|
ليتني ما شفتها
انا اتابع منتداكم من فتره واعجبني ردود الاعضاء فيه
انا شاب لم يسبق لي الزواج وعلى خلق ودين من شهر عقدت قراني على بنت مطلقة قبل الدخول يعني طلاق ملكة عمرها 25 واستمرت فتره ملكتها وخطوبتها السابقه سنه كامله الي عرفته من اهلها انه مافي سبب للطلاق بينهم وانه نصيب وصعوبه التفاهم بينهم وانا كانت مشاعري عادي يعني لانه ماككان بينهم زيارات فقط مسجات المهم انا طلبت اشوفها قبل الملكه ورفضو اهلها وقلت خلاص مب مشكله دام اهلي يمدحونها وبعد الملكه طلبت من اختي انها تتفاهم معها اني اكلمها بس رفضت البنت ماتبي اقهرتني الصرراااحه حرررام علي انا وخطيبها الاولي لا وش هالمنطق؟؟ وانا صراحه ابي اشوفها كنت وحنيت على اهلي اني اشوفها حتى لو صوره وبعد محاولات كر وفر وافقت امها اني اشوفها وياليتني ما شفتها انصدمت انصدمت انصدمت ما توقعت ابدا في حياتي ولا حتى احلامي اني اتزوج وحده بهالجمال والي زاااد صدمتي انه كيف خطيبها الاولي طلقها وهي بهالجمال احس بحيره وألغاز كثيره جمالها مبهر بس في نفس الوقت غامض نظراتها مدري كيف هي غرور في كبرياء في حزن في تحدي حاولت اني اسولف والطف الجو بس ماقدرت ابدا الله يهديها وترتني ماتوقعت انها بهالشكل والي قهرني اكثر اهلي ماقالو انها كذا مووت قالو حلوه بس اخر شي تجراءت وقلت لها ابي نتواصل بالمكالمات عطتني نظره وقالت استاذن من ابوي وطلعت بدون لا احم ولا دستور انا مب مرتاااح ابي اعرف وش سبب طلاقها مع العلم انها من عائله محافظها وجامعيه واجتماعية ع كلام الناس وانا بطريقتي شفت خطيبها السابق وحسيت بالغيره لانه شكله جدا وسيم بس انا افضل منه بالامور الثانية ساعدووني انا تعباان نفسياا العرس بيكون بعد العيد واهي حضرتها ماتبي تتواصل معي نهائيا مع العلم اني كلمت ابوها واخوانها اخذ اذنهم اني اكلمها قالولي البنت ما تبي , انا اخبر البنات يموتون بفترة الملكة والمكالمات والدلع وش معنى هاذي :( |
على فكره ترااني مملوح مب شين
|
اذا اهلك يعرفون البنت كويس ويعرفون شخصيتها واخلاقها وتعاملها
وش تبي بسبب الانفصال خاصة انو الحين كثير ينفصلون بسبب انه ماارتاحو لبعض او ماحبته او ماحبها وماتفاهموا |
مباركه الملكه
وعقبال العرس اخي الفاضل كيف تأكدت انها وأهلها وافقوا على أن يتحدث معها خطيبها الأول ويراها ؟ بالعادة القانون يسري على الخطيب في العائله ولا يستثنى أحد منه وكونها قالت لك استأذن من الوالد هذه خطوة جميله ويعني انها راغبة ايضا بتبادل المكالمات معك الحمد الله ربي وفقك بزوجة جميله وشكلها بنت اصول واجودية ربي يكملها بعقلها ارى ان تطرد وساوس الشيطان وألا تقارن نفسك بخطيبها السابق مهما كانت وسامته، الزواج نصيب والبنت باذن الله من نصيبك موفق يا رب |
الظاهر كانت تجربتها مع الخطيب السابق قاسية شوي وتعقدت من الرجال يا المملوح ..
