|
ملكت يوم الاربعاء:) واحتاج مساعدتكم وححل مع بنت العم
السلام عليكم
مساؤكم سعاده واُنس انا ملكت الاربعاء الماضي والحمد الله الموهم اخذت رقم البنت من اخوها وهي تدري اني بطلبه وكلمتها امس وقبله وبصراحه طولت امس معها وقلتلها كل مافي قلبي الحين انا خلصت سواليفي معها وهي قليل تتكلم مو كثير ونقعد ساكتين على الخط :( خلصت مواضيعي معها وش الحل مع المكالمات انا بصراحه اتمنى تكون يوم ايه ويوم لا مو كل يوووووووم وش رايكم بوضع جدول وكيف اخبر البنت بهذاا الشي اخاف تزعل وتقول اني مو مهتم فيها :25: وانا والله بس عشان ابعد الملل واشوف يومياً مو حلو ايش رايكم وايش الحل الحلو ؟؟ علماً انا الزواج باقي عليه 5 شهور ؟؟؟ الشيئ الثاني انا قلت كل كلمات المدح والغزل لخطيبتي يعني ماعندي شيئ جديد اقوله لها وانا بصراحه ابي كل مره اعطيها كلمات حلوة وماهي مكررة ابغى كتاب تنصحون فيه لهذا الشيئ لاني حصلت كتب كثيره بس مشكلتها ان الكتب لصالح المرأه غالباً بمعنى ان الكتاب يحث المرأة ان تهتم بزوجها وكيف تسعده وانا ابي العكس ابي كتب اللي تخلي الزوج يهتم في زوجته وكيف يسعدها ويعطيها كلمات حب وموده واخاء وكذا ..... يعني عطوني اسماء الكتب ؟؟ آخر سؤال:23:كيف اخلي زوجتي تتعلق فيني لدرجة الجنون ؟؟ |
و عليكم السلام و رحمة الله و بركاته.
مبارك عليك اخي الكريم و جمع الله بينكما بالخير. بهذه السرعة خلصت سواليفك معاها؟ بصراحة ليس لدي الكثير لأفيدك به لاني من مجتمع غير مجتمعك، و لم يسبق لي ان خطبت او تزوجت. و لكني لم ارد الدخول دون ان ادعو لك. الله يوفقكم و يخليكم لبعض و يقوي الحب بينكم. |
هههههه ي استكوزة ي اسبكتي ماشاء الله عليك رومنسي جدا
انا اععلمك .. روح على مكتبة العبيكان وتلاقي قسسم للزوجين و فيه عن الزوج كيف يسعد مرته والكلمات الحلوة قول ي قلبي ي حبيبتي ي عمري في كل مررره انت تكلمها و حاول تقول لها حبي انتي ........... يعني يوم تجي تكلم قول مقلا لا حبي زي ككذا اما على المكالمات فععادي يوميا وش فيها ؟ بالعكس بتحسك مهتم فيها ومتعلق بها و ححاول تطلع لك سلفة جديدة عن ديكور بيتكم عن عاداتكم بعدين و عن وش بتسوون بالزواج و على انها ككيف تتعلق فيك هذي عندي .. 1- لا تخليها تنلطع في البيت دايييم ححاول انك تطلعها بقدر المستطاع 2- لا تكثر عليها الشغل وسو الشئ الي يسعدها 3- اللي تبيه اعطها بقدر المستطاع 4- سو لها سوبرايزات دداييييييم يعني حركات رومانسيةة 5- اكثر من العاطفةة فهي احب شئ للمرأة تحب ان يتعاطف معها زوجها من ناحية لمس الجسد 6- حاول من اكثار العاطفة ععند النوم ستحب هذا 7- احلى شئ لدى المرأه التلفزيون اذا شفتها جلست عند التلفزيون اجلس ولصق جنبها و حاول تتودد اليها من رقبتها بَسس أتمنى افدتكك اخووي |
رجعت لموضوعك من جديد.
