|
صارت مشكلة بينا عشان موقف غير مقصود ..
اكتب لكم وانا حزينة جدا و مقهوووورة على زوجي
أنا ادري أني غلطاااااانه لكن من غير قصد و الله ... زوجي زعلان و قال كلام كبيييير ، و أنا طبعاً ما قصرت رديت عليه لكن بحدود لأني أنا بعد زعلانه من نفسي ... قبل مدة صار موقف ، زعل منه زوجي و عصب ، لكن اليوم انفجر و قام يتكلم عنه و يقول انتي بلا إحساس و انااااانيه جداً تفكيرك كله بنفسك و بس .. ما عندك إنسانية أبدا .. أنا ما شفت مثلك .. احترمك و أقدرك و افضلك على نفسي و انتي ما تستاهلين ووووو يقولي عدلي سلوكك مع الناس و احترميهم ... و طلع زعلان لأني بعد رديت عليه .... أنا ايش اسوي طيب ،،، مو قصدي اللي صار ... أقولكم الموقف .. كنت داخله المستشفي قبل فترة ، و دخلوني غرفة هاااادية أنا انبسطت أني راح اكون لوحدي ، عشان أخذ راحتي .. خصوصا أني كنت بجلس ثلاث ايام فيه .. كان الوقت 11 بالليل ، دخلت و المكان هادي و نظيف و مريح و ستاير مغطية اللي حولي يعني باختصار الديكور كان جد جميل و مو مبين اجزا الغرفة مضبوط ... و كان جنبي تلفون ، طبعا طفشانه و دقيت على أمي أطمنها و اهرج. معها ... و طولت وانا أتكلم و جاء زوجي قال تري جنبك مريضة حالتها صعبه خليها ترتاح ...قلت ما دريت ان جنبي احد .. و فعلا كانت عجوز كبيرة علي بالي انها بغيبوبة و ما تدري ... رحت اقول لأمي خذ راحتك ما عندي الا عجوز ما تدري عن شي اصلا ما اعتبرها موجودة ووووووو ( بصراحة قلت عنها كلام ما يصير) و قرقرت الى وقت متأخر ... و تفاجات لما النيرس جت و راحت تنادي الطبيب ان اللي جنبي صاحية و ما فيها الا شلل من حادث اعتقد و سمعت كل الكلام و كانت تبكي مني .. و الطبيب يسألها ايش فيها طبعا هي تبكي بالدموع دون صوت و لا حركة و ارتفع عندها الضغط و بقيت على هذا الحال مدة .. زوجي تأثر جدا من الموقف و عصب و قال أكيد انك مزعجتها و أنا الغبية رحت قلت له اللي صار .. سكت و امس انفجر و طلع كل اللي بنفسه لانه سألني عن خالي مريض قلت له عادي اصلا هو رجال كبير و عاش بما فيه الكفاية و جلس يصارخ علي و يسبني .. و ما رجع يبغاني أدق عليه لكني طنشت ليش يقولي هذا الكلام ... |
الله يهديك ويصلحك ..
يحق له صراحه .. ماراح الومك اكثر .. لكن لو انا منك والله لاشتري هديه للاخت واعتذر منها واتعلم من الموقف درس .. ترى الكلمه زي الرصاصه ان راحت ماترجع .. قبل ماتفكري تصالحي زوجك .. راجعي نفسك واعرفي اخطاءك .. ياعزيزتي صدقيني بعض الكلام الصريح القاسي جدا منفر وممكن تجي يوم وتلقي نفسك لوحدك .. ارسلي له مسج اعتذار او انتظري جيته وبيني له انك ندمانه على كلامك .. لانه فعلا كلام مؤلم ولن يرضيك ابدا ان يقال لوالدك بعد عمر طويل ماقلتيه لخالك ..! اعتبر كلام زوجك توعيه لك واضاءه على سلبياتك .. اتركي العناد وكلميه :) الله يصلح الجميع .. |
انتي غلطانه ومعترفة بغلطك اعتذري منه ولا عاد تعيديها حسسي زوجك ان قلبك لين مو قاسي مو بس بالكلام اثبتيله بالفعل وخليه يغير نظرته وانطباعه عنك.. انا حزنت على المريضة واتمنى انك ترجعي تزوريها ومعاكي هدية و اعتذار
|
لاحول ولا قوة الا بالله..