يمكن ما تبغى مواحد مملوح مثل خطيبها الأولي . شايف نفسه عليها .. الله أعلم عن سبب الطلاق لكن من حقك تعرفه قبل ما تكمل معها . ممكن نقعد نتحزر بسبب طلاقها وسبب تصرفها من هنا للصبح لانه في كثير أسباب . لازم تعرف منها هي . مو من اهلها ... منها . |
اخي الكريم اترك عنك الشك و الحيرة
انت اكيد لما تقدمت لها سألت عنها و عن اهلها و مادامك وصلت ملكت عليها فاكيد ما سمعت عنهم الا كل خير و سبب الطلاق لا يمكن لاحد ان يعرفه سواهما و اعتقد انك لو تترك عنك البحث عن السبب افضل لك و لها و الا فاسألها مباشرة و لا تترك المجال للشيطان كي يوسوس لك و بالنسبة للمكالمات فربما ستوافق بعدما ستتعود عليك ف حاول اثناء زيارتك لها ان تتودد اليها و تشعرها بالراحة فتطمئن اليك و توافق على مكالمتك بالتوفيق اخي الكريم |
حرنا بك ي شيخ
تقول حلوة مووت ع بالي إنصدمت بقبحها طب احمد ربك و خلاص احترم رغبتهاا وبلاش تتواصل معها ما أظن فيه شيء يثير الشك كل شيء مقدر ومكتوب |
وليش الجميلة ما تنفصل ؟
أنت تعبت نفسك بالتفكير والمقارنة وهذا سبب قلق وتعب لك نصيحتي لك انسى إنها كانت مخطوبة لغيرك ولا حتى تسألها وتفتح الموضوع معها لأني اعتبرها من الرجولة إنك ماتسألها ولأنه خلاص شي وانتهى وربي ماكتب له التوفيق واضح إنه من كثر التفكير أيضاً سببت لنفسك خوف وحيرة وصاير تفسر أي شي منها إنه مقصود منه شي ! كيف يعني نظرتها تحدي وحزن ومدري ايش ؟ صدقني لو استمريت كذا ماراح ترتاح مادام اهلك خطوبها لك ومرتاحين لها ولاهلها توكل على الله واطلبه التوفيق وخلي نظرتك وردية لكل شي لمعلوميتك فقط لو كانت البنت فيها شي صدقني كان ماخبروكم بملكتها سابقاً بالعكس هذاهم واثقين وقالوا لكم حتى المدة بإمكانك تاخذ رقمها ولا تكثر كلام مع اخوانها من ناحية ليش ماتبي تكلم ووو قلهم ببساطة ممكن تعطوني رقمها وبس بعدين إنت ارسلها مسج وبعدين كلمها ترى البنات بالكلمة الحلوة والتعامل اللطيف تكسر كل الحواجز اللي هي حاطتها وبعدها راح تشوف بنفسك إذا ارتحت لها وهي. ارتاحت لك بس نصيحة اكررها لا تسألها عن خطبتها سابقاً وبالتوفيق لكم يااارب |
اخي الكريم ..