و لكن ليس بخصوص السواليف و انما بخصوص سؤالك كيف تجعلها تتعلق بك.. اتذكر انه كان هناك رد للاخت مستقبل غامض اكثر من راااااائع، و لكن للاسف لم اتذكر في اي موضوع اوردته و فكرت مع نفسي اي الرجال يا ترى سيجعلني اتعلق به بجنون، فردت علي نفسي بقولها انه الرجل الذي يثبت نفسه بالافعال و ليس بالاقوال. يعني ان وعد وفى و ان قال كلمة فهي فعلا ما هو عليه و ليس فقط مجرد فقاعات صابون. فان كان ممن يغدق علي بكلمات الحب و الرومنسية صباحا و مساءا و عند وقت الحاجة اليه اجده قد تهرب من مسؤولياته او خان او بخل علي (طبعا في حدود امكانياته) او ظلمني فهنا سيسقط من عيني و من قلبي سقوطا حرااااااا. |
ههههههههههههه ماشاء الله عليك بمكالمه وحده خلصت كل الكلمات ، الله يوفقكم ويسعدكم مع بعض ويتمم لكم على خير
الصراحه ما اقدر اضيف اي معلومه على كلام اختي سر في الاعماق حسيته كفت ووفت |
ههههههههههه ماشاء الله خلصت بهالسرع
صدقني ماخلصت احكيلها عن نفسك عن طموحاتك عن شهر العسل البيت وهي بتجاريك وراح تحكي عن نفسها وبتلااقي نفسك يوميا تتصل وماودك تقفل االمكالمه وبسسسسسسسسس اختييي سر بالاعماق كفت ووفت ربي يسعدكم وعقبالي |
يحليلك
الله يسعدكم خلي كل شي ييصير تلقائيا هي لو ارتاحت لك بتتكلم براحتها |
يمكن البنت مستحية ,, لما تسولف أنت شجعها على الكلام مثلا إسألها اي الالوان تحب وشو هواياتها وكلمها عن ايام المدرسة وعن دراستها الجامعية اذا دارسة أحس السوالف تجي تلقائي قولها شو سويتي خلال اليوم وشو تغديتي وقولها تهتم بصحتها واكلها ,,يعني مو لازم سوالف حب وغرام واحبج وحبيبتي.. وطوال المحادثة بس غزل من الافضل تنوع في الاحاديث ولما تشوفها بدت تسولف خلالها تاخذ راحتها لا تقطع كلامها
الله يتمم لكم |
اقتباس:
اي والله قلت كل شيئ وخلصت هههههههه الله يجزاك خير على دعواتك ولكِ بالمثل . |
يآآخوي وش فيك
آلله يهديك هي زوجتك بس لسئ مآسويتوآ آلزوآج ومحتآجه لك وخلك قريب منهآآ يعني دق عليهآآ وآرسل لهآآ رسآآيل طمنهآآ آنك معهآآ وقريب منهآآ وآنك بتسعدهآآ خلك وآعي معهآآوتصرف معهآآ بحكمه يعني لآتحآآول تزعل خلك صريح وجآملهآآ بحكمه خلك وآآقعي معهآآ آلله يسعدكم آن شآآ آلله وعقبآآلي آن شآآآلله آتزوج يآآرب |
اقتباس:
ايه الكلمات بقولها بس اقصد ماحب اكرره احب اجيب شي جديد والا انتم يالبنات تحبون ولو كان مكرر؟؟ لاني بصراحه ماودي دايم اقوله ياقلبي وعمري احب اشكل مره عمري ومره نظر عيني ومره ياغلاهم وهكذا كل مره شيئ جديد :) بصراحه مداخلتك عن التعلق بي جميييييييييييييييييله جداً بس ياليت تعطيني زياده وتكون بخصوص الملكه لانها بعيده عني ومعد بشوفها الا على الزواج الا اذا زرتها وانتي الاشياء اللي ذكرتيه تخص المتزوجين واللي تكون زوجته معه في البيت واشكرك على ردك الجميل والراقي والرائع ولك خالص دعواتي في ظهر الغيب :) |
