|
في وحدة لها 30 صورة في تلفون زوجي
[SIZ
E="6"]السلام عليكم[/SIZE]اليوم بالصدفة جاب لي ولدي تلفون زوجي وفتحتة ودخلت عالاستديو شفت 32 صورة صورة لة وصورة منظر طبيعي والباقي كلة لبنت وحدة وحدة وبس صور في كل الاوضاع نايمة قاعدة لابسة بالبيجامة بالحمام الله يكرمكم مصورة عورتها على كل الاوضاع انا صعقت من المناظر اللي شفتها الغريب ان زوجي من بيتة لشغلة ومالة في هالسوالف انا قلت يمكن متزوجها ولا معقول في وحدة كذا تنشر صورها انا اعرف ان اللي ينشرون صورهم وهم مغطيين وجوهم وما يبينوها المهم انا ماحسستة اني عارفة بس شف التلفون بأيدي وشك وماجابة في الليل عالبيت يمكن حاطة بالسيارة دلوني كيف اتصرف ماني طايقة اشوف وجهه وانا من النوع اللي يبين عليا انصحوني |
الله يعينك ويسخر زوجك لك
برايي اتواجهينه بس من غير عصبيه يعني افهمي الموضوع ترا هالاشكال ما يخافون الله يحبون خراب البيوت عسى الله يبعدها عنك وعن زوجك اكثري من الاستغفار والدعاء |
انا من راي المواجهة مالها اي نفع اللحين
اولا انتي لازم تراقيين تحركاته بدون علمه وحاولي تتاكدي منو هاذي جيبي اي دليل و بعدين خير بإذن الله متأبعه ان شاء الله |
ياقلبي
اول شي شيلي من بالج انها تكون زوجته للن مستحيييل رجل يقبل ان زوجته تصور بهالطريفه الفاضحه!! يمكن احد من ربعه اصدقائه دازها مرسل الصور على تلفون زوج دامج تقولين انه من البيت للدوام كلميه لاتسكتين ولاتصيرين مباحث عليى حساب صحتك كلميه الصراحه هي الحل بالتوفيق |
هل من الممكن هي نفس المرأة الذي قال بأنه سوف يتزوجها قبيل عدة شهور كما ذكرتي في السابق؟؟؟
افضل شيء قمتي به بأنك مازلت هادئة(الله يصبرك) ابدئي بأسلوب التطنيش مع مراقبة الوضع لا تحسسيه بأنك عرفتي شيئاً حتى تنفرج معك وكان الله في عونك |
هدئ أعصابك ....... ولا تكبري الموضوع وتعطينه أكثر من حجمه ( طبعا انا اقدر صدمتك بهذا الشي ) ولكن عندنا مشكلة ...نبحث عن سببها وحلها..!! وانتهى الموضوع يا أختي انت واتقة من زوجك وكما قلتي من الشغل الى البيت ... أسالك كيف علاقته معك ..؟ يحبك ولا يقصر معاك في شي ...وانت كذلك ايضا..؟؟ إذا كان الجواب نعم ..وانتم سعداء مع بعض أنسي السالفة وامسحي الصور من الجوال وديري بالك على زوجك وسألي الله ان يصرفه عن هذة الاشياء ...ولا كأن شي صار !! ما سيحدث * إذا كان فعلا أحد من اصدقاء السوء عمل هذة الصور في الجوال سواء بدون علم زوجك..او بعلمه ( ربما يصيب الإنسان بضعف في إيمانه وزاد عليه الشيطان ) ويقول في نفسه بعدين سامسح هذة الصور ورايتي الصور قبل ما يمسحهن..عندها سيسكت وربما يستحي على نفسه ولا يعود الى هذا الشي ..( طبعا أنت خليك حذرة ومنتبه من غير مايشعر) وأنتهى الموضوع * ولكن إذا كان مُصر على هذا الشي عن قصد عمل هذا الشيء سيسألك لماذا فتشتي جوالي ويسوي لك مشكله ..عندها قولي له: ابنك الذي حضر للي الجوال وأنا لما ريت هذة الصور ما شكيت فيك وما ظنيت فيك إلا خيرا وأريد أن استرك ليسترك الله ويتوب عليك ولا أبي اسوي لك مشاكل .....وبعد كل هذا تأتي تسألني ليش وليش ..حسبي الله ونعم الوكيل وانصرفي عنه لا يدخل الشيطان بينكم ويحصل ملا يحمد عقباه ..وبعدها إذا هدأ تحاوري معاه على السبب وإنه من المفروض إنه ما يسوي هذا الشي وانصحيه بالتي هي أحسن...وسينتهي الأمر على خير ومنتظرين ردك.............هذا من وجهة نظري قد يكون صحيح وقد يكون عكس ..وانت أعرف بزوجك |
مواجهه وصراحه وبهدووووووء..