والله زوجك اصيل.. ولا تخافي على نفسك معه شكله انسان قلبه كبير ويشفق الله ييسر امركم.. ولا تصري على العناد في الغلط |
فظيعة إنت !!!
المشكلة مو بخلافك مع زوجك المشكلة في حسك الإنساني !! الله يعينك على نفسك صراحة ما يصير تتعاملين كذا مع الناس تضمنين هالمسكينة ما انحرق قلبها منك و تكون دعت عليك بقلبها ؟ اتقي دعوتها و روحي تسامحي منها ترى الدنيا دين |
المشكلة أن ما فيه قلبك رحمـة للأسف
راجعي مواقفك مع زوجـك في الماضي .... ممكن أنك ما أظهرتي له لا تعاطف ولا رحمـة في مواقف تحتاج .. وهذا اللي خلاه ينفجر فيك |
انتى الغلطانه وعليك اختي تعديل سلوكك مع الناس واهنئك على الزوج الرائع صراحه وان تتركي العناد وتتعتذري منه اعتقد لو حطيت نفسك مكانه وهو تكلم على ابوك قومت ىاالدنيا واقعدتيها
فعليك الاعتذار لزوجك وان تذهبي لتلك المراه ومعك هديه وتتعذري لها ايضا يسر الله امرككم تحياتي |
مشكورين لردودكم .
لا تظلمونة .. ادري ان كلامي قاسي بس ما كنت ادري انها تسمع و الله الغرفة كانت هااادية و لا صوت و كأني فعلا لوحدي و لا تتحرك .. ما دريت انها صاحيه ... أما خالي أنا اعتبرت كلامي عادي لان قصدي ان هذا حال الدنيا خلاص هو عاش و كبر و أكيد كلنا بننتهي هذا قصدي و الله .. بس عبرت عنه بطريقة مختصرة .. و زوجي صراحة كبرها ليش يسبني طيب .. ليش ما يتكلم بهدو مثل ما اكلمه ... سوسو .. صعب اروح اعتذر لها اصلا هي ما تتكلم .. و ايش اقول لها .. أنا ما تجرأت اقول لبنات اخوها لما زاروها و يساولنها ايش فيك .. و هي مو قادرة ترد عليهم .. بس سألتهم عندها عيال قالوا لا .. لانها ما تخلف .. و أنا اللي قلت لامي شكل عيالها رامينها .... وهي تسمع ... من جد صعب اروح لها .. أكيد انها ما راح تنسي .. مشكلتي زوجتي .. أنا ما أصر على العناد ، بس خلاص اللي راح راح ليش حاقد علي كل هالمدة عشان شي غير مقصود .. و صراحة دايم يكبر الامور .. آفاق المجد .. قلنا لك غلطنا خلاص .. و الحمدلله عندي إنسانية بدليل أني انصدمت يوم عرفت انها تسمعني ... |
واقعي لحد الألم ...