ياهذا الزواج الي متعبني لسى باقيلي مشوار وفاليوم ادخل ع المنتدى 4 او5 مرات تصدقون اني قريت كل المواضيع الي بقسم المتزوجين والي بقسم المقبلين على الزوج ونص الي بقسم العلاقات الاسريه ولسى باقيلي مشوار يمقن9سنين ويمقن لا
لسى عمري 18 ادعولي الله يطول عمري واعمار المسلمين قولو آمين:18: |
أخي العزيز، نصيحتي حاول ألا تأتي جميعاً بعواطفك، لاتأتي بسرعة بكل مشاعرك واشجانك الملتهبة، لتنتظر من الطرف المقابل نفس القوة، لأن لكل شخص استجابته وطبيعته واسلوبه، وبالتالي اذا كنت تنتظر منها نفس القدر فإنك قد تنصدم، لا ألومك بعواطفك الجياشة فأكثر الشباب تجده متلهف قد جاء جميعاً بعاطفته في وقت لم يتوقعه الطرف الآخر، ربما ردي لاعلاقة له بشكل مباشر في موضوعك، لكن كأني لمست ذلك الأندفاع الكبير من قبلك، أخي الفاضل الزواج كياني عظيم وكبير وليس كله بحراً خلاباً من الرومانسية اللامتناهية، حاول أن تتحدث في مواضيع شتى، حاول أن تكون عقلانياً كثيراً، حاول أن تعطيها انطباعاً أن الرجل الذي هي تستحقه، تحدث عن المستقبل وخطط حياتكما ومتى ستنجبون وكيف وأين ستسكنون، تحدث عن أشياء كثيرة الحياة مليئة بها، ولكن لا تتحدث عن خيالات أو أحلام أو ماتسمى باللغة العامية ( مهايط ) تحدثت برجولة الزوج والأب، إلى جانب ذلك خذ قسطاً من الرومانسية والحنان والمشاعر المرهفة، لكن لاتسيطر تلك على مكالماتكم وتبعدكم عن الأمر الأهم وهو الحياة الزوجية بكاملة من مسؤوليات وواجبات وحقوق، وفقني الله وإيكما واسعدكما وجمع بينكما بخير وألف بين قلوبكما.
|
اقتباس:
+1 ونصيحة مجرب حاول أنك ما تخلي المكالمات بشكل يومي لأنك تبي تمل وهي بتطفش منك يعني كل 3 - 4 أيام حلو موفق http://www.66n.com/forums/images/icons/icon52.gif |
الله يوفقك ويسعدك ويبارك لك
الاتصالات بشكل يومي أحسها تكسر الخجل تدريجيا... واذا راح الخجل من البنت ......الله يعينك على البربرة :) موفق يا عريسنا |
شي طبيعي انو بيكون كلامها قليل
ومستحيل انك ما تكرر كلام بس انت وشطارتك وكيف تجيبه اقول تعال فصل 2/3 ادرسك مسجات حلوه وحركتات تأدي الغرض اشوف ان يوميا احسن عشان تكسر الخجل قولها وش سويت طول اليوم وتكلم وسولف اي شي والكتب ما عندي خلفيه عنها كيف تخليها تحبك خلك حنون معها وكريم حسسها انها اهم شي بحياتك لا تبخل عليها لا بفلوس ولا بمشاعر والله الله بالافعال يعني مو بس كلام والافعال غير غير كذا خلك صادق بكلامك باي شي لا تبكش عليها ابد ايييييوه شفني قلت لك وبس هذا اللي عندي بالتوفيق خيؤؤ |
انصحك نصيحة من تجربة بآئت بالفشل
