|
اهل زوجي حبسوني في المطبخ
امس تعرضت لموقف من اهل زوجي بكاني بكا مابكيته من زمان
امه من قبل اسبوعين قالت بتسوي حفلة نجاح للصغار واتطوعت بعمل المسابقات واتحمستلها من قلبي لانها اول حفلة احضرها وكنت ابغاها تنجح وينبسطوا فيها الصغار جهزت نفسي واطفالي واطباقي ومسابقاتي ورحنا للحفلة في بيت ام زوجي قالوا يلا ادخلي للمطبخ عشان يصلحوا سماعات اللاب توب وشوي الا بدات الاغاني تلعلع ودخلوا جميع اولاد اخواته شباب ومراهقين واخوانه واخوه الكبير 45 سنة واخذو يرقصوا وانا في المطبخ وقعدت ساعتين جالسة فيه مع الشغالات وباب المطبخ مفتوح والاولاد واقفين على الباب وانا ماني عارفة وين اروح وصارت الحفلة دسكو واختلاط بنات على اولاد وقالوا يلا عشى عبيت صحني وحبيت اجلس معاهم قالوا ادخلي في المطبخ كلي يبغوا يعبوا الاولاد جلست في المطبخ وخلصت وفعلا وقتها انخنقت من الاحتقار هذا وما اعرف كم جلسوا بس نعست ووقتها نادوني يلا اعملي مسبقاتك رحت عملتها للصغار وانبسطوا جدا ووزعت الهدايا وامه قالت يلا ولدي يستناك يوصلك لان زوجي مسافر وهم اللي اخذوني وعلى طول نادت ولدها يوديني يعني الحفلة كلها ما انبسطت فيها الا وقت المسابقة ورجعت البيت واليوم العصر اتصلت على اخته قلت لها تراني انحرجت من وجودي امس ايش رايكم لو تخلوها حفلة للكبار وحفل للصغار عشان لاينحرموا اطفالي من الاحساس بجو العائلة قالت مانبغ حفلتين وكيكتين واولادنا وين تبغينا نوديهم ويلا مع السلامة ايش انفجرت بكا اهااانة بشكل فظيع مالقيو من الا الطيب وانا لما اسلم على امه ابوس يدها وخدها وراسها اخواته اعاملهم بكل حب وكل ما افتكر الموقف قلبي يوجعني واحس برغبة اني اخبر زوجي وهو مسافر يرجع الخميس ان شاء الله وولدهم ادرى بالتعامل معاهم قلبي مليان غيظ على قد حبي لهم قبل الموقف على قد كرهي لهم الان ايش تنصحوني |
اذا هذا التصرف اول مره يسوونه
معليش عديها لهم يمكن الظروف ماتسمح انهم يسوون حفلتين لان تكلفتها بتكون اكبر ولو انك اتفقتي معاهم من بدري وش بيكون وضعك بالحفله ممممممم لو انا مكانك بلبس عباتي وبجلس معاهم عااااادي اهم شي اكون بحجابي وافتح عيوني شويه بس ماتكون ملفته ووقت الاكل اعبي صحني واروح المطبخ اكل وارجع اكمل السهره لان اغلبهم حتى لو مراهقين اتوقع انهم يحترمونك لانك مرة خالهم او عمهم ومانتي غريبه والله ييسر امرك يارب |
بصراحه ياأختي كان المفروض من اول مالعلعت الأغاني تعتذري بطريقه حلوه وتروحي بيتك
يعني أغاني واختلاط امر مايرضي رب العالمين * |
الله يعينك
كان المفروض تجلسي معهم خذيها درس واتعلمي المره الجايه واعتذري الا ان كان زوجك موجود تكوني معه |
طيب حريم إخوانهم الثانيين فين كانوا ؟
يمكن ام زوجك كانت تبغى الحفل مابينهم ؟ |
تبين الصراحة ؟
وجودك بدون زوجك ماله داعي كان ارسلتي الصغار مع عمهم وخلاص ولا اجلس بالمطبخ كل الحفلة ليش بالله ؟ المرة القادمة لا تروحي لهم اذا اخوان زوجك موجودين إلا برفقة زوجك وللعلم اذا قلتي لزوجك بيقولك نفس الكلام ولا رح يعصب نفس عصبيتك عليهم :) معليش .. عديها حبيبة قلبي ماهي الامر الكبير ولا تعتبريها اهانه لكن هذه تقاليد ولازم تتماشي معها لا تكبري السالفة وخليها تجربة تتعلمي منها للمرات القادمة مبروك نجاح عيالك :) |
فعلا عديها.. وخذيها درس..