ريحي بالك .. |
النسـاء اربعة انواع اذا اكتشفـن خيانة أزواجهن ..
النوع الأول .. تختـار الطلاق وتترك منزلها .. النوع الثاني .. يكون منهجهـا النكـد على حياته والبحث والتجسس على أجهزته .. النوع الثالث ..تفجــر غيضها ويكون جل أهتمامها الأنتقام منه لرد اعتبارها .. النوع الرابع ..تتقرب لله اكثر وتبدأ بتغييـر نفسها والتعامل مع هذا الموقف بذكـاء وتفهم شخصيتـه لتجذبه لها أكثر دون توتر وفعل مضاعفات سلبيـه .. .. عزيزتـي .. أي الأنواع ستختارين ؟؟ |
اقتباس:
بعد ماتحذفين الصور :25: وأكيد رح يسألك وقتها ماينفع إلا الصراحة |
اشكر كل تعنى وقرأ موضوعي وشكر خاص للاخوان والأخوات اللي ردو الله يجزيكم الخير
هو ماجاب الجوال عالبيت البارحة وجهه متغير هذا يعني انه حاس اني كشفتة بدأ يلمح لي ايش يافلانة متغيرة انا زعلتك بشي انا طنشتة تمامآ واحب اعرفكم على زوجي شوي نبدأ بالايجابيات وراح اكون محايدة طيب جدآ حنون وخصوصآ على عيالة معطيني الحرية الكاملة ومو مقيدني اطلع اي مكان بشرط يكون عارف طبعآ باستثناء اعمامي اللي هو مقاطعهم من 3 سنوات نجي للسيئ كذاب درجة اولى يطلع نفسة مثل الشعرة من العجين ولا يعترف بخطأة ابدآ انا قلت زوجي من شغلة لبيتة يعني مو حق مغازل بس ممكن يكون زواج ومثل ما قال (استغفر الله) انا شاكة انها تكون اللي كان خاطبها قبل فترة فما ادري كيف لاتصرف ارجوكم علموني بعدين بايجي من الدوام كيف اعاملة بموت من القهر اللي قرأ ملفي بيشوف مشاكلي السابقة معاة حارمني من اهلي وانأ في الغربة وهو ماخذ راحتة |
أختي الفاضلة ...
