|
عريس جديد ولم اتهنى بحياتي ..((مشكلة محلولة في الرد 125))
السلام عليكم ورحمة الله وبركاته اولا لاحياء في الدين انا الحمد لله الله من عليه بالزواج وتزوجت من بنت عمري وعمرها 17 سنه وانا عمري 24 لي 7 شهور من الزواج ومن يومها انا اعيش اتعس ايام حياتي زوجتي تمنتع عني في الفراش حتى لو كانت ابسط شئ بالعله اخذها منها تخيلو الا الان مادخلت عليها وانا صابر عليها اكثر شي بحياتي اموري تلخبطت وكل شي عندي تلخبط وطبعا من بدايتها بحجة انها تعبانه وبعدها تتحجج بالدوره الشهريه 5 شهور من بعد الزواج عندها الدورة وباقي الايام تقول مريضه وجعانه اي شي وانا صابر مع العلم ان اهلها يدرون عنها ويردون عليه اصبر انا بسراحه احيانا اسوي العاده السريه ويش اسوي مالاقي شي ودايم يجي في بالي الزواج بامراه اخرى ولا يروح البال للحرام اقسم بالله العظيم انا اعاني كثير افيدوني جزاكم الله خير وافيدكم اني ويشهد الله عليه ماعمري بخلت عليها بشي لابهدايا ولاشي وكل طلباتها انفذ لها ولا اقول لا ومن ناحيتي ماعمي قصرت معاها بشي ويشهد الله عليه |
غريبة !! طيب في غير الفراش كيف وضعها معاك
|
السلام عليكم ورحمة الله تعالى وبركاته
أخي في الله هذا حقك وماقلته فعلاً مؤرق ويدعوا للمعاناة ، لكن في الجهة المقابلة الموضوع جداً غريب 7 شهور تمنعك من الدخول عليها !! اي مايقارب 210 يوم .. شيء محير فعلاً !! أجلس معها وتحاور وهدئ من بالها وقل لها لماذا تمتنعين عني ؟ إن لم تقل لك أسباب واضحة قل لها الموضوع يتمحور في إتجاهين إما 1- أن تكون ناشزاً بحيث أن نفسها تعجز عن معاشرتك ، وهو مايجبرها على هذا الإمتناع أو 2- أن الموضوع أكبر من ذلك بحيث يتدخل في العفة والطهارة وكلى الأمرين إن صح إحداهما تطلقها ويرجعون لك مهرك هذا والله أعلم . كل التقدير. |
اقتباس:
:* أخي معنى كلامك أنك لم تدخل بها إلى الآن وهي مازالت بكر...؟!! عفواً هذا الغلط منك أنت وأنتَ المسؤول عنه 7 أشهر تتحايل عليها عشان تعطيك حقك الشرعي..؟!! أتمنى ما أكون فاهمتك غلط :* لي عودة بعد التوضيح |
اكيد خايفة اصبر و تودد لها اكيد هي متخوفه
طمنها وراح تتطمن لك كون انت الأمان لها حتى تقرب منك اكثر الأمور تؤخذ برويه |
اخي الغلط انت السبب فيه
هي تتهرب وكل يوم تتأخر فيه يزداد خوفها ويصبح عندها رهاااااب امسكها وتكلم معها وادخلو غرفة النوم 7 شهور كفايه دلع تتحجج بالدوره اطلب منها ان ترى الدليل آسفه انما الوضع يلزمه حزم منك او هي ونايمه انتظر ساعتان واقترب منها ايقظها على غمرك لها وخلاص ما في مفر هي مره واحده ومن ثم يجري كل شي طبيعي ومن ثم وقت تنتهي اغمرها وضمها ولا تتركها تعبه من الموقف |
عندما تسالها عن حقك وتتقرب منها بماذا ترد عليك وما مبررها !!