ايش يدريك ان قلبي ما فيه رحمه ؟!! هل شققت عن قلبي .. و تكفينا الرحمة اللي عندك .. دنيا الوفا .. أنا تكلمت عن خالي اخو أمي .. مو ابو زوجي ... و بعدين الكبار دايم مرضى و هذا طبيعي بس زوجي مادري كيف يفكر ؟! |
شوجي حبيبتي مو المشكلة انه سمعتك المفروض اصلا انك ماتتكلمين على احد بشئ يكرهه حتى لو كنتي متاكدة انها ماراح تسمعك اسمها غيبة وكلنا نعاني منها الله يهدينا
|
اختي انتي الغلطانه والله يعينك اذ استمريتي كذا بحياتك والانسان اذ ما عنده حس انساني للناس ما ينلام اذ الناس ابتعدوا عنه وبالنسبه للمريضه اعتذري وزوريها لانك جرحتيها بامر ليس لها حول ولاقوه فيه والرسول وصانا وصية بماء الذهب صلوات ربي وسلامه حين قال ( لا تظهر الشماته بأخيك فيبتليك الله ويعافيه) يبدو انك تحبين الدعابه وربما اعتبرتي هذا من خفة الظل لذلك لم تشعري بانك اخطاتي في حق نفسك فضلا عن خطئك على الاخرين
|
عزيزتي اللي صار صار بس في نقطة حبيت انوه عنها
المشكلة مو ان الانسانة المريضة اذا سمعتك معناها انتي مخطئة واذا ماسمعتك يعني خلاص الموقف عدا على خير !!!! ياقلبي المشكلة في نظرتك للموقف ياغاليتي بغض النظر انها سمعت او لم تسمع لابد نرأف بحال الاخرين ومانشمت ونضع نفسنا مكانهم والكبير يحس ويتالم ويحتاج مثله مثل الصغير اذا ماكان اكثر كمان فاتقي الله بكلامك ولاتجرحي الاخرين والله يصلح مابينك وبين زوجك يالغلا كويس انه نبهك وانت احتوي الموقف ووريه تغييرك من الداخل الفعلي ولاتكرري اخطائك الله يرضى عليك |
أخي الكريمة
موضوعك ينقسم إلى 3 أقسام المرأة العجوز زوجك طباعك فالمرأة العجوز أنصحك أن تذهبي لها وتتسامحي منها حتى لو لم تتكلم معك فقط يمكنها أن تسمعك تعتذرين لها وتطلبين منها السماح .. وأطلبي منها أن ترد عليك بإشارة من رأسها أو عينيها فلا شك .. أنها سمعتك وبكيت حرقة منك وكذلك سوف تسمعك تعتذرين لها وإن شاء الله بتسامحك فأن تحسي بالحرج .. خير من أن تقف العجوز خصيمة لك يوم القيامة أما زوجك .. فإن شاء الله سوف تتصالحي معه سواء اليوم أو في الأيام الجاية .. فلا مشكلة .. ولكن تذكري دائماً أن المنافحة في الرد وقت الغضب .. سبب رئيسي في حدوث المشاكل بين الزوجين وقلة الإحترام بينهم أما أنتِ فعليك أن تعيدي كلام زوجك لكِ ( انتي بلا إحساس و انااااانيه جداً تفكيرك كله بنفسك و بس .. ما عندك إنسانية أبدا .. أنا ما شفت مثلك .. احترمك و أقدرك و افضلك على نفسي و انتي ما تستاهلين ووووو يقولي عدلي سلوكك مع الناس و احترميهم ) هل فعلاً تشعرين أن كلامه حقيقة موجودة فيك ..؟؟ وهل أنتِ راضية عن هذا السلوك ..؟؟ وهل عندك إستعداد لتغيره ..؟؟ أعانك الله |
اقتباس:
اقتباس:
+1 زوجك تفكيره صحيح بالعكس تفكيره يدل على صفاء نيته وطيبة قلبه .. الله يخليه لك ولا يحرمكم من بعض يمكن الشي الي بينسيه هذا الموقف هو لو كلمتيه بهدوء ووضحتي له انك لازلتي تحسي بالاسف على موقفك مع المرأة العجوز .. و تطلبي منك ياخذك تزوريها اخيتي روحي لها و خذي معاك هدية متواضعة وكلميها على انفراد... اعتذري منها و قبلي رأسها |
شـوجي تحملي ردي اذا لمستي فيه قسـوه ..