مع الأسف هذه الظاهره منتشرة بين الرجال ... طبعاً ليس كلهم ... ولكن لا ننكر وجودها ... المهم فيهم من يخون زوجته ... وفيهم من يطلع على هذه الصور مجرد فضول لا غير ... لذا أنصحك أن لا تناقشي زوجك ... خوفاً أن يتطور الموقف ثم يحصل مكروه بينكما لا قدر الله ... لكن لمحي له بطريقة غير مباشرة ... مثلاً ... قولي له فلانه أكتشفت في جوال زوجها صور خليعه والعياذ بالله ... ثم أسئلية وش الأسباب ... وليش بعض الرجال يطلعون على هذه الصور ... وش ناقصهم ,,, وش الحل ... بهذه الطريقة سوف تحسسية بالذنب بطريقة غير مباشرة ... وكذلك تعرفي منه الأسباب التي تؤدي لهذا العمل ... حافظي على زوجك ... وحققي طلباته ... وأشبعي غرائزه ... لتحافظي على بيتك ... بعدين الزوج الذي يخون زوجته مع وحده ثانيه ... سوف ينفضح بكل سهوله ... لأنه سوف يتغير في أسلوبه ... وروتينه اليومي ... وقد يخلق المشاكل ليبعد زوجته عنه ... والزوجة هي الوحيده التي تستطيع اكتشاف خيانة زوجها إذا تغير عليها في إعطائها الحق الشرعي ... وأستمر في العزوف عنها لمدة طويله ... خاصتا إذا كان لا يشتكي من أي مرض ... أو يعاني من مشاكل في العمل وخارج العمل ... الرجل لا يحب أن تهتز صورته أمام زوجته ... وقد تكون نزوه وتعدي إن شاء الله ... |
الله يسخره لك و يبعد عنكم عيال الحرام
مالي بهالسوالف و الاخوان ما قصروا ^^ |
لالالالا تصارحيه ابدا
والصور حوليها لجوالك عشان اذا مسحها وانكر تقدري تواجهيه راقبي تصرفاته واتغيري على زوجك يعني خلي علاقتك معاه رسميه ولا تسولفين معاه ولا تضحكين او تفتحي معاه اي موضوع وقومي بواجباته اذا سالك قولي مافي شئ خليه هو يحتار ويسال نفسه ايش الي مغيرك خليها تجي منه ويحس بالحرج بدون ما تواجهيه وراح يمسحها وزي ما قلت راااقبيه واذا عملها مرة تانيه واجهيه واذا انكر وريه الصور وروحي عند اهلك ليين يراضيكي وترجعي بشروطك بس لالالالا تصارحيه ابدا |
انا انصحك يأختي مدام حياتكم كويس انك تستعيذى بالله من الشيطان لانه يريد خراب بيتك بالوساوس والظنون وان تتبعي راي المتفائل لانه ونعم الراى لكل شخص كبوه مافي احد خالي واذا مسوي الحرام لا تقلقي الله بيفضحه وينكشف كل شي بس قولي اللهم خذ بيدي عند المضائق واكشف لي وجوه الحقائق
|
انتي بوقتها لو حذفتي الصور الفاضحة وارتحتي وريحتي
وبعدها سكوت وكأن شئ لم يكن.. كان اختشى على دمه.. هناك رجال يكونون على شفى حفرة.. ويمكن زوجك منهم.. املي عينه لا يروح يوطوط بعيد.. تري الصايعات مالين البلد وزوجك بالنسبة لهم لقطة.. وسعره عالي لان عليه طلب |
كيف زوجك من ناحية محافظته على سمعته أمام الناس ؟؟
هل تقدري تعرفي اذا هي نفس البنت اللي كان ناوي يتزوجها ؟؟؟ |
البنت شكلها مو اجنبية خليجية وبنت ناس وفي لها صور بالعباية وطبعآ صور عارية انا حاسة انها خطيبتة السابقة لا اذا هي وحدة والسلام ليش مايكون في بنات كثير ليش وحدة انا ذيك الساعة ارتبكت ورجعت الجوال وبعدها ما جابة للبيت
|
اقتباس:
اذا قررتي تواجهيه قولي له .. الولد جاب لي الموبايل فاتح على هالصور .. الله ستر انه ما فهم شنو هي هالصور .. جاي يسألني شنو هذا ... أنا عاقبته ليه يمسك جهاز البابا وطلبت منه ما يعيدها لكن تخاف يوقع الجهاز بالصدفة بيد أحد كبير .. ابوك .. صديقك .. مو حلوه بحقك وأخاف على سمعتك بين الناس .. ومهما كنت حريص مرة واحده تصير كافية انها تخرب سمعتك . |