|
اول شي ارد عليكم بالترتيب في غير الفراش ع مزاجها مره كذا ومره كذا ماتعرف لها شي مو عارفه كيف تتصرف ولاني عارف
ايش العمل معاها والاخ الثاني والله فكرت بالطلاق بس المشكله انه اخو ابوي الوحيد وابوي يقولي مابي اخسره بسببكـ ولا المهر ياخذونه واعطيهم زياده بس ماعاد ابي حياة مشاكل والله يعوضني باحسن منها والاخ الثالث اللي يقول فاهمني غلط اكيد لانو حاولت بشتى الطرق في البداية تقول انها صاحبتها التهابات ويوم سالت طلع كل البنات تجيهم بس المفروض تتعالج قبل الزواج وبعدين جا رمضان وقامت تتحجج برمضان والدورة والى الان يمين بالله تعبت وانا اوديها لاهلها وجلست اكثر من فنرة تراجع نفسها وترجع تقول ابشر باللي تبغاه وبعدين تمانع حاولت اغصبها بغت تموت ياعالم من البكي وكسرت اشياء في البيت في الفتره اللي تنقطع عندها الدورة 3 ايام واحيانا 4 ايام وسولت لي مشاكل والمشكله عمي هو موافق ع الزواج وبعدين يقولي انا قلت لك لاتتزوج الحين اجل الزواج لانها صغيره وهو ماقال شي لا وازيدكم من الشعر بيت ورب الايمان ان اغراض المطبخ اجيبها وتخرب زي اللي في الثلاجه من ناحية الخضروات وبعض المشروبات تنتهي تاريخها وهي جديده لم تفتح والبيت ماتنظفه ولاتسوي اي شي تخيلو احيانا اطلع من الدوام اشوف اخذت العلاج ولا لا؟ قبل اسبوع كنت عند عمي وعلمته بكل شي تدرون ايش سوا وربي حاط ع الاخبار وسافهني وابوي يقول تفاهم مع عمك بس لاتسبب لي مشاكل وانا الان ع قد ما حبيت هالانسانه كرهتها |
احتمال بسبب البكارة او بسبب المس ..مجرد احتمال ..لكن انتظر ان ترد على اسئلتي
|
بالنسبه للبكاره اانا واثق منها ومن تربيتها وهي بنت عمي لزم وانا دايم متواجد عندهم في البيت لاني احب الديره اللي هي ساكنها فيها
وبالنسبه لسوسو تمانع ماتبغى تقول انا تعبانه وانت تعرف ان عندي امراض وزي كذا ياعالم هل يعقل ان علاجاتها كلفت اكثر من 6000 الاف واخر شي مالاقي نتيجه مع العلم اني رحت لاعلى المستشفيات في الغربيه وافضلها من حيث الخبرات وهي تقول لسى العلاج باقي ايش اسوي اغصبها او اظربها ولا ايش الحل مع العلم ان ماعمري مديت يدي عليها |
ياعالم وربي توددت لها وحاولت اعيشها باحلى الاجواء الرومانسيه شموع وورد طبيعي والله عجزت
|
وديها لشيخ واتاكد قبل ماتتصرف معاها اي تصرف ابتعد عن الضرب نهائيا ولا تفكر فيه ابدا
|
:* الحيض فقط 7 أيام بالشهر لاغير أنت مفهمتك الأمر بالعكس ومخليتك تعتقد أن الحيض طول الشهر و5 أيام طهارة :* أمسكها وتفاهم معها وخلك حازم وقلها بالحرف الواحد تبغين تكوني زوجه وإلا تبين بيت أهلك..؟!! أنا ماني متزوج عليك بس عشان نعيش مع بعض صحبة ورفقة أنا متزوج أعف نفسي عن الحرام :* خلك جاد معها وإذا شفت مافيها رجاء تزوج يا أخي وأعفف نفسك وهي أهلها يتولونها مدام عاجبهم وضعها ودلعها :* ونصيحة غير معاملتك لها من ناحية الدلال وتلبية الطلبات والهدايا أقطع كل هالأمور لحد ما ترضخ لك وتعرف أنك جاد جداً ومليت من رفضها :* |
اقهرتني الدنيا والله كلامك قريب من افكاري لي 3 ايام افكر بالموضوع واطلع من البيت افك عمري شوي وابوي بيرضى بالامر الواقع والله يعين
بس المره ذي ابروح للجمعيه الخيريه واتزوج وحده يتيمه بس تعرف الدين اقسم بالله لاحطها بعيوني بس ترضيني بس كيف الاقي |
ماتبغى تروح للشيخ قبل شهر قالت انا ابي اروح للشيخ ولازم اجلس عند اهلي وجلست شهر ولا راحت تقول انا صرت كويسه وكل شي تمام والحين تقول عندي الدورة تخيلو لها 15 يوم ومادري متى بتنتهي