وكأنك تقول فقط القبيحة هي اللي تتطلق !! قد يكون السبب من طليقها و قد تكون هي ما ارتاحت له قد تكون مشاكل صارت بين العائلتين مثلا قد يكون هو و برغم جمالها ما ارتاح لها (القلوب بيد الرحمن مش شرط الجمال عشان يجي الحب و الارتياح ) يمكن و يمكن و يمكن .. الله اعلم عن السبب بس حاول تتواصل معها اطرق كل باب لازم تعرفها اكثر .. تعرف تفكيرها .. حتى هي المفروض تعرفك اكثر و تتفاهموا و هذا من حقك و حقها .. حاول مع ابوها مرة ثانية و ثالثة حتى لو مكالمة تلفونية مرة كل اسبوع او حتى تواصل بالكتابة بالنت او باي وصيلة الكترونية وان شاء الله يوافق .. مسالة انهم وافقو على التواصل مع الخاطب السابق لاتعني شي.. ممكن انهم شافوا انه التواصل يسبب المشاكل بين الخاطبين وجربوه و شافوا بانفسهم .. و كثير ناس عندهم هذا التفكير فا اتعلموا من هذيك التجربة و شافوا انه مايتم تواصل بينكم تجنبا للمشاكل الله يوفقك و يسعدك و الف مبررروك اخيرا لا تنسى تذكر الله على جمالها اخاف تدقها عييين :) |
بسم الله ما شاء الله لا قوة الا بالله بارك الله لكما وبارك عليكما وجمع بينكما فى خير بارك الله لكما وبارك عليكما وجمع بينكما فى خير بارك الله لكما وبارك عليكما وجمع بينكما فى خير يا اخى العزيز لما الحيرة طالما ناس محافظين والبنت لم تخرج معه ولم يراها واعتقد رفض البنت للمحادثة لانها تعلم انك كرجل شرقى ستسأل عن سبب الطلاق وسيكون بك غيرة ربما تورد بكم المهالك لذا هى قالت ابعد عن الشر احسن وانتظر الى ان نكون فى بيت واحد ان شاء الله يا اخى الحبيب ابعد هذه الوساوس عن رأسك واستخر الله عز وجل وتوكل على الله ولا تنسى شكر نعم الله بالجوارح قبل اللسان وذلك حتى يبارك الله لك فى اهلك ويرزقك الذرية الصالحة |
لا تجلس توسوس في سبب الأنفصال
النصيييب مو من نصيبها يمكن ماصار بينهم تفاهم يعني مو لازم يكون عيب فيه او فيها .. والله يوفقك ويتتم لك على خير .... |
اقتباس:
:* ماشاء الله عليه كفا ووفا :* |
مشكورين على الردود الطيبه
وبالنسبة للمكالمات دقيت عليها فوق العشر مرات وغير الرسايل ولا ردت علي نهااائي مع العلم اني قايل لها اني زوجك فلان اخوانها وابوها ماعندهم مانع بس هي الي ماتبي يا عالم احس اني صاير مجنون بصراحه مب قادر اصبر ابي اكلمها ابي اعيش فترة الملكه بكمل شهرين من تملكت ولا حتى قالت لي جملة مفيده انا راضي لو بالمسجات اهم شي اتواصل معها اخاف انها بارده او جافه اوعصبية ابي طريقه اتواصل معها على فكره ارسلت لها هدايا مع اهلي فخمة بس اختي اتقولي انها ما انبهرت فيها كثير كان رده فعلها عاديه وش السوواااه انا ذابحني الشووق لاخر حد وهي ذابحها البروود |
اقتباس:
يعطيكي العافيه اختي |
لا دق عليها ارسل مسجات و قلها ادا فيك اقدر اكلمك و ادا لا ممكن نتواصل و لو مسجات فقط
تتهنى اخوي مع ملكة الجمال تبعك و الله يجمع بينكم في الخير اصبر عليها إن شاء الله يتم التواصل و تحب روحها اكثر من شكلها الله يرزقكم المودة و الرحمة و الرزق الحسن |
اقتباس:
والله يا اختي حاولت كم مره اني اتواصل معها بس الباب مقفل بوجه بقووووه من جانبها لدرجة اني صرت الح على اختي انها اتصادقها واتعرف شخصيتها اكثر ابي اعرف تفكيرها انا بس الخطيبة العزيزه ما عطت اختي وجه ابد ولا اهلي بس تجيهم اتسلم عليهم تقعد عشر دقايق وتطلع :( البنت مب خجوله وترتبك من نظرتي لهاا انا واهلي بعد بس جدا متحفظه وما احس انها تتصرف بعفويه |
ارسل لها مسج اسألها هل انغصبت عليك
اسألها هل انغصبت ان تقبل فيك بضغط من اهلها على اي اساس ملكت عليها هل سمع الشيخ كلمة نعم موافقه ام اهلك اطلب منها ان لم تغصب عليك فلترسل لك مسج ولو خالي من اي حرف انو عروس ولا تنبهر بالهدايا ولا ترد على اتصالات عريسها غريبه اسأل خطيبها السابق معقول لنفس السبب تركها لانها كانت ترفض تتواصل معه فانفصل عنها |
..
