|
كيف أتخلص من طبعي أرجو السماعده
السلام عليكم ورحمة الله وبركاته .
اخواني و أخواتي رواد هذا الصرح الشامخ . أنا لدي مشكلة ولا أعرف كيف اني أتخطاها .. اتعبتني كثير وأرهقتني .. انا متزوج من ثلاث سنوات تقريباً .. ويعلم الله أني انسان مرتاح مع زوجتي وأحبها حباً جما وأعلم انها هي تبادلني نفس الشعور أو إنها تحبني أكثر من حبي لها و تسعى دائماً على راحتي و سعادتي .. والجميع يعلم أن لابد من المشاكل العابرة وهذا أمر طبيعي بين الزوجين . مشكلتي أني انا شخص لا أستطيع أني أقول لزوجتي يابعد عمري ياحياتي ومن هالكلام الطيف .. أحس فيها لما اتجاهلها و أدري اني أكسر بخاطرها بس أقسم بالله اني اتعذب ما أقدر و أعجز عن خروج هذه العبارات من لساني ولا كن يعلم الله اني ارددها بيني وبين نفسي , لما هي تتعب من شغل البيت تجي وتقولي اني مقصره و مرهقه وانا يربط لساني ولا اقدر اقولها يابعد عمري بسم الله عليك من هذه العبارات مع اني اسمعها دائماً توجها لي في حالت أني اكون تعبان و لها تأثير قوي على نفسي . أرجوكم أريد المساعده أيردكم ترشدوني كيف اتغلب على نفسي وعلى طبعي |
مم م م م م
قف امام المرآة وحاول اقول طيب لا سمح الله انو وقت تكون معصب من زوجتك الا يخرج منك كلام وووو نفس الامر هو اصعب مره اول مره ومن ثم عادي تتعود انت قف وقل لها انعقد لساني عاجز عن التعبير لك وانتظر وقل لها احبك يعطيكي العافيه مثلا في العمل مرؤسك وا اي شخص تتعامل معه الا تشكره هي نفس الامر انما اتعلم والله فرحت في موضوعك كثيرااااااااااااااااااا انا بارك الله فيك واكثر الله من امثالك وادعو الله ان ينطق لك لسانك لتشكر به زوجتك اللهم احفظه لزوجه واحفظ زوجه له |
ذكرتني بوضعي مع امي كنت استحي مررة اني اقلها احبك او ياحياتي او يا اغلى ما عندي او ياست الحبايب ..يعني الكلام الحلو والموضوع كان متعبني جدا
بس بديت الحل بخطوات صغيرة صرت اهديها كل اسبوعين هدية ومعاها بطاقة اعبر فيها عن حبي ومكانتها عندي .. وبعد شهر ونص غيرت اسمها في الجوال وسميتها ست الحبايب واتعمدت انها تشوفها ..كل هذه الخطوات عشان اعالج نفسي واكسر الحاجز ..وبعدها صرت امدح في امي وانا اتكلم معاخواتي بس بطريقة فكاهيه وضحك ..وشويه شويه صرت قولها طبعا انتي عارفة انك اغلى شي عندي .. واكيد انااحبك .. صعبة انك تقولها على طول احبك وياعمري و.. بس ابدا زيي بخطوات صغيره تكسر بها الحاجز يعني اذا عجبك شئ منها على طول رسلها رساله تعبر فيها شعورك ..وبعدها ممكن ترسل احد من اطفالك ينقلها الكلام اللي في خاطرك مثلا ..ابوي يقولك انتي حياتي وحبيبتي ..وبعدها تغمض عينك وتقول لها هههههه ومع الوقت تصير عادي ..نحن الحريم الكلمة الحلوة من الزوج احلللى واغلى من اي هدية وزوجتك تستاهل تسمعها منك |