لوفرضنـا أن المريضه اللي جنبك داخله في غيبوبه .. كيف أنسانيتك تسمح لك تتكلميـن عليها .. اللي يدخل المستشفى يحس بألم كل مريض ويحط نفسه مكان كل مريض .. صحتنا بين يدين رب يقلبها كيفما يشاء .. أحمدي ربك تمشين وبصحتك .. قارني نفسك باللي ماملكـت الأ دمـــووووعها .. ووين ضميـرك من هالموقف ..؟؟؟ ليش مانزلتي من سريرك وبستي راسها ليش ؟؟ وخالك مريض .. عادي !!!!!! بس عشانه كبير في السـن .. خلاص نرفع عنهم رأفتنا ولا يهمنـا صحتهم .. المرض على الكبيــر والصغيـر .. هذا اللي حثنـا عليه الأســلام ..؟؟ هذا اللي علمنـاه رسولنا عليه أفضل الصلاة وأتم التسليـم ..؟؟ الرسول رحم اليهودي وقت مرضه كيـف أنتي مـا رحمتـي أخو امك .. .. زوجك ماأخطى ياشووجي .. للأسـف انتي اللي أخطيتي .. راجعــي نفسك .. وعدلي سلوكك .. .. أرحمـــوا من في الأرض .. يرحمكم من في السمــاء .. .. أختك عيوني تحكيني .. أن قست عليك في ردها فهي تريد لكـي الخيـر .. .. |
السلام عليكم ورحمة الله تعالى وبركاته
ياشوجي لاتكوني عدوة نفسك ، ولايكن لسانك أداة إدانتك ، زوجك طيب وقلبه حي ، ورحيم ، ومهما قال لكِ فهو والله لايقصد الإساءة لكِ ، أنتِ زوجتة ويعي جداً بأن كرامتكِ من كرامتة ، ولكنه أراد أن يعبر عن غضبهِ الذي كُنتِ السبب فية ، وأستعمل هذه الكلمات المؤلمة لا ليجرحك أو ليُهينكِ ، وإنما أراد أن يلامس جرحك لكي لاتقعي في الخطأ مرةً أخرى ، وكان من الأجدر بكِ أن تعتذري فوراً عندما ثار عليكِ وتلتزمي الصمت الذي يعبر عن الندم ، ومافعلتهِ من ردة فعل كان خطئاً أخر أيضاً . أذهبي إلى زوجكِ وأعتذري له ، وصححي ما أخطأتِ بهِ . سيسامحك عندما تريدين أن يسامحك .. أفهمي ما أقصده كل التقدير . |
اقتباس:
وفكري انه لحظه .. يمكن تكوني مكانهم !! ولا تغتري لا بصحه ولا شباب ولا غيره .. ولا يغرنك بالله الغرور .. |
لا حول ولا قوة الا بالله
الصراحة الله يآجر المرأة العجوز على مصيبتها فيج كلام زوجج صحيح انتي بلا إنسانية بمعنى الكلمة تخيلي نفسج مكان هالعجوز المسكينة ؟؟؟؟ هل راح ترضين ان احد يقولج هالكلام؟؟ انا اقول روحي تسامحي منها احسن من انها تدعي عليج دعوة تتفتح لها أبواب السماء يالله أنا ودي افهم انتي اشلون مستحملة نفسج ان انتي تقولين هالكلام الكفار والمشركين اللي لحمهم متشبع بالخنزير تلقين عندهم رأفة ورحمة سبحان الله الانسان اللي ما فيه رحمة مافيه خير الله يعينج على نفسج |
افضل حل واجمله