بالبدايه أقولك .. ألف مبروك .. والحمدلله عجبك مظهرها الخارجي .. .. لكن من حقك ثم من حقك ثم من حقك التحري والسؤال عن سبب طلاقها نظن في الفتاه خيـرا .. لكن مثل مايسأل عن الولد لمدة شهر ولا شهرين عن سبب طلاقه من حقه أنه يعرف سبب طلاق البنت ؟...؟؟ ولا يكتفي بجواب قسمه ونصيب نعم كل شي بالدنيا قسمه ونصيب وكل طلاق له أسباب .. .. أتمنى لك التوفيق في أختيارك .. |
اقتباس:
وانا بعد اعتقد انها متخوفه من اني اسالها حدود علاقتها مع خطيبها السابق بس ماراح اسالها الا اذا شفتها تكلمت عن تجربتها بس ما اكذب عليك اني ابي اعرف هل هو شافها ام لا هل سمع صوتها ام لا هل حبته هي او لا ولو عن طريق غير مباشر بس لازماعرف عشان ارتاح نفسيا |
اقتباس:
هذه الأسئلة لن تقدم و لن تؤخر و لا تحاااول ان تفتح معها هذا الموضوع بعد الزواج فهذه مرحلة عدت و هي بالنهاية زوجتك فلو كلمته فلم يكن شيء حرام ,, و لو هي حبته لما انفصلا,, فهي في النهاية لك و زوجتك و حلالك و أنت بهذا تثبت (احتمال) صحة مخاوفها من الكلام معك خوفا من التحدث في الماضي حاول ان تتخطى هذا الشعور و فكر بطريقة للتواصل لزيادة التقارب بينكما . |
انا كل هالاسئله يالمسداني بنساها اذا هي عطتني وجه وتواصلت معي
تخيل حتى في حفله الملكة رفضت اني ادخل والبسها الشبكة بحجه انها تستحي ومب من عوايدهم وامي الله يحفظها هي الي لبستها الشبكة وانا رضيت بالامر الواقع وش اسوي بعد بس الي قهرني توني ادري ان اختها الي اكبر منها يوم شبكتها زوجها هو الي لبسها وش معنى انا علما بان خطيبها السابق ابدا ما لبسها الشبكه لانها هي الي كانت اتاجل الحفلة لين تم الطلاق ابي اعرف شخصيتها شلوون مركبه هاذي ليه هي عكس البنات خواتي وبناتهم مستغربين انها رفضت البسها الشبكة يقولون لي ان البنات كلهم يتمنون هاللحظه |
أقول أحمد ربك ربي جعلها من نصيبك مو من نصيبه
وسبحان الله أرزاق ونعمه المرأة الجميله وكثيرررر يتمنون مثلك عشان كذا لاتكثر الكلام وأكثر حمدالله ولايحزنك الشيطان وعلى طاري الجمال أعرف وحده أيه في الجمال وطبعا مطلقه وطليقها تزوج زوجته تقول والله أنه لليل ونهار يتوجد عليها وحزين ويبكي عليها مو شرط الرجال طلقها مااعجبته لا لكن الوفقه بيد الله أكثر من الأذكار سبحان الله إلي يتزوج جميله تجيه عين لأن الناس يكون عيونهم عليها وأنه محظوظ تزوجها >> ماتخوفك جد أعرف كثير زوجاتهم جميلات وجاتهم عين في زوجاتهم أو فيهم الله يوفقكم ويتمم لكم على خير وأفرح في زوجتك وفكر في الزواج ألحين وخل عنك الأفكار إلي مدري وش تبي |
اذن اضغط عليها للتحدث معك
يعني زن عليها ,,او خلي امك تكلم امها عشان تبدأ المكالمات لأنه إذا اختها كان الوضع عادي فهذا مش من عوايدهم اخاف تكون متكبرة ,,لا سمح الله ,,هذا احتمال و مو تعتمد عليه أنما أصر على الأقل مكالمتين ثلاث لتأليف القلوب ,,و ربي يعينك |
مبروك اخوي عالملكة ..