بيتا الصور جديدة وبتواريخ مختلفة وآخرها قبل عشرة ايام
اول جا من الدوام وجاب لي وردة انا ماتطلعت فية ابدآ اخذتها بس بجفا هو حس وراح ينام اخذت مفتاح السيارة ورحت ادور الجوال بس مالقيتة يمكن حاطه في المكتب |
ماشاء الله ,,,حلوة الحلول للرجال
خليه بيكبر و يختشي على دمه !! طيب و يمكن يتمادى و يرتاح انه يعمل بالخفاء و يكون حلكم هذا يفتح الباب للرجال الخونة بالأطمئنان ان النساء لن تسألهم فليسرحوا و يمرحوا بقذارتهم صارحيه فلو انت اخطأت لن يخاف على صورتك في أمر صور قذرة كهذه!! بل كرامته ستهتز أنت تحت امره و طوعه فلا تستهيني بذلك صااارحيه و بصراحة و بهدووء مع شوية استعباط و قلب الموضوع كأنك خايفة على ولدك أنك تناقشيه باستغراب اتك شفتي ولدك و عنده جواله و فيها صور خليعة و انك تخافين على اخلاقه من رؤيته لهذا الأمر, و أنت أيضا يا زوجي اليس كذلك و شوي اسحبي منه الكلام ,,, |
طيب صارحيه بدال اللف والدوران ..اجلسي معه وقوليله بهداوه واسلوب عتب مين الينت اللي بجوالك وليش خبيته عني ،،اذا انت تسوي شي غلط ممكن تخبيه عني بس وين بتخبيه من اللي فوق يشوفك تعصيه ؟؟واساليه ضاقت هالاشكال تركض وراهم ؟؟وحده ماتستحي ترسل صورها لك بهالطريقه هذي انسانه مو متربيه ولاتخاف ع سمعتها وممكن تسوي اي شي ياذيك او ياذي علاقتنا ،،قززيه منها بكلامك وعاتبيه وشوفي
|
ممكن صور محفوظين بداكرة الجوال متى اشترى زوجك هدا الجوال اربطي الاحداث ببعض و حاولي تشوفي تصرفاته متغيرة و لا لا
انشاء الله خير و ادا كان فيك تحاكيه بصراحة و وضوح حاولي زوجك و تعرفيه |
بالحقيقة لا أرى بأسلوب المصارحة أي حل ... زوجك حس على حاله .. وعرف إنك عرفتي .. وشاعر بالندم .. وأكبر دليل الوردة .. اللي لازم تعمليه الآن .. أنك تبقي عالرسمي معاه مدة .. وبعدين حاولي تحصلي جواله وتشوفيه حذفهم لحاله ولا لأ .. وعندها لكل حادث حديث .. الله يبعد زوجك عن الحرام ياااااارب |
لا لا لا
موهيك. تمشي الامور ليش اخذتي الورده!! المفروض اول ما مد لك الورده ارتميتي بحضنه وبكيتي ترا البكا يزيح الهم ويحسس زوجك ان الموضوع كبير وبكذا تفتحي الموضوع وتاخذين التفاصيل كلها يانساء ترا الصراحه مفتاح الراحه الواحد موناقص هم عشان يزيد همه بالسكوت |
اقتباس:
اكره الاجراءات السلبيه مثل كذا مواقف!! وكان المرأة بلا احساس ولا مشاعر!! لو الزوج جا يشكي من صور في جوالها ماكان احد طبطب عليه وهداه.. بالعكس كان خلوه يلوي ايدها. بينما المرأة تعاتب ليش فتشت!! ولازم تضغط على مشاعرها!! ولازم تحسن الظن!! ومايصير تواجهه!! ولازم تغير من نفسها وتشوف في ايش هي مقصره!! وتحط الغلط عليها اذا اتجه للحرام!! يكفي سلبيه .. |
ما جاب الوردة الا عشان هو غلطااان
خليكي متغيرة عليه ورسميه جدا بدون مواجهة خليه يحس بكبر خطأه واذا سالك قولي مافي شئ صمتك ونظراتك له بانك تعلمين شيئا ابلغ من اي كلمه لانك اذا تكلمتي سيبرر وينكر انها له او يعتذر فقط وبعدها سينتظر منك نسيان الموضوع بعكس اذا لم تواجهيهة سيكون في حاله خوف وقلق وترقب من ردة فعلك |