زوجك مو موجود مو لازم تحظرين.. على الاقل لو زوجك كان موجود كان طلبتي منه يرجعك للبيت . وحطيها في بالك - كثر المشاكل والاحتكاك تسبب الفجوة والقطيعه.. فانت لا تشغلين نفسك زيادة عن اللزوم. ولا تكثرين عتاب لهم.. ولا تخبرين زوجك الا بالشديد القوي.. |
جزاكم الله خير
الى الان حاسة بحنق وادعوا الله ن يشفي غليلي منهم |
اقتباس:
اذا كانوا حريم اخوانهم معك وبنفس الوضع فلا داعي للغضب أما اذا كانوا معهم بالحفلة وكانوا يعلمون بأنها للكبار أيضا ولم يبلغوك بهذا الشيء فلك الحق ان تغضبي ولكن حاولي ان تهدئي نفسك استغفري الله وتوضئي حتى تهدأ نفسك قليلاً ولا تخبري زوجك من الممكن ان يغضب منك انت ويلومك لماذا تذهبين بدونه |
لا تقولين لزوجك بتاتا بس اذا تكررت مواقفهم السيئة معك قولي بعدين بس حاولي تكونين رسمية نوعا ما عشان يحترمونك
|
ذكرتيني بحفلة اخواني وعيال اخواني
سوينا حفله وجهزنا وتجهيزنا للحفله عائلي بس مرة اخوي جت وجابت اشياء معاها وسوينا حفله عائليه كل اخواني واخواتي وعيالهم وابي وامي بعد ماقطعنا الكيكه وتوزيع القهوه والحلويات اخذنا الكية الي جابتها مرة اخوي وسوينا عليها الشمع واشياء الحفله ورحنا عندها في مجلس الحريم وانبسطنا .. صحيح حسيتها تحسست بس كررنا نفس الطريقه عندها وانبسطت لاتزعلي منهم هي عائليه فيه فرق يوم يكون العيله كلهم متلمين سوا اعذريهم وسوي حفله صغيره لزوجك يوم يجي ولعيالك في بيتك او بيت اهل زوجك يعني بأسمكم الحفله |
صحيح أن طريقتهم غير لائقة , وبما أنهم استقبلوك توجب عليهم إكرامك . لكن لا يحق لك أنت تقهري تلومي وترهقي نفسك لهذا الحد فأنت لم تخطئي , وأرى بأن لاتتحدثي معهم أو مع ابنهم في هذا الموضوع هو شي حصل وانتهى فقط تعلمي منه وخذي درساً للأيام القادمة . ومبارك عليك نجاح صغارك , وفقك الله ورعاك . |
زوجك لاتخبريه...