انا عشان ما اظلمها ابشوف لمن تنتهي دورتها واذا مانعت مالي الا اني افكها والحمد لله ع كل حال |
اكيد اكيد متخوفه فاهمة الدخله حرب ووجع
او في معلومات خاطئه في راسها طيب اذا سألتها انت خايفة من العلاقة ايش ترد |
تقول مو خايفه وتحلف بالله كمان وتقولي احلفلك بالمصحف اقولها لا خلاص واصدق كلامها واتفاجى في الواقع بغير
|
[COLOR="rgb(65, 105, 225)"] رفضها زاد من شكي واضطراب الدورة ايضا له علاقة بالموضوع لانها اذا كانت طبيعية كانت وافقت وراحت معاك مافي عروسة تتمنى تعيش في مشاكل او تخلي زوجها يفكر في غيرها صدقني وديها للشيخ حتى لو معاها الدورة[/COLOR]
|
الله يهدي سركم ويهديها يارب
ويسخرها لك اليوم وكل يوم يارب |
والله الاراء حقتكم مختلفه وشوي انجذب مع هذا وشوي مع الثاني ايش رايكم انتظر لين اشوف المره ذي ايش يصير ع شان ما اكون ظلمتها واشوف ايش نهايتها معاها ,,, لانها وعدتني وقالت قبل يومين ان دورتها راحت وشوي بعد 5 ساعات قالت رجعت لي من جديد وانا بدا مخي مشوش شوي ,,,
انتظر ردودكم |
اللهم امين والله محتاج الدعوات لين الله يفرجها وهالاسبوع نشوف ويش بيصير يا اننا نبدا حياه جديده ي افكها وخلاص
|
بصراحة انا متعاطفه معاها جدا واحس ان الامر خارج ارادتها
|
اللي ماكلـف نفسه الا براي الطـلاق ..!!!
هذا اللي قدرت عليـه .. .. ياليت ترحمونا من ذا الردود .. .. أخوي صاحب الموضوع .. زوجتـك مافيه شي .. كل مافي الحكـايه طلـع رجولتـك وأحزم الأمـر .. .. بالنسبه لعدم تدبيرها للمنزل بشكل جيد.. تفاهم معاها ووضح لها عدم رضاك عن الوضع .. ان لم ينفع التفاهم .. خلك حـازم معها.. في بعض البنات تحتاج للحزم القوي عشان تمشي صـح .. .. |
اي والله
الزواج ميثاق غليض والطلاق ابغض الحلال وانا بجد متعاطفه معاها سعات تكون نفسيه وفي افكار سودا ومعلومات غلط في راسها تخليها تتصرف كذا ومتخيلة ان الألم فوق طاقتها وربي مرينا بظروف مماثله لها وبعدين تحسفنا طلعت معلومات غلط من كثر ما يهولون الناس بس النفسية كانت المانع الوحيد لأن الألم مسيطر عليها من حكاوي الناس و تهويلهم للأمور وفي النهاية طلعت سهله وكنا فاهمين غلط |
:* إذا كلامها صحيح وحيضها مستمر فأنتبه لاتظلمها يمكن فيها شيء غير طبيعي أما سبب مرضي وهذا يحدث عند بعض النساء يجيها نزيف ويستمر وينقطع ويرجع أو بسبب سحر أو مس ودها طبيبة نسائية وأدخل معها وأستمع لكلام الطبيبة وقول لها أن الحيض عندها شبه مستمر وقليل ينقطع وبكذا تقطع الشك باليقين بعد الكشف وأعرضها على شيخ يشوف وش فيها ويقرأ عليها والطلاق لايجي ببالك خله آخر الحلول نهائياً لأن الظلم ظلمات يوم القيامة وكثير بنات بسبب الإحراج والخوف يتمنعون وربما صغر سنها يلعب دور بجهلها أنت أعمل بالأسباب وبعدين أتخذ قراراك لأني شايفتك ما أوجدت الحلول بس صبرت وسكت تحرك معها وشوفو لو ضعكم علاج وحل وتعاونوا إذا فيه شيء صاير بينكم تحلونه وخلك جريء وأكسر حاجز الخوف عندها وعندك :* |
سوسو وعيوني تحكيني وسكون الليل وسيدة الموقف اشكركم على انكم هديتوني شوي
اقهرتني الدنيا والله انا تفكيري زي تفكيرك بس راح اكون معاها هالمره واظح وبشوف شنو بيصير وبكره راح اروح للدكتوره واشوف شنو يصير وبالنسبه للشيخ عندي ماء زمزم مقري عليه وانا دايم اشرب منه بس هي تتهاون الله يعين ويستر ان شاء الله وبكرا راح اكون ان شاء الله هنا وارد لكم شنو بيصير معاي لانو اصلا قالت لي هاليومين بتوقف الدورة مع اني ما اتوقع وشكرا للجميع عن جد انا اشكركم جميعا |
لا تلومها
صغيرونة البنت .. |
اعوذ بالله من بعض الردود ...