اقتباس:
انا مع ناني لا تكوني رسمية ولا تبيني انه ما عندك خبر بشيء دامه حاس بالغلط وجاب الوردة دمعتين صادقتين وفضفضة من القلب ستبين له مدى الجرح اللي تحسين فيه لا تخافي منه يقولك ليش تفتشين من وراي لانه الكاذب ستنكشف اكاذيبه ولو بعد حين وتعبثك بجواله لا يعد تجسس وتفتيش إلا اذا كان عنده شيء يخبيه!! يعني عادي اتفرج على الصور ، افتح النت ، اطلع لي رقم .. اتصل من جوالك ماله حجة عليك ربي يبعد عنه عيال وبنات الحرام بيني له ان الخيانه مرفوضه والزنا بالعين حرام وله عواقب على حياتكم الزوجية الله يسخره لك |
صور من انترنت نت او ايميل هذا اقرب شي لها لايروح فكرك بعيد
|
السلام عليكم
الحين احنا بنحارب بعض نفسيآ هو حاسس اني كشفتة وانا عالصامت وهو منكد علينا في البيت ومانعني اطلع هو اسلوبة كذا اذا انا راضية علية يطلعني واذا زعلانة لازم اتعاقب ابسأل اخواني الرجال ايش يكون شعورك لو زوجتك طنشتك وعارفة انك تخونها وساكتة وزي اللي تقول انتة ماتفرق عندي وجودك زي عدمة هو هذا اللي حاسة فية وجودة زي عدمممممممة لا عدم وجودة افضل طيب اذا متزوج يهوينا ليش قاعد على قلبي تعرفون ليش انن ما ابغى اواجهة لانة انسان كذاااااااب عشرين مرة قبل اكشفة يكلم ومسجات بس يكلم وحدة ومافي غيرها اللي هي خطيبتة السابقة اكون شايفة المسج بعيوني وورية ياة يقلب علي الطاولة ويعتبرني نكدية وشكاكة وان هذة بينهم شغل ومعاملات ومرة حالة انسانية واول كذبة كانت انه دعمها بالسيارة وفيها كسر بالحوض ومضطر يتزوجها وانا المسكينة صدقت وقعدت ابكي وادعي بصلاتي ان الله يشفيها هذا الرجال ميئوس منة ولا عاد لة في قلبي مكان انا بس بمشي حياتي وبعيشها بما يرضي اللة وبسكت بخرج وادخل وان كان لك عند ال .......... حاجة قلة ياسيدي |
صدق انه قليل الادب
ولا احترم العشره لبينك وبينه انا ابي افهم ليييييييييييييه الخ ــيآآنه!! ح ـبيبتي ’,, آنا آنصحك توآجينه وعلميه آلصرآحه يمكن يستحي على وجه وآلله مآآلومك آذآ فقعتي وجه جد قهر! |
ما عليه استحملي وخليكي ع الصامت واكيد هو راح يمل من الوضع خلي نفسك اطول منه
ولا تروحي عند اهلك اللي زي زوجك ما يصدقوا يفضى لهم الجو عشان ياخدو راحتهم مع ......في المسجات والمكالمات |
اقتباس:
طالما وجوده مثل عدمه. ومو فارقه معاك الموضوع كلميه واجهيه حقريه خليه يحس انه تافه ومنحط قوليله هاذي اللي تخوني عشانها هاذي اللي تبي تتزوجها اللي مصوره نفسها عريانه ((الله لايبلانا)) اشلون ترضا تتزوج وحده بهالحقاره والقذاره!! هالاشكال مالهم امان للاسف انتي عودتيه كل مره يكذب وتصدقينه وتمشي الامور صمتك ماراح يفيد لانه زوجك راح يتعود على صمتك ويكمل هو لعبه وخيانته لكن اللي استغربته لو كان متزوجها بجد معقوله يرضا تكون ام عياله واطيه لهالدرجه اشلون يامنها علا بيته الله يهدي الجميع لما يحب ويرضا |
السلام عليكم