ولاتروحي الا زوجك معكـ، بس و اطفالكــ اذا يبونهم خليهم يروحون لوحدهم.. وليش ندمانه انك ماجلستي معهم... كيف يهنا لك الجو والأغاني والأولاد الكبار ماله داعي تجلسي...امر يغضب الله عزوجل.. ربي صدك عنها |
اولا هذا غلط .. إنك تروحي من غير زوجك معك
ثانياَ : لو كان تصرفهم كذا لا تكوني مره حساسه وخليك طبيعيه جداً يعني لاتبينين اهتمامك للإمر واذا رجع زوجك عادي خليك طبيعه ولا تفاتحينه بالموضوع وتقدرين تقولين لهم ! بصراحه استغربت من تصرفكم ذاك اليوم و كذا .. وشوفي وش ردهم اذا كان واضح عليهم انهم قاصدين هالحركه عادي لاتهتمين ولا تشيلين هم ماراح يضغطو إلا انفسهم ..... زياده الإهتمام راح تتعبك كثير واذا عن الإطفال كان طلعتيهم معك لإي مكان ونستيهم .. من غير ماتروحي لبيت من دون زوجك - الله يوفقك |
استغرب من الي يقولون ليه تروحين لهم وزوجك مو معك
ليه اجل وين احترام الزوج واحترام اهله يعني ماروح لهم ولا اسلم عليهم الا اذا زوجي معي واذاكان مسافر ماسال عنهم والله ماترضون حريم اخوانكم يسونها ,,, , ام احلى وردتين ليش مكبره الموضوع وسويتي مناحه ورحتي تكلمين اخت زوجك الي سويتيه غلط كان من البدايه اخذتي حقك وزعلتي والي زاد الطين بله لما قالولك تعالي سوي المسابقات كان المفروض مارحتي لاكن الي فات مات زوجك لاتخبرينه بالموضوع لانه تافه ثانيا اذا قابلتي اهل زوجك عادي ابتسمي وسولفي ولاكان شي صار لاكن قولي لهم بمزحه مره ثانيه اذا بتسون حفله بجيب بطانيتي معي مت من البرد لحالي بالمطبخ مزحه برزحه وانتهى الموضوع ولاعاد تفتحينه معهم |
ثاني مرة لاتروحي الا وزوجك معك
اغلب اهل الزوج مايهتمو بزوجة ولدهم ويقدروها الا جنب زوجها ويظهرون في صورة ملاك قدام اولادهم واخوانهم انتي ما غلطي رحتي وانتي محسنه الظن فيهم بس مدام عرفتيهم خلاص مع زوجك وبس ولاتحتكي معاهم والبوس الزايد لام زوجك ما لها لزوم خليكي رسميه حضري حفلة ثانيه اذا زوجك رجع مع الاولاد خليها مفاجاة وانبسطوا |
سامحي اهل زوجك من داخل قلبك ..... واتعلمي للمرات القادمة
|
تصرفكك ككان سليمم ححيال الموضوع
لآككن علمي زوججك لانه هوو اقرب الناس الييك الل هحلل كل شئ مابين الزوجين ععلميه و قولي له بس انه م يقول لاههله عشان م تككبر السالفهه |
اذا خلق الله ما قدروك ولا عزوك ..
فأنتي قدري نفسك وعزيها .. لا تنتظري من احد .. وهذا درس لك .. واحشمي عمرك عن الحاجه لهم .. واغلب الناس يبهرهم ويقدرون القوي و اللي يعز نفسه بنفسه .. |
اقتباس:
لكن تنصحينها انها ما تحتك معاهم وماعاد تبوس راس ويد أم زوجها وتصير رسمية معاهم اضمن لك يا صاحبة الموضوع لو سويتي هالأمور بكرة زوجك بيحبسك بالبيت بين 4 جدران ================================================== === خذي الموضوع بحسن نية صحيح انه اللي حصل يضايق لكن يمكن اخوانه قالوا بندخل ننبسط مع اولادنا واهل زوجك ماكانوا حاسبين حسبة انهم بينزلون والله في عيد من الأعياد اني رحت الصباح مع زوجتي نسلم على اهلها من الساعة 8 الصباح الى الساعة 