المكالمآت 3 مرات في الاسبوع حلو ,, او يوم بعد يوم وحلو ما تطول المكالمة عن ساعه ,, والزيآرآت مرتين بالشهر او مره بالشهر ,, وحاول مكالمىتكم تكون فيهآ مناقشات عن اموركم المستقبلية ,, حلو التغزل بين فتره وفتره حتى ما يصير ملل بينكم وحاول تثقل ترا البنت تحب الرجال الثقيل والامور الخاصصه حاول ما تتكلم فيهآ الا قبل الزوآج بفتره بسيطة ,, او على حسب استجابة البنت لك اذا شفتها استحت او تضايقت حاول تتجنت الكلام في ه الامور ,, والله يوفقك ويتمم لكم على خير ,, |
اقتباس:
اشكرك على اهتمامك .:d |
خذ هــذآ الدرس الصغير :
إذا قــآلت يآفــلآن ( اسمك): قلهــآ : يآ عيووون فــلآآن أو قلهــآ : آمري يآ أحلآ من نطق باسمي في هالكون كلي فدآك أو يووووهـ يآزين اسمي على لســآنك وإذآ بتسأل عن أخبــآرهآ: قوول: وش أخبآر روح فلآن (اسمك) ؟ أو كيف حــآلهآ الحــلوة ؟ الدعــوآت كمآن لهــآ أثرهــآ في النفس: مثلآ: الله يسسعد قلبك يآغلآتي الله يحميك ويحرسك من عيون النــآس انتبهــي لصحتك ولأكلك زيين حبيبتي حــوآرآت رومنسية: مثلآ اسألهــآ: حبيبتي؟ بتقول نعم.. قلهــآ : تدرين وش أحــلى يوم مر علي في حيــآتي؟ بتقول : وش؟؟ قلهــآ : يوم شفتك..احبك احبك احبك الدرس هــذا إذا خلصته في مكــآلمه وحدة فأنت رآآسب :d في كل مكالمه قول حبه عشآن يكووون لهآ أثر موفق |
ههههههههههههههههههه
اسفه بس ضحكت غصب عني وش الي سوالفي خلصت ؟؟ شكلك توك صغير اول شي غلط كبيييييييييييير انك تبدأ معها بسوالف الغزل ... غير منطقي ابدااا بسم الله توك شايفها نصحيتي لك لاتخطط لشي ابدااا واتصل فيها بين فتره وفتره مو كل يوم ولاتحط لك جدول بعد وكلمها عادي كانها واحد من اصدقائك سواليف عاديه منها انك تقلل الخجل عندها وتجرأها انها تسولف معك بطبيعتها عادي سوالف اصدقاء كذا انت بتتعرف عليها اكثر وهي بعد وبتنفتح مواضيع جديده كل فتره بعد كذا تغزل وقول الي تبي بعد ماتعرفها وتعرفك وبعد مايقل خجلها وبعد عشان تصدقك وتعرف انك فعلا حبيتها مو بس كلام تكرره والله يهنيكم |
اقتباس:
|
اقتباس:
يعني آحاول اني مااسكت لازم اجيب موضوع واهم شي عندي البنت تتكلم المشكله انها تحب تسمع آكثر من تتكلم ماقصرتم آخواتي الله يسعدكن ويوفقكن.:) |
اول شي الله يوفقك ,,
لا تمل لا شي اخوي البنت تحب الأهتمام صح انك طفشت بس قدامك بنت تطفش ليش ... حرام عليك يا خوي البنات مثل الورد .. المهم اتصفح بالنت راح تلاقي كل شي يعجبك .. وحاول انك تنظم فترة المكالمه يعني تحددوا من الساعه 11 الى 2 يكون افضل .. وحاول انك تقسم وقت مكالمتك يعني تهتم بالأشياء اللي بعد الزواج من ترتيبات المنزل واغراض البيت والسفر وطرق التعامل والأشياء اللي تحبها واللي تكرها ,, وكمان انت لازم تسألها ايش تحب وايش تكره ,,و لتعرف قلب خطيبتك زين ,,,, تحياتي لك والف مبروك لك |
اقتباس:
وهي مرتاحه والحمد الله. |
ههههههههههههههه
