منه و من معاملته لك برسمية .. فانت غلطااااااانة |
مدام انه احيانا يكون عارف نفسه غلطان ويعتذر فانا اشوف انه في موقف مزعله منك قبل مشكلة التصوير او انك احرجتيه بزعلك قدام اهله وانعكس على تصرفك معاه اومعاهم بس بدون ما تشعري
في ناس طبعهم كدا رسميين مهما تحاولي تغيريهم ماتقدري فا الحل انك تكيفي نفسك على طبعه عشان تبعدي عن المشاكل |
نصيحتي
لاتقاني زوجك بغيره واذا يعني الكل صور مع زوجته ؟؟؟ لازم زوجك يصير زيهم ؟ اتوقع اكثر شي يكرهه الرجل هو المقااااااااااارنااااات ماله داعي زعلك + ماله داعي نكدتي عليه وبكيتي ويمكن هو اصلا مضغوط من شي ماتدرين عنه يمكن من العمل او اهله الله اعلم ......... راضيه بأسرع وقت اختي واتمنى لك التوفيق |
بصراحه بعد كلامكم ضميري اكثر انبني وحاولت معه كذا مره عشان ارضيه واجهته ابغي ارضيه بس صدني بعنف ورسلتله مسجات بعد صدني بعنف ماعارفه كيف ارضهشورو علي
|
اقتباس:
خلاص خليه يا اختي يهدأ في اشخاص اذا عصبوا يحتاجوا بعض الوقت لتهدأ انفسهم ارسلتي مسج اعتذار يكفي الآن الى أن يعود الى البيت اطبخي له طبخة يحبها وقابليه بابتسامه حتى لو صد عنك روقي مزاجك ولا تناقشيه بهذا الخصوص ابدا، يكفي المسج اللي ارسلتيه والذي يدل عن اعتذارك عن خطأك وتفهمك لأسبابه الله يهدي سركم |
اقتباس:
|
زوجك تصرف معك بعصبيه
لانه بكاكي كان بغير محله وغير متوقع وكان متوقِع منك انتي تعتذري منه مو العكس واذا على كلمته فهي من العصبيه ومش قاصد فيها انه جد .. اعذري زوجك بكفي يا بنت الحلال انه كان بده يشيل زعلك ويعزمك على العشا .. وانتي زدتي الطينه بله امركم بسيط .. اعتذري ومشي امورك مابيسوى تكبري الموضوع |
اقتباس:
خلاص ما تناقشيه بالمشكلة وخليكي عادية وهو بنفسه حيتكلم معكي بس احذري تفتحي الموضوع مرة ثانية لو ما فتحه هو فيكون افضل الله يوفقك |
سبحان الله زوجتي فيها طبعك هذا يفك جوي فكك ويضيق صدري واتمنى اني ما طلعت لا برحلة برية ولا بحرية ولا سافرنا
واتمنى اننا نجلس بالبيت ولا نطلع ابد بصراحة والله طول الوقت مقارنات اختي ام فلانه سوت وام فلانه سوت ونبي نسوي مثلهم وش دخلني فيهم انا طيب مابي كيفي انا حر ما احب هالشئ خلاص تمد البوز شبر وتجلس بعيد عندي وتنكد علي الطلعة والوناسة ولما نرجع للبيت بتكلم معك وانت ما نطلع الا تسوي مشكله وما نحط الا تقول مابي وما وما وما وما .... طفشت والله ثم تجيني وتعتذر خلاص وتبيني كذا بلمح البصر ارجع اضحك وأتقهوى معاها وناكل حلا طبعاً بطلت هالعادة الحين خلاص كبرنا شوي :25: خلاص خليني يومين سوالف خفيفة ثم ابتسامة بسيطه ثم رسالة زوجتي اذا انا جالس معاها بنفس الغرفة وانا زعلان عليها ترسل لي رسالة نكته واضطر اضحك وتضحك معي ونغير الجو شوي جربي هالشغله بس لاتجلسين نكدية بالطلعات ونكدية بعد الطلعه ونكدية حتى وانتي تصالحينه عطي الرجال شوية فسحة يتنفس ويضحك شوي ويثور شوي ويهدأ الحاله ان شاء الله بس عطيه محسنات للجو انك متى مارجع جوك صافي ترانا صافين ^_^ |