عود نفسك لمدة اسبوعين في اوقات معينة على الكلام الي بدك تقولة لزوجتك وبالتالي ستتعود ... بس ضروري مدة الاسبوعين تكون مركز في الاوقات او المواقف انك تعطي الكلام الحلو وبعدين ستلاحظ انها اصبحت عادة يومية لك وستستمر عليها الى النهاية ... من مجرب
|
ابدأ اولآ بالدعوات الطيبة ثم انتقل تدريجيا إلا كلآم الرومنسي
مثلا الله يعطيك العافية يالغالية الله لايحرمني منك الله يجزاك خير ... |
لازم تكسر حاجز الحيااء
وانت حط ببالك انك قدها وقدود وراح تقولها بأي يوم وعساك علا القوه . والله يوفقك |
[QUOTE=(سوسو);2756655]ذكرتني بوضعي مع امي كنت استحي مررة اني اقلها احبك او ياحياتي او يا اغلى ما عندي او ياست الحبايب ..يعني الكلام الحلو والموضوع كان متعبني جدا
بس بديت الحل بخطوات صغيرة صرت اهديها كل اسبوعين هدية ومعاها بطاقة اعبر فيها عن حبي ومكانتها عندي .. وبعد شهر ونص غيرت اسمها في الجوال وسميتها ست الحبايب واتعمدت انها تشوفها ..كل هذه الخطوات عشان اعالج نفسي واكسر الحاجز ..وبعدها صرت امدح في امي وانا اتكلم معاخواتي بس بطريقة فكاهيه وضحك ..وشويه شويه صرت قولها طبعا انتي عارفة انك اغلى شي عندي .. واكيد انااحبك .. صعبة انك تقولها على طول احبك وياعمري و.. بس ابدا زيي بخطوات صغيره تكسر بها الحاجز يعني اذا عجبك شئ منها على طول رسلها رساله تعبر فيها شعورك ..وبعدها ممكن ترسل احد من اطفالك ينقلها الكلام اللي في خاطرك مثلا ..ابوي يقولك انتي حياتي وحبيبتي ..وبعدها تغمض عينك وتقول لها هههههه ومع الوقت تصير عادي ..نحن الحريم الكلمة الحلوة من الزوج احلللى واغلى من اي هدية وزوجتك تستاهل تسمعها منك QUOTE] أوافقك 100% قلتِ كل اللي كان ببالي ..وأفكارك كثير ومنوعة ما شاء الله :)[/ |
ما يحتاج الموضوع صغيرون
هو الظاهر انك منت متعود على هالكلام من اول يعني نفس البيئه اللي انت عايش فيها مافيه مثل هالكلام او ان هالشي راجع لشخصيتك وانا كذا ما احب اقول لحد ياعمري ولا ياقلبي ولاشي بعدين لما تعرفت على صديقاتي وهم دايم يقولونها لي وتعودت معهم وصرت اقولها اول مره حسييت ان شكلي غلط وانا اقولها بعدين اخربتها وصار الوضع عادي يعني انت قولها مره وخلاص حرام مسكينه هي وش دراها انك ما تقدر تقولها هي بتفكر تفكير ثاني انك ما تحبها فهميت روح وتحد نفسك تقولها وتنتهي المشكله الله يخليكم لبعض |
أحد الاعضاء سبق وطرح مشكلته وهي قريبة من مشكلتك
وساعدوه الاعضاء الله يجزاهم خير على كسر الحاجز بأفكار سهلة ورائعة رجع بعد فترة يخبرنا عن سعادته وراحته ... للاسف ما وفقت في البحث لاني داخله من الجوال .. اتمنى اللي يقدر يجيب موضوع الاخ اللي انفكت عقدته بالباونتي لايقصر .. |
اقتباس:
مراحب , حاولت كثير ولاكن مع الأسف الشديد دون فائدة .. جبت دفتر صغير ( دفتر ملاحظات ) وحطيته على الطاولة بجانبها على السرير وبين فتره وفتره أفتح الدفتر و اكتب لها كلام و أعبر لها عن مابي داخلي تجاه زوجتي و اكتب لها عن أعجابي فيها ولاكن بالكتباة فقط لاكن بالسان عجزت احس ان لساني يربط ما اقدر اكلمها للمعلومية ماهي قصة اني استحي لا والله بس انا هذا طبعي وعجزت اغيرهـ . اذا عجزت عن الكلام امامها وهي ذهبت مني اعرف انها شايله بخاطرها واني كسرت خاطرها بس قسم بالله انه ماودي اسوي كذا وعجزت مرة مرة مرة ,, مع الجميع سواء بالعمل أو غيره اشكرهم جميعاً بس مع زوجتي عجزت بالمره انا هالموضوع متعب تفكيري جداً مابي احسسها اني مقصر معها بس ماهو بيدي .. شكراً اختي الكريمة على دعائك والله لا يحرمك الأجر أتمنى ان اجد الحل |
الرجل يميل كثير للتعبير عن حبه مادياً وفعلياً وليس عاطفياً
بس مع البنات ترى هذا الامر ما يخارج ابددد اكسر هذا الحاجز كسروا راس شيطانك.. خل لسانك ينقط عسل.. وربي هذه النوعية من الزوجات تنحط على الراس وحقها تمطرها شلالات اطراء وشكر وتدليع وانت راجع للبيت جيب وردة .. تراها ابلغ من الف كلمة ارسل لها مسج حلو انت كاتبه بيدك اذا كنت خارج البيت خلها تحس انها بقلبك حتى وانت بعيد عنها.. الزوجة اللي مثل كذا المفروض تجازيها وتغير من لسانك حرام عليك هذي انثى تؤثر فيها الكلمة والهمسة ومن حقها عليك انك تتغير للافضل عشانها ... فهمت.. عشااااااااااااااانها اكتب لك كم كلمة ورددها.. مو شرط تقول يا قلبي قول يا قلبوووو دلع اسمها بالتصغير وبالتجزيء وبالاختصار خلها تحس انك مهنيها بحياتها مثل ماهي مهنيتك انت تقدر تسوي كل شي بس ابدأ ومارح تغلب |
بسيطه
ليش ماتخليها تشوف موضوعك ذا ؟؟ خلاص تعرف انك تعاني من اجلها والطريقه ذي راح تغنيها عن كل الكلام الحلووووو لانها بتعرف ان بداخلك الكثير لاجلهااا |
شوف يا اخي والله احلى شي عند الزوجه الكلام الحلووووووووو
بقول لك على شي خربها وبقوه وراح ينكسر الحاجز وعلى مسؤليتي خلك جريييييييييييييييئ اذا دخلت البيت ضمها وقول اشتقت لك وبعدها ستحدث المعجزه مشاعرك ماراح تمسكهااااااااااا ابد كذا احسن لا رسالة جوال ولادفتر ملاحظات مباااااااااشره على طول وفي علمك كذا احلى واحلىىىىىىىىىىىىى واحلى للتعبير والله بيصير شي عااااادي بعدها اسال مجربه الله يحفظكم و يخليكم لبعض |
اخي اطلع عالرابط التالي
مشكلة الاخ نفس مشكلتك و انحلت لله الحمد http://www.66n.com/forums/showthread...C7%E6%E4%CA%ED وهذه مستجداته .. ربي يوفقهم و يسعدهم http://www.66n.com/forums/showthread.php?t=230136 |
ارسلها ياها برسايل
ورقية او جوال وشوي شوي تتعود بس مهم تعود نفسك نصيحة مفعولها على النساء زي السحر |
اقتباس:
الله يسعد قلبك |
جوالب ..
تسلمي يااعسل انتي اللي كددددا :) مشتاقين لابداعااتك |
كان عندي نفس مشكلتك في ايام خطوبتي كنت اتدرب قدام المرايه وبالتدريج صرت اتخيل مواقف تصير لي واتخيل نفسي اقوول كلام حلووو وانا رومنسية بطبعي بس خجولة وما اعبر بالتدريج صرت اقولها بالجوال بس ما اوااجه بها وبالرسايل بس تزوجت صار الامر طبيعي عندي وصرت اقوولها وبكل جراة وعيني في عينه
|
بسيطه ...