ان تزوري منزل ايتام وارامل وتتصدقين لهم كل اسبوع زوري احد نفسيتك ستتغير الكل يلومك انك تكلمتي عن العجوز و عن خالك ولكن انتي لم تفكري حتى بنفسك هل احد قرأ جيدا الموضوع كتبت انها وجدت الغرفه جميله وهاديه اهتمت بالغرفه ولم تهتم انها تتألم وداخله لثلاث ايام حبوبه هذاا الشعور القاسي يتصف فيه الاطباء وينقذون فيه المرضى بحيث انه يكون قلبه قوي ولا يخاف ولا ينهار فيمد يد العون للعجوز او الخال لن يتعدل سلوكك او نفسيتك الا بزيارة الفقراء والتصدق عليهم بنفسسسسسسك زيارة ارمله عندها ايتام بنفسك اذهبي اليهم وخذي معك ما تيسر انا لا اقول انو ما عندك انسانيه انما قلبك قاسي وهذا ليس عيبا ولكن العيب ان نعلم ذلك ونستمر فيه ليلين قلبك عليك بالايتام زوجك ليرضى اطلبي منه ان يعينك وان تفعلي وتنظري برأفه ورحمه انتي كنتي قاسيه حتى على نفسك ولم تهتمي انك في مشفى لعلاج والمفروض انو تشغلي نفسك اما قرآن كريم تقري فيه او الاستغفار او الدعا لله ان يشفيكي وان يجعل ما اصابك كفاره لك |
غلطانه وبقوه
ليش صعبه تعتذرين منها بالعكس مدام موجوده روحي اعتذري منها وبيني تعاطفك وتأثرت وترجيها ان تسامحك فوضعه لم يكن لها يد فيه والذي قدر لها الحادث يقدر ان يصيبك بمثله! نحن لانضمن الاقدار وليس الكبير هو الذي يمرض نحن جميعاً ضعفاء والعافيه ماتنضمن!! ويمكن يكون خالك اطول منك عمراً مايؤسفني انك مهتمه لزعل زوجك وتقولين مكبر السالفه وماندمتي ع فعلك،،،، صدقيني معك فرصه اعتذري من المرأه وادعي لها بالشفاء وتعوذي من قسوة القلب وزوجك اذا شافك تغيرتي بيرجع زي اول. |
اختي اصلحك الله رب كلمة قالت لصاحبها دعني لازم يا الغاليه ننتقي كلامات لطيفه لنعبر بها حتى ما نجرح الغير ربما انك قد جرحت زوجك ايضا ببعض كلامك دون شعور ثم كلنا نتمسك بالحياة ولا نريد ان نسمع كلمة الموت حتى لوتجاوزنا المئة عام وبلغ بنا المرض مبلغه غدا اذا كبرتي سوف تشعرين بما بشعورهم اذا جُرحت بكلمه فالدنيا دوراه يا اخيه حاولي ان تتلطفي في كلامك حتى وان كنت بمفردك لان الكلمه الطيبه جميلة ورقيقة لا تؤذي المشاعر ولا تخدش النفوس قال تعالى: ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء، تؤتي أكلها كل حين بإذن ربها ويضرب الله الأمثال للناس لعلهم يتذكرون اسال الله ان يصلح حالك ويلهمك الصواب |
المشكلة هنا مو سمعتك أو ماسمعتك المشكلة كيف تسمحين لنفسك تقولين هالكلام ؟
هل أنتي واثقة تمام الثقة إنه مارح يصيبك شي من رب العباد وتصيري مثلها لاقدر الله هل تتوقعين إنها ماجلست تدعي عليك ؟؟ هل تتوفعين ماانحرق قلبها على كلامك القاسي والجارح تمنيت إني ألتمس الضيق او الحزن في كلامك بسبب تصرفك للعجوز وليس زوجك مع إني اشوفه ماغلط ابدا في كلامه لك لإنه الواضح من خلال كلامه إنه لك سوابق وهالمرة انفجر ونصيحة مني لاتقعدين تراددينه حتى لو غلط عليك اسكتي وخذي حقك وردي عليه بأسلوب راقي الله يهديك ويصلحك وأتمنى إنك تروحي وتعتذرين منها وتطلبين السماح وتأكدين على هالشي ماتدرين إحنا اليوم فوق التراب وبكره تحته |
انا مصدومة كيف يطلع هالكلام منك اصلا!