حبيت اطلعكم عالجديد امس في الليل جتني كاميرا هدية وبعدين قعدت اقلب فيها قالي عطيني اجربها اخذها وجربها وقالي مو حلوة صورها مو واضحة انا علطول استغليت الفرصة وقلتلة ايواللة صح صور البلاك بيري اوضح قالي ايش تقصدين قلتلة ما اقصد شي قالي انتي فتشتي جوالي سكت ومارديت علية قال اتكلمي عشان اوضح لك قلتلة ماطلبتك توضيح انا فاهمة على طول سوى هجوم واللة العظيم اشتريتة والصور فية (الصور بتواريخ مختلفة من 2011 وآخرها قبل عشرة ايام ) بس انا خليتها متعمد اعرف انك بتفتشين جوالي انا ولا رديت علية بكلمة حقررررررتة خلية يحتار انا بايش افكر ويعرف بالسكوت ابلغ من الكلام لان الكلام معاة ما منة فايدة |
كملي زعل .. من غير ماتفاتحينه بالموضوع .. خليه يعيش بحيرة
مايدري انتي عرفتي او لا ... ومتى ماجا الجوال في يدك .. امسحي الصور .. وبعد لاتناقشينه الين هو يفتح الموضوع.. انا مدري الى متى البنات يكونون علاقات مع المتزوجين ... اكره هالفئة .. |
أختي .. عنده برنامج محادثة بالتلفوون..؟؟ دام بلاك بيري يعني أكيد ..!! هالبنت أكيد ترسل له من هالبراامج ..!! كان الله بعونكِ .. والحجج اللي يعطيها إدانة له .. ما عندي إلا الدعاء له بالهداااية ...!! |
الله يهديج
لما قالج خليني اوضح لج ليش ماسمعتيه ليش ماعطيتيه فرصه يتكلم صمتك راح يحرقك انتي ويمكن اهو راح يستمر يفكر انك ماتدرين عن شي الصمت يولد الفجوه والفجوه تسبب ملل والملل يؤدي الهرووب والهروووب يعني ان تعمل مايحلو لك!! لاتوصلون لهذه المرحله لان اغلب الرجال لايفهم لغة الصمت ويمكن يستهبل انه مافهم!! اذا الموضوع انفتح مره ثانيه خليه يتكلم عطيه فرصه خلي يوضح لك البنت هاذي من خطيبته السابقه ، او من بنات برامج الاي فون والبي بي |
يا اختى هو يقسم الله لذا يجب تصديقه نعم حديث الرسول عليه الصلاة والسلام على تصديق من يقسم بالله .. البعض فسره على اليمين عند القاضى ولكن كثير من المسلمين يخافوا من القسم الكاذب وخصوصا اليمين الغموس والذى ليس له كفاره لذا صدقيه يا اختى وتحرى صدقه واذكرك يا اختى واذكر نفسى ان من تريد ان تصرف زوجيها عما يغضب الله عز وجل فتسعى الى زيادة تقواه وقربه من الله وتسارع هى لتكون القدوه والمعين له على القرب من الله عز وجل |
الله يعينك وييسر لكم اموركم
ويهديه للطريق الصالح يارب |
اشكر كل الي ردو على موضوعي اللة يجزيكم الخير ويعطيكم الف عافية
نااني انا ما اعطية فرصة يتكلم لانة مستحيل يعترف وجربتة كثييير قبل اكون متأكدة من الموضوع مية بالمية وشايفة بعيني ويحلف انة كذب ويألف قصص الحين قررت اوصل لة معلومة انة مايهمني ولا يفرق معاي يسوي اللي يسوية خلاااااص عافة الخاطر بس ما ادري اللي بسوية صح ولا غلط وايش بتكون نتايجة |
الله يعينك ي ررب وو بدات المشكلات الزوجيه هاه والشك والظن
انا بأععلمك ططريقة تكتشفي فيهآ وان شاء الله تفييد .. اذا كان زوجكك من النوععية اللي جالس بس بالبيت اجل اوثقي انها جت بالغلط .. اوم ان الولد نقلها بالغلط يوم كان مععاه الجووال وترينعادي حريم هالزمان تنشر عورتها من فوق لا تحت كل شئ جايز هالايام . . اما اذا كان زوججك يططلع كثير ويتأخخر فـليش لا يمكن متزوجها صارححيه بالموووضووع وقولي له و وريه الصور بععد بعيننه و قوليله وان اعترف لك ككان بها و ان لم يعترف تصرفي بطريقتك ي انك م تطيقيين و جه و تروحين من بيته او اذا انك قنوعه تقعدين محطيه يدك على خدك رأي وأبديته وششككرا جززيلا |
| الساعة الآن 06:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©