|
شوروا علي أحس بضيقة من زواجي !!
بسم الله الرحمن الرحيم
السلام عليكم ورحمة الله وبركاته أتمنى أن الجميع بخير ومبسوووط مشكلتي أن بداية زواجي كان يقولي ما أخذتك ألا عشان وظيفتك ولا كان أخذت بنت 17 مو كبيره مثلك وأنا احسن من غيري ما أخذت بطاقة الصراف !! وغير كذا أنا عندي ولد الله يحفظه و يبيني كل سنه أحمل يقول لأني كبيييييره على كلامه يالله ألحق اجيب عيال قبل أووووقف صراحه كلام يجرح ويعيده بين فتره والثانيه ما أدري ليه الرجال مثل كذا مايراعون الحريم أبوي ماكان يرحمني وألحين زوجي مارحمني ما عاد أحس بإستقرار بحياتي اخاف من اخاف من المستقبل كثيييييير ان رجعت لبيت ابوووووي ماراح ارتحت وان صبرت على زوووجي صبرت بقهرررري دائما افكر اجلس في بيت لحالي مع ولدي واتررررك العالم دلووني الله يخليكم ريحووووني |
الله يعينك يااختي والله كلام جااااااااااااااااااااااااااااااااااارح بقوة ماشاء الله مستحملة الله يزدك صبرر وقوة يارب
|
الله يعينك اختي .
وزوجك ذا . شكله مادي من الطراز الأول بدال لايقول خذتك عشان جمالك عشان اخلاقك . يقول عشان وظيفتك وين مراعات الأحاسيسْ !! مً عليه اختي اصبري والله مع الصابرين والله يلين قلب ابوك عليك . ويهدي لك زوجك ويقلل من تجريحه لك ودامه يبغاك تجيبين له عيال . الشكوى لله جيبي له , وترا المغثه راجعه عليه والله يعينك ويوفقك |
السلام عليكم ورحمة الله وبركاته
أختي كم عمرك وكم عمر زوجك؟ الله يسهل أمرك ان شاء الله |
حسبي الله ونعم الوكيل
كان تركتيه من اول زواجك مجرد ما سمعتي هالكلمه منه وبعدين هو ما حد ضربه على ايده وقاله يتزوج عشان الوظيفه يتشاطر ويشتغل هو ولا يتكل على الحريم زوجك صراحه مادي جدا بس بوضعك الان ما اعرف شو احكيلك اصعب شيء بالدنيا المعايرة والتحطيط من شان الشخص الله يعينك ... |
الل هيعينك عليه ويهديه
نصيحه مني لك امني مستقبلك انتي وولدك لو صار شي بكره يصير عندك شي الله ينصرك |
حبيبتى انتى تصرفين عليه لو لا؟؟
حاولى ماتعطيه أى شىء من راتبك جيبى قرض من البنك وأشترى أرض وتحججى بقسط القرض ولاتخليه يستفيد نهائى من راتبك أمنى مستقبلك جيبى أطفال ثانيه مو لخاطره بس لخاطر نفسك حتى لو أجالك يوم أجبرتى تنفصلين يكون ألك أطفالك حواليكى وألك بيتك يلمك والك راتبك ألى ماييخليكى تحتاجين حدا |
كل الذي اقدر اقوله لك ؛؛
كوني حذره ،، واحفظي حقوقك .. وتعاملي معه بذكاء .. كان الله في عونك |
حبيبتي ..