وحدة مريضة لو هي في غيبوبة المفترض انك تدعين لها مو تحللين وضعها وتعلقين على حالتها. كيف ما اخذتك الشفقة؟ يا الله و مقتنعة انك ما غلطتي؟ الغلط الوحيد انها سمعت؟ احفظي لسانك عن الناس |
انت عندك قلب ؟
اشك بالفعل .. و الدليل انك ما راح تحسي بكلام الاعضاء و لا العضوات .. |
اقتباس:
اقتباس:
اقتباس:
الكبار صح دايم مرضى بس المفروض نقول الله يشفيهم الله يرفع عنهم اللهم عافنا مما ابتلاهم واشفيهم وطهر اوجاعهم لكن اسلوبك جدا جاااااااااارح اخاف ربي يمتحنك بثقتك ان الكبار فقط المرضى وتشوفيها بنفسك لاقدر الله بعيد الشر او اطفال قريبون منك يغير لك النظرة ان فقط وفقط الكبار المرضى بهالدنيا زعلانة مرررررررررة علي تفكيرك واحساسك المعدوم بالصحة واالعافية الي انتي فيها لايبدلها الله بيوم http://www.66n.com/forums/images/icons/icon9.gif اقتباس:
http://www.66n.com/forums/images/icons/icon9.gif وروح الطير ردها اكثر واقعية هل انتي عندك قلب وراح تحسي بالي قلناة او لا هنا مربط الفرس احسسسسسسسسسسسسساسك وشعورك بالاخر فقط ... اسال الله ان يشفي العجوز المريضة ويرفع عنها كل مااهمها والمها ويخفف اوجاعها يارب وان يشفي خالك ويرفع عنة ويطهر جسدة وقلبة من الامراض والعلل يارب العالمين ويهديكي ويصلحك وينور بصيرتك ويسخر لك زوجك يارب ... مابغيت الا مصلحتك وان تعرفي قدر الالم الي زرعتية بقلب المراءة فقط ومصلحتك بالتعامل مع الناس .. اختك ... |
الموضوع كله على بعضه ما دخل راسي ..
اصلا أشك انك متزوجة .. كل مواضيعك استفزازية ولا احد يكتبها الا واحد فاضي وما عنده شغله ولا هدف في الحياة .. |
اقتباس:
مو متزوجة :30: أوريك عقد الزواج مثلاً ؟؟!!! و فيه احد بيفاول على نفسه يقول كنت بالمستشفى وهو كذاب ؟!!! كلن يشوف الناس بعين طبعه ... يا مشغولة ياللي اهدافك مقطعة بعضها ... |
لا اله الا الله
انا لحد اللحين مو مستوعبه لا موضوعك ولا ردودك اتركيك من زوجك اللحين زعل بكره تتصالحون لكن الانسانه اللي جرحتي مشاعرها !!!!!!! عااادي الوضع وخالك !!!! طيب لو انك مكانهم وربي ردك لارذل العمر وش رايك وهن قلة حيله امراض اشياء خارجه عن ارادتك اغلب احبابك بالقبور وبعد القوه والشده ضعف ممكن اولاد يرمونك مثل ما وصفتي ويمكن حولك بس ما يهتمون فيك بالشكل المطلوب وش موقفك وش موقفك لو احد نظر لك بنفس نظرتك اللحين ما تخافين من الابتلاء حتى لو انك واثقه تمااام الثقه انها ماراح تسمعك تتوقعين كيف راح يكون الحال لو الكل تفكيره مثل تفكيرك ولا خليني اعطيك مثال ثاني لو امك بنفس هالحال لا قدر الله وجيتيها الزياره وهي تبكي وش موقفك وقتها امممك انجرحت وش تسوين قطعت قلبي هالعجوز االله يشفيها والادهى قسوة قلوب البشر انتبهي ثم انتبهي من عواقب كلامك عدلي نفسك قبل لا تلومين زوجك على كلامه وتري من الغلط نبرر اخطائنا واحنا عارفين انها غلط |
انت واضح ما رفعتي ضغط العجوز بس
انت رفعتي ضغطي وتبغين تجلطيني اذا مش قادرة تقتنعين بأي رد وتقولين "ماأدري زوجي وشلون يفكر" فخلي مشكلتك عندك وحليها لوحدك حرام تضيعين وقت الكل بالرد على مشكلتك ولا حياة لمن تنادي والمصيبة تركت كل الردود وركزت على رد gawlp بس؟؟؟؟ تبغين العنب أو تقاتلين الناطور؟ كل ردوك استفزازية،وتزيد المشكلة |
الأعضاء و العضوات الكرام ..