البنت بزر مزوجها ابوها وهي مو عافة السالفة .. و الله اني احزززززززن على البنات الي مثلها .. مو كل وحده فاهمة ... وانت بعد قليل خيرة وعلم .. الموضوع بسيييييط كله خوف و بس .. حتى امراضها كلها من الخوف .. ما فيه بنت بتسلم نفسها بسهولة لازم تتدخل لطيف منك و بعض المقدمات و شوية حيلة وينتهي الموضوع وين امها ؟! و لا يكون تقول سر خاص و ما تقوله لأمها مثل البعض .. وبعدين يبغالها سنين عشان تتعود على الحياة و البيت و الزوج ... مو بين ليلة وضحاها تبغى تقلبها بريموت كنترول .. |
أخوي المتفائل بالله ..
أنا لم أقصد الأسـاءه لك ولا لغيرك .. لكن كل مافي الموضوع صعب تشيـرون بالأنفصال قبل وضع أحتمالات تحل المشكلـه .. .. أخوي أبو عبدالله .. ضوروري بكـره تاخذها لأخصائية نساء وولادة وضـروري جـدا حضورك مع زوجتك عند الأخصائيه .. وأشرح لها كل شي .. .. يسـر الله أمركم .. |
اسمع يا أبا عبدالله: *اسأل الله أن يربط أن يفرّج همك.. ولا ألومك على ما تشعر به. *أريد منك أن تذهب الآن وتفعل الآتي: أ- تتوضأ وتصلي ركعتين. ب- تنادي زوجتك.. تجلس بجانبها.. تمسح على شعرها.. تُسمعها كلاماً ليّناً رقيقاً. ج-ثم تقول لها.. يا ابنة العم: لن يحصل إلا ما يُرضيك ويسرّك لكن أجيبي بصدق وأمانة وذمة.. هل بداخلك شيء؟ هل أنا جرحتك بشيء؟ هل هناك سبب لنفورك مني؟ هل ترغبين مثلاً أن نقوم بالفحص الطبي علينا؟ هل ترغبين أن نذهب لأخصائية نفسية معاً؟ هل ترغبين أن نبدأ برقية أنفسنا بالرقية الشرعية؟ د-ثم قل: أريد أن أسمع إجابتك الآن، ولا تخجلي مني أبداً. هـ-اسمع منها بإنصات شديد.. حلل إجاباتها بذكاء وفهم. و-إن رأيتَ الجواب مقنعاً ولديها أدلة إثباته فلا بأس.. ثم أخبرني. ز-إن رأيتَ أنّ إجاباتها غير مقنعة أبداً.. فقل لها بكل هدوء وحزم: يا زوجتي المصون.. أريد أن يأتي يوم الخميس علينا ونحن قد تزوجنا.. ثم انظر في وجهها وقل: أظن رسالتي وصلت، وهذا آخر ما لديّ من كلام.. ثم قم من عندها. ح-أرجوك عد هنا وأخبرني ماذا حصل بعد حوارك معها. ط- لا تقلق.. الأمر بسيط إن شاء الله. ::: هذا ما أراه، والله أعلم. أخوك في الله/ حاتم بن أحمد-الرياض |
[]اهلا بك اخوي وان مع الاخت سوسو ميه بالميه ودها الشيخ غصب عنها مو برضاها مع كامل احترامي لك ولها
لان زوجت خالي نفس وضع زوجتك بالمره بدايه زواجهم ولما وداها للشيخ طلع فييها ( مس ) لاتستعجل ودامك عارف اخلاق البنت وتحبها وهاذا الواضح من صبرك عليها وودها عند شيخ نصييييحه ويارب يشيفيها ويسخرها لك وكل زوج وزوجه امييييييييييييييين تحياتي[/QUOTE] |
هدي اكيد خايفة وديها لدكتور نفسي انا اسمع على امراض نفسية قد تكون خطيرة تمنع الانسان من اخد المسار الصحيح في هده الامور
اصبر و إن شاء الله خير فترة و تعدي لكن اياك ترهبها فربما كبرت المشكلة عندها الله يسر اموركم و يسخرها لك |