انتبهي على وظيفتك و صحتك و ولدك .. اصرفي فلوسك على دورات لنفسك لتعلم مهارات و غيره .. و اذا استفزك باي كلام، لاتردي عليه .. و اذا زودها، قوليله و أنا أخذتك بس عشان ( أجيب ) ولد .. و لا تحكي له اي شي يحصل لك ببيت اهلك عشان لا يستقوى عليك |
شوفي بمـا أن معـرفك على أسمـي برد عليـك ههههه
حبيبتي .. عبيـر الرياض .. قالى تعالى (( لقد خلقنـا الأنسـان في كبـــــد )) صــدقيني مافيه أحـد مرتاح .. مافيـه أنسـان الا وشايل في قلبه هم .. الدنيـــا مافيها راحـه .. الراحــــه في الجنــه .. ... أنا بقولك على خطوات بس توعدينـــــي تنـفذينهـا بالحـرف الواحــد.. يالله أوعـديني وش فيـك سـاااااكتــه وحاطه يدك على خدك هههه وربي ودي أضحكك لأنك شااااايله الدنيا فوق راسك وهي دنيـــــــــــــــا .. المهـم .. الخطــوااات .. 1 ) صلــواتك تكون على وقتهـا لاتتأخـرين عنها دقيقـه وحــدة .. وبعـد ماتخلصيـن من التشهـد الأخيـر أرفعي يدينك .. وكرري ..اللهـم أني أبث اليك شكـواي وحـزني وهـواااني على النـاااس .. اللهــم أني لا أملك لاحول ولاقووووه في امـري .. اللهــم يامن قوتك أكبــر من أي قوه في هذا الكـون .. اللهـم يامن تملك قلب زوجي وأمره بين يديـــك اللهــم سخر لي قلب زوجـي وكـررررررررريهــــا .. 2 ) خصصـي صنـدوق في غرفة النوم وكل يوم بعد ماتخلصين من صـلاة الفجـر تصـدقي في الصنـدوق لو بريال واحـد .. وبعد شهر كامل من جمع المبلغ أسألي عن أي عائله محتاجه وتصـدقي في هالمبلغ لهم.. اذا رحتـي للسـوق تصدقي على العاملات اللي في دورة الميـاة (( وأنتم بكـرامه )) 3 ) لاتتــركيــن قيــــــــام الليـــل .. لاتستهينــيــن في الدعــــاء آخـــر الليل ., في الوقت الذي ينزل به الله تعالى ألى سمـاء الدنيـا نزول يليـق به .. في هالـوقت قولــي كل اللي بقلبك لله في سجـودك فـ أقرب مايكون العبد لله وهو ســاجد .. 4) بـــري في والديـك مهمــا قســــوووا بل ضــاعفي في برك لهم فـ والله لن تنالي سعـادة الدنيا الأ في برهـم .. فـ رضى الله من رضى الوالــدين .. وأحتسبي كل ماتلاقينـه لوجـه الله وأبتغـاء فضلــه .. 5 ) لاتضيعيــن ساعة الأجــابه في يوم الجمعـه .. فقد خســر من أضااعها .. 6 ) ذكــر الله لاينقطع عن لسـانك ليلا ونهـارا فمـن أكثر من ذكر الله أعطاه الله أكثـر ممـايريد .. 7) أذكــار الصبـاح والمســاء أهتمـــي بهـا جيــداااا مع الوقت ستلاحظيـن فائدتها .. .. غاليتي .. أعملـي بهذه الخطـواات لمـدة شـهريـن كــــامله ..دووون فتووووووور .. وأنا وااااثقه بالله أنه مـاراح يردك خــائبه .. .. أسال الله العلي العظيـم .. أن يفرج همك ويسـعد قلبـك ويسـخر لكي زوجـك .. .. |