تراكم فاهميني غلط ، اللي يقولوا ما عندي قلب واحساس و اتشمت ووو انا قلت اني غلطاااانه خلاص ما اقدر ارجع اللي راح و حتى انا تاثرت و الله .. و الي تقول تتشمتين بالله عليك اتشمت بوحده ما عرفها ؟!!!! و كبيرة بالعمر و مريضة ؟!! و اللي تقول مغترة بالصحة ..انا كنت مريضة مثلها و بنفس الغرفة بعد .. و كنت اتكلم عادي من باب اسلى نفسي ولا افكر بوضعي ... و اللي تقول المرض للكبير و الصغير داااارين ياختي لكن انا قصدت انه خلاص هذى الدنيا ، كلنا بنكبر ونمرض و نموت .. و اللي تقول ما فكرتي انك مكانها ، الا و الله فكرت و قلت اللهم لا تردنا الى ارذل العمر .. اصلا اغلب اللي بالمشفى كبار بالسن .. و مو اول مرة اشوفهم ... و اللي تقول ليش تحللي وضعها لو كانت بغيبوبة .. الناس اللي بغيبوبة كثييير و برضو مو اول مرة انحط بغرفة معهم .. و معقولة تكون عندك مريض و لا تسالي ايش فيه .؟؟؟!! الحمدلله عندي مشاعر بس مو معناته نازم انفسنا ، العالم حولينا كل يوم موت وقتل و حوادث وووو المفروض نكون عارفين ان هذا الوضع الطبيعي ... الى متى يعني نبغى نعيش .. مائة سنة .. ميتين .. مليون و بعددددين ...؟!! دام الإنسان عاش حياته كبر و تزوج وخلف وكبروا عياله و تزوجوا وخلفوا .. مو خلاص يدعوا ان الله يحسن خاتمته و يلحقه بالصالحين ولنا في نبي الله يوسف قدوة الى متى بنعييش ...! خالة قرين .. ماكان عندي قرآن ^ـــــــ^ و اصلا كان عندي عذر ^ـــــ* و حتى لو قرات ما اقرا بتركيز وانا تعبانة .. و دعيت و الله بس مو معقول طوووول الليل ادعي .. و كيف انا قاسية على نفسي ؟!! ايش اسوي طيب ؟! مو افضل اني اسلي نفسي عشان الوقت يمر بسرعة .. اتمنى فهمتوا قصدي .. |
اقتباس:
و غلب عليك سوء الظن .. انا كنت جالسه اكتب الرد و شوفيه قبل ردي هذا .. الله يهديك .. |
اقتباس:
و انا ما تكلمت من باب الشماته والأذية لا ... انا كنت متعجبة بس انها لحالها جالسة و قلت وين عيالها .. المفروض بوضعها يكون عندها مرافق ...! عشان كذا قلت اكيد انهم ما هم مهتمين فيها .. و امي كانت تسالني و تقول لا يكون عندك مرضى مزعجتهم اقولها لا ما عندي الا عجوز مو دارية عن شي ..بس هذا المقصد .. و على فكرة ترى انا ارحم من اهلها ، بنات اخوها يتهاوشون عندها كل وحده تقول للثانية انتي اجلسي عندها .. و زيجانهم بعد كل واحد يبغى زوجته تروح معه البيت و زوجة اخوه تجلس .. يعني انا ارحم من بعض الناس .. |
سبحان الله
لو كنتي كبيرة بالسن ومريضة هل ترضين بأن يقال عنك مثل هذا الكلام من اقرب المقربين؟ لوكنتي مصابة بشلل , لا تتحرك فيك الا عيناك في المستشفى , وحيدة , متألمة هل سيسرك ان تسمعين ماقلتيه من عبارات ؟ اعتقد بأن لديك مشكلية قيمية بالدرجة الأولى مبادئك غير مهذبه , تتعاملين باليه غريبة , المصيبة بأنك لاتشعرين بخطئك تعلمي أن تهذبي ردات فعلك , اظهري بعض التودد والمشاعر الرقيقة حتى ولو لم يكن لها اصل في ذاتك الناس لا تتقبل من يتصرفون مثلك والرسول صلى الله عليه وسلم يقول ليس منا من لايرحم صغيرنا ويوقر كبيرنا زوجك ردة فعله بسيطة , لو كنت مكانه لسقطتي من عيني , ولشعرت بإنعدام الامان معك ولخشيت ان تتنكري لي اذا ادار الزمان ظهره , ولفني المرض بحجة اني كبير في السن او المريض او...او.. من ججك الغريبة |