ماشاء الله لا اله الا الله انت واهم لا خلصت ولا شي المكالمه الجايه لو تسمع صوتها بس بيجيك الحكي زي السيل بس حبيت اقول لك الكلمات الي دارجه هاليومين <<<<<<<ليت زوجي يقرا الموضوع بيرحمني حبي .. دور لها دلع جديد ورايق مو شوشو وسوسو ونونو ومدري ايش لما تقول اسمك على طووووووول ....الرد يجيها عيووووووونه ...قلبه ...كبده ...مصارينه ههههههههه عاد كل يوم قل كلمه لاتخلصها كلها لما تتكلم عن نفسها ...انت تقول ...لبا عمرك ..لبا قلبك ..لبا انتي <<<<<<هذي جنااااااان خلها بالاوقات الحاسمه :) اول مره احس اني عندي مخزون والله اني منيب هينه اصبر اعصر مخي ؟؟ وانتبه تحول جوالك على بيت اهلك هالفتره وتسوي زي بعلي العزيز دق علي بيقول ان بطاريته بتخلص قام وحول الجوال على الهاتف الثابت وانا جيت ودقيت لين الامه كلهم يستلموني واحد واحد يسلمون على العروس القادمه وكان بنفس يوم العرس يقول لما دخلت البيت انواع التعليقات الام تقول وش هالدلع والابو يقول وش هالصووووووووووووووووت وهو ضااااااع الضعيف :) القصه دخله عرض صح يلله قلها لزوجتك ؟؟؟مسموح وش بعد ؟؟ ايييييييييييييييه بقول لك شي مهم انتبه توعدها باي شي انت مووووو قده لا بالملكه ولا بعد الملكه انا ضايقني هالشي فيه انا ماطلب منه شي بس هو يجي يقول بسوي وبحط وووو ولا لما اساله عن شي يعطيني جواااااااااااب خيالي يخليني ابني خيالات واحلام انتبه تسوي كذا ؟؟؟ لا توعدها بشي فوق طاقتك خلك واقعي واذا تذكرت شي باذن الله بقوله هنا موفق اخوي والله يهنيكم |
العفوية وعدم المبالغه .. في كل شئ خلك طبيعي جدا جدا جدا علشان ماتنصدم بعد الزواج .. وصدقني اذا تحبهااا موت ماتحتااج تشتري كتاب .. الكلام والغزل يطلع غصب عنك ... .. المكالمات مو شرط تتصل يومياااا مثل ماقلت يوم لا ويوم آيه .. وفهمها هااي زوجتك عايدي لو قلتهااا ابي اتصل يوم لا ويوم ايه بس بطريقة حلوه وانت اذا اشتقتلهااا ارسل مسج اواتصل بس لاتطول ... أماا السوآلف تراهاا مع الأياام راح تجي يعني مثلا خليهااا تحكيلك عن يومهااا وانت احكي عن يومك آخذ شورهاا عن تأثيث البيت.. شهرالعسل .. انت قولهااا عن ذوقك ورأيك في الملآبس اللي تحب تشوفهاا عليهاا قولهاا ايش تحب وايش تكره وعلمهااا اسلوبك وفاهمهااا انت كيف نظامك واحكي عن شغلك ودوامك ,,اهلك ,, عاداتكم ,, طريقتكم ..أسإلهاا عن ايش تحب وايش تكره .. ووووووووو اي شئ صدقني كل شئ عفووي بيكون أحلى وتفهم شخصيتك بسرعة .. ولاتستغرب مع الأياام يصيبكم المملل بس عاد هي وشطارتهااا وفي كثير أفكار للمملكات كيف تكسب زوجهاا ومايمل منهاا ... وتصدق في طريقه يمكن تستفيد منهاا بحيث تتصل عليهااا يوم واحد في الاسبوع ويكون مميز عندكم مثل يوم ملكتكم ((يوم الاربعاء)) يصير تتصل عليهااا وتسولفلك عن الأسبوع كله وأنت بعد .. وباقي الأيام مايمنع من الإتصالآت الخفيفة او المسجآآت .. . خفف زياراتك لهااا يكفي مره كل اسبوعين او ثلاث او على حسب مزاجك ومو شرط لماا تزورهااا تجيب شئ غالي وفخم اشترلهاا ايش شئ تحبه آيس كريم ,, شوكولا ,, شبيس ,, ورد ,, عشااء بسيط ...