عبير -لا تردين عليه، وصدقيني إن كان فيه ذرة رجولة سيخجل من نفسه في المستقبل. - هناك أشخاص مهما كانت شخصياتهم نحن ملزمين بالتعايش معها. حاولي قدر المستطاع التعايش معه. قومي بحقوقك كاملة تجاهه، وفي نفس الوقت أخلقي لك جو خاص أنت وأبنك. أشغلي نفسك بالأعمال المنزلية أو التجارية أو التطوعية ، أكملي دراستك، سجلي بأندية الأهم لا تجعليه هو محور حياتك. ومتى ما أكرمك أكرميه وأكثر ، أما إن استمر باهانتك أشغلي نفسك بأمور مهمة. كذلك كلام الأخت "عيوني تحكيني" جميل جدا حاولي تطبيقه. يسر الله أمرك |
اقتباس:
|
خوذي اجازه شهر .. وقولي له انك تركتي الدوام وشوفي كيف تصرفه ...؟؟
هل بيعاملك نفس تعامله معك .. او بتتغير ...!! وبكل الحالتين الطلاق انسيه اذا انتي كبيره مثل مايقول فيه بنات اعمارهم 17 وكأنها كبيره ممله ماتهتم بنفسها وثقيلة دم وفيه حريم اعمارهم فوق 40 ونفسيتها واناقتها كأنها صغيره .. ا اهتمي بنفسك مو عشانه هو اهتمي بنفسك عشانك انتي .. ولاتسمحين له يعدم نفسيتك .. واذا قالك انا تزوجتك عشان وظيفتك .. قولي له وانا تزوجتك لأني ابي زوج عزوة ودامك تحطمني مااابي منك الا عيال يكونون لي عزوة وجزاك الله خير .. وعيشي حياتك طبيعيه جدا .. وبعدين انتي تقولين انه يقول ابي تنجبين لي اطفال .. هذا يعني انه يبيك تكونين ام لعياله .. والرجل اذا كره زوجته كره الاطفال منها .. طنشيه وخليه يقول اللي يقول .. وبعدين شي حلو تكونين متزوجة عشان اذا طفشتي تلقين واحد تطقطقين على راسه وتتهاوشين معه ويصير اكشن بحياتك مره زعل مره وضا وهكذا .. لكن اذا صرتي مطلقه اذا طفشتي تتهاوشين مع مين ؟؟؟ خخخخ موفقه |
الجىء لله يا اختى الكريمة واكثرى من الدعاء ان يألف الله عز وجل ما بين قلوبكم ولكن لا مانع من بعض التمنع عندما يقول لك هذا الكلام ويجب ان يشعر انك الزوجة المحبة التى تعفة اذا كان يتقى الله فيك اما غير هذا فكونى فى منتهى البرود معه ولا تلبى له اى طلب الا ما فرض الله عز وجل |
إنت أكثر وحدة بمصلحتك فين....
فكري زين وصلي وادعي والله يكون في عونك وتذكري قول الله تعالى: ( إن مع العسر يسرا) إنت شايفة اايسر مع العسر مو بعده ولا شئ معه طمنينا عنك دمتي بود عزيزتي |
لاتأخدي كلامه على محمل الجد إذا كان قالها في وقت يريد أن يستفزك ويسبب لك الازعاج
وما عليك منه تعاملي معه بما يرضي الله وربي ابنك وإن قدرالله لك ذرية مرة أخرى فاحمديه واشكريه لأن زوجك وإن تزوجك على قبل الوظيفة فإنه سبب في وجود أولادك يملؤون عليك حياتك ولا تجعليه محور حياتك وبما أنه يريد ذرية منك فهو يريدك |
يالله ياعبير انتِ مثلي تماما كأنك تتكلمين عني بالضبط نفس الكلام اللي كان يقوله لك كان يقوله لي بس الصراف واخذتك لوظيفتك ما قالها بس كان يلمح اني ادفع معه كثير وانا مخطوبة وماقدرت اتحمل كلامه وفسخت خطوبتي مباشرة لانه اكثر من مره يردد علي هالكلام
|
بصراحة ما له حق يقولك هذا الكلام الجارح
والاخوان كفو ووفو جزاهم الله خير ولكن لي ملاحظة وارجو ان لا تزعلي مني فصديقك من صدقك وليس من صدقك (اي من قال لك الحقيقة وليس من وافقك الراي فقط ) وانا راح اكون صادقة معك وانصحك بالي انصح فيه نفسي واخواتي لا ادري ما هو عمرك ولكني ارى الابناء هم العمود القوي للمراه ان اصلحهم الله لذالك ان كنتي فوق الثلاثين فاحملي سنه والسنه الاخرى ارتاحي على الاقل يجيك 3 ابناء انتبهي تاخذك حب الراحة على التفكير في المستقبل ابني مستقبلك وقوتك بابنائك ووفقك الله |