قلّها انك من الاشخاص اللي يُعبر عن حبه بالافعال لا بالاقوال .. واسألها هل افعالك تدل على انك ماتحبها ؟؟؟؟ بجوابها هي رح تعرف انك تحبها ... ودامها مااشتكت لك اكيد انها عارفه طبعك .. والطبع يغلب التطبع أغلب الرجال مثل طبعك وزوجي مثلك بالضبط .. لكن تكفيني افعاله ..واعتدت على وضعه مع ان العبارات هذي لها وقع بالنفس و فيها رفع معنويات .. لكن اذا تذكرت ان محاسنه تغطي على سيئاته .. اقتنع واسكت التعامل مع الرجل صعب جدا .. والله يعينا عليكم : ( والله يديمها بينكم .. |
تويتر اختي بالعكس المرة بطبعها تحب تسمع عبارات الحب والاطراء هذا يعطيها طاقة قوووية عشان تمارس حياتها الزوجيه وتادي واجبتها على اكمل وجه وانا اشوف نفسي قبل غيري احب زوجي يدلعني ويقول لي كلام حلوو وعلى فكرة ترى اذا شافت فلانة وعلانة في مجتمع الحريم ينكسر خاطرها وتتالم لوضعها معليش صعب التغيير في يوم وليلة بس حاول حط لك دفتر وسو لك برنامج او جدول بالتدريج من الكلمات الاضعف الى الاقوى مثلا اليوم رسلت لها رسالة تحط صح جنب خانة الرسايل ويوم ثاني قلتلها حبيبتي ناديتها يا حبيبتي نفس الشي تحط اشارة صح جنب الكلام الحلوو وهيك حتى تتحمس وتعود نفسك اذا تخجل تحط عينك في عينها حاول تضمها بحيث انك ما تتواجه معاها بالعين وقول الي بخاطرك الين تتعود وعلى فكرة ترى لغة العيون ابلغ من ااااااي لهجات الحب في العالم خلك بس دقيقتين مناظر في عينها وشوف النتيجة من غير ما تتكلم حتى جرب وبتشوف نتائج روووعه هذا الكلام من واقع تجربتي الخاصه لاني اشتغلت على نفسي شغل في اايام الخطوبة ههههه
|
اخووي اي استفسار انا حااضرة لاني بصرااحه ومن غير مجاملة انتقلت نقلة عظيييييمه فترة زواجي من قمة الجفاء الى قمة الرومانسية وطلعت طاقات جباااارة كانت مدفونه في داخلي ههههههههه
|
شدني موضوعك مرررررة لاني اعيش العكس ... فانا اشوفها فرصة عظيمة انو اقدر اسال و افيد و انشالله استفيد .... اولا انا نفسي اسال هل اسباب الطبع هذا ماضي معين خبرة سابقة حياة اولى اثرت على مستقبلك الحالي ...؟ هل تبوح بمشاعرك العكسية ... ؟ هل بتبوح بمشاعرك الطيبة في غير البيت ؟ هذي اسالة احتاج اعرفها تفيدك انت اولا لايجاد قرارات تغيرك للاحسن الان وجهت نظري في اسلوب التغير ... ترا انا اعتقد و بشدة ان كل طبع قابل للتغير الى نسبة كبيرة .... يعني اساسنا"لعلم بالتعلم و الحلم بالتحلم " ... يعني ترا النية الاساسية تبداء منك ... (إنما الأعمال بالنيات وإنما لكل امرئ ما نوى) فهذا تعهد في الحديث انو لك ما نويت .... الشيء الثاني اللي يدل على ان الواحد فينا يقدر يكون احسن ... الاذكار استغفر الله 100 مرة او سبحان الله و بحمدة 100 مرة ترا هذي الاذكار الاحسن انها تتم بخشوع و حضور قلب ... بس احب ابشركم ان الواحد فينا يؤجر عليها حتى لو مافي خشوع و كذا ... ليييييش... عشان من رحمة الرحيم يبغانا بفضله نتعود عليها مع الوقت ... الفايدة ... انو نفس الموضوع في حالتك طلع و قول الكلامات الطيبة و الحسنة و بالغ فيها الا يجي يوم يصير الموضوع بجد و بمشاعر ... و اذا انت نويت و بغيت "بعد مشيئة المنان" و بادرت باقوالك و افعالك ... والله ليجي يوم و توصل لمرادك و الحياة السعيدة انشالله ... لان ترا محد يستاهل من الناس الحب و المشاعر و الاحترام بعد الوالدين الا زوجتك .... "ربنا اته في الدنيا حسنة و في الاخرة حسنة " |
ههههههههه يَ ليل الرومانسية والعععذاب
اوككي ْ انا اععطيك حل ادخل الحمام > اععوذ بالله من الشيطان الرججيم اقققصد ادخل اي مككان و اقعد ردد العععبارات العاطفية وأذآ شفتها تتألم من شغل البيت وككذا حاول تقولها عععادي ياخي وش فيها تراها زوججتك وامم ععيالك بَس بالاول سَو معاها اشياء عاطفية فعليه وبعدين الدأ بالعاطفية القوليه واذا كنت تفضلها مع بععض بتككون أححسن خخخخخ |
الصراحه ما عندي شي اقوله اكثر من كلام الاخوه والاخوات اللي علقو على موضوعك
لكن حابه اقول انك اذا حاولت رح تطلع منك احلى الكلمات يكفي انك حاسس بهذا الشي والله لا يحرمكم من بعض |
| الساعة الآن 08:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©