كيف تتعلق فيك بجنون في نظري انا احب يكون واثق من نفسه وشخصيته حازمه وقويه وله هيبه مو اي كلمه تمشيه .. رزين وهآدي .. ومو طايح عليه طيحه كأنه ماشااف أنثى ...طمووووح .. يحب تخصصه .. يفكر فيني وفي مستقبل عياله ... وحنوووووووووووووووون وقلبه أبيض ومزوووح ودمه خفيف وطيوووب ورومااانسسي ويغرقني بكلام الدلع والمدح والغزل .كريييييييييييييييييييييييم وأخلآقه عال العال محترم وقدير ومايقول كلام الشوراع .. مثقف ويكون موسوعتي في الحياة عنده تفاهم ويحاور بأدب يسمع لوجهات النظر .. يحسسني بالآمــــــــــــــــــــــــــــــآآن ويحتوني ويكون كل شئ في حيااتي .. .وفي الأخير يعااملني معامله خااااصه غير وغير عن كل الناس .. وعموما كل شخص وشخصيته موشرط يمكن تحبك وتموت فيك وماهمها الاشياء الثانيه لآن الحب بيعمي .. ههههههههههههههههه طولت عليك أخووي آسسفه جدا وانا جديده وهذا الرد الثالث.... موفق يارب ويااارب يجمعكم على خير ويجعل حيآآتكم كلهااا سعآآآآده ورضى ورآآحة بآآل وهنآآء وفررررررررررررح ....** |
راح اجوبك على السؤال الاخير اول شي الاحترام احترم كل شيي فيه حسسها بالامان اهتم فيه انتبه انتبه لتجريح لا الالا تجرحه بالكلام ولاتنتقدها وخلي في حياتك الحوار واشبعها عاطفه وصدقني راح تموت فيك جدا
|
اقتباس:
وكل ماذكرتيه تطرقنا له :) الحمد الله الوضع ماشي اشكرك اختي على المداخله الرائعه -الله يجزاك الجنة. |
اقتباس:
كلامك كله عين العقل و ياطالب زواج اسمع كلامها زيييييييييييييييييييين عشان تملك قلب خطيبتك |
بارد لك رد سريع واعذرني وادعيلي لأني أمام مشروع وعقبة ربي ييسرها
فكرة الأهداءات حلوه افتح اليوتيوب وكل يوم يومين اهدى لها انشودة شعر أي شي جميل وترى فيه اناشيد والله روعه للمتزوجين باعطيك مثلا المنشد مصعب المقرن.. عبدالعزيز عبدالغني.. محمدالجبالي.. والشعر عندك سعد علوش.. حامد زيد.. فهد المساعد كلهم روعة '''ربي يسعدك ويوفقك ''ولاتنساني بالدعاء '' واهم شي حسسها بقيمتها استشيرها في أي شي تحس ان لها قيمة عندك في أمور الزواج في أي شي وحاول تهتم بفكرتها وتمدحها خليها توصل السماء |
ونصيحة يمكن يخالفني عليها البعض''' لا تستنفذ كل طاقة الحب في فترة الملكة راح تدخل الحياة الزوجية وانتم مشبعين من العواطف استنفذتوا كل شي قبل أن تكونوا مع بعض وخاصة فترة الملكة طويلة وفترة الملكة تراها حساسه جدا تكثر فيها المشاكل والله موقصدي اخوفك بس مجرد تنبيه ونصيحة كمان ترى حاول تسوي يومين ثلاثة أكثر أو أقل لاتكلمها ولامسج بس فهمها الهدف تجديد المشاعر لأنكم بتجلسوا تنتظروا لحظة العودة بلهفة وبتعدوا الدقائق والثواني لها متعه ولذه جربها ماراح تندم بس هذه مو الحين شويتن وبعدين