12 الظهر وانا كل شوي جالس لوحدي يجي ولد عمها يسلم ويروح للمجلس الثاني يسلم على جدته وعماته يجي ولد عمتها ويسلم على جدته وخالاته او ما ادري وش السالفة يجي فلان ويدخل يسلم على فلانه وكل شوي يقولون معليش وانا اقول خذوا راحتكم لا عادي جلست اسولف مع الدلة اكثر شئ صليت الظهر والنحشة واجلس وين تروح وش اجلس اسوي اسولف مع الدلة تعذرت ان واحد من اقاربنا عنده غداء ولازم اروح واطلع وعلى البيت ونوووم وارجع عيالي للبيت ونرتاح شوي ونطلع بالليل نستانس يمكن اللي حصل مو مخطط له هل تتوقعين يقولون فلانه بنحبسها بالمطبخ علشان نتسلى بس ونضحك عليها ؟؟ احياننا تجري الرياح بما لا تشتهي السفن واللي حصل عارض بسيط غيري تعاملك مع اخواته لكن امه لا خليك مثل ما انتي بتقديرها واحترامها بوسي راسها ويدها علشان ما تقول تغيرت علي اذا شفت زوجتي تحب راس امي وتحب يدها يكفيني ابتسامة امي لو انا بقمة السخط من تصرفات زوجتي لكن هالشئ يطفي النار اللي بداخلي ومن رضا امي عليها تقولي جيب لزوجتك شغاله فيه حماة تقول هالكلام بس زوجة ذكية تعرف ان لو امي راضية انا راضي انسي اللي حصل واستفسري المرة الجاية من بيكون موجود بيجون رجال او لا علشان ما تكوني بمثل هالموقف مرة ثانية :22: |
وين سلايفك؟ زوجات اخوان زوجك؟
|
مؤ غلط تزوري اهل زوجك بدون زوجك ، اساسا أنا أجده امر غير لائق نقطع اهل زوجنا لان أزواجها مؤ موجودين وانا ازورهم بدون زوجي لكن ما احب احضر حفلاتهم ، وهي حرية شخصية رضا الله فوق رضا العبد ، والأفضل تنسي الموضوع وتسامحيهن لو اختك غلطت فيك كنت سامحتيها ، لكن المرة القادمة اعملي لنفسك قدر وقيمة ، أنا لو كنت مكانك مباشرة اتصل بأهلي وارجع بيتي ، عيب عليهم يدخلوك المطبخ على الاقل يا عاشق الجواهر بيت حماك دخولك صالة مع قهوة وحلا مؤ مطبخ كانها شغالة !!! طبعا تصرفهم قلة ذوق وما لهم عذر ، بس تبقوا اهل ولازم تسامحوا بعض لكن انتبهي المرات القادمة وما تروحي حفلاتهم او جمعاتهم المختلطة ولا تفتحي الموضوع مرة ثانية قدامهم ، حتى ما يحقدوا عليك ، والأفضل تبقي معاملتك الحسنة مع امه لانها كراما لزوجك
واستغفري ربك وسبحي وفوضي امرك لله وان شاء الله قلبك بيهدأ وبتسامحي من كل قلبك |
:* الغريب بالأمر أنك رضيتي بالحبسة وجلستِ محبوسة..!! والناس شافوكِ مبسوطة مع الشغالات وساكته فقالوا خليها مو متضايقة ياعيوني أنتِ تصرفك غلط وهم غلط لكن ليش ماناديتي أحد منهم وأستئذنتِي وطلعتي..؟! وإلا قلتِ لهم أنك متضايقة من حبستك بالمطبخ ..!؟ وطلبتِ تجلس معك وحدة من خواته بوحدة من الغرف وتتقهون.. :* أستمري على طيبك مع أم زوجك وإذا هم في هالموقف ما أحسنوا التصرف فعديها لهم هالمرة :* :* |
كلام سيده الموقف عين العقل
ليش قبلتي بالسكوت من البدايه وصراحه تصرف ام زوجك غير لائق لانها ما احترمت وجودك معاهم لما يجي زوجك ... خبريه بالموضوع حتى لاتنقل له الصورة بشكل اخر .. ومرة ثانيه لاتروحي الاوزوجك معك |
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©