وانا اشوف انه من ابسط حقوقك انك تعرف سبب الطلاق .. و حاول تكثر زيارات لين ما تلين معاك و تتعود عليك |
بصراحة اسلوبها مستفز جدا. .لابد تسألها قبل الزواج هل مغصوبة أم لا. .تصرفاتها لا تدل على وحدة مقبلة على الزواج بنفس راضية. .احيانا الجمال يكون نقمة على صاحبه.
|
بسم الله ما شاء الله
لا قوة الا بالله بارك الله لكما وبارك عليكما وجمع بينكما فى خير اخاف يكون عندها مرض نفسي انطواء اواكتئاب او اي شي ثاني ممكن تخلي احد يسال خطيبها الاول عن الاسباب |
والله أعلم ممكن بعد خطوبتها الاولى انصدمت وخايفة تتعلق فيك وتتركها
ممكهن هذا السبب انها متخوفة يكون بينكم رسائل وغيره وبالآخر تنفصلوا حسب تجربتها الاولى اصبرررر وربي يفرجها ...ادعو الله والزم الاستغفار ورببي ييسر لك أمرك عسى البنت حقا بتخجل كثييير ...ومانها متعودة نهائى تكلم رجل |
يارجل البنت المطلقة قبل الدخول صدقني نفسيتها تنهار حتى لو كانت هي اللي طالبه الطلاق .. تدري ليش لانها توقعت ان خطيبها بيكون سندها وفجأه بسبب مشاكل او عدم تفاهم يتم الطلاق ..
بس بقول لك شيء البنت الان تحاول تكون حريصة اكثر من قبل يمكن كانت اكثر المشاكل اللي صارت كان سببها التليفون .. بس ماأكذب عليك البنت المنفصلة تعوض انكسارها بخطيبها الجديد .. وهي واضح مش عارفة تتعامل مع الموقف قاعده تحسب كل خطوة بس بطريقة جافة .. وحده اعرفها كانت ما تأيد المكالمات بين المخطوبين وتملكت وكانت رافضة وانا احاول اقنعها وما اقتنعت بعدها زوجها اخذ رقمها من اخوها وجلس يرسل ويدق وهي ماتعطيه وجهه مب احتقار بس خوف وحياء وجلست ماتعطيه وجهه يمكن شهرين بعدها بطريقته هو واسلوبه معها وهو يرسل ارسلت له لانه ارسل لها عيدية واشكرته عليها والحين فاتورتها طاقة مبلغ جامد من كثر الرسايل اللي ترسلها له .. بس الى الان ماتكلمه .. يعني ان شاء الله بتنحل بس نصيحة لاتسأل خطيبها خلك مع خطيبتك وانت اكتشف شخصيتها واذا سألتها عن الماضي راح يكون سكين انغرس بصدرها لانك انت قبل الملكة كنت تدري بأنها كانت منفصلة ورضيت.. |
أتوقع أن سبب رفضها للتواصل بينكم هو ما سبب لها بطلاقها الاول وكانت صدمه لها وتخاف تكرار المأساة
وأنت ضحية لتصرفات وحماقة غيرك أن شاءالله الأمور تتعدل |
اسمع قصدي شوف
انسانه ملكت لاول مره وكانت متحمسه لحياتها الجديده وووو فجأه طلع الانسان اللي ارتبطت به مو كفو كلمته راسلته اي شي بعدها حصل الطلاق ملكت مره ثانيه اكيد بتكون حذره بالتعامل معك وبتحاول تتجنب الاغلاط اللي غلطتها مع الاول هذا بنظرها فطبيعي بتحاول تتجنب اشياء كثير معك بس دورك يجي هنا وترا هالكلام مو مقتصر على البنات حتى الاولاد وطبعا الاعتماد الاول على كل واحد وشخصيته اشوف من حقك تعرف سبب الطلاق عشان على اساسه تعرف تتعامل معها تعرف بس بطريقه حلوه ولبقه من ناحية الغرور والكبر لا تسبق الاحداث ولا تحكم من اللحين اصبر وشوف وبعدها احكم لا تخلي الشيطان يدخل بينكم واستخر مره واثنين وثلاث وشوف وش ترتاح له |
بقولك شغله ..