بعد انا ما انصحط بالانفصال مالك الا رب العالمين والدعاء
|
عبير إنتِ مازلتِ صغيرة مادخلتي الثلاثين خليه يتكلم لين يشبع بس لا يحس إنه نقطة ضعف عندك
صدقيني إنتِ تقدرين تحسسينه بهذا الشي ويستقوي عليك وتقدرين تهجدينه بطريقة تخليه يحسب لك حساب أهم شي بقوله لك حبي نفسك ولا ترهقيها الأولاد نعمة من ربي صحيح بس مو احنا في سباق ولو نفرض إنك وصلتي 35 الله أكبر يعني فيه حريم خصبات توصل 45 وهي تحمل وتنجب هذا بأمر الله الرجال اللي من هالنوعية يبي له وحده تعرف متى تتكلم ووش تقول بكل هدوء وحكمة اجلسي مع نفسك وفكري بهدوء وكلميه وفهميه عن كل شي داخلك وبأسلوب حلو وواثق وإن شاء الله يتغير الوضع |
اختي عبير انتبهي على نفسك انا نفس مشكلتك وعندي ولد منه وموظفه ويعايرني بسني ونه ماخذاني الا عشان راتبي ...ونفس الشي يبغاني احمل وراء بعض عشان يورطك بالعيال ويبتزك ويساومك فيهم لاتحملين لحد ماتتاكدين من وضعك ضحيه وحده تكفي...ماخذونا الا عشان رواتبنا مفكرينا انا ماتاخرنا بالزواج الا لان ماحد جانا ومفكرينا ميتين على وجود رجال بحياتنا ومستعدين نعيش من دون كرامه وراح نسلمهم كل شي فقط عشان نعيش بعصمتهم مالت عليهم..يحبون المال حبا جماااااااااااااااااااااااااا ومستعدين يسون كل انواع الاجرام بس عشان يوصلون لاموالنا..اهو يعايرك عشان يحطمك ويدمر نفسيتك وراح يدمرك بعيالك وبكل شي وبيسحقك لحد ماتصيرين تحت رحمته انتي وكل ماتملكين حسبي الله عليهم من رجال المشكله مافي قانون ينصفك ويوققفهم عند حدهم
|
اتمنى ماتزعلي من كلامي
حسب ماكتبتيه لنا فهو دنيء نفس وقليل حياء وغير محترم |
اقتباس:
برافو عليك...تعجبني البنت الذكيه الي عندها نظره مستقبليه وتفكر زين مازين...وصدقيني لو تميتي هذا الزواج كان تعبني نفسيا وجسديا ...لان راح يكرر عليك الكلام طول العمر بالاضافه للاهانات والذل والمقارنات...صدقيني ابو طبيعه مايغير طبعه...بدليل النماذج الي نشوفهم في الواقع ومن خلال القصص والمشاكل هنا... وانتي يااختي صاحبة الموضوع...ماشاء الله عليك عندك قوة تحمل...من بداية الزواج قايلها لك ومعترف انه مااخذك الاعشان الوظيفه ...وقتها المفروض تسحبين عليه الى الابد وماتورطين عمرك بولد وكان ممكن تمنعين الحمل باي مانع.. عموما انتي موظفه ومنتي محتاجه لاحد ولله الحمد ...وزوجك وقفيه عند حده يايحترمك يا يتركك في حالك...الحياه الزوجيه ماتمشي بدون الاحترام والي مثل زوجك غدار وماله امان يبيك تجيبين درزن عيال وبعدها يروح يجيب الثانيه على راسك وانتي تتحملين عيالك وتصرفينهم وهو يصرف على ست الحسن.. بكيفه يسوي الي يبيه بس يفكك من لسانه وتجريحه...ترى اهم شي في الدنيا الراحه النفسيه..والكرامه... |
| الساعة الآن 09:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©