اشكركم جميعا على تفاعلكم ان شاء الله بس تصحى راح اتبع خطواتك اخوي حاتم بن احمد
باختار الوقت المناسب وبكلمها والله ييسر الامور يارب ووووو ياجماعة الخير عمر 17 سنة مو صغر بالسن لعلمكم بنت جارتهم تزوجت وبرضاها وعمرها 15 سنه وهي الان حامل واللي ما اخذها صديق لي وعمر العمر كان حاجز للزواج انا بروح للدكتوره وكمان بروح للشيخ وان شاء الله اللي ربك يسخره راح امشي فيه مشكورين جميعا |
أخي الكريم
أولاً : كثير من العلماء على أن الحيض أقل مدة له يوم وليلة وأكثره 15 يوم وقد رجح شيخ الإسلام بن تيمية رحمة الله تعالى أنه لاحد لأقله أو أكثره ثانياً : البنت عمرها 17 سنة يعني لو قلنا أنها بلغت من عمر 11 سنة يعني عمرها بالحياة وهي إمرأة بالغة تفهم معنى الزواج .. 6 سنوات ثالثاً : إستشفيت من كلامك أنها تعيش بالأصل في الديرة .. يعني قرية وهنا ربما نلتمس لها العذر في أنها غير مثقفة في أمور الزواج وأمور الحياة الجنسية رابعاً : يبدو عليها الإحساس بالخوف من موضوع العلاقة وتبعاتها من آلام وغيره خامساً : يبدو أنه فيك عجلة وعدم تروي للأمور ويضيق صدرك بسرعة .. ومبدء الحوار بينكم قصير جداً سادساً : يمكنك الإستمتاع بها خارجياً .. حتى ترتاح أنت .. وحتى تبدء هي في محبة تقبل هذا الأمر سابعاً : ربما أنت كنت على علم قبل أن تتزوج أن الزواج مسؤلية وصبر وتفاهم وإندماج بين الطرفين .. لذلك من الخطأ الإستعجال بقرار الطلاق حتى تتضح لك الرؤية بأن هذا هو القرار الصحيح . ثامناً : أكثر من دعاء الله سبحانه وتعالى أن ييسر أموركم ويصلح أحوالكم ويحببكم لبعض |
السلام عليكم.
اخي الكريم بالبداية اهدأ و تفائل بأنك ستجد حلا باذن الله تعالى قريبا جدا. اترك عنك التفكير بالطلاق، ثانيا. ثالثا و من واقع تجربة الفتاة في سن 17 قد تكون عرضة لاضطراب هرموني، فمدة الحيض الطبيعية هي 5 الى 7 ايام بالاكثر و باقي ايام الشهر نكون على طهارة، فزوجتك المصون ان كانت تشتكي من عدم انقطاع الدورة عنها كامل الشهر فقد تكون تعاني من اضطراب هرموني او من تكيس في المبايض و هذا ما عانيت منه انا بالتحديد و لم اشفى الا عندما تجاوزت العشرين و قد دام علاجي 4 او 5 سنوات و لربما اكثر، فتخيل لو اني تزوجت انا في تلك السن لكان زوجي قد طلقني لعدم امكانه الصبر علي طوال سنوات نضوجي الذي جاء متأخرا مقارنة بباقي البنات, و طبعا لست انا الوحيدة التي تعرضت لهذه الحالة بل الكثير من الفتيات تعرضن لها، اذن فهذا امر شائع جدا. لذلك ارجو منك مرة ثانية أن تهدأ و أن تأخدها الى طبيبة نسائية و تشرح لها الوضع و ان تبدأو في العلاج مباشرة و الله يشفيها و يعافيها يا رب و تتهنى بعروستك عاجلا غير آجل يا رب. |
لاتبي الجد زوجتك صغيره