مشكلة الكثير من النساء إذا غضبت من تصرفات زوجها نكدت على نفسها وحرمت نفسها من الإستمتاع بالمكان أو تناول الطعام.وعليها الكثير من الأزواج يعتبرها حركة استفزازية فتكبر رقعة المشكلة وتطال الزوجة وينعتها زوجها "بدائمة النكدية"
المشكلة أنه رفض التصوير وأنت قابلتها بمقاطعته طوال الطريق ولم تكتفي بذلك بل رفضتي تناول الطعام كذلك أنظري كم ردة فعل اتخذتي مقابل فعل واحد قام به في ثوانٍ معدودة وردة فعله الآن طبيعية لتتعلمي كيف تتصرفين معه بطريقة ألبق وأفضل في قابل الأيام أنصحك: بالتزين في نفسك وارتداء ما يحب الإهتمام ببيتك ورائحته بشكل أكبر أطبخي ما يحب وأحضريه للغرفة التي هو فيها أكتبي في ورقة وعبري عن شوقك له وضعيها على فراشه ليجدها عندما يريد النوم زيني غرفة نومك وأرجو أن تتعلمي كيف تأخذي ما تريدين بطريقة أكثر ديبلوماسية دون أن تلحقي الأذى بنفسك وتكبر المشكلة وتندمي كثيراً وتصبحين في موقف لا تحسدين عليه وتُفتح جميع الملفات قديمها وجديدها.. |
اقتباس:
انتي كذا :22: :22: :22: |
اقتباس:
مشكلتي زوجتي كلامك ضحكني مووووووووووت |
سبحان الله اخوي عاشق الجواهر كلامك مثل كلاااام زوجي
بالضبط وكانه هو الحين يتكلم قدامي دعواتكم بس لي بالهدايه |
اخي العقد الفريد كلامك جدا رائع تشكر على هذا المرور والكلمات الحلوه الي فادتني كثيييير
|
صدقيني كنت مثلك انكد عليه وعلى نفسي بأشياء بسيطة وما تستاهل
تفهمي طبيعة زوجك احترمي رغبته هو أصلا راح يتغير مع الوقت بس بدون زعل |
مراحب أختي ..
لاتعطين السالفه أكبر من حجمها .. ماعليك سوى الصمت هو الحل الوحيد لـ مثل كذا مشاكل يكون متضايق من شي ثاني.. وإن شاء الله يندم ويجي يعتذر .. |
اللي صار صار وانتهى ... لكن بعد عودتك ياليت ((وعارفه ياليت ماتفيد)) لكن المفروض ماتناقشيه وجيتيه في يوم ثاني برواق وهدوء ومزاجه عال العال ... انا عارفه انك مقهوره وفشله العالم تصور إلا انتي بس هذا زوجك ايس تسوي ... طيب اش رايك بأختي مارضى زوجهااا تتصور يوم عرسهااا يوم العمر وكلفهااا فستانهاا ومكيااجهااا كثير,, ومع ذالك اسم الله عليهااا كانت قمر وحساافه وقمة الندم اذا ماتصورت لكن طااعة الزوج واجبه اش تسوي هذه شخصيته وهذا مبادئه .. ولعلمك تصوروا يوم الملكه وبعد ماتزوجوا قال هاتي صور الملكه وشالهااا وليومك لهم اربع سنين ماشافتهاااا ... انظري في مصيبة غيرك تهون مصيبتك واناا مااشوفهاا مصيبه عاااااااااااايدي جدا ... لو أنا مكانك وزوجي رفض... اصور نفسي واتهنى وتبقى لي أنا ذكرى ومع الاياام آوريه الصور واذكره بالممكان والرحلة وقد ايش كانت حلوه ... ساعتهااا افتح هالموضوع معهاا ..
موفقه ..** |
ابشركم الحمدلله بعد المسجات الي رسلتها لزوجي نفذت كلامكم والتزمت و
وفنفس اليوم اعتذر لي وقال ان هو رفض التصوير لان مره انسرق جهازي وفيه صوري كلها عشان كذا هو خايف وخذا وعد مع نفسه ان مانصور فالجوالات ونفس كلامكم ماشاالله الي قلتوه لي طلب مني مااناقشه فالموضوع نفس اليوم لين يهدا شوي ولكم كل الشكر الفضل بعد الله لكم |
حلت المشكله ..
|
| الساعة الآن 10:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©