شوجي
انا فاهمتك انتي انسانة دغري مثل ما يقولون واكبر دليل كلامك ع خالك يعني هو اخو امك ومستحيل قصدك فيه سيئ لكن مثل ما وضحت لك انتي هادي طبيعتك وهذا ما يدل انك بدون إحساس لا بالعكس لو ما تحسين ما انبك ضميرك ومقهورة على اللي صار عادي يا بنت الحلال احيانا تصير والناس تفهمك غلط اهم شي انك الحين تتصالحين مع زوجك تحاولين ترضينه واذا امكن تزورين المريضه ذيك وتاخذين معك اي شي لها هدية تعبير لاعتذار واحساس بقسوة كلامك في حقها اكيد هي الحين محتاجة لأي احد يطل عليها وبتفرح بك انا متأكدة واذا بخاطرها جرح بيروح انتي رقدتي بالمستشفى وتعرفين قيمة لما يزورك احد . وحاولي يا شيخة تختارين الكلمات المناسبة لان الناس مالها الا الظاهر ما يدرون عن قلبك واللي فيه مثل الحين زعلك على العجوز محد مستوعب بيقولون ما عندها قلب من الأساس ولا ما كان طلع منها الكلام والله يهدي سرك يارب |
جميل أن تعترفي بالخطأ .. لكن.. تخيلي نفسك مكان تلك المرأة المسنة وقد انفطر قلبكِ بكلام جارح مثل هذا .. بوقت مووحش وقلة حييلة ولا أحد بجواركِ ما الذي سيرضيكِ إن أخطأوا بحقك !! اعتذري وأقري بأسفك وعاهدي نفسك وربكِ ألا تتفوهي أمام أحد بهذه الكلمات الجارحة .. دعي زوجكِ يأخذك لزيارة قريبك وتلك المرأة المسنة .. |
اقتباس:
:25::25::25::25: شووووووجي نو كومنت بصراحة الا عالطاري كم عمرك ؟ ماتشوفين انك خلاص انتي كمان كبرتي وراهقتي وتزوجتي مدري عندك اطفال ؟ اذا عندك يختي خلاص يكفي ادعي الان بحسن الخاتمة وش تبغي اكثر من هالحياة قبل لاتصيري عجوز ويرمونك عيالك وتتعبي وتمرضي :25: الله يصلللللللللللللللحك بس روح الطير ... وربي الي قلتية بردك :d هو الي صار |
انت زعلانه ان زوجك كلمك بهذه الطريقه السيئه وانت طريقتك سيئه في الكلام عن من تعرفي ومن لا تعرفي وكان الاولي لك ان تشفقي علي هذه السيده المريضه وتسالي لها العافيه والرحمه وتتعظي من الدنيا ان الصحه قد لاتدوم فكيف تتكلمين عن مريض بهذه الصوره الغير انسانيه بالمره حتي ولو كنت تظنين انها لا تسمعك فهل الرحمه ايضا اصبحت رياء
استغفري الله واعلمي ان كل شئ سلف ودين فقد يبتليكي الله بما سخرتي منه واعذريني ان زوجك معه حق لان اقوالك تؤذي كل من له قلب حي |
الله يشفيك..
|
معليش اختي اتمني تراجعي كل كلمه قالها لك زوجك ،، لانه محق فيما قاله
وصراحه ماعقب موضوعك شي ، اللي تنكرين فيه غيرة المراه علي زوجها وتستغربين تصرفاتها بعد زواجه عليها من يوم قريت موضوعك وانا قايلة ان الاحساس عندك ميح.. وعلي فكره كلامك عن العجوز ووصفها فقط بصفة عجوز يولمها ويجرحها ، كمن يصف المعاق بانه معاق او الاعرج باعرج جميعها تكون جارحه لاصحابها ، وهذا لايعني ان نعطي لانفسنا الحق بوصفهم بما فيهم ان كان الامر يجرحهم |
اختي العزيزه
الكلمة الطيبه صدقه... الادارة. |
| الساعة الآن 08:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©