وعادي انها ماتتقبل هالشيء اللي اكبر منها مو كلهم يتقبلونه فكيف فيها ! يعني ولاتقارنها بالشواذ حاليا نادرًا البنت تتزوج وهي ام 17 سنه ردود فعلها طبيعيه استنادًا لصغر سنها الحل والله ماقدر افتيلك فيه لكن خلك لين معاها ولاتبين لها ان هذا الشيء هو اكبر اهتمامك لانها بتخاف اكثر تعاله بأسلوب الملاطفه واللين لين تلين والله بيلينها |
أخي عبد الله .. اسمع نصيحي .. لا تستعجل في اخذ قرارات مصيرية .. مثل الطلاق وغير ذلك .. يبدو من كلامك انك تحبها كثير ولو تكرهها احيانا بسبب عدم المعاشرة .. ولكنك تحبها في اعماقك .. هذه زوجتك .. وإمراءة تنخدع بسهولة .. إبدء من اليوم بلمس كثير .. والقبلة .. وسمعها كلمات الحب والجنس ... هذه زوجتك ان اردت ان تنقذا حياتكما .. فابدء ولا تيأس .. ولا تستحي .. انا اعرف مدى ضيقك وتعبك النفسي .. بسبب خوفها وعدم فهمها للامر .. ومن كلامك وضحت لي انه مر 7 شهور على نفس الحال .. لكن لا تياس ابدء واكثر من اللمس .. خذ اكثر اوقاتك فالبيت معها .خاصة هذه الفترة . والمسها اكثر من مرة فاليوم .. لابد هناك استجابة حتى ولو كانت بسيطة .. اخي البنت عمرها 17 سنة وابنة عمك .. عاملها باللين ولا تقسي معها ابدا خاصة في هذه الفترة .. وهي لا زالت في سن المراهقة .. ولا ندري ما صنعوا في عقلها عن الليلة الزفاف وفض غشاء البكارة .. (( حسب تحليلي المشكلة تكمن هنااااا !!! )) خايفة وسامعه عن تجارب الاخريات .. من خلال فهمي وتحليلي لكلامك .. لاحظ زوجتك تعاني من الخوف .. الخوف هو الي مسيطر عليها .. وما يخليها تلبي رغبتك .. لان العقل والخلايا الحسية ما راح تستجيب في حالة الخوف .. ونفس شي العضلات راح تلاحظهن مشدودة .. وضروري تأخذها للعيادة النسائية حتى تتطمن عليها .. يمكن عندها نزيف والله اعلم .. ونفس الشي اقرا عليها المعوذات والرقية الشرعية .. وعسى ربي يوفقكم .. ويجمع بينكم بالخير .. |
أولآ من ينصح بالطلآق .. فأرجوه أن يقل خيراً أو ليصمت ومن يتعرض لشرفها فل يقل خيراً أو ليصمت ومن يخرج عن صلب الموضوع كعمر البنت وأنها صغيره فل يقل خيراً أو ليصمت.. أخي: كآن الله في عونك وأنآ أنصحك بالحوار اللين والرفق آو كما قالوا إخواتي .. دكتورة نسآء.. وفقك الله.. أخبرنا بجديدك |
الله يصلح حالكم جميعا
بس فهمت ان العذر عند زوجتك 15 يوم ثم يرجع عليها بعد 3او4 ايام؟؟ مهب طبيعي هالشي أبدااااا هذا إسمه (نزيف) ... وكيف زوجتك تصلي؟؟......سألتوا شيخ عن هالحال؟؟ الله أعلم أنها معيونه والا شي من هالقبيل... وما ألومك لحد الان ماسويت شي .... أصلا ما فيه وقت الله يشفيها ويعافيها من عذر إلى عذر ولا تلومها في إهمالها للبيت ... أكيد جسمها منهك وتعبان من اللي فيها .... أحرص على تغذيتها واحتسب الأجر في كل شي تسويه الله يكشف الضر عنها وكل مسلم |
اقتباس:
عليها ان تتغذى جيدا و تصاحب ذلك بالفيتامينات و المغذيات التي سيصفها لها الطبيب، يالله ذكرتني بنفسي سنوات و انا اعاني، و الحمد لله على كل حال. |
| الساعة الآن 05:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©