|
اقتباس:
واسال الله ان يرزقك الزوج الصاح التقي اللي يسعدك بحياتك. |
اقتباس:
حتى احس فرغت كل عواطفي وكل شي الحين وانا محتاج بعدين ويوم الزواج لاكثر من كذا الله ييسر ردك حفظته بالوورد عندي مميز ومفيد اشكرك من اعماق قلبي الله يوفقك ويسعدك. |
اقتباس:
:* حبيت هالدرس صراحة توحفة:d وكلمة :ياعيون فلان هذي تخليها مو تحبك إلا تعشقك أقولها من تجربة هالكلمة جداً مؤثرة ومستحيل تنساها الزوجة كأول كلمة هزت مشاعرها :* |
اقتباس:
لازم كل يوووووووم ههههههههه والي عندي يقولون كلمها علطول انا احب يوم ايه ويوم لا. |
سما
تسلم الاياااادي اللي كتبت .. درس و لا اروع صدقتي ياسيدة الموقف .. جملة ياعيون فلاان .. فتااااااااااااااااكة للان بعد 9 سنوات :) برضو تهز المشاعر :) الله يسعدك يااطالب ممكن تخلي المكالمات كل يومين و لا 3 و التواصل اليومي يكون بالكتابة (واتساب او مسن) لانه بالكتابة البنت بتطلع اللي بخاطرها اكثر من الصوت وانت ممكن تفكر اكثر بالجملة قبل ما تكتبها مومثل التلفون الله يسعدكم و يحميكم |
اقتباس:
يآ عييوون فلآن ..ارسلها مرة رسالة وخقيت كيف لو نطقها :d اقتباس:
إذا لسى تبغي درووس رومنسسية قولي لآتستحي :d خخخخخ بوسيلي سميتي ينآسسسو عليها الصغننة :$ |
اقتباس:
الحين كل اللي اسمهم سما يطلعوا عسل كدا :d خلاص بقلب اسمي :22::22: بااستك العافية وصلت البوسة و فوقها بووسات كمان ومنها لك بوووسه و شدة شعر :d اتعلمتها اليومين هذه لا يالغاااالية الف شكر لو حابة دروس اعطيك انا .. خبرة 4 سنين خطوبة:25: ربي يسعدك و يهنيك و يفرحك مع زوجك ويجعل حياتكم كلها سعادة و يرزقكم الذرية الصالحة يارب و يحميكم من كل شر |
فدآك كوني وعيوني يآقمر :$
اممموووت على الاطفآآآل بس لمآ يبكوا اشرد منهم هههههههههههههههـ يآنـــآث يآآآناث على بنتك هادي احبببها هي خلآآص صارت بنتي انااا احبها هي واصابعها الصغيرة حاسسست لي شعري ههههههههههههه الله يخليهآ لك يارب و يجي اليوم اللي تشوفيها بالفووسسستآن الأبيض >> ياحيآآآآآتي تخيلت شلكلها :$ وترقصين لهــآ هآذاك الرقص المسسكت ولوو مو انتي ام العروسة >> كمآن تخيلت شكلك هههههههههههههههههـ |
| الساعة الآن 09:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©