يااخوي استمرار اي علاقه بين اثنين ماله دخل بالجمال .. صح بالاول الانسان ينعجب .. لكن لما يصير احتكاك وتبادل مشاعر .. وتكوين نظره .. وانطباع .. وقتها المشاعر تطغى على اي شئ ظاهري خارجي .. لما ماترغب شخص وترفضه صدقني لن ترى جماله شئ ولايهمك في شئ .. وااعرف بنات فسخوا العقد بعد الملكه وهم جميلات .. ولعدة اسباب خلافات معينه او انها ماارتاحت له .. فتوقعي الاول انها اتبعت هالاسلوب .. خوف او خجل ..‘ وترى فيه بنات مايحبون يكلمون مبداها ماتبي مشاكل ووجع راس .. فانت استهدي بالله ... وحاول بهدوء .. جرب ترسل مسجات اسئله .. وش رايك بكذا ..؟ ايش تحبي يكون كذا ..؟ الله ييسر امركم يارب .. |
اقتباس:
مع هذا الرأي المنطقي ... وضروري تكلمهاااا ،، تواصل مع ابوها او اخوهااا يسهل لك الدروب معها.. الله يوفقكم ويبارك لكم وعليكم وجمع بينكم بالموده والرحمه .. |
ياكثر الحلوات ألى يتطلقون
هذه مايعتبر سبب يخليك تشك بشىء لاتسألها عن خطيبها السابق نهائى خليك واثق من نفسك قدامها ولاتحط حالك مقارنه معه |
اقتباس:
ارجح هذا الرأي وبقووووه |
ططيب ححاول تفككر وتتخيل بععدين كيف بتكون مععاك في الحياة
يعني اذا تحسها بتكون كأنها صننمم ححاول تغيرها وتتنازل واذا ححاس انها مملوحة وتبي تججرب ججرب مح طقك على يدكك وحاول تتلاطف معاها كثير بيوم الزواج الف مبروك مقدمما اخوي |
ممممممم غريبه هالبنت
بس يمكن عندها اسبابها اهم شي انت دق عليها كل يوم لحد ماتطفش وتردهههههه الله يوفقك |
لاتتسرع في الحكم عليها
فيه بعض العوائل إذا طلب الخاطب شى يقولوا البنت. رافضة وهي أصلا ماتذري عن السالفه بس لأنهم يكونوا منحرجين من الخاطب |
نصيحتي لك اخوي
حاول تقوي ثقتك بنفسك اكثر ماله لزوم تروح تشوف خطيبها الاول + لاتفكر تسألها عنه ابدااااااا + الجمال مو كل شي الله يوفقك |
الله يوفقك ,,,
لاتستعجل انا ملاحظ انك مهتم بالنقطه الوحيده حاب تعرف ايش سبب الطلاق ,,, البنت طالعه من صدمه وطلاق ,,, خليك ثقيل وكل شي راح تعرفه ,, فلا تستعجل اخوي ,,, من نقطه المكالمه كلم ابوها ,, ان شاء الله تزين امورك ,,, لا تجلس وتقول ليش وليش تطلقت عشان البنت ما تأخذ عنك فكره انك فضولي ,, اللله يوفقك ,, وع فكره كمان انا مملوح ,,, تحياتي لك اخوي ملازم ,, |
و قد تبتلى المليحة بالطلاق ...
|
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©